တောင်ကိုရီးယားရဲ့ နာမည်ကျော်မင်းသား တစ်ဦးဖြစ်တဲ့ မင်ဟိုဟာ လတ်တလောမှာတော့ ရိုက်ကွင်းပေါ်မှာ ဒဏ်ရာရရှိခဲ့တာဖြစ် ပါတယ်။ ''Jangsa-ri 9.15''လို့ ယာယီအမည် ပေးထားတဲ့ ရုပ်ရှင်ကိုရိုက်ကူးနေစဉ်မှာ ဒဏ်ရာရရှိခဲ့တာဖြစ်တယ်လို့ သူ့ရဲ့ ဖျော်ဖြေရေးအေဂျင်စီက ထုတ်ဖော်ပြောကြားလာခဲ့ကြောင်း စွန်ပီ ဒေါ့ကွန်း ရဲ့ ဖော်ပြချက်တွေ အရသိရပါတယ်။
မင်ဟိုရဲ့ ဖျော်ဖြေရေးအေဂျင်စီဖြစ်တဲ့ အက်စ်အမ်အန် တာတိန်း မန့်ရဲ့ ဖော်ပြချက်အရ ပြီးခဲ့တဲ့ ဒီဇင်ဘာ ၂ ရက်မှာ မင်းသားဟာ ဒဏ်ရာရခဲ့တာ ဖြစ်ပါတယ်။ ရိုက်ကွင်းမှာ အထူး ဖန်တီးပြုလုပ်ထားတဲ့ အပိုင်းအစတွေကြောင့် မင်းသားရဲ့မျက်နှာ ဘယ်ဘက်ခြမ်း ပွန်းပဲ့ ဒဏ်ရာ ရရှိခဲ့တာဖြစ်တယ်လို့ သိရပါ တယ်။ ဒဏ်ရာရရှိခဲ့တဲ့ မင်ဟို ကို အရေးပေါ်ကုသပေးခဲ့ရကြောင်းလည်း သိရပါတယ်။
မင်ဟို ဒဏ်ရာရခဲ့တာကြောင့် ရိုက်ကွင်းကိုတော့ သုံး၊ လေးရက် ခန့် နားထားမှာဖြစ်ပါတယ်။ ပြင်ဆင်မှုတွေ အချိန်ယူပြုလုပ်သွားဖို့ရာ လိုအပ်နေပြီး မင်ဟိုအနေနဲ့လည်း အနားယူပြီးမှ ရိုက်ကွင်းကို ပြန်လည်စတင်သွားမှာဖြစ် တယ်လို့လည်း သိရပါတယ်။
အေးပြည့်
No comments:
Post a Comment