ဒုက္ခသည်ကလေးငယ်များအား ခွဲဝေတာဝန်ယူပေးရန် ဗြိတိန်အား ပြင်သစ်သမ္မတတိုက်တွန်း

ပါရီ အောက်တိုဘာ ၃ဝ

ဒုက္ခသည် တဲစခန်းများကို ရှင်းလင်း ဖယ်ရှားခဲ့ပြီးသည့်နောက် ကာလိုက်စ်တွင် ကျန်ရှိနေသည့် ရွှေ့ပြောင်းဒုက္ခသည် ကလေးငယ်များကို ဗြိတိန်နိုင်ငံက ခွဲဝေတာဝန်ယူရန် ပြင်သစ်သမ္မတ ဖရန်ဆွာဟော်လန်းက ဗြိတိန်အား တိုက်တွန်းပြောကြားခဲ့သည်။

အဖော်အပေါင်းမရှိဘဲ ရောက်ရှိ လာကြသည့် အသက်မပြည့်သေးသူ ကလေးငယ် ၁၅ဝဝ တို့သည် ယခုအချိန် အထိ ဆိပ်ကမ်းမြို့အတွင်း သောင်တင် နေဆဲဖြစ်ပြီး ၄င်းတို့အား ခိုလှုံရာ စခန်း များသို့ အမြန်ဆုံးခေါ်ဆောင်သွားရမည် ဖြစ်ကြောင်း သမ္မတ ဖရန်ဆွာဟော်လန်း က ပြောသည်။

စစ်ပွဲနှင့်ဆင်းရဲငတ်မွတ်ခေါင်းပါးမှုတို့ကြောင့် ထွက်ပြေးလာခဲ့ကြသည့် ဒုက္ခသည်များသည် ညစ်ပတ်ရှုပ်ပွနေ သည့်တဲများကို ခေတ္တခိုလှုံရာ စခန်းအဖြစ် အသုံးပြုလျက် ဗြိတိန်သို့ရောက်ရှိရေး ကြိုးပမ်းနေကြသည်။ အဆိုပါတဲစခန်း များမှ ကလေးငယ်အယောက် ၂၅ဝ ကို လက်ခံပေးရန် ဗြိတိန်သည် မကြာသေး မီကပင် သဘောတူညီခဲ့သည်။

ဒုတိယက္ဘာစစ်ပြီးဆုံးချိန်မှ စတင် ကာ ရင်ဆိုင်လာရသည့် အဆိုးရွားဆုံး ဒုက္ခသည်ပြဿနာကို ဥရောပအနေဖြင့် ကိုင်တွယ်ဖြေရှင်းနိုင်စွမ်းမရှိတော့သည် ကို ဒုက္ခသည်တဲစခန်းများက ဖော်ပြ လျက်ရှိသည်။

ပြည့်သိပ်ကျပ်ညပ်နေသည့် ရွက်ဖျင် တဲများတွင် အသက်မပြည့်သေးသည့် ကလေးငယ် ၁၅ဝဝ ထက်မနည်းနေထိုင် လျက်ရှိပြီး ကလေးငယ်အများစုသည် ဆင်းရဲပင်ပန်းကြီးစွာ အိပ်စက်နေကြရ သည်။ ဗြိတိန်နိုင်ငံအတွင်း၌ ၄င်းတို့အား အိမ်ရာပြန်လည်ထူထောင်ပေးရန်နှင့် ပြင်သစ်နိုင်ငံအတွင်း ဆက်လက်ခိုလှုံ ခွင့်ပေးထားရန် ကိစ္စရပ်များနှင့်ပတ်သက် ၍ မစ္စတာဟော်လန်းနှင့် ဗြိတိန်ဝန်ကြီး ချုပ် ထရီဆာမေတို့က ဗြိတိန်အာဏာ ပိုင်များနှင့် ဆွေးနွေးခဲ့ကြကြောင်း သိရ သည်။ (ဘီဘီစီ)

အာဖရိကအလယ်ပိုင်းတွင် လူမျိုးရေးပဋိပက္ခများဖြစ်ပွားပြီး ၂၅ ဦး သေဆုံး

 

 

ဂျီနီဗာ အောက်တိုဘာ ၃ဝ

အာဖရိက အလယ်ပိုင်းနိုင်ငံတွင် နှစ်ရက်ကြာဖြစ်ပွားခဲ့သည့် ပ$ဋိပက္ခအတွင်းလူ ၂၅ ဦး သေဆုံးခဲ့ရပြီဖြစ်ကြောင်း ကုလသမဂ္ဂ ငြိမ်းချမ်းရေးထိန်းသိမ်းရေးမစ်ရှင်အဖွဲ့က ပြောကြားခဲ့သည်။

ကြာသပတေးနေ့က ဆီလီကာ စစ်သွေးကြွအဖွဲ့ဟောင်းမှ အစ္စလာမ်တိုက်ခိုက်ရေးအဖွဲ့များနှင့် ဘာလာကာ အဖွဲ့ကို ဆန့်ကျင် သည့် ခရစ်ယာန်ဘာသာဝင်အုပ်စုများအကြား ပဋိပက္ခများဖြစ်ပွားခဲ့ရာ လူ ၁၅ ဦး သေဆုံးသွားခဲ့သည်။

သောကြာနေ့တွင် ရဲအရာရှိခြောက်ဦးနှင့် အရပ်သားလေးဦး ချုံခိုတိုက်ခိုက်ခံရပြီး သေဆုံးခဲ့သည်။ ၂ဝ၁၃ ခုနှစ်မှ စတင်ကာ အာဖရိကအလယ်ပိုင်းဒေသသည် ဘာသာရေးနှင့် လူမျိုးရေးပဋိပက္ခများကြောင့် ပြိုကွဲပျက်စီးခဲ့ရသည်။

ဘာလာကာ ဆန့်ကျင်ရေးအဖွဲ့နှင့် ဆီလီကာအဖွဲ့ဟောင်း၏ အုပ်စုဝင်များအကြား ရုန်းရင်းဆန်ခတ်ဖြစ်ပွားမှုကြောင့် ၁၅ ဦး သေဆုံးကာ အများအပြားဒဏ်ရာရရှိခဲ့ကြောင်း မိုင်နပ်စ်ကာမစ်ရှင်အဖွဲ့က ပြောကြားခဲ့သည်။ ကုလသမဂ္ဂမစ်ရှင်အဖွဲ့က အတောမသတ်နိုင်သည့် တိုက်ခိုက်မှုများနှင့် လက်စားချေတုံ့ပြန်မှုများကို ရပ်တန်းကရပ်ကြရန် လက်နက်ကိုင်အုပ်စုများက တိုက်တွန်းထားသည်။

ဆီလီကာသူပုန်အဖွဲ့သည် ၂ဝ၁၃ ခုနှစ် မတ်လတွင် အာဏာသိမ်းခဲ့ပြီး ခရစ်ယာန်ဘာသာဝင်သမ္မတ ဖရန်ကွိုက်ဘိုဇီဇီကို ရာထူးမှဖြုတ်ချခဲ့သည်။ လူထောင်ပေါင်းများစွာသေဆုံးခဲ့ပြီး ရာပေါင်းများစွာတို့ အိုးအိမ်စွန့်ခွာထွက်ပြေးခဲ့ကြရသည်။ ယခု အခါ နိုင်ငံအတွင်း ကုလသမဂ္ဂငြိမ်းချမ်းရေးလိုလားသူ ၁၂ဝဝဝ ကျော်ကို ဖြန့်ကြက်ထားသည်။

(ဘီဘီစီ)

ရွှေတိဂုံစေတီတော်ဆိုင်ရာ လုပ်ငန်းညှိနှိုင်းအစည်းအဝေးကျင်းပ

 

 

ရန်ကုန် အောက်တိုဘာ ၃ဝ

ရွှေတိဂုံစေတီတော်ဆိုင်ရာ လုပ်ငန်းညှိနှိုင်းအစည်းအဝေးကို ယနေ့နံနက် ၁ဝ နာရီတွင် စေတီတော်ရင်ပြင်ရှိ ဂေါပကအဖွဲ့ရုံး အစည်း အဝေးခန်းမ၌ ကျင်းပသည်။

အစည်းအဝေးတွင် သာသနာရေးနှင့် ယဉ်ကျေးမှုဝန်ကြီး ဌာန ပြည်ထောင်စုဝန်ကြီး သူရဦးအောင်ကိုက ရွှေတိဂုံစေတီ တော်၏ လုံခြုံရေး၊ စီမံခန့်ခွဲရေးနှင့် ရွှေသင်္ကန်းကပ်လှူရေးတို့ အတွက် ကြိုတင်ပြင်ဆင်ရမည့် လုပ်ငန်းကိစ္စရပ်များ၊ စေတီတော် မြတ်ကြီး၏ ကြံ့ခိုင်မှုနှင့် ဘက်စုံပြုပြင်မွမ်းမံ ပြင်ဆင်ထိန်းသိမ်း ရေးလုပ်ငန်းများနှင့်စပ်လျဉ်း၍ ဆွေးနွေးမှာကြားသည်။

ယင်းနောက် သာသနာရေးဦးစီးဌာန ညွှန်ကြားရေးမှူးချုပ် ဦးမြင့်ဦးက ဂေါပကအဖွဲ့ စည်းမျဉ်းနှင့်စပ်လျဉ်း၍ ရှင်းလင်း တင်ပြသည်။

ဆက်လက်၍ စေတီတော်ဂေါပကအဖွဲ့ဝင်များက ဂေါပက အဖွဲ့၏ ဆောင်ရွက်ပြီး၊ ဆောင်ရွက်ဆဲလုပ်ငန်းများနှင့် ရှေ့လုပ်ငန်း စဉ်များကို သက်ဆိုင်ရာကဏ္ဍများအလိုက် ရှင်းလင်းတင်ပြကြ ရာ အဆိုပါရှင်းလင်းတင်ပြချက်များနှင့်စပ်လျဉ်း၍ ပြည်ထောင်စု ဝန်ကြီးက ပြန်လည်ဖြည့်စွက်ဆွေးနွေးပြီး နိဂုံးချုပ်အမှာစကား ပြောကြားသည်။

ပြည်ထောင်စုဝန်ကြီးသည် နံနက်ပိုင်းတွင် ရွှေတိဂုံစေတီ တော်မြတ်ကြီးနှင့် စေတီတော် အထက်ပစ္စယာရှိ ပတ္တမြားမျက်ရှင် ဗုဒ္ဓရုပ်ပွားတော်တို့အား ပန်း၊ ရေချမ်း၊ ဆီမီးကပ်လှူပူဇော် ဖူးမြော်ကြည်ညိုသည်။

(သတင်းစဉ်)

စာပေပရိယတ္တိသင်ကြားလျက်ရှိသော တိုင်းရင်းသား၊ တိုင်းရင်းသူ သာမဏေ၊ သီလရှင်များအား စားသောက်ကုန်နှင့် လှူဖွယ်ပစ္စည်းများ ဆက်ကပ်လှူဒါန်း

 

 

 

နေပြည်တော် အောက်တိုဘာ ၃ဝ

နယ်စပ်ရေးရာဝန်ကြီးဌာန၊ နယ်စပ်ဒေသနှင့် တိုင်းရင်းသား လူမျိုးများဖွံ့ဖြိုးတိုးတက်ရေးဦးစီးဌာနသည် ရန်ကုန်တိုင်း ဒေသ ကြီး မရမ်းကုန်းမြို့နယ်အတွင်းရှိ ပရိယတ္တိစာသင်တိုက် ကျောင်းများဖြစ်သည့် ကလေးဝတောရ၊ ပိတောက်ရွှေဝါ၊ ရတနာ့ ဗိမာန်ကျောင်းများ၌ စာပေပရိယတ္တိသင်ကြားလျက်ရှိသော နယ်စပ်ဒေသများရှိ တိုင်းရင်းသားလူမျိုးစု ၂၂ စုမှ သာမဏေ၊ သီလရှင်၊ ကျောင်းသား၊ကျောင်းသူများအတွက် ၁၉၉၃ ခုနှစ် မှစတင်၍ ၂ဝ၁၆ ခုနှစ် ယနေ့အထိ လစဉ် ဆန်၊ ဆီ၊ ဆား၊ ပဲများ ဆက်ကပ်လှူဒါန်းခဲ့သည်မှာ ၂၃ နှစ် ရှိခဲ့ပြီးဖြစ်သည်။

ယမန်နေ့ မွန်းလွဲ ၂ နာရီတွင် အဆိုပါစာသင်တိုက်များသို့ ဆန်၊ ဆီ၊ ဆား၊ ပဲများ ဆက်ကပ်လှူဒါန်းပွဲကို နာဂလိုဏ်ဂူရှိ ကလေးဝတောရစာသင်တိုက်၌ ကျင်းပရာ နိုင်ငံတော်သြဝါဒါ စရိယ ဒွိပိဋကရ ဒွိပိဋကကောဝိဒ၊ အဂ္ဂမဟာပဏ္ဍိတ၊ အဂ္ဂမဟာ ကမ္မဋ္ဌာနာစရိယ၊ အဂ္ဂမဟာဂန္ထဝါစကပဏ္ဍိတ ရွှေတိဂုံစေတီ တော် ဂေါပကအဖွဲ့၏ သြဝါဒါစရိယ ကလေးဝဆရာတော် လယ်တီဘဒ္ဒ္တဇာဂရာဘိဝံသက အနုမောဒနာတရားတော်ကို ဧည့်ပရိသတ်များအား ချီးမြှင့်တော်မူပြီး နယ်စပ်ရေးရာဝန်ကြီး ဌာနမှ တာဝန်ရှိသူများက ဆရာတော်များထံ ဆန်၊ ဆီ၊ ဆား၊ ပဲများနှင့် လှူဖွယ်ပစ္စည်းများ ဆက်ကပ်လှူဒါန်းသည်။

လှူဒါန်းရာတွင် မရမ်းကုန်းမြို့နယ် ပရိယတ္တိစာသင်တိုက် သုံးကျောင်းရှိ တိုင်းရင်းသား၊ တိုင်းရင်းသူ သာမဏေ၊ သီလရှင်၊ ကျောင်းသား ကျောင်းသူ ၁၅၆၅ ဦးအတွက် ဆန် ၂၄၃ အိတ်၊ ဆီ ၂၃၅ ပိဿာ၊ ဆား ၂၃၅ ပိဿာ၊ ကုလားပဲ ပိဿာ ၄၇ဝ တို့ကို လှူဒါန်းခဲ့ကြောင်း သတင်းရရှိသည်။ (သတင်းစဉ်)

ဗိုလ်ချုပ်မှူးကြီးမင်းအောင်လှိုင် တရုတ်နိုင်ငံShan Xi ပြည်နယ်ရှိ ဗုဒ္ဓမြတ်စွာဘုရား၏ လက်ရိုးတော်အား ဖူးမြော်ကြည်ညို

 

 

နေပြည်တော် အောက်တိုဘာ ၃ဝ

တရုတ်ပြည်သူ့သမ္မတနိုင်ငံ၌ ရောက်ရှိနေသော တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့်အဖွဲ့အား ယမန်နေ့ညကShan Xi ပြည်နယ် စစ်ဒေသမှူးMaj. Gen. Gao Longfu က Xian မြို့Hyatt Regency ဟိုတယ်၌ ဂုဏ်ပြုညစာဖြင့် တည်ခင်းဧည့်ခံသည်။

ယင်းနောက် တပ်မတော်ကာကွယ် ရေးဦးစီးချုပ်နှင့် အဖွဲ့ဝင်များသည် Xian မြို့တွင်းရှိTang Le Gong ကပွဲရုံသို့ သွားရောက်ပြီးTangမင်းဆက်ခေတ် ကာလ အဆိုအက ဖျော်ဖြေတင်ဆက်မှု အစီအစဉ်များအား ကြည့်ရှုအားပေး ကြသည်။

တပ်မတော်ကာကွယ်ရေးဦးစီးချုပ်နှင့်အဖွဲ့သည် ယနေ့ နံနက်ပိုင်းတွင်Shan Xi ပြည်နယ်Bao Ji မြို့ရှိ စင်္ကြာမုနိ လက်ရိုးတော်ဘုရား(Fa Man

Si)သို့ သွားရောက်ပြီး ဗုဒ္ဓရုပ်ပွားတော် မြတ်နှင့် ဗုဒ္ဓမြတ်စွာဘုရား၏ လက်ရိုး တော်အား ဖူးမြော်ကြည်ညိုကာ တပ်မတော်ကာကွယ်ရေးဦးစီးချုပ်က အလှူငွေများ ပေးအပ်လှူဒါန်းသည်။

မွန်းလွဲပိုင်းတွင် တပ်မတော် ကာကွယ်ရေးဦးစီးချုပ်နှင့် အဖွဲ့သည် ရှီအန်းမြို့မှ ပေကျင်းမြို့သို့ အထူး လေယာဉ်ဖြင့် ဆက်လက်ထွက်ခွာသည်။

ညပိုင်းတွင် တပ်မတော်ကာကွယ် ရေးဦးစီးချုပ်နှင့်အဖွဲ့သည် တရုတ်ပြည်သူ့ သမ္မတနိုင်ငံဆိုင်ရာ မြန်မာနိုင်ငံသံရုံးသို့ ရောက်ရှိပြီး သံရုံးဧည့်ခန်းမ၌ တပ်မတော် ကာကွယ်ရေးဦးစီးချုပ်က သင်တန်းသား များ၊ သံရုံး/စစ်သံရုံးမိသားစုများအား တွေ့ဆုံ အမှာစကား ပြောကြားကာ အမှတ်တရပစ္စည်းများနှင့် စားသောက် ဖွယ်ရာများ ပေးအပ်သည်။ ထို့နောက် တပ်မတော်ကာကွယ်ရေး ဦးစီးချုပ်နှင့် အဖွဲ့ အား သံရုံးမိသားစုများက ညစာဖြင့် တည်ခင်းဧည့်ခံသည်။ (သတင်းစဉ်)