နေပြည်တော် ဧပြီ ၂၉
မြန်မာ့မီးရထား ၂ဝ၁၆-၂ဝ၁၇ ခုနှစ် တတိယလေးလပတ် လုပ်ငန်းညှိနှိုင်း အစည်းအဝေးကို နေပြည်တော် ဘူတာကြီး မြန်မာ့မီးရထားရုံးချုပ်၌ ကျင်းပရာ ယမန်နေ့ မွန်းလွဲ ၃ နာရီက ပို့ဆောင်ရေးနှင့် ဆက်သွယ်ရေး ဝန်ကြီးဌာန ပြည်ထောင်စုဝန်ကြီး ဦးသန့်စင်မောင် တက်ရောက်အမှာစကား ပြောကြားသည်။
ပြည်ထောင်စုဝန်ကြီးက ပြည်သူကို အကျိုးပြုနိုင်ရေးအတွက် ရထားလမ်းများ ကောင်းမွန်ရေး၊ စက်ခေါင်းနှင့် ရထားတွဲ များ ကောင်းမွန်ရေး၊ ပြည်သူလူထုနှင့် ဆက်ဆံရာတွင် ယဉ်ကျေးပြေပြစ်စွာ ဆက်ဆံရေး၊ ဝန်ထမ်းများ ဆက်ဆံရေး ကောင်းမွန်ရေး၊ ရထားဥပဒေနှင့် နည်း ဥပဒေများကို နားလည်သဘောပေါက်ပြီး လိုက်နာရေး၊ ခရီးသည်နှင့် ကုန်စည်ပို့ ဆောင်ရေး၊ ဈေးကွက်၌ အခြားသယ်ယူ ပို့ဆောင်ရေးလုပ်ငန်းများနှင့် ယှဉ်ပြိုင်နိုင် အောင် ကြိုးစားကြရန်နှင့် စိတ်ဓာတ်နှင့် ခံယူချက်များပြောင်းလဲပြီး ပြည်သူလူထု အတွက် အမြဲစဉ်းစားလုပ်ဆောင် သွားကြရန်တို့ကို မှာကြားခဲ့ကြောင်း သိရသည်။
(သတင်းစဉ်)
No comments:
Post a Comment