မိမိ၏ ပုဂ္ဂလိက ကိုယ်ကျိုးစီးပွားရရှိရေး တစ်ခုတည်းကို မကြည့်ဘဲ ဆင်းရဲနွမ်းပါး သူများကိုယ်တိုင် စီးပွားရေးလောက အတွင်း တစ်နိုင်တစ်ပိုင် ပါဝင်လုပ်ကိုင် လာစေရန် ရည်ရွယ်သည့် လူမှုအကျိုးပြု စီးပွားရေးလုပ်ငန်း(Social Business) သည် ဖွံ့ဖြိုးဆဲနိုင်ငံများရှိ ပြည်သူများ၏ ဆင်းရဲမှု မှ ထွက်ရပ်လမ်းအဖြစ် ရှုမြင်ရလေသည်။
ဖွံ့ဖြိုးဆဲနိုင်ငံများရှိ ဆင်းရဲသားနင်းပြား ပြည်သူများ၏ လူနေမှုဘဝ ပြဿနာများ အား ဖြေရှင်းနိုင်စေရန်အတွက် သာမန် ပြည်သူပြည်သားများ စီးပွားရေးအသိုက်အဝန်းအတွင်း ပါဝင်လုပ်ကိုင်လိုသည့် စိတ်ဓာတ်ခွန်အားကို ပေးစွမ်းရန်မှာ လူမှုအကျိုးပြုစီးပွားရေးလုပ်ငန်း၏ ကြီးမြတ်လှသော ရည်ရွယ်ချက်ဖြစ်သည်။
လူမှုအကျိုးပြု စီးပွားရေး လုပ်ငန်း သဘောတရားအား လက်ခံယုံကြည်သူ ဦးရေ တိုးပွားလာမှုကို ထင်ဟပ်သည့် သတင်းတစ်ပုဒ်အဖြစ် ဗြိတိန်နိုင်ငံ အီဒင် ဘာရာမြို့၌ လူမှုအကျိုးပြု စီးပွားရေး လုပ်ငန်းများ ဖွံ့ဖြိုးတိုးတက်လာပုံနှင့်ပတ် သက်၍ သတင်းတစ်ပုဒ်ကို ကျွန်ုပ်ဖတ်ရှုရ လေသည်။
စကော့တလန်အစိုးရအဖွဲ့သည် ပြီးခဲ့ သည့်နှစ်ကုန်က အသေးစားငွေရေးကြေး ရေးလုပ်ငန်း ကုမ္ပဏီတစ်ခုကို ပေါင်စတာလင်ခြောက်သန်း ရန်ပုံငွေတစ်ရပ်နှင့် အတူ ထူထောင်ပေးခဲ့သည်။ ယင်းကုမ္ပဏီ က အသေးစားစီးပွားရေးလုပ်ငန်းများ ထူထောင်လိုသူများအတွက် ချေးငွေများ ကို ထုတ်ပေးသွားမည်ဖြစ်သည်။
စကော့တလန်တစ်ဝန်းရှိ ကုမ္ပဏီများ အနေဖြင့်လည်း ချေးငွေများ ရယူနိုင်ကာ အသေးစား ငွေရေးကြေးရေးလုပ်ငန်းကို ကျယ်ကျယ် ပြန့်ပြန့်ဆောင်ရွက်နိုင်ကြပြီဖြစ်သည်။
လူဦးရေ ၁ဝ ဦးအောက်သာ ပါဝင်သော အစုအဖွဲ့များအား ချေးငွေများထုတ်ပေး ကာ အသေးစားစီးပွားရေးလုပ်ငန်းများကို လုပ်ကိုင်နိုင်ကြသည်။ ချေးငွေအတွက် အတိုးနှုန်းမှာ သက်သာပြီး ကာလအတိုင်း အတာအတစ်ရပ်အထိ ငွေချေးကာလခွင့် ပြုပေးသည်။
လူမှုအကျိုးပြုစီးပွားရေးလုပ်ငန်းများ ကျယ်ပြန့်လာရေးအတွက် ဖွံ့ဖြိုးဆဲနိုင်ငံ များရှိ အစိုးရအဖွဲ့များက အသေးစားငွေ ရေးကြေးရေးလုပ်ငန်းကို အလေးပေးလာ ကြောင်း တွေ့မြင်ရသည်။
လူမှုအကျိုးပြု စီးပွားရေးလုပ်ငန်း ဖွံ့ဖြိုး တိုးတက်စေခြင်းမှာ ရပ်ရွာလူထု၏ နိစ္စဓူဝ လူမှုဘဝ ပြဿနာများကို ဖြေရှင်းပေးရန် ရည်ရွယ်သဖြင့် ဆင်းရဲမွဲတေမှု တိုက်ဖျက် ရေး မဟာဗျူဟာနှင့် ကိုက်ညီလှသည်။
လူမှုအကျိုးပြု စီးပွားရေးလုပ်ငန်းဟူ သော သဘောတရားမှာ စီးပွားရေးအကျိုးမြတ်သက်သက်အတွက် စီးပွားရေးလုပ်ငန်း ကို လုပ်ကိုင်ခြင်းမဟုတ်မူ၍ ဆင်းရဲမွဲတေ မှု လျှော့ချပေးရန်သာဖြစ်သည်။ လူမှု အကျိုးပြု စီးပွားရေးလုပ်ငန်း သဘော တရားကို ကမ္ဘာတစ်လွှားသို့ ဖြန့်ချိပေးခဲ့ သူမှာ ဘင်္ဂလားဒေ့ရ်ှနိုင်ငံမှ ပါမောက္ခ ယူနပ်စ်ဖြစ်လေသည်။
လူမှုအကျိုးပြု စီးပွားရေးလုပ်ငန်းဌာန
နယူးဇီလန်နိုင်ငံရှိ လင်ကွန်းတက္ကသိုလ် ၌ ယူနပ်စ် လူမှုအကျိုးပြု စီးပွားရေးလုပ်ငန်းဌာနကို နယူးဇီလန်နိုင်ငံ၌ ပထမဆုံးအကြိမ် ဖွင့်လှစ်ခဲ့သည်။ ယခု နောက်ဆုံး ဖွင့်လှစ်လိုက်သည့် ဌာနအပါ အဝင် အလားတူဌာနပေါင်းမှာ ကမ္ဘာတစ်ဝန်းတွင် ၃၅ ခုရှိပြီဖြစ်သည်။
အဆိုပါ လုပ်ငန်းဌာနသည် လူမှုရေးနှင့် ဆက်နွှယ်မှုရှိသော စီးပွားရေးလုပ်ငန်းနှင့် ပတ်သက်၍ တက္ကသိုလ်ပညာရေးပုံစံ သင်ရိုးညွှန်းတမ်းများနှင့်အညီ သင်တန်း များ ဖွင့်လှစ်ပို့ချပေးမည်ဖြစ်သည်။
ယူနပ်စ်အမည်ရှိ ပုဂ္ဂိုလ်ကြီးမှာ ဘင်္ဂလား
ဒေ့ရ်ှနိုင်ငံ၏ ပါမောက္ခကြီးတစ်ဦးလည်း ဖြစ်၊ လူမှုရေးဆိုင်ရာ စွန့်ဦးတီထွင် စီးပွား ရေးလုပ်ငန်းရှင်တစ်ဦးလည်းဖြစ်သူပေ တည်း။
အသက် ၇၆ နှစ်ရှိ ယူနပ်စ်သည် ၂ဝဝ၆ ခုနှစ်တွင် ငြိမ်းချမ်းရေးနိုဘယ်ဆုရရှိခဲ့သည်။ ၁၉၈၃ ခုနှစ်တွင် ဘင်္ဂလားဒေ့ရ်ှနိုင်ငံ၌ ဂရာမင်းဘဏ် (Grameen Bank) ကို ထူထောင်ခဲ့ပြီး အသေးစား ငွေရေးကြေး ရေးလုပ်ငန်းနှင့် အသေးစား ငွေချေး လုပ်ငန်းဆိုင်ရာ အတွေးအမြင်သစ်များကို ဖော်ထုတ်နိုင်ခြင်းအတွက် နိုဘယ်ဆုကို ချီးမြှင့်ပေးအပ်ခံခဲ့ရသည်။
ဘောဂဗေဒပါမောက္ခ ယူနပ်စ်သည် လူမှုအကျိုးပြု စီးပွားရေးလုပ်ငန်းဆိုင်ရာ အယူအဆသစ်ကို ဖော်ထုတ်နိုင်ရန် သူ၏ ဘဝအတွေ့အကြုံတစ်ရပ်က ကြီးစွာ အထောက်အကူပြုခဲ့လေသည်။
ယူနပ်စ်သည် လွန်ခဲ့သည့် နှစ်ပေါင်း ၄ဝက ဘင်္ဂလားဒေ့ရ်ှနိုင်ငံရှိ ဂျိုဘရာအမည်ရှိ ကျေးရွာတစ်ရွာသို့ ရောက်ရှိခဲ့ရာတွင် ဆင်းရဲနွမ်းပါးသူ မိသားစုများနှင့် တွေ့ဆုံ ခဲ့ပြီး ¤င်းတို့အား စာနာသနားသော စိတ် ထားဖြင့် ၎င်းပိုင် အမေရိကန်ဒေါ်လာ ၂၇ ဒေါ်လာအား ရွာသူအမျိုးသမီး ၂၄ ဦးကို လုပ်ငန်းမတည်ငွေအဖြစ် ထုတ်ချေးပေးခဲ့ သည်။ အဆိုပါ အမျိုးသမီးများမှာ ဝါးကို ကုန်ကြမ်းအဖြစ် အသုံးပြုသော ပရိဘောဂထုတ်လုပ်သူများဖြစ်ကြပြီး ၎င်းတို့လုပ်ငန်း ချဲ့ထွင်နိုင်ရေးအတွက် ပါမောက္ခကြီးထံမှ ချေးငွေကို လက်ခံရယူခဲ့ကြသည်။
ဝါးထည်ပရိဘောဂထုတ်လုပ်သူများမှာ ယခင်က အတိုးငွေကို နင့်နေအောင်ယူ သည့် ငွေတိုးချသူများထံမှ ချေးငွေရယူခဲ့ကြရသူများဖြစ်ကြသည်။
ပါမောက္ခကြီးကမူ ယင်းအမျိုးသမီးများ ကို ကယ်တင် စောင့်ရှောက်လိုသော သဘောဖြင့် ငွေထုတ်ချေးပေးခဲ့သည်။
ယူနပ်စ်သည် ရပ်ရွာအခြေပြု စီးပွားရေးလုပ်ငန်းငယ်များကို မြှင့်တင်ပေးနိုင်ရန် အသေးစား ငွေရေးကြေးရေးဘဏ်ကို ဖွင့် လှစ်လုပ်ကိုင်ခဲ့ရာ ယနေ့ကာလတွင် သူ၏ ဂရာမင်းဘဏ်မှာ ဘင်္ဂလားဒေ့ရ်ှနိုင်ငံတစ် ဝန်းရှိ လူပေါင်းကိုးသန်းခန့်အတွက် အမေရိကန်ဒေါ်လာ ၁၃ ဘီလီယံကျော် ထုတ်ချေးပေးခဲ့ပြီးဖြစ်သော ဘဏ်အဖြစ် မားမားမတ်မတ် ရပ်တည်လျက်ရှိလေပြီ။
ရွာသူရွာသားများအား ပထမဆုံး ငွေ ထုတ်ချေးခဲ့စဉ်က အသေးစားငွေရေးကြေး ရေးလုပ်ငန်း၏ သဘောသဘာဝနှင့် ပတ် သက်၍ အလေးအနက်ဆင်ခြင်မိကာ ထုတ်ချေးခဲ့ခြင်းမဟုတ်ပေ။ ထိုစဉ်က သူ၏စိတ် ဝယ် ခံစားချက်ဖြစ်ပေါ်မိသည်မှာ ရွာသူ ရွာသားများအနေဖြင့် အတိုးကြီးစား ခေါင်းပုံဖြတ် အမြတ်ထုတ်သူများ၏ ဘေးမှ ကင်းဝေးမှုရရှိစေလိုခြင်းသာဖြစ်သည်။ အရင်း အနှီးမရှိ၍ လုပ်ငန်းမစတင်နိုင်သော ရွာသူရွာသူများအား သမ္ဗာအာဇီဝ လုပ်ကိုင်စား သောက်နိုင်စေခြင်းငှာ စေတနာသက်သက်ဖြင့် ထုတ်ချေးခဲ့ခြင်းသာဖြစ်သည်။
ပါမောက္ခကြီး၏ ချေးငွေ
ပါမောက္ခကြီးက ငွေထုတ်ချေးပေးနေ သည်ဟု သတင်းကြားသိရသော ဂျိုဘရာ ကျေးရွာနှင့် ရွာနီးချုပ်စပ်ရွာများမှ ရွာသူရွာသားများက ငွေချေးရနိုင်ရန် တစ်ဖွဲဖွဲရောက်ရှိလာခဲ့ကြသည်။ တစ်စစဖြင့် ငွေချေးသူ တိုးပွားလာခဲ့ရာ ယူနပ်စ်က ကျေးရွာဘဏ် ဟု အဓိပ္ပာယ်ရရှိသော ဂရာမင်းဘဏ်ကို ထူထောင်ရန် အကြောင်းဖန်ခဲ့သည်။ ရွာသူရွာသားများ၏ဘဝကို တိုးတက်ပြောင်းလဲ စေသည့် လုပ်ငန်းအဖြစ် သူက ဂုဏ်ယူဝင့် ကြွားခဲ့ရသလို ပီတိလည်းဖြစ်ခဲ့ရသည်။
ယူနပ်စ်သည် အစိုးရပိုင် ဂျနားတားဘဏ်နှင့် အခြားသော ဘဏ်များထံမှ ချေးငွေများရယူခဲ့ပြီး အသေးစားငွေရေးကြေး ရေးလုပ်ငန်းကို စတင်ခဲ့ကာ ၁၉၈၃ ခုနှစ် တွင် ဂရာမင်းဘဏ်ကို ထူထောင်ခဲ့ခြင်းဖြစ် သည်။
ပြန်လည်ပေးဆပ်ငွေ ရေရာသေချာစေ ဖို့ လုပ်ငန်းလုပ်ကိုင်သူများအား သမဝါယမအစုအဖွဲ့ပုံစံမျိုး အုပ်စုငယ်များကို ဖွဲ့စည်း စေသည်။ လူတစ်ဦးငွေချေးလျှင် သူ၏ အစုအဖွဲ့မှ အခြားအဖွဲ့ဝင်များက အာမခံ သူများအဖြစ် အာမဝန္တာပြုကြရသည်။ အချင်းချင်း အပြန်အလှန် အာမခံစေသည့် စနစ်ဖြင့် ငွေချေးနိုင်ကြသည်။ ငွေချေးသူ အများစုမှာ အမျိုးသမီးများဖြစ်ကြသည်။
''ဓနရှင် စီးပွားရေးစနစ်မှာ စီးပွားရေး လုပ်ငန်းရှင် အများစုက အသေးစားငွေရေးကြေးရေးလုပ်ငန်းကို အခွင့်အလမ်းတစ် ရပ်အနေနဲ့ မမြင်ကြဘူးဗျ။ သမားရိုးကျ နည်းလမ်းနဲ့ မျှမျှတတငွေချေးမယ့်အစား လုပ်ငန်းကြီးကြီး ထူထောင်နိုင်ရင် ဝင်ငွေ များများရနိုင်တယ်ဆိုတဲ့ အယူအဆကိုသာ စီးပွားရေးလုပ်ငန်းရှင်တွေ လက်ခံထားကြ တယ်'' ဟု ယူနပ်စ်က ပြောကြားသည်။
လူမှုအကျိုးပြု စီးပွားရေးလုပ်ငန်းသည် ပရဟိတအများအကျိုးပြု လုပ်ငန်းတစ်ရပ် ဖြစ်သည်။ လုပ်ငန်းမှရရှိသော အမြတ်ငွေ ကို အရင်းအနှီးအဖြစ် ပြန်လည်အသုံးပြု နိုင်သည့်အပြင် အခြားသော အလားတူ လုပ်ငန်းများ စတင်နိုင်ရန်လည်း အသုံးပြု နိုင်သည်။ ယင်းလုပ်ငန်းမှရရှိသော ငွေကြေးအကျိုးအမြတ်ကို ရပ်ရွာအတွင်း၌ ဘုရားကျောင်းကန်များတည်ခြင်း၊ ပြည်သူ့ဥယျာဉ်ထူထောင်ခြင်း၊ ဒေသန္တရ ဆေးပေးခန်းဖွင့်လှစ်ခြင်း၊ ရပ်ရွာပြည်သူများစုဝေး
ရာဌာန ဖွင့်လှစ်ခြင်း စသည့်လုပ်ငန်းများ အတွက် သုံးစွဲနိုင်သည်ကို တွေးတောမိရင်း ''လူမှုအကျိုးပြု စီးပွားရေး ဆင်းရဲမွဲတေမှု တိုက်ဖျက်နိုင်'' ဟု ကျွန်ုပ် ကျူးရင့်မိပါသတည်း။ ။
Ref: Bangladesh social entrepreneur says microfinance could solve NZ problems.
ရန်ကုန် ဧပြီ ၂၉
