မန်ယူအသင်းနှင့် ဆွမ်ဆီးအသင်း တစ်ဖက်တစ်ဂိုးစီ သရေပွဲဖြစ်

မန်ယူအသင်းသည် ပရီမီယာလိဂ်ပွဲစဉ်(၃၄)အဖြစ် ပရီမီယာလိဂ်တန်းဆင်းဇုန်အတွင်း ကျရောက်လျက်ရှိသည့် ဆွမ်ဆီးအသင်းနှင့် ယှဉ်ပြိုင်ကစားခဲ့ရာ တစ်ဖက် တစ်ဂိုးစီသရေရလဒ်သာ ထွက်ပေါ်ခဲ့သည်။

အဆိုပါပွဲစဉ်တွင် မန်ယူအသင်းသည် အသင်းခေါင်းဆောင်ရွန်းနီ၏ သွင်းဂိုးဖြင့် ဦးဆောင်ဂိုး စတင်ရရှိခဲ့သော်လည်း ဒုတိယပိုင်းပွဲကစားချိန် ၇၉ မိနစ်တွင် ဆွမ်ဆီးအသင်း၏ အားထားရသည့် ကစားသမားဖြစ်သည့် ဆင်းဂတ်ဆန်သွင်းဂိုးဖြင့် တစ်ဖက်တစ်ဂိုးစီသရေရလဒ်ထွက်ပေါ်ခဲ့သည်။

လက်ရှိတွင် ဆွမ်ဆီးအသင်းသည် တန်းဆင်းဇုန်မှ လွတ်မြောက်ရေးအတွက် ကြိုးပမ်းလျက်ရှိသည့်အသင်းဖြစ်ပြီး မန်ယူအသင်းသည်လည်း ချန်ပီယံလိဂ်ဝင်ခွင့်ရရှိရန်အတွက် မန်စီးတီးအသင်းနှင့် အပြိုင်ဖြစ်နေသည့်အသင်းဖြစ်သည်။

ထိုသို့တန်းဆင်းဇုန်မှလွတ်မြောက်ရေးရုန်းကန် နေသည့်အသင်းနှင့် ချန်ပီယံလိဂ်ဝင်ခွင့်အတွက် ကြိုးပမ်းနေသည့်အသင်းတို့ တွေ့ဆုံခဲ့ရာတွင် တစ်ဖက်တစ်ဂိုးစီသရေပွဲဖြစ်ခဲ့ခြင်းကြောင့် ဆွမ်ဆီးအသင်း တန်းဆင်းမသွားရရေး မသေချာသေးသည့်ပြင် မန်ယူအသင်းအတွက်လည်း ချန်ပီယံလိဂ်ဝင်ခွင့်အတွက် ဆုံးဖြတ်ရန်ခက်ခဲနေသည့် အနေအထားတွင် ရှိနေခဲ့သည်။

သို့ရာတွင် မန်ယူအသင်းအတွက်မူ ၂၅ ပွဲ ဆက်တိုက် ရှုံးပွဲမရှိစံချိန်ကိုတင်နိုင်ခဲ့ပြီး ပင်နယ်တီသွင်းဂိုးမှတစ်ဆင့် ဂိုးသွင်းယူနိုင်ခဲ့သည့် တိုက်စစ်မှူးရွန်းနီအတွက်လည်း မန်ယူအသင်းနှင့်အတူ ပင်နယ်တီသွင်းဂိုး ၂ဝ ပြည့်မြောက်အောင်သွင်းယူနိုင်ခဲ့သည့် ပထမဆုံးကစားသမားလည်း ဖြစ်လာခဲ့သည်။

(ငွေကြယ်)

နိုင်ငံတကာမြင်ကွင်း

ရဲရင့်လင်းလက်

မကြာသေးခင်က ကျင်းပပြီးစီးခဲ့တဲ့ အာဆီယံထိပ်သီး အစည်းအဝေးမှာ အာဆီယံနိုင်ငံတွေဟာ တရုတ်နိုင်ငံကို ရည်ညွှန်းပြောဆိုတဲ့ လုပ်ရပ်တစ်ခုကို ပြုလုပ်ခဲ့ပါတယ်။ ဒါကတော့ ပိုင်နက်နယ်မြေအငြင်းပွားမှု ဖြစ်ပွားနေတဲ့ တောင်တရုတ်ပင်လယ်အရေးနဲ့ ပတ်သက်ပြီး တရုတ်နိုင်ငံ ရဲ့ စစ်အင်အား ဖြန့်ကြက်မှုနဲ့ ကျွန်းတုတည်ဆောက်မှုတွေကို ရည်ညွှန်းဖော်ပြခဲ့တာပါ။ ဒီလို ရည်ညွှန်းဖော်ပြမှု ပြုလုပ်နိုင်ဖို့ မူလပြင်ဆင်ထားတဲ့ ကြေညာချက်ကို ပြင်ဆင်ပြောင်းလဲခဲ့တယ်လို့ ဆိုပါတယ်။ ဘာပဲဖြစ်ဖြစ် ဒီခြေလှမ်းဟာ တရုတ်နိုင်ငံအတွက်တော့ စိတ်အနှောင့်အယှက်ဖြစ်စရာဖြစ်မှာပါ။

ရိုက်တာသတင်းဌာနကို ပြောကြားခဲ့တဲ့ အာဆီယံသံတမန်နှစ်ဦးရဲ့ အဆိုအရ မနီလာမြို့မှာရှိတဲ့ တရုတ်သံရုံး သံတမန်တွေဟာ ဖိလစ်ပိုင်အရာရှိတွေကို ချဉ်းကပ်ပြီး အာဆီယံထိပ်သီးအစည်းအဝေးထုတ်ပြန်ကြေညာချက်မှာ ပါဝင်မယ့်အကြောင်းအရာတွေကို သူတို့လိုလားသလို ဖြစ်အောင်ကြိုးပမ်းခဲ့တယ်လို့ဆိုပါတယ်။ ဒါပေမယ့် အာဆီယံလေးနိုင်ငံဟာ ထုတ်ပြန်ဖို့ပြင်ဆင်ထားတဲ့ မူလကြေညာချက်မှာ တရုတ်နိုင်ငံရဲ့ စစ်အင်အားဖြန့်ကြက်မှုနဲ့ ကျွန်းတုတည်ဆောက်တဲ့ကိစ္စတွေကို ချန်လှပ်ထားတာနဲ့ပတ်သက်ပြီး ကန့်ကွက်ပြောဆိုခဲ့ပါတယ်။ မနှစ်က လာအိုမှာထုတ်ပြန်ခဲ့တဲ့ ကြေညာချက်မှာဒီကိစ္စကို ထည့်သွင်းပြောဆိုခဲ့တာပါ။

တရုတ်နိုင်ငံဟာ အာဆီယံအဖွဲ့ဝင်နိုင်ငံ မဟုတ်တဲ့အတွက် ဒီထိပ်သီးအစည်းအဝေးကို တက်ရောက်နိုင်ခဲ့တာတော့ မဟုတ်ပါဘူး။ ဒီကိစ္စနဲ့ပတ်သက်ပြီး ရိုက်တာသတင်းဌာနက မနီလာမြို့မှာရှိတဲ့ တရုတ်သံရုံးကို မေးမြန်းဖို့ ကြိုးစားခဲ့ပေမယ့် မအောင်မြင်ခဲ့ပါဘူး။ တရုတ်နိုင်ငံခြားရေးဝန်ကြီးဌာနကလည်း ဒီကိစ္စနဲ့ပတ်သက်ပြီး မှတ်ချက်ပေးဖို့ ပြောဆိုခဲ့တာတွေနဲ့ ပတ်သက်ပြီး ချက်ချင်းလက်ငင်း တုံ့ပြန်မှုတွေ မပြုလုပ်ခဲ့ပါဘူး။ တောင်တရုတ်ပင်လယ်အရေးနဲ့ပတ်သက်ပြီး အာဆီယံနိုင်ငံတွေရဲ့ ရည်ညွှန်းပြောဆိုမှုဟာ အစဉ်အလာထုံးစံတွေနဲ့အညီ တရုတ်နိုင်ငံကို အမည်တပ်ပြောဆိုခဲ့တာတော့ မဟုတ်ပါဘူး။ စပရက် တလေ (Spratly) ကျွန်းစုမှာ ဖန်တီးထားတဲ့ လူလုပ် ကျွန်း ခုနစ်ကျွန်းနဲ့ပတ်သက်ပြီး ရည်ညွှန်းပြောဆိုမှာကို တရုတ်နိုင်ငံက အလွန်အကျွံ သတိထားတယ်လို့ပဲ ပြောရမှာပါ။ အပြီးသတ် ကြေညာချက်နဲ့ပတ်သက်ပြီး သဘောတူညီချက်မရသေးပေမယ့် ပြုလုပ်ခဲ့တဲ့ အပြောင်းအလဲက ညွှန်ပြနေတဲ့ နိုင်ငံရေးသဘောထား ရှိပါတယ်။ ဒါကတော့ တောင်တရုတ်ပင်လယ်အရေးမှာ ပြဿနာဖြစ်စေနိုင်တဲ့ သူ့နိုင်ငံရဲ့ လုပ်ရပ်တွေနဲ့ပတ်သက်ပြီး အာဆီယံအဖွဲ့က တရားဝင်ထုတ်ပြန်ကြေညာချက်တွေမှာ ရည်ညွှန်းပြောဆိုတာမျိုး မပြုလုပ်ဖို့ တရုတ်နိုင်ငံရဲ့ ကြိုးပမ်းမှုကို အာဆီယံအဖွဲ့က လက်မခံခဲ့တာပါ။

လက်ရှိအခြေအနေမှာ တရုတ်နိုင်ငံဟာ ဖိလစ်ပိုင်သမ္မတ ဒူတာတေးနဲ့ အတော်ကြီးကို အဆင်ပြေနေတာပါ။ ဒီလိုအဆင်ပြေတယ်ဆိုပေမယ့် ဖိလစ်ပိုင်နိုင်ငံရဲ့ ရပ်တည်ချက် ပြောင်းလဲသွားလောက်အောင်တော့ တရုတ်နိုင်ငံက ဖိလစ်ပိုင်နိုင်ငံအပေါ် သြဇာလွှမ်းမိုးနိုင်ပုံမရပါဘူး။ တချို့သတင်းရင်းမြစ်တွေက ဖိလစ်ပိုင်နိုင်ငံဟာ အတော်ကြီးကို ဖိအားပေးခံနေရတယ်လို့ ဆိုကြပါတယ်။ ပြောရရင် ဒီနှစ်အာဆီယံထိပ်သီးအစည်းအဝေးကို အမေရိကန်နိုင်ငံ က အာဆီယံဒေသနဲ့ပတ်သက်ပြီး ဘယ်လိုမူဝါဒမျိုး ချမှတ်မယ်ဆိုတာကို ရေရေရာရာမသိရတဲ့ အနေအထားမျိုးမှာ ကျင်းပခဲ့ရတာပါ။ တရုတ်နိုင်ငံရဲ့ သြဇာလွှမ်းမိုးမှုကို တုံ့ပြန် နိုင်ဖို့ အမေရိကန်နိုင်ငံက ဒေသတွင်းမှာ သူ့ရဲ့ရေတပ်အင်အား ဆက်လက်ဖြန့်ကြက်ထား၊မထားဆိုတာက မရေမရာဖြစ်နေတာပါ။ တရုတ်နိုင်ငံနဲ့ ဖိလစ်ပိုင်နိုင်ငံအကြားက ပင်လယ်ပြင်ပိုင်နက်နယ်မြေ အငြင်းပွားမှုအပေါ် နိုင်ငံတကာခုံရုံးက ချမှတ်ခဲ့တဲ့ ဆုံးဖြတ်ချက်နဲ့ပတ်သက်ပြီး ရိုးတိုးရိပ်တိပ် ရည်ညွှန်းတာမျိုးတောင်တရုတ်နိုင်ငံက မလိုလားပါဘူး။ ဒါကြောင့်လည်း ဒီလိုရည်ညွှန်းမှုမျိုး မဖြစ်ရလေအောင် တရုတ်သံတမန်တွေက လုံးပန်းနေကြတာပါ။ သံတမန်အသိုင်းအဝိုင်းရဲ့ အဆိုအရ တရုတ်နိုင်ငံက ''တရားဥပဒေနှင့် သံတမန်ဆိုင်ရာ လုပ်ထုံးလုပ်နည်းများကို အပြည့်အဝအလေးထားလိုက်နာရန်'' ဆိုတဲ့ စာပိုဒ်မပါဝင်ရေးကို အဓိကရည်မှန်းချက်အဖြစ် ချမှတ်ပြီး ဆောင်ရွက်ကြိုးပမ်းနေတာပါ။ နောက်ဆုံးရရှိတဲ့ သတင်းတွေအရ အာဆီယံထိပ်သီးအစည်းအဝေး ထုတ်ပြန်ကြေညာချက် နောက်ဆုံးမူကြမ်းမှာ ဒီစာပိုဒ်က ဆက်ပါဝင်နေပါတယ်။ ဒါပေမယ့် ဒီစာပိုဒ်ကို တောင်တရုတ် ပင်လယ်အခန်းကဏ္ဍမှာ မထည့်ဘဲ နောက်အခန်း ကဏ္ဍတစ်ခုထဲ ရွှေ့ပြောင်းခဲ့တယ်လို့ ဆိုပါတယ်။

ဖိလစ်ပိုင်နိုင်ငံက ၂ဝ၁၃ ခုနှစ်မှာ တင်ပြခဲ့တဲ့ ပင်လယ်ပြင်ပိုင်နက်နယ်မြေအငြင်းပွားမှုနဲ့ ပတ်သက်ပြီး သည်ဟိတ် (The Hague) နိုင်ငံတကာခုံရုံးက ချမှတ်ခဲ့တဲ့ ဆုံးဖြတ်ချက်ကို တရုတ်နိုင်ငံက အတော်ကြီးကို မကျေမနပ်ဖြစ်နေတာပါ။ ဘာလို့လဲဆိုရင် ဒီဆုံးဖြတ်ချက်ရဲ့ သဘောအရ တောင်တရုတ်ပင်လယ်ပြင်မှာ သူပိုင်ဆိုင်တယ်လို့ တရုတ်နိုင်ငံကတောင်းဆိုနေတဲ့ ပင်လယ်ပြင် ပိုင်နက်နယ်မြေအားလုံးနီးပါးကို လက်မခံပယ်ချထားလို့ပါ။ ဒါကြောင့် တရုတ်နိုင်ငံက ဒီနိုင်ငံတကာခုံရုံးဆုံးဖြတ်ချက်ကို ငြင်းပယ်ခဲ့တာက အံ့သြစရာမရှိပါဘူး။ တရုတ်နိုင်ငံနဲ့ ပြေလည်ရေးကို ရှေးရှုပြီး ဖိလစ်ပိုင်သမ္မတ ဒူတာတေးက ဒီနိုင်ငံတကာခုံရုံးဆုံးဖြတ်ချက်ကို တရုတ်နိုင်ငံက လက်ခံအသိအမှတ်ပြုလာအောင် မကြိုးပမ်းဖို့ ဆုံးဖြတ်ချက်ချခဲ့ ပုံရပါတယ်။ အာဆီယံထိပ်သီးအစည်းအဝေးမှာလည်း ဖိလစ်ပိုင်သမ္မတ ဒူတာတေးက ''အာဆီယံအဖွဲ့အနေနဲ့ တရုတ်နိုင်ငံကို ဖိအားပေးဖို့ဆိုတာ အဓိပ္ပာယ်မရှိဘူး'' လို့ မှတ်ချက်ချ ပြောဆိုခဲ့ပါတယ်။ ဖိလစ်ပိုင်သမ္မတ ဒူတာတေးရဲ့ အာဆီယံထိပ်သီးအစည်းအဝေး အဖွင့်မိန့်ခွန်းမှာ တောင်တရုတ်ပင်လယ်အရေးနဲ့ ပတ်သက်ပြီး ရည်ညွှန်းပြောဆိုတာမျိုး လုံးဝမလုပ်ခဲ့ပါဘူး။ ဆယ်လ သက်တမ်းရှိပြီဖြစ်တဲ့ သူ့အစိုးရရဲ့ အဓိက မူဝါဒတွေကိုပဲ ဖိလစ်ပိုင်သမ္မတ ဒူတာတေးက ရှင်းလင်းပြောဆိုသွားပါတယ်။

ဖိလစ်ပိုင်သမ္မတ ဒူတာတေးရည်ညွှန်းပြောဆိုခဲ့တဲ့ ကိစ္စရပ်တွေကို ကြည့်မယ်ဆိုရင် အစွန်းရောက်အကြမ်းဖက်မှု ပြဿနာပါဝင်သလို ပင်လယ်ဓားပြကိစ္စပါဝင်ပါတယ်။ နိုင်ငံတစ်နိုင်ငံရဲ့ ပြည်တွင်းရေးမှာ ဝင်ရောက်မစွက်ဖက်ရေးဆိုတာကိုလည်း သမ္မတ ဒူတာတေးက ပြောဆိုသွားပါတယ်။ သူ့ရဲ့ကိုယ်ပိုင်အမှတ်လက္ခဏာလို့ ပြောရမယ့် မူးယစ်ဆေးဝါးနှိမ်နင်းရေးကိစ္စကို သမ္မတ ဒူတာတေးက ပြောဆိုမယ်ဆိုတာကတော့ မြေကြီးလက်ခတ်မလွဲ ပြောဆိုနိုင်တဲ့ကိစ္စပါ။ သမ္မတ ဒူတာတေးက ''တရားမဝင်မူးယစ်ဆေးဝါး ယန္တရားကြီးဟာ အဆမတန်ကြီးမားတာပါ။ ဒါပေမယ့် မတွန်းလှန်နိုင်တဲ့ အရာမျိုးတော့ မဟုတ်ပါဘူး။ နိုင်ငံရေး သန္နိဋ္ဌာန်နဲ့ ပူးပေါင်းဆောင်ရွက်မှုသာရှိရင် ဖြိုဖျက်ရှင်းလင်းနိုင်တဲ့ အရာမျိုးပါ။ တရားမဝင်မူးယစ်ဆေးဝါးယန္တရားက ကျွန်တော်တို့ လူ့အဖွဲ့အစည်းကို မဖျက်ဆီးခင် ကျွန်တော်တို့က ဒီယန္တရားဆိုးကြီးကို ဖျက်ဆီးရပါလိမ့်မယ်'' လို့ ပြောဆိုခဲ့ပါတယ်။ အဖွင့်မိန့်ခွန်းပြောဆိုမှုအပြီးမှာ ဖိလစ်ပိုင်သမ္မတ ဒူတာတေးက အာဆီယံခေါင်းဆောင်တွေနဲ့ အစည်းအဝေးနှစ်ကြိမ်ထိုင်ခဲ့ပေမယ့် ဒီအစည်းအဝေးတွေဟာ တံခါးပိတ်အစည်းအဝေးတွေဖြစ်လို့ သတင်းမီဒီယာတွေက သိခွင့်မရခဲ့ပါဘူး။

တောင်တရုတ်ပင်လယ်အတွင်း ပါဝင်ပတ်သက်နေတဲ့ နိုင်ငံတွေအချင်းချင်း ဆက်ဆံရေးလမ်းညွှန်(code of conduct) ဆိုင်ရာ မူဝါဒဘောင်ကို ဒီနှစ်အတွင်း သဘောတူညီချက်ရရှိမယ်လို့ အာဆီယံအဖွဲ့နဲ့ တရုတ်နိုင်ငံတွေက မျှော်မှန်းထားပါတယ်။ ဒီသဘောတူညီချက်ရရှိအောင် အာဆီယံအဖွဲ့နဲ့ တရုတ်နိုင်ငံတို့ဟာ (၁၅)နှစ် ကျော်ကြာ ကြိုးပမ်းခဲ့ရတာပါ။ အာဆီယံသံတမန်တချို့ ကတော့ ဒီသဘောတူညီချက်ရရှိအောင် တရုတ်နိုင်ငံက ရိုးရိုးသားသားကြိုးပမ်းခဲ့တာလို့ ရှုမြင်ပါတယ်။ ဒီကိစ္စရပ်နဲ့ ပတ်သက်ပြီး အာဆီယံအတွင်းရေးမှူးချုပ် လီလွန်မင်း (Le Luong Minh)က အစဉ်အလာမဟုတ်တဲ့ ပွင့်ပွင့်လင်းလင်းမှတ်ချက်ကို ပြုလုပ်ခဲ့ပါတယ်။ လီလွန်မင်းက ရိုက်တာသတင်းဌာနနဲ့တွေ့ဆုံရင်း ပြောကြားခဲ့တာပါ။ လီလွန်မင်းက ''တစ်ဖက်သတ်ပြုမူမှုတွေ ရပ်ဆိုင်းဖို့ဆိုရင် ဒီဆက်ဆံရေးလမ်းညွှန်ဟာ တရားဥပဒေသဘောအရ မဖြစ်မနေလိုက်နာရမယ့် ပြဋ္ဌာန်းမှုမျိုးဖြစ်ဖို့လိုပါတယ်။ ဒီလိုမှ မဟုတ်ဘူးဆိုရင်တော့ တရားမျှတမှုရှိရပါစေမယ်ဆိုတဲ့ အတိတ်ကာလက ကတိပြုချက်တွေလိုပဲ ဘေးဖယ်လျစ်လျူရှုတာကို ခံရမှာပါ''လို့ မှတ်ချက်ပြုခဲ့တာပါ။ အိမ်နီးချင်းတွေလို့ပြောရမယ့် အာဆီယံအဖွဲ့နဲ့ တရုတ်နိုင်ငံတို့ဟာ ရေရှည်အကျိုးစီးပွားအတွက် ဘယ်လိုပဲဖြစ်ဖြစ် ပူးပေါင်းလက်တွဲဆောင်ရွက်နိုင်မယ့် နည်းလမ်းမျိုးရှာကြံရမယ်ဆိုတာက ရှောင်လွှဲလို့မရနိုင်တဲ့ သမိုင်းအမှန်တရားပါ။

၂ဝ၁၇ ဗိုလ်ချုပ်အောင်ဆန်းဒိုင်း ရှုံးထွက်ပြိုင်ပွဲ ပထမအဆင့်ပွဲစဉ်များ ကျင်းပမည်

ရန်ကုန် ဧပြီ ၃ဝ

၂ဝ၁၇ ရာသီ ဗိုလ်ချုပ်အောင်ဆန်းဒိုင်း ရှုံးထွက်ပြိုင်ပွဲ ပထမအဆင့်ပွဲစဉ် များကို မေ ၂ ရက်တွင် စတင်ကျင်းပမည်ဖြစ်ပြီး လက်ရှိပထမတန်း ပြိုင်ပွဲပထမအကျော့အပြီးတွင် ထိပ်ဆုံး၌ အပြိုင်ဖြစ်နေသည့် မြဝတီအသင်းနှင့် စီးတီးရန်ကုန်အသင်းတို့ ထိပ်တိုက်တွေ့ဆုံလျက်ရှိသည်။

ပထမအဆင့်တွင် ပထမတန်းကလပ် ၁ဝ သင်း၊ ယခုရာသီအစတွင် MNL သို့ တန်းတက်ယှဉ်ပြိုင်နေသည့် GFA နှင့် နေပြည်တော်အသင်းတို့ ယှဉ်ပြိုင်ကစားမည်ဖြစ်သည်။ပထမအဆင့်ပွဲစဉ်များကို မေ ၂၊ ၃၊ ၄ ရက်တွင် တစ်ရက်လျှင် နှစ်ပွဲနှုန်းဖြင့် ကျင်းပမည်ဖြစ်ပြီး မေ ၂ ရက်တွင် သုဝဏ္ဏကွင်း၌ ဖုန်ဂန်အသင်းနှင့် GFA အသင်း၊ အောင်ဆန်းကွင်း၌ ငွေကြယ်ပွင့်အသင်းနှင့် စီးတီးစတားအသင်း၊ မေ ၃ ရက်တွင် သုဝဏ္ဏကွင်း၌ ဖီးနစ်(က)အသင်းနှင့် မောရဝတီအသင်း၊ အောင်ဆန်းကွင်း၌ မြဝတီအသင်းနှင့် စီးတီးရန်ကုန်အသင်း၊ မေ ၄ ရက်တွင် သုဝဏ္ဏကွင်း၌ မဟာယူနိုက်တက်အသင်းနှင့် တက္ကသိုလ်လက်ရွေးစင်အသင်း၊ အောင်ဆန်းကွင်း၌ နေပြည်တော်အသင်းနှင့် ဒဂုံအသင်းတို့ ယှဉ်ပြိုင်ကစားမည်ဖြစ်သည်။ ပထမအဆင့်ပွဲစဉ်များအနက် ပထမတန်းတွင် ထိပ်ဆုံး၌ အပြိုင်ဖြစ်နေသည့် စီးတီးရန်ကုန်အသင်းနှင့် မြဝတီအသင်းတို့၏ တွေ့ဆုံမှုမှာ အကြိတ်အနယ်ရှိလာနိုင်ပြီး ပြိုင်ဆိုင်မှု ပြင်းထန်ဖွယ်ရှိနေသည်။ လိဂ်ပြိုင်ပွဲ ပထမအကျော့ တွေ့ဆုံစဉ်က သရေကျခဲ့ပြီး ယခုပြိုင်ပွဲတွင် အနိုင်အရှုံးပေါ်သည်အထိ ကစားရမည်ဖြစ်သည်။ စီးတီးရန်ကုန်အသင်း အနိုင်ရခဲ့ပါက ဒုတိယအဆင့်တွင် ရန်ကုန်အသင်းနှင့် ကစားရမည်ဖြစ်ပြီး ပထမဆုံး ရန်ကုန် ဒါဘီပွဲစဉ်ဖြစ်လာ ဖွယ်ရှိနေသည်။ ပွဲစဉ်ရေးဆွဲထားမှုအရ ပထမအဆင့်နှင့် ဒုတိယအဆင့် ပွဲစဉ်များကို ယခုလအတွင်း ကျင်းပမည်ဖြစ်ပြီး လက်ရှိချန်ပီယံ မကွေးအသင်းအပါအဝင် MNL ကလပ်အသင်းများမှာ ဒုတိယအဆင့်မှ စတင် ကစားရမည်ဖြစ်သည်။ ဒုတိယအဆင့်တွင် MNL ကလပ် အသင်းများ တွေ့ဆုံသည့်ပွဲများ ပါဝင်နေသော်လည်း အသင်းကြီးများမှာ ကွာတားဖိုင်နယ်အဆင့်မှသာ အစောဆုံးတွေ့ဆုံ ဖွယ်ရှိနေသည်။ အသင်းကြီးများ တွေ့ဆုံနိုင်မှုအနေအထားတွင် လက်ရှိချန်ပီယံ မကွေးအသင်းသည် အခြားအသင်းကြီးများသာ ပုံမှန်အတိုင်း အနိုင်ရလာပါက ဒုတိယအဆင့်တွင် GFA အသင်း၊ ကွာတားဖိုင်နယ်တွင် ရှမ်းယူနိုက်တက်အသင်း၊ ဆီမီးဖိုင်နယ်တွင် ဧရာဝတီအသင်း၊ ၂ဝ၁၆ ပြိုင်ပွဲ ဒုတိယဆုရ ရန်ကုန်အသင်းသည် ကွာတားဖိုင်နယ်တွင် ဟံသာဝတီအသင်း၊ ဆီမီးဖိုင်နယ်တွင် ရတနာပုံအသင်းတို့နှင့် တွေ့ဆုံဖွယ်ရှိနေသည်။ ရှုံးထွက်ပြိုင်ပွဲမှာ မထင်မှတ်သည့် ရလဒ်ထွက်ပေါ်နိုင်သည့် ပြိုင်ပွဲမျိုးဖြစ်ရာ အသင်းငယ်များအနေဖြင့်လည်း မထင်မှတ်ဘဲ အောင်မြင်မှုရသွားတတ်သည့် အစဉ်အလာကောင်းများ ရှိထားသည်။

ဒုတိယအဆင့် ပွဲစဉ်များကို မေ ၁၁၊ ၁၂၊ ၁၇-၁၈ ရက်တွင် ဆက်လက်ကျင်းပမည် ဖြစ်သည်။

သတင်း-ရှိုင်းထက်ဇော်၊ ဓာတ်ပုံ-ဖိုးသော်ဇင်

သမ္မတပူတင်ဦးဆောင်သည့် အစိုးရအဖွဲ့တွင် အကျင့်ပျက်ခြစားမှုများရှိနေသည်ဟု ပြည်သူများဆန္ဒထုတ်ဖော်

မော်စကို ဧပြီ ၃ဝ

ရုရှားနိုင်ငံပြည်သူများက သမ္မတ ဗလာဒီမာပူတင်ဦးဆောင်သည့် အစိုးရအဖွဲ့တွင် အကျင့်ပျက်ခြစားမှုများရှိနေသည်ဟု စွပ်စွဲကာ ကျေနပ်မှုမရှိသဖြင့် ဆန္ဒထုတ်ဖော်ခဲ့ကြရာ မော်စကိုရဲအရာရှိများက ဆန္ဒပြသူ ၁ဝဝ ကျော်ကို ဖမ်းဆီးထိန်းသိမ်းထားကြောင်း ယနေ့သတင်းများအရ သိရသည်။

အဆိုပါဆန္ဒထုတ်ဖော်မှုများသည် လက်ရှိအစိုးရအား ဆန့်ကျင်သည့် ပွင့်လင်းမြင်သာ ရုရှားအဖွဲ့က သမ္မတ ပူတင်ဦးဆောင်သော အစိုးရအဖွဲ့တွင် အကျင့်ပျက် ခြစားမှုများရှိနေသည့်အတွက် ထုတ်ဖော်စစ်ဆေးပေးရန် တောင်းဆိုခဲ့သည်။ ယင်းသို့ တောင်းဆိုခဲ့ပြီးနောက် ဧပြီ ၂၉ ရက်တွင် ရုရှားနိုင်ငံနေရာအနှံ့အပြား၌ ဆန္ဒထုတ်ဖော်မှုများ ဆင်နွှဲလျက်ရှိကြသည်။

မော်စကိုမြို့တွင် ဆန္ဒထုတ်ဖော်သူရာပေါင်းများစွာသောပြည်သူများက ရုရှားသမ္မတရုံး၏ ဧည့်ကြိုစားပွဲပေါ်သို့ သမ္မတပူတင်အနေဖြင့် နောင်လာမည့် သမ္မတရွေးကောက်ပွဲများတွင် ဝင်ရောက်ယှဉ်ပြိုင်ခြင်းမပြုပါရန် မေတ္တာရပ်ခံသည့် လက်ရေးဖြင့်ရေးသားထားသော ပေးစာများကို တင်သွင်းရန် တန်းစီစောင့်ဆိုင်းနေခဲ့ကြသည်။

စိန့်ပီတာစဘတ်နှင့် ကာဇန်မြို့များတွင်လည်း အလားတူဖြစ်ရပ်မျိုးဖြစ်ပွားခဲ့ကြောင်း သိရသည်။

ဧပြီ ၃ဝ ရက်တွင် ရဲအရာရှိများက ဆန္ဒထုတ်ဖော် ပြည်သူတစ်ရာကျော်ကို ဖမ်းဆီးထိန်းသိမ်းထားကြောင်း မီဒီယာများက ဆိုသည်။ ပွင့်လင်းမြင်သာရုရှားအဖွဲ့အစည်းကို ယခင်ရုရှားရေနံသူဌေးသြဇာတိက္ကမ ကြီးမားသူ မီခေး ခိုဒိုကိုဗ်စကီက စတင်ဖွဲ့စည်းတည်ထောင်ခဲ့သည်။ လက်ရှိအချိန်တွင် မီခေးခိုဒိုကိုဗ်စကီသည် ရုရှားနိုင်ငံ ပြင်ပတွင် နေထိုင်လျက်ရှိသည်။

လွန်ခဲ့သောလက အစိုးရ၏အကျင့်ပျက်ခြစားမှုကို ဆန့်ကျင်သည့် နိုင်ငံအဝန်း ဆန္ဒထုတ်ဖော်မှုများပြီးနောက် ယခုဆန္ဒပြမှုများ ထပ်မံပေါ်ပေါက်ခဲ့ခြင်းဖြစ်သည်။

အင်န်အိတ်ခ်ျကေ။

ပါလက်စတိုင်းနှင့် အစ္စရေး ပဋိပက္ခဖြေရှင်းနိုင်ရေး အီဂျစ်နှင့် ပါလက်စတိုင်းခေါင်းဆောင်များ ဆွေးနွေး

ကိုင်ရို ဧပြီ ၃ဝ

ပါလက်စတိုင်းနှင့် အစ္စရေးပဋိပက္ခအား ဖြေရှင်းနိုင်ရေးအတွက် နိုင်ငံနှစ်နိုင်ငံအတူ ယှဉ်တွဲနေထိုင်ရေး အယူအဆကို အီဂျစ်နှင့် ပါလက်စတိုင်းခေါင်းဆောင်များက ထပ်လောင်းထုတ်ဖော်ပြောဆိုကြကြောင်း အီဂျစ်သမ္မတ၏ ပြောရေးဆိုခွင့်ရှိသူ အလ္လာယူဆွတ်က ပြောကြားသည်။

အီဂျစ်နိုင်ငံသို့ ရောက်ရှိနေသော ပါလက်စတိုင်းသမ္မတ မာမွတ်အဘတ်စ်သည် သမ္မတအဗ္ဗဒူဖာတားအယ်-စီစီနှင့် ဧပြီ ၂၉ ရက်က ကိုင်ရိုမြို့၌ တွေ့ဆုံဆွေးနွေးခဲ့သည်။

အရှေ့အလယ်ပိုင်းပြဿနာပြေလည်ရေးအတွက် ပြီးပြည့်စုံသော သဘောတူညီချက် တစ်ရပ်ရရှိရန် အီဂျစ်နိုင်ငံက အစဉ်တစိုက် လိုလားခဲ့သည်ဟု သမ္မတစီစီက ပြောကြားကြောင်း ပြောရေးဆိုခွင့်ရှိသူက ပြောကြားသည်။

အရှေ့ဂျေရုဆလင်ကို မြို့တော်အဖြစ် သတ်မှတ်ကာ ၁၉၆၇ ခုနှစ် နယ်စပ်မျဉ်းများအပေါ် အခြေခံ၍ နိုင်ငံအဖြစ် ထူထောင် နိုင်ရန် ပါလက်စတိုင်းတို့အား အာမခံချက်ပေးရမည်ဟု သမ္မတစီစီက ပြောကြားခဲ့သည်။ ပါလက်စတိုင်း-အစ္စရေး ငြိမ်းချမ်းရေးဆွေးနွေးပွဲများ ပြန်လည်ကျင်းပနိုင်ရေးအတွက် အစ္စရေး၏ မဟာမိတ်အမေရိကန် ပြည်ထောင်စုက အရေးပါသောအခန်းကဏ္ဍမှ ပါဝင်လှုပ်ရှားရန်လည်း အီဂျစ်သမ္မတ တိုက်တွန်းခဲ့သည်။

ထိုစဉ်အတွင်း ပါလက်စတိုင်းတို့ ဂိုဏ်းဂဏအရ အားပြိုင်နေမှု အဆုံးသတ်ရန် သမ္မတ စီစီက တိုက်တွန်းသည်။ အာဏာရ ဖာတာ လှုပ်ရှားမှုအဖွဲ့နှင့် လက်နက်ကိုင် ဟားမားစ် လှုပ်ရှားမှုအဖွဲ့အကြား အားပြိုင်မှုများ အဆုံးသတ်ကာ အမျိုးသားညီညွတ်ရေးအတွက် ကြိုးပမ်းဆောင်ရွက်ကြရန် လိုအပ်သည်ဟု သမ္မတ စီစီက ပြောကြားသည်။

ဆင်ဟွာ။

သမ္မတထရန့်၏ ပတ်ဝန်းကျင်ထိန်းသိမ်းရေးဆိုင်ရာ သဘောထားရပ်တည်ချက်ကို လက်ခံနိုင်ခြင်းမရှိကြောင်း ကန့်ကွက်ဆန္ဒပြ

ဝါရှင်တန် ဧပြီ ၃ဝ

ပတ်ဝန်းကျင်ထိန်းသိမ်းရေးနှင့် ပတ်သက်၍ အမေရိကန်သမ္မတ ဒေါ်နယ်ထရန့်၏ သဘောထားရပ်တည်ချက်အပေါ် နှစ်သက်မှုမရှိကြသူများသည် အိမ်ဖြူတော်ရှေ့၌ ဧပြီ ၂၉ ရက်က စုဝေးကာ ကန့်ကွက်ဆန္ဒပြခဲ့ကြကြောင်း၊ သမ္မတထရန့်သည် ယခင်သမ္မတ ဘာရက်အိုဘားမား၏ ရာသီဥတုပြောင်းလဲခြင်း ထိန်းညှိရေးဆိုင်ရာမူဝါဒများအား ပယ်ဖျက်ခြင်းမပြုရန် ဆန္ဒပြသူများက တောင်းဆိုခဲ့ကြကြောင်း ဒေသဆိုင်ရာသတင်းဌာနများက ဧပြီ ၃ဝ ရက်တွင် သတင်းထုတ်ပြန်သည်။

ဧပြီ ၂၂ ရက်က စတင်ခဲ့သော မြေကမ္ဘာရက်သတ္တပတ်လှုပ်ရှားမှုများ၏ အထွတ်အထိပ် လှုပ်ရှားမှုတစ်ရပ်အဖြစ် သမ္မတထရန့်၏ ပတ်ဝန်းကျင်ထိန်းသိမ်းရေးဆိုင်ရာ သဘောထားရပ်တည်ချက်ကို တစ်ခဲနက် ကန့်ကွက်ဆန္ဒပြကြခြင်းဖြစ်သည်။ သိန်းနှင့်ချီအရေအတွက်ရှိ ဆန္ဒပြသူများက အမေရိကန်ကွန်ဂရက်လွှတ်တော်အဆောက်အအုံအနီးမှ စတင်ချီတက်ခဲ့ကြပြီး အိမ်ဖြူတော်အနီးအပါးမှဖြတ်သန်းကာ ဝါရှင်တန်အထိမ်းအမှတ် ရုပ်တုရှိရာသို့ ဦးတည်သွားရောက်ခဲ့ကြသည်။

''ပင်လယ်များ၏ ရေမျက်နှာပြင်များ မြင့်တက်လာနေပြီ''၊ ''ရုပ်ကြွင်းလောင်စာမသုံးပါနှင့်'' စသည့် ကြွေးကြော်သံများကို ဆန္ဒပြသူများက ဟစ်ကြွေးခဲ့ကြသည်။

ရိုက်တာ။

ဘက်စုံပညာထူးချွန်လူငယ်များအား ဟောပြောဆွေးနွေးပွဲနှင့် လူရည်ချွန်ဟောင်းကြီးများတွေ့ဆုံပွဲကျင်းပ

ညောင်ရွှေ ဧပြီ ၃ဝ

အင်းလေးအပန်းဖြေစခန်း၌ ၂ဝ၁၇ ခုနှစ် ဘက်စုံပညာထူးချွန်လူငယ် မောင်မယ်များအား ဟောပြောဆွေးနွေးပွဲနှင့် လူရည်ချွန်ဟောင်းကြီးများက အသိပညာလက်ဆင့်ကမ်း ပို့ချပွဲကို ယနေ့နံနက်ပိုင်းနှင့် မွန်းလွဲပိုင်းတွင် အထက(၁)ညောင်ရွှေ၌ ကျင်းပသည်။

အစီအစဉ်ပထမပိုင်းအဖြစ် ဟောပြောဆွေးနွေးပွဲကို ကျင်းပရာ ပတ်ဝန်းကျင်ထိန်းသိမ်းရေးဦးစီးဌာနမှ လက်ထောက်ညွှန်ကြားရေးမှူး ဦးစိုးနိုင်က ''ရာသီဥတု ပြောင်းလဲခြင်းနှင့် ပတ်ဝန်းကျင်ထိန်းသိမ်းရေး'' ခေါင်းစဉ်ဖြင့်လည်းကောင်း၊ စိုက်ပျိုးရေးဦးစီးဌာနမှ ဦးစီးအရာရှိ ဦးထွန်းလှက ''လယ်ယာကဏ္ဍဖွံ့ဖြိုး တိုးတက်ရေးနှင့် အင်းလေးကန် ရေရှည်တည်တံ့ရေးအတွက် စိုက်ပျိုး ရေးဦးစီးဌာန၏ လုပ်ငန်းဆောင်ရွက် မှု'' ခေါင်းစဉ်ဖြင့်လည်းကောင်း ဟောပြောပို့ချခဲ့သည်။

မွန်းလွဲပိုင်းတွင် လူရည်ချွန် ကျောင်းသားဟောင်းကြီးများက ဘက်စုံပညာထူးချွန်လူငယ်များအား အသိပညာများလက်ဆင့်ကမ်းပို့ချ ခြင်း၊ ဉာဏ်စမ်းပဟေဠိ ဆန်းစစ်လွှာ များစစ်ဆေးခြင်းနှင့် ဆုရရှိသူများအား ဆုချီးမြှင့်ခြင်း၊ အမှတ်တရ လက်ဆောင်ပစ္စည်းများ ပေးအပ်ခြင်းတို့ ဆောင်ရွက်ခဲ့ကြောင်းသိရသည်။

ဟိန်းထက်ဇော်(မြန်မာ့အလင်း) 

ဓာတ်ပုံ-ဇော်ဘီ