မြန်မာ
ယူ-၁၉ အမျိုးသမီးအသင်း ခြေစစ်ပွဲအတွက် ပြင်ဆင်
ရန်ကုန် ဖေဖော်ဝါရီ ၆
၂၀၁၉
အာရှ ယူ-၁၉ အမျိုးသမီးပြိုင်ပွဲ ဒုတိယအဆင့်ခြေစစ်ပွဲအတွက် လေ့ကျင့်နေသည့် မြန်မာ ယူ-၁၉
အမျိုးသမီး အသင်းသည် ခြေစစ်ပွဲအောင်မြင်ရန်အတွက် ပြင်ဆင်မှုများစွာ ပြုလုပ်မည်ဖြစ်သည်။
မြန်မာနိုင်ငံဘောလုံးအဖွဲ့ချုပ်က
ခြေစစ်ပွဲအောင်မြင်ရန်အတွက် ပြင်ဆင်မှုများစွာပြုလုပ်ရန် စီစဉ်ထား ခြင်းဖြစ်သည်။ မြန်မာ
ယူ-၁၉ အမျိုးသမီးအသင်း ဝင်ရောက်ယှဉ်ပြိုင်မည့်
အာရှယူ-၁၉ အမျိုးသမီးခြေစစ်ပွဲ ဒုတိယ
အဆင့်ပွဲများကို ဧပြီနောက်ဆုံးပတ်တွင် ကျင်းပမည်
ဖြစ်ပြီး လေးသင်းနှစ်အုပ်စုခွဲ၍ ယှဉ်ပြိုင်
ကစား မည်ဖြစ်သည်။ အုပ်စု များထွက်ပေါ်လာခြင်းမရှိသေးသော် လည်း မြန်မာအသင်းပါဝင်သော အုပ်စုအား မန္တလေးမြို့ရှိ မန္တလာ သီရိကွင်း၌ ကျင်းပခွင့်ရထားသောကြောင့် ခြေစစ်ပွဲအောင်မြင်ရန် ပြင်ဆင် နေခြင်းဖြစ် သည်။ မြန်မာ ယူ-၁၉ အမျိုးသမီးအသင်းကို ပဏာမကစားသမား ၂၇ ဦးဖြင့်
ဖွဲ့စည်းထားပြီး နည်းပြချုပ် အဖြစ် ဒေါ်သက်သက်ဝင်းက ကိုင်တွယ်လျက်ရှိသည်။
မြန်မာ
ယူ-၁၉ အမျိုးသမီးအသင်းသည် ယခုလကုန်အထိ ပြည်တွင်း ခြေစမ်းပွဲများသာ ယှဉ်ပြိုင်ကစား မည်ဖြစ်ပြီး
မတ်လမှစတင်ကာ နိုင်ငံတကာပြိုင်ပွဲများနှင့် ခြေစမ်းပွဲများ ယှဉ်ပြိုင်ကစားမည်ဖြစ်သည်။
မြန်မာ ယူ-၁၉ အမျိုးသမီးအသင်းသည် မတ်လဆန်းတွင် ကျင်းပမည့် ဂျပန်-အာဆီယံ ယူ-၁၉ အမျိုးသမီးဖိတ်ခေါ်
ပြိုင်ပွဲ ဝင်ရောက်ယှဉ်ပြိုင်မည်ဖြစ်ပြီး ဧပြီလ
ဒုတိယပတ်တွင် ထိုင်းနိုင်ငံ၌ သွားရောက်လေ့ကျင့်ရန်
စီစဉ်ထား ခြင်းဖြစ် သည်။ မြန်မာ ယူ-၁၉ အမျိုး သမီးအသင်း၏ ခြေစမ်းခရီးစဉ် အတွက် မြန်မာနိုင်ငံဘောလုံးအဖွဲ့ချုပ်
နှင့် ထိုင်းဘော လုံးအဖွဲ့ချုပ်တို့ ညှိနှိုင်းဆောင်ရွက်လျက်ရှိပြီး ထိုင်း ယူ-၁၉ အမျိုးသမီးလက်ရွေးစင်အသင်းနှင့်
ပါ ခြေစမ်းခွင့်ရရန် ညှိနှိုင်းဆောင်ရွက် လျက်ရှိသည်။
ဒုတိယအဆင့် ခြေစစ်ပွဲတွင်
ဩစတြေးလျ၊ တောင်ကိုရီးယား၊ ဥဇဘက်ကစ္စတန်၊
ဗီယက်နမ်၊ မြန်မာ၊ အီရန်၊ လက် ဘနွန်နှင့် နီပေါအသင်း တို့ ပါဝင်ယှဉ်ပြိုင်မည်ဖြစ်သည်။
သတင်း-ရှိုင်းထက်ဇော်
ဓာတ်ပုံ-စိုးညွန့်
No comments:
Post a Comment