ဒီမိုကရေစီ၏ပြယုဂ်သည် လွှတ်တော်များဖြစ်သည့်အတွက် လုပ်ငန်းစဉ်များခိုင်မာအားကောင်းရန် ကြိုးပမ်း

 နေပြည်တော် မတ် ၂၇

 ပြည်သူ့လွှတ်တော်ဥက္ကဋ္ဌ ဦးဝင်းမြင့်သည် ချင်းပြည်နယ် လွှတ်တော်ကိုယ်စားလှယ် များအား ယနေ့ မွန်းလွဲ ၂ နာရီတွင် ချင်းပြည်နယ် ဟားခါးမြို့ရှိ ပြည်ထောင်စု ရိပ်သာအစည်းအဝေးခန်းမ၌ တွေ့ဆုံ၍ ဥပဒေပြုရေး၊ ဒေသဖွံ့ဖြိုးရေး၊ ငြိမ်းချမ်း ရေးနှင့် လွှတ်တော် အတွေ့အကြုံများကို ရှင်းလင်းပြောကြားသည်။

ထိုသို့တွေ့ဆုံစဉ် ပြည်သူ့လွှတ်တော် ဥက္ကဋ္ဌက ယနေ့ကာလသည် ဒီမိုကရေစီ အသွင်ကူးပြောင်းရေးကာလဖြစ်ကြောင်း၊ မိမိတို့နိုင်ငံကို ဒီမိုကရေစီစနစ်ထွန်းကား ရန်၊ ဒီမိုကရေစီဖက်ဒရယ် ပြည်ထောင်စု နိုင်ငံတော် တည်ဆောက်ရန် ကြိုးပမ်း ဆောင်ရွက်နေပြီဖြစ်ကြောင်း၊ သို့မှသာ တိုင်းပြည်တည်ငြိမ်အေးချမ်းပြီး ခေတ်မီ ဖွံ့ဖြိုးတိုးတက်လာမည် ဖြစ်ပါကြောင်း၊ တရားမျှတခြင်း၊ လွတ်လပ်ခြင်း၊ ညီမျှခြင်း တည်းဟူသော လောကပါလ တရားများ လည်း ထွန်းကားလာမည်ဖြစ်ကြောင်း။

ဒီမိုကရေစီ အခွင့်အရေးများရရှိမှ တရားဥပဒေစိုးမိုးမှုရှိမည်ဖြစ်ပြီး နိုင်ငံသူ နိုင်ငံသားများ၏ ဘဝလုံခြုံမှု၊ စိတ်လုံခြုံ မှုရှိမည်ဖြစ်ကြောင်း၊ တရားဥပဒေစိုးမိုး မှုရှိမှ တိုင်းပြည်တည်ငြိမ်အေးချမ်းမည် ဖြစ်ပြီး ပြည်တွင်းငြိမ်းချမ်းရေးရရှိမည် ဖြစ်ပါကြောင်း၊ ဥပဒေပြုရေး၊ အုပ်ချုပ် ရေး၊ တရားစီရင်ရေးလုပ်ငန်းများ ဆောင် ရွက်ရသည့် မဏ္ဍိုင်ကြီး (၃) ရပ်သည် တည်ဆဲဥပဒေများနှင့်အညီ ဆောင်ရွက် ရပါကြောင်း၊ မဏ္ဍိုင်(၃)ခုသည် တစ်ခု နှင့်တစ်ခုလွှမ်းမိုးခြင်း၊ ဝင်ရောက်စွက် ဖက်ခြင်းမျိုး ပြုလုပ်၍မရပါကြောင်း၊ အပြန်အလှန်သာ ထိန်းကျောင်းနိုင်ပါ ကြောင်း။

မေးမြန်းသည့်မေးခွန်း၊ တင်သွင်း သည့်အဆိုများသည် ပြည်ထောင်စု မပြိုကွဲရေး၊ တိုင်းရင်းသားစည်းလုံး ညီညွတ်မှု မပြိုကွဲရေးနှင့် အချုပ်အခြာ အာဏာ တည်တံ့ခိုင်မြဲရေးကို ထိပါးနိုင် သည့်ကိစ္စရပ်များ၊ နိုင်ငံတော်လျှို့ဝှက် ကိစ္စရပ်များဖြစ်၍ မရပါကြောင်း၊ ထို့ကြောင့် ကိုယ်စားလှယ်များအနေဖြင့် လွှတ်တော်ဆိုင်ရာဥပဒေ၊ နည်းဥပဒေ များတွင်ပါရှိသည့် မေးခွန်း၊ အဆိုတို့နှင့် စပ်လျဉ်းသည့် စည်းကမ်းချက်များ၊ ကန့်သတ်ချက်များကို လိုက်နာကြရန်လို ကြောင်း။

ဥပဒေပြဋ္ဌာန်းရာတွင် နိုင်ငံတော် နှင့် နိုင်ငံသားများအတွက် အကျိုးရှိသည့် ဥပဒေဖြစ်ရန်လိုကြောင်း၊ ပြည်သူလူထု၏ အကျိုးစီးပွားဖြစ်ထွန်းစေရန် တည်ဆဲ ဥပဒေများကို ပြန်လည်သုံးသပ်ခြင်း၊ ခေတ်ကာလအခြေအနေတို့နှင့် လိုက် လျောညီထွေမှုမရှိသည့် ဥပဒေများကို ပြင်ဆင်ဖြည့်စွက်ခြင်း ပြုလုပ်ရန်လို ကြောင်း၊ ထို့ပြင် ပြည်သူများလေးစား လိုက်နာနိုင်သည့် ဥပဒေဖြစ်ရန်လည်း အထူးလိုအပ်ပါကြောင်း။

ဒီမိုကရေစီနိုင်ငံတည်ဆောက်မည်ဆိုပါက သဘောထားကြီးခြင်း၊ သည်းခံ ခြင်း၊ ခွင့်လွှတ်ခြင်း၊ အပြန်အလှန် ပူးပေါင်းဆောင်ရွက်ခြင်း၊ နားလည်မှုရှိ ခြင်း၊ ယုံကြည်မှုရှိခြင်းများဖြင့် တိုင်းပြည် နှင့်ပြည်သူလူထုအတွက်၊ အနာဂတ် မျိုးဆက်များအတွက် အားလုံးပူးပေါင်း ဆောင်ရွက်ကြရမည်ဖြစ်ကြောင်း၊ ဒီမို ကရေစီ၏ပြယုဂ်သည် လွှတ်တော်များ ဖြစ်သည့်အတွက် လွှတ်တော်လုပ်ငန်းစဉ် များ ခိုင်မာအားကောင်းစွာ လည်ပတ်နိုင် ရန် မိမိတို့လွှတ်တော်ကိုယ်စားလှယ်များ က အစဉ်ကြိုးပမ်းရမည်ဖြစ်ကြောင်း၊ ဒီမိုကရေစီဖော်ဆောင်ရာတွင် လက်ရှိ အခြေအနေထက် ပိုမိုကောင်းမွန်သည့် တည်ငြိမ်အေးချမ်းမှုနှင့် တရားဥပဒေ စိုးမိုးမှုရှိရန် ကိုယ်စားလှယ်များ အချင်းချင်း ပူးပေါင်းဆောင်ရွက်ကြရမည် ဖြစ်ကြောင်း။ 

မိမိတို့အနေဖြင့် တိုင်းရင်းသား စည်းလုံးညီညွတ်ရေးကို အစဉ်ရှေးရှု ဆောင်ရွက်လျက်ရှိပါကြောင်း၊ တိုင်းရင်း သားများ၏ အခွင့်အရေးများကို အလေး ထား ဆောင်ရွက်နေသည်မှာလည်း အားလုံးအသိပင် ဖြစ်ပါကြောင်း၊ ပြည်ထောင်စုအဆင့်နှင့် ပြည်နယ်အဆင့် အဖွဲ့အစည်းများတွင်လည်း တိုင်းရင်း သားများကို ထိုက်သင့်သည့်နေရာများ ပေး၍ ထည့်သွင်း ဖွဲ့စည်းထားရှိပါကြောင်း။

ဥပဒေပြုရေး၊ အုပ်ချုပ်ရေး၊ တရား စီရင်ရေးတို့ကို တတ်နိုင်သမျှ ပိုင်းခြား သုံးစွဲခြင်း၊ အပြန်အလှန် ထိန်းကျောင်း ခြင်းတို့ကို ဖွဲ့စည်းပုံအခြေခံဥပဒေ၊ တည်ဆဲဥပဒေ၊ နည်းဥပဒေများနှင့် အညီဆောင်ရွက်ကြရမည်ဖြစ်ကြောင်း၊ Check and Balance ပြုလုပ်သည့် နေရာတွင် ကန့်သတ်ချက်ဘောင်များကို ကျော်လွန်ပြီး ဝင်ရောက်စွက်ဖက်ခြင်း မျိုးမဖြစ်ရအောင် အထူးသတိပြုရန် လိုကြောင်း၊ မိမိတို့ မဲဆန္ဒနယ်မြေ ဖွံ့ဖြိုး တိုးတက်ရေးအတွက် ဖွဲ့စည်းပုံအခြေခံ ဥပဒေနှင့် မဆန့်ကျင်အောင် သက်ဆိုင်ရာ အာဏာပိုင်အဖွဲ့အစည်းများနှင့် ညှိနှိုင်း ပေါင်းစပ်ခွင့်ရှိပါကြောင်း ပြောကြား သည်။

ယင်းနောက် လွှတ်တော်ကိုယ်စား လှယ်များက ဒေသဖွံ့ဖြိုးရေးလုပ်ငန်းစဉ် များနှင့် လွှတ်တော်တွင်း ဆောင်ရွက် ချက်များကို ဆွေးနွေးတင်ပြကြပြီး သိရှိ လိုသည်များကို မေးမြန်းရာ ပြည်သူ့ လွှတ်တော်ဥက္ကဋ္ဌက ပြန်လည်ရှင်းလင်း ဖြေကြားခဲ့သည်။

အဆိုပါတွေ့ဆုံပွဲသို့ ချင်းပြည်နယ် ဝန်ကြီးချုပ် ဦးဆလိုင်းလျန်လွယ်၊ ချင်းပြည်နယ် လွှတ်တော်ဥက္ကဋ္ဌ ဦးဇိုဘွဲ၊ ဒုတိယဥက္ကဋ္ဌ ဦးအောင်သန်း၊ ပြည်နယ် ဝန်ကြီးများ၊ ပြည်သူ့လွှတ်တော်၊ အမျိုးသားလွှတ်တော်နှင့် ပြည်နယ် လွှတ်တော်ကိုယ်စားလှယ်များ တက် ရောက်ကြသည်။

ထို့နောက် ပြည်သူ့လွှတ်တော် ဥက္ကဋ္ဌ ဦးဝင်းမြင့်သည် ဟားခါးမြို့၊ မြို့သစ်ရပ်ကွက်ရှိ ချင်းပြည်နယ် လွှတ်တော်ရုံး တည်ဆောက်မည့် မြေ နေရာအား သွားရောက်ကြည့်ရှုစစ်ဆေး သည်။

ယင်းနောက် ဟားခါးမြို့ အိပ်မက် တော်ရ သစ္စာအောင်မြေကုန်းတော်၊ ဇေတဝန်တောရကျောင်းတိုက်၏ လက် ထောက်ဆရာတော် ဦးဇဋိတနှင့် ဟားခါး မြို့ပေါ်ရှိ သာသနာပြုဆရာတော် ရှစ် ပါး အား သွားရောက်ဖူးမြော်ကြည်ညို၍ လှူဖွယ်ပစ္စည်းများအား ဆက်ကပ် လှူဒါန်းသည်။

ထို့နောက် ပြည်သူ့လွှတ်တော်ဥက္ကဋ္ဌ သည် ဟားခါး ချင်းနှစ်ခြင်းအသင်းတော် သို့ သွားရောက်၍ အသင်းဝင်များအား တွေ့ဆုံနှုတ်ဆက်စကား ပြောကြားကာ ရင်းရင်းနှီးနှီး လိုက်လံနှုတ်ဆက်သည်။

မွန်းလွဲပိုင်းတွင် ပြည်သူ့လွှတ်တော် ဥက္ကဋ္ဌသည် ၂ဝ၁၅ ခုနှစ်၊ ဇူလိုင်လ အတွင်း သဘာဝဘေးအ္တရာယ်ဖြစ်စဉ် ကြောင့် ရုန်းတောင်ပြိုကျခဲ့သည့် နေရာ အား သွားရောက်ကြည့်ရှုစစ်ဆေးရာ ချင်းပြည်နယ်၊ စည်ပင်သာယာရေးအဖွဲ့၊ ညွှန်ကြားရေးမှူး ဦးထလာဟရဲနှင့် ပြည်နယ် ဆည်မြောင်းဦးစီးဌာနဦးစီးမှူး ဦးတင်အေးတို့ကရုန်းတောင်သဘာဝဘေး ကာကွယ်ရေး လုပ်ငန်းဆောင်ရွက်မှု အခြေအနေနှင့် ဟားခါးမြို့အား သဘာဝ ဘေးမှ ကြိုတင်ကာကွယ်ရေးလုပ်ငန်း ဆောင်ရွက်နေမှု အခြေအနေများကို ရှင်းလင်းပြောကြားပြီး ပြည်သူ့လွှတ်တော် ဥက္ကဋ္ဌက လိုအပ်သည်များကို ဖြည့်စွက် မှာကြားသည်။
(သတင်းစဉ်)