ရှမ်းပြည်နယ်(မြောက်ပိုင်း) သီပေါမြို့နယ် ကွန်ခိုက်ကျေးရွာ အုပ်စု ကုံးမုံကျေးရွာအနီး မန္တလေး-လားရှိုး-မူဆယ်သွား ပြည်ထောင်စုလမ်းမကြီး မိုင်တိုင် အမှတ်(၁၄၉/၂-၃)အကြား၌ ဧပြီ ၂၉ ရက် နံနက် ၄ နာရီခွဲက မန္တလေးမှ မူဆယ်သို့ သရက်သီး များတင်ဆောင်ပြီး ယာဉ်မောင်း ကိုမင်း မောင်းနှင်သော ခြောက်ဘီးကုန်တင်ယာဉ်သည် လမ်းကုန်းဆင်းတွင် အရှိန် မထိန်းနိုင်ဘဲ လမ်းယာဘက်သို့ တိမ်းမှောက်သွားသည်။
အဆိုပါ မော်တော်ယာဉ် တိမ်းမှောက်မှုကြောင့် ယာဉ် ပေါ်တွင် လိုက်ပါလာသော သိန္နီမြို့နယ်၌ နေထိုင်သူများ ဖြစ်သည့် ဒေါ်မာမာ(၄၃)နှစ် မှာ သေဆုံးသွားပြီး ညီညီအောင် (၃၂) နှစ်၊ ရဲအောင် (၃၂) နှစ်၊ ကျော်ကျော်နိုင်(၁၉)နှစ်၊ အောင် ရဲကို (၂၄)နှစ်၊ သက်ကိုဦး(၁၈) နှစ်၊ ကျော်ဝဏ္ဏ(၁၇)နှစ်၊ စိုင်းဟွန်း (၁၈) နှစ်နှင့် စိန်မင်း (၂၃)နှစ်တို့မှာ ထိခိုက်ဒဏ်ရာ များရရှိသဖြင့် ပြည်သူ့ဆေးရုံ၌ တက်ရောက်ကုသနေရသည်။
အခင်းဖြစ်ပွားရာသို့ ကျေးရွာ အုပ်ချုပ်ရေးမှူးနှင့် ရွာသားများ၊ အမှတ်(၁၂ဝ) ယာဉ်ထိန်း ရဲတပ်ဖွဲ့စု(သီပေါ) တပ်စိတ် ယာဉ်ထိန်းတာဝန်ခံ တပ်ကြပ် ကြီး ဝင်းဇော်လတ်နှင့်အဖွဲ့တို့က လိုအပ်သည်များကို ကူညီ ဆောင်ရွက်ပေးကြပြီး ယာဉ် မဆင်မခြင် မောင်းနှင်သည့် ယာဉ်မောင်း ကိုမင်းအား သီပေါရဲတပ်ဖွဲ့စခန်းမှ အရေးယူ အမှုဖွင့်ထားကြောင်း သိရသည်။
စိုင်း(သီပေါ)
No comments:
Post a Comment