ပြည်ထောင်စုရှေ့နေချုပ် ဦးထွန်းထွန်းဦး UNDP (မြန်မာ)မှ ဌာနေအကြီးအကဲအား လက်ခံတွေ့ဆုံ
ပြည်ထောင်စုရှေ့နေချုပ် ဦးထွန်းထွန်းဦးသည် UNDP (မြန်မာ)မှ ဌာနေအကြီးအကဲ Mr.Peter Batchelor နှင့် ကိုယ်စားလှယ်အဖွဲ့အား ယနေ့နံနက် ၁၀ နာရီတွင် ပြည်ထောင်စုရှေ့နေချုပ်ရုံးဧည့်ခန်းမ၌ တွေ့ဆုံသည်။
တွေ့ဆုံစဉ်တရားဥပဒေစိုးမိုးရေးဌာနနှင့် တရားမျှတ မှုဆိုင်ရာလုပ်ငန်းများ ပေါင်းစပ်ညှိနှိုင်းရေးအဖွဲ့၏ "ပြည်သူ အတွက် တရားမျှတမှု" မဟာဗျူဟာစီမံကိန်း (၂၀၁၉-၂၀၂၃)အရ ၂၀၁၉ ခုနှစ်အတွင်း အကောင်အထည် ဖော်မည့်လုပ်ငန်းများ၊ ပြည်ထောင်စုရှေ့နေချုပ်ရုံး၏ "တရားဥပဒေစိုးမိုးရေးဆီသို့"မဟာဗျူဟာ စီမံကိန်းပထမ အဆင့်သည် ၂၀၁၉ ခုနှစ်တွင် ကုန်ဆုံးမည်ဖြစ်၍ ဒုတိယ အဆင့် ဆောင်ရွက်မည့်အစီအစဉ်များ၊ UNDP နှင့် IDLO တို့ ဖွင့်လှစ်ထားသည့် တရားဥပဒေစိုးမိုးရေး စင်တာများ၏ လုပ်ငန်းဆောင်ရွက်နေမှုများ၊ တရားမျှတ မှုကို အားလုံးလက်လှမ်းမီရေးနှင့် တရားဥပဒေစိုးမိုးမှု တိုးတက်ကောင်းမွန်ရေးအတွက် ဆက်လက်ပူးပေါင်း ဆောင်ရွက်မည့်ကိစ္စရပ်များနှင့် UNDP ၏ နည်းပညာဆိုင်ရာပံ့ပိုးကူညီမှုများကို ဆွေးနွေးကြသည်။
သတင်းစဉ်
No comments:
Post a Comment