ပထမဦးဆုံးသော JCGV Toto’s Film Making Classကို ၂ဝ၁၉ ခုနှစ် ဧပြီလတွင် စတင်ဖွင့်လှစ်မည်

ရန်ကုန် ဒီဇင်ဘာ ၂၁

ရုပ်ရှင်ဖန်တီးမှုကို စိတ်ပါဝင်စားသော မျိုးဆက်သစ် လူငယ်များအတွက် Korea CGV Toto’s Teamမှ ပံ့ပိုးပေးသည့် သင်ရိုးညွှန်းတမ်းလမ်းညွှန်ချက်ဖြင့် ပို့ချ သင်ကြားပေးမည့် JCGV Toto’s Film Making Classကို ၂ဝ၁၉ ခုနှစ် ဧပြီလတွင် မြန်မာနိုင်ငံ၌ စတင်ဖွင့်လှစ် သွားမည်ဖြစ်ကြောင်း သိရသည်။

JCGV Toto’s Film Making Class မိတ်ဆက်ခြင်း အခမ်းအနားကို ယမန်နေ့ ညနေ ၃ နာရီတွင် ရန်ကုန်မြို့ရှိ Pan Pacific Hotel၌ ကျင်းပသည်။

အဆိုပါ JCGV Toto’s Film Making Class ဖွင့်လှစ်သင်ကြားပို့ချခြင်းကို Shwe Taung Group၏ Gravity Entertainment Company Limited နှင့် တောင်ကိုရီးယားနိုင်ငံရှိ ထင်ရှားအောင်မြင်သော ရုပ်ရှင် လုပ်ငန်းတစ်ခုဖြစ်သည့် CJ Group ၏ CJ CGV တို့ ပူးပေါင်းလုပ်ဆောင်လျက်ရှိသည့်JCGV Cineple မှ ဦးဆောင်အကောင်အထည်ဖော် ဆောင်ရွက်ခြင်းဖြစ်သည်။

JCGV မှ အမှုဆောင်အရာရှိချုပ် ဒေါ်မိမိခိုင်က ''JCGV Toto’s Film Making Class သင်တန်းဟာ Korea CGVရဲ့ ကမ္ဘာလုံးဆိုင်ရာလှုပ်ရှားမှု (Global Campaign) အနေနဲ့ စီစဉ်လုပ်ဆောင်နေတာပါ။ အခုလို JCGV အနေနဲ့Toto’s Film Making Class ရဲ့ ပူးပေါင်းမှုနဲ့ ရုပ်ရှင်ဖန်တီးထုတ်လုပ်မှုသင်တန်းကို မြန်မာ နိုင်ငံမှာ ဆောင်ရွက်နိုင်တဲ့အတွက် CGV ကို အထူး ကျေးဇူးတင်ပါတယ်။ ဒီသင်တန်းမှာ စာတွေ့ပဲသင်ကြားပေး မှာမဟုတ်ဘဲ ရုပ်ရှင်ဖန်တီးထုတ်လုပ်ခြင်းရဲ့ အမှန်တကယ် အတွေ့အကြုံကိုရရှိစေဖို့ သင်တန်းသားတွေ ကိုယ်တိုင် ဇာတ်လမ်းတိုတွေ ဖန်တီးရိုက်ကူးရမှာပါ။ ရိုက်ကူးထားတာ တွေထဲက အကောင်းဆုံးဇာတ်ကားကို ရွေးချယ်ပြီးဆုချီးမြှင့် မယ့်အစီအစဉ်လည်း ပါရှိပါတယ်။ သင်တန်းသားတွေရဲ့ အရည်အသွေးကို ဆက်လက်မြှင့်တင်ပေးနိုင်မယ့် အခွင့် အလမ်းတွေ၊ အခွင့်အရေးတွေ ပေါ်ပေါက်လာစေဖို့ ဆက်ပြီးပံ့ပိုးကူညီသွားမှာပါ''ဟု ပြောကြားသည်။

ယခုဖွင့်လှစ်မည့်JCGV Toto’s Film Making Class အတွက် သင်ရိုးညွှန်းတမ်း လမ်းညွှန်ချက်အား CGV Toto’s Teamမှ ပံ့ပိုးပေးမည်ဖြစ်သည်။ ယခုနှစ် ပထမဆုံးသင်တန်းတွင် ရုပ်ရှင်ဖန်တီးထုတ်လုပ်မှု ပညာ အား စိတ်ပါဝင်စားသည့် အသက် ၁၂ နှစ် မှ ၁၆ နှစ် အတွင်းရှိ မျိုးဆက်သစ်လူငယ် ၃ဝ အား ရွေးချယ်လက်ခံ၍ တစ်ဖွဲ့လျှင် ငါးဦးစီဖွဲ့ပြီး ပြည်တွင်းရုပ်ရှင်အတတ်ပညာ ရှင်များဖြင့် အနီးကပ်သင်ကြားပို့ချပေးရန် စီစဉ်ဆောင်ရွက် ထားကာ သင်တန်းတွင် ပထမဆုရရှိသူများကို ငွေကျပ် ၁ဝ သိန်းနှင့် အခြားဆုလက်ဆောင်များ ချီးမြှင့်သွားမည် ဖြစ်ကြောင်း သိရသည်။

JCGV မှ CFO, Mr. Ryu Seong Soo က ''မြန်မာ့ရုပ်ရှင်လောက ပိုမိုကောင်းမွန်တိုးတက်လာစေ ဖို့ အရည်အချင်းပြည့်ဝတဲ့ လူသားအရင်းအမြစ်တွေ ထွက်ပေါ်လာစေရေး အထူးပင်လိုအပ်လျက်ရှိပြီး JCGV Toto’s Film Making Class ဟာ လူငယ်တွေကို ရုပ်ရှင် ကတစ်ဆင့် သူတို့ရဲ့အိပ်မက်တွေကို အကောင်အထည် ဖော်နိုင်ဖို့နဲ့ လူငယ်များအနေနဲ့ ရုပ်ရှင်နဲ့ပတ်သက်တဲ့ အသိပညာ၊ အတတ်ပညာတွေကို လေ့လာနိုင်ဖို့အတွက် အခွင့်အရေးကောင်းတစ်ရပ်ကို ဖော်ဆောင်နိုင်မှာ ဖြစ်ပါ တယ်။ အခုအချိန်အထိ JCGV Toto’s Film Making Classကနေတစ်ဆင့် ရိုက်ကူးပြီးစီးတဲ့ ရုပ်ရှင်ကား စုစုပေါင်း ၆၂၉ ကားမှာ ပါဝင်ကူညီပေးကြတဲ့ ဒါရိုက်တာ နဲ့ ပညာရှင် ၆၈၆ ဦးနဲ့ မွေးထုတ်ပေးနိုင်ခဲ့တဲ့ ကျောင်းသား အရေအတွက် ၆၃၄ဝ ရှိခဲ့ပါပြီ။ ၂ဝ၁၉ ခုနှစ်မှစတင်ပြီး မြန်မာပြည်မှာလည်းပဲ ဒါရိုက်တာဖြစ်ချင်တဲ့ ဝါသနာရှင် လူငယ်တွေကို ဒီသင်တန်းက မွေးထုတ်ပေးနိုင်မယ်လို့ ယုံကြည်ပါတယ်။ ရှေ့ဆက်ပြီးJCGVအနေနဲ့ မြန်မာ့ ရုပ်ရှင်လောကကို ပိုမိုကောင်းမွန်စေဖို့နဲ့ မြန်မာပြည်သူ တွေအတွက် ရုပ်ရှင်မှတစ်ဆင့် အိပ်မက်နဲ့မျှော်လင့်ချက် ကို ဖော်ဆောင်နိုင်ဖို့အတွက် နိုင်ငံတော်အစိုးရ၊ ပြည်တွင်း ရှိ အတတ်ပညာရှင်၊ အသိပညာရှင်တွေ၊ ဒါရိုက်တာတွေ၊ ရုပ်ရှင်ထုတ်လုပ်သူတွေ ပူးပေါင်းပြီး စီစဉ်ဆောင်ရွက် ပေးသွားမှာဖြစ်ပါတယ်''ဟု ပြောသည်။

ထို့နောက် နိုင်ငံတကာ JCGV Toto’s Film Making Class များမှ ကျောင်းသားများ၏ အကောင်းဆုံး ဆုရ ရုပ်ရှင်ဇာတ်ကားများဖြစ်ကြသည့် ၂ဝ၁၅ ခုနှစ် အင်ဒိုနီးရှားနိုင်ငံမှ လူငယ်များရိုက်ကူးသော''Cinta Buta'' ဇာတ်ကားနှင့် ၂ဝ၁၈ ခုနှစ်တွင် ပထမဆုရရှိသည့် တရုတ်နိုင်ငံမှ လူငယ်များရိုက်ကူးသော ''8/August''ရုပ်ရှင်ဇာတ်ကားတို့ကို ပြသသည်။

အမှုဆောင်အရာရှိချုပ် ဒေါ်မိမိခိုင်က JCGV အနေဖြင့် အဖွဲ့အစည်းဆိုင်ရာ တာဝန်သိလုပ်ဆောင်မှု (Corporate Social Responsibility) တစ်ခုအနေဖြင့် မိမိတို့၏ မြန်မာ့ရုပ်ရှင်လောကအား ပိုမိုဖွံ့ဖြိုးတိုးတက် စေရန်၊ မြန်မာ့ရုပ်ရှင် မျိုးဆက်သစ် လူငယ်ဒါရိုက်တာများ၊ ရုပ်ရှင်ပိုင်းဆိုင်ရာ ကျွမ်းကျင်အသိပညာရှင်၊ အတတ် ပညာရှင်များ ပိုမိုပေါ်ထွက်လာစေရန်၊ နိုင်ငံတကာအဆင့်မီ အရည်အသွေးမြင့် မြန်မာရုပ်ရှင် ဖန်တီးထုတ်လုပ်မှုများ ပိုမို ထွန်းကားလာစေရန်၊ ရုပ်ရှင်ပညာအား စိတ်ဝင်စားသော လူငယ်မျိုးဆက်သစ်များနှင့် ရုပ်ရှင်လောကအတွင်းမှ ကျွမ်းကျင်ပညာရှင်၊ အသိပညာရှင်များအကြားပညာအမွေ လက်ဆင့်ကမ်းနိုင်မည့် ဆက်သွယ်မှုပေါင်းကူးတံတားတစ်ခု အဖြစ် အထောက်အကူဖြစ်စေရန် အစရှိသည့် ရည်ရွယ် ချက်များဖြင့် အဆိုပါ JCGV Toto’s Film Making Classအား ဆောင်ရွက်ခြင်းဖြစ်ကြောင်း ပြောကြားသည်။

အဆိုပါသင်တန်းတွင် သင်တန်းကြီးကြပ်ဆရာများ အဖြစ် အကယ်ဒမီဒါရိုက်တာ ကြည်စိုးထွန်းနှင့် အကယ်ဒမီဒါရိုက်တာ ညီညီထွန်းလွင်၊ သင်တန်းဆရာ များအဖြစ် ဒါရိုက်တာမျိုးဇော်အောင်၊ အကယ်ဒမီ ဒါရိုက်တာ မောင်မျိုးမင်း (ရင်တွင်းဖြစ်)၊ ဒါရိုက်တာ အေဝမ်းသိန်းထွဋ်၊ ဒါရိုက်တာ ထူးသာ၊ ဒါရိုက်တာ ကျော်နှင်းဆီနှင့် ဒါရိုက်တာ ယွန်းတို့က သင်ကြားပို့ချ သွားမည်ဖြစ်သည်။

JCGV Toto’s Film Making Classအကောင် အထည်ဖော်ဆောင်ရွက်နိုင်ရေးအတွက် ပြန်ကြားရေး ဝန်ကြီးဌာန၊ မြန်မာနိုင်ငံရုပ်ရှင်အစည်းအရုံးနှင့်Forever Group Co., Ltd.တို့က အဓိက ပံ့ပိုးကူညီပေးခဲ့ကြပြီးShwe Taung Real Estate Co., Ltd. နှင့် City Property Co., Ltd. တို့ကလည်း အသီးသီးပါဝင်ပံ့ပိုး ကူညီခဲ့ကြခြင်းဖြစ်သည်။

ဝင်ခွင့်လျှောက်ထားလိုသူများအနေဖြင့် အသေးစိတ် သိရှိလိုပါက Facebook. com/JCGV-Toto’s Film Making Classနှင့် ဖုန်း-ဝ၉-၂၅၅၁၁၃၆၂၉၊ ဝ၉-၂၅၅ ၁၁၃၆၃၄ နှင့် ဝ၉-၂၅၅၁၁၃၆၄၅ တို့သို့ ဆက်သွယ် မေးမြန်းနိုင်ကြောင်း သိရသည်။

သတင်း-ရီရီမြင့်၊ ဓာတ်ပုံ-လှမိုး