နိုင်ငံတကာလွှတ်တော်ပါလီမန်များနှင့် ပူးပေါင်းပါဝင်ဆောင်ရွက်နေသည့်ကိစ္စရပ်များ ဆွေးနွေး

နေပြည်တော် ဒီဇင်ဘာ ၃ဝ 

ပြည်သူ့လွှတ်တော် ဒုတိယဥက္ကဋ္ဌ ဦးတီခွန်မြတ်သည် ဆော်ဒီအာရေဗျ ဘုရင့်နိုင်ငံ သံအမတ်ကြီး H.E. Mr. Sahal Moustafa Ahmed Ergesous အား ယနေ့ နံနက် ၁ဝ နာရီ တွင် နေပြည်တော်ရှိ လွှတ်တော် အဆောက်အအုံ ပြည်သူ့လွှတ်တော် ဒုတိယဥက္ကဋ္ဌရုံး ဧည့်ခန်းမ၌ လက်ခံ တွေ့ဆုံသည်။
တွေ့ဆုံစဉ် ဆော်ဒီနိုင်ငံနှင့် မြန်မာ နိုင်ငံအကြား ချစ်ကြည်ရင်းနှီးမှု တိုးမြှင့် ရေး၊ ပူးပေါင်းဆောင်ရွက်ရေးဆိုင်ရာ လုပ်ငန်းများနှင့် လွှတ်တော်၏ ဥပဒေပြု ရေးဆိုင်ရာကိစ္စရပ်များ၊ နိုင်ငံတကာ လွှတ်တော်ပါလီမန်များနှင့် ပူးပေါင်း ပါဝင်ဆောင်ရွက်နေသည့် ကိစ္စရပ်များနှင့် စပ်လျဉ်း၍ ဆွေးနွေးခဲ့ကြသည်။
(သတင်းစဉ်)

အားကစားလောကတွင်း အကောင်းနဲ့ အဆိုးနှစ်ရပ်လုံးကို ခြယ်မှုန်းခဲ့တဲ့ ၂ဝ၁၆

၂ဝ၁၆ ခုနှစ်အတွင်း ဖြစ်ပျက်ခဲ့တဲ့ အချို့သော အားကစားလောက အဖြစ်အပျက်တွေဟာ တကယ့်ကို လွမ်းမောဖွယ်ရာ၊ ကြည်နူးဖွယ်ရာတွေဖြစ်ခဲ့ပြီး ဒီလို အနိမ့်အမြင့်ကြုံတွေ့ရတာကပဲ လူ့လောကနဲ့ နီးစပ်တာကြောင့် လူသားတွေ အားကစားကို သဘောကျနှစ်ခြိုက်ကြတာလို့လည်း ယေဘုယျကျကျ ယူဆလို့ရပါတယ်။ နှစ်တစ်နှစ်အတွင်း မြောက်မြားစွာသော အဖြစ်အပျက်တွေအများကြီးဖြစ်ခဲ့တာကြောင့် ထူးခြားမှုတွေအများကြီးလည်း တွေ့ရပေမယ့် မြန်မာ့ စာဖတ်ပရိသတ်တွေ ပိုပြီး မှတ်မှတ်ထင်ထင်ရှိခဲ့တဲ့ အကြောင်းအရာအချို့ကိုသာ ၂ဝ၁၆ ခုနှစ် တစ်နှစ်တာမှတ်တမ်းအဖြစ် ထုတ်နုတ်တင်ဆက်လိုက်ရပါတယ်။

ဆူဇူကီးဖလားပြိုင်ပွဲကြောင့် အသက်ဝင်ခဲ့တဲ့ မြန်မာ့ဘောလုံးလောက
မြန်မာနိုင်ငံက အရှေ့တောင်အာရှ အမြင့်ဆုံးပြိုင်ပွဲတစ်ရပ်ဖြစ်တဲ့ ဆူဇူကီး ဖလားကို အိမ်ရှင်အဖြစ် လက်ခံကျင်းပခွင့်ရခြင်းနဲ့အတူ မြန်မာ့ဘောလုံး လောကက မြန်မာပရိသတ်တွေရဲ့ စိတ်ဝင်စားမှု အာရုံကိုလည်း ပိုမိုလှုပ်နိုး နိုင်ခဲ့ပါတယ်။ မြန်မာ့လက်ရွေးစင်အသင်းက ပွဲဦးထွက်မှာ ဗီယက်နမ်ကို ရှုံးနိမ့် ခဲ့ပေမယ့် ကမ္ဘောဒီးယား၊ မလေးရှားအသင်းတွေကို အနိုင်ကစားပြီး အုပ်စု ဒုတိယနဲ့ အကြိုဗိုလ်လုပွဲအဆင့်ကို ၂ဝဝ၄ ခုနှစ်နောက်ပိုင်း ပထမဦးဆုံးအကြိမ် တက်ရောက်နိုင်ခဲ့ပါတယ်။ မြန်မာအသင်းက ထိုင်းအသင်းကို နှစ်ကျော့ပေါင်း ခြောက်ဂိုးပြတ်နဲ့ ရှုံးနိမ့်ခဲ့ပြီး ဗိုလ်လုပွဲတက်ရောက်နိုင်ခြင်းမရှိပေမယ့် ပရိသတ် တွေရဲ့ ချစ်ခင်မှုကိုတော့ အပြည့်အဝရယူနိုင်ခဲ့ပါတယ်။
မြန်မာတိုက်စစ်မှူး အောင်သူရဲ့ ခြေစွမ်းက အရှေ့တောင်အာရှက ပြိုင်ဘက်တွေကို သတိပေးနိုင်ခဲ့သလို မောင်မောင်လွင်၊ မျိုးကိုထွန်း၊ သန်းပိုင်၊ ဇော်လင်းထွန်းတို့ရဲ့ ခြေစွမ်းတွေကလည်း အသိအမှတ်ပြုဖို့ ကောင်းခဲ့ပါတယ်။ အောင်သူဆိုရင် ပရိသတ်တွေ ကိုယ်တိုင်မဲပေးရွေးချယ်တဲ့ ဆူဇူကီးဖလားရဲ့ အကောင်းဆုံး လူငယ်ကစားသမားဆုကိုပါ ဆွတ်ခူးနိုင်ခဲ့ပါတယ်။ ဒါ့ကြောင့် မြန်မာအသင်းအနေနဲ့ ဒီတစ်ကြိမ်မှာ အကြိုဗိုလ်လုပွဲအဆင့်နဲ့သာ ကျေနပ်ခဲ့ရ ပေမယ့် နောက်လာမယ့် ပြိုင်ပွဲတွေမှာတော့ အခုထက်ပိုမိုမြင့်မားတဲ့ ရပ်တည် ချက်တစ်ခုရရှိလိမ့်မယ်လို့ မျှော်လင့်ရပါတယ်။

အလှည့်အပြောင်းများတဲ့ စီရိုနယ်လ်ဒိုနဲ့မက်ဆီကြားက ကံကြမ္မာ
၂ဝ၁၆ ခုနှစ်အတွင်း စီရိုနယ်လ်ဒိုနဲ့ မက်ဆီရဲ့ ကံအလှည့်အပြောင်းကတော့ ဆန့်ကျင်ဘက်လို့ဆိုရမယ့် အနေအထားပါပဲ။ ပြီးခဲ့တဲ့ ဇွန်၊ ဇူလိုင်လတွေ အတွင်းက ဥရောပမှာ ယူရိုဖလား၊ အမေရိကန်ပြည်ထောင်စုမှာ ကိုပါအမေရိက ဖလား ကျင်းပခဲ့တာကြောင့် မက်ဆီရော စီရိုနယ်လ်ဒိုရော ကလပ်အသင်း တွေအတွက်သာမက နိုင်ငံအသင်းအတွက်ပါ ပြိုင်ပွဲကြီးတွေ နွှဲခဲ့ရပါတယ်။ အာဂျင်တီးနားအသင်း နိုင်ပွဲတွေဆက်ပြီး ဂိုးတွေ တဒိုင်းဒိုင်းသွင်းနေတဲ့ မက်ဆီကို မီဒီယာတွေက ဂုဏ်ပြုရေးသားနေတဲ့ အချိန်မှာ ပေါ်တူဂီအသင်း ယူရိုပြိုင်ပွဲ သုံးပွဲဆက်သရေရလဒ်ကြောင့် စီရိုနယ်လ်ဒိုကတော့ ဝေဖန်မှုတွေ ကြုံတွေ့နေရချိန်ဖြစ်ပါတယ်။
မက်ဆီရဲ့ အာဂျင်တီးနားအသင်းက ဗိုလ်လုပွဲမှာ ချီလီကို ရှုံးနိမ့်ပြီး ဒုတိယဆုနဲ့ ကျေနပ်ခဲ့ရပေမယ့် စီရိုနယ်လ်ဒိုရဲ့ ပေါ်တူဂီက ဗိုလ်စွဲဖို့ ထိပ်ဆုံး မှာ ရေပန်းစားနေတဲ့ ပြင်သစ်ကို နောက်ကောက်ချပြီး ပေါ်တူဂီနိုင်ငံ အသင်းအတွက် ဥရောပချန်ပီယံဘွဲ့ကို ပထမဦးဆုံးအကြိမ် ဆွတ်ခူးစေခဲ့ပါတယ်။ ပေါ်တူဂီအသင်းဟာ အုပ်စုပွဲစဉ်သုံးပွဲလုံး သရေရလဒ်သာ ရရှိခဲ့ပြီး အကောင်းဆုံး တတိယအသင်းအဖြစ်သာ ၁၆ သင်းအဆင့် ရှုံးထွက်ပွဲစဉ်ကို တက်ရောက်လာခဲ့တာဖြစ်သလို ဝေလအသင်းနဲ့ အကြိုဗိုလ်လုပွဲစဉ်ကလွဲရင် ကျန်ပွဲစဉ်တွေ အကုန်လုံး မိနစ် ၉ဝ အတွင်း အနိုင်ရရှိအောင် မကစားနိုင်ဘဲ ပင်နယ်တီအဆုံးအဖြတ်၊ အချိန်ပိုသွင်းဂိုးတွေ စသဖြင့် တစ်လိမ့်လိမ့် အနေ အထားနဲ့ ဗိုလ်လုပွဲအထိ တက်ရောက်လာနိုင်ခဲ့ပေမယ့် ဗိုလ်လုပွဲမှာ ပြင်သစ် အသင်းကို အနိုင်ယူဗိုလ်စွဲခဲ့တာဖြစ်ပါတယ်။ မက်ဆီနဲ့ စီရိုနယ်လ်ဒိုတို့ဟာ နိုင်ငံအသင်းသာမက ကလပ်အသင်းမှာပါ အလားတူ အခြေအနေမျိုး ထပ်တူ ကြုံခဲ့ရတာဖြစ်ပါတယ်။
နည်းပြအပြောင်းအလဲများခဲ့တဲ့ ရီးယဲလ်မက်ဒရစ် အသင်းဟာ ရာသီအစ ရလဒ်မကောင်းခဲ့ဘဲ ဘာစီလိုနာနဲ့ ရလဒ်ပိုင်း ပြတ်ကျန် ခဲ့တဲ့ ရီးယဲလ်ဟာ နည်းပြ ဇီဒန်းရောက်ရှိလာမှုနဲ့အတူ ချန်ပီယံလိဂ်ဖလားကို ရယူနိုင်ခဲ့ပြီး လာလီဂါပြိုင်ပွဲမှာလည်း ဘာစီလိုနာကို အကောင်းဆုံး ဖိအား ပေးနိုင်ခဲ့တာဖြစ်ပါတယ်။ မက်ဆီနဲ့ စီရိုနယ်လ်ဒိုတို့နှစ်ဦးက တစ်ဦးချင်း စွမ်းဆောင်ရည်ပိုင်းမှာ ကွာခြားမှု သိပ်မရှိပေမယ့် ကံကြမ္မာ အပြောင်းအလဲ ကတော့ မျက်လှည့်ပြသလို မယုံနိုင်လောက်စရာဖြစ်ခဲ့ပြီး အဓိက ဆုဖလား ရယူနိုင်မှုအပိုင်းမှာတော့ စီရိုနယ်လ်ဒိုက အသာရခဲ့တာကြောင့် ဘလွန်း ဒီအောဆုက စီရိုနယ်လ်ဒိုအတွက် ဖြစ်ခဲ့ပြီးဖြစ်သလို ဖီဖာတစ်နှစ်တာ အကောင်းဆုံး ကစားသမားဆုကိုလည်း ဘယ်သူရမလဲဆိုတာ ကြိုတင်ခန့်မှန်း ချက် ထုတ်လို့ရနေပါပြီ။

ချာပီကိုအန်စီအသင်း လေယာဉ်ပျက်ကျမှု
နိုဝင်ဘာ ၂၈ ရက် ဘရာဇီးဘောလုံးကလပ် ချာပီကို အန်စီအသင်းသား တွေ လိုက်ပါစီးနင်းလာတဲ့ လေယာဉ်က ကိုလံဘီယာနိုင်ငံ မက်ဒယ်လင်းမြို့ ကော်ဒိုဗာလေဆိပ်နဲ့ ၁ဝ မိုင်အကွာမှာ ပျက်ကျခဲ့ပါတယ်။ ချာပီကို အန်စီ အသင်းက တောင်အမေရိကတိုက်ရဲ့ ဒုတိယအမြင့်ဆုံးပြိုင်ပွဲဖြစ်တဲ့ ကိုပါ စူဒါမာရီကာနာဖလား ဗိုလ်လုပွဲ ပထမအကျော့အဖြစ် ကိုလံဘီယာကလပ် အက်သလက်တီကို နေစီယွန်နယ်အသင်းနဲ့ ယှဉ်ပြိုင်ကစားဖို့ ထွက်ခွာလာရင်း အခုလို အဖြစ်ဆိုးနဲ့ ကြုံတွေ့ခဲ့ရတာဖြစ်ပါတယ်။ ဒီလေယာဉ်ပျက်ကျမှုကြောင့် ခရီးသည် ၇၇ ဦးအနက် ခြောက်ဦးသာ အသက်ရှင်ကျန်ခဲ့ပြီး ချာပီကို အန်စီ အသင်းသား ၁၉ ဦးသေဆုံးသွားခဲ့တယ်လို့ သိရပါတယ်။ ဒီအဖြစ်ဆိုးက ၁၉၄၉ တိုရီနိုဘောလုံးအသင်း လေယာဉ်ပျက်ကျမှု၊ ၁၉၅၈ မန်ယူအသင်း လေယဉ်ပျက်ကျမှုတွေပြီးနောက် ကမ္ဘာ့အားကစားလောကကို တုန်လှုပ်စေခဲ့တဲ့ အဖြစ်ဆိုးတစ်ခုလည်းဖြစ်ခဲ့ပါတယ်။

ဘောလုံးဈေးကွက်ကို ဖျက်ခဲ့တဲ့ စူပါလိဂ်
တရုတ်စူပါလိဂ်ရဲ့ ငွေကြေးအင်အား တောင့်တင်းမှုနဲ့အတူ ခပ်ကျဲကျဲ လှမ်းလာတဲ့ ခြေလှမ်းတွေက ဥရောပနဲ့ ကမ္ဘာ့နိုင်ငံအသီးသီးမှာရှိတဲ့ ကလပ် အသင်းကြီးတွေအတွက် ရတက်ပွေစရာ ဖြစ်နေပါတယ်။ တရုတ်သမ္မတ ရှီကျင့်ဖျင်ရဲ့ ဘောလုံးလောကတိုးတက်ရေး စီမံချက်မူဝါဒအောက်မှာ တရုတ် အသင်းတွေ ငွေသုံးကြမ်းချင်တိုင်း ကြမ်းနေတာဖြစ်ပြီး တစ်ပတ်လုပ်ခပေါင် ၁ဝဝဝဝဝ လောက်ရနေတဲ့ ကစားသမားကို ပေါင် ၄ဝဝဝဝဝ လောက် ပေးချေခေါ်ယူဖို့ ဝန်မလေးတတ်တာကြောင့် စူပါလိဂ်က နာမည်ကြီး ဘောလုံး စူပါစတားများရဲ့ နားခိုရာနေရာဖြစ်လာနိုင်ပါတယ်။ အရင်က တရုတ်စူပါလိဂ် ဟာ မထင်မရှားလိဂ်တစ်ခုဖြစ်ခဲ့ပေမယ့် ၂ဝ၁၁ ခုနှစ် အဂတိတိုက်ဖျက်ရေး လှုပ်ရှားမှု နောက်ဆက်တွဲအနေနဲ့ စူပါလိဂ်ပေါ် ငွေကြေးရင်းနှီးမြှုပ်နှံမှုတွေ ပိုမိုလုပ်ဆောင်လာပြီး ၂ဝ၁၆ ခုနှစ်အတွင်းမှာတော့ စူပါလိဂ်ရဲ့ အင်အားကို ထင်ထင်ရှားရှား မြင်တွေ့လာရတာဖြစ်ပါတယ်။
ဒီဇင်ဘာ ၂၉ ရက်က ကားလို့စ်တိဗက်ဇ် ရှန်ဟိုင်းရှန်ဇူးအသင်းကို တစ်ပတ်လုပ်ခ ပေါင် ၆၁၅ဝဝဝ နဲ့ အပြီးသတ်ရောက်ရှိသွားခြင်းနဲ့အတူ ကမ္ဘာ့ လုပ်ခလစာအများဆုံးရရှိတဲ့ ကစားသမားက တိဗက်ဇ်ဖြစ်လာပါတယ်။ တိဗက်ဇ် မတိုင်မီ အော်စကာ၊ ဂျာဗင်ဟို၊ တက်ရှီးယား၊ ပေါ်လင်ဟို၊ ဂျက်ဆန် မာတီနက်ဇ်၊ လာဗက်ဇီ၊ ရာမီရက်ဇ်တို့လို နာမည်ကျော်တွေ စူပါလိဂ်ကို ရောက်ရှိခဲ့ကြပြီ ဖြစ်သလို ဝိန်းရွန်းနီ၊ ဖာနန်ဒိုတောရက်ဇ်တို့ကစလို့ မက်ဆီ၊ စီရိုနယ်လ်ဒိုတို့လို ထိပ်တန်းကစားသမားတွေအဆုံး နာမည်ကျော်မှန်သမျှ ခေါ်ယူဖို့ရည်မှန်းနေတာ ဖြစ်ပါတယ်။ ကစားသမားတွေအပြင် နာမည်ကြီး နည်းပြတွေဖြစ်တဲ့ လစ်ပီ၊ အဲရစ်ဆင်၊ စကိုလာရီ၊ ဘိုအာ့စ်တို့လည်း ရောက်ရှိပြီးဖြစ်တာကြောင့် အနာဂတ် မှာ စူပါလိဂ်ရဲ့ အလားအလာ ယခုထက်များစွာကောင်းလာဦးမယ်လို့ မျှော်လင့်ကြောင်း တာဝန်ရှိသူတွေက ဆိုပါတယ်။
နာမည်ကျော် ဘောလုံးစူပါစတား ဒေးဗစ်ဘက်ခမ်း ၂ဝဝ၇ ခုနှစ်မှာ အမေရိကန် မေဂျာလိဂ်ကို သွားရောက် ခြေချခဲ့ပြီးနောက် သီယာရီအွန်နရီ၊ ဒေးဗစ်ဗီလာ၊ ကာကာ၊ ပီယာလို၊ လမ်းပတ်၊ ဂျာရတ်တို့လို ခြေကျစပြုနေတဲ့ နာမည်ကျော်တွေလည်း မေဂျာလိဂ်ကို လာရောက်ကစားခဲ့ကြပါတယ်။ ဒါပေမယ့် မေဂျာလိဂ်ရဲ့ ကမ္ဘာတစ်ဝန်း ပရိသတ်တွေ အာရုံစိုက်မှုရရှိအောင် လုပ်တဲ့နည်းနဲ့ တရုတ်စူပါလိဂ်ရဲ့ ပရိသတ်ဆွဲဆောင်မှု ပုံစံခြင်းမတူဘဲ တရုတ်စူပါလိဂ်ဟာ ခြေစွမ်းထက်နေဆဲ ကစားသမားတွေကို ကြေးကြီးကြီးနဲ့လာဖို့ ဖိတ်ခေါ်ခြင်းအားဖြင့် ကမ္ဘာ့ နာမည်ကြီးလိဂ်တွေကို ပေါ်ပေါ်ထင်ထင်ပဲ စိန်ခေါ်ပြလိုက်တာဖြစ်ပါတယ်။

ကပ်ဆိုက်ခဲ့တဲ့ တင်းနစ်လောက
၂ဝ၁၆ ခုနှစ်အတွင်း နာမည်ကျော် တင်းနစ်ကစားသမား အတော်များများ ဒဏ်ရာရရှိခြင်းနဲ့အတူ တင်းနစ်လောက ရသပျက်ခဲ့တယ်လို့ ဆိုရပါမယ်။ အားကစားဆိုတာ တွန်းတွန်းတိုက်တိုက် ကစားရတာကြောင့် ဒဏ်ရာရရှိတာ မဆန်းပေမယ့် ၂ဝ၁၆ ခုနှစ်ဟာ အရင်နှစ်တွေထက် ဒဏ်ရာပြဿနာ ပိုကြုံခဲ့ တာကို တွေ့ရပါတယ်။ နာဒယ်လ်၊ ဖက်ဒဲရာ၊ ဒေးဗစ်ဖာရာ၊ ဒယ်လ်ပေါ်ထရို၊ တီဆွန်ဂါ၊ ဂျိုကိုဗစ်ခ်ျတို့လို ထိပ်တန်းကစားသမားတွေ ဒဏ်ရာပြဿနာ ရှိနေခဲ့သလို ဆရီနာဝီလျံ၊ ကိဗ်တိုဗာ၊ အဇာရန်ကာ၊ အိုင်ဗန်နိုဗစ်တို့လို တင်းနစ်မယ်တွေ ဒဏ်ရာပြဿနာတွေ တောက်လျှောက်ကြုံခဲ့ရပေမယ့် ဗြိတိန်တင်းနစ်ကစားသမား အန်ဒီမာရေး၊ ဂျာမန်တင်းနစ်မယ် အန်ဂျလိခ် ကာဘာတို့ ထိပ်တန်းရောက်ခဲ့ကြတဲ့ နှစ်ဆိုရင်လည်း မမှားပါဘူး။
ပြီးခဲ့တဲ့ ဒီဇင်ဘာ ၂၈ ရက်မှာတော့ အိုင်ဗန်နိုဗစ်က ဒဏ်ရာအကင်းမသေ တဲ့အတွက် အကောင်းဆုံးပုံစံတစ်ရပ်ပျောက်ဆုံးခြင်းနဲ့အတူ အားကစားလောက ကနေ အနားယူခဲ့ပြီဟု ကြေညာခဲ့ပါတယ်။ ဒီလို ဒဏ်ရာပြဿနာတွေအပြင် နာမည်ကြီးတင်းနစ်မယ် ရှာရာပိုဗာလည်း မယ်လ်ဒိုးနီးယန်း ဆေးသုံးစွဲမှုကြောင့် ကာလကြာရှည် ပွဲပယ်ပြစ်ဒဏ်ချမှတ်ခံခဲ့ရပါသေးတယ်။

(မေလဲ့သင်း)

န်ိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဆော်ဒီအာရေဗျဘုရင့်နိုင်ငံ သံအမတ်ကြီးအား လက်ခံတွေ့ဆုံ

နေပြည်တော် ဒီဇင်ဘာ ၃ဝ

နိုင်ငံတော်၏အတိုင်ပင်ခံပုဂ္ဂိုလ် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည် သည် ပြည်ထောင်စုသမ္မတ မြန်မာနိုင်ငံတော်ဆိုင်ရာ ဆော်ဒီအာရေဗျဘုရင့်နိုင်ငံ သံအမတ်ကြီး အဖြစ် ခန့်အပ်ခြင်းခံရသည့်H.E. Mr. Sahal Moustafa Ahmed Ergesous အား ယနေ့ မွန်းလွဲ ၃ နာရီက နိုင်ငံခြားရေးဝန်ကြီးဌာန ပြည်ထောင်စုဝန်ကြီး၏ ဧည့်ခန်းမ၌ လက်ခံတွေ့ဆုံ သည်။
တွေ့ဆုံပွဲသို့ နိုင်ငံခြားရေးဝန်ကြီးဌာန ဒုတိယဝန်ကြီး ဦးကျော်တင်နှင့် တာဝန်ရှိသူများ တက်ရောက်ကြသည်။
(သတင်းစဉ်)

န်ိုင်ငံတော်၏ အတိုင်ပင်ခံပုဂ္ဂိုလ်နှင့် လူငယ်များစကားဝိုင်း (PEACE TALK) (ငြိမ်းချမ်းရေးစကားဝိုင်း) ကျင်းပမည်

နေပြည်တော် ဒီဇင်ဘာ ၃ဝ 

န်ိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် လူငယ်များစကားဝိုင်း (PEACE TALK) (ငြိမ်းချမ်းရေးစကားဝိုင်း)ကို နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန - ၂ (MICC - II ) ၌ ၂ဝ၁၇ ခုနှစ် ဇန်နဝါရီ ၁ ရက် မွန်းလွဲ ၂ နာရီတွင် ကျင်းပမည်ဖြစ် ကြောင်း သိရသည်။
အဆိုပါ PEACE TALK (ငြိမ်းချမ်းရေးစကားဝိုင်း)ကို မြန်မာ့အသံနှင့်ရုပ်မြင်သံကြား တွင် မွန်းလွဲ ၁ နာရီ မိနစ် ၅ဝ မှစတင်၍ တိုက်ရိုက် (Live) ဖြင့် ထုတ်လွှင့်ပေးသွားမည်ဖြစ်ပြီး Myanmar State Counsellor Office Page မှလည်း Live Streamingထုတ်လွှင့်သွား မည်ဖြစ်ကြောင်း သိရှိရသည်။ (သတင်းစဉ်)

ငြိမ်းချမ်းရေးလုပ်ငန်းစဉ်များတွင် အမျိုးသမီးများ၏ အခန်းကဏ္ဍ ထည့်သွင်းခြင်းသည် ရေရှည်တည်တံ့သည့် ငြိမ်းချမ်းရေးပန်းတိုင်ကိုရရှိရန် အထောက်အကူဖြစ်စေမည်

နေပြည်တော် ဒီဇင်ဘာ ၃ဝ

မြန်မာနိုင်ငံလုံးဆိုင်ရာ အမျိုးသမီးရေးရာ ကော်မတီကို မူဝါဒသစ်များချမှတ်ပြီး အမျိုးသမီးများအခွင့်အရေး အပြည့်အဝ ရရှိရေးနှင့် ဖွံ့ဖြိုးတိုးတက်ရေးကို ဦးတည် ကြိုးပမ်းဆောင်ရွက်လျက်ရှိပြီး တိုင်းရင်း သား ပြည်သူတစ်ရပ်လုံး အေးချမ်းလုံခြုံ စွာ လက်တွဲနေထိုင်မည့် ဒီမိုကရေစီ ဖက်ဒရယ်ပြည်ထောင်စု ဖြစ်ပေါ်လာစေ ရေး ဆောင်ရွက်လျက်ရှိရာ ပြည်တွင်း ငြိမ်းချမ်းရေးကို အဓိကဖော်ဆောင်ရမည် ဖြစ်ကြောင်း၊ ငြိမ်းချမ်းရေးလုပ်ငန်းစဉ် များတွင် အမျိုးသမီးများ၏ အခန်းကဏ္ဍကို ထည့်သွင်းဆောင်ရွက်ခြင်းသည် ရေရှည်တည်တံ့သည့် ငြိမ်းချမ်းရေး ပန်းတိုင်ကို ရရှိရန် အထောက်အကူဖြစ် စေကြောင်း ယနေ့ နံနက်ပိုင်းက နေပြည်တော်ရှိ သင်္ဂဟဟိုတယ်၌ ကျင်းပ သည့် ငြိမ်းချမ်းရေးဖြစ်စဉ်နှင့် ဒီမိုကရေစီ-ပြောင်းလဲန်ိုင်စွမ်းရှိသော အမျိုးသမီးများ ညှိနှိုင်းဆွေးနွေးပွဲတွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာန ပြည်ထောင်စု ဝန်ကြီး ဒေါက်တာဝင်းမြတ်အေးက ပြောကြားသည်။

ဆက်လက်၍ ပြောကြားရာတွင် ငြိမ်းချမ်းရေးလုပ်ငန်းစဉ်များမှာ ပြည်သူ လူထု၏ အသံအားလုံးပါဝင်ရန် နိုင်ငံတော် အစိုးရ၊ လက်နက်ကိုင်အဖွဲ့အစည်းများ၊ နိုင်ငံရေးပါတီအဖွဲ့အစည်းများက လူထု အစည်းအဝေးပွဲများ ကျင်းပရန် ဆောင်ရွက်လျက်ရှိကြောင်း၊ လုပ်ငန်းစဉ် များ ဆောင်ရွက်ရာတွင် ပဋိပက္ခကို ဆန်းစစ်သုံးသပ်ရန် လိုအပ်ပြီး အကြမ်း ဖက်မှုနှင့် မလုံခြုံမှုများကို လူမှုရေး ရှုထောင့်မှ ထည့်သွင်းစဉ်းစားရန် အရေးကြီးကြောင်း၊ အမျိုးသမီးနှင့် အမျိုးသမီးငယ်ရွယ်များ အတွက် ကာကွယ်စောင့်ရှောက်မှု အစီအစဉ်များ ကို အသင့်ပြင်ဆင်ထားပြီး အထူးစီမံချက် များနှင့် ပွင့်လင်းမြင်သာစွာဆောင်ရွက်ရန် ဖြစ်ကြောင်း၊ ငြိမ်းချမ်းရေးလုပ်ငန်းစဉ် တစ်လျှောက်လုံး၏ အဆင့်များဖြစ်သည့် အပစ်အခတ်ရပ်စဲရေး ညှိနှိုင်းဆွေးနွေးပွဲ များ၊ နိုင်ငံရေးစကားဝိုင်းများ၊ ငြိမ်းချမ်း ရေး တည်ဆောက်မှုလုပ်ငန်းစဉ်များ၊ ငြိမ်းချမ်းရေးအထောက်အကူပြု ဖွံ့ဖြိုး ရေးကဏ္ဍများတွင် အမျိုးသမီးများ၏ ပါဝင်မှု၊ ဆောင်ရွက်မှုများကိုလည်း နိုင်ငံတော်အစိုးရက အားပေးသကဲ့သို့ အမျိုးသမီးအင်အားစုများက ပူးပေါင်း ပါဝင် ဆောင်ရွက်ပေးရန် တိုက်တွန်း ပြောကြားသည်။
အဆိုပါဆွေးနွေးပွဲသို့ ဌာနဆိုင်ရာ များ၊ လွှတ်တော်ကိုယ်စားလှယ်များ၊ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန၊ အရပ်ဘက်လူမှု အဖွဲ့အစည်းများ၊UN နှင့် INGOအဖွဲ့ အစည်းများမှ ကိုယ်စားလှယ်များ တက်ရောက်ခဲ့ကြပြီး ငြိမ်းချမ်းရေးနှင့် ဒီမိုကရေစီ အသွင်ကူးပြောင်းရေး လုပ်ငန်းစဉ်များတွင် အမျိုးသမီးများ ပါဝင်မှုအတွက် အားသာချက်နှင့် စိန်ခေါ် မှုများ၊ ပဋိပက္ခအခြေအနေများတွင် ဖြစ်ပေါ်လေ့ရှိသည့် အမျိုးသမီးများအပေါ် အကြမ်းဖက်ခြင်းနှင့် ကြိုတင်ကာကွယ် ရေးအစီအစဉ်များ၊ အကြမ်းဖက်မှု ကြုံတွေ့ခံစားရသည့် အမျိုးသမီးများ အတွက် ကာကွယ်စောင့်ရှောက်မှုနှင့် ပဋိပက္ခအလွန် ပြန်လည်ထူထောင်ရေးနှင့် အမျိုးသမီးများ၏ အခန်းကဏ္ဍများကို ဆွေးနွေးခဲ့ကြောင်း သတင်းရရှိသည်။
(သတင်းစဉ်)

မောင်တောမြို့နယ်အတွင်း အကြမ်းဖက်မှုဖြစ်စဉ်များ၌ ပါဝင်ခဲ့သူများကို ဖမ်းဆီးရမိ

နေပြည်တော် ဒီဇင်ဘာ ၃ဝ

ရခိုင်ပြည်နယ် မောင်တောမြို့နယ်အတွင်း အကြမ်းဖက်မှုဖြစ်စဉ် များတွင် ပါဝင်ခဲ့ သူ နှစ်ဦးကို ယမန်နေ့ မွန်းလွဲပိုင်းက ဖမ်းဆီးရမိ ခဲ့ကြောင်း သိရသည်။
မောင်တောမြို့နယ်အတွင်း ကျီးကန်းပြင်ကျေးရွာအနီးရှိ အမှတ်(၁) နယ်ခြားစောင့် ရဲကွပ်ကဲမှုဌာနချုပ်ကို အောက်တိုဘာ ၉ ရက်က အကြမ်းဖက် စီးနင်းတိုက်ခိုက်မှုတွင် ပါဝင်ခဲ့သူများသည် ကျီးကန်းပြင် (အနောက်ရွာ) တစ်ဝိုက် ပြန်လည်ဝင်ရောက်လျက်ရှိ ကြောင်း သတင်းအရ တပ်မတော်စစ်ကြောင်းများနှင့် နယ်ခြားစောင့် ရဲတပ်ဖွဲ့ဝင်များပါဝင်သော ပူးပေါင်းအဖွဲ့ က ဒီဇင်ဘာ ၂၉ ရက် မွန်းလွဲ ၂ နာရီ ခန့်က ကျေးရွာအတွင်း ဝင်ရောက်ရှင်းလင်းရာ အကြမ်း ဖက်မှု ဖြစ်စဉ်တွင် ပါဝင်ခဲ့သည့် ဇော်ကီအာမောက်၏သား ကော်ဒီမူ လာနှင့် ပုန်းအောင်းနေသည့် အော်လီအာမတ်၏ သား မာမွတ်အာ လောင်တို့ကို ဖမ်းဆီးရမိခဲ့သည်။
ဖမ်းဆီးရမိသူများကို တရားဥပဒေအရ အရေးယူနိုင်ရေး စစ်ဆေးဆောင်ရွက်လျက်ရှိကြောင်း သတင်းရရှိသည်။
(သတင်းစဉ်)

မဏ္ဍိုင် ၄ ရပ် အလုပ်ရုံဆွေးနွေးပွဲ ကျင်းပ

နေပြည်တော် ဒီဇင်ဘာ ၃ဝ

ဥပဒေပြုရေး၊ အုပ်ချုပ်ရေး၊ တရားစီရင်ရေး မဏ္ဍိုင် ၃ ရပ်နှင့် စတုတ္ထမဏ္ဍိုင် ဖြစ်သည့် သတင်းမီဒီယာတို့အကြား ဟန်ချက်ညီ ပူးပေါင်းဆောင်ရွက်မှု တိုးတက်စေရန်၊ ပြည်သူများအား တိကျခိုင်မာသည့် သတင်းအချက်အလက်များ ပေးပို့နိုင်ရန်အတွက် မဏ္ဍိုင် ၄ ရပ် အလုပ်ရုံဆွေးနွေးပွဲကို ယနေ့ နံနက် ၁ဝ နာရီက နေပြည်တော်ရှိ ပြန်ကြားရေးဝန်ကြီးဌာန၌ ကျင်းပသည်။
အလုပ်ရုံဆွေးနွေးပွဲတွင် ပြည်ထောင်စုဝန်ကြီး ဒေါက်တာဖေမြင့်က မဏ္ဍိုင် သုံးရပ်မှ ပုဂ္ဂိုလ်များအနေဖြင့် မိမိတို့သည် ပြည်သူက ရွေးကောက်တင်မြှောက်ထား သည့် ပုဂ္ဂိုလ်များ၊ ကိုယ်စားပြုထားသည့် ပုဂ္ဂိုလ်များဖြစ်သည့်အတွက် ပြည်သူကို မိမိတို့က ဘာတွေတာဝန်ယူဆောင်ရွက်နေသလဲဆိုတာ အစီရင်ခံရန်လိုအပ်မှု၊ မေးမြန်း မှုများကိုလည်း ဖြေကြားရန် လိုအပ်မှုနှင့် ကြားခံပစ္စည်းဖြစ်သည့် မီဒီယာများကို ပြည်သူနှင့် ပေါင်းကူးပေးသည့် တံတားများအဖြစ် နားလည်လက်ခံပြီး ပူးပေါင်း ဆောင်ရွက်မှုများကို ယခုထက် ပိုမိုတိုးတက်အောင် ကျင့်သုံးဆောင်ရွက်ပေးရန်၊ သတင်းမီဒီယာများအနေဖြင့်လည်း မဏ္ဍိုင်များ၏ ရပ်တည်ရသည့်အနေအထားများကို နားလည်သိရှိပြီး မိမိတို့လွတ်လပ်ခွင့်ကို ကျင့်သုံးသည့်နေရာတွင် ခလုတ်တိုက်မှုများ မရှိရန်နှင့် ခလုတ်ကန်သင်းဖြစ်မည့်အရာကို ရှင်းလင်းနိုင်ရန်အတွက် စနစ်တကျ ဥပဒေများ ပြုစုပြဋ္ဌာန်းခြင်း၊ လုပ်ထုံးလုပ်နည်းများ ဖြစ်လာရန်နှင့် ဓလေ့ထုံးစံများ ဖြစ်လာရန် တည်ဆောက်သည့်နည်းလမ်းများကို ကျင့်သုံးဆောင်ရွက်ခြင်းအားဖြင့် မိမိတို့တိုင်းပြည်တွင် မီဒီယာလွတ်လပ်ခွင့်များကို ပိုမိုတိုးတက်အောင် ဆောင်ရွက် နိုင်ကြပါစေ၊ မိမိတို့ နိုင်ငံ၏ ဒီမိုကရေစီစနစ်လည်း ပိုမိုဖွံ့ဖြိုးတိုးတက်အောင် အားလုံး ဝိုင်းဝန်းကူညီနိုင်ကြပါစေဟု ပြောကြားသည်။
ထို့နောက် မြန်မာနိုင်ငံသတင်းမီဒီယာ ဒုတိယဥက္ကဋ္ဌ(၁) ဦးအောင်လှထွန်းက မီဒီယာ၏ သဘောသဘာဝကို ဆွေးနွေးပြောကြားပြီး တက်ရောက်လာသည့် မဏ္ဍိုင် ၃ ရပ်မှ တာဝန်ရှိသူများ၏ ပူးပေါင်းဆောင်ရွက်မှု၊ နားလည်မှုသည် သတင်းမီဒီယာ သမားများအတွက် အရေးကြီးပါကြောင်း၊ သို့မှသာ လွတ်လပ်၍ တရားမျှတသည့် သတင်းအချက်အလက်များကို ပြည်သူများထံ အချိန်နှင့်တစ်ပြေးညီ ပေးပို့နိုင်မည် ဖြစ်ကြောင်း ပြောကြားသည်။
ယင်းနောက် မြန်မာနိုင်ငံ သတင်းမီဒီယာကောင်စီအတွင်းရေးမှူး ဦးသီဟစောက မဏ္ဍိုင် ၄ ရပ် အလုပ်ရုံဆွေးနွေးပွဲ ဖြစ်ပေါ်လာပုံနှင့် ရည်ရွယ်ချက်များကို ရှင်းလင်း ပြောကြားသည်။
ဆွေးနွေးပွဲ တက်ရောက်လာကြသူများက သတင်းအချက်အလက်များ မှန်ကန် မြန်ဆန်စွာ ဖြန့်ဖြူးပေးနိုင်ရေး၊ သတင်းရယူပိုင်ခွင့်တို့နှင့်စပ်လျဉ်းပြီး လွတ်လပ် ပွင့်လင်းစွာ အမြင်ချင်းဖလှယ် ဆွေးနွေးကြသည်။

ယနေ့ကျင်းပသည့် အလုပ်ရုံဆွေးနွေးပွဲ ရလဒ်အနေဖြင့် သတင်းမီဒီယာသမား များသည် ဌာနဆိုင်ရာများနှင့်ပတ်သက်သည့် သတင်းရယူကြရာတွင် သတင်းမီဒီယာ သမားဖြစ်ကြောင်း အထောက်အထား လည်ဆွဲကတ်များ ချိတ်ဆွဲထားပြီး သတင်း ရယူရန်၊ တိုင်းဒေသကြီး/ပြည်နယ် အစိုးရအဖွဲ့များတွင် ပြောရေးဆိုခွင့်ရ ပုဂ္ဂိုလ်များ နှင့် ပြောရေးဆိုခွင့်ရ အဖွဲ့ထားရှိရန်နှင့် အသစ်ပြောင်းလဲမှုများရှိပါက Update ပြုလုပ်ပေးရန်၊ သတင်းထောက်များကို အခြေခံသတင်းကျင့်ဝတ်များ သိရှိစေရေး သင်တန်းများပေးရန်နှင့် အစိုးရအဖွဲ့မှ ပြောရေးဆိုခွင့်ရှိသူများနှင့် ပူးပေါင်းပြီး သင်တန်းများပေးရန်တို့အတွက် မြန်မာနိုင်ငံ သတင်းမီဒီယာကောင်စီမှ စီစဉ်ပေးရန်၊ မြန်မာနိုင်ငံ သတင်းမီဒီယာကောင်စီအနေဖြင့် ဒေသဆိုင်ရာမီဒီယာသမား ဖွံ့ဖြိုး တိုးတက်လာရေးသင်တန်းများနှင့် အလုပ်ရုံဆွေးနွေးပွဲများ ဖွင့်လှစ်ကျင်းပပေးရန်၊ တရားရုံးအဆင့်ဆင့်တွင် သတင်းများရယူရာ၌ တရားရုံးသတင်းမီဒီယာလက်စွဲနှင့် အညီ သက်ဆိုင်ရာတရားရုံး သတင်းပြန်ကြားရေးအရာရှိများအနေဖြင့် ပူးပေါင်း ဆောင်ရွက်ပေးရန်၊ အစိုးရဌာနများနှင့် လွှတ်တော်များတွင် Press Corner ထားရှိပေးရန်၊ တိုင်းဒေသကြီး၊ ပြည်နယ်အစိုးရဌာနဆိုင်ရာ တာဝန်ရှိသူများက တိုင်းရင်းသားမီဒီယာသမားများ သတင်းရယူရာတွင် တန်းတူအခွင့်အရေးရရှိရေး ဆောင်ရွက်ပေးရန်၊ တိုင်းဒေသကြီး၊ ပြည်နယ်လွှတ်တော် သတင်းရယူရာတွင် သတင်းပုံမှန်ရယူမည့် သတင်းထောက်အား ၁ နှစ် သက်တမ်း သက်သေခံကတ်ပြား ထုတ်ပေးရန် စသည့်အချက်များ အပါအဝင် အချက် ၁၆ ချက်ပါ သဘောတူညီချက် များကို အတည်ပြုခဲ့ကြသည်။
ထို့နောက် ပြည်ထောင်စုဝန်ကြီး ဒေါက်တာဖေမြင့်က နိဂုံးချုပ်အမှာစကား ပြောကြားကာ အခမ်းအနားကို ရုပ်သိမ်းလိုက်သည်။
မဏ္ဍိုင် ၄ ရပ် အလုပ်ရုံဆွေးနွေးပွဲကို နေပြည်တော်၌ ပထမဆုံးအကြိမ် အောင်မြင်စွာကျင်းပနိုင်ခဲ့ပြီး တိုင်းဒေသကြီးနှင့်ပြည်နယ်များတွင်လည်း ဆက်လက် ကျင်းပသွားမည်ဖြစ်ကြောင်း သိရသည်။
(သတင်းစဉ်)

၂ဝ၁၇ ခုနှစ် နှစ်သစ်ကူးအကြိုညတွင် ဆောင်ရွက်မည့် လုံခြုံရေးအစီအမံများ စည်းဝေး

ရန်ကုန် ဒီဇင်ဘာ ၃ဝ

ရန်ကုန်တိုင်းဒေသကြီးရဲတပ်ဖွဲ့ အစည်းအဝေးခန်းမ(၁)၌ နှစ်သစ်ကူးအကြိုညတွင်ဆောင်ရွက်မည့် လုံခြုံရေးအစီအမံများနှင့်စပ်လျဉ်း၍ ညှိနှိုင်း အစည်းအဝေးကို ဒီဇင်ဘာ ၃ဝ ရက် နံနက် ၈ နာရီက ပြုလုပ်ခဲ့ကြောင်း သိရသည်။

အစည်းအဝေးကို တိုင်းဒေသကြီးလုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး တင်အောင်ထွန်းကဦးဆောင်ပြီး အမှတ်(၂) လုံခြုံရေးရဲကွပ်ကဲ ရေးမှူး ရဲမှူးချုပ် မြဝင်း၊ ရန်ကုန်တိုင်းဒေသကြီး ရဲတပ်ဖွဲ့မှူး ရဲမှူးချုပ် ဝင်းနိုင်နှင့် ခရိုင်/မြို့နယ်အုပ်ချုပ်ရေးမှူးများ၊ စည်ပင်သာယာရဲတပ်ဖွဲ့၊ အမှတ်(၂)မှုခင်း ရဲတပ်ဖွဲ့ခွဲ၊ အမှတ်(၂) သတင်းရဲတပ်ဖွဲ့ခွဲ၊ အမှတ်(၂) ယာဉ်ထိန်းရဲတပ်ဖွဲ့ခွဲတို့မှ အရာရှိကြီးများ၊ တိုင်းဒေသကြီး မီးသတ်ဦးစီးဌာနနှင့် ကြက်ခြေနီ သူနာပြုတပ်ဖွဲ့တို့မှ တာဝန်ရှိသူများ စုစုပေါင်း ၁၁၅ ဦးတက်ရောက်ခဲ့သည်။ နှစ်သစ်ကူးအကြိုညတွင် ပြည်သူများ စနစ်တကျအေးချမ်းပျော်ရွှင်နိုင် ရေးအတွက် ရန်ကုန်တိုင်းဒေသကြီးရဲတပ်ဖွဲ့မှ အစည်းအဝေးတက်ရောက်လာသည့် တပ်ဖွဲ့၊ ဌာနများပူးပေါင်းကာ လုံခြုံရေးကို ရန်ကုန်တိုင်းဒေသကြီး အတွင်း ကွက်ပြည့် ဆောင်ရွက်သွားမည်ဖြစ်ကြောင်း သိရသည်။ (သတင်းစဉ်)

စက်မှုဖွံ့ဖြိုးရေးတွင် သဘာဝပတ်ဝန်းကျင် ထိခိုက်မှုအနည်းဆုံးဖြစ်အောင် အစဉ်အမြဲ နှလုံးသွင်း

နေပြည်တော် ဒီဇင်ဘာ ၃ဝ

အနာဂတ် မျိုးဆက်သစ်များ လက်ဝယ်သို့ ပိုမိုကောင်းမွန်၊ ပိုမိုသန့်ရှင်း၊ ပိုမိုရေရှည် တည်တံ့သော သဘာဝပတ်ဝန်းကျင်ကို လွှဲပြောင်းပေးနိုင်ရန် ယနေ့မိမိတို့အား လုံး ညီညီညွတ်ညွတ် တာဝန်သိသိ အားထုတ်ကြရန် အရေးကြီးပါကြောင်း အမျိုးသားအဆင့် ပတ်ဝန်းကျင် ထိန်းသိမ်းရေးနှင့် ရာသီဥတုပြောင်းလဲမှု ဆိုင်ရာ ဗဟိုကော်မတီနာယက ဒုတိယ သမ္မတ ဦးမြင့်ဆွေက ပြောကြားသည်။
သယံဇာတနှင့် သဘာဝပတ်ဝန်း ကျင်ထိန်းသိမ်းရေးဝန်ကြီးဌာန အစည်း အဝေးခန်းမ၌ ယနေ့နံနက် ၉ နာရီတွင် ကျင်းပသည့် အမျိုးသားအဆင့် ပတ်ဝန်း ကျင် ထိန်းသိမ်းရေးနှင့် ရာသီဥတု ပြောင်းလဲမှုဆိုင်ရာ ဗဟိုကော်မတီ အစည်းအဝေးတွင် ဒုတိယသမ္မတက အထက်ပါအတိုင်း ပြောကြားခဲ့ခြင်း ဖြစ်သည်။
ထို့ပြင် ဒုတိယသမ္မတက မြန်မာ နိုင်ငံသည် သဘာဝပတ်ဝန်းကျင်နှင့် ရာသီဥတုပြောင်းလဲမှုဒဏ်ကို ကိုယ်တွေ့ ခံစားနေရပြီဖြစ်သည့်အတွက် အစစ အရာရာ သတိရှိရှိ ကြိုးပမ်းဆောင်ရွက်ကြ ရန်၊ ယခုလို ဆောင်ရွက်သည့်အခါတွင် စာရွက်ပေါ်က စီမံကိန်းများ၊ အစီအစဉ် များ သက်သက်မဖြစ်စေဘဲ လက်တွေ့ကျ ပြီး အလုပ်ဖြစ်အောင် ဆောင်ရွက်ကြရန် လိုအပ်မည်ဖြစ်ကြောင်း။
စက်မှုဖွံ့ဖြိုးရေးတွင် သဘာဝ ပတ်ဝန်းကျင်ကို လျစ်လျူရှုရာမရောက် အောင်လည်း မိမိတို့အထူးသတိထားရန် လိုကြောင်း၊ သဘာဝပတ်ဝန်းကျင် ထိခိုက်နစ်နာမှု အနည်းဆုံးဖြစ်အောင် အစဉ်အမြဲ နှလုံးသွင်းနေရမည်ဖြစ် ကြောင်း၊ မြန်မာ့လူ့အဖွဲ့ အစည်းတစ်ရပ် လုံးတွင် အဲ့ဒီအသိ ကျယ်ကျယ်ပြန့်ပြန့် ရှိနေစေဖို့ ကြိုးပမ်းကြရမည်ဖြစ်ကြောင်း ပြောကြားသည်။
ရာသီဥတုပြောင်းလဲမှုကို တွေ့ကြုံ
မြန်မာနိုင်ငံသည် သဘာဝဘေး အ္တရာယ် ပြင်းထန်စွာခံစားရနိုင်သည့် နိုင်ငံများတွင် ပါဝင်နေသည့်အပြင် ရာသီ ဥတုပြောင်းလဲမှုကို လက်တွေ့ တွေ့ကြုံ နေရပါကြောင်း။
သက်ဆိုင်ရာဌာနများ၊ တိုင်းဒေသ ကြီး/ပြည်နယ်များတွင် ခွင့်ပြုဆောင် ရွက်နေသည့် စက်ရုံ၊ အလုပ်ရုံများနှင့် သယံဇာတအခြေခံ စီမံကိန်းလုပ်ငန်း စာရင်းများနှင့်ဆက်စပ်သည့် အချက် အလက်များ စုစည်းပေးနိုင်ရန်၊ လက်ရှိ လည်ပတ်ဆောင်ရွက်နေသည့် စက်ရုံ၊ အလုပ်ရုံများနှင့် သယံဇာတအခြေခံစီမံကိန်းလုပ်ငန်းများကြောင့် သဘာဝနှင့် လူမှုပတ်ဝန်းကျင်အပေါ် ဆိုးကျိုးသက် ရောက်မှုများမဖြစ်ပေါ်အောင် ဥပဒေ၊ နည်းဥပဒေများ၊ လုပ်ထုံးလုပ်နည်းများနှင့် အညီ စစ်ဆေးကြပ်မတ်သွားနိုင်ရန် တိုင်း ဒေသကြီး/ပြည်နယ်အဆင့် ကြီးကြပ် မှုကော်မတီများ၏ ဦးဆောင်ကြီးကြပ်မှု နှင့် လိုအပ်သည့် လုပ်ငန်းအဖွဲ့များ ဖွဲ့စည်း ပြီး ကွင်းဆင်းစစ်ဆေးမှုများကို အစီအမံ ရေးဆွဲဆောင်ရွက်သွားရန်လိုကြောင်း ဒုတိယသမ္မတက ပြောကြားသည်။
ဇုန်နယ်မြေများသတ်မှတ်
ထို့ပြင် ဒုတိယသမ္မတက ယနေ့ အချိန်အခါအရ လူဦးရေတိုးပွားမှု၊ စီးပွား ရေး ဖွံ့ဖြိုးတိုးတက်လာမှုနှင့်အတူ မြို့ကြီး များ တိုးချဲ့ရာတွင် မြို့ပြဒေသပတ်ဝန်းကျင် စီမံခန့်ခွဲမှုများအတွက် ဇုန်နယ်မြေများ သတ်မှတ်ပြီး မြေအသုံးချမှု၊ လူနေအိမ်ရာ ချထားမှု၊ စွန့်ပစ်ပစ္စည်း စီမံခန့်ခွဲမှုများကို ဖြစ်ပေါ်တိုးတက်လာသည့် ခေတ်စနစ်နှင့် အညီ စီမံခန့်ခွဲခြင်း၊ နည်းပညာများ အဆင့်မြှင့်တင်ခြင်းတို့ကို ဆောင်ရွက် သွားရန် လိုအပ်ကြောင်း။
လက်တွေ့နယ်ပယ်တွင် ကြုံတွေ့နေ ရသည့် ခရိုင်၊ မြို့နယ်အဆင့် ပတ်ဝန်းကျင် ဆိုင်ရာပြဿနာများကို ထိထိမိမိပေါင်းစပ် ဖြေရှင်းနိုင်ရန်အတွက် တိုင်းဒေသကြီး၊ ပြည်နယ်ကြီးကြပ်မှုအောက်တွင် ခရိုင် အဆင့်၊ မြို့နယ်အဆင့်ကြီးကြပ်မှု ကော်မတီများကို ဆက်လက်ဖွဲ့စည်းသွား နိုင်ရေးကိုလည်း ဆွေးနွေးပေးကြရန် တိုက်တွန်းလိုကြောင်း။
မြန်မာနိုင်ငံအနေဖြင့် စီးပွားရေး ဖွံ့ဖြိုးတိုးတက်ရေးအတွက် ပြည်တွင်း/ ပြည်ပ ရင်းနှီးမြှုပ်နှံမှုလုပ်ငန်းများကို ဖိတ်ခေါ်အားပေး ဆောင်ရွက်လျက်ရှိရာ တွင် ပတ်ဝန်းကျင် ထိန်းသိမ်းရေးလုပ်ငန်း များကို ပေါင်းစပ်ဆောင်ရွက်သွားနိုင်ရန် နှင့် နိုင်ငံတကာ စံချိန် စံညွှန်းများနှင့်အညီ ဆောင်ရွက်သွားနိုင်ရန်အတွက် ပုဂ္ဂလိက ကဏ္ဍ ရင်းနှီးမြှုပ်နှံသူများနှင့် အစိုးရ မဟုတ်သည့်အဖွဲ့အစည်းများ၊ အရပ်ဘက် လူမှုအဖွဲ့အစည်းများ၏ အခန်းကဏ္ဍသည် အလွန်အရေးကြီးပါကြောင်း ပြောကြား သည်။
ယင်းနောက် ဗဟိုကော်မတီဥက္ကဋ္ဌ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စု ဝန်ကြီး ဦးအုန်းဝင်းက ကော်မတီအနေဖြင့် ဆောင်ရွက်ရမည့် လုပ်ငန်းတာဝန်များ၏ အဓိကအချက်မှာ အမျိုးသားအဆင့်၊ တိုင်းဒေသကြီး၊ ပြည်နယ်အဆင့် ဖွံ့ဖြိုး ရေးလုပ်ငန်းစဉ်များတွင် ပတ်ဝန်းကျင် ထိန်းသိမ်းရေးဆိုင်ရာ ကိစ္စရပ်များကို ကဏ္ဍအလိုက် စနစ်တကျ ထည့်သွင်း ပေါင်းစပ် အကောင်အထည်ဖော်ဆောင် ရွက်သွားနိုင်ရန်ဖြစ်ကြောင်း၊ မူဝါဒမဟာ ဗျူဟာနှင့် လုပ်ငန်းအစီအစဉ်များ၊ ဥပဒေပိုင်းဆိုင်ရာ ရေးဆွဲဆောင်ရွက်မှု များ ဆောင်ရွက်နေသကဲ့သို့ ပညာရေး နှင့် အသိပညာပြန့်ပွားရေးကို ကျယ်ကျယ် ပြန့်ပြန့် ဆောင်ရွက်သွားရန်ဖြစ်ကြောင်း၊ ထုတ်ပြန်ထားသည့် ဥပဒေ၊ စည်းမျဉ်း၊ စည်းကမ်းများနှင့်အညီ ကြပ်မတ်ဆောင် ရွက်မှုများကို ဆိုင်ရာကဏ္ဍအလိုက်၊ သက်ဆိုင်ရာ ဌာနအဖွဲ့အစည်းများနှင့် ပေါင်းစပ်ပြီး အကောင်အထည်ဖော် ဆောင်ရွက်သွားရန်ဖြစ်ကြောင်း၊ စိတ် စေတနာထက်သန်မှုကိုအခြေခံပြီး အပြန် အလှန် ခင်မင်လေးစားမှုဖြင့် ညှိနှိုင်း ပေါင်းစပ် ဆောင်ရွက်သွားခြင်းဖြင့် ရေရှည် တည်တံ့သောလူမှုစီးပွားဘဝ ဖွံ့ဖြိုးတိုးတက်မှုများ ဖြစ်ပေါ်လာမည် ဖြစ်ကြောင်း ပြောကြားသည်။
နိုင်ငံတကာအဖွဲ့အစည်းများဖြင့်ပူးပေါင်း
ထို့နောက် ဗဟိုကော်မတီဝင် နိုင်ငံ ခြားရေးဝန်ကြီးဌာန ဒုတိယဝန်ကြီး ဦးကျော်တင်က နိုင်ငံတကာနှင့် နိုင်ငံ တကာ အဖွဲ့အစည်းများဖြင့် ပူးပေါင်းပြီး ပတ်ဝန်းကျင် ထိန်းသိမ်းရေးလုပ်ငန်းများ အတွက် အကူအညီရယူဆောင်ရွက်သွား ရေး လုပ်ငန်းစဉ်များနှင့် ပတ်သက်၍ ရှင်းလင်းပြောကြားသည်။

ဆက်လက်၍ မူဝါဒ၊ ဥပဒေ၊ နည်း ဥပဒေများ၊ လုပ်ထုံးလုပ်နည်းများနှင့် စံချိန်စံညွှန်းဆိုင်ရာ လုပ်ငန်းကော်မတီ၊ စက်မှုစီမံကိန်းများ၊ မြို့ပြနှင့် ရပ်ရွာများ၏ ပတ်ဝန်းကျင်နှင့် စွန့်ပစ်ပစ္စည်း စီမံ အုပ်ချုပ်မှုဆိုင်ရာ လုပ်ငန်းကော်မတီ၊ သဘာဝသယံဇာတ၊ ဇီဝမျိုးစုံမျိုးကွဲနှင့် ယဉ်ကျေးမှုအမွေအနှစ်များ ထိန်းသိမ်း ရေးဆိုင်ရာ လုပ်ငန်းကော်မတီ၊ ရာသီဥတု ပြောင်းလဲမှုဆိုင်ရာ လျှော့ချရေးနှင့် လိုက်လျောညီထွေဖြစ်စေရေး လုပ်ငန်း ကော်မတီ၊ ပတ်ဝန်းကျင်ထိန်းသိမ်းရေး ဆိုင်ရာ လူ့စွမ်းအားအရင်းအမြစ် ဖွံ့ဖြိုး တိုးတက်ရေး၊ ပညာရေးနှင့် အသိပညာ ပြန့်ပွားရေးလုပ်ငန်းကော်မတီ၊ အစိမ်း ရောင်စီးပွားရေးနှင့် ဖွံ့ဖြိုးတိုးတက်မှု ဆိုင်ရာ လုပ်ငန်းကော်မတီတို့မှ တာဝန် ရှိသူများက သက်ဆိုင်ရာ ကော်မတီ အလိုက် လုပ်ငန်းဆောင်ရွက်နေမှု အခြေ အနေများကို ရှင်းလင်းတင်ပြပြီး ဗဟို ကော်မတီအတွင်းရေးမှူး ညွှန်ကြားရေးမှူး ချုပ် ဦးလှမောင်သိန်းက ဗဟိုကော်မတီ အနေဖြင့် လုပ်ငန်းဆောင်ရွက်မှု အခြေ အနေများကို ရှင်းလင်းတင်ပြသည်။
ဆက်လက်၍ အစိုးရမဟုတ်သော အဖွဲ့အစည်း၊ အရပ်ဘက်အဖွဲ့အစည်းနှင့် ပုဂ္ဂလိကအဖွဲ့အစည်းတို့မှ ပညာရှင်များက ရာသီဥတုဆိုးရွားလာမှု ဖြစ်စဉ်များ၊ ရင်ဆိုင်ကြုံတွေ့ရသည့် သဘာဝဘေး အ္တရာယ်များနှင့် ရာသီဥတုပြောင်းလဲမှု ဖြစ်စဉ်များနှင့်စပ်လျဉ်း၍ ရှင်းလင်းတင်ပြ ကြသည်။
ယင်းနောက် နေပြည်တော်ကောင်စီ နယ်မြေ၊ တိုင်းဒေသကြီးနှင့် ပြည်နယ် များမှ ပတ်ဝန်းကျင်ထိန်းသိမ်းရေးနှင့် ရာသီဥတုပြောင်းလဲမှုဆိုင်ရာ ကြီးကြပ်မှု ကော်မတီတို့မှ ဥက္ကဋ္ဌများနှင့် တာဝန် ရှိသူ များ၊ ဗဟိုကော်မတီဝင်များနှင့် တာဝန် ရှိသူများက ပတ်ဝန်းကျင်ထိန်းသိမ်းရေး ဆိုင်ရာ လုပ်ငန်းဆောင်ရွက်မှု အခြေ အနေများကို ရှင်းလင်းတင်ပြကြသည်။
(သတင်းစဉ်)

တစ်နေ့ထက်တစ်နေ့ပိုကောင်းအောင် ကြိုးစားဖြစ်တယ်ဆိုတဲ့ ထားထက်ထက်

အလှမယ်တစ်ယောက်အဖြစ် အောင်မြင်မှုများစွာ ရရှိခဲ့ပြီး ယခုအခါ သရုပ်ဆောင်အလုပ်ကိုပါ လုပ်ဆောင်နေတဲ့ အလှမယ် ထားထက်ထက်နဲ့ တွေ့ဆုံဖြစ်ခဲ့ပါတယ်။ ထားထက်ထက်ဟာ ငယ်စဉ်က မြန်မာ့ လက်ရွေးစင် ဂျွမ်းဘားမယ်ဖြစ်ခဲ့ပြီး ယခုအခါ အနုပညာအလုပ်များအပြင် ပရဟိတ အလုပ်တွေကို ပါဝင်ဆောင်ရွက်လျက်ရှိနေပါတယ်။

ထားထက်ထက်နှင့် တွေ့ဆုံမေးမြန်းဖြစ်ပုံများကို စာဖတ်ပရိသတ်များ အတွက် တင်ပြလိုက်ရပါတယ်။

ပထမဆုံးလတ်တလောအနုပညာလှုပ်ရှားမှုအကြောင်း ပြောပြပေးပါ။
ကျွန်မ လတ်တလောကတော့ ဓာတ်ပုံတွေပဲ ရိုက်ဖြစ်နေပါတယ်။ တစ်လ ပိုင်းလောက်မှ ရုပ်ရှင်ဇာတ်ကားရိုက်ဖြစ်မယ်။ ကိုညိုမင်းလွင်နဲ့ အယူတော်မင်္ဂလာဇာတ်ကားကို ရိုက်ထားပါတယ်။ အကြားမြင်၊ ဗေဒင်ဆရာမနေရာကနေ သရုပ်ဆောင်ထားပါတယ်။ တစ်လ ပိုင်းလောက်မှာက ကိုဆာမိတို့နဲ့ ရိုက်မှာပါ။

ကိုဆာမိတို့နဲ့ တစ်လပိုင်းမှာရိုက်မယ့် ဇာတ်လမ်းကို လက်ခံဖြစ်ခဲ့ပုံကို ပြောပြပေးပါ။
လူဆိုးခန်းနေရာက သရုပ်ဆောင်ရမယ့် ဇာတ်လမ်းပါ။ ဒီဇာတ်ကားလေးကို လက်ခံဖြစ်တာက မြန်မာနိုင်ငံက ပရိသတ်တွေက တစ်ခုဆိုတစ်ခု အစွဲအလမ်းရှိတော့ စိုးရိမ်တဲ့စိတ်တော့ ဖြစ်မိတယ်။ ဒါပေမယ့် ဒါရိုက်တာ ကိုဆာမိကလည်း သေချာရှင်းပြတော့ ကိုယ်လည်းကျရာ ဇာတ်ရုပ်ကို အကောင်းဆုံး သရုပ်ဆောင်ချင်တယ်။ ပြီးတော့ အက်ရှင်ဇာတ်ကားလည်းဖြစ်တယ်။ ကိုဆာမိ ရိုက်တဲ့ကားတွေက ကောင်းတယ်ဆိုတော့ လက်ခံ ဖြစ်သွားတာပါ။

ရုပ်ရှင်ဇာတ်ကားနဲ့ ဗီဒီယိုဇာတ်ကား သရုပ်ဆောင်ထားတာ ဘယ်လောက်ရှိပြီလဲ။
ရုပ်ရှင်ဇာတ်ကားကြီးတွေ ရိုက်ဖြစ်တာများတယ်။ ဗီဒီယိုက ထွက်ထားတာ ၄၊ ၅ ကားတော့ရှိပါတယ်။ အားလုံးပေါင်း ၁ဝ ကားကျော်လောက် ရှိပါပြီ။

အနုပညာဖြတ်သန်းမှုအပိုင်းလည်း ပြောပြပေးပါဦး။
၂ဝ၁၂ ခုနှစ် လောက်က Miss Myanmar International ပြိုင်ပွဲမှာ Top 5 ဝင်ပြီး Title ဆုတွေပဲ ရခဲ့ပါတယ်။ ၂ဝ၁၃ မှာတော့Miss Grand International ပြိုင်ပွဲဝင်ပြိုင်တဲ့အခါ Miss Grand Myanmar အဖြစ် ရွေးချယ်ခြင်းခံရတယ်။ နောက် ထိုင်းနိုင်ငံမှာ Miss Grand International ပြိုင်ပွဲကို ပြိုင်တော့ People Choice Award နဲ့ Miss Popular ဆုတွေ အများကြီးရခဲ့တယ်။ နောက်ပြီး ၂ဝ၁၂ ခုနှစ်နဲ့ ၂ဝ၁၃ ခုနှစ် အတွင်းမှာတော့ Miss တစ်ယောက် အနေနဲ့ ပရဟိတလုပ်ငန်းတွေကို လုပ်ဖြစ်တယ်။ ဓာတ်ပုံတွေရိုက် ဖြစ်တယ်။ သရုပ်ဆောင်အလုပ်အတွက် လည်း တစ်နှစ်လုံး ကြိုပြီးလေ့လာဖြစ်ခဲ့တယ်။ ၂ဝ၁၄ ခုနှစ်မှာစပြီး သရုပ်ဆောင်အလုပ်ကို စလုပ်ဖြစ်ခဲ့ပါတယ်။

သရုပ်ဆောင်ရတာနဲ့ Miss တစ်ယောက်အဖြစ်နဲ့ ကွာခြားမှုကရော။
သရုပ်ဆောင်အလုပ်က ကျရာဇာတ်ရုပ်ကို သရုပ်ဆောင်ရတယ်။ ဥပမာ လမ်းဘေးမှာနေရတယ်ဆိုရင် ပီပြင်အောင် သရုပ်ဆောင်ရတယ်။ သဘာဝကျတဲ့ သရုပ်ဆောင် တစ်ယောက်ဖြစ်အောင် နေရတယ်။ Missကျတော့ အဲဒီ လိုမဟုတ်ဘူး။ ဘယ်နေရာသွားသွား လူတွေကကိုယ့် ကိုမြင်လိုက်တာနဲ့ စတိုင်ကျနေရမယ်။ စံပြတစ်ယောက် ဖြစ်နေရမယ်။ စကားပြောတာကအစ လှလှပပ ကျော့ကျော့ရှင်းရှင်း ဖြစ်အောင်နေရတယ်။ အဲဒီလို ကွာခြားပါတယ်။

အနုပညာအလုပ်အပြင် ဘာတွေလုပ်ဖြစ်လဲ။
ငယ်ငယ်ကတည်းက အသက်(၅) နှစ်လောက်ကတည်းက ဂျွမ်းဘားကစားတယ်။ အသက် (၁၆) နှစ်လောက်အထိ မြန်မာ့လက်ရွေးစင် ဂျွမ်းဘားမယ်တစ်ယောက်အဖြစ် ကစားခဲ့တယ်။ ငယ်ဘဝဖြတ်သန်းမှုက တခြားကလေး တွေနဲ့ မတူဘူး။ စိတ်ဖိစီးမှုနဲ့ ပင်ပန်းမှုတွေကများတယ်။ ခက်ခက်ခဲခဲဖြတ်သန်းရတာများပါတယ်။ ကျောင်း တက်ရချိန်ကနည်းတယ်။ ဂျွမ်းဘားလေ့ကျင့်မှုအနေနဲ့ နိုင်ငံခြားမှာ အကြာကြီးသွားနေရတာတွေရှိတယ်။ လက်ရွေးစင်ဖြစ်ဖို့ကတော့ လွယ်ကူတဲ့အရာ မဟုတ်ပါဘူး။ ငယ်ငယ်ကတည်းက အရွယ်နဲ့မလိုက်အောင် လေ့ကျင့်ခဲ့ရတယ်။ ဂျွမ်းဘားကလည်း တခြားကစားနည်းနဲ့ မတူဘူး၊ အားကစားနည်းအားလုံးရဲ့ အခြေခံဆိုတော့ ပိုပင်ပန်း တယ်။ ဆီးဂိမ်းဝင်ပြိုင်တော့ ဆီးဂိမ်းအဆင့်ဆိုရင် ပိုပြီး မြင့်သွားတယ်။
သွားပြိုင်တဲ့နှစ်က ၂ဝဝ၃ ခုနှစ်က ဗီယက်နမ်မှာ၊ ၂ဝဝ၅ ခုနှစ်က ဖိလစ်ပိုင်မှာ နှစ်ကြိမ် ပြိုင်ခဲ့ပါတယ်။ ဂျွမ်းဘားကစားနည်းကို ကစားတဲ့မိန်း ကလေးကနည်းတော့ ပထမတစ်ခေါက်သွားပြိုင်တော့ မိန်းကလေး နှစ်ယောက်ပဲ ရှိတယ်။ နောက်နှစ်ကျတော့ ကျွန်မတစ်ယောက်ပဲ ရှိတော့တယ်။ ကျန်တဲ့နိုင်ငံတွေကျ တော့ အသင်းအဖွဲ့တွေနဲ့ဆိုတော့ အားပေးမှုလည်း ပိုပြီးများတာပေါ့။ အဲဒီအချိန်က မြန်မာဆိုရင် နည်းနည်း နှိမ်ချင်ကြတယ်။ သူများနဲ့ တန်းတူ လုပ်နိုင်ရင်တောင် အမှတ်အပြည့်မရတာမျိုးတွေ ကြုံခဲ့ရတယ်။ ခုတော့ စနေ၊ တနင်္ဂနွေမှာ ဂျွမ်းဘားအားကစားဝါသနာပါတဲ့ ကလေးတွေကို သင်ပေးတာရှိတယ်။ ကြားရက်ဆိုရင်တော့ အားရင်းအားသလို ဂျွမ်းဘား အားကစားအဖွဲ့ချုပ်က ကလေးတွေကို ပရဟိတအနေနဲ့ သင်ပေးတာရှိပါတယ်။
ကျောင်းတက်ခဲ့တာကတော့ အထက(၁) ပန်းဘဲတန်းနဲ့ အနောက်ပိုင်းနည်းပညာတက္ကသိုလ်ကနေ အင်ဂျင်နီယာ ဘွဲ့ရထားပါတယ်။

ပရဟိတအလုပ်တွေ လုပ်ဖြစ်ပုံကရော။
ကျွန်မက ပရဟိတအလုပ်ကို အသက် (၁၆) နှစ်ကတည်းက ကလေးတွေကို စာသင်တဲ့အနေနဲ့ စလုပ်ဖြစ်တယ်။ အခု Miss ဖြစ်လာတော့ Miss တွေပဲဖွဲ့ထားတဲ့အဖွဲ့မှာပါဝင်ပြီး လိုအပ်တဲ့နေရာတွေကို လှူဖြစ်ပါတယ်။ နှစ်လတစ်ခါ လှူဖြစ်တာမျိုးတွေ လုပ်ဖြစ်ပါတယ်။ အဖွဲ့မဟုတ်လည်း တစ်ယောက်တည်းလည်း လုပ်ဖြစ်ပါတယ်။ တခြား အဖွဲ့တွေကလည်း အကူအညီတောင်းရင် အားရင်အားသလိုကူညီဖြစ်ပါ တယ်။ အခြားအဖွဲ့အစည်းတွေမှာလည်း ပါဝင်ထားတာ ရှိတယ်။ ပရဟိတအလုပ်ကိုတော့ အားရင်အားသလို လုပ်ဖြစ်ပါတယ်။

ဘာတွေဆက်လုပ်ဖို့ ရည်မှန်းထားလဲ။
အားကစားဘက်ကိုလည်း အမှန်တကယ် တိုးတက်အောင် ဆောင်ရွက်ပေးချင်တယ်။ ဂျွမ်းဘားမှာလည်း သံတမန်အဖြစ် ဆောင်ရွက်ပေးနေပါတယ်။ ကလေးတွေရော၊ လူကြီးတွေကိုရော ကိုယ်လက်လှုပ်ရှား အားကစားလုပ်ဖို့ အမြဲ တိုက်တွန်းဖြစ်ပါတယ်။ ကလေးတွေဆိုရင်လည်း အားကစားတစ်ခုကစားခြင်းက ကလေးတစ်ယောက်ရဲ့ ဘဝမှာ ကိုယ်တိုင်လည်း ကိုယ်တွေ့ဆိုတော့ ဂျွမ်းဘား အားကစားက ကောင်းကျိုးတွေ အများကြီးရှိစေတယ်။ ကလေးတွေကို ဆက်ပြီးတော့ သင်ပေးဖို့လည်းရှိပါတယ်။ အနုပညာဘက်မှာလည်း ဇာတ်ကားထွက်မှုနည်းပါတယ်။ ကျွန်မနဲ့အဆင်ပြေတဲ့ကား၊ ကိုယ်အကောင်းဆုံးလုပ်နိုင် မယ့် ကိုယ်ယုံကြည်ချက် ရှိတဲ့ကားတွေ ပိုပြီးတော့ရိုက် ဖြစ်တယ်။ ပရိသတ်က ကိုယ်ကိုကြည့်ရင် အားကျသွားရတဲ့ ပုံစံမျိုး၊ ကာရိုက်တာမျိုးပိုပြီးလုပ်ချင်ပါတယ်။ ပရဟိတ အလုပ်ကိုလည်း အချိန်ရရင်ရသလိုလုပ်ချင်ပါတယ်။ အားကစားကိုစိတ်ဝင် စားလို့ပဲဖြစ်ဖြစ်၊ ပရဟိတအလုပ်ကို စိတ်ဝင်စားလို့ပဲဖြစ် ဖြစ်၊ ကျွန်မကို ဆက်သွယ်မေးလို့ရပါ တယ်။ အကူ အညီတောင်းစရာရှိလည်း တောင်းနိုင်ပါ တယ်။ မေးမြန်း စရာရှိလည်း မေးမြန်နိုင်ပါတယ်။

နှစ်သစ်ကိုဘယ်လိုဖြတ်သန်းဖို့ရှိလဲ။
New Year မှာ ကျွန်မ ထူးထူးခြားခြား လုပ်ဖို့ အစီအစဉ် တော့မရှိပါဘူး။ ပုံမှန်လောက်ပါပဲ၊ အရင်နှစ်တွေကတော့ အိမ်မှာပဲ မုန့်လုပ်စားတာလောက်ပဲ လုပ်ဖြစ်ပါတယ်။ ဒီနှစ်ပွဲရှိရင်တော့ ပွဲသွားဖြစ်မယ်။

ပရိသတ်တွေအတွက် စကားလက်ဆောင်ကရော။
ကျွန်မ အရာအားလုံးကို အကောင်းဆုံးဖြစ်အောင် အမြဲလုပ်ဆောင်ဖြစ်တယ်။ တစ်နေ့ထက်တစ်နေ့ မတူအောင်၊ ပိုကောင်းအောင် ကြိုးစားဖြစ်တယ်။ သရုပ်ဆောင်အလုပ် ကိုလည်း အကောင်းဆုံးဖြစ်အောင် ပြင်ဆင်ပြီး လုပ်ဆောင်ဖြစ်ပါတယ်။ အားပေးတဲ့ပရိသတ်တွေကိုလည်း ကျေးဇူးတင်ပါတယ်။

အနာဂတ်ကို မျှော်မှန်း၍ ဆောင်ရွက်ကြရမည့်လုပ်ငန်းစဉ်

မြန်မာ့အလင်း အယ်ဒီတာ့အာဘော်

တစ်နှစ်ကုန်၍ တစ်နှစ်ဆန်းတော့မည်။ အချိန်ကာလ ရာသီစက်ယ္တရား သည် တစ်ပတ်ပြီးတစ်ပတ် လည်ပတ်ကာ ရွေ့လျားပြောင်းလဲလျက်ရှိသည်။ နှစ်သစ်နှင့် မကြာမီ မိမိတို့ပြည်ထောင်စုသမ္မတ မြန်မာနိုင်ငံတော်ကြီး၏ (၆၉) နှစ်မြောက် လွတ်လပ်ရေးနေ့အခမ်းအနားကြီးကိုလည်း အမြို့မြို့ အနယ်နယ်တွင် ဆင်ယင်ကျင်းပကြဦးမည် ဖြစ်သည်။

၁၉၄၈ ခုနှစ်၊ ဇန်နဝါရီ ၄ ရက် ကိုလိုနီနယ်ချဲ့လက်အောက် ကျွန်သပေါက်နိုင်ငံဘဝမှ လွတ်မြောက်လာချိန်ကစ၍ မြန်မာ့နိုင်ငံရေး မုန်တိုင်းထန်ခဲ့သည်ကို မိမိတို့အားလုံး သိရှိခဲ့ကြပြီးဖြစ်သည်။ လွတ်လပ် ရေးရပြီးကာလ ကိုယ့်ရေ၊ ကိုယ့်မြေ၊ ကိုယ့်နိုင်ငံနှင့် ကိုယ့်လူမျိုးတို့ ဖွံ့ဖြိုး တိုးတက်ရေးအတွက် ကိုယ့်အမျိုးသား၊ ကိုယ့်တိုင်းရင်းသားတို့ စည်းလုံး ညီညွတ်စွာ အားထုတ်ကြိုးပမ်းမှု မပြုနိုင်ခဲ့ကြဘဲ သံသယပွားကာ လက်နက်စွဲကိုင်ခဲ့ကြချိန်မှစ၍ မိမိတို့နိုင်ငံ၏ အတိတ်သမိုင်းကြောင်း မလှခဲ့သလို နိုင်ငံဖွံ့ဖြိုးတိုးတက်ရေးလည်း နှောင့်နှေးခဲ့ရသည်။
မည်သို့ပင်ဖြစ်စေ အတိတ်သမိုင်းဟူသည် သင်ခန်းစာယူရန်ဖြစ်သည်။ အတိတ်ကာလထဲမှာပင် တဝဲဝဲလည်နေပါက ပစ္စုပ္ပန်နှင့်အနာဂတ်တို့ ပျောက်ဆုံးရလိမ့်ဦးမည်။ မျက်မှောက်က္ဘာနှင့် မိမိတို့နိုင်ငံ၏ ပစ္စက္ခ အခြေအနေတို့က မိမိတို့အားလုံးစည်းလုံးညီညွတ်ကြဖို့ ပြဆိုနေသည်။ လက်နက်စွဲကိုင်တိုက်ခိုက်ခြင်းတည်းဟူသော နည်းလမ်းဟောင်းကို စွန့်လွှတ်၍ စားပွဲဝိုင်းတွင် တွေ့ဆုံညှိနှိုင်းသည့် နည်းလမ်းသစ်ဖြင့် အနာဂတ် နိုင်ငံတော်ကြီး တည်ဆောက်သွားရန် အချိန်အခါသို့ ကျရောက်နေပြီ။ စစ်မှန်သည့် ဒီမိုကရေစီဖက်ဒရယ်ပြည်ထောင်စုနိုင်ငံကြီး ဖြစ်ပေါ်လာရေး အတွက် ကြိုးပမ်းဖော်ဆောင်နေဆဲကာလအတွင်း မိမိတို့၏ ပြည်ထောင်စုကြီး မပြိုကွဲသွားစေရေး၊ တိုင်းရင်းသားညီအစ်ကို မောင်နှမများအကြား စည်းလုံးညီညွတ်မှုများ မပြိုကွဲသွားစေရေး၊ နိုင်ငံ၏ အချုပ်အခြာအာဏာ တည်တံ့ခိုင်မြဲရေးကို ထိပါးမခံဘဲ ကာကွယ်စောင့်ရှောက်ရေးတို့အတွက် မိမိတို့ပြည်ထောင်စုဖွား တိုင်းရင်းသားတို့၏ စုစည်းမှုအားဖြင့်ပင် ထိန်းသိမ်းကာကွယ် စောင့်ရှောက်ကြရဦးမည်ဖြစ်သည်။ တစ်ဖက်တွင်လည်း ဒီမိုကရေစီစံချိန်စံòန်းများနှင့် ကိုက်ညီသော၊ မိမိတို့နိုင်ငံနှင့် သင့်လျော် သော ဖွဲ့စည်းပုံအခြေခံဥပဒေတစ်ရပ် ပေါ်ပေါက်လာရေးအတွက်ကိုလည်း မိမိတို့အားလုံး ဝိုင်းဝန်းကြိုးပမ်းကြရမည် ဖြစ်သည်။ ထို့အပြင်ပြည်သူကို ဗဟိုပြု၍ အားလုံးပါဝင်နိုင်သော၊ အစဉ်အဆက်မပြတ်တိုးတက်မှုရရှိစေရန် ရည်ရွယ်သောနိုင်ငံတော်၏ စီးပွားရေးမူဝါဒနှင့်အညီ စီးပွားရေးအခြေ အနေကောင်းများ ရရှိလာစေရေး ဆောင်ရွက်သွားကြရဦးမည်ဖြစ်ရာ အထက်တွင်ဖော်ပြခဲ့သော အချက်များသည် မိမိတို့အားလုံးလက်ငင်း မျက်မှောက် ဆောင်ရွက်ကြရမည့် လုပ်ငန်းစဉ်များပင်ဖြစ်သည်။
သို့ဖြစ်သည့်အလျောက် မကြာမီကျင်းပမည့် (၆၉) နှစ်မြောက် လွတ်လပ်ရေးနေ့ အမျိုးသားရေးဦးတည်ချက်များအဖြစ်-
(၁) ပြည်ထောင်စုငြိမ်းချမ်းရေးညီလာခံ- (၂၁) ရာစုပင်လုံတွင် တွေ့ဆုံညှိနှိုင်းမှုများမှ ရရှိလာမည့် ဆုံးဖြတ်ချက်များနှင့်အညီ ဘုံသဘောတူညီချက်တစ်ခုဖြင့် အနာဂတ်တွင် စစ်မှန်သည့် ပြည်ထောင်စုကြီး တည်ဆောက်သွားနိုင်ရေး။

(၂) ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်မှု မပြိုကွဲရေးနှင့် အချုပ်အခြာအာဏာ တည်တံ့ခိုင်မြဲရေးတို့အတွက် တိုင်းရင်းသားအားလုံး စုစည်းထိန်းသိမ်းကာကွယ်ရေး။
(၃) ဒီမိုကရေစီဖက်ဒရယ်ပြည်ထောင်စု ဖြစ်ပေါ်ရေးအတွက် ဒီမိုကရေစီ စံချိန်စံòန်းများနှင့်အညီ နိုင်ငံတော်နှင့် သင့်လျော်သည့် ဖွဲ့စည်းပုံအခြေခံဥပဒေတစ်ရပ် ပေါ်ပေါက်ရန် ကြိုးပမ်းဆောင်ရွက် ရေး။
(၄) နိုင်ငံတော်၏ စီးပွားရေးမူဝါဒ မျှော်မှန်းချက်များနှင့်အညီ တိုင်းဒေသကြီးနှင့် ပြည်နယ်များအကြား ဘက်ညီမျှတစွာ ဖွံ့ဖြိုး တိုးတက်လာစေမည့် စီးပွားရေးအခြေအနေကောင်းများရရှိရန် ကြိုးပမ်း ဆောင်ရွက်ရေးဟူ၍ ချမှတ်ထားပြီးဖြစ်ရာ ဦးတည်ချက်(၄)ရပ်
အကောင်အထည်ပေါ် အောင်မြင်ရေးအတွက် တိုင်းရင်းသားပြည်သူ အားလုံးက ဝိုင်းဝန်းကြိုးပမ်းကြရမည်ဟု တိုက်တွန်းလိုပါကြောင်း။ ။

အိန္ဒိယနိုင်ငံ၌ ကျောက်မီးသွေးတွင်းပြိုကျ၊ ၃၅ ဦးဒဏ်ရာရပြီး လူ ၆ဝ ကျော်ပိတ်မိနေ

နယူးဒေလီ ဒီဇင်ဘာ ၃ဝ

အိန္ဒိယနိုင်ငံ အရှေ့ပိုင်းပြည်နယ်တစ်ခုဖြစ်သော ဂျာခန်၌ ကျောက်မီးသွေးမိုင်းတွင်း ပြိုကျမှုကြောင့် အနည်းဆုံး ၃၅ ဦး ဒဏ်ရာရရှိခဲ့ပြီး ၆ဝ ကျော်မှာ မိုင်းတွင်းထဲ၌ ပိတ်မိနေကြောင်း ရဲအရာရှိတစ်ဦးက ဒီဇင်ဘာ ၃ဝ ရက်တွင် ပြောကြားသည်။
မိုင်းတွင်းပြိုကျမှုသည် ဂေါ့တာခရိုင် Eastern Coldfields ကုမ္ပဏီပိုင် Rajmahal Open Cast Mines တွင်း၌ ဖြစ်ပွားခဲ့ခြင်းဖြစ်သည်။

မြူခိုးများ ထူထပ်စွာကျနေသည့်ကြားမှ ကယ်ဆယ်ရေးလုပ်ငန်းများကို ဒီဇင်ဘာ ၃ဝ ရက် နံနက်တွင် စတင်ခဲ့ပြီး ဒဏ်ရာရရှိသူများကို ဆေးရုံသို့ ပို့ဆောင်ခဲ့ပြီး သေဆုံးသူမရှိကြောင်း အမည်မဖော်လိုသူ ရဲအရာရှိက ပြောခဲ့သည်။
ကျောက်မီးသွေးတွင်းသည် မြေအောက်အနက် ၆၁ ပေတွင် လုပ်ကိုင် လျက်ရှိကြောင်း သိရသည်။ အိန္ဒိယသည် က္ဘာပေါ်၌ ကျောက်မီးသွေးထုတ်လုပ်မှု တတိယအကြီးဆုံးနိုင်ငံဖြစ်ပြီး နိုင်ငံ၏စွမ်းအင်လိုအပ်ချက်ကို ၆၁ ရာခိုင်နှုန်း ထောက်ပံ့ ပေးနေကြောင်း သိရသည်။
(ဆင်ဟွာ)

ဘရာဇီးနိုင်ငံဆိုင်ရာ ဂရိသံအမတ်ကြီးရီယိုမြို့သို့ သွားစဉ်ပျောက်ဆုံး

ရီယိုဒီဂျနေရိုး ဒီဇင်ဘာ ၃ဝ

ဘရာဇီးနိုင်ငံဆိုင်ရာ ဂရိသံအမတ်ကြီး Kyriakos Amiridis သည် ရီယိုမြို့ သို့သွားရောက်စဉ် လမ်းခရီး၌ပျောက်ဆုံး သွားပြီး အသတ်ခံရနိုင်ခြေများကြောင်း ဘရာဇီးနိုင်ငံအာဏာပိုင်များက ယမန်နေ့ က ပြောခဲ့သည်။
သံအမတ်ကြီးစီးသည့်ကားနှင့် ပုံစံ တူ လိုင်စင်နံပါတ်တူ ကားတစ်စီးကို ရီယိုမြို့ ဧရိယာအတွင်းရှိ Nova Iguacu ၌ တွေ့ရှိခဲ့ကြောင်း သိရ သည်။ မီးလောင်ကျွမ်းနေသည့် အဆိုပါကားအတွင်း လူသေအလောင်းတစ်လောင်းအားတွေ့ရှိခဲ့ပြီး ကျန်ခန္ဓာကိုယ်အစိတ်အပိုင်းများကို အတည်ပြု စစ်ဆေးရန် ဓာတ်ခွဲခန်းသို့ ပို့ဆောင်ခဲ့ ကြောင်း သိရသည်။
သက်ဆိုင်ရာ အာဏာပိုင်များက သံအမတ်ကြီး ပျောက်ဆုံးမှုနှင့်ပတ်သက် ၍ စုံစမ်းစစ်ဆေးမှုများ ဆောင်ရွက်လျက် ရှိကြောင်း သိရသည်။

သံအမတ်ကြီး၏ မိသားစုဝင်များက လွန်ခဲ့သည့်ရက်ပိုင်းတွင် ပြန်ရွေး ငွေတောင်းခံသော ဖုန်းဆက်သွယ်မှုမရှိ ကြောင်း ပြောခဲ့သော်လည်း ရဲတပ်ဖွဲ့က ပြန်ပေးဆွဲနိုင်သည့် အခြေအနေကို ထည့်သွင်းစဉ်းစားလျက်ရှိကြောင်း သိရ သည်။
Amiridis ၏ ဇနီးဖြစ်သူက ၄င်း၏ခင်ပွန်းအား Nova Iguacu ၌ ဒီဇင်ဘာ ၂၆ ရက်က ဖုန်းအဆက်အသွယ် ရှိခဲ့ကြောင်း သံအမတ်ကြီး ပျောက်ဆုံး သွားသည့် ဒီဇင်ဘာ ၂၈ ရက်တွင် ရီယိုရဲတပ်ဖွဲ့က ပြောခဲ့သည်။
Amiridis သည် ဘရာဇီးနိုင်ငံ ဆိုင်ရာ ဂရိသံအမတ်ကြီးအဖြစ် ၂ဝ၁၆ ခုနှစ်အစောပိုင်းတွင် တာဝန်ထမ်း ဆောင်ခဲ့သည်။
(ဆင်ဟွာ)

ကင်းထောက်များအကြားတွင် သိကျွမ်းနိုင်သလို ယဉ်ကျေးမှုချင်းဖလှယ်နိုင်ရန် အခွင့်အလမ်းရရှိနိုင်

နေပြည်တော် ဒီဇင်ဘာ ၃ဝ

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ယနေ့ ညပိုင်းတွင် နေပြည်တော်ရှိ အားကစား လေ့ကျင့်ရေးစခန်း (Gold Camp) ၌ မြန်မာကင်းထောက် အမျိုးသမီးအဖွဲ့နှင့် ဂျပန်ကင်းထောက်အမျိုးသမီးအဖွဲ့တို့ ပူးပေါင်း၍ စတုတ္ထအကြိမ် အပြည်ပြည် ဆိုင်ရာ စခန်းချသင်တန်း(Fourth International Camp for MMGG and GSJ) တက်ရောက်လျက်ရှိသည့် မြန်မာ-ဂျပန် အမျိုးသမီးကင်းထောက် များ၏ စခန်းချမီးပုံပွဲသို့ တက်ရောက် အမှာစကားပြောကြားသည်။
စခန်းချမီးပုံပွဲတွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က တောစခန်းထွက်သည့်အတွက် တစ်ယောက်နှင့်တစ်ယောက် ရင်းနှီးမှုများ ရရှိပါကြောင်း၊ ကင်းထောက်များအား သင်ကြားပေးသည့် လက်တွေ့ကျကျ ပညာများကိုလေ့ကျင့်နိုင်ရန်ဟု နားလည် ပါကြောင်း၊ အရေးကြီးသည်မှာ မိတ်ဖြစ် ဆွေဖြစ် အားလုံးစုစုရုံးရုံးနှင့် နေနိုင် ရန်ဖြစ်ကြောင်း၊ ယခုလို တောစခန်း ထွက်ခြင်းအားဖြင့် အခြားနိုင်ငံမှ ကင်းထောက်များနှင့် ပိုမိုသိကျွမ်းရန် အခွင့်အရေးရပါကြောင်း၊ မိမိတို့ ငယ်စဉ်က တောစခန်းထွက်သည့်အခါ ထိုင်းနိုင်ငံမှ ကင်းထောက်များ ပထမဆုံး လာရောက်ပြီး မိမိတို့နှင့်အတူ တစ်ပတ်၊ နှစ်ပတ်ကြာ နေထိုင်သွားပါကြောင်း၊ ယခု ကဲ့သို့ ဂျပန်နိုင်ငံမှ ကင်းထောက်များ လာရောက်ခြင်းဖြင့် ကင်းထောက်များ အကြားတွင် သိကျွမ်းနိုင်သလို ယဉ်ကျေး မှုချင်း ဖလှယ်နိုင်ရန် အခွင့်အလမ်း ရရှိနိုင်ပါကြောင်း ပြောကြားသည်။
ထို့နောက် မြန်မာနိုင်ငံအမျိုးသမီး ကင်းထောက်ချုပ် ဒေါက်တာ ဒေါ်တင်လှကြည်နှင့် ဂျပန်နိုင်ငံ အိုဆာကာ အမျိုးသမီးကင်းထောက် အဖွဲ့မှ Ms.Kuniko Tatamitani က ကျေးဇူးတင်စကားပြောကြားသည်။
လက်ဆောင်ပစ္စည်းပေးအပ်
ယင်းနောက် နိုင်ငံတော်၏ အတိုင်ပင်ခံပုဂ္ဂိုလ်အား ဂျပန်နိုင်ငံ အိုဆာကာ အမျိုးသမီးကင်းထောက် အဖွဲ့မှ Chief Executive Organizer Ms. Kuniko Tatamitani၊ အပြည်ပြည်ဆိုင်ရာ ကော်မရှင်နာMs. Michiko Hanaoka ၊ မြန်မာနိုင်ငံ အမျိုးသမီးကင်းထောက်ချုပ် ဒေါက်တာ ဒေါ်တင်လှကြည်နှင့် ဒုတိယ ကင်းထောက်ချုပ် ဒေါ်ခင်စောဥမ္မာတို့က အမှတ်တရလက်ဆောင်ပစ္စည်း ပေးအပ် ကြသည်။
ထို့နောက် နိုင်ငံတော်၏ အတိုင်ပင်ခံ ပုဂ္ဂိုလ်သည် ပြည်ထောင်စုဝန်ကြီးများ၊ နေပြည်တော်ကောင်စီဥက္ကဋ္ဌ၊ ဒုတိယ ဝန်ကြီး၊ တာဝန်ရှိသူများ၊ မြန်မာ-ဂျပန် ကင်းထောက်မယ်များနှင့်အတူ မှတ်တမ်း တင် ဓာတ်ပုံရိုက်ကြသည်။
ထို့နောက် စခန်းချမီးပုံပွဲကို ကျင်းပ ရာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ မြန်မာနိုင်ငံ အမျိုးသမီးကင်းထောက်ချုပ် ဒေါက်တာ ဒေါ်တင်လှကြည်နှင့် ဒုတိယ ကင်းထောက်ချုပ် ဒေါ်ခင်စောဥမ္မာ၊ ဂျပန် နိုင်ငံ အိုဆာကာ အမျိုးသမီးကင်းထောက် အဖွဲ့မှ Chief Executive Organi-zer Ms. Kuniko Tatamitani ၊ အပြည်ပြည်ဆိုင်ရာ ကော်မရှင်နာ Ms. Michiko Hanaoka တို့က စတင်မီးညှိပေးကြသည်။

ကင်းထောက်တေးသီချင်းဖျော်ဖြေ
ယင်းနောက် နိုင်ငံတော်၏အတိုင်ပင်ခံပုဂ္ဂိုလ်သည် မြန်မာ-ဂျပန် ကင်းထောက်မယ်များ၏ ကင်းထောက် တေးသီချင်းနှင့် သရုပ်ပြဖျော်ဖြေမှုများကို ကြည့်ရှုအားပေးသည်။
စခန်းချလေ့ကျင့်
စတုတ္ထအကြိမ် အပြည်ပြည်ဆိုင်ရာ စခန်းချသင်တန်းကို ဒီဇင်ဘာ ၂၈ ရက်မှ ၃၁ ရက်အထိ စခန်းချလေ့ကျင့် လျက်ရှိပြီး သင်တန်းတွင် အခြေခံ ပညာကျောင်းများ၊ တက္ကသိုလ်၊ ကောလိပ် များမှ မြန်မာကင်းထောက်အမျိုးသမီး ၉၂ ဦး၊ ဂျပန်နိုင်ငံမှ ကင်းထောက် အမျိုးသမီး ၄၁ ဦး စခန်းချလေ့ကျင့်လျက် ရှိကြောင်း သိရသည်။
(သတင်းစဉ်)

ပြင်ဦးလွင်၏ သဘာဝအလှတရားကိုဖော်ညွှန်း၍ သာယာလှပမေမြို့အလှ ဓာတ်ပုံပြပွဲ၊ ပြိုင်ပွဲနှင့် အရောင်းပြပွဲကျင်းပ

ပြင်ဦးလွင် ဒီဇင်ဘာ ၃ဝ

နွေ၊ မိုး၊ ဆောင်း သုံးရာသီ သာယာလှပလျက်ရှိသည့် ပြင်ဦးလွင်(ခေါ်) မေမြို့၏ သဘာဝအလှတရားကို ဖော်ညွန်းထားသော သာယာလှပမေမြို့အလှ ဓာတ်ပုံပြပွဲ၊ ပြိုင်ပွဲနှင့် အရောင်းပြပွဲကို မြန်မာနိုင်ငံ ဟိုတယ်ဆိုင်ရာ လုပ်ငန်းရှင်များအသင်း(ပြင်ဦးလွင်ဇုန်)က ကြီးမှူး၍ ဒီဇင်ဘာ ၂၉ ရက် နံနက် ၉ နာရီက ပြင်ဦးလွင်မြို့ ကန်တော်လေးအနီး ဂန္ဓမာမြိုင်ဟိုတယ်တွင် ပထမ အကြိမ်အဖြစ်ပြုလုပ်ခဲ့ကြောင်း သိရသည်။

''ပြင်ဦးလွင်မြို့ရဲ့ သဘာဝအလှတရားကို ပြည်တွင်း၊ ပြည်ပခရီးသွားသူတွေ ထဲထဲဝင်ဝင်သိနိုင်ဖို့၊ ဒေသခံ ရွက်ပုန်းသီးဓာတ်ပုံပညာရှင်တွေ ဖော်ထုတ်လာစေဖို့ အတွက် ကျင်းပဖြစ်တာပါ၊ ဓာတ်ပုံတစ်ပုံချင်းစီ၏ အလှတရားစစ်စစ်ကို မျက်စိနဲ့တင်သာမက နှလုံးသားနဲ့ ခံစားချင်တယ်ဆိုရင် လာရောက်ကြည့်ရှုဖို့ ဖိတ်ခေါ်ချင်ပါတယ်။ ကိုယ့်ခံစားချက်နဲ့ထပ်တူကျတဲ့ ပုံလေးတွေကို တွေ့ရင်လည်း အပိုင်ဝယ်နိုင်ပြီး သိမ်းထားနိုင်မှာပါ'' ဟု မြန်မာနိုင်ငံဟိုတယ်ဆိုင်ရာ လုပ်ငန်းရှင်အသင်း (ပြင်ဦးလွင်ဇုန်) အတွင်းရေးမှူး ဦးဝေဠုက ပြောသည်။

သာယာလှပမေမြို့အလှ ဓာတ်ပုံပြပွဲ၊ ပြိုင်ပွဲနှင့် အရောင်းပြပွဲတွင် ဒေသခံဓာတ်ပုံပညာရှင်များနှင့် လူငယ် ဓာတ်ပုံပညာရှင်များ၏ ဓာတ်ပုံ ၂၃ဝ ကျော် ယှဉ်ပြိုင် ပြသထားမည်ဖြစ်ပြီး ပထမဆု ကျပ်ငါးသိန်း၊ ဒုတိယဆု ကျပ်သုံးသိန်း၊ တတိယဆု ကျပ်နှစ်သိန်းနှင့် နှစ်သိမ့်ဆုခုနစ် ဆု ချီမြှင့်မည်ဖြစ်ရာ နှစ်သိမ့်ဆု တစ်ဆုလျှင် ကျပ်တစ်သိန်း ချီးမြှင့်မည်ဖြစ်ကြောင်း သိရသည်။

အဆိုပါ ဓာတ်ပုံများအား မြန်မာနိုင်ငံ ဟိုတယ် ဆိုင်ရာလုပ်ငန်းရှင်အသင်း(ပြင်ဦးလွင်ဇုန်)မှ ၂ဝ နှင့် ပြင်ဦးလွင်မြို့ခံ နယ်ပယ်အသီးသီးမှ တတ်သိပညာရှင် အကဲဖြတ်အဖွဲ့ ၁ဝ ဦး စုစုပေါင်း ‘၃ဝ ဖြင့် ရွေးချယ် ဆုချီးမြှင့်သွားမည်ဖြစ်သည်။

''ပြိုင်ပွဲဝင်ဓာတ်ပုံတွေအားလုံးကို အများဆန္ဒနဲ့ ရွေးချယ်ဆုချီးမြင့်သွားမှာပါ။ ဟိုတယ်လုပ်ငန်းရှင်အသင်းက ‘ဒိုင်တွေနဲ့ရော ပြင်ပနယ်ပယ်အသီးသီးက တတ်သိပညာ ရှင်တွေထဲက ‘ ဒိုင်တွေနဲ့ပါ ရွေးချယ်သွားမှာပါ၊ ဓာတ်ပုံ ရွေးချယ်တဲ့အခါ အများပြည်သူအားလုံးရှေ့မှာ ဘယ်လို စနစ်နဲ့ ရွေးချယ်သွားမည်ဆိုတာချပြပြီး ပွင့်လင်းမြင်သာစွာ ရွေးချယ်ပြီး ထိုက်ထိုက်တန်တန် ဆုချီးမြှင့်သွားမှာပါ'' ဟု မြန်မာနိုင်ငံ ဟိုတယ်ဆိုင်ရာလုပ်ငန်းရှင်အသင်း (ပြင်ဦးလွင်ဇုန်) အတွင်းရေးမှူး ဦးဝေဠုက ပြောသည်။

အဆိုပါ ပြပွဲ၊ ပြိုင်ပွဲနှင့် အရောင်းပြပွဲတွင် မည်သူမဆို (ပြင်ဦးလွင်(ခ)မေမြို့နှင့် သက်ဆိုင်သော မည်သည့်ပုံမဆို) အခမဲ့ဝင်ရောက်ယှဉ်ပြိုင်ခွင့်ပြုထားသလို ပြိုင်ပွဲဝင် ဓာတ်ပုံပြိုင်ပွဲဝင်ထားသူများသည် မိမိတို့ ၏ ပြိုင်ပွဲဝင်ဓာတ်ပုံများကို အရောင်းပြပွဲတွင် မိမိတို့ စိတ်ကြိုက်ဈေးဖြင့် ရောင်းချခွင့်ပြုထားသည်။

သာယာလှပမေမြို့အလှ ဓာတ်ပုံပြပွဲ၊ ပြိုင်ပွဲနှင့် အရောင်းပြပွဲကို ပြင်ဦးလွင်မြိ့ ကန်တော်လေးအနီး၊ ဂန္ဓမာမြိုင်ဟိုတယ်တွင် ဒီဇင်ဘာ၂၉ ရက်မှ ၃၁ ရက် အထိ နေ့စဉ် နံနက် ၉ နာရီမှ ညနေ ၅ နာရီအထိ ကျင်းပ မည်ဖြစ်ပြီး မည်သူမဆို အခမဲ့ဝင်ရောက်ကြည့်ရှုနိုင်ကြောင်း သိရသည်။

သီဟကိုကို(မန္တလေး)

ဆောင်းရာသီအအေးဒဏ်ကာကွယ်ရန် အနွေးထည်များ လှူဒါန်း

မူဆယ် ဒီဇင်ဘာ ၃ဝ

ကမ္ဘောဇအနာဂတ်အလင်းတန်း မြန် မာဖောင်ဒေးရှင်းသည် မူဆယ်ခရိုင် အတွင်းရှိ ကြူကုတ်(ပန်ဆိုင်း)၊ မုံးကိုး နှင့် နမ့်ခမ်းဒေသများရှိ တိုက်ပွဲရှောင် ပြည်သူများ၊ ဒေသခံတိုင်းရင်းသား ပြည်သူများနှင့် သက်ကြီးဘိုးဘွားများ အတွက် ဆောင်းရာသီအအေးဒဏ် ကာကွယ်နိုင်ရန် ခေါင်းစွပ်ပါအနွေး ထည် ၁၄ဝဝဝ ကျော်ကို ဒီဇင်ဘာ ၃ဝ ရက်က ဖောင်ဒေးရှင်းမှ တာဝန်ရှိ သူ ဦးသက်အောင်၊ ကမ္ဘောဇဘဏ် လီမိတက် မူဆယ်ဘဏ်ခွဲ(၁) တာဝန် ခံ ဒေါ်နန်းဖူးဖူးခိုင်နှင့် ဖောင်ဒေးရှင်း အဖွဲ့ဝင်များက သွားရောက်လှူဒါန်း ခဲ့ရာ မူဆယ်မြို့နယ် ပြည်သူ့လွှတ်တော် ကိုယ်စားလှယ် ဦးစိုင်းဖိုးမြတ်နှင့် မူဆယ်ခရိုင် အုပ်ချုပ်ရေးမှူး ဦးကျော်ကျော်ထွန်းတို့က လက်ခံရယူခဲ့ကြောင်း သိရသည်။

လှူဒါန်းရခြင်းနှင့် စပ်လျဉ်း၍ ဦးကျော်ကျော်ထွန်းက ''မူဆယ်ခရိုင် အတွင်းရှိ တိုက်ပွဲရှောင်ပြည်သူများ၊ ဒေသခံဘိုးဘွားများ၊ ပြည်သူများ အတွက် အနွေးထည်များ လှူဒါန်းသည့်အတွက် အထူးကျေးဇူးတင်ရှိပါကြောင်း၊ ယခုကာလတွင် မူဆယ်၊ မုံးကိုးအစရှိသော ဒေသများသည် အလွန်အေးသည့် အချိန်ဖြစ်သည့် အတွက် ယခုလှူဒါန်းသော အနွေး ထည်များသည် တန်ဖိုးမဖြတ်နိုင်သည့် လှူဒါန်းမှု တစ်ခုပင်ဖြစ်ကြောင်း၊ လှူဒါန်းမှုအတွက်လည်း တိုက်ပွဲရှောင်ပြည်သူများနှင့် ဒေသခံ ပြည်သူတွေကိုယ်စား အထူးကျေးဇူး တင်ရှိပါကြောင်း၊ လှူဒါန်းမှုအခမ်း အနားကို မူဆယ်မြို့နယ် ပြည်သူ့ လွှတ်တော်ကိုယ်စားလှယ်၊ အမျိုးသား လွှတ်တော်ကိုယ်စားလှယ်၊ ပြည်နယ်လွှတ်တော် ကိုယ်စားလှယ်များပါ စုံညီစွာ တက်ရောက်သည့်အတွက်လည်း ဒေသခံပြည်သူတွေကိုယ်စား အထူး ကျေးဇူးတင်ရှိပါကြောင်း'' ပြောကြားသည်။

ဖောင်ဒေးရှင်းအနေဖြင့် မူဆယ် ဒေသသို့ အနွေးထည် လှူဒါန်းမှုသည် ဒုတိယအကြိမ် လှူဒါန်းခြင်းဖြစ်ပြီး ပထမအကြိမ် ကလည်းလှူဒါန်းခဲ့ပြီး ဖြစ်သည်။ အလားတူ ဖောင်ဒေးရှင်းသည် ဒီဇင်ဘာ ၂၇ ရက်က ချင်းပြည်နယ်အတွင်းရှိ ဒေသခံပြည်သူများ အတွက် ခေါင်းစွပ်ပါအနွေးထည် ၂ဝဝဝဝ ကို ချင်းပြည်နယ်ဝန်ကြီးချုပ် ဦးဆလိုင်းလျန်းလွယ်ထံ ဖောင်ဒေး ရှင်းမှ တာဝန်ရှိသူ ဦးခင်မောင်ထွေး နှင့် ဖောင်ဒေးရှင်းအဖွဲ့ဝင်များက သွားရောက် လှူဒါန်းခဲ့သည်။

ထို့အပြင် ဖောင်ဒေးရှင်းသည် နွေရာသီတွင် ရေရှားပါးမှုကြောင့် ရေတွင်း၊ ရေကန်များတူးဖော်ပေးခြင်း၊ ရေဘောက်ဆာကားကြီးများ လှူဒါန်းပေးခြင်း၊ မီးဘေးဒုက္ခကြုံတွေ့ခဲ့ရသော ဒေသခံပြည်သူများအတွက် ထောက်ပံ့ငွေနှင့် စားသောက်ကုန်များလှူဒါန်း ခြင်း၊ မိုးရာသီတွင် ရေကြီးရေလျှံမှုကြောင့် ရေဘေးသင့်ပြည်သူများအတွက် ထမင်းထုပ်များနှင့် စားသောက်ကုန်ပစ္စည်းများ၊ ထောက်ပံ့ငွေများလှူဒါန်းခြင်း၊ ဆောင်းရာသီတွင် အအေးလွန်ကဲနိုင်သော ဒေသများအတွက် အအေးဒဏ် ကာကွယ်နိုင်ရန် ခေါင်းစွပ်ပါအနွေး ထည် ၂ဝ၅ဝဝဝ ကို လှူဒါန်းခြင်းတို့ကို ဆောင်ရွက်ပေးခဲ့သည်။

ဖောင်ဒေး ရှင်းအနေဖြင့် မြန်မာနိုင်ငံအနှံ့အပြား ဘာသာရေး၊ ပညာရေး၊ ကျန်းမာရေး၊ သဘာဝဘေးအန္တရာယ်အမျိုးမျိုး အစရှိသည့် ကဏ္ဍမျိုးစုံတို့အတွက် ယနေ့အချိန်အထိ လှူဒါန်းငွေ (၁၁ဝ ဒသမ ၆၈၂) ဘီလီယံကို လှူဒါန်းခဲ့ပြီး ဖြစ်ကြောင်း သိရသည်။

(ဝ၁ဝ)

ချောင်းသာကမ်းခြေ ဈေးသည်များ၊ ဥပဒေနှင့်အညီဈေးပြန်လည်ရောင်းချခွင့်ပြုရေး ဆန္ဒထုတ်ဖော်

ပုသိမ် ဒီဇင်ဘာ ၃ဝ

ချောင်းသာကမ်းခြေ ဈေးသည်များအား ဥပဒေနှင့်အညီ အမြန်ဆုံးဈေး ပြန်လည်ရောင်းချခွင့် သတ်မှတ်ပေးရေး ငြိမ်းချမ်းစွာ စီတန်းလှည့်လည် ဆန္ဒထုတ်ဖော်ပွဲကို ဒီဇင်ဘာ ၃ဝ ရက် နံနက် ၉ နာရီခွဲက ပုသိမ်မြို့တော် ခန်းမရှေ့၌ ပြုလုပ်ကြောင်း သိရသည်။

ဆန္ဒထုတ်ဖော်ပွဲတွင် လူ ၂ဝဝ ခန့်ပါဝင်ခဲ့ပြီး မြို့တော်ခန်းမရှေ့မှ စတင်ထွက်ခွာရာ ရွှေမုဋ္ဌောဘုရားအား တစ်ပတ်ပတ်၍ မြို့တော်ခန်းမရှေ့ အရောက်တွင် ပြီးဆုံးကြောင်း သိရသည်။ အဆိုပါ ဆန္ဒထုတ်ဖော်ပွဲကို ချောင်းသာကမ်းခြေတွင် ဈေးသည်များအား ဖယ်ရှားခံရပြီး ရင်ဆိုင်ကြုံတွေ့ နေရသော မိသားစုဝင်များ၏ စီးပွားရေး၊ လူမှုရေး၊ ပညာရေး၊ ကျန်းမာရေး အခက်အခဲများကို တာဝန်ရှိသူများ သိရှိစေရန်ရည်ရွယ်၍ ဆန္ဒထုတ်ဖော် ရခြင်းဖြစ်ပြီး၊ ငြိမ်း၊ စု၊ စီ ခွင့်ပြုချက်ဖြင့်ပြုလုပ်ကြောင်း သိရသည်။

မောင်မောင်မြင့်(ပြန်/ဆက်)

ဥကံ္ကသစ်တောကြိုးဝိုင်းတွင် တစ်နှစ်သားခန့်ရှိ ဆင်သေအရိုးစုတွေ့ရှိ

တိုက်ကြီး ဒီဇင်ဘာ ၃ဝ

ရန်ကုန်တိုင်းဒေသကြီး တိုက်ကြီးမြို့နယ် ဥက္ကံသစ်တောကြိုးဝိုင်း အကွက် အမှတ်(၆၈) ကျောက်ပြားမြောင်းအတွင်း ဒီဇင်ဘာ ၂၆ ရက်တွင် တစ်နှစ်သားခန့်ရှိ ဆင်သေကောင် အရိုးစုတစ်စုတွေ့ရှိကြောင်း မြို့နယ်သစ်တောဦးစီးဌာန တောအုပ်ဦးသက်နိုင်ဦးကဟြေသည်။

''ဆင်သေအရိုးစုတွေ့ရှိကြောင်းကို ဒေသခံတွေက ကျွန်တော်တို့သစ်တော ကို သတင်းပို့လို့သွားကြည့်တော့ အရိုးစုတွေ့ပါတယ်။ ဒါပေမယ့်ဆင်ရဲ့အရိုးစု လား၊ အခြားတိရစ္ဆာန်တစ်ကောင်ကောင်ရဲ့ အရိုးစုလားတော့ သေချာမသိခဲ့ရပါဘူး။ အရိုးစုတွေကတစ်စစီကျိုးပဲ့ကျေနေတာရယ်၊ ခေါင်းပိုင်းကလည်း အပြည့်အစုံမရှိတာရယ်၊ ဒါ့ကြောင့် ကွဲကွဲပြားပြားသိရအောင် သစ်ထုတ်လုပ်ရေး က ပညာရှင်တွေကိုစစ်ဆေးပေးဖို့ ဓာတ်ပုံနဲ့တကွတင်ပြထားပါတယ်'' ဟု ကိုသက်နိုင်ဦးက ထပ်မံပြောပြသည်။

ဒီဇင်ဘာ ၂၇ ရက်တွင်ရန်ကုန်တိုင်းဒေသကြီး သစ်ထုတ်လုပ်ရေးဌာနမှ တာဝန်ရှိသူဆင်ဆရာဝန်များက တစ်နှစ်သားခန့်နို့စို့အရွယ်ဆင်ပေါက်ကလေး ဖြစ်ကြောင်း၊ မြွေကိုက်၍သေဆုံးခြင်းဖြစ်သည်ဟု အတည်ပြုပေးလိုက်ကြောင်း မြိုင်ဟေဝန်ဆင်စခန်းမှ တာဝန်ရှိသူ ဦးကျော်ဝင်းက ဟြေသည်။

တိုက်ကြီးမြို့နယ်တွင်တောဆင်ရိုင်းသေဆုံးမှု ၁ဝ ကောင်ရှိပြီး ကျွဲဘုတ် ကျေးရွာအုပ်ချုပ်ရေးမှူးပါဝင်သော ဆင်သတ်မုဆိုးဂိုဏ်းအဖွဲ့အား လက်နက်များနှင့် အတူဖမ်းဆီးရမိပြီး အရေးယူထားလျက်ရှိသည်။ ယခုအခါတောဆင်ရိုင်းများသည် စားကျက်ပျောက်ဆုံးပြီး တောင်သူများ၏စပါးသီးနှံများကိုမကြာခဏ ဝင်ရောက်စားသောက်လေ့ရှိသည်။ ထို့ကြောင့် လူနှင့် ဆင်အန္တရာယ်မဖြစ်စေရေး၊ ဆင်ခိုးဂိုဏ်းများသတ်သည့် အန္တရာယ်မှကာကွယ် ရန်နှင့်ဆင်ကောင်ရေမည်မျှ ရှိသည်ကို ကာကွယ်နိုင်ရန် ပြင်သစ်နိုင်ငံမှ(WWF) အဖွဲ့က ရေဒီယိုကော်လာ တပ်ဆင်လျက်ရှိကြောင်း သိရသည်။

ထွန်းလှိုင်(မြိုင်)

ကရင်နှစ်သစ်ကူးပွဲတော် နောက်ဆုံးနေ့ စည်ကားသိုက်မြိုက်စွာကျင်းပ

ရန်ကုန် ဒီဇင်ဘာ ၃ဝ

ရန်ကုန်တိုင်းဒေသကြီး အင်းစိန်မြို့နယ်ရှိ အာလိန်ငါးဆင့် ကျောင်းတွင် ကရင်နှစ်သစ်ကူးပွဲတော် နောက်ဆုံးနေ့ကို စည်ကားသိုက်မြိုက်စွာ ကျင်းပခဲ့ကြောင်း သိရသည်။

အဆိုပါပွဲတော်ကို ဒီဇင်ဘာ ၂၈ ရက်မှ ၃ဝ ရက်အထိ ကျင်းပခဲ့ခြင်းဖြစ်ပြီး ပွဲတော်တွင် ယဉ်ကျေးမှုပြခန်း၊ သတင်းနှင့် ပြန်ကြားရေးပြခန်းများကို ဖွင့်လှစ်ပြသခြင်း၊ ကရင်ရိုးရာအကများ၊ တေးသီချင်းများ၊ ဒုံးအကပြိုင်ပွဲ များဖြင့် ဖျော်ဖြေတင်ဆက်ကြပြီး ကရင်ရိုးရာအားကစား ပြိုင်ပွဲများ ကျင်းပခဲ့ကြောင်း သိရသည်။

''ဒီနေ့ညမှာ အားကစားပြိုင်ပွဲက ဆုရရှိသူတွေကို ဆုပေးမှာပါ။ အခုလို ကရင်နှစ်သစ်ကူးပွဲတော်မှာ ပါဝင် ဆင်နွှဲကြတဲ့ တိုင်းရင်းသားညီအစ်ကိုတွေကို အထူးကျေးဇူး တင်ပါတယ်။ ကရင်အင်အားဟာ ပြည်ထောင်စုအင်အား ပဲ''ဟု ပွဲတော်ကျင်းပရေးဗဟိုကော်မတီအဖွဲ့ တွဲဖက် အထွေထွေအတွင်းရေးမှူး ဦးမန်းကျော်ညွန့်က ပြောသည်။

ကရင်နှစ်သစ်ကူးပွဲတော်နေ့သည် (သလေးထိုင်ခုတ်ဖို ပြာသိုလဆန်း ၁ ရက်နေ့) တောင်ပေါ်မြေပြန့် ကရင် တစ်မျိုးသားလုံး၏ တရားဝင်နှစ်သစ်မင်္ဂလာနေ့မြတ်ကြီးဖြစ်ပြီး ယင်းနေ့သည် ကရင်မိဘဘိုးဘေးတို့၏ တစ်ခု တည်းသော အမွေအနှစ်နေ့ကြီးဖြစ်သည့်အပြင် ကရင် အမျိုးသားအားလုံး၏ စည်းလုံးညီညွတ်ရေးကို တည် ဆောက်ပေးခဲ့သော သမိုင်းဝင်နေ့မြတ်ကြီးဖြစ်ကြောင်း သိရသည်။

(ဇာနည်မောင်)

နီးနီးကပ်ကပ်နဲ့သင်ကြားပေးတဲ့အတွက် စည်းကမ်းတကျနဲ့ တကယ့်ကို ကင်းထောက်ကောင်းတွေ ဖြစ်လာမယ်လို့ ယုံကြည်ချက်တွေဖြစ်ပေါ်လာပါတယ်

မြန်မာ-ဂျပန် ကင်းထောက်အမျိုးသမီး အဖွဲ့တို့ ပူးပေါင်းပြီး စတုတ္ထအကြိမ် အပြည်ပြည်ဆိုင်ရာ စခန်းချသင်တန်းကို နေပြည်တော်ရှိ အားကစား လေ့ကျင့်ရေးစခန်း (Gold Camp) ၌ ဒီဇင်ဘာ ၂၈ ရက်မှ ၃၁ ရက် အထိ စခန်းချလေ့ကျင့်သင်ကြားခြင်း အစီအစဉ်များကို ဆောင်ရွက်လျက်ရှိပြီး စခန်းတွင် နှစ်နိုင်ငံချစ်ကြည် ရင်းနှီးမှုရရှိရေး၊ ကင်းထောက်ပညာ ဖလှယ်နိုင်ရေး၊ တောတွင်းစခန်းချ အတွေ့အကြုံများ ဖလှယ်နိုင်ရေး၊ နိုင်ငံအလိုက် ရိုးရာယဉ်ကျေးမှုများ လေ့လာရေးတို့ကို ပူးပေါင်းဆောင် ရွက်လျက်ရှိသည်။

ယင်းစခန်းတွင် ဦးစီးဆောင်ရွက် လျက်ရှိသည့် တာဝန်ရှိသူများနှင့် ကင်းထောက်မယ်တို့၏ အတွေ့အကြုံများကို ပြန်လည်မျှဝေလိုက်ရပါသည်။

ဒေါက်တာဒေါ်တင်လှကြည်

မြန်မာနိုင်ငံအမျိုးသမီးကင်းထောက်ချုပ်

ဒီစခန်းချသင်တန်းမှာ ဂျပန်က ကင်းထောက်အမျိုးသမီး ၄၁ ယောက် နဲ့ ကျွန်မတို့ဆီက ၉၂ ယောက်ပါတယ်။ သင်ပေးတာကတော့ ဂျပန်တွေ အနေနဲ့က ကျွန်မတို့ကို ကျန်းမာသန်စွမ်းမှုကို ဦးစားပေးတယ်။ ဒီသင်တန်းမှာ ငြိမ်းချမ်းရေးနဲ့ ပတ်သက်တာတွေလည်း သင်ရပါတယ်။ ဒါ့အပြင် ကျန်းမာရေးနဲ့ ပျော်ရွှင်မှုအတွက် ကလေးတွေကို နည်းမျိုးစုံနဲ့ ကစားနည်းလေးတွေ လုပ်ပေးတယ်။ ဒီလိုကစားရင်းနဲ့ တစ်ဦးနဲ့တစ်ဦး သည်းခံစိတ်တွေ၊ ခင်မင်စိတ်တွေပေါ်လာမယ်။ အတူတကွ လုပ်ဆောင်တတ်တဲ့ စိတ်လေး တွေပေါ်လာမယ်။ ဂျပန်နဲ့ မြန်မာ ဖြစ်တဲ့အတွက် ဘာသာစကားပိုင်းမှာတော့ အားနည်းပါတယ်။ ဒါပေမယ့် ချစ်ခင်ရင်းနှီးမှုနဲ့တင် အဆင်ပြေနေတယ်။ အဘက်ဘက်က ပံ့ပိုးမှု အားပေးမှုကြောင့်လည်း မြန်မာနိုင်ငံ ကင်းထောက် အမျိုးသမီးအဖွဲ့ဟာ ရှင်သန်နေပြီ ဖြစ်ပါတယ်။

Ms.Kuniko Tatamitani

Chief Executive Organizer 

ဂျပန်နိုင်ငံအိုဆာကာအမျိုးသမီးကင်းထောက်အဖွဲ့

ကျွန်မက ဂျပန်နိုင်ငံ အိုဆာကာက လာတာပါ။ အခုတော့ ဒီ Camp မှာ ဂျပန်အဖွဲ့ရဲ့ တာဝန်ခံဒါရိုက်တာ အနေနဲ့လာခဲ့တာပါ။ ကျွန်မတို့ ဂျပန်အမျိုးသမီး ကင်းထောက်မယ်တွေနဲ့ မြန်မာနိုင်ငံမှာရှိတဲ့ အမျိုးသမီး ကင်းထောက်မယ်တွေ ပူးပေါင်းပြီးတော့ အသိပညာဖလှယ်မယ်၊ ယဉ်ကျေးမှု ဖလှယ်မယ်၊ အသိပညာ တစ်ယောက်နဲ့တစ်ယောက် ဖလှယ်ပြီးတော့ မြန်မာနိုင်ငံနဲ့ ဂျပန်နိုင်ငံတို့ ပူးပေါင်းပြီး လုပ်ဆောင်သွားတဲ့ ဆောင်ရွက်ချက်တွေထဲမှာ ကမ္ဘာကြီးကိုလည်း ငြိမ်းချမ်းစေချင်တယ်။ အဓိကကတော့ ငြိမ်းချမ်းရေးဆီကို ဦးတည်ပြီး လှုပ်ရှားဆောင်ရွက်တာ ဖြစ်ပါတယ်။

ကျွန်မတို့က မြန်မာနိုင်ငံကို လွန်ခဲ့တဲ့ ဆယ်နှစ်တုန်းက လာခဲ့ပါတယ်။ အဲဒီတုန်းကဆိုရင် အခုနဲ့ မတူပါဘူး။ ဆယ်နှစ်အတောအတွင်းမှာ နှစ်တိုင်း နှစ်တိုင်းလာရင်းလာရင်းနဲ့ မြန်မာနိုင်ငံနဲ့ ဂျပန်နိုင်ငံဟာ ရင်းနှီးမှုကိုရရှိပြီး မြန်မာနိုင်ငံကို ပိုပြီးချစ်ခင်နှစ်သက်လာပါတယ်။

နောက်နှစ်နှစ်ကြာရင် ကျွန်မတို့ ဂျပန်ကင်းထောက်အဖွဲ့ရဲ့ နှစ် (၇ဝ)မြောက် ဖြစ်ပါတယ်။ အဲဒီအခါကျရင် မြန်မာနိုင်ငံရဲ့ ကင်းထောက်ငယ်လေး တွေကို ဖိတ်ခေါ်ဖို့ အစီအစဉ်ရှိပါတယ်။

မအေးစန္ဒာအောင် 

အမျိုးသားစီမံခန့်ခွဲမှုပညာဒီဂရီကောလိပ် တတိယနှစ်ကျောင်းသူ

ဂျပန် ကင်းထောက်မယ်တွေက အလွန်ကို စည်းစနစ်ကျပါတယ်။ သူတို့အနေနဲ့ အကုန်လုံးကို သေချာ စနစ်တကျ လုပ်ထားကိုင်ထားတာတွေ့ ရတယ်။ သူတို့အချင်းချင်းစည်းစည်း လုံးလုံးနဲ့ လုပ်ဆောင်သွားတာတွေ တွေ့ရတဲ့အတွက်ကြောင့် သမီးတို့ မြန်မာကင်းထောက်မယ်တွေ အများကြီး ဗဟုသုတတွေရပါတယ်။ သူတို့ တွေက ဖိဖိစီးစီးနဲ့ မသိတာ၊ မတတ် တာကိုသင်ပေးတယ်။ သမီးတို့ ကင်းထောက်အဖွဲ့တွေကို နီးနီး ကပ်ကပ်နဲ့ သင်ကြားပေးတဲ့အတွက် စည်းကမ်းတကျနဲ့ တကယ့်ကို ကင်းထောက်ကောင်းတွေ ဖြစ်လာမယ်လို့ ယုံကြည်ချက်တွေဖြစ်ပေါ်လာပါတယ်။

ဒေါ်ခင်စောဥမ္မာ 

ဒုတိယကင်းထောက်ချုပ်

နိုင်ငံတကာ Camp က ဒါနဲ့ဆို (၄)ကြိမ်မြောက်ဖြစ်ပါတယ်။ ဂျပန်နိုင်ငံက ကလေးတွေနဲ့ ကျွန်မတို့ဆီ က ကလေးတွေ ကင်းထောက်အဖွဲ့ အလိုက်ပူးပေါင်းပြီး အတူနေခွင့်ရတယ်။ အဲဒီလို အတူနေခွင့်ရတဲ့အတွက် ရင်းနှီးခင်မင်မှုရတယ်။ ဘာသာစကား ဖလှယ်လို့ရတယ်။ ယဉ်ကျေးမှု ဖလှယ်လို့ရတယ်။ ကင်းထောက်ကိစ္စတွေကို မျှဝေလို့ ရတယ်။

မျိုးမြင့် (သတင်းစဉ်)

ကျူးဘားမြို့တော်၌ နေအိမ်များအင်တာနက်အသုံးပြုရေး ရှေ့ပြေးစီမံကိန်းတစ်ရပ်ကို စတင်အကောင်အထည်ဖော်

ဟာဗားနား ဒီဇင်ဘာ ၃ဝ

ကျူးဘားနိုင်ငံမြို့တော် ဟာဗားနား၌ ပြည်သူ ၂ဝဝဝ ၏နေအိမ်များ၌ အင်တာနက်ချိတ်ဆက်အသုံးပြုရေး ရှေ့ပြေးစီမံကိန်း တစ်ရပ်ကို စတင်ပြီဖြစ်ကြောင်း ဒေသဆိုင်ရာ သတင်းဌာနများက ဒီဇင်ဘာ ၃ဝ ရက်တွင် သတင်းထုတ်ပြန်သည်။

ကျူးဘားနိုင်ငံသည် ကမ္ဘာပေါ်တွင် အင်တာနက်ထိုးဖောက်မှုနှုန်းအနိမ့်ဆုံး နိုင်ငံများအနက် နိုင်ငံတစ်နိုင်ငံအဖြစ်ပါဝင်သည်။ ကွန်မြူနစ် အုပ်စိုးသော ကျူးဘားနိုင်ငံ၌ ပြည်သူ ၁၁ ဒသမ ၂ သန်းမှာ ဝိုင်ဖိုင်ထုတ်လွှင့်ပေးသည့် နေရာများတွင်သာ အင်တာနက်အသုံးပြုခွင့်ရရှိခဲ့ကြပြီး အင်တာနက်သုံးစွဲခမှာ တစ်နာရီလျှင် တစ်ဒေါ်လာခွဲမျှကျသင့်ရာ သာမန်နိုင်ငံ့ဝန်ထမ်းတစ်ဦး ရရှိသော ပျမ်းမျှ လစာငွေ၏ ငါးရာခိုင်နှုန်းခန့်အထိ ရှိသည်ဆို၏။

ကျူးဘားနိုင်ငံ၌ ပြည်သူ ငါးရာခိုင်နှုန်းခန့်ကသာ ၎င်းတို့၏နေအိမ်များ၌ အင်တာနက်ကို သုံးစွဲနိုင်သေးသည်ဟု ခန့်မှန်းရသည်။ ကျူးဘားနိုင်ငံ၌ နေအိမ်များတွင် အင်တာနက်သုံးစွဲခွင့်ရှိရန် အစိုးရထံမှ ခွင့်ပြုချက်ရယူရန် လိုအပ်သည်။ အထူးသဖြင့် တက္ကသိုလ်များ၊ ဆရာဝန်များနှင့် တတ်သိပညာရှင်များကိုသာ အင်တာနက်အသုံးပြုခွင့်ပေးလေ့ရှိသည်။

မိမိ၏နေအိမ်တွင် အင်တာနက်အသုံးပြုခွင့်ရရှိခြင်းမှာ အိပ်မက်တစ်ခု အကောင်အထည်ပေါ်လာပုံမျိုးဖြစ်ကြောင်း ဟာဗားနား မြို့၌ နေထိုင်သူ အသက် (၆၇) နှစ်အရွယ်ရှိ တက္ကသိုလ်ပါမောက္ခဟောင်း မာရက်က ပြောကြားသည်။

ရိုက်တာ။

ကမ္ဘာ့အမြင့်ဆုံးတံတားသစ် တရုတ်နိုင်ငံ ကွေ့ကျိုးပြည်နယ်၌ ဖွင့်လှစ်

ပေကျင်း ဒီဇင်ဘာ ၃ဝ

ကမ္ဘာအမြင့်ဆုံးတံတားတစ်စင်းကို တရုတ်နိုင်ငံတွင် ဒီဇင်ဘာ ၂၉ ရက်က တရားဝင် ဖွင့်လှစ်လိုက်ပြီဖြစ်ကြောင်း၊ အဆိုပါ တံတားသည် ပေ ၂ဝဝဝ နီးပါးအနက်ရှိသည့် ချောက်ကမ်းပါးတစ်ခုပေါ်တွင် ဖြတ်သန်းကာ တည်ဆောက်ထားကြောင်း ယနေ့ဆင်ဟွာ သတင်းတွင် ဖော်ပြသည်။

တရုတ်နိုင်ငံ အနောက်တောင်ပိုင်းကွေ့ကျိုးပြည်နယ်ရှိ ကမ္ဘာ့အမြင့်ဆုံးတံတားကို သုံးနှစ်ကြာ အချိန်ယူတည်ဆောက်ခဲ့ရပြီး တံတားတည်ဆောက်မှု ကုန်ကျစရိတ်မှာ အမေရိကန်ဒေါ်လာ ၁၄၆ ဒသမ ၇ သန်းဖြစ်သည်။ တံတားကို ဘေပန်ကျန်းဟူ၍ အမည်ပေးထားပြီး ဘေပန်မြစ်၏အထက်၁၈၅၄ ပေ အမြင့်တွင်တည်ရှိသည်။ အဆိုပါ တံတားတွင် တံတားယာဉ်ကြော လေးခုရှိသည်။

ယခုဖွင့်လှစ်လိုက်သော တံတား၏အမြင့်နှင့်နှိုင်းယှဉ်ပါက အမေရိကန် ပြည်ထောင်စု ဆန်ဖရန်စစ္စကိုမြို့ရှိ ဂိုးလ်ဒင်းဂိတ် တံတားသည် အမြင့်ပေ ၂၂ဝ အထက် တွင် တည်ရှိပြီး နယူးယောက်မြို့ရှိ One World ကုန်သွယ်ရေးဗဟိုဌာန အဆောက်အအုံမှာ ၁၇၇၆ ပေ မြင့်မားသည်။ ယင်းအဆောက်အအုံသည် အမေရိကန် ပြည်ထောင်စုတွင် အမြင့်မားဆုံးအဆောက်အအုံလည်းဖြစ်သည်။

ကမ္ဘာ့အမြင့်ဆုံးတံတားတည်ဆောက်မှုလုပ်ငန်းမှာ ယခုနှစ် စက်တင်ဘာလတွင် အပြည့်အဝပြီးစီးခဲ့သော်လည်း ယခုနှစ်ဒီဇင်ဘာ ၂၉ ရက်အထိ တရားဝင်ဖွင့်လှစ်ခြင်း မရှိခဲ့ပေ။

တရုတ်နိုင်ငံ၌ ကမ္ဘာပေါ်တွင် ဒုတိယနှင့်တတိယအမြင့်ဆုံးတံတားများလည်း တည်ရှိကြောင်း၊ ဒုတိယအမြင့်ဆုံးတံတားမှာ ဆီဒူးမြစ် တံတား(အမြင့် ၁၆၂၇ ပေ)ဖြစ်ပြီး တတိယအမြင့်ဆုံးတံတားမှာ ပူလီတံတား(အမြင့် ၁၅၉၁ ပေ)ဖြစ်ကြောင်း သတင်းတွင် ဖော်ပြသည်။

ဆင်ဟွာ။

အမေရိကန်က ရုရှားသံတမန်များကို ပြည်နှင်ဒဏ်ပေး၊ ရုရှားက အမေရိကန်စာသင်ကျောင်းကိုပိတ်ရန် ညွှန်ကြား

နယူးယောက် ဒီဇင်ဘာ ၃ဝ

အမေရိကန်ရွေးကောက်ပွဲတွင် ကြားဝင်စွက်ဖက်သည်ဆိုမှုဖြင့် သမ္မတဘာရက်အိုဘားမားက ရုရှားနိုင်ငံအပေါ် အရေးယူပိတ်ဆို့မှုများပြုလုပ်ခဲ့ကြောင်း၊ ရုရှားနိုင်ငံကလည်း အမေရိကန်၏အရေးယူပိတ်ဆို့မှုများကို ပြန်လည်လက်တုံ့ပြန်ခဲ့ကြောင်း ဒေသဆိုင်ရာသတင်းဌာနများက ဒီဇင်ဘာ ၃ဝ ရက်တွင် သတင်းထုတ်ပြန်သည်။

၂ဝ၁၆ ခုနှစ် နိုဝင်ဘာလ သမ္မတရွေးကောက်ပွဲကို ရုရှားနိုင်ငံက ကွန်ပျူတာကွန်ရက်အဖျက်အမှောင့်လုပ်ကာ ကြားဝင်နှောင့်ယှက်ခဲ့သည်ဟု သမ္မတဘာရက် အိုဘားမားက စွပ်စွဲခဲ့ပြီး ရုရှားအစိုးရတာဝန်ရှိသူများနှင့် ထောက်လှမ်းရေးဌာနများအပေါ် အရေးယူဒဏ်ခတ်မှု ပြုလုပ်ရန် စီစဉ်ဆောင်ရွက်ခဲ့သည်။

အမေရိကန်၏ နိုင်ငံရေးဆိုင်ရာအဖွဲ့အစည်းများ၏ကွန်ပျူတာကွန်ရက်နှင့်အီးမေးလ်စာလွှာများကို ရုရှားက ဖောက်ထွင်းခဲ့သည်ဟု အိုဘားမားအစိုးရက စွပ်စွဲခဲ့ပြီး ဝါရှင်တန်ရှိ ရုရှားသံရုံးနှင့် ဆန်ဖရန်စစ္စကိုမြို့ရှိ ရုရှား ကောင်စစ်ဝန်ရုံးတို့မှ သံတမန် ၃၅ ဦးကို အမေရိကန်နိုင်ငံခြားရေးဌာနက ပြည်နှင်ဒဏ်ပေးခဲ့သည်။

ထိုစဉ်အတွင်း မြို့တော်မော်စကိုရှိ အမေရိကန် စာသင်ကျောင်းကို ပိတ်သိမ်းရန် ရုရှားအစိုးရအဖွဲ့က ညွှန်ကြားခဲ့သည်။

ရိုက်တာ။

အလယ်အလတ်တရားပွားများ

''သင်တို့ကို ငါဘုရား နောက်ဆုံးစကား မှာကြားခဲ့မည်။ သင်္ခါရဓမ္မမှန်သမျှ ပျက်စီးခြင်း သဘောရှိကုန်သည်။ သင်တို့သည် ထိုရုပ်နာမ်ဓမ္မသင်္ခါရတို့ အပေါ်၌ အနိစ္စဟူ၍ ရှုခြင်း၊ ဒုက္ခဟူ၍ ရှုခြင်းတည်းဟူသော သတိမလစ် သော အပ္ပမာဒတရားဖြင့် ပြည့်စုံကြကုန်လော့''ဟု နောက်ဆုံးစကား မှာကြားကာ ဘုရားရှင်သည် ပရိနိဗ္ဗာန်စံဝင်ခဲ့သည်။

ရုပ်နာမ်ဓမ္မသင်္ခါရတို့သည် ဖြစ်ခြင်းပျက်ခြင်းသဘောရှိကုန်သည်။ မည်သည့်အရာမှ မြဲသည်မရှိ ဖြစ်ပြီးလျှင်ပျက်ခြင်းသို့ရောက်သည်။ အနိစ္စပျက်ယွင်းခြင်းကို ရှုမှတ်ရမည်။ ဒုက္ခဆင်းရဲခြင်းကိုလည်း ရှုမှတ်ရမည်။ ယင်းတို့ကို မလစ်သောသတိ အပ္ပမာဒတရားဖြင့်တည်နေလျှင် ချမ်းသာခြင်းအစစ်အမှန်ကိုရမည်ဟု တရားတော်တွင် ဖွင့်ဆိုထားသည်။

ကျွန်ုပ်တို့ပုထုဇဉ်လူသားများအနေဖြင့် အနိစ္စလည်းမမြင်၊ ဒုက္ခလည်းမမြင် ကာမဂုဏ်စည်းစိမ်ခံစားနေထိုင်ရင်း မိမိကိုယ်ကို ညှဉ်းဆဲနှိပ်စက်ပြီး အပင်ပန်းအဆင်းရဲခံနေထိုင်သည့် အမှားများကျူးလွန်နေကြသည်။ ထို့ကြောင့် မြတ်ဗုဒ္ဓက ထိုအမှားတို့မှကင်းလွတ်သည့် အလယ်အလတ်ကျင့်စဉ်ကို ညွှန်ပြခဲ့သည်။ ထိုကျင့်စဉ်ကိုကျင့်ကြံကြပါက သစ္စာလေးပါးဉာဏ်အမြင်ရ၍ ချမ်းသာခြင်းသို့ရောက်သည်။

အလယ်အလတ်ကျင့်စဉ်တွင် ကောင်းမွန်မှန်ကန်စွာသိမြင်နားလည်ခြင်း၊ ကောင်းမွန်မှန်ကန်စွာ စဉ်းစားကြံစည်ခြင်း၊ ကောင်းမွန်မှန်ကန်စွာပြောဆိုခြင်း၊ ကောင်းမွန်မှန်ကန်စွာ ပြုမူဆောင်ရွက်ခြင်း၊ ကောင်းမွန်မှန်ကန်စွာ အသက်မွေးဝမ်းကျောင်းပြုခြင်း၊ ကောင်းမွန်မှန်ကန်စွာအားထုတ်ခြင်း၊ ကောင်းမွန်မှန်ကန်စွာ အောက်မေ့သတိရှိခြင်း၊ ကောင်းမွန်မှန်ကန်စွာ အာရုံစိုက်ကာ စိတ်တည်ကြည်နေခြင်းဟူသည့် အင်္ဂါရှစ်ပါးပါဝင်သည်။

ယနေ့သည် နှစ်တစ်နှစ်၏နောက်ဆုံးနေ့ဖြစ်သည်။ အနိစ္စသင်္ခါရ သဘောတရားအရ အချိန်တို့သည် စက္ကန့်တိုင်း စက္ကန့်တိုင်းသေဆုံးသွားကာ နောက်ဆုံးတစ်ဖြတ် တစ်နှစ်ကုန်ဆုံးချေပြီ။ ကုန်ဆုံးခဲ့သော တစ်နှစ်တာကာလအတွင်း အနိစ္စလည်းမမြင်၊ ဒုက္ခလည်းမမြင် ကာမဂုဏ်စည်းစိမ်တို့ကို ခံစားနေထိုင်ရင်း မိမိကိုယ်ကို ညှဉ်းဆဲမှန်းမသိ ညှဉ်းဆဲခဲ့ကြ ပေလိမ့်မည်။

မနက်ဖြန်ဆိုလျှင် နှစ်တစ်နှစ်ကုန်ဆုံး၍ နှစ်သစ်တစ်နှစ်သို့ ကူးပြောင်းရောက်ရှိတော့မည်ဖြစ်သည်။ ယနေ့ ပစ္စပ္ပုန်ဆိုသည်မှာလည်း တခဏချင်းကုန်ဆုံး၍ အတိတ်တွင်ကျန်ရစ်တော့မည်။ ကုန်ဆုံးခဲ့သော အချိန်များအတွင်း လောကအကျိုး၊ မိမိအကျိုး မည်မျှဆောင်ရွက်ခဲ့သည်ကို ဆင်ခြင်သုံးသပ်ကြည့်နိုင်သည်။ အလျဉ်မပြတ်တရစပ်ကုန်ဆုံးခဲ့သော အချိန်များအတွင်း ကောင်းသောအမှု ပြု၊မပြု မိမိကိုယ်သာ အသိဆုံးဖြစ်မည်။

အချိန်ကာလဟူသည် ရှည်လျားလွန်းသည်ဟု ပေါ့ပေါ့တန်တန်တွေးကာ ပေါ့ပေါ့ဆဆ မနေသင့်ချေ။ ကုန်ဆုံးခဲ့သောအချိန်များမှာ နောက်ကြောင်းပြန်ကြည့်လျှင် တိုတောင်းလွန်းလှသည်။ ကုန်လွန်ခဲ့သော ဆယ်စုနှစ် တစ်ခု၊ နှစ်ခုမကတို့သည် မကြာသေးဟူ၍ အမှတ်တရ ရှိနေဆဲဖြစ်သည်။ ထို့ကြောင့် ကျန်ရှိနေသေးသော အချိန်များအတွင်း မိမိဘဝ၊ မိမိပတ်ဝန်းကျင်၊ မိမိနိုင်ငံတိုးတက်ကောင်းမွန်အောင် အားထုတ်သင့်လှသည်။

ကုန်ဆုံးခဲ့သောအချိန်များမှ မှားခဲ့သောအမှားများကို သင်ခန်းစာယူကာ အပ္ပမာဒ မလစ်သောသတိတရားဖြင့် မဂ္ဂင်ရှစ်ပါး အလယ်အလတ် အကျင့်တရားများကို အတတ်နိုင်ဆုံးကျင့်ကြံအားထုတ်သင့်သည်။ အကယ်၍ သင်သည် အနာဂတ်တွင် အလယ်အလတ်တရားများနှင့် သွေဖည်၍ သတိမမူပေါ့ပေါ့တန်တန်ပြုမူခဲ့ပါမူ ဒုက္ခဆင်းရဲခြင်း၊ အနိစ္စပျက်စီးခြင်းတို့နှင့် မနှေးအမြန်ကြုံတွေ့နိုင်သည်။

ထို့ကြောင့် နှစ်ဟောင်းကုန်ဆုံး၍ နှစ်သစ်သို့ကူးပြောင်းရောက်ရှိ တော့မည်ဖြစ်ရာတွင် နှစ်ဟောင်းမှ မကောင်းသော အပြုအမူများကို နှစ်သစ်သို့ ဆက်လက်သယ်ဆောင်ယူခြင်းမပြုတော့ဘဲ အတိတ်တွင် ထားရစ်ခဲ့ကာ နှစ်သစ်တွင် စိတ်သစ်ကိုယ်သစ်ဖြင့် အလယ်အလတ်တရားများကို ပွားများအားထုတ်ရင်း မိမိအတွက်ဖြစ်စေ၊ နိုင်ငံအတွက်ဖြစ်စေ ကောင်းသောအကျင့်အကြံတို့ကို ပွားများအားထုတ်ကြရန် တိုက်တွန်းပါသည်။ ။