ပြည်ထောင်စုဝန်ကြီး ဒေါက်တာဖေမြင့် BBC မှ သတင်းနှင့်မျက်မှောက် ရေးရာ ညွှန်ကြားရေးမှူးနှင့် BBC Media Action ၏ အမှုဆောင် ညွှန်ကြားရေးမှူး ဦးဆောင်သော ကိုယ်စားလှယ်အဖွဲ့နှင့် NTEGRATOR Private Limited မှ Managing Director နှင့်အဖွဲ့တို့အား သီးခြားစီလက်ခံတွေ့ဆုံ

နေပြည်တော် အောက်တိုဘာ ၂၂

ပြန်ကြားရေးဝန်ကြီးဌာန ပြည်ထောင်စုဝန်ကြီး ဒေါက်တာဖေမြင့် BBC မှ သတင်းနှင့်မျက်မှောက်ရေးရာ ညွှန်ကြားရေးမှူး Ms.Francesca Unsworth နှင့် BBC Media Action ၏ အမှုဆောင်ညွှန်ကြားရေးမှူး Ms. Caroline Nursey ဦးဆောင်သော ကိုယ်စားလှယ်အဖွဲ့အား ယနေ့မွန်းလွဲ ၂ နာရီတွင် လည်းကောင်း၊ NTEGRATOR Private Limited မှ Managing Director ဖြစ်သူ Mr.Jimmy Chang နှင့်အဖွဲ့အား မွန်းလွဲ ၃ နာရီတွင် လည်းကောင်း ပြန်ကြားရေး ဝန်ကြီးဌာန ဧည့်ခန်းမ၌ သီးခြားစီလက်ခံတွေ့ဆုံသည်။
အသိပညာပေးလုပ်ငန်းများဆောင်ရွက်
BBC မှ သတင်းနှင့်မျက်မှောက်ရေးရာ ညွှန်ကြားရေးမှူးနှင့် BBC Media Action ၏ အမှုဆောင်ညွှန်ကြားရေးမှူး ဦးဆောင်သောကိုယ်စားလှယ်အဖွဲ့ နှင့်တွေ့ဆုံစဉ် မြန်မာ့အသံနှင့်ရုပ်မြင်သံကြားနှင့် BBC Media Actionတို့ ပူးပေါင်းဆောင်ရွက်လျက်ရှိသည့် အခြေအနေများနှင့် ဆက်လက်ထုတ်လွှင့် သွားမည့်အစီအစဉ်များ၊ ပြောင်းလဲလာသည့်မီဒီယာခေတ်ရေစီးကြောင်းအရ မီဒီယာနှင့် သတင်းအချက်အလက်ဆိုင်ရာ သိနားလည်မှု(Media and Infor-mation Literacy)အသိပညာပေးလုပ်ငန်းများဆောင်ရွက်ရန် အရေးကြီးပုံ တို့နှင့်ပတ်သက်၍ ရင်းနှီးပွင့်လင်းစွာ ဆွေးနွေးခဲ့ကြသည်။
ရင်းနှီးပွင့်လင်းစွာ ဆွေးနွေး
NTEGRATOR Private Limited မှ Managing Director အဖွဲ့နှင့်တွေ့ဆုံ စဉ် နိုင်ငံတစ်ဝန်းရှိ ခရိုင်နှင့်မြို့နယ် ပြန်ကြားရေးနှင့်ပြည်သူ့ဆက်ဆံရေး ဦးစီးဌာန၊ စာကြည့်တိုက်များနှင့် ရုံးများတွင် ကွန်မြူနတီစင်တာ တည်ဆောက် ရေးဆိုင်ရာကိစ္စရပ်များနှင့် ပတ်သက်၍ ရင်းနှီးပွင့်လင်းစွာ ဆွေးနွေးခဲ့ကြ သည်။ သတင်းစဉ်