ဘက်စုံပညာထူးချွန်လူငယ်များအား ဟောပြောဆွေးနွေးပွဲနှင့် လူရည်ချွန်ဟောင်းကြီးများတွေ့ဆုံပွဲကျင်းပ

ညောင်ရွှေ ဧပြီ ၃ဝ

အင်းလေးအပန်းဖြေစခန်း၌ ၂ဝ၁၇ ခုနှစ် ဘက်စုံပညာထူးချွန်လူငယ် မောင်မယ်များအား ဟောပြောဆွေးနွေးပွဲနှင့် လူရည်ချွန်ဟောင်းကြီးများက အသိပညာလက်ဆင့်ကမ်း ပို့ချပွဲကို ယနေ့နံနက်ပိုင်းနှင့် မွန်းလွဲပိုင်းတွင် အထက(၁)ညောင်ရွှေ၌ ကျင်းပသည်။

အစီအစဉ်ပထမပိုင်းအဖြစ် ဟောပြောဆွေးနွေးပွဲကို ကျင်းပရာ ပတ်ဝန်းကျင်ထိန်းသိမ်းရေးဦးစီးဌာနမှ လက်ထောက်ညွှန်ကြားရေးမှူး ဦးစိုးနိုင်က ''ရာသီဥတု ပြောင်းလဲခြင်းနှင့် ပတ်ဝန်းကျင်ထိန်းသိမ်းရေး'' ခေါင်းစဉ်ဖြင့်လည်းကောင်း၊ စိုက်ပျိုးရေးဦးစီးဌာနမှ ဦးစီးအရာရှိ ဦးထွန်းလှက ''လယ်ယာကဏ္ဍဖွံ့ဖြိုး တိုးတက်ရေးနှင့် အင်းလေးကန် ရေရှည်တည်တံ့ရေးအတွက် စိုက်ပျိုး ရေးဦးစီးဌာန၏ လုပ်ငန်းဆောင်ရွက် မှု'' ခေါင်းစဉ်ဖြင့်လည်းကောင်း ဟောပြောပို့ချခဲ့သည်။

မွန်းလွဲပိုင်းတွင် လူရည်ချွန် ကျောင်းသားဟောင်းကြီးများက ဘက်စုံပညာထူးချွန်လူငယ်များအား အသိပညာများလက်ဆင့်ကမ်းပို့ချ ခြင်း၊ ဉာဏ်စမ်းပဟေဠိ ဆန်းစစ်လွှာ များစစ်ဆေးခြင်းနှင့် ဆုရရှိသူများအား ဆုချီးမြှင့်ခြင်း၊ အမှတ်တရ လက်ဆောင်ပစ္စည်းများ ပေးအပ်ခြင်းတို့ ဆောင်ရွက်ခဲ့ကြောင်းသိရသည်။

ဟိန်းထက်ဇော်(မြန်မာ့အလင်း) 

ဓာတ်ပုံ-ဇော်ဘီ

ပြည်ထောင်စုလွှတ်တော်နာယက မန်းဝင်းခိုင်သန်းနှင့်အဖွဲ့ အာဆီယံနိုင်ငံခေါင်းဆောင်များနှင့် အာဆီယံပါလီမန်များညီလာခံကိုယ်စားလှယ်များ မျက်နှာစုံညီတွေ့ဆုံပွဲသို့ တက်ရောက်

နေပြည်တော် ဧပြီ ၃ဝ

ပြည်ထောင်စုလွှတ်တော်နာယက မန်းဝင်းခိုင်သန်း ခေါင်းဆောင်သောကိုယ်စားလှယ်အဖွဲ့သည် ဖိလစ်ပိုင်သမ္မတနိုင်ငံ အောက်လွှတ်တော်ဥက္ကဋ္ဌနှင့် အာဆီယံ ပါလီမန်များညီလာခံ(AIPA) အလှည့်ကျဥက္ကဋ္ဌ H.E. PANTALEON D. ALVAREZ ၏ ဖိတ်ကြားချက်အရ အာဆီယံနိုင်ငံခေါင်းဆောင်များနှင့် အာဆီယံပါလီမန်များ ညီလာခံကိုယ်စားလှယ်များ မျက်နှာစုံညီတွေ့ဆုံပွဲအတွက် အကြိုညှိနှိုင်းအစည်းအဝေး(AIPA Preparatory Meeting for the ASEAN-AIPA Leaders’ Interface) နှင့် အာဆီယံနိုင်ငံခေါင်းဆောင်များနှင့် အာဆီယံပါလီမန်များညီလာခံကိုယ်စားလှယ်များ မျက်နှာစုံညီတွေ့ဆုံပွဲ(ASEAN-AIPA Leaders’ Interface)သို့ တက်ရောက်ရန် ဖိလစ်ပိုင်နိုင်ငံ မနီလာမြို့ Ninoy Aquino အပြည်ပြည်ဆိုင်ရာလေဆိပ်သို့ ဧပြီ ၂၇ ရက် ညပိုင်းတွင် ရောက်ရှိခဲ့သည်။

ပြည်ထောင်စုလွှတ်တော်နာယကနှင့်အဖွဲ့အား ဖိလစ်ပိုင်သမ္မတနိုင်ငံဆိုင်ရာ မြန်မာသံအမတ်ကြီး ဦးဝင်းနိုင်နှင့် ဖိလစ်ပိုင်အောက်လွှတ်တော်မှ တာဝန်ရှိသူများက Ninoy Aquino အပြည်ပြည်ဆိုင်ရာလေဆိပ်နှင့် Makati Shangri-La Hotel တို့တွင် လာရောက်ကြိုဆိုနှုတ်ဆက်ကြသည်။

ပြည်ထောင်စုလွှတ်တော်နာယကနှင့်အဖွဲ့သည် ဧပြီ ၂၈ ရက် နံနက် ၉ နာရီတွင် ကျင်းပသည့် အာဆီယံနိုင်ငံ ခေါင်းဆောင်များနှင့် အာဆီယံပါလီမန်များညီလာခံ ကိုယ်စားလှယ်များ မျက်နှာစုံညီတွေ့ဆုံပွဲအတွက် အကြို ညှိနှိုင်းအစည်းအဝေးသို့ AIPA အဖွဲ့ဝင်နိုင်ငံများဖြစ်သော ဘရူနိုင်း၊ ကမ္ဘောဒီးယား၊ အင်ဒိုနီးရှား၊ လာအို၊ မလေးရှား၊ ဖိလစ်ပိုင်၊ စင်ကာပူ၊ထိုင်းနှင့် ဗီယက်နမ်နိုင်ငံတို့မှ ပါလီမန် ခေါင်းဆောင်များ၊ ကိုယ်စားလှယ်များနှင့်အတူ တက်ရောက်ကြသည်။

ထို့နောက် ဖိလစ်ပိုင်အောက်လွှတ်တော်ဥက္ကဋ္ဌနှင့် အာဆီယံပါလီမန်များညီလာခံ အလှည့်ကျဥက္ကဋ္ဌ၊ အာဆီယံပါလီမန်များမှ ကိုယ်စားလှယ်အဖွဲ့ခေါင်းဆောင်များ၊ အာဆီယံပါလီမန်များညီလာခံ(AIPA) အထွေထွေအတွင်းရေးမှူးချုပ်တို့နှင့်အတူ စုပေါင်းမှတ်တမ်းတင် ဓာတ်ပုံရိုက်ကူးခဲ့ကြသည်။

ယင်းနေ့ညပိုင်းတွင် ပြည်ထောင်စုလွှတ်တော် နာယကသည် ဖိလစ်ပိုင်အောက်လွှတ်တော်ဥက္ကဋ္ဌနှင့် အာဆီယံပါလီမန်များညီလာခံ အလှည့်ကျဥက္ကဋ္ဌက တည်ခင်းသော ဂုဏ်ပြုညစာစားပွဲသို့ တက်ရောက်ခဲ့ကြသည်။

မြန်မာကိုယ်စားလှယ်အဖွဲ့သည် ဧပြီ ၂၉ ရက် နံနက်ပိုင်းတွင် ဖိလစ်ပိုင် အပြည်ပြည်ဆိုင်ရာကွန်ဗင်းရှင်းစင်တာ၌ကျင်းပသည့် အကြိမ်(၃ဝ)မြောက် အာဆီယံထိပ်သီးအစည်းအဝေးဖွင့်ပွဲအခမ်းအနားသို့ တက်ရောက်ခဲ့ပြီး နေ့လယ်ပိုင်းတွင် အာဆီယံနိုင်ငံခေါင်းဆောင်များနှင့် အာဆီယံပါလီမန်များ ညီလာခံကိုယ်စားလှယ်များ မျက်နှာစုံညီတွေ့ဆုံပွဲ (ASEAN-AIPA Leaders’ Interface) သို့ တက်ရောက်သည်။

ပြည်ထောင်စုလွှတ်တော်နာယကနှင့်အဖွဲ့သည် ဧပြီ ၃ဝ ရက် နံနက်ပိုင်းတွင် မလေးရှားလေကြောင်းဖြင့် မနီလာမြို့မှ ပြန်လည်ထွက်ခွာခဲ့ကြရာ ရန်ကုန်အပြည်ပြည် ဆိုင်ရာလေဆိပ်သို့ ညနေပိုင်းတွင် ပြန်လည်ရောက်ရှိသည်။

ပြည်ထောင်စုလွှတ်တော်နာယကနှင့်အဖွဲ့အား ရန်ကုန်တိုင်းဒေသကြီးလွှတ်တော်ဥက္ကဋ္ဌ ဦးတင်မောင်ထွန်း၊ ရန်ကုန်တိုင်းဒေသကြီးလွှတ်တော် ဒုတိယဥက္ကဋ္ဌ ဦးလင်းနိုင်မြင့်၊ အမျိုးသားလွှတ်တော် ပြည်တွင်း ပြည်ပ အလုပ်သမားဆိုင်ရာကော်မတီဥက္ကဋ္ဌ ဦးကျော်ထွေး၊ နိုင်ငံသားများ၏မူလအခွင့်အရေး၊ ဒီမိုကရေစီအရေးနှင့် လူ့အခွင့်အရေးဆိုင်ရာ ကော်မတီဥက္ကဋ္ဌ ဒေါက်တာဌေးကြွယ်နှင့် တာဝန်ရှိသူများက ရန်ကုန်အပြည်ပြည်ဆိုင်ရာလေဆိပ်၌ ကြိုဆိုနှုတ်ဆက်ကြသည်။

(သတင်းစဉ်)

စေတနာမူလတန်းကြိုကျောင်း(ဝင်္ကပါ)မှ ကျောင်းဆင်းလက်မှတ် ပေးအပ်

ရန်ကုန် ဧပြီ ၃ဝ

စေတနာမူလတန်းကြိုကျောင်း(ဝင်္ကပါ) ဗဟန်း၏ ၂ဝ၁၆-၂ဝ၁၇ ပညာသင်နှစ် တတိယအကြိမ်မြောက် မူကြိုပြီးမြောက်ကြောင်း လက်မှတ်ပေးအပ်ပွဲကို ဧပြီ ၃ဝ ရက် နံနက်ပိုင်းက အဆိုပါကျောင်းအစည်းအဝေးခန်းမ၌ပြုလုပ်ရာ အမှုဆောင်အဖွဲ့ဥက္ကဋ္ဌ ဒေါ်ညွန့်ခင်က အမှာစကားပြောကြားပြီး မူကြိုကလေးငယ် ၂ဝ အား မူကြိုပြီးမြောက်ကြောင်းလက်မှတ်ကို ဥက္ကဋ္ဌ၊ အတွင်းရေးမှူးနှင့် အမှုဆောင်များက ပေးအပ်ချီးမြှင့်ခဲ့သည်။

အခမ်းအနားသို့ အမှုဆောင်အဖွဲ့ဝင်များ၊ ဆရာ ဆရာမများ၊ မိဘများနှင့် ဖိတ်ကြားထားသော ဧည့်သည်များ တက်ရောက်ခဲ့ကြောင်း သိရသည်။

အေးသန်း(စိန်တုံးကြီး)

ဆက်သွယ်ရေးစနစ် သွက်လက်ခိုင်မာပါမှ

မျက်မှောက်ကာလမှာ ကမ္ဘာပေါ်တွင် သိပ္ပံနှင့်နည်းပညာများ ထွန်းကားနေသည်။ နိုင်ငံရေး၊ စီးပွားရေး၊ လူမှုရေး နယ်ပယ်များအပြင် စစ်ရေးနယ်ပယ်များတွင် နည်းပညာကို ထိရောက်စွာအသုံးချနိုင်သည့် အဖွဲ့အစည်းများမှာ အခြားအဖွဲ့အစည်းများထက် တစ်ပန်းသာ၍ ဦးဆောင် ဦးရွက်ပြုနိုင်ကြသည်။ နည်းပညာသည် ခေတ်မီရေးအတွက်သာမက နိုင်ငံဖွံ့ဖြိုးရေးအတွက် မရှိမဖြစ်လိုအပ်ချက်ဖြစ်သည်။

တိုင်းပြည်တွင် သယံဇာတနှင့် လူသားအရင်းအမြစ်များ မည်မျှပေါများစေကာမူ နည်းပညာကို အသုံးမချနိုင်သရွေ့ အချည်းအနှီးသာ ဖြစ်ပေလိမ့်မည်။ နည်းပညာများကိုပိုင်ဆိုင်နိုင်ပါလျှင် သယံဇာတနှင့် လူ့စွမ်းအားများ နည်းပါးသော်လည်း ချမ်းသာကြွယ်ဝသော နိုင်ငံအဖြစ်သို့ ရောက်ပေလိမ့်မည်။ နည်းပညာများကိုပိုင်ဆိုင်သဖြင့် ချမ်းသာကြွယ်ဝသောနိုင်ငံများမှာ ကမ္ဘာ့အလယ်တွင် လူတွင်ကျယ်ဖြစ်နေသည်။

ချမ်းသာကြွယ်ဝသောနိုင်ငံဖြစ်စေ၊ အလယ်အလတ်အဆင့်ရှိသော နိုင်ငံဖြစ်စေ၊ နောက်ဆုံးမဖွံ့ဖြိုးသေးသော နိုင်ငံများတွင်ပင် သတင်းအချက်အလက်နှင့် ဆက်သွယ်ရေးစနစ်ကို မိမိတို့တတ်နိုင်သမျှနှင့် အသုံးချကြသည်။ စီးပွားရေးနှင့် လူမှုဘဝနယ်ပယ်တွင် သတင်းအချက်အလက်နှင့် ဆက်သွယ်ရေးနည်းပညာများကို အသုံးချနေကြပြီ။ ရှေးယခင် လူဖြင့်ဆက်သွယ်ရေးစနစ်များ တိမ်ကော၍ ကြိ်ုးနှင့်ဆက် သွယ်ရေးစနစ်များကို အသုံးချခဲ့သည်။ ထို့နောက် ကြိုးမဲ့ဆက်သွယ်ရေး စနစ်များပေါ်ထွန်းလာကာ ဆက်သွယ်မှုစနစ်များ လျင်မြန်ချောမွေ့နေသည်ကို မြင်တွေ့နိုင်သည်။

မြန်မာနိုင်ငံတွင် ဆက်သွယ်ရေးစနစ်များ ယခင်ကာလများနှင့်မတူ တိုးတက်ကောင်းမွန်လာပြီဟု ဆိုနိုင်သည်။ ကြိုးနှင့်ဆက်သွယ်ရေးရော၊ ကြိုးမဲ့ဆက်သွယ်ရေးစနစ် နှစ်မျိုးစလုံးကို အသုံးပြုနေကြသည်။ အထူးသဖြင့် မိုဘိုင်းဖုန်းဆက်သွယ်ရေးကို လူတိုင်းအသုံးပြုနိုင်ကြသည်။ အဖွဲ့အစည်းများတွင်မူ ကြိုးနှင့်ဆက်သွယ်ရေးကို အသုံးပြုကြသည်။ လူတို့အား အသိအမြင်ဗဟုသုတနှင့် ဖျော်ဖြေမှုကို ပေးဝေနေသော အရုပ်၊ အသံစနစ်တွင် ကြိုးမဲ့ဆက်သွယ်ရေးကို အသုံးပြုကြသည်။

ကြိုးမဲ့ဆက်သွယ်ရေးဆိုရာ၌ ဂြိုဟ်တုစနစ်ကို ထိရောက်စွာ အသုံးမချနိုင်သေးဘဲ ထပ်ဆင့်လွှင့်စက်များကိုအသုံးချသလို မြေအောက်ကေဘယ်လ်ကြိုးစနစ်ကိုလည်း အသုံးချကြသည်။ အရုပ်၊ အသံတို့ကို အသုံးပြုနိုင်ရန်အတွက် ကေဘယ်လ်ကြိုးစနစ်၊ ထပ်ဆင့်လွှင့်စနစ်တို့တွင် အကန့်အသတ်နှင့်အဟန့်အတား၊ အနှောင့်အယှက်များရှိသည်။ လွတ်လပ်ပေါ့ပါးလျင်မြန်စွာဖြင့် အချိန်နေရာမရွေး အသုံးပြုနိုင်ခြင်းမရှိချေ။

မြန်မာနိုင်ငံကို ဖွံ့ဖြိုးတိုးတက်လာအောင် ဆောင်ရွက်ရာတွင် သတင်းအချက်အလက်နှင့် ဆက်သွယ်ရေးနည်းပညာများ၊ စနစ်များ ပိုမိုအားကောင်းလာအောင် ဆောင်ရွက်နိုင်မှ ဖွံ့ဖြိုးတိုးတက်မှု လျင်မြန်ရေးကို ထိရောက်စွာထောက်ကူနိုင်မည်။ ဆက်သွယ်ရေးစနစ်တွင် ကြိုးမဲ့ဂြိုဟ်တုဆက်သွယ်ရေးစနစ်သည်သာ အကောင်းဆုံးဖြစ်သည်။

ယခုအခါ မြန်မာနိုင်ငံပိုင် ဂြိုဟ်တုဆက်သွယ်ရေးစနစ် တည်ထောင်နိုင်ရေး အမြန်ဆုံးအကောင်အထည်ဖော်တော့မည်ဟု သိရသဖြင့် အားတက်မိသည်။ မြေပြင်ပေါ်တွင် ရှုပ်ထွေးပွေလီသော ဆက်သွယ်ရေးပစ္စည်းများနှင့် စနစ်များ လျော့ပါးသွားပြီး ပိုမိုလျင်မြန်ချောမွေ့သောစနစ်ဖြင့် တစ်နိုင်ငံလုံးကို လွှမ်းခြုံနိုင်မည်ဖြစ်သည်။ ယခုကာလတွင် အချို့အပိုင်းများ၌ အသုံးပြုနေသောဂြိုဟ်တုစနစ်မှာ ငှားရမ်းအသုံးပြုရသောစနစ်ဖြစ်၍ တွင်ကျယ်မှုမရှိလှချေ။

ဂြိုဟ်တုစနစ်မှာ ဆက်သွယ်ရေးစနစ်တွင် အကောင်းဆုံးဖြစ်သော်လည်း ထိုဂြိုဟ်တုတစ်လုံး ပိုင်ဆိုင်နိုင်ရန်အတွက် အရင်းအနှီး ပမာဏကြီးမားပြီး ဂြိုဟ်တုစနစ်ဆိုင်ရာ နည်းပညာများလိုအပ်နေသေးသောကြောင့် ယနေ့ထက်တိုင် ဂြိုဟ်တုပိုင်ဆိုင်နိုင်သည့် အခြေအနေသို့ မရောက်သေးခြင်းဖြစ်သည်။ ဘဏ္ဍာငွေ၊ ဥပဒေ၊ လုပ်ထုံးလုပ်နည်း၊ နည်းပညာ၊ လုံခြုံရေးစနစ်များ အကောင်းဆုံးဖြစ်အောင် ဖော်ဆောင်ရဦးမည်ဖြစ်သည်။

ယခုအခါ မြန်မာနိုင်ငံပိုင် ဂြိုဟ်တုဆက်သွယ်ရေးစနစ် အမြန်ဆုံးကြိုးပမ်းအကောင်အထည်ဖော် ဆောင်ရွက်သွားမည်ဟု သိရသဖြင့် မြန်မာနိုင်ငံနှင့် နိုင်ငံသားများအတွက် ဝမ်းမြောက်ဝမ်းသာဖြစ်ရသလို အောင်မြင်စွာအကောင်အထည်ဖော်နိုင်ပါစေဟု ဆန္ဒပြုပါသည်။ ။

တောင်သမန်အင်းနှင့် ဦးပိန်တံတားကြီးသို့ ကမ္ဘာလှည့်ခရီးသွားများ လာရောက်မှုပိုမိုများပြား

မန္တလေး ဧပြီ ၃ဝ

မန္တလေးတိုင်းဒေသကြီး အမရပူရ မြို့နယ်ရှိ သဘာဝအမွေအနှစ်နှင့် ဘိုးဘွားအမွေအနှစ်များ ရောယှက်တည်ရှိရာ တောင်သမန်အင်းနှင့် ဦးပိန်တံတားကြီးသို့ ၂ဝ၁၅ ခုနှစ် မှစ၍ ကမ္ဘာလှည့်ခရီးသွားများ ဝင်ရောက်လေ့လာမှုပိုမိုများပြားလာကြောင်း တောင်သမန်ငှက်လေအသင်း ဥက္ကဋ္ဌ ဦးစိုးဝင်းက ပြောသည်။

ယခင်နှစ်များစွာက အဆိုပါနေရာသို့ ကမ္ဘာလှည့်ခရီးသွားများ နေ့စဉ်ဝင်ရောက်လေ့လာသူဦးရေမှာ၂ဝ နှင့် ၂၅ ဦးခန့်သာရှိခဲ့သော်လည်း ၂ဝ၁၅ ခုနှစ်မှ ယနေ့အချိန်အထိ တစ်ရက်လျှင် နိုင်ငံတကာခရီးသွားဧည့်သည် ၈ဝ နှင့် ၉ဝ အကြားအထိ ကြည့်ရှုမှုတိုးလာကြောင်း သိရသည်။

''လက်ရှိမှာ ခရီးသွားကုမ္ပဏီ ၁ဝခု လောက်ကလည်း ငှက်လှေငှားဖို့ နေ့စဉ် ကြိုတင်ချိတ်ဆက်မှုတွေ ရှိတယ်။ သင်္ကြန်ကာလအတွင်းကလည်း နေ့စဉ် ၁၅ဝ နီးပါးလောက် ဝင်ရောက်ခဲ့ပါတယ်။ ဒီကိုရောက်လာ တဲ့နိုင်ငံခြားသားတွေက မြန်မာနိုင်ငံဟာ ရာသီဥတုကလည်း ကောင်းတဲ့အပြင် နေဝင်ချိန်ဆည်းဆာကို ကြည့်ရတာ ဒီဦးပိန်တံတားက အလှဆုံးပဲလို့ ပြောကြတယ်''ဟု ၎င်းက ပြောသည်။

ထို့ပြင် အင်းရေပြင်ပေါ်တွင် ငှက်လှေစီး၍ လှေပေါ်တွင် ရှမ်ပိန်နှင့် ဝိုင်ကို အရသာခံသောက်လေ့ရှိကြောင်းနှင့် စက်ဖြင့်မောင်းနှင်သော လှေထက် လက်ဖြင့်လှော်ခတ်သော ငှက်လှေကိုစီး၍ နေဝင်ဆည်းဆာအလှ ဓာတ်ပုံရိုက်ကူးခြင်းကို နိုင်ငံခြားသားများက ပို၍နှစ်သက်ကြောင်း ၎င်းက ဆက်လက်ပြောဆိုသည်။ တောင်သမန်အင်းနှင့် ဦးပိန်တံတားကြီး၏သဘာဝရှုခင်း အလှအပများကို လာရောက်ခံစား ကြည့်ရှုကြသည့် နိုင်ငံခြားသားများအနက် ပြင်သစ်နိုင်ငံမှ အများဆုံးဖြစ်ပြီး ထိုင်း၊ အီတလီ၊ တရုတ်၊ ဂျာမနီနှင့် ဟော်လန်နိုင်ငံတို့မှလည်း လာရောက်လေ့လာလျက်ရှိပြီး ငှက်လှေငှားရမ်းခအနေဖြင့် နိုင်ငံခြားသားများအတွက် တစ်စင်းလျှင် ငွေကျပ် ၁၂ဝဝဝ သတ်မှတ်ထားကြောင်း သိရသည်။

မင်းထက်အောင်(မန်းကိုယ်ပွား)

အလုပ်ရှင်၊ အလုပ်သမားတို့၏ ဟန်ချက်ညီသည့်တွန်းအားက နိုင်ငံတော်ဖွံ့ဖြိုးတိုးတက်မှုဆိုသည့် အရွေ့ကိုဖြစ်စေမည်

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးထင်ကျော်က ၂ဝ၁၇ ခုနှစ်၊ မေလ (၁)ရက်နေ့တွင်ကျရောက်သည့် အလုပ်သမားနေ့အခမ်းအနားသို့ ပေးပို့သောသဝဏ်လွှာ

ချစ်ကြည်လေးစားအပ်ပါတဲ့ အလုပ်သမားကြီးများခင်ဗျား-

ဒီကနေ့ ၂ဝ၁၇ ခုနှစ်၊ မေလ ၁ ရက်နေ့မှာ ကျရောက်တဲ့ ကမ္ဘာ့အလုပ်သမားနေ့မှာ မြန်မာနိုင်ငံတစ်ဝန်းမှာသာမက ကမ္ဘာ့နိုင်ငံအသီးသီးမှာရှိကြတဲ့ မြန်မာအလုပ်သမားထုတစ်ရပ်လုံး စိတ်၏ချမ်းသာခြင်း၊ ကိုယ်၏ကျန်းမာခြင်းများနဲ့ ပြည့်စုံကြပါစေကြောင်း ဆုတောင်းမေတ္တာပို့သရင်း နှုတ်ခွန်းဆက်သအပ်ပါတယ်။

ယနေ့ ကျွန်တော်တို့အစိုးရသစ်အနေနဲ့ လုပ်နည်းလုပ်ဟန်တွေပြောင်းလဲပြီး ကဏ္ဍပေါင်းစုံမှာတိုးတက်စေဖို့ ကြိုးပမ်းဆောင်ရွက်လျက်ရှိပြီး နိုင်ငံတော်ဖွံ့ဖြိုးတိုးတက်ရေးမှာ အလုပ်သမားကြီးများဟာ အဓိကကျတဲ့ အခန်းကဏ္ဍမှာ ပါဝင်နေတာဖြစ်တဲ့အတွက် အလုပ်သမားရေးရာကဏ္ဍမှာလည်း လူမှုရေးတရားမျှတမှုအပေါ်အခြေခံတဲ့ အစိုးရအဖြစ် အလုပ်ရှင်၊ အလုပ်သမား၊ မိတ်ဖက်အဖွဲ့အစည်းအသီးသီးတို့နဲ့ ပူးပေါင်းဆောင်ရွက်လျက်ရှိပါတယ်။

နိုင်ငံတော်ရဲ့ စီးပွားရေးဖွံ့ဖြိုးတိုးတက်ရေးနဲ့ လုပ်ငန်းခွင်ဆက်ဆံရေး ကောင်းမွန်ရေးတို့ဟာ အပြန်အလှန် အမှီသဟဲပြုနေတာ ဖြစ်ပါတယ်။ ဒါကြောင့် စက်ရုံ၊ အလုပ်ရုံများမှာ အလုပ်ခန့်ထားမှုဆိုင်ရာ သဘောတူစာချုပ်များ ချုပ်ဆိုဆောင်ရွက်ဖို့၊ သက်ဆိုင်ရာဥပဒေနဲ့အညီ အလုပ်သမား/အလုပ်ရှင်အဖွဲ့အစည်းများ ဖွဲ့စည်းဆောင်ရွက်ပေးဖို့နဲ့ အလုပ်သမားရေးရာပြဿနာများ လျော့နည်းကျဆင်းစေဖို့တွေကို ဆောင်ရွက်ပေးကြရမှာဖြစ်ပါတယ်။ အလုပ်ရှင်နဲ့ အလုပ်သမားများအချင်းချင်းဆက်ဆံရေးကောင်းမွန်ပြီး အပြန်အလှန်လေးစားယုံကြည်မှုနဲ့ စည်းလုံးညီညွတ်စွာ လုပ်ကိုင်ဆောင်ရွက်နိုင်မှသာ ကုန်ထုတ်စွမ်းအားတိုးတက်လာပြီး လူမှုစီးပွားဘဝ ဖွံ့ဖြိုးတိုးတက်ရေး ရည်မှန်းချက် ပန်းတိုင်ကိုရောက်ရှိမှာဖြစ်ပါတယ်။ အဲ့ဒီရည်မှန်းချက်ပန်းတိုင်ကို ရောက်ရှိဖို့ Social Dialogue လို့ ခေါ်တဲ့ လူမှုရေးဆွေးနွေးမှုဟာ မရှိမဖြစ်အရေးပါတဲ့အတွက် အစိုးရ၊ အလုပ်သမားနဲ့ အလုပ်ရှင်တို့ ပါဝင်ဖွဲ့စည်းထားတဲ့ အမျိုးသားအဆင့် သုံးပွင့်ဆိုင်အစည်းအဝေးများမှာ လူမှုရေးဆွေးနွေးမှုများ တိုးမြှင့်ဆောင်ရွက်နေပြီဖြစ်ပါတယ်။

ချစ်ကြည်လေးစားအပ်ပါတဲ့ အလုပ်သမားကြီးများခင်ဗျား-

အလုပ်သမားဥပဒေများကို နိုင်ငံတကာ၊ ဒေသဆိုင်ရာစံနှုန်းသတ်မှတ်ချက်များနဲ့ လိုက်လျောညီထွေဖြစ်ဖို့အတွက် လက်ရှိဥပဒေများကို သုံးသပ်ပြင်ဆင်ရာမှာ ဥပဒေပညာရှင်များ၊ ILO နဲ့ ပြည်တွင်း/ပြည်ပကျွမ်းကျင်သူများထံက အကြံဉာဏ်များရယူဆောင်ရွက်ခဲ့ပါတယ်။ ဒါ့အပြင် လုပ်ငန်းခွင်ဘေးအန္တရာယ်ကင်းရှင်းရေးနဲ့ ကျန်းမာရေးဥပဒေ၊ နိုင်ငံခြားသားအလုပ်သမား ဥပဒေတို့ မရှိသေးတဲ့အတွက် အသစ်ပြဋ္ဌာန်းနိုင်ရေးကိုလည်း ဆောင်ရွက်လျက်ရှိပါတယ်။

နိုင်ငံတော်အနေနဲ့ အလုပ်အကိုင်ရှာဖွေရေးရုံး (Labour Exchange Office)များ ဖွင့်လှစ်ထားပြီး အလုပ်သမားမှတ်ပုံတင်ပြုလုပ်ပေးကာ အလုပ်ရှင်များနဲ့ ဆက်သွယ်ဆောင်ရွက်ပေးလျက်ရှိပါတယ်။ ရပ်ဝေးနေရာတွေကိုတော့ Mobile Team များနဲ့ ကွင်းဆင်းဆောင်ရွက်ပေးလျက်ရှိပါတယ်။ ဒါ့အပြင် အလုပ်အကိုင်ပြပွဲများ ခင်းကျင်းပြသပြီး အလုပ်ခန့်ထားနိုင်ရေးကို အလုပ်ရှင်များနဲ့ ညှိနှိုင်းဆောင်ရွက်ပေးလျက်ရှိပါတယ်။

ပြည်ပနိုင်ငံများသို့ သွားရောက်အလုပ်လုပ်ကိုင်တဲ့ အလုပ်သမားရေးရာကိစ္စရပ်များ ဖြေရှင်းဆောင်ရွက်ပေးနိုင်ရေး အတွက် ရန်ကုန်အပြည်ပြည်ဆိုင်ရာလေဆိပ်မှာ Myanmar Migrant Workers' Reporting Counter များ ဖွင့်လှစ်ထားပြီး အတတ်နိုင်ဆုံး ကာကွယ်စောင့်ရှောက်ပေးလျက်ရှိပါတယ်။ ဒါ့အပြင် တိုင်းဒေသကြီး/ပြည်နယ်များမှာလည်း Migrant Resource Center (MRC) ရုံးများဖွင့်လှစ်ပြီး ရွှေ့ပြောင်းအလုပ်သမားများဆိုင်ရာ လုံခြုံစိတ်ချမှုရရှိအောင် ဆောင်ရွက်ပေးလျက်ရှိပါတယ်။ ဒါ့အပြင် ကိုရီးယား သမ္မတနိုင်ငံ၊ ထိုင်းနိုင်ငံနဲ့ မလေးရှားနိုင်ငံတွေမှာ မြန်မာအလုပ်သမားသံအရာရှိ (Labour Attache)များ ခန့်အပ်ထားပြီး အဲဒီနိုင်ငံတွေမှာ အလုပ်လုပ်ကိုင်နေတဲ့ မြန်မာအလုပ်သမားများရေးရာကိစ္စရပ်များကို ဖြေရှင်းပေးလျက်ရှိပါတယ်။

တစ်ဖက်မှာလည်း မြန်မာအလုပ်သမားများကို အမျိုးသားအဆင့် အလုပ်အကိုင်ဆိုင်ရာ ကျွမ်းကျင်မှုစစ်ဆေး အကဲဖြတ်ပြီး အသိအမှတ်ပြုလက်မှတ် ထုတ်ပေးလျက်ရှိတဲ့အပြင် အာဆီယံဒေသတွင်း ကျွမ်းကျင်မှု ဖွံ့ဖြိုးတိုးတက်ရေးနဲ့ လုပ်သားထုယှဉ်ပြိုင်နိုင်စွမ်း မြှင့်တင်ပေးရေးတို့အတွက် လုပ်ငန်းခွင်ကျွမ်းကျင်မှု လေ့ကျင့် သင်ကြားရေးသင်တန်းများကိုလည်း ဖွင့်လှစ်ဆောင်ရွက်ပေးလျက်ရှိပါတယ်။

ချစ်ကြည်လေးစားအပ်ပါတဲ့ အလုပ်သမားကြီးများခင်ဗျား-

အပြည်ပြည်ဆိုင်ရာ အလုပ်သမားရေးရာအဖွဲ့နဲ့ပူးပေါင်းပြီး အဓမ္မခိုင်းစေမှုပပျောက်ရေးနဲ့ ကလေးအလုပ် သမားပပျောက်ရေးအတွက် Myanmar Program on Elimination of Child Labour-MY-PEC အစီအစဉ်ကို ၂ဝ၁၄ ခုနှစ်မှ ၂ဝ၁၇ ခုနှစ်အထိ (၄)နှစ်စီမံကိန်း ချမှတ်အကောင်အထည်ဖော်ဆောင်ရွက်လျက်ရှိရာမှာ လုပ်သား အင်အား၊ ကလေးလုပ်သားနဲ့ ကျောင်းအပြီး လုပ်ငန်းခွင်ဝင်ရောက်မှု အကူးအပြောင်းဆန်းစစ်ခြင်းဆိုင်ရာ စစ်တမ်းအပေါ် အသေးစိတ်အစီရင်ခံစာကို ၂ဝ၁၇ ခုနှစ် ဖေဖော်ဝါရီလ ၁ဝ ရက်နေ့မှာ ထုတ်ပြန်နိုင်ခဲ့ပါတယ်။

၂ဝ၁၂ ခုနှစ် လူမှုဖူလုံရေးဥပဒေအရ အလုပ်သမားများအတွက် လူမှုအကာအကွယ်ပေးနိုင်ဖို့အတွက် အာမခံစနစ် (၆)မျိုးကို ပြဋ္ဌာန်းနိုင်ခဲ့ပါတယ်။ ယင်းအနက်မှ အာမခံစနစ် (၃)မျိုးကို လက်ရှိအကောင်အထည်ဖော် ဆောင်ရွက်လျက်ရှိရာမှာ အလုပ်သမားများအတွက် လူမှုအကာအကွယ်နဲ့ ကျန်းမာရေးစောင့်ရှောက်မှုပေးနိုင်တဲ့ လူမှုဖူလုံရေးစီမံကိန်းကိုလည်း အကောင်အထည်ဖော်ဆောင်ရွက်နေပြီဖြစ်ပါတယ်။

အလုပ်သမားများအနေနဲ့ လုပ်ငန်းခွင်အခွင့်အရေးတွေ အပြည့်အဝရရှိစေဖို့ ကျွမ်းကျင်တဲ့စစ်ဆေးရေးမှူးများက နိုင်ငံတစ်ဝန်းလိုက်လံစစ်ဆေးပြီး အလုပ်ရှင်၊ အလုပ်သမားများအား အသိပညာပေးခြင်း၊ ဥပဒေအရ အရေးယူသင့်တာတွေ အရေးယူခြင်းတို့ကို ဆောင်ရွက်ပေးလျက်ရှိပါတယ်။

အလုပ်သမားများအနေနဲ့ ပြင်ဆင်ပြဋ္ဌာန်းထားတဲ့ အလုပ်သမားအဖွဲ့အစည်းဥပဒေနဲ့အညီ အဖွဲ့အစည်းဝင် အလုပ်သမားများကိုယ်တိုင် ဖွဲ့စည်းပုံစည်းမျဉ်းနဲ့ လုပ်ငန်းစဉ်များကို ချမှတ်ပြီး လွတ်လပ်စွာဆောင်ရွက်ခွင့်ရှိတဲ့ အလုပ်သမားအဖွဲ့အစည်းများလည်း ပေါ်ပေါက်လာပြီဖြစ်ပါတယ်။ ဒီလိုအဖွဲ့အစည်းတွေဟာ ကိုယ့်အဖွဲ့အစည်း၊ ကိုယ့်အသိုက်အဝန်း၊ ကိုယ့်အဖွဲ့ဝင်တွေရဲ့ အကျိုးစီးပွားဖော်ဆောင်ပေးဖို့အတွက် ဖွဲ့စည်းထားတာဖြစ်ပြီး ပုဂ္ဂိုလ်ရေး၊ နိုင်ငံရေးအမြတ်ထုတ်ရန် ဖွဲ့စည်းထားခြင်းမဟုတ်သလို အထူးသတိပြုကြဖို့ လိုအပ်မှာဖြစ်ပါတယ်။

ချစ်ကြည်လေးစားအပ်ပါတဲ့ အလုပ်သမားကြီးများခင်ဗျား-

နိုင်ငံတစ်နိုင်ငံ ဖွံ့ဖြိုးတိုးတက်ရေးအတွက် အလုပ်သမားများရဲ့ လုပ်အားနဲ့ အကောင်အထည်ဖော်ရာမှာ အလုပ်သမားထုရဲ့အင်အားက အဓိကကျသလို အလုပ်သမားတွေအတွက် အလုပ်အကိုင်တွေ ဖန်တီးပေးတဲ့ အလုပ်ရှင်ဆိုတာကလည်း မရှိမဖြစ်တဲ့ မိတ်ဖက်တစ်ဦးဖြစ်တယ်ဆိုတာ မငြင်းနိုင်တဲ့အချက်ဖြစ်ပါတယ်။ ဒီမိတ်ဖက် နှစ်ဦးရဲ့ ဟန်ချက်ညီတဲ့တွန်းအားက နိုင်ငံတော်ဖွံ့ဖြိုးတိုးတက်မှုဆိုတဲ့အရွေ့ကို ဖြစ်ပေါ်စေမယ်ဆိုတာ အထူးပြောစရာမလိုပါဘူး။ ဒါကြောင့် နိုင်ငံတကာမှာ အလုပ်ရှင်နဲ့ အလုပ်သမားတွေ တက်ညီလက်ညီ ပူးပေါင်းဆောင်ရွက်နေမှုများကို စံနမူနာယူပြီး နိုင်ငံတော်ဖွံ့ဖြိုးတိုးတက်ရေးအတွက် တူညီတဲ့အင်အားနဲ့ ပြိုင်တူကြိုးပမ်းအားထုတ်ကြဖို့ အလေးအနက်တိုက်တွန်းရင်း သဝဏ်လွှာပေးပို့လိုက်ပါတယ်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဥရောပသမဂ္ဂ(အီးယူ)ဌာနချုပ်၊ ဘယ်လ်ဂျီယံ၊ အီတလီနှင့် ဗြိတိန်နိုင်ငံတို့သို့ ထွက်ခွာ

ရန်ကုန် ဧပြီ ၃ဝ

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် အဖွဲ့ဝင်များနှင့်အတူ ဥရောပသမဂ္ဂ (အီးယူ)ဌာနချုပ်၊ ဘယ်လ်ဂျီယံ၊ အီတလီနှင့် ဗြိတိန်နိုင်ငံတို့သို့ တရားဝင်ခရီးသွားရောက်ရန် ယနေ့ည ၇ နာရီ ၄၅ မိနစ်တွင် ရန်ကုန်မြို့မှ လေကြောင်းခရီးဖြင့် ထွက်ခွာသွားသည်။

နိုင်ငံတော်၏အတိုင်ပင်ခံပုဂ္ဂိုလ်အား ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်း၊ သမ္မတရုံး ဝန်ကြီးဌာန ဒုတိယဝန်ကြီး ဦးမင်းသူ၊ ရန်ကုန်မြို့တော်ဝန် ဦးမောင်မောင်စိုး၊ မြန်မာနိုင်ငံဆိုင်ရာ အီတလီသံအမတ်ကြီး၊ ဗြိတိန်သံအမတ်ကြီး၊ ဥရောပသမဂ္ဂ(အီးယူ) ဒုတိယသံအမတ်နှင့် တာဝန်ရှိသူများက ရန်ကုန်အပြည်ပြည်ဆိုင်ရာလေဆိပ်၌ ပို့ဆောင်နှုတ်ဆက်ကြသည်။

နိုင်ငံတော်၏အတိုင်ပင်ခံပုဂ္ဂိုလ်နှင့်အတူ နိုင်ငံခြားရေးဝန်ကြီးဌာန ဒုတိယဝန်ကြီး ဦးကျော်တင်နှင့် တာဝန်ရှိသူများ လိုက်ပါသွားကြသည်။

(သတင်းစဉ်)