ပြည်ထောင်စုဝန်ကြီး ဦးဝဏ္ဏမောင်လွင် ဦးဆောင်သော ကိုယ်စားလှယ်အဖွဲ့ အာဆီယံနိုင်ငံခြားရေးဝန်ကြီးများ သီးသန့်အစည်းအဝေးသို့ တက်ရောက်

နေပြည်တော် ဇန်နဝါရီ ၃ဝ 

 

မလေးရှားနိုင်ငံ ကိုတာကင်နာ ဘာလူးမြို့၌ ဇန်နဝါရီ ၂၇ ရက်နှင့် ၂၈ ရက်တို့တွင် ကျင်းပခဲ့သည့် အာဆီယံ နိုင်ငံခြားရေးဝန်ကြီးများ သီးသန့် အစည်းအဝေးသို့ တက်ရောက်ခဲ့သည့် ပြည်ထောင်စုဝန်ကြီး ဦးဝဏ္ဏမောင်လွင် ဦးဆောင်သော ကိုယ်စားလှယ်အဖွဲ့သည် မြန်မာနိုင်ငံသို့ ဇန်နဝါရီ ၃ဝ ရက်တွင် ပြန်လည်ရောက်ရှိသည်။

အာဆီယံနိုင်ငံခြားရေးဝန်ကြီးများ၏ သီးသန့်အစည်အဝေးကို အာဆီယံ ဥက္ကဋ္ဌ တာဝန်လွှဲပြောင်းထမ်းဆောင် ခဲ့သည့် မလေးရှားနိုင်ငံက ၂ဝ၁၅ ခုနှစ်အတွက် ပွဲဦးထွက်အစည်းအဝေးကို အိမ်ရှင်နိုင်ငံအဖြစ် လက်ခံကျင်းပရာ မလေးရှားနိုင်ငံ နိုင်ငံခြားရေး ဝန်ကြီးဌာနဝန်ကြီး ဒါတိုဆရီ အာနီဖာ ဟာဂျီအာမန် (Dato’ Sri Anifah Haji Aman) က သဘာ ပတိအဖြစ် ဆောင်ရွက်ခဲ့ပြီး အာဆီယံ အဖွဲ့ဝင်နိုင်ငံများမှ နိုင်ငံခြားရေး ဝန်ကြီးများနှင့် အာဆီယံအတွင်းရေးမှူးချုပ် မစ္စတာ လီယောင်မင်တို့ တက်ရောက်ခဲ့ကြသည်။

သီးသန့်အစည်းအဝေး၌ ၂ဝ၁၅ ခုနှစ်တွင် အာဆီယံဥက္ကဋ္ဌ မလေးရှား နိုင်ငံက ဦးစားပေးဆောင်ရွက်သွား မည့် လုပ်ငန်းစဉ်(၈)ရပ်ကို တင်ပြ ခဲ့ပြီး ၂ဝ၁၅ ခုနှစ်အကုန်တွင် အာဆီယံအသိုက်အဝန်း အောင်မြင်စွာ တည်ထောင်နိုင်ရေးအတွက် အကောင်အထည်ဖော်ရန် ကျန်ရှိနေသည့် လုပ်ငန်းစဉ်များကို ဆက်လက်ဆောင်ရွက်သွားရေး၊ အာဆီယံ အစည်းအဝေးများကို ပိုမိုထိရောက် သွက်လက်စွာ ကျင်းပနိုင်ရေးနှင့် အာဆီယံအတွင်းရေးမှူးချုပ်ရုံးကို အရည်အသွေးနှင့် စွမ်းအားတိုးမြှင့်ရေး၊ မြန်မာနိုင်ငံမှ အာဆီယံဥက္ကဋ္ဌ တာဝန် ယူစဉ်ကာလအတွင်း ထုတ်ပြန် ကြေညာခဲ့သည့် အာဆီယံအသိုက် အဝန်း ၂ဝ၁၅ အလွန် မျှော်မှန်းချက်ဆိုင်ရာ နေပြည်တော် ကြေညာစာတမ်းနှင့်အညီ အာဆီယံအသိုက် အဝန်း၂ဝ၁၅ ခုနှစ်အလွန် မျှော်မှန်းချက်ကို ရေးဆွဲနိုင်ရေးအတွက် ဖွဲ့စည်းမည့် အဆင့်မြင့်လုပ်ငန်း အဖွဲ့၏ လုပ်ငန်းတာဝန်သတ်မှတ် ချက်များကို အတည်ပြုချမှတ်ခြင်း၊ ဆွေးနွေးဖက်နိုင်ငံများနှင့် ဆက်ဆံရေးတွင် အာဆီယံကို ဗဟိုပြုအချက် အချာကျမှုကို ထိန်းသိမ်းဆောင်ရွက် သွားမည့်လုပ်ငန်းစဉ်များကို ဆွေးနွေး ခြင်း၊ အာဆီယံအသိုက်အဝန်းဖြစ်ပေါ် လာပြီးနောက်တွင် အာဆီယံနိုင်ငံ မြို့တော်များတွင် တူညီသည့် စံတော်ချိန် (ASEAN Common Time) သတ်မှတ်ရေး မလေးရှား နိုင်ငံ၏ အဆိုပြုချက်အပေါ် ဆွေးနွေး ခြင်းနှင့် ဒေသတွင်းနှင့် နိုင်ငံတကာ ရေးရာများနှင့်ပတ်သက်၍ အမြင်ချင်း ဖလှယ်မှုများကို ဆောင်ရွက်ခဲ့သည်။

အာဆီယံနိုင်ငံခြားရေးဝန်ကြီးများ သီးသန့်အစည်းအဝေးတွင် အီရတ်နိုင်ငံနှင့် ဆီးရီးယားနိုင်ငံများတွင် အကြမ်း ဖက်မှုများနှင့် လူမဆန်သည့်အပြုအမှု များကို ပြုလုပ်နေသော အစွန်းရောက် အကြမ်းဖက်အဖွဲ့အစည်းများ၏ လုပ်ရပ်များကို ပြစ်တင်ရှုတ်ချသည့် အာဆီယံ နိုင်ငံခြားရေးဝန်ကြီးများ ထုတ်ပြန်ချက်တစ်ရပ်ကိုလည်း အတည် ပြုထုတ်ပြန်ခဲ့သည်။

အစည်းအဝေး ကာလအတွင်း ပြည်ထောင်စုဝန်ကြီးသည် ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေး ဝန်ကြီး ဗိုလ်ချုပ်ကြီး တာနာဆပ် ပတီမာပရာဂွန် (H.E. General Thanasak Patimapragorn) နှင့် လည်းကောင်း၊ မလေးရှားနိုင်ငံ နိုင်ငံခြားရေးဝန်ကြီး ဒါတို ရှရီ အာနီဖာ ဟာဂျီ အာမန်နှင့်လည်းကောင်း သီးခြား တွေ့ဆုံခဲ့ပြီး နှစ်နိုင်ငံဆက်ဆံရေး ကိစ္စများကို ဆွေးနွေးခဲ့သည်။

ပြည်ထောင်စုဝန်ကြီး ဦးဝဏ္ဏ မောင်လွင်သည် ဇန်နဝါရီ ၂၉ ရက် တွင် မလေးရှားနိုင်ငံ၊ ကိုတာကီနာဘာ လူးမြို့မှ ကွာလာလမ်ပူမြို့သို့ ထွက်ခွာခဲ့ ပြီး ကွာလာလမ်ပူမြို့ရှိ မြန်မာသံရုံးတွင် မြန်မာသံအမတ်ကြီးနှင့်သံရုံးဝန်ထမ်း များနှင့်တွေ့ဆုံခဲ့ပြီး သံရုံး၏လုပ်ငန်းနှင့် မလေးရှားနိုင်ငံရှိ မြန်မာနိုင်ငံသားများ ၏ အကျိုးစီးပွားကို ကာကွယ်စောင့် ရှောက်ပေးရေးနှင့်ပတ်သက်၍ ဆွေးနွေး မှာကြားသည်။

(သတင်းစဉ်)

အန်ကောဝပ်ဘုရားကျောင်းတွင် ကိုယ်လုံးတီးဓာတ်ပုံများရိုက်ကူးခဲ့သော ပြင်သစ်နိုင်ငံသားများအား ဖမ်းဆီး

 

 

 

 

ဖနွမ်းပင် ဇန်နဝါရီ ၃ဝ

ကမ္ဘောဒီးယားနိုင်ငံ၏ ကမ္ဘာကျော်ဘုရားကျောင်းတစ်ခုဖြစ်သည့် အန်ကောဝပ်ဘုရားကျောင်းဝင်းထဲတွင် ဝတ်လစ်စလစ်ဓာတ်ပုံများ ရိုက်ခဲ့သည့် ပြင်သစ်နိုင်ငံသား သုံးဦးကို လုံခြုံရေးအရာရှိများက ဖမ်းဆီးခဲ့ကြောင်း သိရ သည်။

ဇန်နဝါရီ ၂၉ ရက်က အန်ကောဝပ်ဘုရားကျောင်းဝင်း ရှိ ''ဘန်တေကိတ်ဒ်'' ဘုရားထဲတွင် အဆိုပါ ပြင်သစ် နိုင်ငံသားသုံးဦးကို တွေ့ရှိခဲ့ကြောင်း အန်ကောဝပ်ဘုရား ကျောင်းထိန်းသိမ်းစောင့်ရှောက်ရေး အစိုးရအေဂျင်စီ အဖွဲ့၏ ပြောရေးဆိုခွင့်ရှိသူက အေအက်ဖ်ပီသတင်းဌာနသို့ ပြောကြားသည်။

''အန်ကောဝပ်ဟာ ဘာသာရေးဆိုင်ရာနေရာပါ။ သူတို့တွေရဲ့ အပြုအမူတွေနဲ့ လုံးဝမအပ်စပ်ပါ ဘူး''ဟု ၎င်းက ဆက်လက်ပြောသည်။

ဖမ်းဆီးခြင်းခံခဲ့ရသော နိုင်ငံခြားသားများသည် ပြင်သစ်လူမျိုးများဖြစ်ကြောင်း ယဉ်ကျေးမှုအမွေအနှစ် ထိန်းသိမ်းရေးလုံခြုံရေးအရာရှိတစ်ဦးက အတည်ပြု ပြောကြားခဲ့သည်။ ထိုကဲ့သို့ ယဉ်ကျေးမှုဆိုင်ရာ နေရာများ တွင် အချို့သောနိုင်ငံခြားသားများ၏ အပြုအမူများသည် ဒေသခံပြည်သူများကို စိတ်အနှောင့်အယှက်ဖြစ်စေသည်ဟု ¤င်းက ဆက်လက်ပြောသည်။

''သူတို့တွေရဲ့ အပြုအမူတွေက ယဉ်ကျေးမှုကို ထိခိုက်စေတယ်။ ဘယ်သူမှ ဘုရားကျောင်းဝင်းထဲမှာ ကိုယ်လုံးတီးဓာတ်ပုံရိုက်လို့မရပါဘူး'' ဟု ၎င်းက အေအက်ဖ်ပီသတင်းဌာနသို့ ပြောသည်။

ဘုရားကျောင်းဝင်းထဲတွင် အာရှမိန်းကလေးများအား ကိုယ်လုံးတီးဓာတ်ပုံရိုက်ကူးကာ အွန်လိုင်းသို့တင်ခဲ့ပြီး နောက် ရက်အနည်းငယ်အကြာတွင် ၎င်းတို့အား ဖမ်းဆီး ခဲ့ခြင်းဖြစ်သည်။ အန်ကောဝပ်ဘုရားကျောင်း ထိန်းသိမ်း စောင့်ရှောက်ရေးအစိုးရအေဂျင်စီက အဆိုပါ ပြင်သစ် နိုင်ငံသားသုံးဦးအား အမှုဖွင့်ထားသည်။ (အေပီ)

ယနေ့ ကြေးမုံစာတည်းရှုထောင့်

လူမှုစီးပွားဘဝအောင်မြင်ရေး

မြန်မာနိုင်ငံတွင် ဆင်းရဲနွမ်းပါးမှုနှုန်းကို ၂၆ ရာခိုင်နှုန်းမှ ၁၆ ရာခိုင်နှုန်းသို့ လျှော့ချမည်ဟု နိုင်ငံတော်က ရည်မှန်းထားသည်။ ထိုရည်မှန်းချက်ကို အကောင်အထည်ဖော်နိုင်ရန်အတွက် ပြည်သူအများစုနေထိုင်ရာ ကျေးလက်ဒေသများ ဖွံ့ဖြိုးရေးလုပ်ငန်းအား အလေးထားဆောင်ရွက်ပေးနေသည်ကို တွေ့ရပါသည်။

နိုင်ငံတော်က ကျေးလက်ဒေသနေပြည်သူများအတွက် ယနေ့ ဆောင်ရွက်ပေးနေမှုများကို မြင်တွေ့ရသည်မှာလည်း အားရဖွယ်ဖြစ်သည်။ ကျေးလက်နေပြည်သူများ၏ လိုအပ်ချက်မှာ အရင်းအနှီးဖြစ်သည်။ အရင်းအနှီးမရှိ၍သာ အလုပ်ကိုကောင်းစွာမလုပ်နိုင်ဘဲ လူမှုစီးပွားဘဝနိမ့်ကျ ရခြင်းဖြစ်သည်။ ထိုလိုအပ်ချက်များဖြစ်သည့် စိုက်ပျိုးမွေးမြူရေးနှင့် အိမ်တွင်းလုပ်ငန်းများအတွက် အသေးစားအရင်းအနှီး ထုတ်ချေးခြင်းနှင့် လယ်ယာသုံးပစ္စည်းများ အရစ်ကျရောင်းချခြင်းတို့ကို လုပ်ဆောင်ပေး လျက်ရှိနေသည်။

လောလောဆယ်တွင် အဆိုပါဆောင်ရွက်ပေးမှုများကို မန္တလေးတိုင်း ဒေသကြီးနှင့် စစ်ကိုင်းတိုင်းဒေသကြီးတို့တွင် အများဆုံးတွေ့ရသည်။ ယခုနှစ် မကုန်မီတွင်လည်း တစ်နိုင်ငံလုံးလွှမ်းခြုံကာ လယ်ယာသုံးစက်ကိရိယာများ အရစ်ကျထုတ်ပေးခြင်းနှင့် ချေးငွေစနစ်များကို အကောင်အထည်ဖော် ဆောင်ရွက်ပေးသွားမည်ဖြစ်ရာ ကျေးလက်နေပြည်သူများ လူမှုစီးပွားဘဝ ပိုမိုတိုးတက်လာမည်ဟု ယုံကြည်ပါသည်။

ချေးငွေများထုတ်ချေးရာတွင် တစ်ဦးချင်း၊ တစ်ယောက်ချင်းအတွက် ချေးမည်ဆိုလျှင် ၎င်း၏လူမှုစီးပွားအခြေအနေအရ ပြန်ဆပ်နိုင်သူရှိသလို အခက်အခဲများကြောင့် ပြန်မဆပ်နိုင်သူများလည်း ရှိတတ်သည်။ ထို့ကြောင့် ချေးငွေအရင်းအနှီးများကို အသင်းအဖွဲ့ဖြင့် ဆောင်ရွက်ခြင်းသည်သာ အကောင်းဆုံးဖြစ်သည်။ ပြည်သူများ ကျေးလက်သမဝါယမအသင်းများတွင် ပြည်သူများအသင်းသားအဖြစ်ပါဝင်ကာ စနစ်တကျဆောင်ရွက်ခြင်းဖြင့် ရေရှည် ဖွံ့ဖြိုးတိုးတက်စေမည်ဖြစ်သည်။

အသေးစားအရင်းအနှီးချေးငွေထုတ်ချေးရာတွင် သက်သာသော အတိုး နှုန်းထားဖြစ်၍ လေးငါးနှစ်အတွင်း ပြန်ဆပ်ရမည့် ဝန်ထုပ်ဝန်ပိုးလည်း မဖြစ်၍ လုပ်ငန်းလည်ပတ်အောင်သာ အသင်းသားများက ကြိုးပမ်းဆောင်ရွက်သင့် သည်။ ထိုကာလကျော်လွန်သောအခါ အသင်းသားပိုင်ရန်ပုံငွေဖြစ်လာပြီး ကျေးရွာတိုင်း ကျေးရွာတိုင်း ပြင်ပမှ ငွေချေးစရာမလိုတော့ဘဲ ကိုယ်ပိုင် အရင်းအနှီးဖြင့် ဆက်လက်ရပ်တည်ဆောင်ရွက်နိုင်မည်ဖြစ်သည်။

ယင်းသည် အခြေခံပြည်သူများ အကြွေးသံသရာမလည်ဘဲ မိမိဘာသာ ရပ်တည်နိုင်ရေးအတွက် ဆောင်ရွက်ပေးထားခြင်းဖြစ်သည်။ ဆင်းရဲမှုလျှော့ချ ရေးနှင့် တိုင်းပြည်စီးပွားဖွံ့ဖြိုးတိုးတက်ရေးအတွက် အတိတ်တစ်ချိန်က အားနည်းချက်များကို သင်ခန်းစာယူပြီး ယခုလက်ရှိတွင် အောင်မြင်အောင် ဆောင်ရွက်ကြဖို့အရေးကြီးသည်။

ကျေးလက်ပြည်သူများအနေဖြင့် အရင်းအနှီးတစ်မျိုးတည်း ရရုံဖြင့် မလုံလောက်သေးဘဲ စိုက်ပျိုးမွေးမြူရေးနှင့် ရောင်းဝယ်ဖောက်ကားရေး တို့အတွက် လိုအပ်သောပစ္စည်းများနှင့် လွတ်လပ်စွာဆောင်ရွက်နိုင်ဖို့ လည်း စဉ်ဆက်မပြတ်ဆောင်ရွက်ပေးသင့်သည်။ လုပ်ငန်းအပေါ်မူတည်၍ အောင်မြင်မှုအတိုင်းအတာအလိုက် လိုအပ်သော အရင်းအနှီးများကိုလည်း ဆက်လက်ထုတ်ချေးသင့်သည်။ ကုန်စည်ကူးသန်းရောင်းဝယ်ဖောက်ကားမှု အဆင်ပြေချောမွေ့ဖို့လည်း လိုအပ်သည်။

ထိုသို့ အဘက်ဘက်မှ ပြည့်စုံမှသာ ကျေးလက်နေပြည်သူများ ရေရှည် ဖွံ့ဖြိုးတိုးတက်ရေးကို ဦးတည်နိုင်မည်ဖြစ်သည်။ အကြွေးသံသရာ မလည် တော့ဘဲ ကြီးပွားချမ်းသာခြင်းသို့ ရောက်ရှိမည်ဖြစ်သည်။ နိုင်ငံတော် အစိုးရက အကောင်အထည်ဖော်ဆောင်ရွက်နေသော ကျေးလက်ဒေသ ဖွံ့ဖြိုးတိုးတက်ရေးနှင့် ဆင်းရဲနွမ်းပါးမှု လျှော့ချရေးလုပ်ငန်းစဉ်များလည်း ဧကန်မုချအောင်မြင်မည်ဟု ယုံကြည်ပါသည်။ ။

နိုင်ငံတော်သမ္မတ ဦးသိန်းစိန်အား ကိုရီးယားသမ္မတနိုင်ငံ ဘူဆန်အမျိုးသားတက္ကသိုလ်မှ ဂုဏ်ထူးဆောင်ပါရဂူဘွဲ့အပ်နှင်း

မြန်မာနိုင်ငံအတွက် ကြိုးပမ်းဆောင်ရွက်ခဲ့သည့် ပြုပြင်ပြောင်းလဲရေးလုပ်ငန်းများအားလုံးကို အားသွန်ခွန်စိုက် ကြိုးပမ်းပံ့ပိုးထမ်းဆောင်ခဲ့မှုများ အပေါ် အသိအမှတ်ပြုခြင်းဖြစ်

နေပြည်တော် ဇန်နဝါရီ ၃ဝ

နိုင်ငံတော်သမ္မတ ဦးသိန်းစိန်အား ကိုရီးယားသမ္မတနိုင်ငံ ဘူဆန်အမျိုးသားတက္ကသိုလ်မှ ဂုဏ်ထူးဆောင်ပါရဂူဘွဲ့အပ်နှင်းသည့် အခမ်းအနားကို ယနေ့ညနေ ၆ နာရီတွင် နေပြည်တော်ရှိ နိုင်ငံတော်သမ္မတအိမ်တော်သဘင် ဆောင်ခန်းမ၌ ကျင်းပသည်။

အဆိုပါအခမ်းအနားသို့ ဒုတိယသမ္မတ ဒေါက်တာစိုင်းမောက်ခမ်း၊ ပြည်ထောင်စုဝန်ကြီးများ၊ ဒုတိယဝန်ကြီးများ၊ ဘူဆန်အမျိုးသားတက္ကသိုလ်ဥက္ကဋ္ဌ မစ္စတာ ကီဆီအိုကင်မ်နှင့်အဖွဲ့ဝင်များ၊ ဖိတ်ကြားထားသူများနှင့် တာဝန်ရှိသူများ တက်ရောက်ကြသည်။

ရှေးဦးစွာ ဂုဏ်ထူးဆောင်ဘွဲ့ချီးမြှင့်ခြင်းနှင့်စပ်လျဉ်း၍ ဘူဆန်အမျိုးသား တက္ကသိုလ်ဥက္ကဋ္ဌ မစ္စတာ ကီဆီအိုကင်မ်က ဂုဏ်ပြုအမှာစကားပြောကြားသည်။

ထို့နောက် နိုင်ငံတော်သမ္မတအား ဘူဆန်အမျိုးသားတက္ကသိုလ် ဥက္ကဋ္ဌ မစ္စတာ ကီဆီအိုကင်မ်က ဂုဏ်ထူးဆောင်ပါရဂူဘွဲ့နှင့် ဂုဏ်ထူးဆောင်ပါရဂူဘွဲ့ လက်မှတ်တို့ကို ပေးအပ်ချီးမြှင့်သည်။

ယင်းနောက် နိုင်ငံတော်သမ္မတ ဦးသိန်းစိန်က ကျေးဇူးတင်စကားပြောကြားရာတွင် မြန်မာနိုင်ငံအတွက် ကြိုးပမ်းဆောင်ရွက်ခဲ့သည့် ပြုပြင်ပြောင်းလဲရေး လုပ်ငန်းများအားလုံးကို အားသွန်ခွန်စိုက်ကြိုးပမ်းပံ့ပိုးထမ်းဆောင်ခဲ့မှုများ အပေါ်အသိအမှတ်ပြုခံရသည့်အတွက် ကျေးဇူးတင်ဝမ်းမြောက်မိပါကြောင်း။

မိမိတို့အနေဖြင့် လွန်ခဲ့သည့် လေးနှစ်ခန့်ကာလအတွင်း ပြုပြင်ပြောင်းလဲ ရေးလုပ်ငန်းများကို ဆောင်ရွက်ခဲ့ရာတွင် မိမိတို့၏ ကြိုးပမ်းဆောင်ရွက်မှု၊ ဌာနဆိုင်ရာ အဖွဲ့အစည်းနှင့် တာဝန်ရှိသူများ၏ ပူးပေါင်းဆောင်ရွက်မှုများကြောင့် အပြုသဘောဆောင်သည့် ပြောင်းလဲမှုများ အများအပြားရှိလာပြီး နယ်ပယ် အသီးသီးတွင် ဆောင်ရွက်ခဲ့သည့် ပြုပြင်ပြောင်းလဲမှုများအတွက် အပြည်ပြည် ဆိုင်ရာနှင့် ဒေသဆိုင်ရာ အသိုင်းအဝိုင်းများ၏ အသိအမှတ်ပြုမှု၊ လက်ခံအားပေးမှုနှင့် ထောက်ခံပံ့ပိုးမှုများ ရရှိခဲ့ပါကြောင်း။

မိမိ၏ သမ္မတသက်တမ်းကာလအတွင်း စိန်ခေါ်မှုမျိုးစုံ ကြုံတွေ့ခဲ့ရပြီး လက်ရှိတွင် ကြုံတွေ့နေရဆဲဖြစ်သော်လည်း အဆိုပါ စိန်ခေါ်မှုများကို မိမိတို့ အောင်မြင်စွာကျော်လွှားနိုင်ခဲ့ကြပြီး ထူးခြားလေးနက်သည့် အတွေ့အကြုံ များလည်း ရရှိခဲ့ပါကြောင်း၊ ၂ဝ၁၁ ခုနှစ်အတွင်း မိမိ၏ အစိုးရအဖွဲ့နှင့်အတူ တာဝန်ထမ်းဆောင်ချိန်မှစ၍ မြန်မာနိုင်ငံအတွက် စီးပွားရေးဖွံ့ဖြိုးတိုးတက်မှုနှင့် ဒီမိုကရေစီစနစ် ထွန်းကားလာစေရန်အတွက် အခြေခံအုတ်မြစ်များ ချပေး ခဲ့ရာ နိုင်ငံရေး၊ စီးပွားရေး၊ လူမှုရေးနှင့် အုပ်ချုပ်ရေးနယ်ပယ်များတွင် ပြုပြင် ပြောင်းလဲရေးလုပ်ငန်းများကို တစ်ဆင့်ပြီးတစ်ဆင့် ကြိုးပမ်းဆောင်ရွက်ခဲ့ပါကြောင်း။

လွှတ်တော်များ၊ နိုင်ငံရေးပါတီများနှင့် အမြော်အမြင်ကြီးမားသည့် ပြည်သူလူထု၏ ပူးပေါင်းဆောင်ရွက်မှုများကြောင့် ဒီမိုကရေစီစနစ်ကို ကူးပြောင်းရေး၊ စီးပွားရေးနှင့် လူမှုရေးပြုပြင်ပြောင်းလဲမှု၊ အုပ်ချုပ်ရေးယန္တရား ပြုပြင် ပြောင်းလဲမှုနှင့် ပုဂ္ဂလိကကဏ္ဍ ဖွံ့ဖြိုးမှုအစီအစဉ်များသည် ချောမွေ့ညင်သာစွာ တစ်ဆင့်ပြီးတစ်ဆင့် ပြီးစီးအောင်မြင်လာပြီဖြစ်ပါကြောင်း။

ဒီမိုကရေစီစနစ်ကို ပြောင်းလဲရောက်ရှိရေးတွင် ယင်းအရှိန်ဖြင့်ပင် ရွေ့လျားပြောင်းလဲနေပြီး စီးပွားရေးတွင်လည်း ကဏ္ဍအတော်များများ၌ တိုးတက်အောင်မြင်နေသည်ကို တွေ့မြင်ရမည် ဖြစ်ပါကြောင်း၊ လူမှုဘဝအဆင့်အတန်း မြင့်မားတိုးတက်ရေးနှင့် လူ့စွမ်းအားအရင်းအမြစ် ဖွံ့ဖြိုးမှုနှင့် စွမ်းဆောင်ရည် မြင့်မားရေးတို့အတွက်လည်း ကြိုးပမ်းနေပါကြောင်း၊ လက်ရှိတွင် မြန်မာနိုင်ငံသည် ခေတ်မီဖွံ့ဖြိုးပြီး ဒီမိုကရေစီကျင့်သုံးသည့် နိုင်ငံတစ်နိုင်ငံအဖြစ် တည်ဆောက်ရေးအတွက် မဟာဗျူဟာကျသည့် ရည်မှန်းချက်များနှင့် ဒီမို ကရေစီလမ်းကြောင်းပေါ် ရောက်ရှိနေပြီ ဖြစ်ပါကြောင်း။

မိမိသမ္မတအဖြစ် တာဝန်ယူဆောင်ရွက်စဉ်အတွင်း ယခုကဲ့သို့ အရေးပါသည့် အချိန်ကာလတွင် မြန်မာနိုင်ငံကိုဦးဆောင်ပြီး ကမ္ဘာ့စင်မြင့်ပေါ် ပြန်လည် ရောက်ရှိအောင် အရေးပါသည့်ကဏ္ဍမှ ပါဝင်ဆောင်ရွက်နေပါကြောင်း၊ ကမ္ဘာ့ နိုင်ငံ အသီးသီးနှင့်လည်း ချစ်ကြည်ရင်းနှီးသည့် ဆက်ဆံရေးများတိုးမြှင့် တည်ဆောက်နိုင်ခဲ့ပြီး အပြန်အလှန်အကျိုးဖြစ်ထွန်းစေမည့် ပူးပေါင်းဆောင်ရွက် မှုများကိုလည်း မြှင့်တင်ဆောင်ရွက်လျက်ရှိပါကြောင်း၊ အာဆီယံဥက္ကဋ္ဌအဖြစ် တာဝန်ထမ်းဆောင်စဉ်တွင် ငြိမ်းချမ်းရေး၊ တည်ငြိမ်ရေးနှင့် သာယာဝပြောရေး တို့အပေါ် အလေးထားအခြေခံသည့် အမျိုးသားအကျိုးစီးပွားကို ဖော်ဆောင် နိုင်ခဲ့ပြီး ဒေသတွင်း ငြိမ်းချမ်းရေး၊ တည်ငြိမ်ရေးနှင့် ဖွံ့ဖြိုးမှုတို့အတွက်လည်းများစွာ အထောက်အကူပြုနိုင်ခဲ့ပါကြောင်း၊ အာဆီယံအဖွဲ့ကြီးအား တာဝန်ကျေပွန် သည့် အဖွဲ့ဝင်နိုင်ငံ တစ်နိုင်ငံအဖြစ် ဦးဆောင်ဦးရွက်ပြုနိုင်ခဲ့ခြင်းသည် မိမိတို့၏ တာဝန်ကို ကျေပွန်စွာ ထမ်းရွက်နိုင်ခဲ့ခြင်းဖြစ်ပြီး အမျိုးသားရေးဂုဏ်သိက္ခာကိုလည်း ပြသနိုင်ခဲ့ခြင်းဖြစ်ပါကြောင်း။

မြန်မာပြည်သူများအနေဖြင့် ငြိမ်းချမ်းရေး၊ တည်ငြိမ်ရေးနှင့် ဖွံ့ဖြိုးမှုများကို ရရှိခံစားလိုသည့် တူညီဆန္ဒများ ရှိနေကြသကဲ့သို့ ငြိမ်းချမ်းရေးနှင့် ဖွံ့ဖြိုး သာယာမှုသည်လည်း ဒွန်တွဲနေသည်ဟု ယုံကြည်ပါကြောင်း၊ တိုင်းပြည်အတွင်း၌ ရေရှည်ငြိမ်းချမ်းမှုမရှိဘဲ ဖွံ့ဖြိုးမှုနှင့် သာယာဝပြောမှုများကို တည်ဆောက် ဖန်တီးရန် ရနိုင်မည်မဟုတ်ပါကြောင်း၊ ငြိမ်းချမ်းရေးလုပ်ငန်းစဉ်နှင့် ပတ်သက်သည့် တာဝန်ရှိသူများ၊ အဖွဲ့အစည်းများအနေဖြင့် စိတ်အားထက်သန်ကြပြီး နိုင်ငံရေးစေတနာနှင့် ပူးပေါင်းဆောင်ရွက်လျက်ရှိသောကြောင့် ငြိမ်းချမ်းရေး လုပ်ငန်းစဉ်ကြီးသည် မဝေးတော့သည့်အနာဂတ်တွင် အောင်မြင်မှုရရှိမည် ဖြစ်ပါကြောင်း။

ဘူဆန်အမျိုးသားတက္ကသိုလ်က ချီးမြှင့်အပ်နှင်းသည့် ဂုဏ်ထူးဆောင် ပါရဂူဘွဲ့သည် မိမိတို့အစိုးရအဖွဲ့ဝင်များ၏ ပူးပေါင်းဆောင်ရွက်မှုမပါဘဲ ရရှိနိုင်မည်မဟုတ်ပါကြောင်း၊ မိမိတို့အနေဖြင့် ငြိမ်းချမ်းရေး၊ တည်ငြိမ်ရေးနှင့် စီးပွားရေးဖွံ့ဖြိုးတိုးတက်မှုများ ရရှိစေရန်နှင့် မိမိတို့တိုင်းပြည်၏ နိုင်ငံရေးနှင့် စီးပွားရေးဖွံ့ဖြိုးတိုးတက်မှုအတွက် ဆက်လက်ဆောင်ရွက်သွားကြရန် ရည်မှန်းချက်ထားရှိပါကြောင်း။

ကိုရီးယားသမ္မတနိုင်ငံနှင့် မြန်မာနိုင်ငံအကြား ချစ်ကြည်ရင်းနှီးသည့် ဆက်ဆံရေးတိုးတက်ကောင်းမွန်ပြီး အပြန်အလှန် အကျိုးဖြစ်ထွန်းမည့် ပူးပေါင်း ဆောင်ရွက်မှုများ ဆက်လက်ဆောင်ရွက်နိုင်မည်ဟု အခိုင်အမာယုံကြည်ပါ ကြောင်း၊ ဘူဆန်အမျိုးသားတက္ကသိုလ်အနေဖြင့် မြန်မာနိုင်ငံ၏ ပညာရေးကဏ္ဍ ဖွံ့ဖြိုးတိုးတက်ရေးနှင့် လူ့စွမ်းအားအရင်းအမြစ်များ ဖွံ့ဖြိုးရေးတို့အတွက် ဆောင်ရွက်နိုင်မည်ဟု ယုံကြည်ပါကြောင်း၊ ကိုရီးယားသမ္မတနိုင်ငံတွင်ရှိသည့် အခြားတက္ကသိုလ်များနှင့်လည်း ပူးပေါင်းဆောင်ရွက်နိုင်ရန် မျှော်လင့်ပါကြောင်း။

ယခု ဂုဏ်ထူးဆောင်ပါရဂူဘွဲ့သည် မိမိတို့၏ နိုင်ငံတော်နှင့် ပြည်သူများ အတွက် ကြိုးပမ်းအားထုတ်မှုများ၊ ဝိုင်းဝန်းပံ့ပိုးဆောင်ရွက်မှုများ၊ စိတ်ရော ကိုယ်ပါ မြှုပ်နှံဆောင်ရွက်မှုများအတွက် အသိအမှတ်ပြုခြင်းဖြစ်သောကြောင့် ဘူဆန်အမျိုးသားတက္ကသိုလ်က အပ်နှင်းသည့် ဂုဏ်ထူးဆောင်ပါရဂူဘွဲ့ကို အလေးအနက် တန်ဖိုးထားပါကြောင်းဖြင့် ပြောကြားသည်။

ထို့နောက် နိုင်ငံတော်သမ္မတသည် အခမ်းအနားသို့ တက်ရောက်လာကြသူ များနှင့်အတူ စုပေါင်း၍ မှတ်တမ်းတင်ဓာတ်ပုံရိုက်ကူးခဲ့ပြီး ဘူဆန်အမျိုးသား တက္ကသိုလ် ဥက္ကဋ္ဌ မစ္စတာ ကီဆီအိုကင်မ်နှင့် အဖွဲ့ဝင်များအား မြန်မာနိုင်ငံမှ ပါမောက္ခချုပ်၊ ဒုတိယပါမောက္ခချုပ်၊ ပါမောက္ခများနှင့် မိတ်ဆက်ပေးကာ ညစာစားပွဲဖြင့် တည်ခင်းဧည့်ခံခဲ့သည်။


(သတင်းစဉ်)

နိုင်ငံတော်သမ္မတ၏ ထူးခြားပြောင်မြောက်စွာ ဦးဆောင်ဦးရွက်ပြုနိုင်ခဲ့မှုကြောင့် ဂုဏ်ထူးဆောင်ပါရဂူဘွဲ့ချီးမြှင့်ခြင်းဖြစ်

 

 

 

 

 

နေပြည်တော် ဇန်နဝါရီ ၃ဝ

ကိုရီးယားသမ္မတနိုင်ငံ ဘူဆန်အမျိုးသားတက္ကသိုလ်က တွေးခေါ်မြော်မြင်မှုဆိုင်ရာ ဂုဏ်ထူးဆောင်ပါရဂူဘွဲ့ကို ယနေ့ညနေပိုင်းက နိုင်ငံတော်သမ္မတ ဦးသိန်းစိန်အား ပေးအပ်ချီးမြှင့်ခဲ့သည်။

နိုင်ငံတော်သမ္မတသည် ဒီမိုကရေစီစနစ်သို့ ကူးပြောင်း ရေးအတွက် ပြုပြင်ပြောင်းလဲလိုစိတ်၊ ပွင့်လင်းမှုဖြင့် ဆောင်ရွက်ခဲ့မှုတို့နှင့်အတူ ထူးခြားပြောင်မြောက်စွာ ဦးဆောင်ဦးရွက်ပြုခဲ့မှုကို ပြသနိုင်ခဲ့သည့် သမ္မတတစ်ဦး ဖြစ်သည်။ နိုင်ငံတော်သမ္မတ၏ ဆန်းသစ်ပြောင်းလဲမှု များသည် ပြည်တွင်း၌သာမက ကမ္ဘာ့အသိုင်းအဝိုင်း၌ပါ ထင်ရှားခဲ့ခြင်းကြောင့် ၂ဝ၁၂ ခုနှစ်တွင် ထုတ်ဝေခဲ့သည့် တိုင်းမ်မဂ္ဂဇင်း၏ သြဇာတိက္ကမအရှိဆုံးပုဂ္ဂိုလ်(၁ဝဝ)စာရင်းတွင် ရွေးချယ်ဖော်ပြခြင်းခံခဲ့ရသည်။

ထို့ပြင် ပြည်ပရင်းနှီးမြှုပ်နှံမှုများပြုလုပ်နိုင်အောင် ဆောင်ရွက်ခြင်း၊ လျှပ်စစ်မီးမလုံလောက်မှု၊ လမ်းပန်း ဆက်သွယ်မှု၊ အလုပ်အကိုင်အခွင့်အလမ်းရရှိရေး၊ ကြားဖြတ် ရွေးကောက်ပွဲကျင်းပပေးနိုင်ခြင်း၊ လွတ်ငြိမ်းချမ်းသာ ခွင့်ပြုခြင်း၊ အပစ်အခတ်ရပ်စဲရေးအတွက် ဆောင်ရွက် ခြင်းတို့ကို ဖြေရှင်းဆောင်ရွက်နိုင်ခဲ့သည်။

အလားတူ နိုင်ငံတော်သမ္မတအနေဖြင့် အမေရိကန် ပြည်ထောင်စု၊ ဥရောပသမဂ္ဂတို့နှင့် ဆက်ဆံရေးကို ကောင်းမွန်အောင်ပြန်လည်ထူထောင်ကာ မြန်မာနိုင်ငံ အပေါ် ချမှတ်ထားသည့် နိုင်ငံတကာပိတ်ဆို့မှုများကို ပယ်ဖျက်စေနိုင်ခဲ့သည်ကို တွေ့ရှိရသည့်အတွက် ယခု ဂုဏ်ထူးဆောင်ပါရဂူဘွဲ့ကို ချီးမြှင့်ရခြင်းဖြစ်ကြောင်း ဘူဆန်အမျိုးသားတက္ကသိုလ်ဥက္ကဋ္ဌ မစ္စတာ ကီဆီအိုကင်မ် ၏ပြောကြားချက်အရ သိရသည်။

(ဝဝ၉)

နိုင်ငံခြားရင်းနှီးမြှုပ်နှံမှုပမာဏ အမေရိကန်ဒေါ်လာ ၂ ဒသမ ၄၅၃၂ ဘီလီယံရှိ မဒဲကျွန်းရေနံတင်ဆိပ်ကမ်းဖွင့်

 

 

 

 

နေပြည်တော် ဇန်နဝါရီ ၃ဝ

စွမ်းအင်ဝန်ကြီးဌာန မြန်မာ့ရေနံနှင့် သဘာဝဓာတ်ငွေ့ လုပ်ငန်းနှင့် တရုတ်ပြည်သူ့သမ္မတနိုင်ငံ CNPC ကုမ္ပဏီတို့ အကျိုးတူပူးပေါင်းဆောင်ရွက်သော ရခိုင်ပြည်နယ် မဒဲကျွန်း ရေနံတင်ဆိပ်ကမ်းဖွင့်ပွဲနှင့် အရှေ့တောင်အာရှ ရေနံစိမ်းပိုက်လိုင်း ကနဦးလုပ်ငန်းများ စတင်ခြင်းအခမ်းအနားကို ယနေ့နံနက် ၁၁ နာရီက ရခိုင်ပြည်နယ် ကျောက်ဖြူမြို့နယ် မဒဲကျွန်းတွင် ကျင်းပရာ ပြည်ထောင်စုဝန်ကြီး ဦးဇေယျာအောင်၊ ဦးခင်မောင်စိုး၊ ဦးဥာဏ်ထွန်းအောင်၊ ဦးဝင်းထွန်း၊ ဦးခင်ရီ၊ ရခိုင်ပြည်နယ် ဝန်ကြီးချုပ် ဦးမောင်မောင်အုန်း၊ ဒုတိယဝန်ကြီးများ၊ တရုတ်နိုင်ငံသံအမတ်ကြီး မစ္စတာယန်ဟို့လန်နှင့် China National Petroleum Corporation (CNPC) ဥက္ကဋ္ဌ Mr. Laio Yongyan၊ South-East Asia Pipeline Company Limited ဥက္ကဋ္ဌMr.Jiang Changliang နှင့် အဖွဲ့ဝင်များ၊ ဌာနဆိုင်ရာ တာဝန်ရှိသူများနှင့် ဖိတ်ကြားထားသူများ တက်ရောက်ကြသည်။

ရှေးဦးစွာ ပြည်ထောင်စုဝန်ကြီး ဦးဇေယျာအောင်က ယခုစီမံကိန်းကို ၂ဝ၁၁ ခုနှစ်မှ စတင်ဆောင်ရွက်ခဲ့ရာ ၂ဝ၁၅ ခုနှစ် နှစ်ဦးပိုင်းတွင် လုပ်ငန်းများ ဆောင်ရွက်ပြီးစီးခဲ့ကြောင်း၊ ရေနံတင် ဆိပ်ကမ်းကို တည်ဆောက်ရခြင်းရည်ရွယ်ချက်မှာ ပြည်ပနိုင်ငံများမှ ရောက်ရှိလာသည့် ရေနံစိမ်းများကို ကျောက်ဖြူမြို့နယ် မဒဲကျွန်းတွင် ရေနံချခြင်းလုပ်ငန်းများ ဆောင်ရွက်နိုင်ရန် တည်ဆောက်ခဲ့ခြင်းဖြစ်ကြောင်း၊ ဤဆိပ်ကမ်းတွင် ရေနံစိမ်း တန်ချိန် ၃ဝဝဝဝဝ ဆံ့ သင်္ဘောကြီးများ ဆိုက်ကပ်နိုင်အောင် တည်ဆောက်ခဲ့ခြင်းဖြစ်ကြောင်း၊ ထို့အပြင် အရှေ့တောင်အာရှ ရေနံစိမ်းပိုက်လိုင်းသည် ရခိုင်ပြည်နယ် မဒဲကျွန်းမှစတင်ကာ ပြည်နယ်နှင့် တိုင်းဒေသကြီး လေးခုကို ဖြတ်သန်း၍ မြန်မာနိုင်ငံ နယ်စပ်ရှိ နမ့်ခမ်းမြို့အထိ အချင်း ၃၂ လက်မ၊ အရှည် ၇၇၁ ကီလိုမီတာခန့် ဆက်သွယ်ဆောင်ရွက်ထားခြင်းဖြစ်ကြောင်း၊ အဆိုပါ အရှေ့တောင်အာရှ ရေနံစိမ်းပိုက်လိုင်းနှင့် မဒဲကျွန်း ရေနံဆိပ်ကမ်းနှင့် ပိုက်လိုင်းစီမံကိန်းကို နိုင်ငံခြားရင်းနှီးမြှုပ်နှံမှု ပမာဏ အမေရိကန်ဒေါ်လာ ၂ ဒသမ ၄၅၃၂ ဘီလီယံ ရင်းနှီး မတည်တည်ဆောက်ခဲ့ပြီး နိုင်ငံတော်က အမေရိကန်ဒေါ်လာ ၁ ဒသမ ၂ဝ၄ ဘီလီယံ ပါဝင်ခဲ့ကြောင်း၊ လုပ်ငန်းစီမံကိန်းကာလမှာ နှစ်ပေါင်း ၃ဝ ဖြစ်ပြီး နှစ်စဉ်ရေနံစိမ်းတန်ချိန် ၂၂ သန်းခန့်ကို သယ်ဆောင်မှာဖြစ်ပြီး တရုတ်နိုင်ငံနှင့် ပြည်တွင်းသုံးစွဲမှုအတွက် ခွဲဝေပို့လွှတ်သွားမှာဖြစ်ကြောင်း၊ ဆိပ်ကမ်းကြီးနှင့် ရေနံပိုက်လိုင်း တစ်လျှောက် ရေနံယိုဖိတ်မှုမရှိစေရန်နှင့် ရေနံယိုဖိတ်မှုများကို ထိန်းသိမ်းနိုင်စေရန် အစီအမံများအပြင် မီးဘေးကာကွယ်ရေး အစီအမံများကိုလည်း နိုင်ငံတကာအဆင့်မီ ထည့်သွင်းစီမံဆောင် ရွက်ထားကြောင်း၊ ထို့အပြင် နိုင်ငံတကာအဆင့်မီကုမ္ပဏီများကို ငှားရမ်းပြီး စနစ်တကျ အချက်အလက်ကောက်ယူကာ ပတ်ဝန်းကျင်ထိန်းသိမ်းရေးစီမံချက်များ ပြုစုထုတ်ဝေခြင်း၊ ပတ်ဝန်းကျင်ထိန်းသ်ိမ်းရေးအတွက် စောင့်ကြည့်ရေးအစီအမံများ ချမှတ်ခြင်းကိုလည်း စနစ်တကျ ဆောင်ရွက်ထားကြောင်း၊ ထို့အပြင်
မဒဲကျွန်းပေါ်တွင် ရေနံတင်ဆိပ်ကမ်း တည်ဆောက်ခြင်းနှင့်အတူ ဒေသနေ ပြည်သူများ သုံးစွဲနိုင်မည့် ရေလှောင် တမံတစ်ခု တည်ဆောက်ပြီး မဒဲကျွန်းပေါ်ရှိ ကျေးရွာများသို့ ပိုက်လိုင်းသွယ်တန်းပြီး ရေပေးဝေခဲ့ကြောင်း၊ ဤ စီမံကိန်းသည် တရုတ်ပြည်သူ့သမ္မတ နိုင်ငံသို့ ရေနံစိမ်းများပို့လွှတ်ပေးနိုင် ရုံမက ပြည်တွင်းသုံးစွဲမှုအတွက်ပါ ခွဲဝေပို့လွှတ်သွားမှာဖြစ်သည့်အတွက် နှစ်နိုင်ငံလုံး ဖွံ့ဖြိုးတိုးတက်ရေးအတွက် အကျိုးပြုပေးကြောင်း၊ ထို့အပြင် ဒေသနေပြည်သူများကိုလည်း အကျိုးဖြစ်ထွန်းစေမည် ဖြစ်သည့်အတွက် နှစ်ဦးနှစ်ဖက်အကျိုးဖြစ်ထွန်းစေရန် အလုပ်အကိုင် အခွင့်အလမ်းများ ရရှိစေခြင်း၊ ဒေသအလိုက် လူမှုစီးပွား ကူညီထောက်ပံ့မှုများကြောင့် ပညာရေး၊ ကျန်းမာရေးကဏ္ဍများတွင် တိုးတက် ဖွံ့ဖြိုးစေခြင်း အကျိုးကျေးဇူးများ တစ်စတစ်စ ဖြစ်ထွန်းနေသည်ကို တွေ့မြင်လာရပြီဖြစ်ကြောင်း၊ ပြည်နယ် နှင့်တိုင်းဒေသကြီးလေးခုတွင် ကျန်းမာ ရေးကဏ္ဍ၊ လူမှုစီးပွားရေးကဏ္ဍနှင့် အခြေခံအဆောက်အအုံကဏ္ဍများတွင် ပါဝင်သော စာသင်ကျောင်း၊ ဆေးပေးခန်း၊ ရေကန်၊ လျှပ်စစ်မီး သွယ်တန်းခြင်း၊ လမ်းပန်းဆက်သွယ် ရေး စသည်တို့ကို စီမံကိန်းစတင်ချိန် ၂ဝ၁၂ ခုနှစ်မှ စတင်၍ ယခုအချိန် အထိ စုစုပေါင်း အမေရိကန်ဒေါ်လာ ၁၃ ဒသမ ၂၆ သန်းအကုန်အကျခံ နှစ်စဉ်ပံ့ပိုးကူညီပေးခဲ့ကြောင်း'' ပြော ကြားခဲ့သည်။

ထို့နောက် CNPC ဥက္ကဋ္ဌက ဝမ်းမြောက်စကားပြောကြားသည်။

ယင်းနောကSouth-East Asia Pipeline Company Limited မှ ဥက္ကဋ္ဌက မဒဲကျွန်းရေနံတင်ဆိပ်ကမ်း ကို ဖွင့်လှစ်ရန် အသင့်ဖြစ်ကြောင်း ကြေညာရာ ပြည်ထောင်စုဝန်ကြီး ဦးဇေယျာအောင်၊ ပြည်နယ်ဝန်ကြီးချုပ် ဦးမောင်မောင်အုန်း၊ ဒုတိယဝန်ကြီး ဦးအောင်ထူး၊ တရုတ်နိုင်ငံသံအမတ် ကြီး၊CNPC ကုမ္ပဏီဥက္ကဋ္ဌနှင့် etro-China ကုမ္ပဏီမှ Vice President ဖြစ်သူ Madam Wong Li Hua တို့က မဒဲကျွန်းရေနံဆိပ်ကမ်းကို ဖဲကြိုးဖြတ် ဖွင့်လှစ်ပေးကြသည်။

ထို့နောက် ပြည်ထောင်စုဝန်ကြီး ဦးဇေယျာအောင်၊ ပြည်နယ်ဝန်ကြီးချုပ် ဦးမောင်မောင်အုန်း၊ သံအမတ်ကြီး မစ္စတာယန်ဟို့လန်နှင့် CNPC ကုမ္ပဏီဥက္ကဋ္ဌ Mr. Laio Yongyan တို့သည် ရေနံပို့လွှတ်သည့်Valve ကို လှည့်၍ဖွင့်လှစ်ပေးကြသည်။

ယင်းနောက် ပြည်ထောင်စုဝန်ကြီး ဦးဇေယျာအောင်က မဒဲကျွန်း ရေနံတင်ဆိပ်ကမ်း ကမ္ပည်းမော်ကွန်း ကြေးပြားကို စက်ခလုတ်နှိပ်ဖွင့်လှစ်ပေးပြီး မဒဲကျွန်းရေနံဆိပ်ကမ်းအတွင်း မော်တော်ယာဉ်များဖြင့် လှည့်လည် ကြည့်ရှုကြသည်။

ထို့နောက်ဖွင့်ပွဲအထိမ်းအမှတ်အဖြစ် ပြည်ထောင်စုဝန်ကြီး ဦးဇေယျာအောင် က ယုဇနပင်ကို လည်းကောင်း၊ပြည်နယ် ဝန်ကြီးချုပ် ဦးမောင်မောင်အုန်းက အင်ကြင်းပင်ကို လည်းကောင်း၊ တရုတ်နိုင်ငံ သံအမတ်ကြီးနှင့် CNPC ဥက္ကဋ္ဌတို့က တည်ပင်ကို လည်းကောင်း အမှတ်တရ စိုက်ပျိုးပေးခဲ့ကြောင်း သိရသည်။

(သတင်းစဉ်)

မြန်မာနိုင်ငံရဲတပ်ဖွဲ့ ဒုရဲအုပ်လောင်းသင်တန်းဆင်းပွဲကျင်းပ

 

 

 

 

မန္တလေး ဇန်နဝါရီ ၃ဝ

မြန်မာနိုင်ငံရဲတပ်ဖွဲ့ ရဲအရာရှိ လေ့ကျင့်ရေးကျောင်း ဒုတိယရဲအုပ် လောင်းသင်တန်း အမှတ်စဉ် (၇၈/ ၂ဝ၁၄) ရဲဗလတပ်ခွဲသင်တန်းဆင်းပွဲ အခမ်းအနားကို ယနေ့နံနက် ၇ နာရီခွဲ တွင် မန္တလေးတိုင်းဒေသကြီး ပြင်ဦး လွင်မြို့နယ် ဇီးပင်ကြီးရှိ ရဲအရာရှိ လေ့ကျင့်ရေးကျောင်း စစ်ရေးပြကွင်း၌ ကျင်းပသည်။

ရှေးဦးစွာ မြန်မာနိုင်ငံရဲတပ်ဖွဲ့ရဲချုပ် ရဲချုပ်ဇော်ဝင်းက ဒုတိယရဲအုပ်လောင်း များ၏ အလေးပြုခြင်းကိုခံယူပြီး သင်တန်း ဆင်းတပ်ခွဲများကို စစ်ဆေးခဲ့သည်။ ထို့နောက် သင်တန်းဆင်းတပ်ခွဲများမှ ဒုတိယရဲအုပ်လောင်းများက ရဲချုပ်အား အနှေးလျှောက်၊ အမြန်လျှောက် ဖြင့် ချီတက်အလေးပြုပြီးနောက်ရဲချုပ် က ရဲဗလတပ်ခွဲမှ အကောင်းဆုံး ကျောင်းသားဆု၊ လေ့ကျင့်ရေး ထူးချွန်ဆု၊ ဥပဒေဘာသာရပ်ထူးချွန်ဆု၊ ကွန်ပျူတာဘာသာရပ် ထူးချွန်ဆု၊ အင်္ဂလိပ်စာဘာသာရပ် ထူးချွန်ဆု ရရှိသူများအား ဆုချီးမြှင့်သည်။

ယင်းနောက် ရဲချုပ်က အမှာစကား ပြောကြားရာတွင် ပြည်သူတို့သည် ဘဝ တည်ငြိမ်အေးချမ်းစေရန် မြန်မာနိုင်ငံ ရဲတပ်ဖွဲ့သည် တရားဥပဒေစိုးမိုးရေး အတွက် ပင်မတာဝန်ရှိသည်နှင့်အညီ တရားဥပဒေစိုးမိုးရေးကို ရည်မှန်းချက် တာဝန်အဖြစ် ဆောင်ရွက်လျက်ရှိကြောင်း။

ပြည်သူလူထုအတွက် အေးချမ်း သာယာပြီး ဘေးကင်းလုံခြုံမှုရှိမည့် အနာဂတ်ဆီသို့ ဦးတည်ဆောင်ရွက် ရာတွင် ပြောင်းလဲတိုးတက်လာသော ခေတ်ကာလအခြေအနေအလိုက် ဖြစ် ပေါ်လာသည့်မှုခင်းများ၊ အထူးသဖြင့် ပြည်သူများ အထိတ်တလန့်ဖြစ် စေမည့် မှုခင်းများနှင့် အကြမ်းဖက် မှုများကို ကြိုတင်ကာကွယ်တားဆီး သွားကြရန် မှာကြားလိုကြောင်း။

ပြည်တွင်းပဋိပက္ခများနှင့် အကြမ်း ဖက်မှုများကို တားဆီးဟန့်တားရာတွင် လိုအပ်ချက်အရ အင်အားသုံးရပါက လိုက်နာဆောင်ရွက်ရမည့်အချက်များ ကို သတိကြီးစွာဖြင့် လိုက်နာဆောင်ရွက်ကြရမှာဖြစ်ကြောင်း။

နိုင်ငံတော်အနေဖြင့် ၂ဝ၁၅ ခုနှစ် တွင်အထွေထွေရွေးကောက်ပွဲကို နိုင်ငံ တကာစံချိန်စံညွှန်းများနှင့် ကျင်းပပေး ရန်ရှိရာ နိုင်ငံတကာစံနှုန်းနှင့်ကိုက်ညီ ပြီးဘေးကင်းလုံခြုံစွာဖြင့် အောင်အောင်မြင်မြင် ကျင်းပနိုင်သည့် ရွေးကောက်ပွဲ ဖြစ်စေရန် သက်ဆိုင်ရာအဖွဲ့အစည်း များနှင့် ပေါင်းစပ်၍ ဆောင်ရွက်နိုင်ရန် အဘက်ဘက်မှ ကြိုတင်ပြင်ဆင် လေ့ကျင့်မှုများပြုလုပ်ရန် လိုအပ်ကြောင်း။

ပြည်သူကိုဗဟိုပြုသော ရဲလုပ်ငန်း စနစ်သို့ ကူးပြောင်းရောက်ရှိနိုင်ရေးအတွက် ကြိုးပမ်းဆောင်ရွက်ရာတွင် ပြည်သူလူထုက ယုံကြည်စွာအပ်နှံထား သည့် လုပ်ပိုင်ခွင့်များကို ဥပဒေနှင့်အညီ ဆောင်ရွက်ရမှာဖြစ်ကြောင်း၊ ရဲတပ် ဖွဲ့၏ ဆောင်ရွက်နေမှုများ ပွင့်လင်း မြင်သာမှုရှိအောင် မီဒီယာမှတစ်ဆင့် ပြည်သူလူထုထံ စဉ်ဆက်မပြတ်အသိ ပေးရမှာဖြစ်ကြောင်း။

ဖွံ့ဖြိုးတိုးတက်သည့် နိုင်ငံတော်ကြီး ဖြစ်ပေါ်လာစေရန် ရဲတပ်ဖွဲ့က ဆောင် ရွက်နေသည့် ဥပဒေ၊ နည်းဥပဒေ၊ လုပ်ထုံးလုပ်နည်း၊ စည်းမျဉ်းစည်းကမ်း သတ်မှတ်ချက်များကို ကျွမ်းကျင် အောင်လေ့လာပြီး ကိုယ်အား၊စိတ်အား ထက်သန်စွာဖြင့် ကြိုးပမ်းဆောင်ရွက်ကြရန်၊ နိုင်ငံတကာနှင့် ရင်ပေါင်တန်းနိုင် သည့် အလေ့အကျင့်ကောင်းများ ရရှိအောင် စဉ်ဆက်မပြတ် လေ့လာဆည်းပူးကြိုးပမ်းဆောင်ရွက်သွားကြရန် မှာကြားသည်။

အဆိုပါ ဒုတိယရဲအုပ်လောင်း သင်တန်းအမှတ်စဉ် (၇၈/၂ဝ၁၄) ရဲဗလတပ်ခွဲသို့ တပ်တွင်းဘွဲ့ရ အမျိုး သား ၂၉၃ ဦး တက်ရောက်ခဲ့ကြောင်း သတင်းရရှိသည်။


(သတင်းစဉ်)

MH 370 လေယာဉ်ပျက်ကျကြောင်း ထုတ်ပြန်ချက်ကို တရုတ်လူမျိုးများက ရုပ်သိမ်းရန်တောင်းဆို

 

 

 

 

ပေကျင်း ဇန်နဝါရီ ၃ဝ

MH 370 လေယာဉ်တွင် လိုက်ပါသွားသော ခရီးသည်အားလုံး သေဆုံးသွားပြီဆိုသည့် ကြေညာချက်ကို မလေးရှားနိုင်ငံက ဇန်နဝါရီ ၂၉ ရက်တွင် ထုတ်ပြန်ကြေညာခဲ့ရာ တရုတ်လူမျိုးခရီးသည်များ၏ ဆွေမျိုးများက ထုတ်ပြန်ချက်ကို ပြန်လည်ရုပ်သိမ်းပေးရန် တောင်းဆိုကြသည်။

ခိုင်မာသည့် သက်သေပြချက်မရှိဘဲ ခရီးသည်များ သေဆုံးသွားသည်ဟု ကြေညာခြင်းကို ယုံကြည်ရန် ခက်ခဲ ကြောင်း တရုတ်လူမျိုးများက ဆိုသည်။ လျော်ကြေးငွေကိုလည်း မလိုလားကြောင်း ၎င်းတို့က ပြောကြားသည်။

MH 370 လေယာဉ်သည် မတော်တဆမှုဖြစ်ပြီး ပျက်ကျသွားခဲ့ကြောင်းနှင့် လိုက်ပါစီးနင်းခဲ့ကြသည့် ခရီးသည် အားလုံး သေဆုံးသွားပြီဖြစ်ကြောင်း မလေးရှားအစိုးရက တရားဝင်ကြေညာခဲ့သည်။ တရုတ်လူမျိုးများက ၎င်းတို့၏ ဆွေမျိုးများ အသက်ရှင်လျက်ရှိနေသေးသည်ဟု မျှော်လင့်နေဆဲဖြစ်သည်။ အေပီ။

ပထမအကြိမ် လွှတ်တော်များ၏ စတုတ္ထမြောက် နှစ်ပတ်လည်နေ့အထိမ်းအမှတ် နေ့လယ်စာစားပွဲကျင်းပ

 

 

 

 

နေပြည်တော် ဇန်နဝါရီ ၃ဝ

ပထမအကြိမ် လွှတ်တော်များ၏ စတုတ္ထမြောက် နှစ်ပတ်လည်နေ့အထိမ်းအမှတ် နေ့လယ်စာ စားပွဲအခမ်း အနားကို ယနေ့ မွန်းလွဲ ၁၂ နာရီ ၁၅ မိနစ်တွင် နေပြည်တော်ရှိ လွှတ်တော်အဆောက်အအုံ ထမင်းစား ခန်းမဆောင်၌ကျင်းပရာ ပြည်ထောင်စုလွှတ်တော် နာယက ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ အမျိုးသားလွှတ်တော်ဥက္ကဋ္ဌ ဦးခင်အောင်မြင့်၊ ပြည်ထောင်စု လွှတ်တော် ဒုတိယနာယက ပြည်သူ့လွှတ်တော် ဒုတိယ ဥက္ကဋ္ဌ ဦးနန္ဒကျော်စွာ၊ အမျိုးသားလွှတ်တော် ဒုတိယဥက္ကဋ္ဌ ဦးမြညိမ်း၊ ပြည်သူ့လွှတ်တော်နှင့် အမျိုးသားလွှတ်တော်တို့မှ ကော်မတီဥက္ကဋ္ဌနှင့် အတွင်းရေးမှူးများ၊ ပြည်ထောင်စု လွှတ်တော်ကိုယ်စားလှယ်များ၊ လွှတ်တော်ရုံးများမှ တာဝန်ရှိသူများ တက်ရောက်ကြသည်။

ရှေးဦးစွာ အမျိုးသားလွှတ်တော်ဥက္ကဋ္ဌ ဦးခင်အောင်မြင့်က နှစ်ပတ်လည်အထိမ်းအမှတ် မိန့်ခွန်းပြောကြား ရာတွင် ဒီမိုကရေစီတစ်ခေတ်ဆန်းလာသည့် ၂ဝ၁၁ ခုနှစ် ကစပြီး မိမိတို့လွှတ်တော်၏ကဏ္ဍကို ဖွင့်လှစ်ခဲ့သည်မှာ ယနေ့ဆိုလျှင် လေးနှစ်ပြည့်ခဲ့ပြီဖြစ်ပါကြောင်း၊ ပြည်ထောင်စု လွှတ်တော်စတင်ခေါ်ယူသည့် ၂ဝ၁၁ ခုနှစ် ဇန်နဝါရီလ ၃၁ ရက်နေ့ ညနေ ၃ နာရီ အချိန်တွင် ပြည်ထောင်စု လွှတ်တော်နာယက၏ နှုတ်ခွန်းဆက်စကားအနေဖြင့် ဤလွှတ်တော်ကြီးသည် ဥပဒေပြုရေးအာဏာကို ပြည်သူ့ ထံမှရရှိထားသည့် အမြင့်ဆုံးအဖွဲ့အစည်းဖြစ်ကြောင်း၊ လွှတ်တော်ကြီး၏ ဂုဏ်ဒြပ်သည်မြင့်မားကြောင်း၊ ထို့အတူ လွှတ်တော်ကိုယ်စားလှယ်များ၏ ဂုဏ်ရည်သည်လည်း မြင့်မားကြောင်း မိမိပြောကြားခဲ့ပါကြောင်း။

မိမိတို့အားလုံးသည် ပြည်ထောင်စုသမ္မတ မြန်မာနိုင်ငံတော်၏ လွှတ်တော်သမိုင်းကို ရေးကြရမည်ဖြစ်၍ နောင်လာနောက်သားများ အတုယူဖွယ်၊ ကိုးကား ဖွယ်ဖြစ်အောင် ဆောင်ရွက်ကြရန်လည်း မိမိအနေဖြင့် မကြာခဏ တိုက်တွန်းခဲ့ပါကြောင်း၊ မိမိတို့၏ လုပ်ဆောင်ချက်များသည် လွှတ်တော်မှတ်တမ်း၌ အတိအကျ ကမ္ပည်းတင်ထားခြင်းဖြစ်သည့်အတွက် မိမိတို့အားလုံးသည် ကိုယ့်သမိုင်းကိုယ်ရေးနေကြခြင်းလည်း ဖြစ်ပါကြောင်း၊ ထို့ကြောင့် ကျန်ရှိနေသေးသည့် ပထမအကြိမ် လွှတ်တော်အသီးသီး၏ သက်တမ်းအတွင်း၌လည်း လွှတ်တော်၏ဂုဏ်ကို မြှင့်တင်နိုင်အောင်မြော်တွေးပြီး ဆောင်ရွက်ကြရန် ပြောကြားလိုပါကြောင်း။

လွှတ်တော်သက်တမ်း၏ နောက်ဆုံးနှစ်သည် လုပ်ငန်းဆောင်တာများ၏ အရှိန်အဟုန်အမြင့်ဆုံးဖြစ်သင့်သကဲ့သို့ လုပ်ငန်းများကို လက်စသိမ်းနိုင်အောင် လုပ်ကိုင်ဆောင်ရွက်ရန်လိုပါကြောင်း၊ ထို့ကြောင့် ဥပဒေကြမ်းကော်မတီများ၊ အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေးကော်မတီများသည် အချိန်ကိုက်လုပ်နိုင်ရန် လိုပါကြောင်း၊ ၂ဝ၁၅ ခုနှစ် ရွေးကောက်ပွဲအတွက် ပြင်ဆင်နိုင် ရန် လွှတ်တော်များ ရပ်နားလိုက်သည့်ကာလတွင် လွှတ်တော်ဘက်ကြေ<ွကးကျန်မရှိသကဲ့သို့ အစိုးရဘက်ကြေ<ွကးကျန်လည်းမရှိအောင် နှစ်ဖက်ညှိနှိုင်းဆောင်ရွက် ခြင်းကို ယခုကစ၍ ဆောင်ရွက်ကြရန်သင့်ပြီဖြစ်ကြောင်း။

နိဂုံးချုပ်အနေဖြင့် ပြောကြားလိုသည်မှာ ပြည်သူတစ်ရပ်လုံးကို ကိုယ်စားပြုသည့်လွှတ်တော်များ၊ လွှတ်တော်ကိုယ်စားလှယ်များသည် လွှတ်တော်အလိုက်သော်လည်း ကောင်း၊ ကော်မတီအလိုက်သော်လည်းကောင်း၊ တစ်ဦးချင်းသော်လည်းကောင်း မိမိတို့ပြုလုပ်ဆောင်ရွက်ချက် ဟူသမျှကို ပြန်လည်သုံးသပ်ပြီး မှားယွင်းမှု၊ အားနည်းမှု များကို ပြုပြင်ကာ အကောင်းဆုံး အဆုံးသတ်နိုင်အောင် ဆောင်ရွက်ကြရန် တိုက်တွန်းပါကြောင်းဖြင့် ပြောကြားသည်။

ထို့နောက် ပြည်ထောင်စုလွှတ်တော်နာယက ပြည်သူ့လွှတ်တော်ဥက္ကဋ္ဌ သူရဦးရွှေမန်းက နှစ်ပတ်လည်နေ့ အထိမ်းအမှတ် မိန့်ခွန်းပြောကြားရာတွင် ၂ဝဝ၈ ခုနှစ် ဖွဲ့စည်းပုံအခြေခံဥပဒေအရ လွှတ်တော်များ ပေါ်ပေါက်ခဲ့ သည်မှာ ၂ဝ၁၅ ခုနှစ် ဇန်နဝါရီလ ၃၁ ရက်နေ့ဆိုလျှင် (၄) နှစ် ပြည့်မြောက်ပြီဖြစ်ပါကြောင်း၊ တစ်နည်းအားဖြင့် မိမိတို့နိုင်ငံ၌ ဒီမိုကရေစီစနစ် အကောင်အထည်ဖော် ဆောင်ရွက်ခဲ့ကြသည်မှာ လေးနှစ်တာ ကာလရောက်ခဲ့ပြီ ဖြစ်ပါကြောင်း၊ ထို့အတူ မိမိတို့တစ်တွေလည်း အသက်(၄) နှစ် ပိုကြီးခဲ့ကြပြီး အတွေ့အကြုံနှင့် သင်ခန်းစာများလည်း လေးနှစ်စာပိုရခဲ့ကြပြီဖြစ်ပါကြောင်း။

ပြည်ထောင်စုလွှတ်တော်၏ ပုံမှန်အစည်းအဝေး ကျင်းပမှုအနေဖြင့်လည်း ယခု (၁၂)ကြိမ်မြောက်အထိ ရောက်ရှိလာခဲ့ပြီဖြစ်ပါကြောင်း၊ လွှတ်တော်သက်တမ်း ကြာမြင့်လာသည်နှင့်အမျှ ဒီမိုကရေစီစနစ် အကောင် အထည်ဖော်နိုင်မှုပြယုဂ်များ တိုးတက်ပေါ်ပေါက်လာသည်ကို တွေ့ရမည်ဖြစ်ပါကြောင်း။

၂ဝ၁၁ ခုနှစ် လွှတ်တော်ပေါ်ပေါက်လာခြင်းနှင့်အတူ နိုင်ငံတော်အချုပ်အခြာ၏ ခက်မသုံးဖြာဖြစ်သည့် ဥပဒေ ပြုရေးကဏ္ဍ၊ အုပ်ချုပ်ရေးကဏ္ဍ၊ တရားစီရင်ရေးကဏ္ဍတို့သည် စနစ်တကျ ပေါ်ပေါက်လာခဲ့ပြီး နိုင်ငံတော် အချုပ်အခြာအာဏာ (၃)ရပ်ကို အတတ်နိုင်ဆုံး ပိုင်းခြား သုံးစွဲပြီး အချင်းချင်းအပြန်အလှန်ထိန်းကျောင်းခြင်းနှင့် ပူးပေါင်းဆောင်ရွက်ခြင်းများ တိုးတက်ဖြစ်ပေါ်လာသည်ကို တွေ့ရမည်ဖြစ်ပါကြောင်း။

နိုင်ငံတော်၏ ဥပဒေပြုရေးအာဏာကို အကောင်အထည်ဖော် ဆောင်ရွက်ကြသည့်နေရာ၌ နိုင်ငံတော်နှင့် နိုင်ငံသားများ၏ အကျိုးစီးပွားများကို ဖြစ်ထွန်းစေမည့် ဥပဒေအသစ်များကို ပြဋ္ဌာန်းခြင်း ၊ ခေတ်နှင့်မလျော်ညီသော ဥပဒေများကို ပြင်ဆင်ခြင်း၊ ပြန်လည်ရုပ်သိမ်းခြင်းများကို ဝိုင်းဝန်းကြိုးပမ်း ဆောင်ရွက်နိုင်ခဲ့သည့်အတွက် ယခု (၄) နှစ်တာကာလတွင် ပြည်ထောင်စုလွှတ်တော်အနေဖြင့် ဥပဒေအသစ် (၆၄) ခု၊ ပြင်ဆင်သည့် ဥပဒေ(၅၅) ခု နှင့် ပြန်လည်ရုပ်သိမ်းသည့် ဥပဒေ (၁၄) ခုတို့ကို အတည်ပြု ပြဋ္ဌာန်းပေးနိုင်ခဲ့သည်ကို တွေ့ရမည်ဖြစ်ပါကြောင်း။

ဒီမိုကရေစီစနစ်ကို အကောင်အထည်ဖော် ဆောင်ရွက်ကြရာတွင် လွှတ်တော်ကိုယ်စားလှယ်ကြီးများ၏ ဝါယမစိုက်ထုတ် ကြိုးစားမှုများကြောင့် ပထမအကြိမ် လွှတ်တော်သက်တမ်း လေးနှစ်တာကာလအတွင်း နိုင်ငံတော် ၏ ကဏ္ဍအလိုက် လိုအပ်လျက်ရှိနေသည့် ဥပဒေများကို ဦးစားပေးအလိုက် အတည်ပြုပြဋ္ဌာန်းပေးနိုင်ခဲ့သည့် အတွက် ဒီမိုကရေစီစနစ်ကို အကောင်အထည်ဖော် ဆောင်ရွက်ရေး၌ များစွာအထောက်အပံ့ပေးနိုင်ခဲ့သည်ကို တွေ့ရမည်ဖြစ်ပါကြောင်း၊ သို့သော် လုပ်ဆောင်ချက်များစွာ ကျန်ရှိနေသေးသည်ကိုလည်း လက်ခံရမည်ဖြစ်ပါကြောင်း။

ထို့ပြင် လွှတ်တော်ကိုယ်စားလှယ်များက ပြည်သူ့ အကျိုးကို လက်ငင်းအကောင်အထည်ဖော် ဆောင်ရွက်သည့်နေရာ၌ မိမိ၏နယ်မြေအလိုက် ပြည်ထောင်စုအစိုးရ နှင့် တိုင်းဒေသကြီး/ပြည်နယ်အစိုးရများက ဆောင်ရွက် ပေးနိုင်ခြင်းမရှိသေးသည့် ပြည်သူများ အမှန်တကယ် လိုအပ်နေသော ဒေသဖွံ့ဖြိုးရေးကိစ္စရပ်များကို အကောင်အထည်ဖော် ဆောင်ရွက်နိုင်ရေးအတွက် ပြည်ထောင်စု လွှတ်တော်ဆိုင်ရာ ဖွံ့ဖြိုးရေးရန်ပုံငွေများကို သက်ဆိုင်ရာ မြို့နယ်အလိုက် ခွဲဝေဆောင်ရွက်ပေးခဲ့မှုအနေဖြင့် ၂ဝ၁၃ -၂ဝ၁၄ ခုနှစ်ဘဏ္ဍာရေးနှစ်၌ မြို့နယ် ၃၂၅ ခု အတွက် ကျပ် ၃၂၂ဝ၁ ဒသမ ၇၆ သန်း ခွင့်ပြုသုံးစွဲခဲ့ပြီး ၂ဝ၁၄-၂ဝ၁၅ ခုနှစ် ဘဏ္ဍာရေးနှစ်၌ ယနေ့အထိ မြို့နယ် ၃၁၈ ခု အတွက် ကျပ် ၃၁၇၁၂ ဒသမ ၇၅ သန်း ခွင့်ပြု ပေးပြီးဖြစ်ပါကြောင်း။

ယင်းသို့ ကြိုးစားလုပ်ဆောင်ခဲ့မှုကြောင့် ယခုကျင်းပနေသည့် (၁၂)ကြိမ်မြောက် ပုံမှန်အစည်းအဝေးသည် ဖွဲ့စည်းပုံအခြေခံဥပဒေပြင်ဆင်ရေးဆိုင်ရာ ကိစ္စရပ်များ နှင့်အတူ ပထမအကြိမ်သက်တမ်းကာလ လုပ်ဆောင် ချက်များအတွက် အဆုံးအဖြတ်ပေးမည့် ၂ဝ၁၅ ခုနှစ် အတွက် အဓိကကျသော ဦးဆောင်အစည်းအဝေးတစ်ခု ဖြစ်လာသည်ကို တွေ့ရမည်ဖြစ်ပါကြောင်း။

ဒီမိုကရေစီစနစ် ကျင့်သုံးအကောင်အထည်ဖော်သည့် နေရာ၌ ပြည်သူ့အုပ်ချုပ်ရေး ပီပြင်လာစေရန် ပြည်သူ့ ကိုယ်စားပြု လွှတ်တော်ကိုယ်စားလှယ်များ၏ မှန်ကန် သောစေတနာ၊ ဇွဲ၊ စိတ်ဓာတ်နှင့် ကြိုးပမ်းအားထုတ်ခဲ့မှု ကြောင့် လေးနှစ်တာကာလတွင် ရလဒ်ကောင်းများ ပေါ်ထွက်လာပြီး အခြေခံကောင်းများထားရှိနိုင်ခဲ့ပြီ ဖြစ်ပါကြောင်း။

ကျန်ရှိသည့် လွှတ်တော်သက်တမ်း တစ်နှစ်တာကာလ၌လည်း ပြည်ထောင်စုလွှတ်တော်ကိုယ်စားလှယ်များ အနေဖြင့် နိုင်ငံနှင့် နိုင်ငံသားအကျိုးစီးပွားကို အကောင်အထည်ဖော် ဆောင်ရွက်နိုင်ရန် ကြိုးပမ်းဆောင်ရွက်ကြ လိမ့်မည်ဟု မျှော်လင့်တိုက်တွန်းအပ်ပါကြောင်းဖြင့် ပြောကြားသည်။

ယင်းနောက် ပြည်ထောင်စုလွှတ်တော်ကိုယ်စားလှယ်များအား နေ့လယ်စာဖြင့် တည်ခင်းဧည့်ခံခဲ့သည်။

(သတင်းစဉ်)

ဒွေးကိုကိုချစ်၏ အနိုင်ဂိုးဖြင့် လက်ရှိချန်ပီယံ ရတနာပုံနိုင်ပွဲရ

 

 

သတင်း-ညီမြတ်သော်တာ
ဓာတ်ပုံ-ဖိုးသော်ဇင်

ရန်ကုန် ဇန်နဝါရီ ၃ဝ

၂ဝ၁၅ ရာသီ MNL အမှတ်ပေး ပြိုင်ပွဲ ပွဲစဉ်(၄)ပထမနေ့ကို ယနေ့ ညနေပိုင်းက သုဝဏ္ဏကွင်း၌ ကျင်းပ ရာ လက်ရှိချန်ပီယံ ရတနာပုံအသင်း က မနောမြေအသင်းကို နှစ်ဂိုး-တစ်ဂိုးဖြင့် အနိုင်ရရှိခဲ့သည်။

ရတနာပုံ - နှစ်ဂိုး

(မက်ဆီမင်နှင့်ဒွေးကိုကိုချစ်)

မနောမြေ - တစ်ဂိုး

(အီဗရာဟင်မ်)

ရှုံးပွဲဆက်နေသည့် မနောမြေ အသင်း၏ ရုန်းကန်မှုကြောင့် လက်ရှိ ချန်ပီယံရတနာပုံအသင်း ခက်ခက်ခဲခဲ ကစားခဲ့ရပြီး ဒွေးကိုကိုချစ်၏ ဒုတိယ ပိုင်း သွင်းဂိုးကြောင့်သာ အမှတ်ပြည့် ရခဲ့ခြင်းဖြစ်သည်။ ရတနာပုံအသင်း သည် ယခုရာသီတွင် ပုံစံကောင်းရရန် ရုန်းကန်နေရသော်လည်း အဖွင့်ပွဲတွင် မကွေးနှင့်သရေကျပြီးနောက်ပိုင်း သုံး ပွဲဆက် အနိုင်ရခဲ့ခြင်းလည်းဖြစ်သည်။

ပွဲစကတည်းက ရတနာပုံတို့ ဂိုး ရရှိရန် တိုက်စစ်ဖွင့်ကစားခဲ့သည်။ ရတနာပုံအသင်း ခြေအသာဖြင့် ဖိကစားနိုင်ခဲ့သော်လည်း ၂၉ မိနစ် ရောက်မှ ဂိုးစရခဲ့ပြီး ကွင်းလယ်လူ မက်ဆီမင်က သွင်းယူခဲ့ခြင်း ဖြစ်သည်။ ဂိုးရပြီးနောက်ပိုင်းတွင် ရတနာပုံ ကစားပုံပျက်သွား၍ မနောမြေ ဖိကစားလာနိုင်ပြီး ၄၁ မိနစ်တွင် အီဗရာဟင်မ်က ချေပဂိုး ပြန်သွင်းခဲ့သည်။ ရတနာပုံအသင်းမှာ အနိုင်ဂိုးရရှိရေးအတွက် ဒုတိယပိုင်း၌ ကစားသမားအပြောင်းအလဲပြုလုပ်ကာ တိုက်စစ်အားမြှင့်ခဲ့ သည်။ မနောမြေအသင်းမှာလည်း သရေတစ်မှတ်ရရှိရေးအတွက် ကြိုးပမ်းခဲ့ပြီး ရတနာပုံတိုက်စစ်ကိုထိန်းချုပ်ခဲ့သည်။

ရတနာပုံအတွက် အနိုင်ဂိုးကို ၇၃ မိနစ်တွင် လူစားဝင် တိုက်စစ်မှူး ဒွေးကိုကိုချစ်က သွင်းယူပေးခဲ့သည်။
ယနေ့ပွဲ

သုဝဏ္ဏကွင်း ချင်း-ရန်ကုန်
အောင်ဆန်းကွင်း ဟံသာဝတီ-နေပြည်တော်
တောင်ကြီးကွင်း ကမ္ဘောဇ-ရခိုင်

ယနေ့ ကြေးမုံကာတွန်း

အေးမြစိုးဖောင်ဒေးရှင်းမှ အခမဲ့မျက်စိခွဲစိတ်ကုသပေး

 

 

ကန့်ဘလူ ဇန်နဝါရီ ၃ဝ

စစ်ကိုင်းတိုင်းဒေသကြီး ကန့် ဘလူမြို့တွင် အေးမြစိုးဖောင်ဒေးရှင်း မှ လှူဒါန်းသည့် အခမဲ့မျက်စိခွဲစိတ် ကုသပေးပွဲကို ဇန်နဝါရီ ၂၈ ရက်က စတင်၍ အမှတ်(၃)ရပ်ကွက် ညောင်အိုင်အထက(ခွဲ) ဒေါက်တာ Óဏဝရခန်းမ၌ မျက်စိအထူးကု ဆရာဝန်ကြီးများနှင့် မျက်မှန်ကျွမ်း ကျင်ပညာရှင်များက မျက်စိဝေဒနာ ရှင် ၁၃၂ ဦးကို စမ်းသပ်စစ်ဆေး၍ မျက်မှန်၊ မျက်စဉ်းနှင့် ဆေးဝါးများ ပေးအပ်ခဲ့ကြောင်း သိရသည်။

ခွဲစိတ်ရန် လိုအပ်သော ဝေဒနာ ရှင်များကို ဇန်နဝါရီ ၂၉ ရက်တွင် မြို့နယ်ခုတင် ၁ဝဝ ပြည်သူ့ဆေးရုံ၌ အသေးစားနှင့် အကြီးစားခွဲစိတ် ခြင်းကို ဆောင်ရွက်မည်ဖြစ်ကြောင်း သိရသည်။
အဆိုပါ အခမဲ့မျက်စိခွဲစိတ် ကုသပေးပွဲတွင် မြို့နယ်စီမံခန့်ခွဲမှု ကော်မတီဥက္ကဋ္ဌ ဦးမျိုးလွင် ကြီးကြပ် မှုဖြင့် မြို့နယ်ဌာနဆိုင်ရာများ၊ မြို့နယ်ထွေ/အုပ် ဒုတိယဦးစီးမှူး များနှင့် စာရေးဝန်ထမ်းများ၊ လူမှု ရေးအသင်းအဖွဲ့ဝင်များ၊ ရပ်ကွက် အုပ်ချုပ်ရေးမှူးများ၊ မြို့နယ်ခုတင် ၁ဝဝ ဆေးရုံအုပ်ဒေါက်တာ မေစန်းချို နှင့် ဆရာ ဆရာမများက ဝိုင်းဝန်း ကူညီ ဆောင်ရွက်ပေးလျက်ရှိ ကြောင်းနှင့် ခင်ဦးမြို့နယ်၊ ကောလင်း မြို့နယ်၊ ဝန်းသိုမြို့နယ်၊ ကျွန်းလှ မြို့နယ်နှင့် တန့်ဆည်မြို့နယ်များမှ မျက်စိဝေဒနာရှင်များ လာရောက် ပြသကြပြီး အခမဲ့မျက်စိခွဲစိတ် ကုသပေးခြင်းကို ဇန်နဝါရီ ၂၈ ရက်မှ ဖေဖော်ဝါရီ ၃ ရက်အထိ ဆောင် ရွက်သွားမည်ဖြစ်ကြောင်း သိရ သည်။
အောင်ဝင်းငြိမ်း(ကန့်ဘလူ)

မော်လမြိုင်ကျွန်း၌ ယာဉ်စည်းကမ်၊ လမ်းစည်းကမ်း စစ်ဆေးပညာပေး

 

 

 

 မော်လမြိုင် ဇန်နဝါရီ ၃ဝ

မော်လမြိုင်ကျွန်းမြို့နယ် ယာဉ်စည်းကမ်း ကြီးကြပ်ထိန်းသိမ်းရေးကော်မတီမှ မော်လမြိုင် ကျွန်းမြို့တွင် ယာဉ်စည်းကမ်း၊ လမ်းစည်းကမ်း စနစ်တကျရှိစေရေး၊ ယာဉ်အန္တရာယ်ကင်းဝေး စေရေးအတွက် ယာဉ်စစ်ဆေးခြင်းနှင့် ပညာ ပေးရေးလုပ်ငန်းကို ဇန်နဝါရီ ၂၉ ရက်က တပင် ရွှေထီးတံတားထိပ်လမ်းဆုံ၊ တပင်ရွှေထီးလမ်း ဆုံစည်းရာကွေ့လမ်းဆုံနှင့် မြို့မ ၁၁ လမ်းထိပ် လမ်းဆုံတို့၌ ဆောင်ရွက်ခဲ့ကြသည်။

အဆိုပါ ယာဉ်များစစ်ဆေးပညာပေးခြင်းကို ဇန်နဝါရီ ၂၉ ရက်နှင့် ၃ဝ ရက်တို့တွင် ဆောင် ရွက်ပြီးနောက် ဖေဖော်ဝါရီ ၂ ရက်မှစတင်၍ ယာဉ်များကို စစ်ဆေးအရေးယူမည်ဖြစ်ကြောင်း သိရသည်။
မော်ကျွန်းမြင့်အောင်

ပြည်ထောင်စုလွှတ်တော်နာယက ပြည်သူ့လွှတ်တော်ဥက္ကဋ္ဌ သူရဦးရွှေမန်း သတင်းမီဒီယာများအား တွေ့ဆုံ

 

 

 

 

နေပြည်တော် ဇန်နဝါရီ ၃ဝ

ပြည်ထောင်စုလွှတ်တော်နာယက ပြည်သူ့လွှတ်တော်ဥက္ကဋ္ဌ သူရဦးရွှေမန်းသည် ပြည်သူ့လွှတ်တော် အားကစား၊ ယဉ်ကျေးမှုနှင့် ပြည်သူ့ဆက်ဆံရေး ဖွံ့ဖြိုးတိုးတက်မှုကော်မတီ ဥက္ကဋ္ဌ သူရဦးအေးမြင့်၊ စီးပွားရေးနှင့် ကုန်သွယ်လုပ်ငန်း ဖွံ့ဖြိုးတိုးတက်ရေး ကော်မတီဥက္ကဋ္ဌ ဦးမောင်မောင်သိမ်းတို့ နှင့်အတူ ပြည်တွင်းသတင်းဌာနများ၊ ပြည်တွင်းအခြေစိုက် ပြည်ပသတင်း ဌာနများနှင့် ပြည်တွင်းသတင်းစာ၊ ဂျာနယ်များမှ အယ်ဒီတာနှင့် သတင်ထောက်များအား ယနေ့ မွန်းလွဲ ၁ နာရီတွင် နေပြည်တော်ရှိ လွှတ်တော်အဆောက်အအုံ ဇမ္ဗူသီရိဆောင် မီဒီယာခန်းမ၌ တွေ့ဆုံသည်။

ထိုသို့ တွေ့ဆုံစဉ် ပြည်ထောင်စု လွှတ်တော်နာယက သူရဦးရွှေမန်းနှင့် ကော်မတီဥက္ကဋ္ဌ သူရဦးအေးမြင့်တို့က သတင်းမီဒီယာသမားများ၏ မေးမြန်းချက်များအပေါ် ပြန်လည်ဖြေကြားခဲ့သည်။

အဆိုပါတွေ့ဆုံပွဲသို့ ပြည်ထောင်စု လွှတ်တော် ဒုတိယနာယက ပြည်သူ့လွှတ်တော် ဒုတိယဥက္ကဋ္ဌ ဦးနန္ဒကျော်စွာ၊ ပြည်သူ့လွှတ်တော် ဥပဒေကြမ်း ကော်မတီဥက္ကဋ္ဌ ဦးတီခွန်မြတ်နှင့် အတွင်းရေးမှူး ဦးစောလှထွန်း၊ ပြည်သူ့ လွှတ်တော်ရုံးမှ တာဝန်ရှိသူများ၊ ပြည်တွင်း သတင်းဌာနများ၊ ပြည်တွင်း အခြေစိုက် ပြည်ပသတင်းဌာနများနှင့် ပြည်တွင်းသတင်းစာ၊ ဂျာနယ် ၂၃ ခုတို့မှ အယ်ဒီတာနှင့် သတင်းထောက် စုစုပေါင်း ၄၆ ဦးတို့ တက်ရောက်ခဲ့ကြသည်။

(သတင်းစဉ်)

ဆော်ဒီဘုရင်သစ်ဆဲလ်မန်း ၀န်ကြီးအဖွဲ့ အပြောင်းအလဲလုပ် ဘုရင်ဟောင်း အဗ္ဗဒူလာ၏ သားနှစ်ဦးအား ရာထူးမှဖယ်ရှား

 

 

ရီးယာ့ဒ် ဇန်နဝါရီ ၃ဝ

ဆော်ဒီအာရေဗျဘုရင်ဆဲလ်မန်းက ထီးနန်းရပြီး တစ်ပတ်အကြာအဓိက ဝန်ကြီးအဖွဲ့ အပြောင်းအလဲကို ကြေညာလိုက်သည်။

ထောက်လှမ်းရေး အကြီးအကဲနှင့်အမျိုးသားလုံခြုံရေးကောင်စီ အကြီးအကဲနေရာနှစ်ခုစလုံးကို အစားထိုးခဲ့သည်။ အခြားထိပ်တန်းကာကွယ်ရေး၊ ရေနံနှင့်နိုင်ငံခြားရေးဝန်ကြီး ရာထူးနေရာများတွင် မူလအတိုင်းထားသည်။

မက္ကာမြို့တော် အုပ်ချုပ်ရေးမှူးနှင့် ရီးယာ့ဒ်မြို့တော်ဝန်တို့ကို ဘာသာရေးထိပ်တန်း တာဝန်ရှိသူများနှင့်အစားထိုးခဲ့သည်။

ဘုရင်ဆဲလ်မန်းသည် ကွယ်လွန်သူ ဘုရင်အဗ္ဗဒူလာ၏ ညီအစ်ကို ဝမ်းကွဲဖြစ်သည်။ဘုရင်ဆဲလ်မန်းက နိုင်ငံ့ဝန်ထမ်းများ၊ စစ်ဘက်နှင့်ပင်စင်စားများ၊ ကျောင်းသားများအား လစာနှစ်လစာဆုကြေးငွေများပေးအပ်ခဲ့သည်။

ဘုရင်ဆဲလ်မန်းသည် အိမ်ရှေ့မင်းသား အဗ္ဗဒူလ်အဇစ်အယ်လ်ကော့ကို ထောက်လှမ်းရေးအကြီးအကဲ တာဝန်ရပ်စဲခဲ့ကြောင်းဆော်ဒီသတင်း အေဂျင်စီကဖော်ပြသည်။

ဗိုလ်ချုပ်ကြီး အယ်လ်ဟူမိတ်ဒန်း သည် ထောက်လှမ်းရေးအကြီးအကဲ ဖြစ်လာခဲ့သည်။ ကွယ်လွန်သူဘုရင်၏တူဖြစ်သူ အိမ်ရှေ့မင်းသား ဘန်ဒါဘင်ဆူလ်တန်ကို အမျိုးသားလုံခြုံရေး ကောင်စီအတွင်းရေးမှူးချုပ်ရာထူးမှ ဖယ်ရှားလိုက်ပြီး ဘုရင်အကြံပေးအဖြစ် ခန့်အပ်လိုက်သည်။

အဗ္ဗဒူလာ၏ သားနှစ်ဦးဖြစ်သည့် မက္ကာအုပ်ချုပ်ရေးမှူး မင်းသားမစ်ရှယ်နှင့် ရီးယာ့ဒ်မြို့တော်ဝန် မင်းသားတာတီတို့ကို ရာထူးမှဖယ်ရှားလိုက်သည်။

(ဘီဘီစီ)

ဖွဲ့စည်းပုံအခြေခံဥပဒေ (၂ဝဝ၈ ခုနှစ်)ဇယား ၁ နှင့် ၂ လေ့လာသုံးသပ်ရေးကော်မတီ အစည်းအဝေးကျင်းပ

 

 

 

 

နေပြည်တော် ဇန်နဝါရီ ၃ဝ

ဖွဲ့စည်းပုံအခြေခံဥပဒေ (၂ဝဝ၈ ခုနှစ်) ဇယား ၁ နှင့် ၂ လေ့လာသုံးသပ် ရေးကော်မတီအစည်းအဝေးကို ယနေ့ မွန်းတည့် ၁၂ နာရီတွင် နေပြည်တော်ရှိ သမ္မတရုံးဝန်ကြီးဌာန အစည်းအဝေး ခန်းမ၌ ကျင်းပသည်။

အစည်းအဝေးသို့ ဖွဲ့စည်းပုံအခြေခံ ဥပဒေ (၂ဝဝ၈ ခုနှစ်) ဇယား ၁ နှင့် ၂ လေ့လာသုံးသပ်ရေးကော်မတီဥက္ကဋ္ဌ ပြည်ထောင်စုဝန်ကြီး ဦးစိုးသိန်း၊ ဒုတိယဥက္ကဋ္ဌများ ဖြစ်ကြသည့် ပြည်ထောင်စုဝန်ကြီး ဦးတင်နိုင်သိန်း၊ ဦးလှထွန်းနှင့် ဝန်ကြီးဌာနများမှ ပြည်ထောင်စုဝန်ကြီးများ၊ ဒုတိယဝန်ကြီးများ၊ ဌာနဆိုင်ရာအကြီးအကဲများ တက်ရောက်ကြပြီး တိုင်းဒေသကြီး နှင့် ပြည်နယ်အစိုးရအဖွဲ့တာဝန်ရှိ သူများက အစည်းအဝေးတွင် Video Conferencing စနစ်ဖြင့် ပါဝင်ဆွေးနွေးကြသည်။

အစည်းအဝေးတွင် ဖွဲ့စည်းပုံ အခြေခံဥပဒေ (၂ဝဝ၈ ခုနှစ်) ဇယား ၁ နှင့် ၂ လေ့လာသုံးသပ်ရေးကော်မတီ ဥက္ကဋ္ဌ ပြည်ထောင်စုဝန်ကြီး ဦးစိုးသိန်းက အဖွင့်အမှာစကား ပြောကြားရာတွင် ဖွဲ့စည်းပုံအခြေခံ ဥပဒေဇယား ၁၊ ၂တို့နှင့် ပတ်သက်၍ ပြင်သင့်ပြင်ထိုက်သည်များကို ပြင်ဆင်နိုင်ရေး ဆောင်ရွက်ရာတွင် ပြီးခဲ့သည့် လေးနှစ်တာကာလ လုပ်ငန်းများ ဆောင်ရွက်ခဲ့သည့် အတွေ့အကြုံများအပေါ် အခြေခံ၍ သုံးသပ်ဆွေးနွေးသွားကြရမည်ဖြစ်ပါကြောင်း၊ တိုင်းဒေသကြီးနှင့် ပြည်နယ်များသို့ လုပ်ပိုင်ခွင့်များ လွှဲပြောင်းပေးရာတွင် လေ့ကျင့်လွှဲပြောင်းပေး၍ ရသည်များ ရှိသကဲ့သို့ ဥပဒေများပြဋ္ဌာန်းပြီး လွှဲပြောင်းရသည်များလည်း ရှိပါကြောင်း၊ ဥပဒေပါ ဇယား ၁၊ ၂ အပေါ်တွင် တိုင်းဒေသကြီးနှင့် ပြည်နယ်များက လုပ်ကိုင်နိုင်သည့်ကိစ္စရပ်များအား လွှဲပြောင်းပေးခြင်းအားဖြင့် ပြည်ထောင်စု အစိုးရအနေဖြင့် နိုင်ငံတော်ဖွံ့ဖြိုးတိုးတက်ရေးလုပ်ငန်းများတွင် ပိုမိုစီမံ ဆောင်ရွက်သွားနိုင်မည် ဖြစ်ပါကြောင်းဖြင့် ပြောကြားသည်။

ထို့နောက် လေ့လာသုံးသပ်ရေး ကော်မတီ ဒုတိယဥက္ကဋ္ဌ ပြည်ထောင်စုဝန်ကြီး ဦးတင်နိုင်သိန်းက တိုင်းဒေသကြီးနှင့် ပြည်နယ်လုပ်ပိုင်ခွင့်လွှဲပြောင်း ခြင်းသည် ဇယား ၁၊ ၂တို့နှင့် ဆက်စပ်လျက်ရှိပါကြောင်း၊ ထို့ကြောင့် ဇယား ၁ နှင့် ၂ အား ပီပီပြင်ပြင်ဖြစ်အောင် ဆောင်ရွက်သွားရမည် ဖြစ်ပါကြောင်း၊ အစိုးရအုပ်ချုပ်ရေးယန္တရား ပြုပြင်ပြောင်းလဲရေးအတွက် ဝန်ကြီးဌာနများ၏ ဖွဲ့စည်းပုံများကို ပြင်ဆင်ရေးဆွဲနေပါကြောင်း၊ နိုင်ငံတော်သမ္မတအနေဖြင့် တိုင်းဒေသကြီးနှင့် ပြည်နယ်များကို ရင်းနှီးမြှုပ်နှံမှု လုပ်ပိုင်ခွင့်ပေးမည့် ကိစ္စကို လာမည့်ဘဏ္ဍာနှစ်မှစ၍ ပေးနိုင်အောင် ဆောင်ရွက်လျက်ရှိပါကြောင်း၊ တိုင်းဒေသကြီးနှင့် ပြည်နယ်အစိုးရ အကြီးအကဲများအား လုပ်ပိုင်ခွင့်နှင့် တာဝန်အပ်နှင်းထားသည့် အချက် ပါဝင်မှသာလျှင် လုပ်ငန်းများလုပ်ကိုင် ဆောင်ရွက်နိုင်မည်ဖြစ်ပါကြောင်း၊ လုပ်ပိုင်ခွင့်ကို အပ်နှင်းမထားပါက လက်တွေ့အကောင်အထည် ဖော်ရာ၌ အခက်အခဲရှိနိုင်ပါကြောင်းဖြင့် ပြောကြားသည်။

ဆက်လက်၍ လေ့လာသုံးသပ်ရေး ကော်မတီဒုတိယဥက္ကဋ္ဌ ပြည်ထောင်စုဝန်ကြီး ဦးလှထွန်းက ယခင်ဆောင်ရွက် နေရသည့် အတွေ့အကြုံများအပေါ် အခြေခံ၍ လက်ရှိဖွဲ့စည်းပုံအခြေခံ ဥပဒေပါ ဇယား ၁၊ ၂ အား ရေးဆွဲခဲ့ ခြင်းဖြစ်သော်လည်း လက်တွေ့ ဆောင်ရွက်ရာတွင် ဖြေလျှော့ပေးရ မည့်ကိစ္စရပ်များ ရှိနေသည်ကို တွေ့ရှိရပါကြောင်း၊ ယင်းကိစ္စများထဲမှ ချက်ချင်းဆောင်ရွက်ရမည့် ကိစ္စရပ် များကို အစိုးရအဖွဲ့က အမိန့်ထုတ် ပြန်ပြီး ဆောင်ရွက်ပေးခဲ့ပါကြောင်း၊ တိုင်းဒေသကြီးနှင့် ပြည်နယ်အစိုးရ များအား သီးခြားစီရပ်တည်နိုင်အောင် ဆောင်ရွက်ပေးရမည်ဖြစ်ပြီး ၎င်းတို့တဖြည်းဖြည်း တိုးတက်လာမှ ပြည်ထောင်စုကြီး တိုးတက်လာမည် ဖြစ်ရာ ထိန်းချုပ်ဆောင်ရွက်မှုများကို ဖြေလျှော့ပေးရမည် ဖြစ်ပါကြောင်း၊ လုပ်ပိုင်ခွင့်များကို ဖြေလျှော့ပေးရမည် ဖြစ်သည့်အတွက် ယခုဖွဲ့စည်းပုံအခြေခံ ဥပဒေ(၂ဝဝ၈ ခုနှစ်)ဇယား ၁ နှင့် ၂ အား လက်တွေ့ကျကျ ဆွေးနွေးပြီး လုပ်ကိုင်ဆောင်ရွက်ပေးနိုင်သည့် အချက်များအပေါ် အဖြေရှာဆောင်ရွက်သွားကြရမည် ဖြစ်ပါကြောင်းဖြင့် ပြောကြားသည်။

ထို့နောက် အစည်းအဝေးသို့ တက် ရောက်လာကြသည့် ပြည်ထောင်စု ဝန်ကြီးများ၊ ဒုတိယဝန်ကြီးများ၊ ဌာနဆိုင်ရာအကြီးအကဲများနှင့် တိုင်း ဒေသကြီး/ပြည်နယ်အစိုးရအဖွဲ့များမှ တာဝန်ရှိသူများက ပြန်လည်ပြင်ဆင် ခဲ့သည့် ဥပဒေ၊ အသစ်ရေးဆွဲရမည့် ဥပဒေနှင့် ရုပ်သိမ်းခဲ့သည့်ဥပဒေများကို ရှင်းလင်းတင်ပြကြပြီး လက်ရှိကျင့်သုံး နေသည့် ဥပဒေများ၊ နည်းဥပဒေများ နှင့်အညီ လုပ်ငန်းများဆောင်ရွက်နေမှုအခြေအနေ၊ အောက်ခြေတွင် လုပ်ငန်းများ အကောင်အထည်ဖော်ရာ ၌ အခက်အခဲဖြစ်နေသည့် နည်း ဥပဒေပါအချက်များနှင့် ဖြည့်စွက်သင့် သည့် အချက်များ၊ ဇယား ၁၊ ၂ ပါ ကဏ္ဍအလိုက် ပြည်ထောင်စုနှင့် တိုင်း ဒေသကြီး၊ ပြည်နယ်တို့ ခွဲခြားဆောင် ရွက်ရမည့် လုပ်ငန်းတာဝန်များ၊ ဥပဒေ ပြုရေးကိစ္စများနှင့် ခွဲဝေပေးမည့် လုပ်ပိုင်ခွင့်၊ ရပိုင်ခွင့်များကို အသေးစိတ် ညှိနှိုင်းဆွေးနွေးကြသည်။

ယင်းနောက် ပြည်ထောင်စုဝန်ကြီး ဦးစိုးသိန်း၊ ဦးတင်နိုင်သိန်းနှင့် ဦးလှထွန်းတို့က ပြည်ထောင်စုဝန်ကြီးများ၏ ဆွေးနွေးတင်ပြမှုများ၊ တိုင်းဒေသကြီး/ ပြည်နယ်အစိုးရအဖွဲ့များ၏ တင်ပြချက်များနှင့် ဒေသန္တရအကောင် အထည်ဖော် ဆောင်ရွက်နေသည့် လုပ်ငန်းများအပေါ် ပြန်လည်သုံးသပ်ဆွေးနွေး ပြောကြားကြသည်။

(သတင်းစဉ်)

နိုင်ငံကူးသင်္ဘောသား ဖြစ်ခွင့်ရပြီလား

 

 

 

သတင်းဆောင်းပါး-ခင်ရတနာ

ရန်ကုန်မြို့ ဒေါပုံမြို့နယ်ရှိ ရေကြောင်းပို့ဆောင် ရေးညွှန်ကြားမှုဦးစီးဌာနရုံးဝန်းကျင်တွင် အရွယ်စုံ အမျိုးသားများ ပျားပန်းခတ်မျှ သွားလာနေကြသည်။ တူညီဝတ်စုံများဖြင့် ရွှေရောင်အနာဂတ်ကိုမျှော်ကာ ကျွမ်းကျင်မှု လက်မှတ်ရယူကြသူများ၊ ကံကောင်းစွာ ဖြင့် ရာထူးများကို ဖြေဆိုအောင်မြင်ထားကြသော သင်္ဘောအရာရှိများ၊ အကျိုးဆောင်များထံ နေ့စဉ် ဆက်သွယ်ပြောဆိုနေကြသည့် သင်္ဘောသားဖြစ်လိုသူ များစသည်ဖြင့် စုံလင်လှသည်။

''ပြန်လာချင်တယ်။ ဒါပေမယ့် ပိုက်ဆံထက် အရေးကြီးတာ အတွေ့အကြုံပဲ။ ပြန်သွားရင် Sea Service နည်းတော့ နောက်တစ်ခေါက်အတွက် ခက် မယ်။ အဆင်မပြေရင်တောင် မပြန်ဘူးလို့ ဆုံးဖြတ် ပြီး နေခဲ့တယ်''ဟု တတိယအကြိမ် သင်္ဘောလိုက်ရန် ကြိုးပမ်းနေသူ ကိုသန့်စင်က ဆိုသည်။

သူက သင်္ဘောသားဖြစ်ခွင့်ရရန် နှစ်နှစ်ခန့် ကြိုးစားခဲ့ရပြီး ပွဲစားတစ်ဦးထံသို့ ငွေကျပ် ၃၅သိန်း ပေးအပ်ကာ ပထမဆုံး Sea Service ရယူခဲ့ရသည်။ သို့သော် ပွဲစားပြောခဲ့သည့် နိုင်ငံတကာ သင်္ဘော ကြီးပေါ် မဟုတ်ပါ။ မလေးရှားနိုင်ငံရှိ ဆိပ်ကမ်း လုပ်ငန်းခွင်မှ သဲစုပ်သင်္ဘောငယ်တစ်စင်းပေါ်တွင် အလုပ်လုပ်ရခြင်းဖြစ်သည်။

သင်္ဘောသားဝင်ငွေသည် အခြားအလုပ်အကိုင် ဝင်ငွေထက် ပိုမိုများပြားသည်ဟု သိရှိလာကြပြီး ခေါ်ယူသော လုပ်ငန်းနှင့်လုပ်ကိုင်လိုသည့် အရေ အတွက် မမျှတလောက်အောင် သင်္ဘောသားဖြစ်ခွင့် ရရန် ကြိုးပမ်းလာကြသည်။

''အပြင်သင်္ဘောသားတွေမပြောနဲ့ ရေကြောင်း တက္ကသိုလ်နဲ့ ရေကြောင်းသိပ္ပံဆင်းတွေတောင် အလုပ်ရဖို့ အရင်လောက်မလွယ်ဘူး။ တန်းစီထားတဲ့ လူကများပြီး ပေးနိုင်တဲ့ အလုပ်ကနည်းတယ်။ သင်္ဘော သားလက်မှတ်ရှိသူက ရှစ်သောင်းဝန်းကျင်ရှိပြီး လုပ်ငန်းခွင်ထဲရောက်တာက လူနှစ်သောင်းတောင် မပြည့်ပါဘူး''ဟု ရေကြောင်းပို့ဆောင်ရေးညွှန်ကြား မှုဦးစီးဌာနမှ တာဝန်ရှိသူတစ်ဦးက ပြောသည်။

ရေကြောင်းပို့ဆောင်ရေးညွှန်ကြားမှု ဦးစီးဌာနတွင် မှတ်ပုံတင်ထားသော သင်္ဘောသားကိုယ်စားလှယ် လုပ်ငန်းပေါင်း ၂ဝဝ ဝန်းကျင်ရှိပြီး အများစုမှာ သင်္ဘောလိုင်းငယ်များဖြစ်သည်။ နာမည်ကြီး သင်္ဘော လိုင်းများက အလုပ်ခေါ်ယူသော်လည်း လူဦးရေနှင့် ရာထူး ကန့်သတ်မှုများရှိနေသည်။

''ဖိလစ်ပိုင်နဲ့ တရုတ်နိုင်ငံမှာ သင်္ဘောသားတွေ ဖောင်းပွနေတာ။ သူတို့တွေကို ပိုပြီး အလုပ်ခန့်အပ်တာမို့ မြန်မာ သင်္ဘောသားတွေ အလုပ်ရဖို့ခက်တယ်။ အရာရှိ ပိုင်းမှာလည်းသူတို့ပဲ ကမ္ဘာ့သင်္ဘောသားဈေးကွက်ကို အများဆုံး ဝင်ရောက်တယ်။ ဒီမှာတော့ အတွေ့အကြုံ ရှိတောင် လိုင်းအပိုင်မရှိရင် တစ်ခေါက်ထွက်ဖို့ ခြောက်လက တစ်နှစ်ဝန်းကျင်စောင့်ရတယ်။ အသစ်ဆို နှစ်ချီပြီးစောင့်ကြရတယ်''ဟု စင်ကာပူသင်္ဘောလိုင်း တစ်ခုတွင် အလုပ်လုပ်နေသူ ကိုကျော်ထူးက ပြောပြ သည်။

ပြင်ပသင်္ဘောသားများ ညည်းညူနေကြရသည့် အလုပ်အကိုင်ရှားပါးမှုသည် ရေကြောင်းပညာ တက္ကသိုလ်နှင့် ရေကြောင်းသိပ္ပံကျောင်းဆင်းများအဖို့ လည်း ထိခိုက်မှုရှိလာသည်ကို တွေ့ရသည်။

''စင်ကာပူမှာ အလုပ်သွားလျှောက်တာ နှစ်ခေါက် ရှိပြီ။ သင်္ဘောတည်ဆောက်ရေးပိုင်းက လူတွေပိုပြီး အလုပ်ရဖို့ ခက်တယ်။ ကံကောင်းတဲ့သူတွေလည်းရှိ တယ်။ အများစုက ကိုယ်တတ်ထားတဲ့ ပညာနဲ့ ကိုက်ညီ တဲ့အလုပ်ကို လုပ်ချင်ကြတာပေါ့။ ကျွန်တော်ကိုယ်တိုင် လည်း သင်္ဘောလိုက်ရင် ရနိုင်ပေမယ့် မလိုက်ချင်ဘူး။ နောက်တစ်ခါဆိုရင်တော့ အေးဂျင့်အကူအညီယူရ မယ်''ဟု ရေကြောင်းတက္ကသိုလ်မှ သင်္ဘောတည်ဆောက် ရေး ဘာသာရပ်ဖြင့် ကျောင်းပြီးထားသူ ကိုမင်းသူက ဆိုသည်။

ရေကြောင်းပညာ တက္ကသိုလ်မှ ကျောင်းအုပ်ကြီး ဒေါက်တာမြတ်လွင်က တက္ကသိုလ်မှ နှစ်စဉ်ကျောင်းသား သုံးရာကျော် မွေးထုတ်ပေးနေပြီး အလုပ်အကိုင် ရရှိမှု ၇၅ ရာခိုင်နှုန်းရှိကြောင်း၊ ရေကြောင်းပညာနှင့် ရေကြောင်း အင်ဂျင်နီယာဘာသာရပ်များ ပိုမိုအလုပ် အကိုင်ရရှိလာကြောင်း ပြောကြားသည်။

ရေကြောင်းပညာ တက္ကသိုလ်မှ ရေယာဉ်တည် ဆောက်မှုအင်ဂျင်နီယာ၊ ရေကြောင်းအင်ဂျင်နီယာ၊ ရေကြောင်းစက်မှုအင်ဂျင်နီယာ၊ ဆိပ်ကမ်းအင်ဂျင်နီယာ၊ မြစ်ချောင်းနှင့်ကမ်းရိုးတန်းအင်ဂျင်နီယာ၊ ရေကြောင်း လျှပ်စစ်နှင့် အီလက်ထရောနစ်အင်ဂျင်နီယာ၊ ရေကြောင်း သိပ္ပံသင်္ဘောလုပ်ငန်းစီမံခန့်ခွဲမှု ဘွဲ့လွန် ဒီပလိုမာနှင့် ဆိပ်ကမ်းစီမံခန့်ခွဲမှုဘွဲ့လွန်ဒီပလိုမာများ ကို သင်ကြားပေးခဲ့ပြီး ကျောင်းသားစုစုပေါင်း သုံးထောင် ဝန်းကျင် မွေးထုတ်ပေးခဲ့ပြီးဖြစ်သည်။

''ကုမ္ပဏီတွေနဲ့ နားလည်မှုစာချွန်တွေ ရေးထိုးထား တယ်။ ကျောင်းပြီးသွားရင် အလုပ်အကိုင်ရဖို့အတွက် စဉ်းစားပေးရပါတယ်။ အခုနောက်ပိုင်းမှာ ကုမ္ပဏီ အများအပြားနဲ့ချိတ်ဆက်မိလို့ အလုပ်အကိုင် ပိုမို ရရှိလာကြတယ်''ဟု ဒေါက်တာမြတ်လွင်က ပြောပြ သည်။

ရေကြောင်းပို့ဆောင်ရေးညွှန်ကြားမှု ဦးစီးဌာနမှ လည်း ရေကြောင်းပညာရှင်များ ပိုမိုထွက်ပေါ်လာရေး နှင့် အရည်အသွေးပြည့်ဝသည့် ကုန်သွယ်ရေကြောင်း ပညာရှင်များအတွက် ခိုင်မာသည့် လုပ်ခလစာ၊ အလုပ် သမားအခွင့်အရေးများနှင့် နစ်နာကြေး၊ လျော်ကြေး နှင့် အလုပ်ရရှိရေးတို့အတွက် ရပ်တည်ဆောင်ရွက် ပေးနေကြောင်း ရေကြောင်းပို့ဆောင်ရေးညွှန်ကြားမှု ဦးစီးဌာန ညွှန်ကြားရေးမှူးချုပ် ဦးမောင်မောင်ဦးက ပြောကြားသည်။

ရေကြောင်းပညာရှင်များအတွက် သင်္ဘောဆင်း တိုင်းလိုအပ်သည့် မွမ်းမံသင်တန်းများနှင့် ရာထူးနေရာ အတွက် စာမေးပွဲများကိုလည်း ဖြေဆိုကြရသည်။ ပုဂ္ဂလိကနှင့်ဦးစီးဌာနလက်အောက် သင်တန်းစာမေး ပွဲများ ဖြေဆိုခြင်းများ ပြုလုပ်ကြရပြီး သင်ကြားရေး အတွက် ငွေကျပ် သိန်း ၅ဝ ကျော်အထိအဆင့်အလိုက် ကုန်ကျကြောင်း ကပ္ပတိန်ကိုမျိုးမြင့်အောင်က ပြော သည်။

မြန်မာသင်္ဘောသားများရရှိသည့် လစာသည် နိုင်ငံတွင်း အခြားအလုပ်အကိုင်များထက် ပိုမိုနိုင်သော် လည်း နိုင်ငံတကာ စံချိန်စံညွှန်းများအရ ပြည့်မီမှုမရှိ သေးကြောင်း၊ ရာထူးများကိုလည်း စာမေးပွဲအောင်မြင် ထားသော်လည်း ချက်ချင်းလက်ခံယူခွင့်အားနည်း နေသေးကြောင်း ကိုမျိုးမြင့်အောင်က ဆိုသည်။

''မြန်မာဆိုရင် လစာကပိုနည်းတယ်။ လိုင်းငယ် တွေမှာ ပိုဆိုးတယ်။ ကျွန်တော်ဆို Second Officer အောင်တာတစ်နှစ်ကျော်ပြီးမှ ရာထူးနဲ့လစာမှန်တယ်။ မူလက Third Officer ရာထူးနဲ့ တက်နေရတာ။ ကိုယ်ကလည်း ငွေကြေးအတွက် နှိမ်မှန်းသိပေမယ့် မလွန်ဆန်ရဲဘူး။ လိုင်းတွေ ခဏခဏပြောင်းကြရတာ သင်္ဘောသားတွေအတွက် ပိုပြီးအခက်အခဲရှိတယ်။ အခုလည်း ကပ္ပတိန်စာမေးပွဲအောင်ထားပေမယ့် ကပ္ပတိန်လစာ အပြည့်တောင်းလို့မရသေးဘူး။ သို့သော် သင်္ဘောသားက ကုန်းပေါ်မှာနေရင် ပိုက်ဆံ ကုန်တာပဲရှိမယ်''ဟု သူက ပြောသည်။

သင်္ဘောသားလုပ်ခလစာကို နိုင်ငံတကာ အလုပ် သမားအဖွဲ့အစည်းက ပြဋ္ဌာန်းထားသည့် လစာမှာ အနိမ့်ဆုံး အခြေခံလစာအဖြစ် အမေရိကန်ဒေါ်လာ ၅၈၅ သတ်မှတ်ထားသော်လည်း မြန်မာအလုပ်သမား အများစုမှာ အနိမ့်ဆုံးလစာနှင့် အချိန်ပိုကြေးအပါ အဝင် အမေရိကန်ဒေါ်လာ ၃၅ဝ မှ ၅ဝဝကြားသာ ရရှိကြောင်း မြန်မာ့ပင်လယ်ရေကြောင်း အလုပ်သမား များအဖွဲ့ချုပ်မှအဖွဲ့ဝင်ကိုထွန်းထွန်းဝင်းကပြောပြသည်။

''အမျိုးသားတွေ မိသားစုကို ပြည့်စုံလုံလောက် အောင်ထားဖို့ အလုပ်အကိုင်ရှားတယ်။ နိုင်ငံခြားသွား လုပ်လည်း နေရေးထိုင်ရေးပြဿနာရှိတယ်။ သင်္ဘော သားက အသားတင်လစာရတယ်ဆိုတော့ အဆင်ပြေ ကြတယ်။ ဒါပေမယ့် အရင်လောက် အလုပ်ရဖို့မလွယ် တော့ဘူး။ ပြန်ရောက်တာနဲ့ နောက်တစ်ခါ ပြန်ထွက်ဖို့ ကြိုးပမ်းကြရတော့ ကျွန်တော်တို့ ဒီအမ်အေပတ်ဝန်း ကျင်က လူအသစ်အဟောင်းတွေ စုံပြီး အမြဲစည်ကား နေတော့တာပဲ''ဟု ရေကြောင်းပို့ဆောင်ရေးညွှန်ကြား မှုဦးစီးဌာနအနီး ကုမ္ပဏီများနှင့် သင်္ဘောသားများ အတွက် စာရွက်စာတမ်း စီစဉ်ဆောင်ရွက်ပေးနေသူ Documentation ဝန်ထမ်းကိုတင်လင်းက သူ့နေ့စဉ် အတွေ့အကြုံကို မျှဝေခဲ့သည်။