နိုင်ငံတော်သမ္မတ ဦးသိန်းစိန် ချက်သမ္မတနိုင်ငံ နိုင်ငံခြားရေးဝန်ကြီး ဦးဆောင်သည့် ကိုယ်စားလှယ်အဖွဲ့အား လက်ခံတွေ့ဆုံ

နေပြည်တော် ဖေဖော်ဝါရီ ၂၉

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးသိန်းစိန်သည် ချက်သမ္မတနိုင်ငံ နိုင်ငံခြားရေးဝန်ကြီး မစ္စတာ လျူဘိုမီယာ ဇာအိုရာလက် ဦးဆောင်သည့် ကိုယ်စားလှယ်အဖွဲ့အား ယနေ့နံနက် ၁၁ နာရီတွင် နေပြည်တော်ရှိ နိုင်ငံတော်သမ္မတအိမ်တော် သံတမန်ဆောင်ဧည့်ခန်းမ၌ လက်ခံတွေ့ဆုံသည်။

ထိုသို့တွေ့ဆုံစဉ် နှစ်နိုင်ငံချစ်ကြည်ရေးနှင့်ပူးပေါင်းဆောင်ရွက်မှုများ ပိုမိုတိုးမြှင့်ရေး၊ စွမ်းအင်၊ သတ္တု၊ လယ်ယာစိုက်ပျိုးရေး၊ စားသောက်ကုန် ကဏ္ဍများနှင့်စပ်လျဉ်းသည့် စက်မှုစီးပွားရေးလုပ်ငန်းများတွင် လာရောက်ရင်းနှီးမြှုပ်နှံရေး၊ ခရီးသွားလုပ်ငန်းဖွံ့ဖြိုးတိုးတက်ရေးကိစ္စရပ်များနှင့် မြန်မာ့နိုင်ငံရေး ဖြစ်ပေါ်တိုးတက်မှုအခြေအနေများနှင့်စပ်လျဉ်း၍ ဆွေးနွေးကြသည်။

အဆိုပါတွေ့ဆုံပွဲသို့ နိုင်ငံတော်သမ္မတနှင့်အတူ ပြည်ထောင်စုဝန်ကြီး ဒုတိယဗိုလ်ချုပ်ကြီးစိန်ဝင်း၊ ဦးဝဏ္ဏမောင်လွင်၊ ဦးစိုးသိန်း၊ ဒေါက်တာကံဇော်၊ ဦးရဲထွဋ်နှင့် တာဝန်ရှိသူများတက်ရောက်ကြပြီး ချက်သမ္မတနိုင်ငံ နိုင်ငံခြားရေးဝန်ကြီးနှင့်အတူ မြန်မာနိုင်ငံဆိုင်ရာ ချက်သမ္မတနိုင်ငံ သံအမတ်ကြီး တက်ရောက်သည်။

(သတင်းစဉ်)

(1.3.2016) ကြေးမုံကာတွန်း

မြန်မာနိုင်ငံအား ကမ္ဘာ့ကင်းထောက်အဖွဲ့ဝင်နိုင်ငံအဖြစ်ပါဝင်နိုင်ရေး လာရောက်လေ့လာအကဲဖြတ်

သတင်းဓာတ်ပုံ - ကိုလတ်(သတင်းစဉ်)

ရန်ကုန် ဖေဖော်ဝါရီ ၂၉

မြန်မာနိုင်ငံအား ကမ္ဘာ့ကင်းထောက်အဖွဲ့ဝင်နိုင်ငံအဖြစ်ပါဝင်နိုင်ရေး လာရောက်လေ့လာ အကဲဖြတ်ရန်ရောက်ရှိနေသော ကမ္ဘာ့ကင်းထောက်အဖွဲ့နှင့် အာရှပစိဖိတ် ဒေသဆိုင်ရာ ကင်းထောက်အဖွဲ့ချုပ် ဥက္ကဋ္ဌနှင့် အဖွဲ့ဝင်များ၏သဘောထား တင်ပြချက်များ ဖြစ်ပါသည်။

Mr. Goran Hagerdal 

(Global Director Scouting Development )

ကမ္ဘာ့နိုင်ငံလုံးဆိုင်ရာ ကင်းထောက်လှုပ်ရှားမှုမှာ ဂလိုဘယ် ဒါရိုက်တာအနေနဲ့ အလုပ်လုပ်ပါတယ်။ ရုံးက မလေးရှားနိုင်ငံ ကွာလာလမ်ပူမှာဖြစ်ပြီး နိုင်ငံတကာကို လှည့်လည်ဆွေးနွေးရာမှ မြန်မာနိုင်ငံကိုရောက်လာရတဲ့ အဓိကအကြောင်းရင်းက မြန်မာနိုင်ငံကနေ ကမ္ဘာ့ကင်းထောက်အဖွဲ့ဝင်အနေနဲ့ ပြန်ဖြစ်လာဖို့အတွက် ကျွန်တော်တို့ ဘယ်လိုပူးပေါင်းခွင့်ရမလဲ။ ကူညီလို့ရ မလဲဆိုတာ ဆွေးနွေးဖို့ရောက်လာတာ ဖြစ်ပါတယ်။ မြန်မာနိုင်ငံကို ကမ္ဘာ့ကင်းထောက် အဖွဲ့ဝင်နိုင်ငံဖြစ်ဖို့ အတွက်ဆိုရင် ကျွန်တော်တို့တတ်နိုင်တဲ့ဘက်က အစွမ်းကုန်ကူညီမှာ ဖြစ်ပါတယ်။ ဥပမာပြောရရင် အခု မြန်မာကင်းထောက်အဖွဲ့အနေနဲ့ ပြန်လည်ကြိုးစားပြီးလုပ်တာတွေက အလွန်ကို အံ့သြဖို့ကောင်းပါတယ်။ တကယ်ကို သဘောကျဖို့ ကောင်းပါတယ်။ နောက်ထပ်တစ်ဆင့် ကျွန်တော့်အနေနဲ့ အကြံပေးရရင် မြန်မာ့ကင်းထောက် အဖွဲ့ရဲ့အစီအစဉ်တိုင်းမှာ လူငယ်တွေ အင်အားနဲ့ပူးပေါင်းပြီး လူငယ်တွေရဲ့အသံကို နားထောင်ပြီး မြန်မာကင်းထောက်ရဲ့ လှုပ်ရှားမှုတွေ ရှေ့ဆက်သွားဖို့ ကျွန်တော်တို့အနေနဲ့ ပူးပေါင်းကူညီသွားမှာ ဖြစ်ပါတယ်။

Mr. Paul. D. Parkinson 

(Chairman Asia-Pacific Regional Scout Committee)

ကျွန်တော်က အာရှပစိဖိတ်ဒေသဆိုင်ရာ ကင်းထောက်ကော်မတီဥက္ကဋ္ဌ တာဝန်ထမ်းဆောင်နေပြီး မြန်မာနိုင်ငံ ကင်းထောက်အဖွဲ့ကို ကမ္ဘာ့ကင်းထောက်အဖွဲ့ဝင်နိုင်ငံအဖြစ် ပါဝင်အသိအမှတ်ပြုနိုင်ဖို့နဲ့ အာရှပစိဖိတ် ဒေသဆိုင်ရာ ကင်းထောက်လုပ်ငန်းတွေသိရှိနိုင်ဖို့ လာရောက်တာဖြစ်ပါတယ်။

တစ်ကမ္ဘာလုံးမှာရှိတဲ့ ကင်းထောက် အဖွဲ့ဝင်တွေဟာ ရည်မှန်းချက်တူညီတဲ့ အရည်အသွေးနဲ့၊ ရည်ရွယ်ချက်တွေနဲ့ သွားနေတာဖြစ်ပါတယ်။ ဒီလိုသွားရာမှာ မြန်မာနိုင်ငံက ကင်းထောက် အဖွဲ့တွေရဲ့လှုပ်ရှားမှုဟာ ယခင်ကနည်းတူ ကမ္ဘာ့ကင်းထောက်အဖွဲ့ လှုပ်ရှားမှုကို ဆက်လက်တန်ဖိုးထားမယ်လို့ မျှော်လင့်ပါတယ်။ ဒီလှုပ်ရှားမှုတွေဟာ နိုင်ငံတစ်နိုင်ငံ၊ ဥပမာ မြန်မာနိုင်ငံရဲ့ ဖွံ့ဖြိုးတိုးတက်ရေးကို မြန်မာကင်းထောက်အဖွဲ့ လူငယ်များရဲ့လှုပ်ရှားမှုအင်အားနဲ့ တစ်ထောင့်တစ်နေရာက ပါဝင်နိုင်သူများဖြစ်ဖို့၊ လူငယ်တွေကလည်း ဗလငါးတန် ဖွံ့ဖြိုးတိုးတက်တဲ့ လူငယ်များအဖြစ် ဦးဆောင်ပြီး မြန်မာ့ကင်းထောက်အဖွဲ့ ရဲ့လုပ်ငန်းများတိုးတက်ဖို့ တစ်ထောင့်တစ်နေရာက ပါဝင်နိုင်တဲ့အဖွဲ့အစည်းဖြစ်ဖို့ ကြိုးစားဖို့ ကျွန်တော့်အနေနဲ့ တိုက်တွန်းချင်ပါတယ်။ ကင်းထောက်ရဲ့ မွန်မြတ်တဲ့လုပ်ငန်းတွေကို လူငယ်တွေက မိမိကိုယ်ကို တာဝန်ယူနိုင်ရုံသာမက လူထုရဲ့ ပတ်ဝန်းကျင်နဲ့ နိုင်ငံအတွက် တာဝန်ယူနိုင်မယ့် လူငယ်တွေမွေးထုတ်ဖို့ ရည်ရွယ်ချက်နဲ့ မြန်မာနိုင်ငံအနေနဲ့ ကမ္ဘာ့ကင်းထောက်လှုပ်ရှားမှု၊ ကင်းထောက်လုပ်ငန်းတွေကို အားတက်သရော ပါဝင်ပြီး မြန်မာနိုင်ငံရဲ့အပြောင်းအလဲ တစ်စုံတစ်ရာကို စွမ်းဆောင်နိုင်တဲ့ လူငယ်တွေ၊ မိမိပတ်ဝန်းကျင်၊ မိမိနိုင်ငံအတွက် အလုပ်အကျွေးပြုနိုင်မယ့် လူငယ်တွေဖြစ်အောင် မြန်မာကင်းထောက်အဖွဲ့ရဲ့ လှုပ်ရှားမှုတွေမှာ တက်ကြွစွာပါဝင်ဖို့ တိုက်တွန်းလိုပါတယ်။

Mr. J.Rizal C.Pangilinan 

(Regional Director, Asia-Pacific Scout Committee)

ကျွန်တော်ကတော့ အာရှနှင့်ပစိ ဖိတ်ဒေသဆိုင်ရာ ကင်းထောက်အဖွဲ့ ဒေသဆိုင်ရာ ဒါရိုက်တာအနေနဲ့ ဖိလစ်ပိုင်နိုင်ငံ မနီလာမြို့မှာ ရုံးထိုင်ပြီး ဖိလစ်ပိုင်နိုင်ငံသားဖြစ်ပါတယ်။ မြန်မာနိုင်ငံကိုလာရတဲ့ ရည်ရွယ်ချက်က မြန်မာနိုင်ငံကင်းထောက် အဖွဲ့က ကင်းထောက်လှုပ်ရှားမှုများ ပြန်လည် စတင်ပြီး ကမ္ဘာ့ကင်းထောက်အဖွဲ့ဝင် နိုင်ငံဖြစ်လာဖို့ ကြိုးစားရာမှာ အဖွဲ့အစည်းပိုင်းဆိုင်ရာ လိုအပ်တဲ့စွမ်းရည်တွေ၊ စွမ်းရည်ဖွံ့ဖြိုးတိုးတက်မှုတွေ အတွက်နည်းပညာပိုင်းဆိုင်ရာ ကူညီဖို့ လာရောက်ခြင်းဖြစ်ပါတယ်။ မြန်မာနိုင်ငံကင်းထောက်အဖွဲ့ အဖွဲ့အစည်း ပိုင်းဆိုင်ရာ စွမ်းရည်ဖွံ့ဖြိုးတိုးတက်စေဖို့ အရင်းအမြစ်နဲ့ သင်တန်းဆရာတွေ ပူးပေါင်းပါဝင်ပြီး ရှေ့ဆက်အကူ အညီပေးသွားမှာဖြစ်ပါတယ်။ ဘာဖြစ်လို့လဲဆိုတော့ ၁၉၆၄ ခုနှစ်ကနေပြီး ပျောက်ကွယ်ခဲ့တဲ့ မြန်မာကင်းထောက် အဖွဲ့အနေနဲ့ ကမ္ဘာ့ကင်းထောက် အဖွဲ့ဝင်နိုင်ငံ ဖြစ်လာဖို့၊ နိုင်ငံတကာမှာ ကင်းထောက်အဖွဲ့ အစည်းအနေနဲ့ ရပ်တည်နိုင်ဖို့ အတွက်ဆိုရင် အာရှဒေသပစိဖိတ် ဒေသဆိုင်ရာရုံးနဲ့ ကမ္ဘာ့ကင်းထောက်အဖွဲ့ လှုပ်ရှားမှုဆိုင်ရာ အဖွဲ့အစည်းတွေ ပူးပေါင်းပြီး ကူညီပေးဖို့ ရောက်ရှိ လာတာဖြစ်ပါတယ်။ အခုဆိုရင် မြန်မာနိုင်ငံမှာ မကြာမီက ဖွဲ့စည်းထားတဲ့ မြန်မာနိုင်ငံအမျိုးသား ကင်းထောက်အဖွဲ့နဲ့ မိမိတို့ပူးပေါင်းပြီး မြန်မာနိုင်ငံ ကင်းထောက်အဖွဲ့ချုပ် ရှေ့လုပ်ငန်းစဉ်များ၊ မြန်မာနိုင်ငံ ကင်းထောက်အဖွဲ့ ဖွဲ့စည်းပုံများကို ထည့်သွင်းစဉ်းစားကူညီရန် လာရောက်ခြင်းဖြစ်ပါတယ်။ မြန်မာနိုင်ငံ အနေနဲ့ ကင်းထောက်လှုပ်ရှားမှုများ အခိုင်အမာရှိပြီး လွန်ခဲ့တဲ့ နှစ်ပေါင်း ၅ဝ ကျော်ကင်းကွာခဲ့ရာမှ ယခုမှ အသစ်ပြန်လည်လုပ်ဆောင်ရလို့ ယခင်ကရှိပြီးသား စည်းမျဉ်းများ၊ လှုပ်ရှားမှုများ၊ ယခုခေတ်နှင့် လျော်ညီစွာ ဘယ်လိုလုပ်ပေးရမယ်ဆိုတဲ့ ရည်ရွယ်ချက်တွေကို မြန်မာနိုင်ငံ ကင်းထောက်အဖွဲ့နဲ့ လက်တွဲဆောင်ရွက်မှာဖြစ်ပါတယ်။ နောက်ထပ် လိုအပ်တဲ့ နည်းပညာဆိုင်ရာလှုပ်ရှားမှုတွေ၊ နည်းပညာဆိုင်ရာထောက်ပံ့ မှုတွေကို အာရှပစိဖိတ်ကင်းထောက်အဖွဲ့နဲ့ ကမ္ဘာ့ကင်းထောက်အဖွဲ့တို့ ပူးပေါင်းကူညီပေးမှာ ဖြစ်ပါတယ်။ ဒါကလည်း ၂ဝ၁၇ ခုနှစ်တွင် အဇာဘိုင်ဂျန်၌ ကျင်းပမယ့် ကမ္ဘာလုံးဆိုင်ရာ ကင်းထောက်အဖွဲ့ အစည်းတွေက မြန်မာနိုင်ငံ ကင်းထောက်အဖွဲ့ကို လက်ခံနိုင်ဖို့ မိမိတို့ကြိုးစားပေးမှာ ဖြစ်ပါတယ်။ မြန်မာနိုင်ငံ ကင်းထောက်အဖွဲ့အနေနဲ့ ကမ္ဘာ့ကင်းထောက်အဖွဲ့ဝင်ဖြစ်နိုင်ဖို့ ကျွန်တော်တို့ ကူညီပေးနေတဲ့အတွက် မြန်မာနိုင်ငံအနေနဲ့ ကမ္ဘာ့ ကင်းထောက်အဖွဲ့ဝင် နိုင်ငံဖြစ်ရန် ယခုအခါ အလားအလာရှိကြောင်း ပြောလိုပါတယ်။

၂ဝ၁၅ Internal Auditor Training ကို ပထမဆုံး ပို့ချမည် သင်တန်းတွင် လေထုညစ်ညမ်းမှုကို ထိန်းချုပ်သည့်စနစ်ကို သင်ကြားမည်

ရန်ကုန် ဖေဖော်ဝါရီ ၂၉

မြန်မာနိုင်ငံတွင် ပထမဦးဆုံး သင်ကြားပို့ ချမည့် Environmental Management System( EMS) new version ဖြစ်သော ISO 14001:၂၀၁၅ Awareness and Internal Auditor Course အား အမေရိကန် နိုင်ငံအခြေစိုက် ABS ( Quality Evaluations) မှ မတ်လ ၇ ရက်နှင့် ၈ ရက်တို့တွင် စတင်သင်ကြားပို့ချ မည်ဖြစ်ကာ အဆိုပါ သင်တန်း၌ စင်ကာပူနိုင်ငံနှင့် မြန်မာနိုင်ငံမှ သင်တန်းနည်းပြဆရာနှစ်ဦးက သင်ကြားပို့ချပေးသွားမည် ဖြစ်သည်။

မြန်မာနိုင်ငံရှိ ISO မှ တာဝန်ရှိသူဖြစ်သော ဦးလွင်ကိုကိုထွဋ် က ''သဘာဝပတ်ဝန်းကျင်မှာရှိနေတဲ့ လေထုညစ်ညမ်းမှုတွေကို ပတ်ဝန်းကျင် မထိခိုက်စေဖို့အတွက် ထိန်းချုပ်တဲ့စနစ်ကိုသိဖို့ သင်ကြားပို့ချပေးမှာပါ။ ဒါဆို ဘယ်လုပ်ငန်း ခွင်မှာပဲဖြစ်ဖြစ် အလုပ်ဝင်ရောက် လုပ်ကိုင်တဲ့အခါမှာ ဒီသင်တန်းက ရလာတဲ့ပညာနဲ့ သင်တန်းသားတွေက အသုံးချလို့ရပါလိမ့်မယ်။ ပြီးတော့ သင်တန်းသားတွေအတွက် လွန်စွာ အကျိုးရှိနိုင်သလို နိုင်ငံတော်အတွက် လွန်စွာအကျိုးရှိပါလိမ့်မယ်''ဟု ဆိုသည်။

ISO 9001:၂ဝ၁၅ Certificate အား ABS QE နှင့် ရယူရန်ပြင်ဆင် လျက်ရှိသော ဆေးတက္ကသိုလ် (၁) ၌ QMS In House Training ကို လာမည့် မတ် ၅ ရက်နှင့် ၆ ရက်တို့တွင် ဖွင့်လှစ်သင်ကြားပို့ချပေးရန် စီစဉ်ထားကြောင်း သိရပြီး သင်တန်းနှင့် စပ်လျဉ်း၍ တက်ရောက် သင်ကြားလိုသူများရှိပါက ဖုန်း- ဝ၉ ၉၇၁၈၉၂၅၄၂ သို့ ဆက်သွယ် စုံစမ်းမေးမြန်းနိုင်ကြောင်း သိရသည်။

(စိုးဝင်း-MLA)

မိမိတို့ဒေသ၊ မိမိတို့နိုင်ငံ ဖွံ့ဖြိုးတိုးတက်ရန် ဝိုင်းဝန်းပူးပေါင်း ဆောင်ရွက်ကြရမည်

တာချီလိတ် ဖေဖော်ဝါရီ ၂၉

ဒေသဖွံ့ဖြိုးရေးလုပ်ငန်းများဆောင်ရွက်ရန် ရှမ်းပြည်နယ် အရှေ့ပိုင်း၌ ရောက်ရှိနေသော ပြည်ထောင်စုဝန်ကြီး ဦးစိုးသိန်းနှင့် ဦးအုန်းမြင့်တို့သည် ယမန်နေ့ နံနက် ၉ နာရီတွင် တာချီလိတ်မြို့ အောင်မြတ်ခန်းမ၌ မြို့နယ် စီမံခန့်ခွဲမှုကော်မတီ၊ မြို့နယ်စည်ပင်သာယာရေးကော်မတီနှင့် မြို့နယ်ဖွံ့ဖြိုးမှု အထောက်အကူပြုကော်မတီတို့မှ ကော်မတီဝင်များ၊ နိုင်ငံရေးပါတီများ၊ တိုင်းရင်းသားရိုးရာ ယဉ်ကျေးမှုအဖွဲ့ဝင်များ၊ လူမှုရေးအသင်းအဖွဲ့များ၊ မြို့မိ မြို့ဖ ဒေသခံပြည်သူများ၊ တာဝန်ရှိများနှင့် တွေ့ဆုံသည်။

တွေ့ဆုံပွဲတွင် ပြည်ထောင်စုဝန်ကြီး ဦးစိုးသိန်းက မိမိတို့ဒေသ၊ မိမိတို့နိုင်ငံဖွံ့ဖြိုးတိုးတက်ရန် ဝိုင်းဝန်းပူးပေါင်း တီထွင်ကြံဆ စဉ်းစားဆောင်ရွက်ကြရမည်ဖြစ်ကြောင်း၊ တာဝန်ရှိသူများအနေဖြင့် မိမိတို့သည် ပြည်သူများအတွက် တာဝန်ရှိသူ၊ ဝန်ဆောင်မှုပေးသူများအဖြစ် ခံယူကျင့်သုံး ဆောင်ရွက်ကြရမည်ဖြစ်ကြောင်း၊ ရှမ်းပြည်နယ်ကို ရာသီဥတုကောင်းမွန်ခြင်း၊ မြေအနေအထားကောင်းမွန်ခြင်း၊ သဘာဝပတ်ဝန်းကျင်ကောင်းမွန်ခြင်းနှင့် နှစ်နိုင်ငံ နယ်နိမိတ်ထိစပ်မှုများခြင်း စသည့် သဘာဝအခြေအနေကောင်းများဖြင့် ပိုမိုဖွံ့ဖြိုးတိုးတက်လာစေရန် ဆောင်ရွက်ကြရမည်ဖြစ်ကြောင်း၊

နိုင်ငံတော်အစိုးရသည် နိုင်ငံရေး၊ လူမှုရေး၊ စီးပွားရေး၊ အုပ်ချုပ်ရေး စသည့် ပြုပြင်ပြောင်းလဲရေးလုပ်ငန်းများကို တစ်ပြိုင်နက်ဆောင်ရွက်ခဲ့ပါကြောင်း၊ အုပ်ချုပ်ရေးကဏ္ဍတွင် ပြည်သူလူထုဗဟိုပြုစနစ်ဖြင့် တိုင်းပြည်ဖွံ့ဖြိုးတိုးတက်အောင် ဆောင်ရွက်ရာတွင် အင်စတီကျူးရှင်းများကို ပြုပြင်ရပါကြောင်း၊ ဗဟိုချုပ်ကိုင်မှုလျှော့ချပြီး ပုဂ္ဂလိကအခန်းကဏ္ဍ ဖွံ့ဖြိုးတိုးတက်ရေးကို မြှင့်တင်ခဲ့ပါကြောင်း၊ နိုင်ငံရေး ပါတီများကို လွတ်လပ်စွာဖွဲ့စည်းခွင့်ပေးခြင်း၊ လူမှုရေး အသင်းအဖွဲ့များဖွဲ့စည်းခြင်း၊ မီဒီယာလွတ်လပ်ခွင့်၊ လွတ်လပ်စွာ ဆန္ဒဖော်ထုတ်ခွင့်များကို ဆောင်ရွက်ခဲ့ပါကြောင်း၊ စီးပွားရေးကဏ္ဍတွင် ဈေးကွက်စီးပွားရေးစနစ်ကို ပြောင်းလဲကျင့်သုံးခဲ့ပါကြောင်း။

တိုင်းပြည်ဖွံ့ဖြိုးတိုးတက်ရန် အဓိကအားဖြင့် ပညာရည် တိုးတက်မြင့်မားရေးသည် အရေးကြီးပါကြောင်း၊ ပညာရည် မြင့်မားတိုးတက်မှ တိုင်းပြည်ဖွံ့ဖြိုးတိုးတက်မည်၊ လူ့အဖွဲ့ အစည်းတိုးတက်မြင့်မားမည်၊ တီထွင်ကြံဆတတ်မည်၊ ကျန်းမာကြံ့ခိုင်သည့် မိသားစုဘဝများ တည်ဆောက်နိုင်မည်ဖြစ်ပါကြောင်း၊ ထို့ကြောင့် ပညာရေးအသုံးစရိတ်များကို နိုင်ငံတော်ဘဏ္ဍာမှ ပိုမိုတိုးမြှင့်သုံးစွဲလျက်ရှိပါကြောင်း၊ အခြေခံပညာစာသင် ကျောင်းများ၊ ပညာရေးကောလိပ်၊ တက္ကသိုလ်များ၊ ဆရာ ဆရာမများကို ထပ်မံတည်ဆောက်ခန့်ထားခဲ့ပါကြောင်း၊ အခမဲ့ပညာရေးစနစ်ကို အခြေခံပညာမူလတန်းမှ အခြေခံ ပညာအထက်တန်းအဆင့်အထိ ကျင့်သုံးဆောင်ရွက်လျက်ရှိပြီး ထူးချွန်သူများအား စကောလားရှစ်၊ စတိုင်ပင်များဖြင့် လုံလောက်အောင်ပံ့ပိုးပေးနိုင်ခဲ့ပြီး နိုင်ငံခြားပညာတော်သင်များ စေလွှတ်ခဲ့ပါကြောင်း။

ကျန်းမာရေးကဏ္ဍတွင်လည်း အမျိုးသားကျန်းမာရေး ပိုမိုမြင့်မားစေရန် ဘဏ္ဍာငွေများ ပိုမိုတိုးမြှင့်ဆောင်ရွက်ခဲ့ပါကြောင်း၊ ကာကွယ်ရေး၊ လုံခြုံရေး၊ သန့်ရှင်းသော သောက်သုံးရေရရှိရေး၊ လျှပ်စစ်မီးရရှိရေး၊ သဘာဝ ပတ်ဝန်းကျင်ထိန်းသိမ်းရေး စသည်တို့ကို အလေးထား ဆောင်ရွက်ခဲ့ပါကြောင်း၊ ဆက်သွယ်ရေးကဏ္ဍကို တိုတောင်းသည့်အချိန်ကာလအတွင်း အလျင်အမြန်ဖွံ့ဖြိုး တိုးတက်အောင်ဆောင်ရွက်ခဲ့ပါကြောင်း၊ ပြည်သူများအနေဖြင့် ရုံးလုပ်ငန်းကိစ္စရပ်များ တစ်နေရာတည်းတွင် အပြီးဆောင်ရွက်နိုင်ရန် ပြည်သူ့ဝန်ဆောင်မှုရုံးများကို ဖွင့်လှစ်ခဲ့ပါကြောင်း၊ ပြည်သူဗဟိုပြုလုပ်ငန်းများ ထိရောက်စွာ ဆောင်ရွက်နိုင်ရန် မြို့မိမြို့ဖများပါဝင်သည့် ကော်မတီများကို ဖွဲ့စည်းဆောင်ရွက်ခဲ့ပါကြောင်း၊ နိုင်ငံရေးပြုပြင် ပြောင်းလဲမှုတွင် ပထမဆုံးသောခြေလှမ်းသည် လွန်စွာ အရေးကြီးပြီး များစွာသိမ်မွေ့ရန် လိုအပ်ပါကြောင်း၊ တိုင်းပြည်ထာဝရရေရှည်ဖွံ့ဖြိုးတိုးတက်ရန် ငြိမ်းချမ်းရေး၊ တန်းတူညီမျှဆက်ဆံရေး၊ အလုပ်အကိုင်နှင့်အခွင့်အလမ်းများ ဖန်တီးပေးရေးနှင့် စဉ်းစားတွေးခေါ်မှုတို့သည် အရေးကြီးပါကြောင်း ပြောကြားသည်။

ထို့နောက် ပြည်ထောင်စုဝန်ကြီး ဦးအုန်းမြင့်က ကျေးလက်ဒေသများ စဉ်ဆက်မပြတ်ဖွံ့ဖြိုးတိုးတက်ရေး ဖော်ဆောင်နိုင်ရန် ကျေးလက်ဒေသဖွံ့ဖြိုးရေး မဟာဗျူဟာ မူဘောင်ကိုရေးဆွဲပြီး ကျေးလက်ဒေသအခြေခံအဆောက် အအုံများကို တည်ဆောက်ပြုပြင်ခဲ့ပါကြောင်း၊ ကျေးလက် အသက်မွေးဝမ်းကျောင်းဖွံ့ဖြိုးရေးနှင့် မိသားစုဝင်ငွေ တိုးပွားရေးအတွက် မြစိမ်းရောင်စီမံကိန်း၊ လူထုဗဟိုပြု စီမံကိန်းနှင့် ကျေးရွာဖွံ့ဖြိုးရေးစီမံချက် ရေးဆွဲခြင်းစီမံကိန်းများကို တစ်နိုင်ငံလုံးအတိုင်းအတာဖြင့် ဆောင်ရွက်အကောင်အထည်ဖော်လျက်ရှိပါကြောင်း၊ ကျေးရွာဖွံ့ဖြိုး ရေးစီမံကိန်းများကို မြို့နယ် ၃၄ မြို့နယ်၌ ဆောင်ရွက်လျက်ရှိပါကြောင်း၊ ထို့အပြင် နိုင်ငံတကာအဖွဲ့အစည်း ၃၁ ဖွဲ့ ဖြင့် စီမံကိန်း ၃၅ ခုကို နိုင်ငံတစ်ဝန်းအကောင်အထည်ဖော် ဆောင်ရွက်လျက်ရှိပါကြောင်း။

လူမှုစီးပွားဘဝ ဖွံ့ဖြိုးတိုးတက်ရေးအတွက် ကျေးလက်ဒေသဖွံ့ဖြိုးရေးနှင့် ဆင်းရဲမှုလျှော့ချရေးလုပ်ငန်းများကို ဆောင်ရွက်ခဲ့ပါကြောင်း၊ မွေးမြူရေးကဏ္ဍ၊ ရေလုပ်ငန်းကဏ္ဍနှင့် ကျေးလက်ဒေသများ စဉ်ဆက်မပြတ်ဖွံ့ဖြိုးတိုးတက်ရေးကို မဟာဗျူဟာများ၊ အစီအစဉ်များ ရေးဆွဲချမှတ် အကောင်အထည်ဖော်ဆောင်ရွက်ခဲ့ပါကြောင်း၊ အသားကဏ္ဍဖွံ့ဖြိုးတိုးတက်ရေးနှင့် အသားထုတ်လုပ်မှု တိုးတက်ရေးရည်မှန်းချက်များဖြင့် တိရစ္ဆာန် မျိုးကောင်းမျိုးသန့်များ အခမဲ့ဖြန့်ဝေခြင်း၊ အရည်အသွေးမြင့် မျိုးရေခဲချောင်းများကို ပြည်ပမှ တင်သွင်း၍ မြှင့်တင်ခြင်း၊ တိရစ္ဆာန်ဆေးဝါးနှင့် အစာဖြန့်ဖြူးခြင်းတို့ကို ဆောင်ရွက်ခဲ့ပါကြောင်း၊ ကူးစက်ရောဂါထိန်းချုပ်နိုင်ရေး အတွက်လည်းကောင်း၊ မွေးမြူထုတ်လုပ်မှု ဖွံ့ဖြိုးတိုးတက်ရေးအတွက်လည်းကောင်း တိုင်းရင်းသားစီးပွားရေး လုပ်ငန်းရှင်များနှင့် အကျိုးတူပူးပေါင်းဆောင်ရွက်ခဲ့ပါကြောင်း၊ အနာဂတ်လူငယ်များ ဥာဏ်ရည်မြင့်မားတိုးတက်စေရန်နှင့် ကျန်းမာသန်စွမ်းသည့် မျိုးဆက်သစ်များ ပေါ်ပေါက်လာစေရန် ကျောင်းနေအရွယ်ကလေးများ နို့တိုက်ကျွေးခြင်းကို ၂ဝ၁၁-၂ဝ၁၂ ဘဏ္ဍာရေးနှစ်မှ စတင်၍ အခြေခံပညာကျောင်းများ၌ ဆောင်ရွက်ခဲ့ပါကြောင်း၊

ငါးကဏ္ဍဖွံ့ဖြိုးတိုးတက်ရေးအတွက် ငါး၊ ပုစွန်၊ ကဏန်းကန်များတိုးချဲ့မွေးမြူခြင်း၊ ငါးမျိုးများစိုက်ထည့်ပေးခြင်း၊ ငါးမွေးတောင်သူများအား ငါး၊ ပုစွန်သားပေါက် များဖြည့်ဆည်းပေးခြင်း၊ ရင်းနှီးမတည်ငွေများထုတ်ချေး ပေးခြင်းတို့ကို ဆောင်ရွက်ခဲ့ပါကြောင်း၊ ငါးမွေးမြူရေး ဆိုင်ရာဥပဒေနှင့် ပင်လယ်ငါးလုပ်ငန်းဥပဒေများကို ပြင်ဆင်ပြဋ္ဌာန်းနိုင်ခဲ့ကြောင်း ပြောကြားသည်။

ယင်းနောက် တွေ့ဆုံပွဲသို့တက်ရောက်လာကြသည့် ဒေသခံပြည်သူများ၏ ဒေသဖွံ့ဖြိုးရေးဆိုင်ရာမေးမြန်းချက်များကို ပြန်လည်ရှင်းလင်းဖြေကြားကြသည်။

မွန်းလွဲပိုင်းတွင် ပြည်ထောင်စုဝန်ကြီးများသည် တာချီလိတ်လေဆိပ်ဧည့်ခန်းမသို့ရောက်ရှိကြရာ မြန်မာအမျိုးသားလေကြောင်းလိုင်းမှ ဒုတိယအထွေထွေမန်နေဂျာ ဦးနိုင်စောလွင်က လေယာဉ်ဆင်းသက်မှုနှင့် ခရီးသည်ဝင်ထွက်မှုအခြေအနေများ၊ လေဆိပ်ဆိုင်ရာအချက် အလက်များ၊ တာချီလိတ်လေဆိပ်နှင့် ကျိုင်းတုံလေဆိပ် အဆင့်မြှင့်တင်ရေးဆိုင်ရာကိစ္စရပ်များကို ရှင်းလင်းတင်ပြသည်။

ရှင်းလင်းတင်ပြချက်များနှင့် စပ်လျဉ်း၍ ပြည်ထောင်စုဝန်ကြီးများက လိုအပ်သည်များကို ပေါင်းစပ်ညှိနှိုင်းပေးခဲ့သည်။

(သတင်းစဉ်)

(1.3.2016) ကြေးမုံစာတည်းရှုထောင့်

မီးခိုးမထွက်သော စီးပွားရေးလုပ်ငန်း

ပွင့်လင်းမြင်သာသည့် မျက်မှောက်ခေတ်ကာလတွင် ခရီးသွားလုပ်ငန်းများ ယခင်ခေတ်ကာလနှင့်မတူ အထူးတိုးတက်လာသည်ကို တွေ့ရသည်။ ယခင်က ကမ္ဘာလှည့်ခရီးသွားဦးရေ သိန်းဂဏန်းသာရှိရာမှ ဒီမိုကရေစီအသွင် ကူးပြောင်းသည့်ကာလမှစတင်၍ သန်းဂဏန်းအထိဖြစ်လာခဲ့သည်။ ယခုနှစ် ခရီးသွားရာသီတွင် မျှော်မှန်းထားသည့်အတိုင်း ခရီးသွားဦးရေ လေးသန်းခွဲ လာရောက်ခဲ့သည့်အတွက် နိုင်ငံအတွက်ရလဒ်ကောင်းများ ဖြစ်ထွန်းလာသည်။

ခရီးသွားလုပ်ငန်းဆိုသည်မှာ မီးခိုးမထွက်သောစက်ရုံ၊ မီးခိုးမထွက်သော စီးပွားရေးလုပ်ငန်းဖြစ်သည်။ ခရီးသွားလုပ်ငန်းကို အကြောင်းပြု၍ နိုင်ငံအတွက် နိုင်ငံခြားငွေအမြောက်အမြားရသလို အလုပ်အကိုင်အခွင့် အလမ်းများလည်း တိုးတက်ဖြစ်ထွန်းလာသည်။ လက်ရှိအခြေအနေကောင်းများမှာ ရှေ့ကာလများတွင်လည်း တိုးတက်ဖြစ်ထွန်းနေမည်ဖြစ်ပြီး လာမည့် ဆယ်နှစ်တာကာလအတွင်း ယခုလက်ရှိထက် နှစ်ဆတိုးတက်လာမည်ဟု ခန့်မှန်းကြပြန်သည်။

ထို့ကြောင့် မြန်မာနိုင်ငံ၏ စီးပွားရေးကဏ္ဍသည် အိမ်နီးချင်းနိုင်ငံများကို  လိုက်မီကျော်ဖြတ်နိုင်မည့် အနေအထားသို့ ရောက်ရှိလာမည်ဖြစ်သည်။ မြန်မာနိုင်ငံတွင် ခရီးသွားများစိတ်ဝင်စားရာနေရာများ  အမြောက်အမြား ရှိသည်။ လမ်းပန်းဆက်သွယ်ရေး၊  တည်းခိုနေထိုင်ရေး၊  ခရီးသွားရပ်ဝန်းများ အဆင့်မီဖွံ့ဖြိုးတိုးတက်ရေးနှင့်      ရှေးဟောင်းယဉ်ကျေးမှုနယ်မြေများ ရှင်သန်ဖွံ့ဖြိုးရေး စသည်တို့ ပိုမိုတိုးတက်ကောင်းမွန်ရန် လိုအပ်သည်။

မြန်မာနိုင်ငံ၏ ဖွံ့ဖြိုးတိုးတက်မှုတွင် ခရီးသွားလုပ်ငန်းသည် အဓိကကျသည့် အခန်းကဏ္ဍမှ ပါဝင်လာပြီး လက်ရှိတွင် မြန်မာနိုင်ငံသားလူဦးရေ တစ်သန်းခန့်ကိုပင် အလုပ်အကိုင်ဖန်တီးပေးထားနိုင်သည်ဟု ဆိုထားသည်။ မြန်မာနိုင်ငံအတွင်း ပြည်တွင်းခရီးသွားလာမှုလုပ်ငန်းတွင် ပြည်တွင်းဟိုတယ် များမှာ  အရေးပါသည့်မောင်းနှင်အားဖြစ်လာသည်။  ဟိုတယ်လုပ်ငန်းမှ    နိုင်ငံခြားငွေအများဆုံးရှာဖွေပေးနိုင်သည့် ဟိုတယ်အလုံးပေါင်း ၁၄ဝဝ ခန့် မှတ်ပုံတင်ထားသည်။ တစ်နိုင်ငံလုံးအတိုင်းအတာဖြင့် တည်းခိုနိုင်သည့် အခန်းပေါင်း ငါးသောင်းခန့်ရှိသည်။

မြန်မာနိုင်ငံ၏  စီးပွားရေးတိုးတက်မှုမှာ  တစ်နှစ်လျှင်  ခုနစ်ရာခိုင်နှုန်း တိုးတက်လျက်ရှိရာ၌ ခရီးသွားလုပ်ငန်းမှာ အဓိကအားထားရသည့်လုပ်ငန်း ဖြစ်သည်။ ယခုအခါ မြန်မာနိုင်ငံသည် ခရီးသွားလုပ်ငန်းတိုးတက်မှုတွင် ထိပ်တန်းနိုင်ငံများစာရင်းတွင် ပါဝင်လာသည်။ ထို့အပြင် ကမ္ဘာ့ခရီးသွား လုပ်ငန်းတွင် ထိပ်ဆုံးအဆင့်မှ ဦးဆောင်လာနိုင်မည့်အနေအထား ရှိလာနိုင်သဖြင့် နှစ်စဉ်အလုပ်အကိုင်အခွင့်အလမ်း ထောင်နှင့်ချီ၍ တိုးတက်ဖြစ်ထွန်း မှုများရှိလာသည်။

မြန်မာနိုင်ငံ၏ ခရီးသွားလုပ်ငန်းဖွံ့ဖြိုးတိုးတက်မှုမှာ ဆယ်စုနှစ်တစ်ခုလျှင် တစ်ဆယ်မက  တိုးတက်လာသဖြင့်  ကမ္ဘာ့ထိပ်တန်း  စာရင်းဝင်နိုင်ငံ ဖြစ်လာမည်ဟု ခန့်မှန်းကြခြင်းဖြစ်သည်။ ထိုသို့ဖြစ်လာအောင်လည်း ခရီးသွားလုပ်ငန်းဖွံ့ဖြိုးရေးဆိုင်ရာလုပ်ငန်းများအား  စဉ်ဆက်မပြတ်မြှင့်တင် ဖော်ဆောင်ပေးနေရမည်ဖြစ်သည်။      စိတ်ဝင်စားဖွယ်ရာ   ရေခံမြေခံ  အခြေအနေကောင်းများရှိပြီးဖြစ်သော်လည်း   ကောင်းမွန်သည့်ဝန်းကျင် ကောင်းများဖြစ်ထွန်းအောင် ထိန်းသိမ်းစောင့်ရှောက်ပေးရမည်ဖြစ်သည်။

သဘာဝပတ်ဝန်းကျင်နှင့်  ရုပ်ဝတ္ထုပစ္စည်းများအား  စဉ်ဆက်မပြတ် ထိန်းသိမ်းစောင့်ရှောက်မှုမရှိလျှင် အမြင်မတင့်ဘဲ ပျက်စီးယိုယွင်းနိုင်သည်။ ဥပမာ ပင်လယ်ကမ်းခြေများနှင့် လည်ပတ်ရာနေရာများ၌ သန့်ရှင်းသာယာလှပ ရေးအတွက် ထိန်းသိမ်းစောင့်ရှောက်မှုနှင့် စည်းကမ်းတကျရှိမှုတို့သည် အရေးကြီးသည်။ နိုင်ငံတကာမှ ဧည့်သည်များမှာ စည်းကမ်းနှင့်သန့်ရှင်းမှုတို့ ကို အလေးထားသဖြင့် ထိုလုပ်ငန်းများအား စဉ်ဆက်မပြတ် လုပ်ကိုင်ကြ ရမည်။ ထို့အပြင် ခရီးသွားများလုံခြုံစိတ်ချမှုရှိရေးနှင့် အန္တရာယ်ကင်းရှင်းရေး ကိုလည်း သက်ဆိုင်ရာ လုံခြုံရေးအဖွဲ့အစည်းများက ယခုထက်ပိုမိုတိုးမြှင့် ဆောင်ရွက်ပေးသင့်သည်။

ယခုအခါ  မြန်မာနိုင်ငံတွင်  ခရီးသွားလုပ်ငန်းများ  တစ်နေ့တခြား တိုးတက်ကောင်းမွန်လာသောကြောင့်   ရင်းနှီးမြှုပ်နှံလုပ်ကိုင်မည့်သူများလည်း တစ်စတစ်စတိုးတက်လာသည်။ ဈေးကွက်အတွင်း စိတ်ချယုံကြည်စွာဖြင့် လက်တွဲလုပ်ဆောင်သွားရန်  ကူညီဖိတ်ခေါ်ကြိုဆိုကြရမည်ဖြစ်သည်။ သို့ဖြစ်ရာ နိုင်ငံ့စီးပွားရေးဖွံ့ဖြိုးတိုးတက်မှုအတွက် အခြေအနေကောင်းများ ရရှိထားပြီးဖြစ်သော ခရီးသွားကဏ္ဍပိုမိုမြင့်မားတိုးတက်လာရေးအတွက် နိုင်ငံတော်၏ပံ့ပိုးကူညီမှုများကိုရယူပြီး   ဆက်လက်တိုးတက်အောင် ဆောင်ရွက်နိုင်လိမ့်မည်ဟု  ယုံကြည်ပါသည်။      ။

ဘော့စ်နီးယားနှင့် ဟာဇီဂိုဗီးနားနိုင်ငံ လွတ်လပ်ရေးနေ့ နိုင်ငံတော်သမ္မတ ဦးသိန်းစိန် ဝမ်းမြောက်ကြောင်း သဝဏ်လွှာပေးပို့

နေပြည်တော် မတ် ၁

၂ဝ၁၆ ခုနှစ် မတ် ၁ ရက်တွင်ကျရောက်သော ဘော့စ်နီးယားနှင့် ဟာဇီဂိုဗီးနားနိုင်ငံ၏ လွတ်လပ်ရေးနေ့ အခါသမယ၌ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးသိန်းစိန်ထံမှ ဘော့စ်နီးယား နှင့် ဟာဇီဂိုဗီးနားနိုင်ငံ သမ္မတ ဦးသျှောင်အဖွဲ့အကြီးအကဲ မစ္စတာ ဒရက်ဂမ် ကိုဗစ်ထံသို့ ဝမ်းမြောက်ကြောင်း သဝဏ်လွှာပေးပို့သည်။

(သတင်းစဉ်)