ပြည်သူများ၏ အသံ၊ ဆန္ဒနှင့် သဘောထားတို့ကို နားထောင်ပြီး ပြည်သူများ၏လိုအပ်ချက်ကို ဖြည့်ဆည်းဆောင်ရွက်

 နေပြည်တော် မတ် ၂၅

 ပြည်သူ့လွှတ်တော်ဥက္ကဋ္ဌ ဦးဝင်းမြင့်သည် ကချင်ပြည်နယ် လွှတ်တော်ကိုယ်စား လှယ်များအား မတ် ၂၄ ရက် မွန်းလွဲ ၃ နာရီတွင် ကချင်ပြည်နယ် မြစ်ကြီးနားမြို့ ပြည်နယ်လွှတ်တော်ရုံး၌ တွေ့ဆုံပြီး ဥပဒေပြုရေး၊ ဒေသဖွံ့ဖြိုးရေးနှင့် လွှတ်တော် အတွေ့အကြုံများ ရှင်းလင်းပြောကြားသည်။

ထိုသို့တွေ့ဆုံစဉ် ပြည်သူ့လွှတ်တော်ဥက္ကဋ္ဌက နိုင်ငံတစ်နိုင်ငံကို ‘ဒီမိုကရေစီနိုင်ငံ အဖြစ် တည်ဆောက်မည်ဆိုပါက လွှတ်တော်၏ အခန်းကဏ္ဍသည် အရေးကြီး ပါကြောင်း၊ ဒီမိုကရေစီစနစ်ကျင့်သုံးသည့် နိုင်ငံတိုင်းတွင် ဒီမိုကရေစီစနစ်၏ အခြေခံ အုတ်မြစ်သည် လွှတ်တော်ဖြစ်သည်ကို အထင်အရှားတွေ့ရမည်ဖြစ်ပါကြောင်း၊ ဒီမိုကရေစီစနစ်တွင် အချုပ်အခြာအာဏာသည် ပြည်သူ့ထံမှ ဆင်းသက်ပါကြောင်း၊ အချုပ်အခြာအာဏာသည် ပြည်သူများ၏ လက်ဝယ်တွင်ရှိပါကြောင်း။

ပြည်သူများက အားကိုးယုံကြည်မှုဖြင့် ရွေးချယ်တင်မြှောက်လိုက်သည့် ကိုယ်စား လှယ်များသည် နိုင်ငံတော်နှင့် နိုင်ငံသူ နိုင်ငံသားများ၏အကျိုးကို ထိထိရောက်ရောက် ဆောင်ရွက်နိုင်ရန်အတွက် လွှတ်တော်ကိုယ်စားလှယ်များ၏ စွမ်းဆောင်ရည်ကို မြှင့်တင်ကြရန်လိုအပ်ပါကြောင်း၊ ထို့အတူ လွှတ်တော်ဝန်ထမ်းများ၏ အခန်းကဏ္ဍသည်လည်း အရေးပါသည့်အတွက် အရည်အသွေးမြင့်မားရေးကို ကြိုးပမ်းဆောင်ရွက် လျက်ရှိပါကြောင်း။

လွှတ်တော်ကိုယ်စားလှယ်များအနေဖြင့် စွမ်းဆောင်ရည်မြင့်မားပြီး လွှတ်တော် ဆိုင်ရာ ဥပဒေ၊ နည်းဥပဒေများနှင့် ဖွဲ့စည်းပုံအခြေခံဥပဒေကို ကျွမ်းကျင်ပိုင်နိုင်အောင် လေ့လာထားရန်လိုအပ်ပါကြောင်း၊ မေးမြန်းသည့်မေးခွန်း၊ တင်သွင်းသည့် အဆိုများ သည် လွှတ်တော်ဆိုင်ရာဥပဒေ၊ နည်းဥပဒေများတွင်ပါရှိသည့် မေးခွန်း၊ အဆိုတို့ နှင့်စပ်လျဉ်းသည့် စည်းကမ်းချက်များ၊ ကန့်သတ်ချက်များကို လိုက်နာကြရန်လိုပါ ကြောင်း။

ဥပဒေကြမ်းများရေးဆွဲရာတွင်လည်း တိကျမှန်ကန်၊ ရှင်းလင်းပြတ်သားရန် လိုအပ်ပြီး တရားမျှတရန်လည်း လိုအပ်ပါကြောင်း၊ ဥပဒေပြဋ္ဌာန်းရာတွင် နိုင်ငံတော်နှင့် နိုင်ငံသားများအတွက် အကျိုးရှိသည့် ဥပဒေဖြစ်ရန်လိုကြောင်း၊ ပြည်သူလူထုရဲ့ အကျိုးစီးပွားဖြစ်ထွန်းစေရန် တည်ဆဲဥပဒေများကို ပြန်လည်သုံးသပ်ခြင်း၊ ခေတ်ကာလ အခြေအနေတို့နှင့် လိုက်လျောညီထွေမှုမရှိသည့် ဥပဒေများကို ပြင်ဆင်ဖြည့်စွက်ခြင်း ပြုလုပ်ရန်လိုကြောင်း၊ ထို့ပြင် ပြည်သူများလေးစားလိုက်နာနိုင်သည့် ဥပဒေဖြစ်ရန် လည်း အထူးလိုအပ်ပါကြောင်း။ 

ဥပဒေပြုရေး၊ အုပ်ချုပ်ရေး၊ တရားစီရင်ရေးတို့ကို တတ်နိုင်သမျှ ပိုင်းခြားသုံးစွဲ ခြင်း၊ အပြန်အလှန်ထိန်းကျောင်းခြင်းတို့ကို ဖွဲ့စည်းပုံအခြေခံဥပဒေ၊ တည်ဆဲဥပဒေ၊ နည်းဥပဒေများနှင့်အညီ ဆောင်ရွက်ကြရမည်ဖြစ်ကြောင်း၊ ဃ့နခု ညေိြေူညေခန ပြုလုပ်သည့်နေရာတွင် ကန့်သတ်ချက်ဘောင်များကိုကျော်လွန်ပြီး ဝင်ရောက် စွက်ဖက်ခြင်းမျိုးမဖြစ်ရအောင် အထူးသတိပြုရန်လိုကြောင်း၊ မိမိတို့ မဲဆန္ဒနယ်မြေ ဖွံ့ဖြိုးတိုးတက်ရေးအတွက် ဖွဲ့စည်းပုံလွှတ်တော်ဆိုင်ရာဥပဒေနှင့်အညီ သက်ဆိုင်ရာ အာဏာပိုင် အဖွဲ့အစည်းများနှင့် ညှိနှိုင်းပေါင်းစပ်ခွင့်ရှိပါကြောင်း။

ဒီမိုကရေစီစနစ်တွင် ပြည်သူကိုဗဟိုပြုသည့်အတွက် ပြည်သူများ၏ အသံ၊ ဆန္ဒနှင့် သဘောထားတို့ကို နားထောင်ပြီး ပြည်သူများ၏ လိုအပ်ချက်ကို ဖြည့်ဆည်း ဆောင်ရွက်ပေးရန်လိုအပ်ကြောင်း၊ ကိုယ်စားလှယ်များအနေဖြင့် ကျင့်ဝတ်သိက္ခာ များကိုလည်း ထိန်းသိမ်းလိုက်နာရန် လိုအပ်ပါကြောင်း၊ မိမိတို့၏လုပ်ပိုင်ခွင့်ကို အလွဲသုံးစားမှု၊ လာဘ်ပေးလာဘ်ယူမှုတို့ မပြုလုပ်ရန်လိုအပ်ပါကြောင်း။

မိမိတို့နိုင်ငံကို ‘ဒီမိုကရေစီဖက်ဒရယ် ပြည်ထောင်စု နိုင်ငံတော်တည်ဆောက်ရန် ကြိုးပမ်းဆောင်ရွက်နေပြီဖြစ်ကြောင်း၊ ‘ဒီမိုကရေစီစနစ်ထွန်းကားမှသာ တိုင်းပြည် တည်ငြိမ်အေးချမ်းပြီး ခေတ်မီဖွံ့ဖြိုးတိုးတက်လာမည် ဖြစ်ပါကြောင်း။ 

ဒီမိုကရေစီနိုင်ငံတည်ဆောက်မည်ဆိုပါက သဘောထားကြီးခြင်း၊ သည်းခံခြင်း၊ ခွင့်လွှတ်ခြင်း၊ အပြန်အလှန်ပူးပေါင်းဆောင်ရွက်ခြင်း၊ နားလည်မှုရှိခြင်း၊ ယုံကြည်မှု ရှိခြင်းများဖြင့် တိုင်းပြည်နှင့် ပြည်သူလူထုအတွက်၊ အနာဂတ်မျိုးဆက်များအတွက် အားလုံးပူးပေါင်း ဆောင်ရွက်ကြရမည်ဖြစ်ကြောင်း၊ ‘ဒီမိုကရေစီ၏ ပြယုဂ်သည် လွှတ်တော်များဖြစ်သည့်အတွက် လွှတ်တော်လုပ်ငန်းစဉ်များ ခိုင်မာအားကောင်းစွာ လည်ပတ်နိုင်ရန် မိမိတို့လွှတ်တော်ကိုယ်စားလှယ်များက အစဉ်ကြိုးပမ်းရမည် ဖြစ် ကြောင်း။

မိမိတို့တာဝန်ယူရသည့်ကာလတွင် လိပ်ပြာသန့်သန့်ဖြင့် တိုင်းပြည်ဖွံ့ဖြိုးတိုးတက် ရေးအတွက် အားလုံးက တက်ညီလက်ညီ ဝိုင်းဝန်းကြိုးစားဆောင်ရွက်ကြရန်၊ တရားမျှတသည့် လူ့အဖွဲ့အစည်းထူထောင်ရန်၊ အဂတိကင်းသည့် လူ့အသိုင်းအဝိုင်း ဖော်ဆောင်ကြရန် လိုအပ်ပါကြောင်း ပြောကြားသည်။

ယင်းနောက် လွှတ်တော်ကိုယ်စားလှယ်များက ဒေသဖွံ့ဖြိုးရေးလုပ်ငန်းစဉ်များ နှင့် လွှတ်တော်တွင်း ဆောင်ရွက်ချက်များကို ဆွေးနွေးတင်ပြကြပြီး သိရှိလိုသည် များကိုမေးမြန်းရာ ပြည်သူ့လွှတ်တော်ဥက္ကဋ္ဌက ပြန်လည်ရှင်းလင်း ဖြေကြားခဲ့သည်။

အဆိုပါတွေ့ဆုံပွဲသို့ ကချင်ပြည်နယ်ဝန်ကြီးချုပ် ဒေါက်တာခက်အောင်၊ ကချင်ပြည်နယ် လွှတ်တော်ဥက္ကဋ္ဌ ဦးထွန်းတင်၊ ဒုတိယဥက္ကဋ္ဌ ဦးဒိန်ခန်ဖုန်၊ ပြည်သူ့လွှတ်တော်၊ အမျိုးသားလွှတ်တော်နှင့် ပြည်နယ်လွှတ်တော် ကိုယ်စားလှယ်များ တက်ရောက် ခဲ့ကြသည်။

ယနေ့နံနက် ၁ဝ နာရီ ၄၅ မိနစ်တွင် ပြည်သူ့လွှတ်တော်ဥက္ကဋ္ဌ ဦးဝင်းမြင့်သည် မြစ်ကြီးနားမြို့ တပ်ကုန်းရပ်ကွက်ရှိ တပ်ကုန်းအင်ဂျန်ဒုံ IDP Camp ရှိ နယ်မြေ လုံခြုံရေးအခြေအနေအရ ကယ်ဆယ်ရေးစခန်းများတွင် ခေတ္တပြောင်းရွှေ့နေထိုင်သူ များအား သွားရောက်တွေ့ဆုံ အားပေးစကားပြောကြားပြီး ထောက်ပံ့ငွေများပေးအပ် သည်။

ယင်းနောက် ပြည်နယ်ဝန်ကြီးချုပ် ဒေါက်တာခက်အောင်က ကယ်ဆယ်ရေးစခန်း များအတွင်း နေထိုင်ကြသည့် မိသားစုများထံ ဆန်အိတ်များ၊ ကျောင်းသုံး ဗလာစာအုပ် များ၊ ကျောင်းဝတ်စုံများ၊ အနွေးထည်များနှင့် ရေသန့်စသည့် ထောက်ပံ့ပစ္စည်းများကို ပေးအပ်သည်။

ယင်းနောက် ပြည်သူ့လွှတ်တော်ဥက္ကဋ္ဌသည် တွေ့ဆုံပွဲသို့ တက်ရောက်လာကြ သည့် ကယ်ဆယ်ရေးစခန်းတွင် နေထိုင်ကြသည့် မိသားစုများအား ရင်းရင်းနှီးနှီး လိုက်လံနှုတ်ဆက်သည်။ (သတင်းစဉ်)