နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ဖြည့်စွက်သတင်းစကား

''ဒီနေ့မှာတော့ ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီUNFC အဖွဲ့ဝင် (၅) ဖွဲ့ ဖြစ်တဲ့ ကရင်နီအမျိုးသား တိုးတက်ရေးပါတီ (KNPP) ၊ မွန်ပြည်သစ်ပါတီ (NMSP)၊ ရခိုင်အမျိုးသားကောင်စီ (ANC)၊ လားဟူ ဒီမိုကရက်တစ် အစည်းအရုံး (LDU) နဲ့ ''ဝ''အမျိုးသားအဖွဲ့ချုပ် (WNO)တို့က တစ်နိုင်ငံလုံးပစ်ခတ်တိုက်ခိုက်မှု ရပ်စဲရေး သဘောတူစာချုပ် NCAကို လက်မှတ်ရေးထိုးတော့မှာ ဖြစ်ကြောင်း ထုတ်ဖော်ပြောကြားလာတဲ့ သတင်းကို အခုပဲ ကြားသိရပါတယ်။ တိုက်တိုက် ဆိုင်ဆိုင် နိုင်ငံတော်အစိုးရရဲ့ တစ်နှစ်ပြည့်တဲ့ ဒီကနေ့မှာ ထုတ်ပြန်လာခဲ့တဲ့ ဒီသတင်းဟာ နိုင်ငံတော်နဲ့ ပြည်သူတွေအတွက် အကောင်းမွန်ဆုံးသော ဆုလက်ဆောင်၊ မင်္ဂလာအရှိဆုံးသော သတင်းကောင်းပဲဖြစ်ပါတယ်။ UNFC အဖွဲ့ဝင် (၅) ဖွဲ့ကNCAလက်မှတ်ရေးထိုးဖို့ ယခုလိုဆုံးဖြတ်ချက်ချလိုက်တဲ့အတွက် ငြိမ်းချမ်းရေးမျှော်လင့်ချက်ရောင်ခြည်တွေ ပိုမိုတောက်ပလာ ခဲ့ပြီဖြစ်ပါတယ်။ နိုင်ငံတော်အစိုးရအနေနဲ့ အမျိုးသားပြန်လည်ရင်ကြားစေ့ရေးနှင့် ငြိမ်းချမ်းရေးကို အထူးအလေးထား ဆောင်ရွက်လျက်ရှိပါတယ်။ NCA လက်မှတ်ရေးထိုးဖို့ ဆုံးဖြတ်လိုက်တဲ့ UNFC (၅)ဖွဲ့ကိုလည်း ကျွန်မတို့ အစိုးရ၊ ကျွန်မတို့ရဲ့ငြိမ်းချမ်းရေးဖြစ်စဉ်ကို ယုံကြည်ပေးကြတဲ့အတွက် အထူးပဲ ဝမ်းမြောက်ပါကြောင်း ပြောကြားလိုပါတယ်။ ကျွန်မတို့ အစိုးရအနေနဲ့ နိုင်ငံတော်သာယာဝပြောရေးနှင့် ငြိမ်းချမ်းရေးဖော်ဆောင်ရေးမှာ ''ပြည်သူနှင့်အတူ'' လက်တွဲဆောင်ရွက် သွားမှာ ဖြစ်ပါတယ်။ တိုင်းရင်းသားခေါင်းဆောင်တွေနဲ့ ပြည်သူအားလုံး ဝိုင်းဝန်းကြိုးပမ်းဆောင်ရွက်ကြမယ်ဆိုရင် ကျွန်မတို့ ပြည်သူတွေ မျှော်လင့်တောင့်တနေတဲ့ ငြိမ်းချမ်းရေးကို မလွဲမသွေ မုချရရှိမယ်လို့ အခိုင်အမာယုံကြည်ပါတယ်''

ပြည်သူနှင့်အတူ

မြန်မာ့အလင်းအယ်ဒီတာ့အာဘော်

''ကျွန်မတို့နိုင်ငံရဲ့ ကိစ္စတွေအတွက်ကို ပြည်သူနဲ့အတူတူ တာဝန်ယူမယ်။ ပြည်သူနဲ့ အတူတူ ကျွန်မတို့ ဒီတာဝန်တွေကို ထမ်းဆောင်မယ်။ ကျွန်မတို့အနေနဲ့ ဒီတာဝန်တွေကို ကျေပွန်ဖို့အတွက် ပြည်သူရဲ့အားကို ကျွန်မတို့ယူသလို ကျွန်မတို့ရဲ့စွမ်းအားတွေအားလုံးကိုလည်း ပြည်သူတွေ အတွက် ကျွန်မတို့ သုံးပါမယ်ဆိုတဲ့ စိတ်ဓာတ်နဲ့ ပြည်သူနဲ့အတူ ကျွန်မတို့ နောက်နှစ်ကို ချီတက်သွားချင်ပါတယ်။ အဲဒီလိုချီတက်သွားတဲ့အခါ ကျွန်မ တို့ ပြည်သူပြည်သားအားလုံး ပြည်ထောင်စုနိုင်ငံသူ နိုင်ငံသားများအားလုံး ဟာ ဝိုင်းဝန်းပြီးတော့ ပံ့ပိုးကူညီကြလိမ့်မယ်လို့ ကျွန်မတို့မျှော်လင့်ပါ တယ်။ ''
''ပြောင်းလဲချိန်တန်ပြီ'' ဟူသော ဆောင်ပုဒ်နှင့်အတူ ရွေးကောက် ပွဲရလဒ်အရ အမျိုးသားဒီမိုကရေစီအဖွဲ့ချုပ်အစိုးရအနေဖြင့် နိုင်ငံတော်ကို တာဝန်ယူ၍ နိုင်ငံအကျိုး၊ ပြည်သူ့အကျိုးကို သယ်ပိုးထမ်းရွက်ခဲ့သည်မှာ တစ်နှစ်တာကာလ ရောက်ရှိခဲ့ပြီဖြစ်သည်။ တိုးတက်ဖြစ်ပေါ်လာသော အခြေအနေ အချိန်အခါတို့အရ ယခုနှစ်၏ ဆောင်ပုဒ်အသစ်မှာ ''ပြည်သူ နှင့်အတူ'' ဖြစ်သည်။ ဆောင်ပုဒ်၏ အနှစ်သာရကို အထက်တွင်ဖော်ပြခဲ့ သည့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နိုင်ငံတော်အစိုးရတာဝန်ယူမှု တစ်နှစ်ပြည့် အထိမ်းအမှတ်မိန့်ခွန်းမှ ကောက်နုတ်ချက်တွင် ပေါ်လွင်ထင်ရှားစွာ တွေ့မြင်နိုင်မည်ဖြစ်သည်။
နိုင်ငံတစ်ခု ဖွံ့ဖြိုးတိုးတက်ရေးတွင် အဓိကကျသော အင်အားမှာ ပြည်သူ့အင်အားဖြစ်သည်။ တစ်နည်းအားဖြင့်ဆိုရသော် နိုင်ငံဖွံ့ဖြိုး တိုးတက်ရေး ဆောင်ရွက်ရာတွင် ပြည်သူလူထု၏ တစ်ခဲနက် ပူးပေါင်း ပါဝင်မှုလိုအပ်သည်။ နိုင်ငံဖွံ့ဖြိုးတိုးတက်ရေးတွင် အထိရောက်ဆုံးနှင့် အကောင်းဆုံးသောနည်းလမ်းမှာ ပြည်သူတို့အား လူမှုရေးနှင့် နိုင်ငံရေးအရ စနစ်တကျ စုစည်းခြင်း(social and political mobilization)ဖြစ်သည်ဟုလည်း သုတေသီများက ဆိုကြသည်။ မိမိတို့ဖြတ်သန်းခဲ့ ကြဖူးသော အတိတ်ကာလ ခေတ်စနစ်အဆက်ဆက်တို့တွင်လည်း ''ပြည်သူတို့၏ ပူးပေါင်းပါဝင်မှု'' ကို အစိုးရအသီးသီးတို့က ညွှန်းဆိုခဲ့ကြ သည်ကို တွေ့ကြုံခဲ့ကြရပြီးဖြစ်ရာ လက်တွေ့တွင်မူ ထိုခေတ်ထိုကာလ အစိုးရ သို့မဟုတ် ခေါင်းဆောင်များနှင့် ပြည်သူတို့အကြား ဘဝနှင့်ဆန္ဒတို့ ကွဲပြားခြားနားလျက် ကင်းကွာခဲ့ကြကြောင်းကိုလည်း မိမိတို့ တွေ့ကြုံခဲ့ကြ ရပြီးဖြစ်သည်။
နိုင်ငံဖွံ့ဖြိုးတိုးတက်ရေးလုပ်ငန်းများ၌ ပြည်သူများပူးပေါင်းပါဝင်မှု (Popular Participation)ဟု ဆိုရာတွင် လက္ခဏာသုံးရပ်ရှိကြောင်း သုတေသီများက ဖော်ထုတ်တင်ပြထားသည်။ ယင်းတို့မှာ-
၁။ အကောင်အထည်ဖော်သူများအဖြစ်ပါဝင်မှု (implementer or operator role)- လယ်ယာမြေဖော်ထုတ်ရေး၊ ရေဘေးကာကွယ် ရေး၊ လမ်းဖောက်လုပ်ရေး၊ ဆည်မြောင်းကန်ချောင်းများ တူးဖော်ရေး စသည့် ဖဖွံ့ဖြိုးရေးလုပ်ငန်းများတွင် လူထုက ပါဝင်လုပ်အားပေးဆောင် ရွက်ခြင်း။
၂။ နိုင်ငံတော်၏ ရေးရာကိစ္စအဝဝတွင် အဆုံးအဖြတ်ပေးရသည့် အဖွဲ့အစည်းအဆင့်ဆင့်၌ ပြည်သူများ ကျယ်ကျယ်ပြန့် ပြန့် ပါဝင်ခြင်း(decision-maker role)-အထူးသဖြင့် မူဝါဒဆိုင်ရာအဆုံးအဖြတ်ပေး သည့်နေရာများတွင် ပြည်သူ့ကိုယ်စားလှယ်များအဖြစ် ပါဝင်ခွင့်ရှိခြင်း။
၃။ ပြည်သူတို့သည် တစ်ဦးချင်းအားဖြင့်လည်း တီထွင်ကြံဆောင် ဖန်တီးသူများအဖြစ် ပါဝင်နေခြင်း (creative-initiative role or initiator role)တို့ ဖြစ်သည်။
နိုင်ငံ၏ နိုင်ငံရေး၊ စီးပွားရေး၊ လူမှုရေး နယ်ပယ်အသီးသီးတုိ့တွင် ပြည်သူများကိုယ်တိုင် စိတ်ဓာတ်နှင့် ယုံကြည်ချက်များအရ တက်ကြွစွာ အလိုအလျောက်ပါဝင်လာစေရန် စေ့ဆော်ဖန်တီးမှုများကို နိုင်ငံ ခေါင်းဆောင် သို့မဟုတ် အစိုးရတို့က ဦးဆောင်ဦးရွက်ပြု ဖော်ဆောင် ပေးခြင်းနှင့်အတူ နိုင်ငံတော်ဖွံ့ဖြိုးတိုးတက်ရေးဆိုသည်မှာ ခေါင်းဆောင် နှင့် ပြည်သူတို့၏ ''နှစ်ယောက်တစ်အိပ်မက်ပမာ '' ဖြစ်နေရန်လည်း လိုအပ်သည်။ တစိုက်မတ်မတ်ဖြစ်သော တစ်ခုတည်းသော မျှော်မှန်းချက် အပေါ်တွင် ဆန္ဒာဓိပတိကို အထွတ်တင်ခြင်းဖြင့် အောင်မြင်ခြင်းပန်းတိုင်ကို လှမ်းကိုင်နိုင်မည်ဖြစ်ပါကြောင်း။ ။

သဘာဝဘေးအန္တရာယ်စီမံခန့်ခွဲရေးလုပ်ငန်းများတွင် အရပ်ဘက်-စစ်ဘက် ပူးပေါင်းဆောင်ရွက်ရေး အလုပ်ရုံဆွေးနွေး

နေပြည်တော် မတ် ၃ဝ ပြည်သူ့အစိုးရသစ်အနေဖြင့် ပြည်သူများ လွတ်လပ်လုံခြုံစွာ ဖွံ့ဖြိုးတိုးတက်ရေးကို ရည်မှန်းချက်ထားဆောင်ရွက်လျက်ရှိပါ ကြောင်း၊ ဖွံ့ဖြိုးတိုးတက်ရန်အတွက် ငြိမ်းချမ်းရေးသည် အရေးကြီးပါကြောင်း၊ လူမှုစီးပွားဖွံ့ဖြိုးတိုးတက်ရေးကို သဘာဝ ဘေးနှင့်ပဋိပက္ခများကြောင့် ဖြစ်သော ဘေးအ္တရာယ်များကလည်း အဟန့် အတားဖြစ်စေခြင်းကြောင့် ငြိမ်းချမ်းရေး ရရှိရန် ကြိုးပမ်းမှုနှင့် သဘာဝဘေး ကြိုတင်ကာကွယ်ရေး လုပ်ငန်းများကို ဦးစားပေးဆောင်ရွက်ရန် လိုပါကြောင်း၊ ပြည်ထောင်စုဝန်ကြီး ဒေါက်တာ ဝင်းမြတ်အေးက ပြောကြားသည်။
ဆက်လက်၍ သဘာဝဘေးကြိုတင် ကာကွယ်ရေး၊ တုံ့ပြန်ရေးနှင့်ပြန်လည် ထူထောင်ရေးလုပ်ငန်းများ ဆောင်ရွက် ရာတွင် ပြည်သူ့အကျိုးကို ပိုမိုထိရောက် စွာ ဖြည့်ဆည်းပေးနိုင်ရန် အရပ်ဘက်-စစ်ဘက် စနစ်တကျ ပူးပေါင်းဆောင်ရွက် နိုင်ရေးအတွက် ယနေ့အလုပ်ရုံ ဆွေးနွေး ပွဲကို ဒုတိယအကြိမ် ကျင်းပရခြင်းဖြစ် ကြောင်း၊ ဘေးအ္တရာယ်ကျရောက်သော ဒေသများ အထူးသဖြင့် သွားလာရန် ခက်ခဲသောဒေသများကို တပ်မတော်၏ အကူအညီဖြင့် သွားရောက်ကာ ကယ်ဆယ် ရေးလုပ်ငန်းများ ဆောင်ရွက်နိုင်ခဲ့ပါ ကြောင်း၊ သာဓကအနေဖြင့် ၂ဝ၁၆ ခုနှစ် တွင် ကချင်ပြည်နယ် ဆော်လောမြို့နယ် လန်ဆယ်ဒေသ၌ ဖြစ်ပွားခဲ့သောရေဘေး တွင် တပ်မတော်နှင့် ပူးပေါင်းဆောင်ရွက် မှုကို ထင်ထင်ရှားရှားတွေ့ရမည်ဖြစ်ပါ ကြောင်း၊ အာဆီယံနိုင်ငံများ အချင်းချင်း နှင့် တပ်မတော်များကလည်း သဘာဝ ဘေးအ္တရာယ်ကျရောက်ပါက တစ်နိုင်ငံ နှင့် တစ်နိုင်ငံအကူအညီပေးနိုင်ရေး သဘောတူထားရှိပါကြောင်း၊ စနစ်တကျ ပူးပေါင်းဆောင်ရွက်ခြင်းဖြင့် အောင်မြင်မှု ကို ရရှိမည်ဟု ယုံကြည်ပါကြောင်း၊ ယနေ့ နံနက်ပိုင်းက နေပြည်တော် မန်းမြန်မာ ဟိုတယ်၌ ကျင်းပသည့် သဘာဝ ဘေးအ္တရာယ် စီမံခန့်ခွဲရေးလုပ်ငန်းများ တွင် အရပ်ဘက်-စစ်ဘက် ပူးပေါင်း ဆောင်ရွက်ရေး အလုပ်ရုံဆွေးနွေးပွဲ ဖွင့်ပွဲ တွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာ ဝင်းမြတ်အေးက ထိုကဲ့သို့ ပြောကြား ခဲ့ခြင်းဖြစ်သည်။
ဆက်လက်၍ UNOCHA အဖွဲ့၏Head of Office ဖြစ်သူ Mr.Mark Cutts က အလုပ်ရုံဆွေးနွေး ပွဲနှင့် စပ်လျဉ်းပြီး ရှင်းလင်းပြောကြား သည်။ အဆိုပါ အလုပ်ရုံဆွေးနွေးပွဲသို့ တပ်မတော်မှအရာရှိကြီးများနှင့် ဌာန ဆိုင်ရာအဖွဲ့အစည်းများမှ တာဝန်ရှိသူ များ တက်ရောက်ကြသည်။
မွန်းလွဲပိုင်းတွင် ပြည်ထောင်စု ဝန်ကြီးသည် ကုလသမဂ္ဂလူသားချင်း စာနာ ထောက်ထားမှုဆိုင်ရာ ညှိနှိုင်းရေး ရုံး(UNOCHA) မှ ဌာနကြီးမှူး Mr. Mark Cutts ဦးဆောင်သော အဖွဲ့အားတွေ့ဆုံ၍ လူသားချင်းစာနာမှု အကူအညီပေးရေးဆိုင်ရာ ကိစ္စရပ်များ ဆွေးနွေးခဲ့ကြောင်း သတင်းရရှိ သည်။
(သတင်းစဉ်)

ကာယကံရှင်အနေနဲ့ သူ့ရဲ့ထွက်ဆိုမှုအတွက် တာဝန်ယူမှုရှိဖို့တော့လိုပါမယ်၊ မှန်ကန်မှုရှိဖို့အတွက် ဥပဒေကြောင်းအရ ဆောင်ရွက်ပေးသွားပါမယ်

ပြည်တွင်းပြည်ပ သတင်းမီဒီယာအဖွဲ့သည် ယနေ့တွင် မောင်တောမြို့နယ်အတွင်းရှိ ကျေးရွာများ၌ သတင်းရယူစဉ် ကျားခေါင်း တောင်ကျေးရွာရှိ ဒေသခံအမျိုးသမီးသုံးဦးမှ ¤င်းတို့အား လွန်ခဲ့သည့်သုံးလခန့်က လုံခြုံရေးတပ်ဖွဲ့ဝင်များမှ အဓမ္မပြုကျင့်မှုများ ရှိကြောင်း စွပ်စွဲပြောကြားခဲ့သည်။ ယင်းကိစ္စနှင့်ပတ်သက်၍ တာဝန်ရှိသူများမှ ဖြစ်ရပ်မှန်ပေါ်ပေါက်ရေးအတွက် စုံစမ်း ဖော်ထုတ်သွားမည့် အခြေအနေကို မောင်တောခရိုင်စီမံခန့်ခွဲမှုကော်မတီဥက္ကဋ္ဌ ဦးရဲထွဋ်နှင့် တွေ့ဆုံမေးမြန်းထားမှုများအား ဖော်ပြလိုက်ပါသည်-
မေး။ ။ ကျားခေါင်းတောင်ကျေးရွာမှာရှိတဲ့ ဒေသခံ အမျိုး
သမီးသုံးဦးကိုလွန်ခဲ့တဲ့ သုံးလလောက်က လုံခြုံရေး တပ်ဖွဲ့ဝင်တွေက အဓမ္မပြုကျင့်မှုများရှိခဲ့တယ်လို့ ပြည်တွင်း ပြည်ပမီဒီယာတွေကို ပြောကြားထားပါတယ်။ အဲ့ဒီကိစ္စနဲ့ ပတ်သက်ပြီး သိရှိလိုပါတယ်။
ဖြေ။ ။ ဒီလို အလားတူဖြစ်စဉ်မျိုးတွေ ပြောင်ပိုက်နဲ့
ကြက်ရိုးပြင်ရွာတွေမှာ ဖြစ်ပွားခဲ့ဖူးပါတယ်။ သတင်းမီဒီယာတွေကိုရော၊ ရခိုင်ပြည်နယ် စုံစမ်းစစ်ဆေး ရေးကော်မရှင်အဖွဲ့တွေလာတဲ့အချိန်မှာပါ ကြက်ရိုးပြင်မှာ နေတဲ့ ဒေါ်သန်းသန်းဆိုတဲ့ အမျိုးသမီးက အဲဒီကိစ္စမျိုး ကိုယ်တိုင်ပြောကြားဖူးပါတယ်။ အဲဒါနဲ့ပတ်သက်ပြီး ဥပဒေ ကြောင်းအရဖြေရှင်းပေးဖို့အတွက် နယ်ခြားစောင့်ရဲတပ်ဖွဲ့ ကို ကျွန်တော်တို့ အကြောင်းကြားတယ်။ နစ်နာသူအတွက် ဥပဒေကြောင်းအရ ဖြစ်စေဖို့အတွက် အမှုဖွင့်ပေးခဲ့တယ်။ ဖြစ်စဉ်နဲ့ပတ်သက်ပြီး စုံစမ်းစစ်ဆေးမှုတွေ ပြုလုပ်ပေးမယ် ဆိုပြီး ပြောခဲ့တယ်။ အဲဒီနေ့မှာပဲ နယ်ခြားစောင့်ရဲတပ်ဖွဲ့က ကျေးရွာအထိသွားရောက်ပြီးတော့ ဖြစ်စဉ်ကို စုံစမ်းတယ်။အဲဒီအခါကျတော့ သူကိုယ်တိုင်ပြုကျင့်ခံရတယ်လို့ပြောတဲ့ အမျိုးသမီးက ကြက်ရိုးပြင်မှာမရှိတော့ပါဘူး။ တွေ့လည်းမတွေ့ တော့ပါဘူး။ အဲ့ဒီနောက် ကျေးရွာအုပ်ချုပ်ရေးမှူးနဲ့ ရပ်မိရပ်ဖ တွေကတစ်ဆင့် အမှုဖွင့်လိုခြင်းမရှိဘူး၊ ထောက်ပံ့ကြေးရလို့ ဒီလိုဖြေကြားတယ်လို့ပဲ စုံစမ်းသိရှိရပါတယ်။
ဒီလိုပဲ ပြည်တွင်းပြည်ပ သတင်းမီဒီယာတွေ ဒီနေ့ ကျားခေါင်းတောင်ကျေးရွာကိုရောက်တော့ အဓမ္မပြုကျင့်ခြင်း ခံရပါတယ်လို့ ကိုယ်တိုင်ထွက်ဆိုခဲ့တဲ့အတွက် ဥပဒေကြောင်း အရ သေချာလုပ်ဆောင်ပေးသွားမှာ ဖြစ်ပါတယ်။ အမှန်တကယ် လိုအပ်တာက နစ်နာသူကိုယ်တိုင် အမှုဖွင့်ရမှာဖြစ်သလို နယ်ခြားစောင့်ရဲတပ်ဖွဲ့ကလည်း စုံစမ်းစစ်ဆေးမှုတွေ ဆောင်ရွက်ပေးသွားမယ်။ အမှန်တကယ် နစ်နာမှုရှိတယ် ဆိုလို့ရှိရင် နစ်နာခံရသူရဲ့ ရသင့်ရထိုက်တာတွေ ရရှိမှာဖြစ် သလို ပြစ်မှုကျူးလွန်သူကိုလည်း ဥပဒေကြောင်းအရ အရေး ယူရမှာဖြစ်ပါတယ်။ သတင်းမီဒီယာတွေကို ဝန်ခံထွက်ဆိုသူရဲ့ ပုဂ္ဂိုလ်ရေးလုံခြုံရေးဆိုင်ရာကိစ္စတွေကိုလည်း ဆောင်ရွက်ပေး မယ်။ ဒါပေမယ့် ကာယကံရှင်အနေနဲ့တော့ သူ့ရဲ့ထွက်ဆိုမှု အတွက် တာဝန်ယူမှုရှိဖို့တော့လိုပါမယ်။ မှန်ကန်မှုရှိဖို့ အတွက် ဥပဒေကြောင်းအရ ဆောင်ရွက်ပေးသွားပါမယ်။ ပြစ်မှုမှန်ကန် တယ်လို့ ပေါ်ပေါက်ခဲ့ရင်တော့ ပြစ်မှုကျူးလွန်သူကိုသက်ဆိုင်ရာ အဖွဲ့အစည်းက အရေးယူသွားဖို့ ဆောင်ရွက်သွားမှာပါ။ကာယကံရှင်ကိုယ်တိုင် အဓမ္မပြုကျင့်ခံရပါတယ်လို့ ဝန်ခံထွက် ဆိုလာရင် အရေးယူမှုတွေ မဖြစ်မနေလုပ်ဆောင်ရပါတယ်။
ဒါပေမယ့် ပြောတဲ့သူဘက်ကတော့ သူပြောတာကို တာဝန်ယူဖို့လိုပါမယ်။ စစ်ဆေးချက်တွေအရ မှန်ကန်တယ်ဆိုလို့ ရှိရင် ပြစ်မှုကျူးလွန်သူကိုအပြစ်ပေး အရေးယူရမှာပါ။
ဒီလိုမျိုးဖြစ်ခဲ့တယ်ဆိုတာကို နုတ်နဲ့ပြောဆိုရုံနဲ့ မဖြစ် ပါဘူး။ ဖြစ်စဉ်နဲ့ပတ်သက်လို့ နစ်နာသူကသူ့ရဲ့နစ်နာမှုအတွက် အထောက်အထားပြဖို့ လိုပါတယ်။ သူ့ရဲ့ ပူးပေါင်းဆောင်ရွက်မှု တွေ လိုပါတယ်။ ဒါမှလည်း ပြစ်မှုကျူးလွန်သူကို စုံစမ်းဖော် ထုတ်ပြီးအရေးယူလို့ရမှာပါ။ ဒီလိုမျိုးပြောလို့ ကာယကံရှင်ကို ဖိအားပေးတာမျိုးလုပ်လို့လည်း မရပါဘူး။ ဥပဒေကြောင်း အရ ခံစားပိုင်ခွင့်ရှိတာကို လုပ်ပေးရမှာ ဖြစ်ပါတယ်။ မှန်ကန်တဲ့ ဖြစ်စဉ်တစ်ခုကို လုပ်ဆောင်ပေးဖို့ ကျွန်တော်တို့မှာ တာဝန် ရှိပါတယ်။ အဖြစ်မှန်ကို ထုတ်ပြန်ပေးဖို့အတွက်လည်း ဆောင်ရွက်သွားမှာပါ။
သူတို့အနေနဲ့ ဘယ်နေ့ဘယ်ရက်မှာ ဖြစ်ခဲ့တယ်ဆိုတာ ကို ပြောပြနိုင်ရင် ကျွန်တော်တို့အနေနဲ့ အဲဒီနေ့မှာ အဲဒီ ဒေသမှာ တာဝန်ကျတဲ့သူတွေရဲ့ မှတ်တမ်းတွေကို ပြန်လည် စစ်ဆေးပြီး ဘယ်သူဆိုတာကို ဖော်ထုတ်နိုင်မှာပါ။
မေး။ ။ ပြီးခဲ့တဲ့အခေါက်တွေကလည်းအဓမ္မပြုကျင့်
ခံရသူတွေရှိတယ်လို့ စွပ်စွဲပြီးမှအဲဒီသူတွေက ထွက် ပြေးသွားကြတယ်။ သူတို့တွေက (နိုင်ငံတကာလိုမျိုး)လာသမျှကို အဲဒီလိုမျိုး ပြောနေမယ်ဆိုရင် နိုင်ငံအတွက် လည်း သိက္ခာကျနိုင်တဲ့အတွက် အဲဒါကိုဘယ်လိုမျိုး ဆောင်ရွက်သွားဖို့ရှိပါသလဲ။
ဖြေ။ ။ ကြက်ရိုးပြင်နဲ့ ပြောင်ပိုက်တွေမှာ အဲဒီလို ဖြစ်စဉ်မျိုး
တွေ ပေါ်ပေါက်ခဲ့ဖူးတယ်။ အဲဒီအတွက် အမှုဖွင့်ပေး ထားတယ်။ အမှုဖွင့်ပြီးတာနဲ့ ဥပဒေကြောင်းအရ ဥပဒေ အကြံပြုချက် တောင်းခံထားဆဲဖြစ်ပါတယ်။ အဲဒါကို အမြန် ဆုံးရအောင်ဆောင်ရွက်မှာပါ။ ပြီးတော့မှ ဒီဖြစ်စဉ်ကမှန်ကန်မှု ရှိ၊ မရှိဆုံးဖြတ်သွားမှာပါ။ အခုဖြစ်စဉ်အတွက် အဲဒီအမျိုးသမီး တွေကို ကျေးရွာမှ တာဝန်ရှိသူတွေက အမျိုးသမီးအဖော် တွေနဲ့အတူ ငါးခူရရဲစခန်းကို ခေါ်ယူကာ အမှုဖွင့်ပေးခဲ့ပြီးဖြစ်ပါ တယ်။ အခုသူတို့ရွာကိုပြန်သွားကြပြီလို့ သိရပါတယ်။
သတင်းအဖွဲ့

တောဆင်ရိုင်းများအား ဖမ်းဆီးသတ်ဖြတ်၍ ဆင်သားရေနှင့် ဆင်သား လှီးဖြတ်ယူသူများ ဖမ်းဆီးရမိ

နေပြည်တော် မတ် ၃ဝ

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဌာန သစ်တောဦးစီးဌာနသည် နိုင်ငံတော်အတွင်းရှိ သစ်တော သယံဇာတများအပါအဝင် ဇီဝမျိုးစုံမျိုးကွဲများ ရေရှည်တည်တံ့ စေရေးအတွက် ထိန်းသိမ်းစောင့်ရှောက်လျက်ရှိသကဲ့သို့ တရားမဝင်ထုတ်ယူခြင်း၊ ဖမ်းဆီးသတ်ဖြတ်ခြင်း၊ သယ်ဆောင် ရောင်းဝယ်ခြင်းများအား တားဆီးကာကွယ်၍ ဖော်ထုတ် အရေးယူခြင်းများအား မြန်မာနိုင်ငံရဲတပ်ဖွဲ့၊ တပ်မတော်၊ ဆက်စပ် ဌာနအဖွဲ့အစည်းများနှင့် ဒေသခံပြည်သူများ ပူးပေါင်း လျက် စီမံချက်ချမှတ်ဆောင်ရွက်လျက်ရှိသည်။
ထိုသို့ဆောင်ရွက်လျက်ရှိရာ မတ် ၂၈ ရက်တွင် ဧရာဝတီ တိုင်းဒေသကြီး ငပုတောမြို့နယ် သစ်တောဦးစီးဌာနမှ ဦးစီး အရာရှိ ဦးတင်စိုးက ငပုတောမြို့နယ် မြစ်တစ်ရာ ကြိုးဝိုင်း အကွက်အမှတ်(၂၇၄၊၂၈၉)အတွင်း သစ်တောလုပ်ငန်းများ ဆောင်ရွက်နေမှုအား သွားရောက်စစ်ဆေးစဉ် ဒီပါကွက်သစ် ကျေးရွာ ဒေသခံပြည်သူအစုအဖွဲ့ပိုင် သစ်တောလုပ်ငန်း(CF)ဥက္ကဋ္ဌ ဦးကျော်ဦး၏ သတင်းပေးချက်အရ ဦးစီးအရာရှိနှင့် သစ်တောဝန်ထမ်းများ၊ သစ်တောလုံခြုံရေး ရဲတပ်ဖွဲ့ဝင်များနှင့် ဒေသခံပြည်သူများပါဝင်သော ပူးပေါင်းအဖွဲ့ဖြင့် သွားရောက် ကွင်းဆင်းစစ်ဆေးရာ ည ၈ နာရီခွဲခန့်တွင် မြစ်တစ်ရာကြိုးဝိုင်း၊ အကွက်အမှတ်(၂၉၄)အတွင်း ခန့်မှန်းမြေပုံညွှန်းFN-465953 နေရာတွင် ဆင်သေတစ်ကောင်နှင့် ဆင်သားရေနှင့် ဆင်သား လှီးဖြတ်သူ သုံးဦးအား တွေ့ရှိရသဖြင့် လိုက်လံဖမ်းဆီးစဉ် ထွက်ပြေးလွတ်မြောက်သွား၍ လက်ကိုင်ဖုန်းတစ်လုံး ကျကျန် ခဲ့သည်။
အဆိုပါအဖွဲ့မှ ထွက်ပြေးလွတ်မြောက်သူ သုံးဦးကို ဖမ်းဆီး နိုင်ရေးအတွက် ပုသိမ်-မော်တင်ကားလမ်းနှင့် ကျုံကူးကားလမ်း တစ်လျှောက် အဖွဲ့ နှစ်ဖွဲ့ခွဲ၍ စောင့်ဆိုင်းစဉ် ည ၉ နာရီ မိနစ် ၄ဝ ခန့်တွင် ကျုံကူးကားလမ်း မိုင်တိုင်(၂/ဝ)တွင် မသင်္ကာဖွယ် အထုပ်များနှင့် လူသုံးဦးအား တွေ့ရှိစစ်ဆေးရာ ဆင်သားရေခွံ နှင့် အသားများလှီးဖြတ်သယ်ယူလာသူ ငပုတောမြို့နယ် ဒေါ်ပွေးတုတ်ရွာနေ ဦးကျားကျား(ကျားလေး)၊ ဦးမောင်မောင် နှင့် ငပုတောမြို့နယ် တောကြီးရွာနေ ဦးဇော်သိန်းလေးတို့ကို သက်သေခံပစ္စည်းများဖြစ်သည့် ဆင်သားရေခွံနှင့် ဆင်အသား များနှင့်အတူ ဖမ်းဆီးရမိခဲ့သည်။ သေဆုံးနေသည့် ဆင်ကို စစ်ဆေးရာ အသက် (၃ဝ နှစ်)ခန့်နှင့် အရပ် ခုနစ်ပေရှိသည်။ဆင်၏နှာမောင်းနှင့်အမြီး ပျက်စီးလျက် နောက်ခြေထောက်၊ နားရွက်များ ဖြတ်တောက်ထားပြီး အရေခွံနွှာထားလျက် အနေအထားဖြင့် ဦးခေါင်းတွင် သေနတ်ကျည်တစ်ပေါက်ရှိ ကြောင်း သိရသည်။
ဖမ်းဆီးရမိသည့် ပြစ်မှုကျူးလွန်သူများအား ကျုံကူး ရဲစခန်းတွင် ထိန်းသိမ်းထားရှိပြီး ဥပဒေနှင့်အညီ ထိရောက်စွာ အရေးယူနိုင်ရေးအတွက် ကျုံကူးရဲစခန်း၌ အမှုဖွင့်အရေးယူ နိုင်ရေး စီစဉ်ဆောင်ရွက်လျက်ရှိကြောင်း သတင်းရရှိသည်။
(သတင်းစဉ်)

ပြည်တွင်း ပြည်ပ သတင်းမီဒီယာအဖွဲ့များ မောင်တောမြို့နယ်အတွင်းရှိ ကျေးရွာများတွင် လွတ်လပ်စွာသတင်းရယူ

မောင်တော မတ် ၃ဝ

ရခိုင်ပြည်နယ် မောင်တောဒေသ၌ သတင်းရယူလျက်ရှိသည့် ပြည်တွင်း ပြည်ပ သတင်းမီဒီယာအဖွဲ့သည် ယနေ့ တွင် မောင်တောမြို့နယ်အတွင်းရှိ ဖြစ်စဉ် ဖြစ်ပွားခဲ့မှု နှင့် ပတ်သက်သည့် ကျေးရွာ များသို့ မြေပြင်ကွင်းဆင်းသတင်းရယူ ကြသည်။
ပြည်တွင်း ပြည်ပ သတင်းမီဒီယာ အဖွဲ့သည် မောင်တောမြို့နယ်အတွင်းရှိ ကျီးကန်းပြင်၊ ဝပိတ်၊ အောင်မင်္ဂလာ၊ ဖားဝပ်ချောင်း၊ ပွင့်ဖြူချောင်း၊ ကျား ခေါင်းတောင်၊ ကြက်ရိုးပြင်၊ ငါးစာကြူး၊ ပြောင်ပိုက်ကျေးရွာများနှင့် အမှတ်(၁) နယ်ခြားစောင့်ရဲကွပ်ကဲမှုအဖွဲ့ရုံးသို့ သွား ရောက်ကြပြီး ၂ဝ၁၆ ခုနှစ် အောက်တိုဘာ ၉ ရက်က အကြမ်းဖက်စီးနင်းတိုက်ခိုက်မှု ဖြစ်စဉ်ဖြစ်ပွားပြီးနောက် နေရပ်မှခေတ္တ တိမ်းရှောင်သွားရာမှ ကျေးရွာအသီးသီး သို့ ပြန်လည်ရောက်ရှိလာမှုအခြေအနေ၊ မီးလောင်မှုဖြစ်စဉ် ဖြစ်ပွားခဲ့မှုနှင့် ပြန်လည်နေရာချထားရေးအတွက် စီမံ ဆောင်ရွက်နေမှုအခြေအနေ၊ နယ်မြေ လုံခြုံရေး၊ တည်ငြိမ်အေးချမ်းရေးနှင့် တရားဥပဒေစိုးမိုးရေး ဆောင်ရွက်မှု အခြေအနေ၊ နယ်မြေဒေသဖွံ့ဖြိုးရေးနှင့် လူမှုစီးပွားဘဝ မြှင့်တင်နိုင်ရေး ဆောင်ရွက်မှု အခြေအနေများကို လွတ်လပ်စွာ သတင်းရယူကြသည်။
ထိုသို့ သတင်းရယူစဉ် ကျားခေါင်း တောင် ကျေးရွာရှိ ဒေသခံအမျိုးသမီး သုံးဦးမှ လွန်ခဲ့သောသုံးလခန့်က လုံခြုံ ရေးတပ်ဖွဲ့ဝင်အချို့၏ အဓမ္မပြုကျင့် ကြောင်း စွပ်စွဲပြောကြားမှုများရှိခဲ့ရာ ယင်းကိစ္စရပ်အပေါ် တာဝန်ရှိသူများက ဖြစ်စဉ်မှန်ပေါ်ပေါက်ရေးအတွက် စုံစမ်း ဖော်ထုတ်သွားမည်ဖြစ်ကြောင်း သိရ သည်။
(သတင်းစဉ်)

အကျဉ်းထောင်စည်းကမ်းများကို မကျေနပ်၍ ဆူပူမှုဖြစ်ပွား၊ လေးဦးသေဆုံး

မက္ကဆီကိုစီးတီး မတ် ၃ဝ 

မက္ကဆီကိုနိုင်ငံ နျူဗိုလီယွန်ပြည်နယ်ရှိ ကာတာရေဒါအကျဉ်းထောင်၌ ထောင် တွင်း ဆူပူမှုများဖြစ်ပွားခဲ့သောကြောင့် ယခုအချိန်ထိ သေဆုံးသူလေးဦးအထိ မြင့်တက်လာပြီး အခြား ၂၁ ဦး ဒဏ်ရာ ရရှိခဲ့ကြောင်း ပြည်နယ်အစိုးရမှ ယမန် နေ့က သတင်းထုတ်ပြန်ခဲ့သည်။
အကျဉ်းထောင် လုံခြုံရေးဆိုင်ရာ တားမြစ်ချက်သစ်များကို သက်ဆိုင်ရာ တာဝန်ရှိသူများက ထုတ်ပြန်ခဲ့ကြောင်း သိရပြီး ယင်းအသစ်ထုတ်ပြန်လိုက်သော လုံခြုံရေးဆိုင်ရာ တားမြစ်ချက်များကို မကျေနပ်သောကြောင့် အကျဉ်းသား ၆ဝဝ ခန့်က အဆောက်အအုံများကို မီးရှို့ရာမှ ထောင်တွင်းဆူပူမှု တဖြည်ဖြည်း အရှိန်မြင့်လာခဲ့ခြင်းဖြစ်ကြောင်း သိရ သည်။
အကျဉ်းသား ၅၆ ဦးသည် အကျဉ်း ထောင်အဆောက်အအုံကို မီးရှို့ကာ ဆေးပေးခန်းအား ဝင်ရောက်လုယက် မှုပြုလုပ်ခဲ့ကြောင်း ပြည်နယ်ရှေ့နေချုပ် က သတင်းထုတ်ပြန်ချက်တွင် ဖော်ပြခဲ့ သည်။
ဖရိုဖရဲဖြစ်နေသော အကျဉ်းထောင် တွင်းသို့ အရေးပေါ်ဝန်ထမ်းများ ဝင် ရောက်လာပြီး အကျဉ်းသား ၂၁ ဦးကို ဆေးရုံသို့ ပို့ဆောင်ပေးခဲ့သည်။
ကနဦးသတင်းဖော်ပြချက်များအရ အကျဉ်းထောင်ဆူပူမှုတွင် နှစ်ဦးသေဆုံး ပြီး ၁၃ ဦး ဒဏ်ရာရရှိခဲ့ကြောင်း မက္ကဆီ ကိုနိုင်ငံ လုံခြုံရေးဆိုင်ရာ ပြောရေးဆို ခွင့်ရှိသူ အယ်လ်ဒို ဖက်စ်ဆီက ပြောခဲ့ သည်။
နောက်ဆုံးရ သတင်းများအရ သေဆုံးသူများမှာ လေးဦးထိ မြင့်တက် လာကြောင်း သိရသည်။ (ဆင်ဟွာ)

အမေရိကန်-တရုတ် ထိပ်သီးဆွေးနွေးပွဲကို ဧပြီလအစောပိုင်းတွင် ကျင်းပမည်

ပေကျင်း မတ် ၃ဝ

တရုတ်ပြည်သူ့သမ္မတနိုင်ငံ သမ္မတ ရှီကျင့်ဖျင်သည် လာမည့်ရက်သတ္တပတ်၌ အမေရိကန်သမ္မတ ဒေါ်နယ်ထရန့်နှင့် တွေ့ဆုံဆွေးနွေးမှုပြုလုပ်ရန် အမေရိကန် ပြည်ထောင်စု ဖလော်ရီဒါပြည်နယ်သို့ သွားရောက်မည်ဖြစ်ကြောင်း တရုတ် အစိုးရအဖွဲ့က ပြောကြားခဲ့သည်။
နိုင်ငံခြားရေးဝန်ကြီးဌာန ပြောရေး ဆိုခွင့်ရှိသူ လူကန်က သမ္မတရှီသည် လာမည့် ဧပြီ ၆ ရက် နှင့် ၇ ရက် အတွင်း တရုတ်နှင့်အမေရိကန်၏ ပထမ ဆုံးသော ထိပ်သီးစည်းဝေးပွဲကို ကျင်းပရန် ဖလော်ရီဒါပြည်နယ်ရှိ ထရန့် မာအေလာဂို အပန်းဖြေစခန်း၌ ရောက်ရှိနေလိမ့်မည် ဖြစ်ကြောင်း ကြာသပတေးနေ့တွင် ပြောကြားခဲ့ သည်။
သမ္မတရှီ၏ ဧပြီ ၆ ရက် မတိုင်မီ အထိ ကြာမြင့်မည့် ဖင်လန်နိုင်ငံ ခရီးစဉ်ပြီးသည်နှင့် ယင်းခရီးစဉ် စတင် မည်ဖြစ်ကြောင်း လူကန်ကဖြည့်စွက် ပြောကြားသည်။
ထိပ်သီးဆွေးနွေးပွဲအတွင်း တရုတ် သမ္မတရှီနှင့် အမေရိကန်သမ္မတ ထရန့်တို့သည် မြောက်ကိုရီးယားကို မည်သို့ တုံ့ပြန်ဆောင်ရွက်အရေးယူမှု များ ပြုလုပ်သွားမည်ဆိုသည့် အကြောင်း အရာများကို အဓိကထား၍ဆွေးနွေးသွား ကြဖွယ်ရှိသည်ဟု ဆိုသည်။
မြောက်ကိုရီးယားသည် ကုလသမဂ္ဂ ၏ စည်းမျဉ်းစည်းကမ်းများကို အရေး စိုက်ခြင်းအလျဉ်းမရှိဘဲ တိုက်ချင်းပစ်ဒုံး ကျည် စမ်းသပ်ပစ်လွှတ်မှုများကို ဆက် တိုက်ပြုလုပ်လျက်ရှိပြီး နောက်ထပ် နျူက လီးယားစမ်းသပ်မှုတစ်ခုကိုထပ်မံပြုလုပ် သွားမည့် အရိပ်အယောင်ရှိနေသည်။
မြောက်ကိုရီးယား၏ နျူကလီးယား လက်နက် ဖွံ့ဖြိုးလာမှုကို ဟန့်တားရာတွင် တရုတ်နိုင်ငံအနေဖြင့် တစ်ထောင့်တစ် နေရာမှ ပါဝင်ဆောင်ရွက်သွားရန် ထရန့် ၏ တောင်းဆိုတိုက်တွန်းမှုကို သမ္မတ ရှီကျင့်ဖျင်က မည်ကဲ့သို့ တုံ့ပြန်မည်ဆို သည့်အချက်ကို နိုင်ငံတကာက အာရုံ စိုက်လျက်ရှိသည်။ (ရိုက်တာ)

(၇၂)နှစ်မြောက်တပ်မတော်နေ့ကို ဂုဏ်ပြုသောအားဖြင့် အင်းဝဘဏ်လီမိတက် အင်းတိုင်(ဇရပ်ကွင်း)ဘဏ်ခွဲဖွင့်

ရန်ကုန် မတ် ၃ဝ

(၇၂)နှစ်မြောက်တပ်မတော်နေ့ကို ဂုဏ်ပြုသောအားဖြင့် အင်းဝ ဘဏ်လီမိတက်၏ (၄၄)ခုမြောက်ဘဏ်ခွဲဖြစ်သော အင်းတိုင် (ဇရပ်ကွင်း) ဘဏ်ခွဲဖွင့်ပွဲကို ယမန်နေ့နံနက် ၉ နာရီက ရန်ကုန် တိုင်းဒေသကြီး လှည်းကူးမြို့နယ် အင်းတိုင်(ဇရပ်ကွင်း) လမ်းဆုံ ရှိ အဆိုပါဘဏ်ခွဲရှေ့၌ ကျင်းပသည်။
ရှေးဦးစွာ အင်းဝဘဏ်လီမိတက် အင်းတိုင်(ဇရပ်ကွင်း)ဘဏ်ခွဲအား မင်္ဂလာအချိန်ကျရောက်သည်နှင့် အင်းတိုင် တပ်နယ်မှ တာဝန်ရှိသူများနှင့် အုပ်ချုပ်မှုဒါရိုက်တာ ဦးအောင်ငွေဦးတို့က ဖဲကြိုးဖြတ်ဖွင့်လှစ်ပေးသည်။ ဆက်လက်၍ အင်းတိုင်တပ်နယ်မှ ဗိုလ်မှူးချုပ် ခင်မောင်ဦးက အင်းဝဘဏ် လီမိတက်ဆိုင်းဘုတ်ကို စက်ခလုတ်နှိပ်၍ ဖွင့်လှစ်ပေးကာ တာဝန်ရှိသူများနှင့်အတူ ဘဏ်ခွဲဆိုင်းဘုတ်နှင့် ကောင်တာတို့ကို အမွှေးနံ့သာရည်များ ပက်ဖျန်းပေးသည်။ ထို့နောက် ဘဏ်ဝန်ထမ်းများအား ရင်းရင်းနှီးနှီး လိုက်လံ နှုတ်ဆက်ပြီး ဘဏ်ခွဲအတွင်း လှည့်လည်ကြည့်ရှုသည်။
ထို့အပြင် အင်းဝဘဏ်လီမိတက်နှင့် ချိတ်ဆက်ဆောင်ရွက်လျက်ရှိသော မြန်မာမိုဘိုင်းငွေကြေးဝန်ဆောင်မှုလုပ်ငန်း (Myanmar Mobile Money Services) ကလည်း မိုဘိုင်းဖုန်းနှင့် ဆောင်ရွက်နိုင်သော ဝန်ဆောင်မှုများကို ထိရောက်ကောင်းမွန်စွာ ဆောင်ရွက်ပေးမည်ဖြစ်ပြီး အငြိမ်းစားဝန်ထမ်းများအတွက် ပင်စင်လစာများကို မိုဘိုင်းဖုန်းမှတစ်ဆင့် ထုတ်ယူရရှိနိုင်ရန် ဆောင်ရွက်ပေးမည်ဖြစ်ကြောင်း သိရသည်။ (သတင်းစဉ်)

ပြည်သူများ သတ်မှတ်ထီတန်ဖိုးအတိုင်း ဈေးကွက်တွင် ဝယ်ယူနိုင်ရေး ထီလုပ်ငန်းရှင်များအသင်းနှင့် ဆွေးနွေး

နေပြည်တော် မတ် ၃ဝ

စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းနှင့် မြန်မာနိုင်ငံ ထီလုပ်ငန်းရှင်များ တွေ့ဆုံဆွေးနွေးပွဲအား ယနေ့ နံနက် ၁၁ နာရီတွင် စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီးရုံး၌ ကျင်းပသည်။
ဆွေးနွေးပွဲတွင် ပြည်ထောင်စုဝန်ကြီးက ၂ဝ၁၇ ခုနှစ် မတ် ၁ ရက်မှ စတင်ပြီး ပြည်သူများ ထီထိုးကံစမ်းနိုင်ရန်အတွက် ငွေကျပ် ၅ဝဝ တန် အောင်ဘာလေထီ လက်မှတ်များရောင်းချခဲ့ကြောင်း၊ ထီဈေးနှုန်းကို သတ်မှတ်ထားသည့် တစ်စောင်လျှင် ငွေကျပ် ၅ဝဝ ဖြင့် ရောင်းချရန်နှင့် သတ်မှတ်ဈေးထက် ပိုမိုရောင်းချပါက ရောင်းချသူ ထီလုပ်ငန်းရှင်များအား အမည်ပျက်စာရင်းသွင်းမည့်အပြင် အာမခံငွေကို သိမ်းယူ မည်ဟု ပြောကြားထားပြီးဖြစ်ကြောင်း၊ ယခင်ကာလများတွင် ပြည်သူများအနေဖြင့် အောင်ဘာလေထီကို ပြင်ပ၌ ဈေးကြီးပေး၍ ဝယ်ယူကံစမ်းနေရသဖြင့် ယခု ငွေကျပ် ၅ဝဝ တန် အောင်ဘာလေထီ စတင်သည့်အခါ ဈေးရင်းအတိုင်း ရောင်းချစေလိုကြောင်း၊ ရောင်းချသူ ထီလုပ်ငန်းရှင်များအတွက်လည်း ထီ ၁ဝ စောင်တွင် တစ်စောင်လျှင် (၁ဝ ရာခိုင်နှုန်း)ကို အကျိုးခံစားခွင့်ပေးထားပြီးဖြစ်၍ သတ်မှတ်ဈေးထက်ပို၍ ရောင်းချခြင်းမရှိစေရေး ထိန်းပေးကြရန်ဖြစ်ကြောင်း၊ မိမိတို့၏ လုပ်ငန်းအား ချိန်ဆ၍ ဆောင်ရွက်ကြရန်ဖြစ်ကြောင်း၊ ထီဥပဒေအားရေးဆွဲပြီးဖြစ်၍ မကြာမီ ပြဋ္ဌာန်းနိုင်ရေး ဆောင်ရွက်လျက်ရှိပါကြောင်း၊ ထီထိုးကံစမ်းသူ ပြည်သူများအတွက် အလေးထား၍ ဆောင်ရွက်နေခြင်းဖြစ်ကြောင်း ဆွေးနွေးပြောကြားသည်။
ဆွေးနွေးပွဲသို့ စီမံကိန်းနှင့် ဘဏ္ဍာရေးဝန်ကြီးဌာန ဒုတိယဝန်ကြီး ဦးမောင် မောင်ဝင်းနှင့် တာဝန်ရှိသူများ၊ မြန်မာနိုင်ငံထီလုပ်ငန်းရှင်များ အသင်းဥက္ကဋ္ဌနှင့် မြန်မာနိုင်ငံ ထီလုပ်ငန်းရှင်များအသင်း အဖွဲ့ဝင် ခြောက်ဦးတို့ တက်ရောက်ခဲ့ကြ ကြောင်း သတင်းရရှိသည်။
(သတင်းစဉ်)

ငွေကျပ် ၅ဝဝ တန်နှင့် ငွေကျပ် ၂ဝဝ တန်ထီ ဧပြီ ၁ ရက်ဖွင့်မည်

ရန်ကုန် မတ် ၃ဝ

(၁)ကြိမ်မြောက် ငွေကျပ် ၅ဝဝ တန်နှင့် (၃၃၉)ကြိမ်မြောက် ငွေကျပ် ၂ဝဝ တန် အောင်ဘာလေသိန်းဆုဖွင့်ပွဲကို အောင်ဘာလေသိန်းဆု ဌာနခွဲတည်ရှိရာ ရန်ကုန်မြို့ ကျောက်တံတားမြို့နယ် မဟာဗန္ဓုလလမ်းနှင့် ၃၇ လမ်းထောင့် အမှတ်(၃၈၄)ရှိ ထီဖွင့်ပွဲ ခန်းမဆောင်၌ ဧပြီ ၁ ရက် နံနက် ၈ နာရီမှစတင်၍ တစ်ရက်တည်းဖြင့် အပြီးဖွင့်လှစ် မည်ဖြစ်သည်။
ငွေကျပ် ၅ဝဝ တန် ထီဖွင့်ပွဲတွင် ဆုကြီးတစ်ဆုချင်းစနစ်အရ ငွေကျပ်သိန်း ၁ဝဝဝဝ တစ်ဆု၊ ငွေကျပ်သိန်း ၅ဝဝဝ တစ်ဆု၊ ငွေကျပ်သိန်း ၁ဝဝဝ တစ်ဆု၊ ငွေကျပ်သိန်း ၁ဝဝ (၃၇)ဆု၊ ငွေကျပ်သိန်း ၅ဝ (၃၉)ဆု၊ ငွေကျပ် ၁ဝ သိန်း (၄၁)ဆု၊ ဝေဝေဆာဆာပဒေသာ ဆုမဲစနစ်များမှ အက္ခရာနှင့် ရှေ့ဂဏန်း ၅ လုံးတူ ၁ဝ ယူနစ်အတွက် ငွေကျပ် သုံးသိန်း (၁ဝဝ)ဆု၊ အက္ခရာနှင့် ရှေ့ဂဏန်း ၄ လုံးတူ (၁ဝ)ယူနစ်အတွက် ငွေကျပ် နှစ်သိန်း (၁ဝဝဝ)ဆု၊ အက္ခရာနှင့် ရှေ့ဂဏန်း ၃ လုံးတူ (၂၉)ယူနစ်အတွက် ငွေကျပ် တစ်သိန်း (၂၉ဝဝဝ)ဆု၊ အက္ခရာနှင့် ရှေ့ဂဏန်း ၂ လုံးတူ (၇)ယူနစ်အတွက် ငွေကျပ် ၅ သောင်း (၇ဝဝဝဝ)ဆု အပါအဝင် ဆုမဲပေါင်း ၁ဝဝ၂၂ဝ ဆု ခွဲဝေပေးမည်ဖြစ်သည်။
ငွေကျပ် ၂ဝဝ တန် ထီဖွင့်ပွဲကို ယင်းနေ့တွင်ပင် အဆိုပါ ထီဖွင့်ပွဲခန်းမဆောင်၌ ဖွင့်လှစ်မည်ဖြစ်ရာ ဆုကြီးတစ်ဆုချင်းစနစ်အရ ငွေကျပ်သိန်း ၁၅ဝဝ တစ်ဆု၊ ငွေကျပ် သိန်း ၁ဝဝ တစ်ဆု၊ ငွေကျပ်သိန်း ၅ဝ တစ်ဆု၊ ငွေကျပ် ၂၅ သိန်း တစ်ဆု၊ ငွေကျပ် ၁ဝ သိန်း တစ်ဆု၊ ဝေဝေဆာဆာပဒေသာ ဆုမဲစနစ်များမှ အက္ခရာနှင့် ရှေ့ဂဏန်း ၅ လုံးတူ ၂ ယူနစ်အတွက် ငွေကျပ် သုံးသိန်း (၂ဝ)ဆု၊ အက္ခရာနှင့် ရှေ့ဂဏန်း ၄ လုံးတူ တစ်ယူနစ် အတွက် ငွေကျပ် နှစ်သိန်း (၁ဝဝ)ဆု၊ အက္ခရာနှင့် ရှေ့ဂဏန်း ၃ လုံးတူ တစ်ယူနစ် အတွက် ငွေကျပ် တစ်သိန်း (၁ဝဝဝ)ဆု အပါအဝင် ဆုမဲပေါင်း ၁၁၂၅ ဆု ခွဲဝေပေးမည် ဖြစ်ကြောင်း အောင်ဘာလေသိန်းဆုဌာနခွဲက သတင်းရရှိသည်။ (သတင်းစဉ်)

မြန်မာ-ထိုင်း ချစ်ကြည်ရေးတံတားအမှတ်(၂)၏ တံတားဆက်ပွဲ၊ မုဒုံ-မြဝတီလမ်းနှင့် အိန္ဒု-ဇာသပြင်လမ်း ကတ္တရာ ကွန်ကရစ်လမ်းသစ်များဖွင့်

နေပြည်တော် မတ် ၃ဝ 

နှစ်နိုင်ငံချစ်ကြည်ရင်းနှီးမှုနှင့် လမ်းပန်းဆက်သွယ်ရေးကဏ္ဍ ဖွံ့ဖြိုးတိုးတက်ရေးအတွက် ပြည်ထောင်စုသမ္မတမြန်မာနိုင်ငံတော်အစိုးရနှင့် ထိုင်းနိုင်ငံအစိုးရတို့အကြား ချစ်ကြည်ရင်းနှီးစွာ ပူးပေါင်းတည်ဆောက်ပြီးစီးသည့် မြန်မာ-ထိုင်းချစ်ကြည်ရေး တံတားအမှတ်(၂)၏ Bridge Closure Ceremony (တံတားဆက်ပွဲ) အခမ်း အနားကို မတ် ၃ဝ ရက် နံနက် ၉ နာရီက အဆိုပါတံတားပေါ်ရှိ ယာယီမဏ္ဍပ်၌ ကျင်းပသည်။
အဆိုပါအခမ်းအနားသို့ အမျိုးသားလွှတ်တော်ဥက္ကဋ္ဌ မန်းဝင်းခိုင်သန်း၊ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဝင်းခိုင် ၊ ထိုင်းနိုင်ငံ ပို့ဆောင်ရေး ဝန်ကြီး ဒေါက်တာ အာခွန်းသံပိတရာပိစစ်၊ နှစ်နိုင်ငံမှ ဧည့်သည်တော်များ၊ ဌာနဆိုင်ရာ တာဝန်ရှိသူများ၊ ကရင်ပြည်နယ်လွှတ်တော်ဥက္ကဋ္ဌနှင့် ကရင်ပြည်နယ်အစိုးရအဖွဲ့ဝင် ဝန်ကြီးများ၊ ဒေသခံပြည်သူများနှင့် ဖိတ်ကြားထားသူများတက်ရောက်ကြသည်။
အခမ်းအနားကို နှစ်နိုင်ငံရိုးရာအကများဖြင့် ဖွင့်လှစ်ပေးပြီး ထိုင်းနိုင်ငံဘက်မှ လမ်းဦးစီးဌာန၊ ညွှန်ကြားရေးမှူးချုပ် မစ္စတာထားနင်းစွန်ဘွန်းက တံတားတည်ဆောက် မှုနှင့်ပတ်သက်၍ ရှင်းလင်းပြောကြားသည်။ ဆက်လက်၍ ထိုင်းနိုင်ငံပို့ဆောင်ရေး ဝန်ကြီး ဒေါက်တာ အာခွန်းသံပိတရာပိစစ်က နှုတ်ခွန်းဆက်စကားပြောကြား သည်။
ထို့နောက် ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဝင်းခိုင်က အမှာစကား ပြောကြားရာတွင် အဆိုပါတံတားသည် ဗီယက်နမ်-လာအို-ထိုင်း-မြန်မာတို့ ဆက်သွယ်ပေးသော အရှေ့-အနောက် စီးပွားရေးစင်္ကြံလမ်းမကြီးပေါ်တွင် တည်ရှိပြီး နှစ်နိုင်ငံဆက်သွယ်ရေးအတွက် အဓိကကျသော တံတားကြီးဖြစ်ပါကြောင်း၊ ပင်မတံတား အရှည် မီတာ ၂၇ဝ ယာဉ်သွားလမ်းအကျယ် ၁၇ မီတာနှင့် လူသွားလမ်းအကျယ် တစ်ဖက်လျှင် ၁ ဒသမ ၅ မီတာရှိသော လေးလမ်းသွားတံတားဖြစ်ပြီး တံတား၏ ချဉ်းကပ်တံတားအရှည်မှာ မြန်မာဘက်ခြမ်းတွင် မီတာ ၁၁ဝ၊ ထိုင်းဘက်ခြမ်း တွင် မီတာ ၃၈ဝ စုစုပေါင်း မီတာ ၄၉ဝ ဖြစ်ပါကြောင်း၊ တံတားစီမံကိန်းတန်ဖိုးမှာ ထိုင်းဘတ် သန်း ၃၉ဝဝ ဖြစ်ပြီး ထိုင်းနိုင်ငံအစိုးရအကူအညီဖြင့် တည်ဆောက်ပြီးစီးခဲ့ပါကြောင်း၊ မြန်မာဘက်ကမ်းရှိ ကျန်ရှိနေသောချဉ်းကပ်လမ်းTraffic Change Over နှင့် Border Control Facilities (BCF) အဆောက်အအုံများကိုလည်း ထိုင်းနိုင်ငံ ဘက်မှ ဆက်လက်ဆောက်လုပ်ပေးမည်ဖြစ်သည့်အတွက် ဝမ်းမြောက်မိပါကြောင်း၊ တံတားကြီးဖွင့်လှစ်လိုက်သည့်အတွက် မြန်မာ-ထိုင်းနှစ်နိုင်ငံအကြား ကုန်စည်စီးဆင်း မှုများ ပိုမိုလျင်မြန်ချောမွေ့လာခြင်း၊ ကုန်သွယ်မှုပမာဏများလည်း မြင့်မားတိုးတက် လာစေခြင်း၊ နှစ်နိုင်ငံရိုးရာယဉ်ကျေးမှုဓလေ့ထုံးစံများ သိရှိနိုင်ခြင်း၊ ခရီးသွားလုပ်ငန်း များ ချဲ့ထွင်လာနိုင်ခြင်း၊ ရင်းနှီးမြှုပ်နှံမှုများတိုးတက်လာခြင်းနှင့် နှစ်နိုင်ငံချစ်ကြည် ရင်းနှီးမှုပိုမိုခိုင်မြဲလာစေခြင်းစသည့် အကျိုးတရားများရရှိလာမည်ဖြစ်ကြောင်း ပြောကြားသည်။
ယင်းနောက် မြန်မာ-ထိုင်းချစ်ကြည်ရေးတံတား အမှတ်(၂)၏ (တံတား ဆက်ပွဲ) ကို ထိုင်းနိုင်ငံဘက်မှ ပို့ဆောင်ရေးဝန်ကြီး ဒေါက်တာ အာခွန်းသံပိတရာပိစစ်နှင့် တာဝန်ရှိသူများက လည်းကောင်း၊ မြန်မာဘက်မှ ပြည်ထောင်စုဝန်ကြီး ဦးဝင်းခိုင်၊ ကရင်ပြည်နယ်လွှတ်တော်ဥက္ကဋ္ဌ၊ ပြည်နယ်အစိုးရအဖွဲ့ တာဝန်ရှိသူများနှင့် ဆောက်လုပ်ရေးဝန်ကြီးဌာနမှ တာဝန်ရှိသူများက တံတားကို ဆက်ပေးသည်။
ထို့နောက် အမျိုးသားလွှတ်တော်ဥက္ကဋ္ဌ မန်းဝင်းခိုင်သန်းနှင့်အတူ နှစ်နိုင်ငံဝန်ကြီး များ ၊ ဒုတိယဝန်ကြီးနှင့် ဧည့်သည်တော်များ၊ ဌာနဆိုင်ရာပုဂ္ဂိုလ်များနှင့်အတူ စုပေါင်း မှတ်တမ်းတင်ဓာတ်ပုံရိုက်ကူးပြီး တံတားဆက်ပွဲအထိမ်းအမှတ်အဖြစ် အမှတ်တရ လက်ဆောင်များ အပြန်အလှန်ပေးအပ်ကြသည်။
ဆက်လက်၍ ကရင်ပြည်နယ် မြဝတီခရိုင် မြဝတီမြို့နယ်အတွင်းရှိ မုဒုံ-မြဝတီလမ်း (မြဝတီမြို့တွင်းအပိုင်း) ကွန်ကရစ်လမ်းသစ်ဖွင့်ပွဲကို နံနက် ၁ဝ နာရီတွင် အဆိုပါလမ်းရှိ မဏ္ဍပ်၌ကျင်းပရာ အမျိုးသားလွှတ်တော်ဥက္ကဋ္ဌ မန်းဝင်းခိုင်သန်းက အမှာစကား ပြောကြားသည်။
ထို့နောက် ကတ္တရာကွန်ကရစ်လမ်းသစ်ကို ကရင်ပြည်နယ်လွှတ်တော်ဥက္ကဋ္ဌနှင့် ပြည်နယ်အစိုးရအဖွဲ့မှတာဝန်ရှိသူများ၊ ဆောက်လုပ်ရေးဝန်ကြီးဌာနမှ တာဝန်ရှိသူ များက ဖဲကြိုးဖြတ်ဖွင့်လှစ်ပေးကြသည်။
မွန်းလွဲပိုင်းတွင် ကရင်ပြည်နယ် ဘားအံခရိုင် ဘားအံမြို့နယ်အတွင်းရှိ အိန္ဒု-ဇာသပြင်လမ်းဖွင့်ပွဲ အခမ်းအနားကို မွန်းလွဲ ၂ နာရီတွင် အဆိုပါလမ်းရှိ မုခ်ဦး၌ ကျင်းပ ရာ အမျိုးသားလွှတ်တော်ဥက္ကဋ္ဌ မန်းဝင်းခိုင်သန်းက အဖွင့်အမှာစကားပြောကြားပြီး ပြည်ထောင်စုဝန်ကြီး ဦးဝင်းခိုင်က အမှာစကားပြောကြားသည်။
အိန္ဒု - ဇာသပြင်လမ်းအား ကရင်ပြည်နယ် လွှတ်တော်ဥက္ကဋ္ဌနှင့် ပြည်နယ်အစိုးရ အဖွဲ့မှ တာဝန်ရှိသူများနှင့် ဆောက်လုပ်ရေးဝန်ကြီးဌာနမှ တာဝန်ရှိသူများက ဖဲကြိုး ဖြတ်ဖွင့်လှစ်ပေးကြပြီး စုပေါင်းမှတ်တမ်းတင်ဓာတ်ပုံ ရိုက်ကူးကာ ကတ္တရာကွန်ကရစ် လမ်းပေါ်မှ ဖြတ်သန်းကြည့်ရှုခဲ့ကြကြောင်း သတင်းရရှိသည်။
(သတင်းစဉ်)

ဆွစ်ဇာလန်နိုင်ငံ ဖက်ဒရယ်ကောင်စီဥက္ကဋ္ဌထံ သံအမတ်ကြီး ဦးထင်လင်း ခန့်အပ်လွှာပေးအပ်

နေပြည်တော် မတ် ၃၁

ဆွစ်ဇာလန်နိုင်ငံဆိုင်ရာ အထူးအာဏာကုန် လွှဲအပ်ခြင်းခံရသော ပြည်ထောင်စု သမ္မတ မြန်မာနိုင်ငံတော် သံအမတ်ကြီး ဦးထင်လင်းသည် ¤င်း၏ ခန့်အပ်လွှာကို ၂ဝ၁၇ ခုနှစ်၊ မတ်လ ၂၈ ရက်တွင် ဘန်းမြို့၌ ဆွစ်ဇာလန်နိုင်ငံ ဖက်ဒရယ်ကောင်စီ ဥက္ကဋ္ဌဖြစ်သူ သမ္မတ မစ္စစ် ဒေါရစ်လူ့သထ်ထံ ပေးအပ်ခဲ့ပြီးဖြစ်သည်။ (သတင်းစဉ်)

ပြည်ထောင်စုနယ်မြေတွင် တောင်သူနစ်နာမှု ထောက်ပံ့ကြေးငွေနှင့် သီးနှံလျော်ကြေးငွေများပေးအပ်

နေပြည်တော် မတ် ၃ဝ

ပြည်ထောင်စုနယ်မြေ ဒက္ခိဏသီရိမြို့နယ် ကရုဏာက္ဘာဘိုးဘွားရိပ်သာအနီး ရတနာမဉ္ဇူလမ်းနှင့် နေပြည်တော် မြို့ပတ်လမ်းအကြားရှိ ယခင်သစ်တောကြိုးဝိုင်းတွင်း လယ်ယာမြေများနှင့် စိုက်ပျိုးသီးနှံများအတွက် နစ်နာမှုထောက်ပံ့ကြေးငွေနှင့် သီးနှံ လျော်ကြေးငွေများ ပေးအပ်ခြင်း အခမ်းအနားကို ဒက္ခိဏသီရိမြို့နယ်စည်ပင်သာယာ အုပ်ချုပ်ရေးမှူးရုံး၌ ယနေ့နံနက်ပိုင်းကကျင်းပရာ နေပြည်တော်ကောင်စီဥက္ကဋ္ဌ မြို့တော်ဝန် ဒေါက်တာမျိုးအောင် တက်ရောက်၍ ထောက်ပံ့ကြေးငွေနှင့် လျော်ကြေး ငွေများ ပေးအပ်သည်။
အဆိုပါ အခမ်းအနားသို့ နေပြည်တော်ကောင်စီဝင် ဦးအေးမောင်စိန်၊ နေပြည် တော်စည်ပင်သာယာရေးကော်မတီမှ ကော်မတီဝင်များဖြစ်ကြသော ဦးအေးမြင့်၊ ဦးမင်းသူ၊ ဦးမျိုးတင့်၊ ဒေါ်စံပယ်ထွေးနှင့် ဦးမင်းသိမ်း၊ ဒက္ခိဏခရိုင်မှ အမျိုးသား လွှတ်တော်ကိုယ်စားလှယ် ဦးကျော်မြင့်ဦး၊ ပြည်သူ့လွှတ်တော်ကိုယ်စားလှယ် ဦးသန့်ဇင် ထွန်း၊ နေပြည်တော်စည်ပင်သာယာရေးကော်မတီ အမြဲတမ်းအတွင်းဝန်နှင့် တာဝန်ရှိသူ များ၊ ဌာနဆိုင်ရာများ၊ မြို့နယ်လယ်ယာမြေစီမံခန့်ခွဲမှုအဖွဲ့ဝင်များနှင့် လျော်ကြေးရရှိသည့် သစ်တောကြိုးဝိုင်းတွင်း လယ်ယာမြေသိမ်းဆည်းခံတောင်သူများ တက်ရောက်ကြသည်။
အခမ်းအနားတွင် နေပြည်တော်ကောင်စီဥက္ကဋ္ဌ မြို့တော်ဝန် ဒေါက်တာမျိုးအောင်၊ နေပြည်တော်ကောင်စီဝင်နှင့် တာဝန်ရှိသူများက သစ်တောကြိုးဝိုင်းတွင်း လယ်ယာမြေသိမ်းဆည်းခံတောင်သူများကို နစ်နာမှုထောက်ပံ့ကြေးငွေနှင့် သီးနှံလျော်ကြေး ငွေများ ပေးအပ်ကြသည်။
ယနေ့ အခမ်းအနားတွင် ဒက္ခိဏသီရိမြို့နယ်၊ နေပြည်တော် မြို့ပတ်လမ်း၊ ရတနာမဉ္ဇူလမ်း၊ ကရုဏာကမ္ဘာဘိုးဘွားရိပ်သာနှင့် မြို့နယ်ထိုင်တော်မူဗုဒ္ဓရုပ်ပွား တော်မြတ်ကြီး တည်ထားကိုးကွယ်မည့် နေရာအကြားရှိ တောင်သူ ၂၂၈ ဦးတို့၏ သစ်တောကြိုးဝိုင်းတွင်း လယ်ယာမြေ ၄၄၄ ဒသမ ၈၂၅ ဧက အတွက် တစ်ဧကလျှင် ငွေကျပ် ၁ဝ သိန်းနှုန်းဖြင့် နစ်နာမှုထောက်ပံ့ကြေးငွေနှင့် သီးနှံလျော်ကြေးငွေ ၄၇၃ ဒသမ ၁၁၄ သန်းကို ထောက်ပံ့ပေးအပ်ခဲ့ကြောင်း သိရသည်။
ယမန်နေ့ကလည်း ဒက္ခိဏသီရိ မြို့နယ်နှင့် ဇမ္ဗူသီရိမြို့နယ်များတွင် တောင်သူ ၁၅၃ ဦးတို့၏ သစ်တောကြိုးဝိုင်းတွင်း လယ်ယာမြေ ၄၅၄ ဒသမ ၂၄ ဧကအတွက် နစ်နာမှုထောက်ပံ့ကြေးငွေနှင့် သီးနှံလျော်ကြေးငွေ ၄၆၈ ဒသမ ၈၃၅ သန်းအားနေပြည် တော်စည်ပင်သာယာရေးကော်မတီ မှ ကော်မတီဝင် ဦးမင်းသူနှင့် တာဝန်ရှိသူများက ပေးအပ်ခဲ့ကြကြောင်းနှင့် ပြည်ထောင်စုနယ်မြေ နေပြည်တော် ဒက္ခိဏခရိုင် ဒက္ခိဏ သီရိမြို့နယ်နှင့် ဇမ္ဗူသီရိ မြို့နယ်အတွင်းရှိ သစ်တောကြိုးဝိုင်းတွင်း လယ်ယာမြေ စုစုပေါင်း ၈၉၉ ဒသမ ဝ၆၅ ဧကပေါ်တွင် လုပ်ကိုင်လျက်ရှိသော တောင်သူ ၃၈၁ ဦး တို့ကို နစ်နာမှုထောက်ပံ့ကြေးငွေနှင့် သီးနှံလျော်ကြေးငွေ စုစုပေါင်း ငွေကျပ် ၉၄၁ ဒသမ ၉၄၉ သန်းအား ထောက်ပံ့ပေးအပ်ခဲ့ပြီးဖြစ်ကြောင်း သိရသည်။ (သတင်းစဉ်)

သဘာဝဘေးအန္တရာယ် စီမံခန့်ခွဲမှုလုပ်ငန်းများ ပိုမိုထိရောက်စွာဆောင်ရွက်နိုင်ရေး ကြိုတင်ပြင်ဆင်

နေပြည်တော် မတ် ၃ဝ

သဘာဝဘေးအန္တရာယ် စီမံခန့်ခွဲမှု လုပ်ငန်းများ ပိုမိုထိရောက်စွာဆောင်ရွက် နိုင်ရေးနှင့် မိုးကြိုနှင့် မိုးရာသီကာလ များတွင် ဖြစ်ပေါ်နိုင်သည့် သဘာဝ ဘေးများအတွက် ကြိုတင်ပြင်ဆင်မှု များဆောင်ရွက်ရန် ယခုကဲ့သို့ အစည်း အဝေး ကျင်းပရခြင်းဖြစ်ကြောင်း အမျိုးသား သဘာဝဘေးအန္တရာယ် ဆိုင်ရာ စီမံခန့်ခွဲမှုကော်မတီဥက္ကဋ္ဌ ဒုတိယသမ္မတ ဦးဟင်နရီဗန်ထီးယူက ပြောကြားသည်။
ယနေ့နံနက် ၉ နာရီခွဲတွင် လူမှု ဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေးဝန်ကြီးဌာန၌ ကျင်းပ သည့် အမျိုးသားသဘာဝဘေးအန္တရာယ် ဆိုင်ရာ စီမံခန့်ခွဲမှုကော်မတီ အစည်း အဝေး (၁/၂ဝ၁၇)တွင် ဒုတိယသမ္မတ က ထိုသို့ပြောကြားခြင်း ဖြစ်သည်။
ဆက်လက်၍ ‘ဒုတိယသမ္မတက သဘာဝဘေးအန္တရာယ်ခံစားခဲ့ရသည့် အတွေ့အကြုံများအရ သဘာဝဘေး များကို ဖြေရှင်းဆောင်ရွက်ရာတွင် ယခင်ကထက် ပိုမိုလျင်မြန်လာပြီး တိုးမြှင့် ထောက်ပံ့မှုများကိုလည်း ပိုမိုမြန်ဆန် စွာ ဆောင်ရွက်နိုင်ခဲ့ကြောင်း၊ သို့သော် ပြန်လည်ထူထောင်ရေး လုပ်ငန်းများ တွင် တိကျသည့် အချက်အလက်များ အချိန်မီမရရှိခြင်းကြောင့် အခက်အခဲ အချို့ရှိခဲ့သည်ကို သုံးသပ်တွေ့ရှိရပါ ကြောင်း၊ ဘေးအ္တရာယ်နှင့် ပတ်သက် ၍ ပြန်လည်ထူထောင်ရေးလုပ်ငန်း အစီအမံများကို ကြိုတင်စဉ်းစားချမှတ် ထားရန် လိုအပ်မည်ဖြစ်ကြောင်း၊ သဘာဝဘေးအန္တရာယ်ကြိုတင်ကာကွယ် ရေး၊ ရှာဖွေကူညီ ကယ်ဆယ်ရေးနှင့် ပြန်လည်ထူထောင်ရေး လုပ်ငန်းများ အတွက် တာဝန်ရှိသူများအနေဖြင့် အသိပညာပေးမှုများနှင့် ဇာတ်တိုက် လေ့ကျင့်မှုများ ဆောင်ရွက်ကြရန် မှာကြားလိုပါကြောင်း၊ ထောက်ပံ့မှုများအလေအလွင့်မရှိစေရေးအတွက် တိုင်း ဒေသကြီးနှင့် ပြည်နယ်အစိုးရအဖွဲ့ များအနေဖြင့် တိကျသေချာမြန်ဆန် သည့် ထောက်ပံ့မှုနည်းလမ်းများကို စီမံပြင်ဆင်ထားရန် လိုအပ်မည်ဖြစ် ကြောင်း၊ ထို့အတူ သဘာဝဘေးအတွက် မည်သို့ ပြင်ဆင်ထားသည်ကိုလည်း ဆန်းစစ်ကြရမည်ဖြစ်ကြောင်း ပြောကြား သည်။
ထို့အပြင် အရေးပေါ် အစားအစာ ရိက္ခာ၊ အရေးပေါ်ကယ်ဆယ်ရေးနှင့် တုံ့ပြန်ရေး လုပ်ငန်းသုံးစက်ကိရိယာ များ၊ အဆောက်အအုံ ပြုပြင်တည် ဆောက်ရေးလုပ်ငန်းများ၊ လမ်းပန်း ဆက်သွယ်ရေးဆိုင်ရာ ပြုပြင်တည် ဆောက်မှုများ၊ ကမ်းပြိုကမ်းထိန်း လုပ်ငန်းများ စသည့်သဘာဝဘေး လျော့ပါးရေးဆိုင်ရာလုပ်ငန်း အစီအမံ များတွင် အမျိုးသားသဘာဝဘေး အန္တရာယ်ဆိုင်ရာ စီမံခန့်ခွဲမှုရန်ပုံငွေ စာရင်းမှ ငွေကျပ် ၉ ဒသမ ၈ ဘီလီယံနှင့် အမေရိကန်ဒေါ်လာ ၂ ‘ဒသမ ၇၄ သိန်း ထောက်ပံ့ပေးခဲ့ကြောင်း၊ အမျိုးသား သဘာဝဘေးအန္တရာယ်ဆိုင်ရာစီမံခန့်ခွဲ မှုကော်မတီနှင့် လုပ်ငန်းကော်မတီများ တွင် တာဝန်ယူဆောင်ရွက်နေကြသည့် ဝန်ကြီးဌာနများ၊ တိုင်းဒေသကြီးနှင့် ပြည်နယ် အစိုးရအဖွဲ့များအနေဖြင့် တာဝန်ယူထားရသည့် လုပ်ငန်းကဏ္ဍ များ ပိုမိုထိရောက်စွာဆောင်ရွက်ပေးရန်၊ ပူးပေါင်းညှိနှိုင်းဆောင်ရွက်ကြရန်နှင့် ငွေကြေးသုံးစွဲမှုများတွင် အထောက် အထားများအပါအဝင် လုပ်ငန်းအဆင့် ဆင့်ကို မှတ်တမ်းဓာတ်ပုံများဖြင့် ဘဏ္ဍာ ရေးစည်းမျဉ်း၊ ဥပဒေ၊ နည်းဥပဒေများ နှင့်အညီ စနစ်တကျ ကြီးကြပ်စီမံ ခန့်ခွဲကြရန် လိုအပ်မည်ဖြစ်ကြောင်း ပြောကြားသည်။
ထို့နောက် ကော်မတီဒုတိယဥက္ကဋ္ဌ ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေက ရှာဖွေကူညီကယ်ဆယ် ရေးလုပ်ငန်းများ ဆောင်ရွက်ခဲ့မှုအခြေ အနေများနှင့် ကြိုတင်ပြင်ဆင်ဆောင် ရွက်ထားရှိမှု အခြေအနေများကို ရှင်းလင်းတင်ပြပြီး ကော်မတီ ဒုတိယ ဥက္ကဋ္ဌ ပြည်ထောင်စုဝန်ကြီး ဒေါက်တာ ဝင်းမြတ်အေးက သဘာဝဘေးအန္တရာယ် ကြိုတင်ကာကွယ်ရေးလုပ်ငန်း ပြင်ဆင် ဆောင်ရွက်ထားရှိမှုများ၊ ပြန်လည် ထူထောင်ရေးလုပ်ငန်းဆိုင်ရာ အခြေ အနေများ၊ သဘာဝဘေးအန္တရာယ် လျော့ပါးရေး၊ ကယ်ဆယ်ထောက်ပံ့ရေး ဆောင်ရွက်ထားရှိမှု အခြေအနေများ နှင့် ဆက်လက်ဆောင်ရွက်သွားမည့် အစီအမံများကို ရှင်းလင်းတင်ပြသည်။
ယင်းနောက် အမျိုးသားသဘာဝ ဘေးအန္တရာယ်ဆိုင်ရာ စီမံခန့်ခွဲမှု ကော်မတီဝင်များဖြစ်သည့် ပြည်ထောင်စု ဝန်ကြီး ဒုတိယဗိုလ်ချုပ်ကြီး စိန်ဝင်း၊ ဒုတိယဗိုလ်ချုပ်ကြီး ရဲအောင်၊ ဦးကျော် တင့်ဆွေ၊ သူရဦးအောင်ကို၊ ဦးသိန်းဆွေ၊ ဒေါက်တာမျိုးသိမ်းကြီး၊ ဦးနိုင်သက်လွင်၊ ဒုတိယဝန်ကြီး ဦးကျော်တင်၊ ဒေါက်တာ ထွန်းနိုင်၊ နေပြည်တော်ကောင်စီဥက္ကဋ္ဌ၊ ပြည်နယ်နှင့် တိုင်းဒေသကြီး ဝန်ကြီး ချုပ်များ၊ ကျွမ်းကျင်ပညာရှင်များနှင့် တာဝန်ရှိသူများက အမျိုးသားသဘာဝ ဘေးအန္တရာယ်ဆိုင်ရာ စီမံခန့်ခွဲမှုများ နှင့်စပ်လျဉ်း၍ သက်ဆိုင်ရာကဏ္ဍများ အလိုက် ရှင်းလင်းတင်ပြကြသည်။
ထို့နောက် ဒုတိယသမ္မတ ဦးဟင်နရီ ဗန်ထီးယူက ရှင်းလင်းဆွေးနွေး တင်ပြ ချက်များနှင့် စပ်လျဉ်း၍ ပေါင်းစပ် ညှိနှိုင်းပေးခဲ့သည်။
(သတင်းစဉ်)

အကျပ်အတည်း၊ ပဋိပက္ခအခြေအနေများတွင် မီဒီယာနှင့်ဆက်ဆံရေးဆိုင်ရာ အလုပ်ရုံဆွေးနွေးပွဲ ကျင်းပ

နေပြည်တော် မတ် ၃ဝ

အကျပ်အတည်း၊ ပဋိပက္ခအခြေအနေများတွင် မီဒီယာနှင့် ဆက်ဆံရေးဆိုင်ရာ အလုပ်ရုံဆွေးနွေးပွဲကို ယနေ့နံနက် ၉ နာရီခွဲမှ စတင်၍ နေပြည်တော် သင်္ဂဟဟိုတယ်၌ ကျင်းပသည်။
အလုပ်ရုံဆွေးနွေးပွဲတွင် အမျိုးသားလုံခြုံရေးဆိုင်ရာ အကြံပေးပုဂ္ဂိုလ် ဦးသောင်းထွန်းက ရခိုင်ပြည်နယ်၌ လုံခြုံရေးတပ်ဖွဲ့ဝင်များက အင်အားအလွန်အကျွံ သုံးခြင်းမရှိဘဲ အကြမ်းဖက်သူများကို ဥပဒေနှင့်အညီ တုံ့ပြန်ခဲ့ခြင်း ဖြစ်ပါကြောင်း၊ လူ့အခွင့်အရေး ချိုးဖောက်မှုဆိုသည်မှာ မိမိတို့ အစိုးရအဖွဲ့၏ မူဝါဒမဟုတ်သည့် အတွက် လူ့အခွင့်အရေး ချိုးဖောက်မှုကို လုပ်ဆောင်ခဲ့ခြင်း မရှိပါကြောင်း၊ လူ့အခွင့် အရေးဆိုင်ရာ ချိုးဖောက်မှုဟူသော စွပ်စွဲချက်နှင့်စပ်လျဉ်း၍ အထောက်အထား ခိုင်လုံပါက အရေးယူဆောင်ရွက်သွားမည် ဖြစ်ပါကြောင်း၊ လတ်တလောတွင် အစိုးရအဖွဲ့အနေဖြင့် ရခိုင်ပြည်နယ် တည်ငြိမ်ရေးနှင့် ¶ဖြိုးတိုးတက်ရေးကို ဦးစားပေး ဆောင်ရွက်နေပါကြောင်း၊ ဒုတိယအဆင့်အနေဖြင့် အခြေခံအဆောက်အအုံများ ¶ဖြိုးတိုးတက်ရန် လုပ်ဆောင်သွားမည် ဖြစ်ပါကြောင်း၊ ယခုကဲ့သို့ အချိန်အခါတွင် အလုပ်ရုံဆွေးနွေးပွဲ ကျင်းပသည့်အတွက် မြန်မာနိုင်ငံ၌ ကြုံတွေ့နေရသော အခက်အခဲအကျပ်အတည်းများကို ရင်ဆိုင်ဖြေရှင်းရာတွင် များစွာအထောက်အကူ ဖြစ်မည်ဟု ယုံကြည်ပါကြောင်း ပြောကြားသည်။
Asia - Pacific Center for Security Studies မှ ဒါရိုက်တာ ဗိုလ်ချုပ် ဂျိမ်းစ်ဟက်ဆဲလ်က မြန်မာနိုင်ငံ၏ သမိုင်းဝင် တည်ငြိမ်အေးချမ်းစွာ နိုင်ငံရေး အသွင်ကူးပြောင်းဆောင်ရွက်နိုင်ခဲ့သည့် အောင်မြင်မှုကို အသိအမှတ်ပြုပါကြောင်း၊ အလားတူ ၂ဝ၁၅ ခုနှစ် နိုဝင်ဘာလက လွတ်လပ်ပြီး တရားမျှတသော ရွေးကောက်ပွဲ များကို စနစ်တကျ ကျင်းပနိုင်ခဲ့သည်ကိုလည်း ဂုဏ်ပြုပါကြောင်း။
အစိုးရနှင့် တိုင်းရင်းသားလက်နက်ကိုင်အဖွဲ့အစည်းများ၏ နိုင်ငံရေးဆွေးနွေးမှု များ ဆက်လက်ကျင်းပနိုင်ခဲ့သော်လည်း နိုင်ငံအတွင်း ရင်ဆိုင်နေရသည့် ရှုပ်ထွေး သော နိုင်ငံရေး၊ လူမှုရေး၊ စီးပွားရေးနှင့် အမျိုးသားလုံခြုံရေးဆိုင်ရာ စိန်ခေါ်မှုများ ကြောင့် အစိုးရနှင့် ပြည်သူများအနေဖြင့် လုပ်ဆောင်ရန် များစွာကျန်ရှိနေပါကြောင်း၊
ထို့အပြင် လူမှုမီဒီယာများ၌ အမုန်းစကားနှင့် သတင်းအမှားများကို ဖြန့်ချိမှုသည် အဓိက နေရာဖြစ်လာပြီး ယင်းပြဿနာကိုလည်း ရင်ဆိုင်ဖြေရှင်းနေရသည်ကို တွေ့ရှိ ရပါကြောင်း၊ အကြီးမားဆုံးသော စိန်ခေါ်မှုများအနက် လူမျိုးပေါင်း ၁၃ဝ ကျော်နှင့် ရင်ဆိုင်ဖြေရှင်းနေရသည့် အချက်များလည်း ပါဝင်လျက်ရှိပါကြောင်း၊ အချို့သော တိုင်းရင်းသားလက်နက်ကိုင်အဖွဲ့အစည်းများ အပစ်အခတ်ရပ်စဲရေး သဘောတူ စာချုပ်ကို လက်မှတ်မရေးထိုးခြင်းသည် အများစု၏ သဘောတူညီချက်ဖြစ်သည့် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးလုပ်ငန်းများကို ဆန့်ကျင်နေကြ ပါကြောင်း။
ရခိုင်ပြည်နယ်၏ လူမျိုးရေး ပဋိပက္ခကြောင့် မြန်မာနိုင်ငံအတွင်း လုံခြုံမှုနှင့် တည်ငြိမ်မှုဆိုင်ရာ စိန်ခေါ်မှုအခြေအနေများသည် ပြည်ပရင်းနှီးမြှုပ်နှံသူများ အကြားတွင် ပျံ့နှံ့လျက်ရှိပါကြောင်း၊ ထို့ကြောင့် ပညာရေး၊ ကျန်းမာရေးနှင့် အခြေခံ အဆောက်အအုံကဏ္ဍများတွင် ရင်းနှီးမြှုပ်နှံမည့် ပြည်ပရင်းနှီးမြှုပ်နှံသူများ မြန်မာ နိုင်ငံသို့ လာရောက်ရန် တုံ့ဆိုင်းနေပါကြောင်း၊ အခြားသောနိုင်ငံများနည်းတူ မြန်မာနိုင်ငံ ရင်ဆိုင်နေရသည့် ပြဿနာတစ်ခုမှာ လွတ်လပ်စွာ ပြောဆိုရေးသား ခွင့်ကို အကောင်အထည်ဖော်နေစဉ် ရှုပ်ထွေးမှုများ ရှိနေသေးသည်ကို တွေ့မြင် ရပါကြောင်း ပြောကြားသည်။
ထို့နောက် Asia - Pacific Center for Security Studies မှ တာဝန် ရှိသူများက အကျပ်အတည်းနှင့် ပဋိပက္ခများတွင် ကြုံတွေ့ရသည့် အခက်အခဲများ၊ ပြည်သူများထံသို့ သတင်းမှန်များ အချိန်နှင့်တစ်ပြေးညီ ရောက်ရှိရေးတို့ကို ဆွေးနွေး ပြောကြားကြရာ တက်ရောက်လာကြသူများက ပြန်လည်ဆွေးနွေးကြသည်။
အဆိုပါ အလုပ်ရုံ ဆွေးနွေးပွဲကို အမေရိကန်ပြည်ထောင်စု ဟာဝိုင်အီ အခြေစိုက် Daniel K. Inouye Asia - Pacific Center for Security Studies က ဦးဆောင်ကျင်းပခဲ့ပြီး ဌာနဆိုင်ရာသတင်းနှင့် ပြန်ကြားရေးကဏ္ဍများတွင် ပါဝင် ဆောင်ရွက်နေကြသည့် တာဝန်ရှိသူများ တက်ရောက်ကြသည်။
အလုပ်ရုံဆွေးနွေးပွဲကို မတ် ၃၁ ရက်တွင် ဆက်လက်ကျင်းပသွားမည်ဖြစ်ပြီး အမျိုးသားလုံခြုံရေးဆိုင်ရာ အကြံပေးပုဂ္ဂိုလ်နှင့် မြန်မာနိုင်ငံဆိုင်ရာ အမေရိကန် သံအမတ်ကြီးတို့လည်း တက်ရောက်ဆွေးနွေးသွားမည်ဖြစ်ကြောင်း သိရသည်။
သာစိန်၊ မီမီဖြိုး (သတင်းစဉ်)

မြန်မာနိုင်ငံသည် စီးပွားရေးတိုးတက်မှုနှုန်း ဒုတိယအမြင့်ဆုံးနေရာတွင်ရှိနေ ကုန်သွယ်မှုကဏ္ဍ ဖွံ့ဖြိုးတိုးတက်ရေးဆိုင်ရာ နှစ်လတ်စီမံကိန်းအစီရင်ခံစာ ထုတ်ပြန်ခြင်းအခမ်းအနားကျင်းပ

နေပြည်တော် မတ် ၃ဝ

မြန်မာနိုင်ငံ၏ကုန်သွယ်မှုကဏ္ဍ ဖွံ့ဖြိုး တိုးတက်ရေးဆိုင်ရာ နှစ်လတ်စီမံကိန်းMedium Term Programme (MTP) အစီရင်ခံစာထုတ်ပြန်ခြင်း အခမ်းအနားကို ယနေ့နံနက် ၉ နာရီတွင် နေပြည်တော်ရှိ Hilton ဟိုတယ်၌ ကျင်းပရာ ဒုတိယသမ္မတ ဦးမြင့်ဆွေ တက်ရောက်အမှာစကားပြောကြား သည်။
လုပ်ငန်းစဉ်တစ်ခုဖြစ်
ဒုတိယသမ္မတက ယနေ့အခမ်း အနားသည် မြန်မာနိုင်ငံအတွက် ကုန်သွယ်မှု ဘက်စုံလေ့လာဆန်းစစ်ခြင်း(Diagnostic Trade Integration Study-DTIS) အစီရင်ခံစာ၏ နောက် ဆက်တွဲလုပ်ငန်းစဉ်အဖြစ် ကမ္ဘာ့ဘဏ်နှင့် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနတို့ အပြီးသတ်ရေးဆွဲပြီး ဖြစ်သည့် ကုန်သွယ်မှုဖွံ့ဖြိုးတိုးတက် ရေးဆိုင်ရာ နှစ်လတ်စီမံကိန်းMedium Term Programme(MTP) အစီ ရင်ခံစာကို ထုတ်ပြန်သည့်အခမ်းအနားဖြစ်ပါကြောင်း၊ ကမ္ဘာ့ကုန်သွယ်ရေး အဖွဲ့(WTO) က ဖွံ့ဖြိုးမှုအနည်းဆုံး နိုင်ငံများ၏ ကုန်သွယ်မှုကဏ္ဍ ဖွံ့ဖြိုး တိုးတက်ရေးအတွက် ကုန်သွယ်မှု ဆိုင်ရာ အကူအညီပေးရေးအစီအစဉ် Enhanced Integrated Frame- work (EIF) လုပ်ငန်းစဉ်အောက်ရှိ လုပ်ငန်းစဉ်တစ်ခုလည်း ဖြစ်ပါကြောင်း။
ယနေ့ ကမ္ဘာ့စီးပွားရေးတိုးတက်မှု ကို ကမ္ဘာ့ဘဏ်က ၂ ဒသမ ၉ ရာခိုင်နှုန်း ခန့်မှန်းထားခဲ့သော်လည်း ယခုနောက်ဆုံး ၂ ဒသမ ၄ ရာခိုင်နှုန်းသို့ လျော့ကျလာပါ ကြောင်း၊ လျော့ကျလာရသည့်အကြောင်း အရင်းများမှာ ဖွံ့ဖြိုးပြီးနိုင်ငံကြီးများ၏ စီးပွားရေးနှေးကွေးလာမှု၊ ကုန်စည် ဈေးနှုန်းများကျဆင်းလာမှု၊ ကမ္ဘာလုံး ဆိုင်ရာ ကုန်သွယ်အားလျော့လာမှု၊ အဆင့်မြင့်စီးပွားရေးဈေးကွက်များတွင် ဝယ်လိုအားကျဆင်းလာမှု၊ အရင်းအနှီး စီးဆင်းမှုနှေးသွားမှု စသည့်အကြောင်း အရင်းများကြောင့် ဖြစ်ပါကြောင်း၊ တိုးတက်မှုနှေးကွေးသည့် စီးပွားရေး အခြေအနေနှင့် စီးပွားရေးမူဝါဒထိန်းညှိမှု ဆောင်ရွက်ချက်များကြောင့် ကမ္ဘာ့နိုင်ငံ များအနေဖြင့် ကမ္ဘာ့စီးပွားရေးဖွဲ့စည်း တည်ဆောက်မည့်ပုံစံကို ပြုပြင်ပြောင်းလဲ ရန်အရေးတကြီး လိုအပ်လာပါကြောင်း၊ ၂ဝ၁၇ ခုနှစ် World Economic Forumအစည်းအဝေးတွင် ကမ္ဘာလုံး ဆိုင်ရာ လုပ်ဆောင်ရမည့်အစီအစဉ်ကို ဖော်ထုတ်နိုင်ခဲ့ပါကြောင်း။
အလျင်အမြန်ပေါင်းစည်းရန်
အရေးကြီး
IMF ၏ ၂ဝ၁၆ ခုနှစ် ထုတ်ပြန်ချက် အရ မြန်မာနိုင်ငံသည် စီးပွားရေး တိုးတက်မှုနှုန်း ဒုတိယအမြင့်ဆုံးနေရာတွင်ရှိနေပါကြောင်း၊ သို့သော်လည်း ကမ္ဘာ့စီးပွားရေး နှေးကွေးလာသည်နှင့် အမျှ အာရှဒေသတွင် စီးပွားရေးအင်အား ကြီးနိုင်ငံများ၏ စီးပွားရေးသည်လည်း နှေးကွေးလာခဲ့ပါကြောင်း၊ ယခုလိုအချိန် တွင် မိမိတို့နိုင်ငံသည် တစ်ကမ္ဘာလုံးနှင့် အလျင်အမြန် ပေါင်းစည်းရန်အရေးကြီး ပါကြောင်း၊ အထူးသဖြင့် ကုန်သွယ်မှု ကဏ္ဍတွင် ကမ္ဘာကြီးနှင့် မြန်မြန်ဆန်ဆန် ပေါင်းစည်းနိုင်ရန် အရေးကြီးလှ ပါကြောင်း။
မြန်မာနိုင်ငံအနေဖြင့် စီးပွားရေး မူဝါဒ(၁၂)ချက်ကို ချမှတ်ခဲ့ပြီးဖြစ်ပါ ကြောင်း၊ ချမှတ်ရာတွင် ရေရှည်တည်တံ့ သည့် ဖွံ့ဖြိုးမှုပန်းတိုင်များ(Sustain-able Development Goals- SDGs) ထဲမှ လူတိုင်းအတွက် သင့်တော်သည့် အလုပ်အကိုင်ရရှိစေပြီး အားလုံးပါဝင် ရေရှည်တည်တံ့မည့် စီးပွား ရေးတိုးတက်မှုမြှင့်တင်ရေး၊ ရေရှည် တည်တံ့သည့် စားသုံးမှု- ထုတ်လုပ်မှုပုံစံ များ အခိုင်အမာပေါ်ပေါက်လာရေး ဆိုသည့် ပန်းတိုင် (၂)ရပ်နှင့် ကိုက်ညီ အောင် ရေးဆွဲထားပါကြောင်း၊ Medi- um Term Programme သည် နောက်ငါးနှစ်အတွင်း ကုန်သွယ်မှုဖွံ့ဖြိုး တိုးတက်ရေးကဏ္ဍ၌ ထောက်ပံ့ရန် လိုအပ်နေသည့် ဦးစားပေးနယ်ပယ်ငါးခု တွင် ကုန်သွယ်ရေးဆိုင်ရာ နည်းပညာ အထောက်အပံ့များကို ဆောင်ရွက်သွား မည်ဖြစ်ပါကြောင်း။
ယနေ့ထုတ်ပြန်သည့် အစီရင်ခံစာပါ အချက်အလက်များ၊ လုပ်ငန်းစဉ်များ ကို ဆက်လက်အကောင်အထည်ဖော် ဆောင်ရွက်သွားရမည်ဖြစ်ပါကြောင်း၊ အကောင်အထည်ဖော်ရာတွင် WTO ၏ကုန်သွယ်မှုဆိုင်ရာအကူအညီပေးရေး အစီအစဉ် Enhanced Integrated Framework (EIF) လုပ်ငန်းစဉ်တွင် ပါဝင်သည့် ကုန်သွယ်မှုကဏ္ဍ ဖွံ့ဖြိုးရေး ဆိုင်ရာ စီမံကိန်းများဖော်ထုတ်ရေးဆွဲ ခြင်း၊ စီမံကိန်းအဆိုပြုလွှာများ တင်သွင်း ခြင်း၊WTO, EIF အတွင်းရေးမှူးရုံး၊ ဘဏ္ဍာရေးမှူးနှင့် သက်ဆိုင်ရာဖွံ့ဖြိုးမှု မိတ်ဖက်များမှ စီမံကိန်းအဆိုပြုလွှာ များအား ဆန်းစစ်ခြင်း၊ စီမံကိန်းများအား သဘောတူခွင့်ပြုခြင်း၊ စာချုပ်စာတမ်းများ နှင့် ဘဏ္ဍာငွေစီးဆင်းမှုများ စီမံဆောင် ရွက်ခြင်း၊ အတည်ပြုထားသည့် စီမံကိန်း များအကောင်အထည်ဖော်ခြင်း၊ စီမံကိန်း များ ချောမွေ့လျင်မြန်စေရန် ဆောင် ရွက်ခြင်း၊ စီမံခန့်ခွဲခြင်း၊ စောင့်ကြည့် အကဲဖြတ်ခြင်း စသည့် လုပ်ငန်းစဉ်များကို သေချာစွာ ဆောင်ရွက်ရမည်ဖြစ်ပါ ကြောင်း။
ငွေကြေးအထောက်အပံ့များ
ပူးပေါင်းပါဝင်
ကုန်သွယ်မှုကဏ္ဍဖွံ့ဖြိုးရေးဆိုင်ရာစီမံကိန်းများကို အကောင်အထည်ဖော် ဆောင်မည့် သက်ဆိုင်ရာဌာနများအလိုက် မိမိတို့ဆောင်ရွက်ရမည့် လုပ်ငန်းတာဝန် များကို အောင်မြင်အောင် အကောင် အထည်ဖော်ဆောင်ရွက်သွားကြရန်နှင့် ဖွံ့ဖြိုးမှုမိတ်ဖက်အဖွဲ့အစည်းများ၊ အလှူ ရှင်များအနေဖြင့်လည်း လိုအပ်သည့် နည်းပညာဆိုင်ရာအကူအညီများနှင့် ငွေကြေးအထောက်အပံ့များကို ပူးပေါင်း ပါဝင်ပြီး ဆက်လက်ကူညီ ဆောင်ရွက် ပေးပါရန် တိုက်တွန်းလိုပါကြောင်း ပြောကြားသည်။
ထို့နောက် စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန ပြည်ထောင်စု ဝန်ကြီး ဒေါက်တာသန်းမြင့်က မိမိတို့ဝန်ကြီးဌာနနှင့် ကမ္ဘာ့ဘဏ်တို့ ပူးပေါင်း၍ ၂ဝ၁၅ ခုနှစ်အတွင်း ကုန်သွယ် မှုဆိုင်ရာ ဘက်စုံလေ့လာဆန်းစစ်မှု Diagnostic Trade Integrated Study-DTIS အား ပထမဆုံးအကြိမ် ဆောင်ရွက်နိုင်ခဲ့ပါကြောင်း၊Medium Term Programme သည် ကုန်သွယ်မှု ကဏ္ဍဖွံ့ဖြိုးတိုးတက်ရေးအတွက် ကဏ္ဍစုံမှ နှစ်တို၊ နှစ်လတ်(၂ နှစ်၊ ၃ နှစ်၊ ၅ နှစ် အတွင်း) ဆောင်ရွက်ရမည့် လုပ်ငန်း အစီအစဉ် (Action Matrix)များကို တစ်ပေါင်းတစ်စည်းတည်း ဖော်ပြထား သည့် အစီရင်ခံစာဖြစ်ပါကြောင်း။
ဦးစားပေးကဏ္ဍ ရွေးချယ်ထား
နှစ်တို၊ နှစ်လတ်အတွင်း ဆောင်ရွက် ရမည့်လုပ်ငန်းအစီအစဉ်များကို ကုန် သွယ်မှု ဘက်စုံလေ့လာဆန်းစစ်ခြင်းပါအစီရင်ခံစာDiagnostic Trade Integration Study (DTIS) ပါ လုပ်ငန်းစဉ်အများစုကို ဆွဲယူထားပါ ကြောင်း၊ ထို့ပြင် အခြားလေ့လာ ဆန်းစစ်မှု အစီရင်ခံစာများဖြစ်သည့် အမျိုးသားပို့ကုန်ဆိုင်ရာ မဟာဗျူဟာ အစီရင်ခံစာများ၊ ပုဂ္ဂလိကကဏ္ဍ ဖွံ့ဖြိုး တိုးတက်ရေးဆိုင်ရာ အစီရင်ခံစာများ၊ ကုန်သွယ်မှုလျင်မြန်ချောမွေ့ရေးဆိုင်ရာ အစီရင်ခံစာများ၊ အာဆီယံကုန်စည်နှင့် ဝန်ဆောင်မှုဆိုင်ရာ အစီရင်ခံစာ စသည့်စာတမ်းများမှ ဦးစားပေးကဏ္ဍများကို ရွေးထုတ်ထားပါကြောင်း၊ ရှေ့ဆက်ဆောင်ရွက်မည့် မဏ္ဍိုင်ကြီး ငါးခု၊ လုပ်ငန်းစဉ်အတွဲ ၂၃ ခုနှင့် ဦးစားပေး လုပ်ငန်း ၁၈ဝ ကျော်တို့ကို ဦးစားပေး ကဏ္ဍအနေဖြင့် ရွေးချယ်ထားခြင်း ဖြစ်ပါကြောင်း။
မဏ္ဍိုင်ကြီးငါးခုမှာ ကုန်သွယ်မှုမူဝါဒ နှင့် အဖွဲ့အစည်းများ၊ ကုန်သွယ်မှုလွယ်ကူ စေရေး၊ သယ်ယူပို့ဆောင်ရေးနှင့် ထောက်ပံ့ပို့ဆောင်ရေး၊ အရည်အသွေး မြင့် အခြေခံအဆောက်အအုံနှင့် စံချိန် စံညွှန်းများ၊ ပုဂ္ဂလိကကဏ္ဍဖွံ့ဖြိုး တိုးတက်ရေး၊ တန်ဖိုးမြှင့်ထုတ်ကုန်များ ဖွံ့ဖြိုးတိုးတက်ရေးနှင့် ပို့ကုန်အမျိုးမျိုး ထုတ်လုပ်ရေးတို့ဖြစ်ကြောင်း ရှင်းလင်း ပြောကြားသည်။
နှုတ်ခွန်းဆက်
အမှာစကားပြော
ယင်းနောက် ဥရောပသမဂ္ဂ သံအမတ်ကြီး H.E.Roland Kobiaနှင့် ကမ္ဘာ့ဘဏ်မှ Country Manager, Mr. Abdoulaye Seck တို့က နှုတ်ခွန်းဆက်အမှာစကား ပြောကြားကြသည်။
အဆိုပါ အခမ်းအနားသို့ ဒုတိယဝန်ကြီး ဦးလှကျော်၊ အမျိုးသား လွှတ်တော်နှင့် ပြည်သူ့လွှတ်တော်မှ စီးပွားရေးနှင့် ဘဏ္ဍာရေးဆိုင်ရာ လွှတ်တော်ကိုယ်စားလှယ်များ၊ တိုင်း ဒေသကြီးနှင့် ပြည်နယ်အစိုးရအဖွဲ့ များမှ စီးပွားရေးရာဝန်ကြီးများ၊ မိတ်ဖက်အဖွဲ့အစည်းများနှင့် ကမ္ဘာ့ ဘဏ်မှ ဧည့်သည်တော်များ၊UMFCCI မှ တာဝန်ရှိသူများ တက်ရောက်ကြသည်။ (သတင်းစဉ်)

ပြည်သူရဲ့ဘဝ ဖွံ့ဖြိုးတိုးတက်ရေးအတွက် ကျွန်မတို့အတတ်နိုင်ဆုံးကြိုးစားသွားမယ်

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်
 နိုင်ငံတော်အစိုးရတာဝန်ယူမှု တစ်နှစ်ပြည့်အထိမ်းအမှတ် ပြောကြားသည့်မိန့်ခွန်း
မတ်လ ၃ဝ ၊ ၂ဝ၁၇

ပြည်ထောင်စုနိုင်ငံသူ နိုင်ငံသားများအပေါင်းရှင်။ ကျွန်မတို့ အမျိုးသားဒီမိုကရေစီအဖွဲ့ချုပ်က ၂ဝ၁၅ နိုဝင်ဘာလက ကျင်းပ တဲ့ ရွေးကောက်ပွဲရဲ့ ရလဒ်အရ ၂ဝ၁၆ ခုနှစ် ၃ဝ ရက်နေ့ မတ်လ မှာ နိုင်ငံ့ရဲ့ အစိုးရတာဝန်တွေကို စတင်ပြီးတော့ ထမ်းဆောင်ခဲ့ပါ တယ်။ ဒီကိစ္စတွေနဲ့ ပတ်သက်လို့ ကျွန်မတို့မှာ ပြည်သူလူထုကို အစီရင်ခံရမယ့် တာဝန်ရှိပါတယ်။ ကျွန်မတို့ရဲ့ ပြည်ထောင်စု ဝန်ကြီးဌာနအသီးသီးနဲ့ တိုင်း/ပြည်နယ် အစိုးရများ အသီးသီး ဟာ မိမိတို့ရဲ့ ဆောင်ရွက်ချက်တွေ၊ မိမိတို့ရင်ဆိုင်ခဲ့ရတဲ့ စိန်ခေါ် မှုတွေနဲ့ မိမိတို့ရဲ့ အနာဂတ်အတွက် ရည်မှန်းချက်တွေကို တင်ပြ ပြီးဖြစ်ပါတယ်။
အဲ့တော့ ကျွန်မအနေနဲ့တော့ ကိစ္စကြီးသုံးရပ်ကို အဓိက ထားပြီးတော့ တင်ပြသွားချင်ပါတယ်။ ကျွန်မတို့ ကိစ္စကြီးသုံးရပ် ဆိုတာ ပထမဦးဆုံးအနေနဲ့ ကျွန်မတို့ အမျိုးသားဒီမိုကရေစီ အဖွဲ့ချုပ်ဟာ ရွေးကောက်ပွဲမတိုင်ခင်က ပြည်သူလူထုကို ပြောင်းလဲချိန်တန်ပြီဆိုပြီးတော့ ကျွန်မတို့စည်းရုံးခဲ့ပါတယ်။ ဒီတော့ အခုပြောင်းလဲချိန်တန်ပြီဆိုတဲ့ ကိစ္စနဲ့ပတ်သက်လို့ ကျွန်မတို့ ဘယ်လောက်ခရီးရောက်သလဲဆိုတာကို စမ်းသပ်ဖို့ လိုပါတယ်။ ပြောင်းလဲတယ်ဆိုတာ အဓိကအားဖြင့် စနစ်ကို ပြောင်းလဲခြင်းနဲ့ စိတ်ဓာတ်ကို ပြောင်းလဲခြင်း နှစ်ခုဖြစ်ပါတယ်။ ဒီနှစ်ခုစလုံးမှာ ပြည်သူရော၊ အစိုးရရော ပါဝင်ရပါတယ်။ ပြည်သူ ချည်းပဲလည်း လုပ်လို့မရပါဘူး။ အစိုးရချည်းပဲလည်း လုပ်လို့မရ ပါဘူး။ ဒါပေမယ့် စနစ်နဲ့ပတ်သက်လို့ကတော့ အစိုးရကနေ ပြီးတော့ ဦးဆောင်သွားရမှာဖြစ်ပါတယ်။
ဒီတော့ ကျွန်မတို့ဟာ စနစ်ကိုပြောင်းလဲဖို့ဆိုတာဟာ အနှစ်ငါးဆယ်ကျော်ကနေပြီးတော့ အမြစ်တွယ်ခဲ့တဲ့ စနစ် တစ်ခုကို ပြောင်းလဲရတာဖြစ်ပါတယ်။ ဒီလို ပြောင်းလဲတဲ့နေရာ မှာ ကျွန်မတို့ အဓိကရည်ရွယ်ချက်ဟာ အစိုးရဆိုတာဟာ ပြည်သူလူထုတွေအတွက် ဖြစ်ရမယ်ဆိုတာကို ထင်ရှားအောင် လို့ လုပ်ဖို့ပါပဲ။ ဒီတော့ အစိုးရဟာ ပြည်သူ့အတွက်လား၊ ပြည်သူ ဟာ အစိုးရသုံးဖို့အတွက်လားဆိုတာကို ဘာကထင်ရှားစေလဲ ဆိုတော့ ပြည်သူတွေအနေနဲ့ အစိုးရအပေါ်မှာ အမြင်ဖြစ်ပါ တယ်။ ပထမဦးဆုံးအားဖြင့် ကျွန်မယုံကြည်တာကတော့ အခုနှစ် အတွင်းမှာ ပြည်သူတွေဟာ အစိုးရကိုကြောက်ဖို့ မလိုဘူးဆိုတာ အများကသိလာတယ်လို့ ကျွန်မထင်ပါတယ်။ ဒီဟာကို တိုးတက် မှု တစ်ခုလို့ပဲ ကျွန်မကတော့ ယူဆပါတယ်။ ပြည်သူကနေပြီးတော့ အစိုးရကိုကြောက်ဖို့မဟုတ်ပါဘူး။ ကျွန်မတို့ ရည်ရွယ်တာ ကတော့ ပြည်သူက အစိုးရကိုလေးစားဖို့၊ တန်ဖိုးထားဖို့၊ ယုံကြည် ဖို့ပါပဲ။ ဒီအဆင့်ရောက်တဲ့အထိတော့ ကျွန်မတို့ဆက်ပြီး ကြိုးစား သွားရမှာပါ။
အခုအချိန်အခါမှာဆိုလို့ရှိရင် ပြည်သူလူထုကို အကာ အကွယ်ပေးနိုင်မယ့် ဥပဒေတွေပြဋ္ဌာန်းတဲ့ တစ်ချိန်တည်းမှာ ပြည်သူလူထုကို ဖိနှိပ်ရာရောက်တဲ့ ဥပဒေတွေကိုလည်း ကျွန်မတို့ ပြောင်းလဲသင့် တာကို ပြောင်းလဲတယ်၊ ဖယ်ရှားသင့်တာကို ဖယ်ရှားခဲ့ပါ တယ်။ ဒါဟာ စနစ်ကိုပြောင်းလဲခြင်းရဲ့ ခြေလှမ်းတစ်လှမ်း ဖြစ်ပါ တယ်။ ပြည်သူတွေကတော့ စိတ်ဓာတ်ကို ပြောင်းလဲလား မပြောင်းလဲလားဆိုတာဟာ ပြည်သူတွေ ကိုယ်တိုင်သိမှာပါပဲ။
အဂတိတရားကင်းဖို့
ကျွန်မတို့ အစိုးရအဖွဲ့ဝင်တွေအနေနဲ့ စိတ်ဓာတ်ကို ပြောင်းလဲခြင်းဆိုတာဟာ ကျွန်မတို့ အဂတိတရားလေးပါးမှ ကင်းဖို့ပါပဲ။ တချို့က အဂတိတရားဆိုတာဟာ ငွေရေးကြေးရေးနဲ့ ပတ်သက်တယ်လို့ပဲ ထင်ပါတယ်။ ဒါကြောင့် ကျွန်မ မကြာခဏ သတိပေးရပါတယ်။ အဂတိတရား လေးပါး ဆိုတာ ဆန္ဒ၊ ဒေါသ၊ ဘယာ၊ မောဟ။ ဒီတော့၊ အစိုးရတာဝန်ကို ထမ်းဆောင်တဲ့ ပုဂ္ဂိုလ်များဟာ ဆန္ဒ၊ ဒေါသကင်းရမယ်ဆိုတာ မိမိတို့ချစ်ခင်တဲ့ ပုဂ္ဂိုလ်များ၊ မိမိတို့နဲ့ နီးစပ်တဲ့ပုဂ္ဂိုလ်များရဲ့ အကျိုးအတွက်ကို ကြည့်ပြီးတော့ မလုပ်ရဘူး။ အမှန်တရားကိုပဲ ကြည့်ပြီးတော့ လုပ်ရမယ်။ ဒါဆန္ဒဂတိကင်းခြင်းဆိုတာ ဒါပဲဖြစ်ပါတယ်။ ပိုက်ဆံ ယူမှ အဂတိတရားနဲ့ မကင်းတာမဟုတ်ပါဘူး။ ကိုယ့်ရဲ့ အသိုင်း အဝိုင်းရဲ့ အကျိုးကိုကြည့်ပြီးတော့ လုပ်ဆောင်တဲ့ပုဂ္ဂိုလ်များဟာ နိုင်ငံရဲ့အကျိုးမကြည့်ဘဲနဲ့ ကိုယ့်ရဲ့အသိုင်းဝိုင်း၊ ကိုယ့်ရဲ့ မိသားစု၊ ကိုယ့်ရဲ့ မိတ်ဆွေများရဲ့မျက်နှာကြည့်ပြီး လုပ်တယ်ဆိုတာဟာ ဒါဟာလည်း အဂတိတရားတစ်မျိုးပါပဲ။
ဒေါသဂတိ ဆိုတာကတော့ ကိုယ်မကြိုက်တဲ့သူတွေ၊ မချစ် မနှစ်သက်တဲ့သူတွေကို နှိမ်တာ၊ ဒုက္ခရောက်အောင်လုပ်တာ၊ နည်းအမျိုးမျိုးနဲ့ ပြဿနာရှာတာ ဒီဟာတွေလည်း ကျွန်မတို့ အစိုးရက ကင်းတယ်လို့ ကျွန်မယုံကြည်ပါတယ်။ ဘယာဂတိ ဆိုတာကတော့ စိုးရိမ်ကြောင့်ကြမှုက ကင်းဝေးခြင်းပါ။ ဒါက တော့ အဓိကအရေးကြီးတာကတော့ ကျွန်မတို့ရဲ့ ပြည်သူတွေ စိုးရိမ်ကြောင့်ကြမှုမှ ကင်းဝေးဖို့လည်း လိုပါတယ်။ ဒါပေမယ့် အစိုးရဆိုတာလည်း စိုးရိမ်ကြောင့်ကြမှုကနေ ကင်းရမယ်။ ပြောရ မယ်ဆိုရင် လုပ်သင့်လုပ်ထိုက်တာကို လုပ်ရဲရမယ်။ လုပ်သင့် လုပ်ထိုက်တာကို မလုပ်ရဲလို့ရှိရင် နိုင်ငံတစ်နိုင်ငံရဲ့ အုပ်ချုပ်ရေး တာဝန်ကို မယူသင့်ပါဘူး။
စိန်ခေါ်မှုများနဲ့ကြုံ
ကျွန်မတို့ အခုတစ်နှစ်အတွင်းမှာဆိုရင် စိန်ခေါ်မှုအများကြီး နဲ့ ကြုံတွေ့ခဲ့ရပါတယ်။ အားလုံးကသိတဲ့အတိုင်းပဲ ကျွန်မတို့ နိုင်ငံဟာ စီးပွားရေးအရ ချွတ်ခြုံကျနေတယ်။ နောက်ပြီးတော့ လည်း ကျွန်မတို့နိုင်ငံဟာ လွတ်လပ်ရေးရတဲ့အချိန်ကနေ စပြီး တော့ အခုထိ အပြည့်အဝ ငြိမ်းချမ်းရေးဆိုတာ မရရှိခဲ့သေးပါဘူး။ ကျွန်မတို့အတွက် အမျိုးသားရင်ကြားစေ့ရေးနဲ့ ငြိမ်းချမ်းရေး ဆိုတာဟာ အင်မတန်မှ အရေးကြီးပါတယ်။ ဒီဟာကတော့ ဒုတိယကိစ္စရပ်ကြီးပါပဲ။ ဒါပေမယ့် ကိစ္စရပ်တွေက တစ်ခုနဲ့တစ်ခု ဆိုတာဟာ ဆက်နွှယ်နေပါတယ်။
ကျွန်မတို့ အမျိုးသားရင်ကြားစေ့ရေးရရှိဖို့၊ ငြိမ်းချမ်းရေးရရှိဖို့ဆိုလို့ရှိရင် အဂတိတရား ကင်းစင်ရမယ်။ ကျွန်မတို့ဟာ ကျွန်မတို့ နိုင်ငံအတွင်းမှာရှိတဲ့ အဖွဲ့အစည်း၊ အစုအဖွဲ့ အသီးသီးနဲ့ ဆက်ဆံတဲ့နေရာမှာဆိုရင် ကိုယ်ကြိုက်သည်ဖြစ်စေ၊ မကြိုက် သည်ဖြစ်စေ အမှန်တရားကိုရှေ့ရှုပြီးတော့ လုပ်ကိုင်ဖို့လိုပါတယ်။
ကျွန်မတို့ရဲ့ အစိုးရအနေနဲ့ ဒါတော့ ပြည်သူလူထုက သုံးသပ် ရမှာပါ။ ကျွန်မအမြင်မှာတော့ ဒီတစ်နှစ်အတွင်းမှာ ဘယ်အဖွဲ့ အစည်း၊ ဘယ်ပုဂ္ဂိုလ်ကိုမှ တိုက်ခိုက်ခဲ့တာ၊ စောင်းမြောင်းခဲ့တာ၊ စောင်းချိတ်ပြီးတော့ ဝေဖန်ခဲ့တာ မရှိပါဘူး။ ကျွန်မတို့ ပြောစရာ ရှိရင်တော့ တည့်တည့်ပဲ ပြောပါတယ်။
ဒါပေမယ့် ဘယ်တော့မှ ကျွန်မတို့ဟာ အဖွဲ့အစည်းတစ်ခု၊ ပုဂ္ဂိုလ်တစ်ခုကို ကျွန်မတို့ရဲ့ ပုဂ္ဂိုလ်ရေးမလိုလားချက်ကို အခြေခံ ပြီးတော့ မလုပ်သင့်တဲ့ကိစ္စကို လုပ်မှာမဟုတ်ပါဘူး။ ဒီလို မလုပ် လို့ရှိရင်၊ ဒီလို လမ်းစဉ်ကိုမသွားလို့ရှိရင် အမျိုးသား ရင်ကြား စေ့ရေးဆိုတာ ရနိုင်မှာ မဟုတ်ပါဘူး။
မျှမျှတတရှိဖို့လို
ဒီနိုင်ငံထဲမှာ အဖွဲ့အစည်းအမျိုးမျိုး ရှိပါတယ်။ တိုင်းရင်းသား မျိုးစုံရှိပါတယ်။ ဘာသာကိုးကွယ်တဲ့ ပုဂ္ဂိုလ်တွေ မျိုးစုံရှိပါတယ်။ ဒီတော့ ကျွန်မတို့ဟာ တကယ်ပဲ အမျိုးသားရင်ကြားစေ့ရေးကို လိုလားတယ် ဆိုလို့ရှိရင်တော့ အားလုံးကို ဆက်ဆံတဲ့နေရာမှာ မျှမျှတတရှိရမယ်။
ပုထုဇဉ်လူသားများဖြစ်တဲ့အလျောက် ကိုယ်ကြိုက်တဲ့ဟာ မကြိုက်တဲ့ဟာ ရှိတာပေါ့။ ကိုယ် ပိုပြီးတော့ မေတ္တာထားတဲ့ ပုဂ္ဂိုလ်တွေရှိမယ်။ မေတ္တာမထားတဲ့ ပုဂ္ဂိုလ်တွေရှိမယ်။ ဒါပေမယ့် ဒါ အစိုးရတစ်ရပ်ရဲ့ အလုပ်ထဲမှာ ဒီလိုခံစားချက်တွေဟာ ပါဝင် လာစရာ အကြောင်းမရှိပါဘူး။
ကျွန်မတို့ ရွေးကောက်ပွဲစည်းရုံးရေးကာလတုန်းက ပြည်သူ လူထုကို ပြောခဲ့ပါတယ်။ အမျိုးသားဒီမိုကရေစီအဖွဲ့ချုပ်ကို မဲပေး ပါ။ ကျွန်မတို့ ကိုယ်စားလှယ်တွေဟာ မဟုတ်မမှန်တာ လုပ်လို့ရှိ ရင် ကျွန်မတို့ကိုယ်တိုင် တာဝန်ယူပြီးတော့ လုပ်သင့်လုပ်ထိုက် တာကို လုပ်ပါမယ်ဆိုပြီးတော့ ကျွန်မတို့ ကတိပေးခဲ့ပါတယ်။ ဒီကတိအတိုင်းလည်း ကျွန်မတို့ ဆောင်ရွက်ခဲ့ပါတယ်။
ဒီတစ်နှစ်အတွင်းမှာ ကျွန်မတို့အဖွဲ့ဝင်တွေထဲက ကျွန်မတို့ ခန့်အပ်ထားတဲ့ ပုဂ္ဂိုလ်ထဲက တိုင်းပြည်ရဲ့ တာဝန်ကို မကျေပွန်ဘူး လို့ ကျွန်မတို့မြင်ခဲ့တာရှိပါတယ်။ ဒါမှမဟုတ် ကျွန်မတို့ပါတီရဲ့ စည်းမျဉ်းစည်းကမ်းတွေကို မလိုက်နာတာတွေလည်း ကျွန်မတို့ တွေ့ ခဲ့ရပါတယ်။ အဲ့ဒီလို ပုဂ္ဂိုလ်တွေကိုလည်း ကျွန်မတို့ စည်းမျဉ်း စည်းကမ်းအရ အရေးယူပါတယ်။ နောင်လည်း ဒီလိုပဲ ဆက်ပြီး တော့ လုပ်သွားမှာပါ။ ဘာဖြစ်လို့လဲဆိုတော့ နိုင်ငံတစ်နိုင်ငံ ချောမွေ့ ဖို့အတွက်ဆိုလို့ရှိရင် ကျွန်မတို့ဟာ ဆန္ဒကတိအရ ကိုယ် နဲ့ နီးစပ်တဲ့လူတွေကို မကာကွယ်သင့်တဲ့အချိန်မှာ ကာကွယ်နေ လို့ မဖြစ်ပါဘူး။
မျှော်လင့်ချက်များတိုးပွား
ဒီတော့ ကျွန်မတို့ အမျိုးသားရင်ကြားစေ့ရေးနဲ့ ငြိမ်းချမ်းရေး ဆိုတာဟာ ဆက်နွှယ်နေတယ်ဆိုတာကတော့ ထူးထူးထွေထွေ ပြောဖို့လိုမယ်လို့ မထင်ပါဘူး။ ငြိမ်းချမ်းရေးဖြစ်စဉ်ဟာ လွယ်တဲ့ ဖြစ်စဉ် မဟုတ်ပါဘူး။ ဒါပေမယ့် ကျွန်မတို့အတွက် မျှော်လင့်ချက် တွေ အများကြီး ရှိပါတယ်။ အထူးသဖြင့် ဆိုလို့ရှိရင် အခုရက်ပိုင်း အတွင်းမှာဆိုလို့ရှိရင် ကျွန်မတို့ ဒုတိယပင်လုံညီလာခံအတွက် မျှော်လင့်ချက်တွေ အများကြီး တိုးပွားလာပါတယ်။
သို့သော်ငြားလည်း မျှော်လင့်ချက်ဆိုတာ မျှော်လင့်ချက်ပဲ။ မျှော်လင့်ချက်ဆိုတာဟာ ကျွန်မတို့ လက်ထဲမှာ ဆုပ်ရထား တဲ့ကိစ္စ မဟုတ်သေးပါဘူး။ အရာတစ်ခု မဟုတ်ပါဘူး။ ကျွန်မတို့ ဆက်ပြီးတော့ ကြိုးစားရပါမယ်။ ဒီ ငြိမ်းချမ်းရေးလမ်းသွား တဲ့အခါမှာ အခြားလမ်းတွေသွားသလိုပဲ ရှေ့ကိုတက်ရတာတွေ လည်း ရှိတယ်။ တစ်ခါတလေ ရပ်နေရတာတွေလည်း ရှိတယ်။ တစ်ခါတလေလည်း နည်းနည်းပြန်ပြီးတော့ နောက်ဆုတ်ရတာ တွေလည်း ရှိတယ်။ ဒါပေမယ့် ကျွန်မတို့ရဲ့ ပန်းတိုင်က ဘာလဲ ဆိုတာ ကျွန်မတို့က ရှင်းရှင်းလင်းလင်း သိပါတယ်။ ပန်းတိုင်က ဘာလဲလို့ ရှင်းရှင်းလင်းလင်းသိလို့ ကျွန်မတို့ဆက်ပြီးတော့ ဒီပန်းတိုင်ကို ချီတက်သွားမှာ ဖြစ်ပါတယ်။
ဒီဟာ ငြိမ်းချမ်းရေးပန်းတိုင်။ အမျိုးသားပြန်လည်ရင်ကြား စေ့ရေးပန်းတိုင်။ ကျွန်မတို့ ဒီလို အမျိုးသားရင်ကြားစေ့ရေး အတွက် လုပ်တဲ့အခါမှာ၊ ငြိမ်းချမ်းရေးအတွက်လုပ်တဲ့အခါမှာ က္ဘာတစ်ဝှမ်းက ကျွန်မတို့ မိတ်ဆွေတွေရဲ့ ထောက်ပံ့မှု၊ ကူညီမှု၊ စာနာမှုကို ကျွန်မတို့ တန်ဖိုးထားပါတယ်။ သို့သော်ငြားလည်း ကျွန်မတို့နိုင်ငံရဲ့တာဝန်တွေကို ကျွန်မတို့ကိုယ်တိုင်သာ ထမ်းဆောင်ရမယ်။ ကျွန်မတို့နိုင်ငံရဲ့ လိုအပ်ချက်တွေကို ကျွန်မ တို့က နားအလည်ဆုံးပဲ။ ကျွန်မတို့ ဒီလိုအပ်ချက်တွေကို ဖြည့် ဆည်းတဲ့ နေရာမှာလည်း မှန်ကန်တဲ့လမ်းကို ကျွန်မတို့ ရွေးချယ် နိုင်တဲ့ အရည်အချင်းရှိတယ်လို့ ကျွန်မ လုံးဝယုံကြည်ပါတယ်။ ဒါဟာ စိတ်ဓာတ်ပါပဲ။ ကျွန်မတို့ရဲ့ ပြည်သူပြည်သားတွေဟာလည်း ဒီလို ကိုယ့်ကိုယ်ကိုယ်ယုံကြည်မှု ရှိစေချင်ပါတယ်။ အချို့ သိပြီး သားဖြစ်မှာပါ။ ကျွန်မတို့ရဲ့ ပြည်သူများဟာ ဘယ်လောက်အထိ ဒီလိုသတင်းတွေကို လိုက်ပြီးတော့ နားထောင်ကြတယ်။ ဝေဖန် ကြတယ်။ လေ့လာကြတယ်ဆိုတာကတော့ ကျွန်မက မသိပါဘူး။
အနာဂတ်ကိုရှေးရှု
ကျွန်မတို့ ရခိုင်ပြည်နယ်အရေးကိစ္စနဲ့ ပတ်သက်လို့ဆိုလို့ ရှိရင် ကမ္ဘာ့ကုလသမဂ္ဂ လူ့အခွင့်အရေးကောင်စီကနေပြီးတော့ မြန်မာနိုင်ငံနဲ့ပတ်သက်လို့ ဆုံးဖြတ်ချက်တစ်ခုချခဲ့ပါတယ်။ ဒီဟာကို ကျွန်မတို့ လက်မခံခဲ့ပါဘူး။ လက်မခံခဲ့တာဟာ ကျွန်မတို့ ကုလသမဂ္ဂကို မလေးစားလို့လည်း မဟုတ်ဘူး။ ဒီကုလသမဂ္ဂ လူ့အခွင့်အရေးကောင်စီထဲမှာပါဝင်တဲ့ နိုင်ငံတွေကို ကျွန်မတို့ မိတ်ဆွေအဖြစ်နဲ့မမြင်လို့လည်း မဟုတ်ဘူး။ ဆုံးဖြတ်ချက်ဟာ ကျွန်မတို့နိုင်ငံနဲ့ မကိုက်ညီဘူးလို့ ကျွန်မတို့ ယူဆလို့ လက်မခံ တာပါ။ ကျွန်တို့နိုင်ငံနဲ့ ကိုက်ညီတယ်လို့ ယူဆတဲ့အကြံဉာဏ် တွေဆိုရင် ကျွန်မတို့ဟာ ကျေးဇူးတင်စွာနဲ့ လက်ခံမှာဖြစ်ပါ တယ်။ ဒီလို အကြံဉာဏ်တွေ အကောင်အထည်ဖော်ဖို့လည်း ကျွန်မတို့ အတတ်နိုင်ဆုံး ကြိုးစားသွားမှာ ဖြစ်ပါတယ်။ ဒီတော့ ကျွန်မတို့ အခုတစ်နှစ်အတွင်း လုပ်ခဲ့တဲ့ကိစ္စရပ်အားလုံးဟာ နိုင်ငံရဲ့ အနာဂတ်ကို ကျွန်မတို့ရှေ့ ရှုပြီးတော့ လုပ်ခဲ့ပါတယ်။
တဒင်္ဂလတ်တလော အများကြိုက်မယ့်ကိစ္စတွေ ဆိုပြီး တော့လည်း ကျွန်မတို့ ရွေးမလုပ်ပါဘူး။ တဒင်္ဂ လတ်တလော သြဘာပေးမယ့်ကိစ္စတွေဆိုပြီးတော့လည်း ကျွန်မတို့ ရွေးပြီး တော့ မလုပ်ခဲ့ပါဘူး။ လုပ်သင့်လုပ်ထိုက်တဲ့ကိစ္စတွေကို ကျွန်မ တို့ စွန့်စားပြီးတော့ လုပ်ခဲ့ပါတယ်။ စွန့်စားတယ်လို့ ကျွန်မ ပြောရ ခြင်းဟာ လူ့ဘဝမှာဆိုလို့ရှိရင် ဘာကိစ္စပဲလုပ်လုပ်၊ ဘယ်လို အကျိုးဆက် ဖြစ်လာမယ်ဆိုတာ တိတိကျကျ တွက်လို့မရပါဘူး။ ဒီတော့ ကျွန်မတို့ရဲ့ မျှော်လင့်ချက်နဲ့ ကျွန်မတို့ရဲ့ ယုံကြည်ချက် နဲ့ ကျွန်မတို့ ကိုင်စွဲထားတဲ့ မူဝါဒတွေအပေါ်မှာ အခြေခံပြီးတော့ ကျွန်မတို့ လုပ်သင့်လုပ်ထိုက်တယ်လို့ ထင်တဲ့ကိစ္စတွေကို လုပ်သွားမှာ ဖြစ်ပါတယ်။ အခုလည်း လုပ်ခဲ့ပါတယ်။
ဒီကိစ္စ ဒါနဲ့ပတ်သက်လို့လည်း ပြည်သူလူထုဟာ ကျွန်မ တို့ကို စမ်းသပ်နိုင်ပါတယ်။ ကျွန်မတို့ရဲ့ အခြေအနေဟာ ပြည်သူ လူထု လိုချင်တဲ့အခြေအနေ ဟုတ်မဟုတ်ဆိုတာကိုလည်း ဆုံးဖြတ်ပိုင်ခွင့်ပြည်သူမှာ ရှိပါတယ်။ ငြိမ်းချမ်းရေးနဲ့ ပတ်သက်လို့ ကတော့ ကျွန်မတို့နိုင်ငံဟာ တိုင်းရင်းသားလူမျိုးပေါင်းများစွာနဲ့ ဖွဲ့စည်းထားတဲ့နိုင်ငံမို့လို့ တော်တော်မှရှုပ်ထွေးတဲ့ သိမ်မွေ့တဲ့ ကိစ္စလေးတွေကို ကျွန်မတို့ ကိုင်တွယ်ရပါတယ်။ ရင်ဆိုင်ရပါ တယ်။ သို့သော်ငြားလည်း မတူကွဲပြားမှုဆိုတာဟာ ကျွန်မတို့ အတွက် အကျိုးရှိနိုင်တဲ့ အင်မတန်မှ ကျယ်ပြန့်တဲ့ သယံဇာတကြီး တစ်ခုပဲလို့ ကျွန်မတော့ ဒီလိုပဲမြင်ပါတယ်။ ကျွန်မတို့ မတူကွဲပြား မှုတွေအပေါ်မှာ အခြေခံပြီးတော့ ကျွန်မတို့နိုင်ငံ ပိုပြီးတော့ တိုးတက်အောင်လို့၊ ပိုပြီးတော့ ကျွန်မတို့နိုင်ငံ ဖွံ့ဖြိုးအောင်လို့ ကျွန်မတို့ လုပ်နိုင်မယ်ဆိုတာလည်း အဓိကယုံကြည်ပါတယ်။ ဆိုတော့ အမျိုးသား ရင်ကြားစေ့ရေးနဲ့ငြိမ်းချမ်းရေးအတွက် လုပ်တဲ့နေရာမှာလည်း ဒီ အဂတိတရား (၄) ပါးကင်းဖို့လိုပါတယ်။ ဆန္ဒ၊ ဒေါသ၊ ဘယာ၊ မောဟ။ မကြိုက်လို့ မလုပ်တာတို့၊ ကြိုက်လို့ လုပ်တာတို့၊ ကြောက်လို့လုပ်တာတို့၊ ဒါမှမဟုတ် အသိတရား ကင်းမဲ့လို့ လုပ်တာတို့၊ မလုပ်တာတို့ ဒါတွေအားလုံးဟာ အဂတိ တရားတွေပါပဲ။ ဒါတွေကနေကင်းစင်ဖို့ အစိုးရတစ်ရပ်ဟာ အင်မတန်မှ ကြိုးစားရပါလိမ့်မယ်။
ပြည်သူအပေါ်မေတ္တာထားမယ်
အရင်နှစ်က ကျွန်မတို့ အမျိုးသားဒီမိုကရေစီအဖွဲ့ချုပ်ဟာ အစိုးရတာဝန်ကို စပြီးထမ်းဆောင်ပြီး ကာလမကြာခင် မြန်မာ့ နှစ်သစ်ကူးအချိန်မှာလည်း ကျွန်မပြည်သူလူထုကို မိန့်ခွန်း တစ်ရပ် ပြောခဲ့ပါတယ်။ အဲဒီမှာ ကျွန်မ ကတိတစ်ခုပေးခဲ့ပါ တယ်။ ကျွန်မတို့ ပြည်သူအပေါ်မှာ မေတ္တာထားမယ်။ နိုင်ငံအပေါ် မှာ သစ္စာစောင့်မယ်။ ဒါဟာ ကျွန်မ အဓိကပြောချင်တယ်ဆိုတဲ့ ကိစ္စရပ်ကြီး (၃) ခုထဲက နောက်ဆုံးမြောက် ကိစ္စရပ်ဖြစ်ပါတယ်။ ပြည်သူအပေါ်မှာ မေတ္တာထားမယ်ဆိုတာ ပြည်သူရဲ့ဘဝ ဖွံ့ဖြိုး တိုးတက်ရေးအတွက် ကျွန်မတို့ အတတ်နိုင်ဆုံးကြိုးစားသွား မယ်ဆိုတဲ့ အဓိပ္ပာယ်ရောက်တယ်။ ဘာဖြစ်လို့လဲဆိုတော့ မေတ္တာ ထားတယ်ဆိုတာ ပါးစပ်ပြောရုံနဲ့ မပြီးပါဘူး။ တကယ့်ကို မေတ္တာ ထားတယ်ဆိုလို့ရှိရင် ကိုယ်မေတ္တာထားတဲ့ ပုဂ္ဂိုလ်များရဲ့ ဘဝ နေရေး ပိုပြီးတော့ ကောင်းမွန်အောင်လို့၊ စိတ်အေးချမ်းနိုင် အောင်လို့၊ ကိုယ်ကျန်းမာနိုင်အောင်လို့ ဒီလိုဟာတွေကိုလုပ်ပေး မှ တကယ်မေတ္တာရှိရာရောက်ပါတယ်။ မေတ္တာရှိပါတယ်၊ မေတ္တာရှိပါတယ်လို့ ပါးစပ်ကပြောပြီးတော့ တကယ်တော့ ထိထိ ရောက်ရောက် ဘာမှမလုပ်ဘူးဆိုလို့ရှိရင် ဒီမေတ္တာဟာ စကားလုံးတစ်ခုပဲဖြစ်ပါတယ်။ တကယ်ထိရောက်တဲ့အင်အား မဟုတ်ပါဘူး။ အဲတော့ ကျွန်မတို့ ပြည်သူအပေါ်မှာ မေတ္တာ ထားမယ်လို့ ကျွန်မတို့ ကတိပြုသွားတဲ့အတိုင်းပဲ တတ်နိုင်သမျှ ပြည်သူ့ရဲ့ ဘဝတိုးတက်ရေးအတွက် လုပ်ခဲ့ပါတယ်။ ဘယ်လောက် ထိ အောင်မြင်တယ်၊ မအောင်မြင်တယ် ဆိုတာကတော့ စောစောက ကျွန်မပြောတဲ့အတိုင်းပဲ ကျွန်မတို့ဝန်ကြီးဌာန အသီးသီးက တင်ပြပြီးပါပြီ။
ကျွန်မအနေနဲ့ အလေးထားတဲ့ ကိစ္စလေးတချို့ကိုပဲ အခု ပြောသွားချင်ပါတယ်။ ပြည်သူအပေါ်မှာ မေတ္တာထားတယ်ဆို တာ ပြည်သူ့ရဲ့ ကျန်းမာရေး၊ ပညာရေးကို ကျွန်မတို့ အထူးဂရုပြုဖို့ လိုပါတယ်။ ဒါကြောင့်မို့လို့ အခုကျွန်မတို့ရဲ့ ဒီနှစ်ဘတ်ဂျက် ထဲမှာဆိုလို့ရှိရင် ပညာရေးနဲ့ ကျန်းမာရေးအတွက်ကို အထူး ကျွန်မတို့ သုံးထားတာ ရှိပါတယ်။ အရင်တုန်းကနဲ့မတူအောင်လို့ ပိုမိုပြီးတော့ သုံးစွဲထားပါတယ်။ နောက်ပြီးတော့ ဒီသုံးစွဲတဲ့ငွေ များဟာ အလဟဿ မဖြစ်စေဘူးဆိုတာလည်း ကျွန်မတို့ အာမခံ နိုင်ပါတယ်။ အခု ဒီတစ်နှစ်အတွင်းမှာကို ကျွန်မတို့ရဲ့ ပြည်သူ့ ကျန်းမာရေး စောင့်ရှောက်မှုဟာ တိုးတက်တဲ့နှုန်းဟာ အင်မတန် မှမြန်ပါတယ်။ တိုးတက်တယ်ဆိုတာဟာ ကမ္ဘာကတောင်မှ အသိ အမှတ်ပြုရလောက်အောင် တိုးတက်ပါတယ်။ ထင်ထင်ရှားရှား ကိစ္စတစ်ခုကတော့ တီဘီ၊ နောက်ပြီးတော့ ငှက်ဖျား၊HIV AIDS နဲ့ ပတ်သက်တဲ့ ဒီရောဂါကြီး (၃) ခု တိုက်ဖျက်ရေး စီမံ ကိန်း ပေါ့။ တစ်ကမ္ဘာလုံးကနေပါဝင်နေတဲ့ စီမံကိန်းကြီးမှာ ဆိုလို့ ရှိရင် ကျွန်မတို့နိုင်ငံရဲ့ တိုးတက်မှုဟာ အံ့မခန်းပါပဲဆိုပြီးတော့Global funds ဆိုတဲ့ ဒီရောဂါကြီး (၃)ခုကို တိုက်ဖျက်မှုအတွက် ထူထောင်ထားတဲ့ ကမ္ဘာ့ငွေရေးကြေးရေးအဖွဲ့ကနေပြီးတော့ ကျွန်မတို့ကို ချီးမွမ်းရပါတယ်။
အရင်တုန်းကဆိုလို့ရှိရင် မြန်မာနိုင်ငံဟာ ဒီရောဂါကြီး သုံး ခု တိုက်ဖျက်မှုမှာ နောက်ဆုံးနားက ရှိနေပေမယ့် အခုဆိုရင် က္ဘာ့အဆင့်နဲ့ကို ထိပ်တန်းကို တက်လာပြီဆိုပြီး ချီးမွမ်းရပါ တယ်။ ချီးမွမ်းတယ် ဆိုတာကလည်း စကားနဲ့တင်မဟုတ်ပါဘူး။ ဒါကြောင့်မို့လို့ နောင် သုံးနှစ်မှာဆိုလို့ရှိရင် ကျွန်မတို့ကို အမေရိ ကန်ဒေါ်လာ သန်း ၅ဝဝ နဲ့ ထောက်ပံ့မယ်။ ဒီကိစ္စတွေ ဆက်ပြီး တော့ လုပ်သွားဖို့ ထောက်ပံ့မယ်ဆိုပြီးတော့ ပြောခဲ့ပါတယ်။ ဒါ ကျွန်မအနေနဲ့ ကျေနပ်စရာတွေထဲမှာ တစ်ခုပါ။
ကျေနပ်စရာတွေ
နောက်တစ်ခု ကျွန်မတို့ ကျေနပ်စရာတွေထဲမှာ ဘာရှိလဲ ဆိုတော့ ကျွန်မတို့ရဲ့ လမ်းပန်းဆက်သွယ်ရေးတွေ အင်မတန်မှ ကောင်းလာပါတယ်။ မနှစ်တုန်းက ကျွန်မတို့ရဲ့ စီးပွားရေး ပေါ်လစီ တွေ၊ မူဝါဒတွေ ချမှတ်တဲ့အခါမှာ အရေးကြီးဆုံးဟာ အလုပ်အကိုင် ဖန်တီးရေးပဲလို့ ကျွန်မတို့ပြောခဲ့ပါတယ်။ ဒါပေမယ့် ဒီတစ်နှစ် အတွင်းမှာ ကျွန်မတို့ ဘာတွေ့ခဲ့ရလဲဆိုတော့ လမ်းပန်း ဆက်သွယ်ရေးကောင်းသွားပြီ။ လျှပ်စစ်မီးရသွားပြီ ဆိုလို့ရှိရင် အလုပ်အကိုင် ဖန်တီးရေးဟာ ပိုပြီးတော့တိုးတက်လာတယ်။ လျင်မြန်လာတယ်။ ပြည်သူတွေကလည်း မိမိတို့ကိုယ်တိုင် မိမိ ဘာသာ အလုပ်အကိုင်တွေကို ဖန်တီးနိုင်တဲ့ခွင့်လည်း ရလာ တယ်။ နောက်ပြီးတော့ လုပ်ငန်းရှင်တွေဘက်ကလည်း ဒီလို လမ်းပန်းဆက်သွယ်ရေး ကောင်းတဲ့နေရာ၊ လျှပ်စစ်မီးရ တဲ့နေရာမှာဆိုလို့ရှိရင် ရင်းနှီးမြှုပ်နှံချင်တဲ့စိတ်တွေ ဖြစ်လာ တယ်။
ဒီတော့ ဒါကြောင့်မို့ ကျွန်မတို့ အခုကနေစပြီးတော့ အလုပ် အကိုင်ဖန်တီးရေးနဲ့ လမ်းပန်းဆက်သွယ်ရေးနဲ့တန်းတူ လျှပ်စစ် မီးရရှိရေးကို ကျွန်မတို့ အဓိကထားပြီးတော့ လုပ်သွားမှာ ဖြစ်ပါတယ်။ ဒီလိုလုပ်တဲ့နေရာမှာ ကျွန်မတို့ဟာ နိုင်ငံကို တည်ဆောက်တဲ့နေရာမှာ ပြည်သူကို အကျိုးပြုမယ့် စီမံကိန်း တွေကို အကောင်အထည်ဖော်တဲ့နေရာမှာ နိုင်ငံ့ဘဏ္ဍာတော်ငွေ ကို မှန်မှန်ကန်ကန် တိတိကျကျ သုံးစွဲဖို့လိုပါတယ်။ ဒါနဲ့လည်း ပတ်သက်လို့ ကျွန်မတို့ အင်မတန်မှ ဂုဏ်ယူနိုင်ပါတယ်။
ငွေတွေ အလဟဿမဖြစ်
ကျွန်မတို့ တိုင်းနှင့် ပြည်နယ်တချို့မှာဆိုလို့ရှိရင် အရင် နှစ်တုန်းက ချထားခဲ့တဲ့ ဘဏ္ဍာငွေတွေ အရင်တုန်းကနေပြီးတော့ စပြီးသားစီမံကိန်းတွေနဲ့ပတ်သက်လို့ သေသေချာချာ လေ့လာပြီး တော့ ဆောင်ရွက်တဲ့အခါမှာ ငွေပိုတွေ အများကြီးရခဲ့ပါတယ်။ နိုင်ငံ့အတွက် မလိုအပ်တဲ့ငွေတွေ အလဟဿ မဖြစ်သွားပါဘူး။ မလိုအပ်ဘဲနဲ့ ဘာငွေမှ အလဟဿ မဖြစ်သွားပါဘူး။ ဒါပေမယ့် ဒီလိုလုပ်ခြင်းအားဖြင့် ကျွန်မတို့ စီမံကိန်းတွေရဲ့ အဆင့်နိမ့် သွားလားဆိုတော့ မနိမ့်သွားပါဘူး။ ပိုလည်းမြင့်လာပါတယ်။ ဘာဖြစ်လို့လဲဆိုတော့ ကျွန်မတို့ဟာ အဆင့်မီရေးကိုလည်း အဓိကထားပြီးတော့ လုပ်ပါတယ်။
တချို့ တိုင်းနှင့်ပြည်နယ်တွေမှာဆိုလို့ရှိရင် ပိုလျှံငွေဟာ နည်းနည်းနောနော မဟုတ်ပါဘူး။ သန်းနဲ့ချီပြီးတော့ကို ပိုတာ တွေရှိပါတယ်။ သန်း မဟုတ်ဘဲ ဘီလီယံနဲ့ ချီပြီးတော့ ပိုတာတွေ လည်းရှိပါတယ်။ အဲ့တော့ ကျွန်မတို့ ဒီနေရာမှာလည်း ကျေနပ် စရာတစ်ခုပါပဲ။ ပြည်သူလူထုရဲ့ ဘဏ္ဍာငွေကို ကိုယ်ပိုင်ငွေလို ကျွန်မတို့ မသုံးပါဘူး။ ပြည်သူ့ငွေဟာ ပြည်သူ့ ငွေပဲ။ နိုင်ငံ့ငွေဟာ နိုင်ငံ့ငွေပဲ၊ နိုင်ငံ့ဘဏ္ဍာပဲ။ နိုင်ငံရဲ့အရင်းအမြစ်ပဲဆိုပြီးတော့ ကျွန်မတို့ သေသေချာချာကို တာဝန်ရှိစွာနဲ့ ကျွန်မတို့သုံးခဲ့ပါတယ်။ အဲ့ဒီတော့ ကျွန်မတို့ ဒါဟာလည်း နိုင်ငံ့အပေါ်မှာ သစ္စာစောင့် တယ်ဆိုတဲ့အတိုင်းပါပဲ။ နိုင်ငံအပေါ်မှာ သစ္စာစောင့်တာနဲ့ ပြည်သူအပေါ်မှာ မေတ္တာထားတာဟာ တကယ်တော့ ခွဲခြား လို့ မရပါဘူး။
နိုင်ငံအပေါ်မှာ သစ္စာစောင့်တယ်ဆိုရင် ပြည်သူအပေါ်မှာ မေတ္တာထားရမယ်။ ပြည်သူရဲ့ တိုးတက်ရေးအတွက်ကို စွမ်း ဆောင်ရမယ်။ ဒီတော့ ပြည်သူအပေါ်မှာ မေတ္တာထားတယ် ဆိုရင် နိုင်ငံအပေါ်မှာလည်း သစ္စာစောင့်ရမယ်။ ဒါမှသာ အစိုးရ တစ်ခုရဲ့တာဝန်ဟာ ကျေပွန်မှာ ဖြစ်ပါတယ်။ အဲ့ဒီတော့ ကျွန်မတို့ အမျိုးသားဒီမိုကရေစီအဖွဲ့ချုပ်အစိုးရအနေနဲ့၊ ကျွန်မက အမျိုးသားဒီမိုကရေစီအဖွဲ့ချုပ်အစိုးရလို့ ပြောတဲ့အခါမှာ အားလုံးကို သတိပေးချင်တာကတော့ အမျိုးသားရင်ကြားစေ့ ရေးအစိုးရလို့ ပြောချင်ပါတယ်။
ပြည်သူ့အတွက်ရှိတဲ့ အရည်အချင်း
ကျွန်မ အမျိုးသားဒီမိုကရေစီအဖွဲ့ချုပ်အစိုးရလို့ ပြောရ ခြင်းအကြောင်းဟာ ကျွန်မတို့ပိုင်တဲ့ အစိုးရလို့ ပြောချင်လို့မဟုတ် ပါဘူး။ ကျွန်မတို့ တာဝန်ယူပါတယ်ဆိုတာကို ပြောချင်တာ ဖြစ်ပါ တယ်။ ကျွန်မတို့ စတက်ကတည်းက အမျိုးသားရင်ကြားစေ့ရေးကို ဦးတည်တဲ့အစိုးရဆိုတာ ကျွန်မ အမျိုးသားဒီမိုကရေစီအဖွဲ့ချုပ် ပါတီဝင်တွေနဲ့တင် ဖွဲ့ထားတဲ့အစိုးရ မဟုတ်ပါဘူး။ အဖွဲ့အစည်း အသီးသီးက ပုဂ္ဂိုလ်တွေနဲ့ စုပေါင်းပြီးတော့ ဖွဲ့ထားတဲ့အစိုးရ ဖြစ်ပါတယ်။ ဒါဟာ ကျွန်မတို့အနေနဲ့ ပြည်သူ့အတွက်ရှိတဲ့ အရည်အချင်းတွေအားလုံးကို အကောင်းဆုံးဖြစ်အောင် ကျွန်မတို့ သုံးချင်ပါတယ်။
ဒီတော့ ကျွန်မတို့ ရွေးထားတဲ့ ဝန်ကြီးများဟာ အားလုံး အတော်ဆုံးလား အကောင်းဆုံးလား ဆိုတာဟာ ဒါတော့လည်း အချိန်ကပဲ ပြသွားမှာပါ။ တချို့က တိုးတက်မှုပိုနှေးတယ်၊ တချို့က တိုးတက်မှု ပိုမြန်တယ်။ ဒါပေမယ့် တချို့တွေကလည်း ရောက်နေတဲ့နေရာနဲ့ သင့်တော်ချင်မှ သင့်တော်မယ်။ ဒါတွေ ကတော့ ကျွန်မတို့ကြည့်ပြီးတော့ ပြောင်းသင့် ပြောင်းထိုက် တာကို ပြောင်းရမှာပဲ။ ဒါ ပြည်သူတွေကလည်း ဒီကိစ္စတွေကို သိပိုင်ခွင့်ရှိပါတယ်။ အစိုးရတစ်ခုဟာ ဘာလုပ်နေလဲ။ ဘယ်လို ရည်ရွယ်ချက်ရှိလဲ ဆိုတာဟာ ပြည်သူဟာ သိပိုင်ခွင့် ရှိပါတယ်။ ပြည်သူကိုမပြောဘူးဆိုတာ တစ်နည်းအားဖြင့် ပြည်သူကို မယုံကြည်ဘူး၊ မလေးစားဘူး၊ ပြည်သူမှာ
အရည်အချင်းမရှိဘူး လို့ သတ်မှတ်သလိုပါပဲ။
ပြည်သူ့အကျိုးနဲ့ နိုင်ငံအကျိုး
ဒါကြောင့် ပွင့်လင်းမြင်သာမှုရဲ့ အခြေခံအားဖြင့် ပြည်သူကို လေးစားခြင်းပဲ ဖြစ်ပါတယ်။ ပွင့်ပွင့်လင်းလင်း ပြောတယ်ဆို တာဟာ ပြည်သူဟာ ပြောသင့်ပြောထိုက် သိသင့်သိထိုက်တဲ့သူ မို့လို ပြောတယ်ဆိုတဲ့ အဓိပ္ပာယ်ရောက်ပါတယ်။ ဒါကြောင့်မို့ အစိုးရကောင်းများအားလုံးရဲ့ အခြေခံဟာ ပွင့်လင်းမြင်သာမှုနဲ့ တာဝန်ယူမှုပဲ ဖြစ်ပါတယ်။ ဒီပွင့်လင်းမြင်သာမှုနဲ့ တာဝန်ယူမှုကို ကျွန်မတို့ လက်ကိုင်ပြီးတော့ ဒီတစ်နှစ်အတွင်းမှာ တတ်နိုင် သလောက် ပြည်သူ့အကျိုးနဲ့ နိုင်ငံအကျိုးအတွက် ထမ်းဆောင် ခဲ့ပါတယ်။ ပြည်သူတွေအားလုံး တိုးတက်သင့်သလောက် တိုးတက်ချင်သလောက် မတိုးတက်သေးဘူးဆိုတာလည်း ကျွန်မတို့ သိပါတယ်။
ဒီတစ်နှစ်ဆိုတာဟာ တကယ်တော့ သိပ်ပြီးတော့ ရှည်ကြာတဲ့ကာလမဟုတ်ပါဘူး ဒီလိုပဲ ကျွန်မတို့လို စနစ် အပြောင်းအလွှဲကို ဖြတ်သန်းခဲ့ရတဲ့ တချို့နိုင်ငံက ပုဂ္ဂိုလ်များနဲ့ ကျွန်မဆွေးနွေးဖူးပါတယ်။ ဆွေးနွေးတဲ့အခါမှာ နှစ်လ သုံးလ လောက်က ဆွေးနွေးဖြစ်ပါတယ်။ ဆွေးနွေးတဲ့အခါမှာ တော်တော်များများက ပြောပါတယ်။ ကျွန်မတို့နိုင်ငံရဲ့ တိုးတက် နှုန်းက အတော်မြန်ပါတယ်တဲ့။ သူတို့နိုင်ငံတွေမှာဆိုရင်၊ တချို့ နိုင်ငံတွေမှာဆိုရင် ကျွန်မတို့ တိုးတက်နှုန်းလောက် တိုးတက်မှု ရအောင် သုံး၊ လေးနှစ်တောင်မှ ကြိုးစားရပါတယ်လို့ ပြောခဲ့တာ ရှိပါတယ်။ ဒီလို ပြောတဲ့အခါကျတော့လည်း ကျွန်မတို့ အားတက် ပါတယ်။ အားတက်တယ်ဆိုတာဟာ ကျေနပ်ပြီးတော့၊ တော်လှ ပြီဆိုပြီးတော့ အားတက်တာမျိုး မဟုတ်ပါဘူး။ ကျွန်မတို့ ဆက်ပြီးတော့ ကြိုးစားရကျိုးနပ်တယ်ဆိုတဲ့ အသိနဲ့ အားတက် မှုဖြစ်ပါတယ်။
ပြည်သူနဲ့အတူ
ကျွန်မတို့ အရင်နှစ်တုန်းက အမျိုးသားဒီမိုကရေစီအဖွဲ့ ချုပ်ဟာ နိုင်ငံ့ရဲ့ တာဝန်ကို စပြီးတော့ ယူစဉ်အခါတုန်းကဆိုလို့ ရှိ်ရင် ကျွန်မတို့ပြောင်းလဲချိန်တန်ပြီဆိုတဲ့ ဆောင်ပုဒ်နဲ့ ယူခဲ့ပါ တယ်။ အဲဒီတော့ ကျွန်မတို့ အခုတစ်နှစ်ကြာပြီဆိုတော့ ဆောင်ပုဒ်ကိုလည်း ကျွန်မတို့ နည်းနည်းပြောင်းပြီးတော့ သွား ရရင်ကောင်းမယ်လို့ ကျွန်မထင်ပါတယ်။ အဲဒီတော့ ကျွန်မ စဉ်းစားပါတယ်။ ဘယ်လိုဆောင်ပုဒ်မျိုးနဲ့ ဆက်သွားရင်ကောင်း မလဲဆိုတော့ တိုတိုတုတ်တုတ်နဲ့ အဓိပ္ပာယ်ပေါ်လွင်အောင် ''ပြည်သူနဲ့အတူ''လို့ ကျွန်မတို့ဆက်ပြီးတော့ ဒီခရီးလမ်းကို ပြည်သူနဲ့အတူ လျှောက်သွားချင်ပါတယ်။
ဒီလို ပြည်သူနဲ့အတူ လျှောက်သွားချင်တဲ့အခါမှာ အခုခေတ် ပေါ့နော် နိုင်ငံတကာမှာသုံးနှုန်းနေတဲ့ ဝေါဟာရလေးတစ်ခုပေါ့။ အဲ့ဒါဟာ နိုင်ငံရဲ့ပိုင်ဆိုင်မှုပေါ့။ ပြောချင်တာက နိုင်ငံတိုင်း နိုင်ငံ တိုင်းဟာ ကိုယ့်ရဲ့ကိစ္စတွေ၊ ကိုယ့်ရဲ့ပြဿနာတွေ၊ ကိုယ့်ရဲ့တိုးတက် မှုတွေအတွက်ကို ကိုယ့်ဘာသာကို တာဝန်ယူနိုင်ခွင့်ရှိရမယ်။ လုပ်ပိုင်ခွင့်ရှိရမယ်။ ပိုင်ဆိုင်မှုပေါ့။ ဒါပေမယ့် ပိုင်ဆိုင်မှုဆိုတာ ကလည်း တစ်ချိန်တည်းမှာပဲ တာဝန်ယူမှုလို့လည်း ပြောလို့ရပါ တယ်။
ကျွန်မတို့နိုင်ငံရဲ့ကိစ္စတွေအတွက်ကို ပြည်သူနဲ့ အတူတူ တာဝန်ယူမယ်။ ပြည်သူနဲ့အတူတူ ကျွန်မတို့ ဒီတာဝန်တွေကို ထမ်းဆောင်မယ်။ ကျွန်မတို့အနေနဲ့ ဒီတာဝန်တွေကို ကျေပွန်ဖို့ အတွက် ပြည်သူရဲ့အားကို ကျွန်မတို့ယူသလို ကျွန်မတို့ရဲ့စွမ်းအား တွေအားလုံးကိုလည်း ပြည်သူတွေအတွက် ကျွန်မတို့သုံး ပါမယ်ဆိုတဲ့စိတ်ဓာတ်နဲ့ ပြည်သူနဲ့အတူ ကျွန်မတို့ နောက်နှစ်ကို ချီတက်သွားချင်ပါတယ်။ အဲ့ဒီလိုချီတက်သွားတဲ့အခါ ကျွန်မတို့ ပြည်သူပြည်သားအားလုံး၊ ပြည်ထောင်စုနိုင်ငံသူ နိုင်ငံသားများ အားလုံးဟာ ဝိုင်းဝန်းပြီးတော့ ပံ့ပိုးကူညီကြလိမ့်မယ်လို့ ကျွန်မ တို့ မျှော်လင့်ပါတယ်။
ပြည်သူများရဲ့ လေးစားမှု ပြည်သူများရဲ့ ယုံကြည်မှုဆိုတာ ကျွန်မတို့ အလကားရတဲ့ကိစ္စ မဟုတ်ပါဘူး။ လုပ်ယူမှရတဲ့ကိစ္စပါ။ ကျွန်မတို့အနေနဲ့ ရပိုင်ခွင့်ရှိပြီးလို့လည်း မသတ်မှတ်ပါဘူး။ သို့သော်ငြားလည်း ပြည်သူတွေရဲ့ လေးစားမှု၊ ပြည်သူတွေရဲ့ ထောက်ခံမှု၊ ပြည်သူတွေရဲ့ ယုံကြည်မှုရအောင်လို့ ဆတက်ထမ်း ပိုးတိုးပြီးတော့ ကျွန်မတို့တစ်နေ့ထက်တစ်နေ့ ကြိုးစားသွားပါမယ် လို့တော့ ကျွန်မ ရဲရဲကြီး ကတိပြုနိုင်ပါတယ်။ ကျွန်မနိုင်ငံရေး လောကကို ဝင်လာကတည်းကအတိုင်း ကျွန်မတစ်ခုတည်းသော ကတိတစ်ခုကို ပြုမယ်။ ကျွန်မအကောင်းဆုံးလုပ်မယ်။ ကျွန်မ အကောင်းဆုံးထက်တော့ ပိုပြီးတော့ လုပ်လို့မရဘူး။ ကျွန်မ အကောင်းဆုံးက နိုင်ငံအတွက် ပြည်သူအတွက် မလုံလောက်ဘူး ဆိုရင် ပိုပြီးလုံလုံလောက်လောက် ပြည့်ပြည့်စုံစုံလုပ်ပေးမယ့် ပုဂ္ဂိုလ်၊ အဖွဲ့အစည်းတစ်ခုက တာဝန်ယူမယ်ဆိုလို့ရှိရင် ကျွန်မ တို့ဟာ နောက်ဆုတ်ပေးဖို့အဆင်သင့်ပါပဲ။
ဝေဖန်သင့်တာလည်း ဝေဖန်
ဒါဟာ အစိုးရတိုင်း ဒီမိုကရေစီတိုင်းဟာ စွဲစွဲမြဲမြဲနားလည် နေရမယ့် ကိစ္စတစ်ခုဖြစ်ပါတယ်။ ဒီမိုကရေစီအစိုးရဆိုတာ ထာဝရမဟုတ်ပါဘူး။ အစဉ်အမြဲနိုင်ငံကို အုပ်ချုပ်သွားဖို့ မဟုတ်ပါဘူး။ အစဉ်အမြဲ ငါတို့သာတော်တယ်။ ငါတို့လောက် တော်တဲ့သူ ဘယ်သူမှမရှိဘူးဆိုပြီးတော့ ရပ်တည်သွားဖို့ မဟုတ်ပါဘူး။ ဒီမိုကရေစီအစိုးရဆိုတာဟာ အနိစ္စတရားကို အမြဲပဲ သုံးသပ်နေရမှာဖြစ်ပါတယ်။ ကျွန်မတို့ဟာ မမြဲခြင်းဆိုတဲ့ နိုင်ငံရေးသဘောတရားအရ အစိုးရရဲ့အခြေအနေဟာ ပြည်သူ လူထု ကြည်ဖြူသလောက်ပဲ ခိုင်မာမယ်ဆိုတာကို လက်ခံတယ်။ ပြည်သူတွေအနေနဲ့ ကျွန်မတို့ အစိုးရကို သေသေချာချာ လေ့လာ ပါ။ ဝေဖန်သင့်တာလည်း ဝေဖန်ပါ။ ကျွန်မတို့နဲ့ ကူညီဆောင်ရွက် ပေးသင့်တာတွေလည်း ကူညီဆောင်ရွက်ပေးကြပါ။
နိဂုံးချုပ်အနေနဲ့ ကျွန်မတို့ ပြည်သူကို ကျေးဇူးတင်တယ် လို့ ပြောချင်ပါတယ်။ တစ်နှစ်အတွင်းမှာ ကျွန်မသတိပြုမိတာ ကတော့ တချို့အဖွဲ့အစည်းတွေ၊ အစုအဖွဲ့တွေ၊ ပုဂ္ဂိုလ်တွေက ကျွန်မတို့ကို ဘယ်လိုပဲပြောပြော ကျွန်မတို့ပြည်သူတွေက ကျွန်မ တို့ကို နားလည်မှုပေးခဲ့တယ်။ ကျွန်မတို့ကို ဝန်းရံခဲ့တယ်။ ကျွန်မ တို့ကို လုပ်ချင်တဲ့ကိစ္စတွေကိုလုပ်နိုင်ဖို့ တတ်နိုင်တဲ့ဘက်က ကူညီပေးခဲ့တယ်။
ဝိုင်းဝန်းပြီးဝန်းရံ
အားလုံးသိတဲ့ကိစ္စတစ်ခုဆိုလို့ရှိရင် ကျွန်မတို့ရဲ့ ရင်ကြားစေ့ ရေးနဲ့ ငြိမ်းချမ်းရေး စင်တာအတွက် ပြည်သူတွေကို အလှူခံ လိုက်တဲ့အခါ ကာလတိုတိုလေးအတွင်းမှာ အခုဆိုလို့ရှိရင် ကျွန်မတို့ဟာ ၁၄ ဘီလီယံကျပ်တောင်မှ ရရှိနေပါပြီ။ ဒီရန်ပုံငွေ ကို ဝိုင်းပြီးထည့်ကြတဲ့အထဲမှာ လုပ်ငန်းရှင်ကြီးတွေတင် မဟုတ် ပါဘူး။ ပြည်သူတွေလည်း ပါပါတယ်။ ကျွန်မသဘောအကျဆုံးက ဟိုနားက ငါးထောင်၊ ဒီနားက တစ်သောင်း၊ တတ်နိုင်ရင် တတ်နိုင် သလို ပြည်သူတွေက ဝိုင်းဝန်းပြီးတော့ ကျွန်မတို့ကို ဝန်းရံကြတာ။ အဲ့ဒါဟာ ငြိမ်းချမ်းရေးရန်ပုံငွေအတွက်တင် မဟုတ်ပါဘူး။ ကျွန်မ တို့ ကြိုးပမ်းမှုတွေအတွက် အင်မတန်မှ အားဖြစ်စေပါတယ်။
ဒီလိုပဲ ပြည်သူတိုင်း ပြည်သူတိုင်းဟာ တတ်နိုင်တဲ့ဘက်က တတ်နိုင်သလောက် ကျွန်မတို့အစိုးရအတွက် ဆောင်ရွက်နေတဲ့လုပ်ငန်းအပိုင်းတွေ အောင်မြင်အောင်လို့ ဝန်းရံပေးမယ် ဆိုလို့ရှိရင် ကျွန်မတို့နိုင်ငံဟာ တိုးတက်ဖို့လုံးဝသေချာတယ် လို့ ပြောနိုင်ပါတယ်။ ကျွန်မတို့ ရဲ့နောင်မျိုးဆက်များဟာ ဒီအချိန် ကာလပြန်ကြည့်ပြီးတော့ ငါတို့ နိုင်ငံကြီးအတွက် အလင်းရောင် သန်းခဲ့တဲ့ကာလဟာ ဒီကာလပါပဲလို့ မလွဲမသွေ ပြောနိုင်ပါတယ်၊ ယုံကြည်ပါတယ်လို့ပြောရင်းနဲ့ နိဂုံးချုပ်ပါတယ်။
ကျေးဇူးတင်ပါတယ်။

ရီးယဲလ်ရဲ့ကြယ်စင်စုအဖွဲ့ဝင်သစ်ဖြစ်လာမလား အေဒင်ဟာဇက်

မေလဲ့သင်း

ခုတစ်လော အပြောင်းအရွှေ့သတင်းတွေမှာ ထိပ်ဆုံးက ဦးဆောင်နေတဲ့ သတင်းတစ်ပုဒ် ကတော့ ရီးယဲလ်မက်ဒရစ်အသင်းက ချယ်လ်ဆီးစတားအေဒင်ဟာဇက်ကို ခေါ်ယူ ချင်တယ်ဆိုတဲ့အကြောင်း ဖြစ်ပါတယ်။ အများအားဖြင့် နိုင်ငံတကာပွဲစဉ်တွေ ကစား ချိန်မှာ ကစားသမားအပြောင်းအရွှေ့တွေ ပိုမိုလှုပ်ခတ်တတ်တာ သဘာဝဖြစ်တာ ကြောင့် ဟာဇက်-ရီးယဲလ်-ချယ်လ်ဆီး သုံးပွင့်ဆိုင် အပြောင်းအရွှေ့သတင်းတွေ ခပ်စိပ်စိပ်ထွက်နေတာ ဆန်းတဲ့ကိစ္စရပ် တော့မဟုတ်ပါဘူး။ ဒါပေမယ့် ဟာဇက်ရဲ့ အပြောင်းအရွှေ့ကိစ္စရပ်ကတော့ တစ်နေ့ တစ်မျိုး မရိုးရအောင် တွေ့နေရတာကြောင့် ဟာဇက် ရီးယဲလ်ကို ရောက်ရှိမလားဆိုတာ ကို အဖြေထုတ်ကြည့်မိပါတယ်။

ရီးယဲလ်နည်းပြ ဇီဒန်းရဲ့ နွေဈေးကွက် အလိုအရှိဆုံးစာရင်းမှာ ဟာဇက်ရဲ့ အမည် က ထိပ်ဆုံးမှာရှိနေပြီး ဇီဒန်းက ဟာဇက်ကို ရဖို့ လိုအပ်ရင် ချယ်လ်ဆီးက ပြီးခဲ့တဲ့နှစ် ဘောလုံးရာသီက အသည်းအသန်အလိုရှိခဲ့ ဖူးတဲ့ မိုရာတာကို အလိုက်ပေး အလဲအထပ် ပုံစံနဲ့ ကမ်းလှမ်းဖို့ ပြင်ဆင်နေတာဖြစ်ပါတယ်။ ရီးယဲလ်ဥက္ကဋ္ဌဟောင်း ကယ်လ်ဒါရွန်ကတော့ ရီးယဲလ်ဟာ ငွေကြေးအင်အားတောင့်တင်း နေတာကြောင့် ဟာဇက်လို ကစားသမား အတွက် ပေါင်သန်း ၁ဝဝလောက် သုံးစွဲဖို့ ဝန်လေးမှာမဟုတ်ဘဲ ဟာဇက်လည်း ရီးယဲလ်ကို လာရောက်ပူးပေါင်းမယ်လို့ မျှော်လင့်ကြောင်း ဆိုခဲ့ပါတယ်။

ဇီဒန်းက ဟာဇက်လာရင် အသုံးပြုမယ့် နည်းဗျူဟာကိုတောင် ကြိုတင်အကွက်ချ ထားပြီး ကွင်းလယ်စိန်ပွင့်ပုံကစားကွက်မှာ ဟာဇက်-မိုဒရစ်-တိုနီခရူးတို့ ရှေ့မှာ ဂါရတ် ဘေးလ်၊ နောက်မှာ ကက်စီမီရိုတို့ကို ခင်းကျင်းသွားမယ်လို့ စီစဉ်ထားတာပါ။ ဒါ့အပြင် ဇီဒန်းက ဟာဇက်ဟာ ပြီးခဲ့တဲ့ ဘောလုံးရာသီ ခြေစွမ်းလုံးဝပျောက်နေတဲ့ အချိန်မှာတောင် ဟာဇက်ဟာ မက်ဆီ၊ စီရိုနယ်လ်ဒိုတို့ပြီးရင် ကမ္ဘာ့တတိယ အကောင်းဆုံး ကစားသမားဖြစ်တယ်လို့ တံဆိပ်ကပ်ဖူးတော့ ဟာဇက်ကို သူ ဘယ်လောက်အထိ နှစ်သက်တယ်ဆိုတာကို ရှင်းရှင်းလင်းလင်း သိရှိနိုင်ပါတယ်။

ဒါပေမယ့် ဟာဇက်ဟာ ချယ်လ်ဆီး အသင်းရဲ့ လက်ရှိအကောင်းဆုံးကစား သမားဖြစ်တာကြောင့် တကယ်လို့ ချယ်လ်ဆီး ကသာ ဟာဇက်ကို ထုတ်ရောင်းချလိုက်ရင် မလိုလားအပ်တဲ့ ဖိအားတွေ ခံလာရနိုင်ပါ တယ်။ ပြီးခဲ့တဲ့နှစ် ဘောလုံးရာသီက ဟာဇက်ဟာ ရီးယဲလ်ကို ပြောင်းရွှေ့လိုခဲ့ ပေမယ့် နည်းပြ မော်ရင်ဟို ထွက်ခွာသွားမှုနဲ့ အတူ ချယ်လ်ဆီးမှာ ဆက်နေဖို့ဆုံးဖြတ်ခဲ့ တာ ဖြစ်ပါတယ်။ နည်းပြ ကွန်တီရောက်ရှိ လာချိန်မှာတော့ ဟာဇက်ဟာ နည်းပြ ကွန်တီရဲ့ ၃-၄-၃ ကစားကွက်မှာ အံဝင် အောင် ကစားနိုင်ခဲ့ပြီး လတ်တလောအနေ အထားကို ကျေနပ်နေတာကြောင့် ဟာဇက် ရဲ့ အသင်းပြောင်းရွှေ့ရေးဟာ အင်မတန် ခက်ခဲနိုင်မယ်လို့ ယူဆစရာပါ။

ပြီးတော့လည်း အခုမှ အသက်(၂၆)နှစ်သာ ရှိသေးတာကြောင့် အခုထိ ခြေစွမ်း ပိုင်းတက်လာနိုင်ခြေရှိတဲ့ ကစားသမားလည်း ဖြစ်နေတဲ့အတွက် ဟာဇက်ကိုသာ ထုတ်ရောင်းလိုက်ရင် ဒါဟာ အင်မတန် မှားယွင်းတဲ့ ဆုံးဖြတ်ချက်ဖြစ်လာဖို့များနေ ပါတယ်။ တစ်ဖက်မှာလည်း ဟာဇက်ဟာ ၂ဝ၁၅ ဖေဖော်ဝါရီလကမှ ချယ်လ်ဆီး အသင်းနဲ့ ငါးနှစ်ခွဲစာချုပ် လက်မှတ်ရေးထိုး ခဲ့တာကြောင့် တိတိကျကျပြောရရင် စာချုပ်သက်တမ်းသုံးနှစ် ကျန်နေသေးတဲ့ ကစားသမားလည်း ဖြစ်နေပါတယ်။ ခုလည်း ရီးယဲလ်မက်ဒရစ်ရဲ့ ခပ်ကျဲကျဲ လှမ်းလာတဲ့ ခြေလှမ်းတွေကို တားဆီးဖို့ ချယ်လ်ဆီးက ဟာဇက်ကို နောက်ထပ် နှစ်နှစ်သက်တမ်းတိုး စာချုပ် ကမ်းလှမ်းထားတာဟာ ပြီးမြောက် လုနီးပါး အနေအထားဖြစ်နေတယ်လို့ သိရပါတယ်။ ချယ်လ်ဆီးက ဟာဇက် လက်ရှိ ရရှိနေတဲ့ တစ်ပတ်လုပ်ခပေါင် ၂ဝဝဝဝဝဝ နေရာမှာ တစ်ပတ်လုပ်ခပေါင် ၃ဝဝဝဝဝ ပေးချေမယ်လို့ ကမ်းလှမ်းခဲ့တာဖြစ်တာပါ။ ဒါကြောင့် တကယ်လို့ ဒီစာချုပ်ကိုသာ ဟာဇက်လက်မှတ်ရေးထိုးရင် သူဟာ ပေါ့ဘာလို ပရီမီယာလိဂ်ရဲ့ လုပ်ခလစာ အများဆုံး ကစားသမားဖြစ်ခွင့်ရလာမှာ ဖြစ်ပါ တယ်။

ဒီကြားထဲ ဟာဇက်က အေးဂျင့်သစ် နဲ့ လက်တွဲအလုပ်လုပ်လာတာကြောင့်လည်း ဖြစ်စဉ်တွေအကုန်လုံးမှန်းဆရခက်ခဲကာ ပိုမို ရှုပ်ရှုပ်ထွေးထွေးဖြစ်သွားစေခဲ့တာပါ။ ဒါ့ အပြင် ချယ်လ်ဆီးအသင်းက ဒီအပြောင်း အရွှေ့ကိစ္စရပ်အပေါ် နှုတ်ဆိတ်နေတာဟာ လည်း အနည်းငယ်ထူးခြားတယ်လို့ မီဒီယာ တွေက သုံးသပ်ဖော်ပြကြပါတယ်။ မီဒီယာ အချို့ကတော့ ဟာဇက်နဲ့ ချယ်လ်ဆီးကြား ချုပ်ဆိုခဲ့တဲ့ စာချုပ်ထဲမှာ ရီးယဲလ်မက်ဒရစ်က သာ ကမ်းလှမ်းလာခဲ့ရင် လက်ခံဆွေးနွေးရမယ် ဆိုတဲ့ အချက်ကို လျှို့ဝှက်ချက်တစ်ရပ်အဖြစ် ထည်သွင်းထားတာကြောင့် ချယ်လ်ဆီး တုံ့ပြန် ချက်ပေးဖို့ရာ လက်တွန့်နေခဲ့တာလို့ ဖော်ပြကြ ပါတယ်။

ဟာဇက်ကလည်း နည်းပြ ကွန်တီနဲ့ လက်တွဲ အလုပ်လုပ်ရတာ ပျော်ရွှင်နေပေမယ့် ပရီမီယာလိဂ်ဖလား၊ ယူရိုပါလိဂ်ဖလား ရယူပြီးတဲ့ ကစားသမားတစ်ဦးအနေနဲ့ နောက်ထပ်လိုအပ်နေတာက ချန်ပီယံလိဂ် ဖလားဆိုတော့ ချယ်လ်ဆီးကနေ ဟာဇက် ထွက်မယ်ဆိုရင် ရီးယဲလ်ကသာ ရေကန်အသင့်၊ ကြာအသင့်ဆိုသလို အသင့်လျော်ဆုံး ဖြစ်တယ်ဆိုတဲ့ ရေးသားမှုတွေကိုလည်း မြင်တွေ့နေရပါတယ်။ ချယ်လ်ဆီးအသင်း ပိုင်ရှင် အေဗရာမိုဗစ်ခ်ျကလည်း လူကာကူလို ကစားသမားအတွက် ပေါင်သန်း ၆ဝ နဲ့ ကမ်းလှမ်းဖို့ ခွင့်ပြုထားသူဆိုတော့ ဟာဇက်ကို ရသလောက်နည်းနဲ့ ဆက်ထိန်းဖို့ ကြိုးပမ်းပါ လိမ့်မယ်။ ချယ်လ်ဆီးဟာ ဒီနှစ်ဘောလုံးရာသီ ပရီမီယာလိဂ် ချန်ပီယံဖြစ်ဖို့ အလားအလာ ကောင်းနေပြီဆိုတော့ လာမယ့်ရာသီ ချန်ပီယံ လိဂ်ဝင်ခွင့် လွဲချော်စရာလည်း အကြောင်းမရှိ တာကြောင့် ဘာဥရောပဝင်ခွင့်မှမရရှိတဲ့ အချိန်မှာတောင် ချယ်လ်ဆီးမှာ သစ္စာစောင့် သိပြီး ဆက်ရှိနေပေးတဲ့ ဟာဇက် ရီးယဲလ်ကို သွားပါ့မလားဆိုတာ စဉ်းစားစရာပါ။

ဒါ့အပြင် ဟာဇက်က ချယ်လ်ဆီးအသင်း ဝက်ဘ်ဆိုက် အမေးအဖြေကဏ္ဍမှာ ''ကျွန်တော်ဟာ မိသားစုနဲ့ နီးနီးကပ်ကပ်နေရ အောင် တစ်ချိန်ချိန်မှာ ဘယ်လ်ဂျီယံကို ပြောင်းရွှေ့ဖြစ်ပါလိမ့်မယ်။ ဒါမှမဟုတ် ရာသီဥတုကောင်းတဲ့ နေရာတစ်ခုခုပေါ့။ ဒါပေမယ့် ကျွန်တော့်ကလေးတွေဟာ လန်ဒန် မှာ အခြေကျနေတာကြောင့် ဒီမှာပဲ ဆက်နေဖြစ် နိုင်ပါတယ်။ ကာလရှည်အများကြီး ကျန်ရှိ နေသေးတဲ့အတွက် အရာအားလုံးကို ဘာမှ ကြိုပြီးမပြောနိုင်ပါဘူး'' လို့ ဖြေကြားခဲ့တာပါ။ ဟာဇက်ရဲ့ ဒီစကားရပ်က ချယ်လ်ဆီးအသင်း မှာပဲ ဆက်နေမယ်ဆိုတာကို အရိပ်အမြွက် ပြောကြားခဲ့တာလို့ အင်္ဂလန်မီဒီယာတွေက ရေးသားဖော်ပြနေပေမယ့် ဟာဇက်ကို အလို ရှိနေတဲ့ အသင်းဟာ ရီးယဲလ်မက်ဒရစ် ဆိုတာ ကိုတော့ သတိရဖို့လိုပါတယ်။

ဟာဇက်မပြောနဲ့ ဟာဇက်ထက် ကျော်ကြားပြီး ဘလွန်းဒီအောဆု ပူပူနွေးနွေး ရယူနိုင်ခဲ့တဲ့ စီရိုနယ်လ်ဒို၊ ကာကာတို့ကို မန်ယူ၊ အေစီမီလန်တို့က ခေါ်ယူပြခဲ့တဲ့ ဖြစ်ရပ်ကိုကြည့်ရင် သူတို့လိုချင်တဲ့ ဘယ် ကစားသမားကိုမဆို ရအောင်ခေါ်နိုင်ခဲ့တယ် ဆိုတာ အင်မတန်ထင်ရှားတဲ့ အချက်ဖြစ်နေပါ တယ်။ ကစားသမားအများစုရဲ့ အမြင့်မားဆုံး မျှော်မှန်းချက်က ရီးယဲလ်မက်ဒရစ်၊ ဘာစီ လိုနာတို့မှာ ကစားခွင့်ရရေး ဖြစ်နေတာကြောင့် လည်း လစာနှုန်းထားခြင်းတူရင်တောင် ဒီအသင်းတွေက အလိုရှိတယ်ဆိုတာနဲ့ တောင့်မခံနိုင်တာကလည်း ဥရောပကလပ် အသင်းတွေအနေနဲ့ ရီးယဲလ်-ဘာကာ ကျိန်စာ မိနေသလားလို့တောင် ထင်ချင်စရာပါပဲ။

ရီးယဲလ်ဥက္ကဋ္ဌဟောင်း ကယ်လ်ဒါရွန်က ကစားသမားတစ်ဦး ရီးယဲလ်ကို ရောက်ရှိလာဖို့ ဆိုတာက သူကိုယ်တိုင်က လက်ရှိကစားနေတဲ့ အသင်းက ထွက်ခွာချင်စိတ်ရှိရမယ့်အပြင် ရီးယဲလ်ကိုသာ လာမယ်ဆိုတဲ့ စိတ်လည်း ရှိနေရမှာ ဖြစ်တယ်လို့ သူ့ရဲ့ အယူဝါဒကို ပြောပါတယ်။ ကယ်လ်ဒါရွန် ''ဥပမာ စီရိုနယ်လ်ဒိုရဲ့အဖြစ်ကိုပဲ ကြည့်လေ၊ ဖာဂူဆန် က စီရိုနယ်လ်ဒိုကို ရီးယဲလ်မရောက်စေချင် တာကြောင့် ဘာစီလိုနာကို သွားရောက် ချိတ်ဆက်မှုပြုခဲ့ပေမယ့် သူကတော့ သူ သွားချင်တာ ဘာကာမဟုတ်ဘူး၊ ရီးယဲလ်လို့ ဆိုခဲ့တာကြောင့် ဖာဂူဆန်လည်း ဘာမှ မတတ်နိုင်ခဲ့ဘူး။ ဒါကြောင့် အဓိကကတော့ ကစားသမားရဲ့ ဆန္ဒပဲဖြစ်ပါတယ်''လို့ ပြောကြားခဲ့ပါတယ်။ မှန်ပါတယ်။ ဒါကြောင့် ဟာဇက် ရီးယဲလ်ရဲ့ ကြယ်စင်စုအဖွဲ့ဝင် တစ်ဦးဖြစ်ဖို့ဆိုတာဟာ သူ့ရဲ့ ဆန္ဒပေါ်သာ အလုံးစုံ မှီတည်နေပြီး ဟာဇက် ဘယ်လို ဆုံးဖြတ်မလဲဆိုတာ လာမယ့်နွေမှာ စောင့် ကြည့်ရဖို့ ရှိနေပါတယ်။

ရီးယဲလ်ဟာ ဟာဇက်အပြင် ဂိုးသမား ကော်တွိုက်စ်ကိုလည်း ခေါ်ယူဖို့ ချိတ်ဆက် နေပြီး ဂျိမ်းစ်ရိုဒရီဂွက်ဇ်၊ မိုရာတာတို့နဲ့ အလဲအထပ်ပြုမယ့်သဘောရှိနေပါတယ်။ ချယ်လ်ဆီးနည်းပြ ကွန်တီက မိုရာတာရဲ့ ကစားဟန်ကိုနှစ်သက်သူဖြစ်တာကြောင့် ဒီအပြောင်းအရွှေ့ကလည်း ဖြစ်မြောက်နိုင် ခြေရှိတဲ့ကိစ္စရပ်ပါ။ ကော်တွိုက်စ်နဲ့ ဟာဇက် တို့ဟာ ကလပ်အသင်းမှာသာမက နိုင်ငံ လက်ရွေးစင်အသင်းမှာပါ ကစားဖော်တွေ ဖြစ်နေတာကြောင့် သူတို့နှစ်ဦး ချယ်လ်ဆီးက နေ တစ်ပြိုင်နက်တည်း ခွာနိုင်တယ်လို့ သတင်းထွက်နေပါတယ်။ သူတို့နှစ်ဦီးစလုံးက ချယ်လ်ဆီးရဲ့ လက်ရှိအနေအထားကို ကျေနပ်ပေမယ့် ရီးယဲလ်လို အသင်းကြီးရဲ့ ကမ်းလှမ်းမှုကို ငြင်းဆန်လိုခြင်းမရှိကြတာ ဖြစ်ပါတယ်။

ရီးယဲလ်ကလည်း ကစားသမားတစ်ဦး ရဲ့ ပုံရိပ်ကို အင်မတန်ကြည့်တဲ့ ကလပ် အသင်းဖြစ်တာကြောင့် အသင်းရဲ့ ပုံရိပ်ကို မြှင့်သထက်မြှင့်နိုင်ဖို့ ဟာဇက်ကို သေချာ ပေါက် ဝယ်ယူဦးမယ်လို့ ယေဘုယျ ခန့်မှန်း နိုင်ပါတယ်။ ဟာဇက်ကလည်း သူ့ရဲ့ စံပြုထားတဲ့ ကစားသမားဟာ ရီးယဲလ်နည်းပြ ဇီဒန်း ဖြစ်တယ်၊ ဇီဒန်းကလည်း ဟာဇက်ဟာ ကမ္ဘာ့တတိယအကောင်းဆုံး ကစားသမား ဖြစ်တယ်ဆိုပြီး ပြောကြားခဲ့တာတွေကို ကြည့်ရင် ဟာဇက်နဲ့ ဇီဒန်းကြား အပြန် အလှန်လေးစားမှုတွေကြောင့် တစ်နေ့တော့ ရီးယဲလ်ကို ဟာဇက်ရောက်ရှိလာဦးမှာပါ။ လာမယ့်နွေမှာ ရောက်လာမလား၊ ဒါမှ မဟုတ်၊ ဒီထက်အနည်းငယ် နောက်ကျမလား ဆိုတာ အချိန်သာကွာခြားပြီး တစ်နေ့နေ့ တော့ ဟာဇက်လည်း ရီးယဲလ် ကြယ်စင်စု အဖွဲ့ဝင်တစ်ဦး ဖြစ်လာမယ်ဆိုတာ သေချာ နေတယ်လို့ ဆိုရမှာဖြစ်ပါတယ်။

အမေရိကန်-တရုတ် ထိပ်သီးအစည်းအဝေး ဧပြီ ၆-၇ ရက်တွင် ကျင်းပမည်

ပေကျင်း မတ် ၃ဝ

တရုတ်သမ္မတ ရှီကျင့်ဖျင်က အမေရိကန်သမ္မတ ဒေါ်နယ်ထရန့်နှင့် တွေ့ဆုံဆွေးနွေးရန် လာမည့် ရက်သတ္တပတ်အတွင်း အမေရိကန်နိုင်ငံသို့ သွားရောက် မည်ဖြစ်ကြောင်း တရုတ်အစိုးရအဖွဲ့က ယနေ့ပြောကြား သည်။

တရုတ်သမ္မတ ရှီကျင့်ဖျင်သည် ဧပြီ ၆၊ ၇ ရက်တွင် အမေရိကန်သမ္မတ ဒေါ်နယ်ထရန့်နှင့် ပထမဆုံးအကြိမ် တွေ့ဆုံဆွေးနွေးမည်ဖြစ်ကြောင်း တရုတ်နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူ လုကန်းက မတ် ၃ဝ ရက် တွင် ပြောကြားခဲ့သည်။ နှစ်နိုင်ငံထိပ်သီးအစည်းအဝေး ကို အမေရိကန်ပြည်ထောင်စု ဖလော်ရီဒါပြည်နယ်ရှိMar-a-Lago အပန်းဖြေစခန်းတွင် ကျင်းပမည်ဖြစ်ကြောင်း ၎င်းကဆက်လက် ပြောကြားခဲ့သည်။

သမ္မတ ရှီကျင့်ဖျင်သည် ဖင်လန်နိုင်ငံသို့ အလည် အပတ်ခရီးသွားရောက်ပြီးနောက် ဧပြီ ၆ ရက်တွင် အမေရိကန်သမ္မတနှင့် တွေ့ဆုံမည်ဖြစ်သည်။

ခေါင်းဆောင်နှစ်ဦးတို့၏ တွေ့ဆုံဆွေးနွေးပွဲတွင် မြောက်ကိုရီးယားနိုင်ငံကို မည်သို့ကိုင်တွယ်ထိန်းကျောင်း မလဲဆိုသည့် နည်းလမ်းများကို အပြန်အလှန် ဆွေးနွေးမည် ဖြစ်ကြောင်း ထင်မြင်ယူဆရသည်။

မြောက်ကိုရီးယားက နျူကလီးယားဒုံးကျည်များကို အဆက်မပြတ် စမ်းသပ်ပစ်လွှတ်ခဲ့သည့်အပြင် နောက်ထပ် စမ်းသပ်ရန်စီစဉ်သည့် အရိပ်လက္ခဏာများကို တွေ့ရှိရ ကြောင်း သိရသည်။

ပြုံယမ်းအား ကိုင်တွယ်ထိန်းချုပ်ရန် သမ္မတထရန့်က သမ္မတရှီအား တိုက်တွန်းထားသည်နှင့် ပတ်သက်ပြီး သမ္မတရှီအနေဖြင့် မည်သို့အဖြေရှာဆွေးနွေးမလဲဆို သည်ကို စောင့်ကြည့်ရမည်ဖြစ်သည်။ တရုတ်နိုင်ငံနှင့် မြောက်ကိုရီးယားနိုင်ငံတို့သည် သမိုင်းကြောင်း အစဉ်အလာအရသာမက စီးပွားရေးကဏ္ဍများတွင်ပါ ချစ်ကြည်ရင်းနှီးသည့် ဆက်ဆံရေးရှိကြသည်။

ထို့ပြင် အဆိုပါထိပ်သီးအစည်းအဝေး၌ ကုန်သွယ်ရေး ကဏ္ဍအပြင် နိုင်ငံခြားငွေကြေးနှုန်းထားများနှင့် ပတ်သက် ပြီး ဆွေးနွေးနိုင်ဖွယ်ရှိသည်။ သမ္မတထရန့်က အမေရိကန် နှင့် တရုတ်နိုင်ငံတို့၏ ကုန်သွယ်မှုကဏ္ဍတွင် အလုံးစုံ ညီတူညီမျှရှိစေရန် ညှိနှိုင်းအဖြေရှာရန် လိုအပ်ကြောင်း တိုက်တွန်းပြောကြားထားသည်။

နှစ်နိုင်ငံစီးပွားရေးနှင့် ကုန်သွယ်မှုဆိုင်ရာ လုပ်ဆောင် ချက်များသည် နှစ်နိုင်ငံလုံးအတွက် အကျိုးဖြစ်ထွန်း စေရန်လိုအပ်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ လုကန်းက ပြောကြားခဲ့သည်။

ပေကျင်းအနေဖြင့် နှစ်နိုင်ငံစီးပွားရေးနှင့် ကုန်သွယ် ရေးဆိုင်ရာ သဘောထားကွဲလွဲချက်များနှင့်ပတ်သက်ပြီး နှစ်နိုင်ငံအပြန်အလှန်အလေးထားမှုကို ရှေ့တန်းတင်ကာ ဆွေးနွေးမှုများလုပ်ဆောင်ပြီး ညှိနှိုင်းအဖြေရှာရမည် ဖြစ်သည်ဟု ပြောရေးဆိုခွင့်ရှိသူ လုကန်းက ဆိုသည်။

အင်န်အိတ်ခ်ျကေ။

အိန္ဒိယ၌ အမြန်ရထားတစ်စင်းလမ်းချော်၊ လူ ၃၆ ဦးထက်မနည်း ဒဏ်ရာရ

နယူးဒေလီ မတ် ၃ဝ

အိန္ဒိယနိုင်ငံမြောက်ပိုင်း ဥတာပရာဒေ့ရ်ှပြည်နယ်တွင် မတ် ၃ဝ ရက် နံနက် အစောပိုင်းက ခရီးသည်တင်အမြန်ရထားတစ်စင်း၏ ရထားတွဲ ရှစ်တွဲ လမ်းချော်မှုဖြစ်ပွားရာ ခရီးသည် ၃၆ ဦးထက်မနည်း ထိခိုက်ဒဏ်ရာရရှိခဲ့ပြီး ယင်းတို့အထဲမှ အချို့မှာ ဒဏ်ရာပြင်းထန်ကြောင်း တာဝန်ရှိသူများက ပြောကြားကြသည်။

ဥတာပရာဒေ့ရ်ှပြည်နယ် မြို့တော်လတ်(ခ်)နောင်းမှ ကီလိုမီတာ ၂၇ဝ ခန့်အကွာ မိုဟိုဘာခရိုင်အတွင်းရှိ မိုဟိုဘာနှင့် ကူပါဟတ်ရထားဘူတာရုံအကြား ဒေသစံတော်ချိန် နံနက် ၂ နာရီခွဲခန့်တွင် ဂျာဆယ်ပူနီဇာမူဒန် မဟာကာရှလ် အမြန်ရထားလိုင်းမှ ခရီးသည်တင်ရထား လမ်းချော်မှုဖြစ်ပွားခဲ့ခြင်းဖြစ်သည်။

ယင်းရထားမတော်တဆဖြစ်ရပ်ကြောင့် ထိခိုက်ဒဏ်ရာရရှိသူ ၃၆ ဦးအား အနီးရှိအစိုးရနှင့် ပုဂ္ဂလိကပိုင်ဆေးရုံများသို့ တင်ပို့ဆေးကုသပေးနေကြောင်း၊ ဒဏ်ရာရသူ ၁ဝ ဦးမှာ ဒဏ်ရာပြင်းထန်ပြီး အသက်သေဆုံးမှုမရှိကြောင်း အိန္ဒိယရထားဌာန အထက်တန်းတာဝန်ရှိသူတစ်ဦးက သတင်းမီဒီယာများသို့ ပြောကြားသည်။

ယင်းရထားလမ်းချော်မှု ဖြစ်ပွားခြင်းကြောင့် ဒေသတွင်းရထားများ သွားလာရေးအတွက် အနှောင့်အယှက်ဖြစ်စေခဲ့သော်လည်း ရထားလမ်း ပိတ်ဆို့မှုကို ဖယ်ရှားရန်လုပ်ဆောင်ပေးခဲ့ရာ နံနက်အစောပိုင်းတွင် ရထား သွားလာမှုများ ပြန်လည်လုပ်ဆောင်နိုင်မည်ဟု ရထားပို့ဆောင်ရေးလုပ်ငန်းတာဝန်ရှိသူများက ပြောကြားသည်။ ယင်းမတော်တဆမှု နှင့်ပတ်သက်၍ စုံစမ်းစစ်ဆေးလျက်ရှိသည်။

ဆင်ဟွာ။

ဥရောပသမဂ္ဂမှ ဗြိတိန်နုတ်ထွက်မည်ဖြစ်ကြောင်း ဝန်ကြီးချုပ်မေက ဥရောပကော်မရှင်ထံအကြောင်းကြား

လန်ဒန် မတ် ၃ဝ

ဥရောပသမဂ္ဂ(အီးယူ)မှ ဗြိတိန်နိုင်ငံ နုတ်ထွက်မည် ဖြစ်ကြောင်း တရားဝင်အသိပေးအကြောင်းကြားမှုကို ဝန်ကြီးချုပ် ထရီစာမေက မတ် ၂၉ ရက်တွင် ပြုလုပ် လိုက်ပြီဖြစ်ရာ သမဂ္ဂမှ နုတ်ထွက်ခြင်းဆိုင်ရာ လုပ်ထုံး လုပ်နည်းစတင်ပြီဖြစ်ကြောင်း ရိုက်တာသတင်းဌာနက မတ် ၃ဝ ရက်တွင် သတင်းထုတ်ပြန်သည်။

ဥရောပသမဂ္ဂမှ ဗြိတိန်နိုင်ငံ နုတ်ထွက်ခြင်းမှာ နောက်ကြောင်းပြန်လှည့်နိုင်သော အခြင်းအရာ မဟုတ် ကြောင်း၊ အီးယူမှ တရားဝင်နုတ်ထွက်နိုင်ရေးအတွက် နှစ်နှစ်မျှကြာမြင့်မည့် ညှိနှိုင်းဆွေးနွေးရေး လုပ်ငန်းစဉ်ကို ဆက်လက် အကောင်အထည်ဖော်ရမည်ဖြစ်ကြောင်း သတင်းတွင် ဖော်ပြသည်။

ဒုတိယကမ္ဘာစစ်နောက်ပိုင်း ဗြိတိန်ခေါင်းဆောင် တစ်ဦးအတွက် အရေးအကြီးဆုံး ဆောင်ရွက်ချက်တစ်ရပ် အဖြစ် ဝန်ကြီးချုပ်မေသည် ဥရောပသမဂ္ဂက နုတ်ထွက် တော့မည်ဆိုသော တရားဝင် အသိပေးအကြောင်းကြား စာကို ဥရောပကော်မရှင်ဥက္ကဋ္ဌ ဒေါ်နယ်တပ်စ်ထံသို့ ပေးပို့လိုက်ပြီဖြစ်သည်။ ဗြိတိန်နိုင်ငံသည် ၁၉၇၃ ခုနှစ် တွင် ဥရောပသမဂ္ဂ၌ အဖွဲ့ဝင်အဖြစ် ဝင်ရောက်ခဲ့သည်။

ဥရောပသမဂ္ဂမှ ဗြိတိန်နိုင်ငံ နုတ်ထွက်ရေးကို ထောက်ခံခြင်းရှိ၊ မရှိ လူထုဆန္ဒခံယူပွဲ ပြုလုပ်ခဲ့ရာတွင် နုတ်ထွက်ရေးဘက်မှ အသာစီးရခဲ့ပြီးနောက် ကိုးလအကြာ တွင် ဥရောပကော်မရှင်ဥက္ကဋ္ဌထံ ဗြိတိန်ဝန်ကြီးချုပ်က တရားဝင် အကြောင်းကြားခြင်းဖြစ်သည်။

အဆိုပါ လူထုဆန္ဒခံယူပွဲရလဒ်သည် ကမ္ဘာ့ ခေါင်းဆောင်များအား အကြီးအကျယ် အံ့အားသင့်စေခဲ့ သည်။

ဥရောပသမဂ္ဂမှ ဗြိတိန်နိုင်ငံ နုတ်ထွက်မှု ၂ဝ၁၉ ခုနှစ် မတ်လနှောင်းပိုင်းတွင် အာဏာသက်ဝင်လာခြင်း မရှိမီ ဝန်ကြီးချုပ်မေအနေဖြင့် သမဂ္ဂမှ နုတ်ထွက်ခြင်း ဆိုင်ရာ စည်းမျဉ်းများနှင့်ပတ်သက်၍ နှစ်နှစ်ကြာမျှ ညှိနှိုင်း ဆွေးနွေးမှုများ ပြုလုပ်သွားမည်ဖြစ်သည်။

ဗြိတိန်နိုင်ငံသည် ကမ္ဘာပေါ်တွင် ပဉ္စမမြောက် အင်အားအကြီးဆုံး စီးပွားရေးတည်ရာနိုင်ငံဖြစ်ပြီး ယင်း ညှိနှိုင်းဆွေးနွေးမှုများမှတစ်ဆင့် ပေါ်ထွက်လာမည့်ရလဒ်က နိုင်ငံတော်၏ အနာဂတ်ဘဝကို ပုံဖော်ထုဆစ်မည် ဖြစ်ကြောင်း သတင်းတွင် ဖော်ပြသည်။

ရိုက်တာ။