ကုန်သွယ်မှုလွယ်ကူချောမွေ့လာခြင်းအားဖြင့် နိုင်ငံတကာ ရင်းနှီးမြှုပ်နှံမှုများပြားလာရင် ကုန်သွယ်မှုပမာဏ တိုးတက်လာပြီး စီးပွားရေးဖွံ့ဖြိုးတိုးတက်လာမှာ ဖြစ်ပါတယ်

အကောက်ခွန်ဦးစီးဌာန ညွှန်ကြားရေးမှူးချုပ် ဦးကျော်ထင်

နိုင်ငံ့စီးပွားဖွံ့ဖြိုးတိုးတက်မှုအတွက် အထောက်အကူပြုရန် အကောက်ခွန်ဦးစီးဌာနမှ တာဝန်ရှိသူများနှင့် ပုဂ္ဂလိကလုပ်ငန်းရှင်များ စီးပွားရေးစကားဝိုင်းကျင်းပ

နိုင်ငံ့စီးပွားဖွံ့ဖြိုးတိုးတက်မှုအတွက် အထောက်အကူပြုရန် စီမံကိန်းနှင့်ဘဏ္ဍာရေးဝန်ကြီးဌာန အကောက်ခွန်ဦးစီးဌာနမှ တာဝန်ရှိသူများနှင့် ပုဂ္ဂလိကလုပ်ငန်းရှင်များပါဝင်သော စီးပွားရေးစကားဝိုင်းကို မြန်မာ့အသံနှင့် ရုပ်မြင်သံကြားမှ ရိုက်ကူးထုတ်လွှင့်ခဲ့သည်။

အဆိုပါစီးပွားရေးစကားဝိုင်းတွင် အကောက်ခွန်ဦးစီးဌာနမှ ညွှန်ကြားရေးမှူးချုပ် ဦးကျော်ထင်၊ ဒုတိယညွှန်ကြားရေးမှူးချုပ် ဦးသိန်းဆွေ၊ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) တွဲဖက်အထွေထွေအတွင်းရေးမှူး ဒေါ်ခိုင်ခိုင်နွယ်၊ မြန်မာနိုင်ငံဆေးဝါးနှင့် ဆေးပစ္စည်းထုတ်လုပ်သူများအသင်း ဒုတိယဥက္ကဋ္ဌ ဒေါက်တာအောင်ဇော်၊ United Paints Group of Co., Ltd. မန်နေဂျင်းဒါရိုက်တာ ဦးအေးဟန်၊Proven Group of Co.,မန်နေဂျင်းဒါရိုက်တာ ဦးသန်းထိုက်လွင်တို့က နိုင်ငံတော်၏စီးပွားဖွံ့ဖြိုးတိုးတက်မှုအတွက် အကောက်ခွန်ဦးစီးဌာနမှ ဆောင်ရွက်နေမှုများ၊ ကောက်ခံသည့်အခွန်အမျိုးအစားနှင့် တစ်နှစ်အတွင်းကောက်ခံရရှိသော အခွန်ငွေပမာဏ၊ အာဆီယံစီးပွားရေးအသိုက်အဝန်းတွင် အကောက်ခွန်ဦးစီးဌာနမှပါဝင်သည့် အခန်းကဏ္ဍ၊ ကုန်သွယ်မှုလွယ်ကူချောမွေ့စေရေး၊ တရားမဝင်ကုန်သွယ်မှုတားဆီးထိန်းချုပ်ရေးဆောင်ရွက်နေမှုများ၊SMEs လုပ်ငန်းဖွံ့ဖြိုးတိုးတက်ရေးနှင့် သွင်းကုန်အစားထိုးရေးတို့အတွက် ကြုံတွေ့နေရသော အခက်အခဲများနှင့် အကြံပြုချက်များ၊ မြန်မာနိုင်ငံဆေးဝါးနှင့် ဆေးပစ္စည်းထုတ်လုပ်သူများအသင်း၏ လုပ်ငန်းဆောင်ရွက်နေမှုအခြေအနေများအပေါ် ဆွေးနွေးကြသည်။

အစီအစဉ်မှူး။ ။ နိုင်ငံတော်ရဲ့ စီးပွားရေးဖွံ့ဖြိုးတိုးတက်မှု အတွက် အကောက်ခွန်ဦးစီးဌာနက ဆောင်ရွက်နေတဲ့ အခန်းကဏ္ဍများကို ရှင်းပြပေးစေလို ပါတယ်။

ညွှန်ကြားရေးမှူးချုပ်။ ။ နိုင်ငံတော်ရဲ့ စီးပွားရေးဖွံ့ဖြိုး တိုးတက်မှုအတွက်အကောက်ခွန် ဦးစီးဌာနအနေနဲ့ ''ရှင်းလင်းလွယ်ကူသော အကောက်ခွန်လုပ်ထုံးလုပ်နည်းများဖြင့် ကုန်သွယ်မှု လွယ်ကူချောမွေ့စေရန်နှင့် ရသင့်ရထိုက်သောအခွန်ငွေများ ပြည့်ဝစွာရရှိစေရန်'' ဆိုတဲ့ မူဝါဒနဲ့အညီ နိုင်ငံတော်က ရသင့်ရထိုက်တဲ့ အခွန်ငွေများရရှိရေး၊ ကုန်သွယ်မှုလွယ်ကူ ချောမွေ့ရေး၊ ကုန်သွယ်မှုပမာဏ မြင့်တက်လာရေးတို့ အတွက် ဥပဒေလုပ်ထုံးလုပ်နည်းတွေ၊ နိုင်ငံတကာစံနှုန်း တွေနဲ့အညီ ဆောင်ရွက်နေပါတယ်။ အကောက်ခွန် လုပ်ငန်းတွေ ခေတ်မီဖွံ့ဖြိုးတိုးတက်ဖို့အတွက် စနစ်တကျ စီမံဆောင်ရွက်တဲ့အခါမှာ အကောက်ခွန်လုပ်ငန်းများ ပြုပြင်ပြောင်းလဲမှုနဲ့ ခေတ်မီဖွံ့ဖြိုးတိုးတက်ရေး (Customs Reform and Modernization) နဲ့ပတ်သက်ပြီး ၂ဝ၁၇-၂ဝ၂၁ အထိ ငါးနှစ်စီမံကိန်းချမှတ်ပြီး ရေးဆွဲဆောင်ရွက် လျက်ရှိပါတယ်။ အဲဒီလိုဆောင်ရွက်တဲ့အခါမှာ လုပ်ငန်း ပမာဏနဲ့ ဝန်ထမ်းအင်အား မမျှတတဲ့အတွက် ဖွဲ့စည်းပုံ အသစ်ပြင်ဆင်နိုင်ဖို့ ဆောင်ရွက်နေပါတယ်။ ဥပဒေပိုင်း ဆိုင်ရာ ပြင်ဆင်မှုတွေကိုလည်း ခေတ်နဲ့လျော်ညီစေဖို့ ပြင်ဆင်လျက်ရှိပါတယ်။ ဒါ့အပြင် နိုင်ငံတကာလုပ်ထုံး လုပ်နည်းတွေနဲ့အညီ ကျင့်သုံးနိုင်ရေးအတွက်လည်း ဆောင်ရွက်လျက်ရှိပါတယ်။

ဒီလိုဆောင်ရွက်ရာမှာ ကမ္ဘာ့ကုန်သွယ်ရေးအဖွဲ့ရဲ့ တန်ဖိုးသတ်မှတ်ခြင်းစနစ်(WTOVA)၊ နှောင်းစာရင်း စစ်ဆေးခြင်း (PCA) လုပ်ငန်းစဉ်တွေကို ဆောင်ရွက်နေပြီး အကောက်ခွန်ကုန်ပစ္စည်းအမျိုးအစား ကြိုတင်သတ်မှတ် ခြင်းနဲ့ တန်ဖိုးကြိုတင်သတ်မှတ်ခြင်း (Advance Ruling on Classification and Customs Valuation)၊ Bonded Warehouse System၊ အခွင့်ရ စီးပွားရေးလုပ်ငန်း ဆောင်ရွက်သူအစီအစဉ် (Authorized Economic Operator (AEO) Program) နဲ့ Dry Portစနစ်တို့ကို ကျင့်သုံးဆောင်ရွက်နိုင်ဖို့ စီစဉ်ဆောင်ရွက်လျက်ရှိပါတယ်။ ဒါ့အပြင် ကုန်သွယ်မှုလွယ်ကူချောမွေ့စေရေး သဘောတူ စာချုပ် (Trade Facilitation Agreement) ကို ၂ဝ၁၇ ခုနှစ်ကနေစတင်ပြီး ကျင့်သုံးဆောင်ရွက်နေပါတယ်။

Single Window ရဲ့အစိတ်အပိုင်းဖြစ်တဲ့ သွင်းကုန်/ ထုတ်ကုန်ရှင်းလင်းရေးလုပ်ငန်းစဉ်တွေမှာလည်း ရှင်းလင်း လွယ်ကူစေဖို့အတွက် Myanmar Automated Cargo Clearance System (MACCS) စနစ်ကို ရန်ကုန် ဧရိယာနဲ့ သီလဝါအထူးစီးပွားရေးဇုန်အပါအဝင် ရေဆိပ်၊ လေဆိပ်နေရာ ၁၃ ခုမှာ ၂ဝ၁၆ ခုနှစ် နိုဝင်ဘာလ ၁၂ ရက်နေ့မှာစတင်ပြီး အသုံးပြုခဲ့ပါတယ်။ အဆင်ပြေချောမွေ့ လာပြီဖြစ်တဲ့အတွက် နယ်စပ်ဒေသများမှာပါ ကျယ်ပြန့်စွာ တိုးချဲ့အသုံးပြုနိုင်ဖို့ ဆောင်ရွက်ခဲ့ပါတယ်။ ပထမအဆင့် အနေနဲ့ မြန်မာ-ထိုင်းနယ်စပ်မှာရှိတဲ့ မြဝတီနယ်စပ်မှာ ၂ဝ၁၈ ခုနှစ် ဇွန်လ ၅ ရက်နေ့မှာ စတင်အသုံးပြုဆောင်ရွက် နေပြီဖြစ်ပါတယ်။ ဆက်လက်ပြီးတော့လည်း အခြားနယ်စပ် တွေကို တစ်ဆင့်ပြီးတစ်ဆင့် တိုးချဲ့အကောင်အထည်ဖော် ဆောင်ရွက်သွားမှာဖြစ်ပါတယ်။

ဒီလိုဆောင်ရွက်ခြင်းကြောင့် အကောက်ခွန်လုပ်ငန်း တွေမှာ နိုင်ငံတကာလုပ်ထုံးလုပ်နည်းတွေနဲ့အညီ ဆောင်ရွက်နိုင်မှာဖြစ်ပါတယ်။ ဒါ့အပြင် ကုန်သွယ်မှု အသိုင်းအဝိုင်းမှာ လက်တွဲဆောင်ရွက်နိုင်ပြီး ကုန်သွယ်မှု လွယ်ကူချောမွေ့လာခြင်းအားဖြင့် နိုင်ငံတကာရင်းနှီး မြှုပ်နှံမှုများပြားလာရင် ကုန်သွယ်မှုပမာဏတိုးတက်လာပြီး စီးပွားရေးဖွံ့ဖြိုးတိုးတက်လာမှာ ဖြစ်ပါတယ်။

အကောက်ခွန်ဦးစီးဌာနအနေနဲ့ အကောက်ခွန်၊ ကုန်သွယ်လုပ်ငန်းခွန်၊ အထူးကုန်စည်ခွန်နဲ့ ကြိုတင် ဝင်ငွေခွန်တို့ကို ကောက်ခံပါတယ်။ အဲဒီမှာ အကောက်ခွန် (CD) က အကောက်ခွန်ဦးစီးဌာနအနေနဲ့ ကောက်ခံ တာဖြစ်သော်လည်း ကုန်သွယ်လုပ်ငန်းခွန်၊ အထူးကုန်စည် ခွန်နဲ့ ကြိုတင်ဝင်ငွေခွန်တို့ကို ပြည်တွင်းအခွန်များဦးစီးဌာန အတွက် ကောက်ခံပေးတာဖြစ်ပါတယ်။

အကောက်ခွန် ကောက်ခံရရှိမှုအနေနဲ့ကတော့ ၂ဝ၁၇-၂ဝ၁၈ ဘဏ္ဍာနှစ်မှာ ငွေကျပ် ၅၆၉ ဘီလီယံကျော်၊ ၂ဝ၁၈ ဘဏ္ဍာနှစ် Mini Budgetမှာ ငွေကျပ် ၂၉၄ ဘီလီယံကျော် ကောက်ခံရရှိခဲ့တဲ့အတွက် နှစ်စဉ် လျာထားချက်ထက် ကျော်လွန်စွာကောက်ခံရရှိခဲ့ပါတယ်။ ပြည်တွင်းအခွန်များဦးစီးဌာနအတွက် ကောက်ခံရရှိမှု အနေနဲ့ ၂ဝ၁၇-၂ဝ၁၈ ဘဏ္ဍာနှစ်အတွက် စုစုပေါင်း ငွေကျပ် ၁၅၆၂ ဘီလီယံကျော်၊ ၂ဝ၁၈ ဘဏ္ဍာနှစ် Mini Budget အတွက် စုစုပေါင်း ငွေကျပ် ၇၇၂ ဘီလီယံ ကျော် ကောက်ခံပေးပြီးဖြစ်ပါတယ်။

အစီအစဉ်မှူး။ ။ဆက်လက်ပြီးတော့ အကောက်ခွန်ဦးစီးဌာနရဲ့ ဆွေးနွေးခဲ့မှုအပေါ်မှာ UMFCCI ရဲ့ အဖွဲ့ဝင်တစ်ယောက်အနေနဲ့ အမြင်လေးကို လည်း ဆွေးနွေးပေးစေလိုပါတယ်။

ဒေါ်ခိုင်ခိုင်နွယ်။ ။အကောက်ခွန်လုပ်ငန်းတွေ ဖွံ့ဖြိုး တိုးတက်မှုနဲ့အတူ ကုန်သွယ်မှု လွယ်ကူချောမွေ့စေရေးနဲ့ပတ်သက်ပြီး ညွှန်ကြားရေးမှူးချုပ် ပြောခဲ့တာတွေက တော်တော်အားတက်စရာရှိပါတယ်။ ဌာနအနေနဲ့ အကောင်အထည်ဖော်ဆောင်ရွက်နေတာကိုလည်း ကျွန်မအနေနဲ့ တွေ့ရ၊ မြင်ရတာတွေ ရှိပါတယ်။ လတ်တလောအခက်အခဲတွေကိုလည်း ဆွေးနွေးပြောကြား လိုပါတယ်။

တင်သွင်း/တင်ပို့လာတဲ့ ပစ္စည်းတွေကို ရုံးချုပ်မှာ MACCS စနစ်နဲ့ အကောင်အထည်ဖော်ဆောင်ရွက်တဲ့ အခါမှာNon Licenceနဲ့ တင်သွင်းတဲ့ပစ္စည်းတွေ၊Licenceနဲ့တင်သွင်းရတဲ့ CMP ကဲ့သို့သောပစ္စည်းတွေကို တင်သွင်းရာမှာ လိုအပ်တဲ့စာရွက်စာတမ်းတွေကို ဖိုင် တွေနဲ့ Online မှာပါ Attached File တွဲပေးရတာကြောင့် ကြန့်ကြာနေရတယ်။ ဒါ့အပြင် မြေပြင်မှာ ကုန်ပစ္စည်း စစ်ဆေးတဲ့အခါ ဆိပ်ကမ်းတွေမှာ Physical Examination များတဲ့အခါမှာ စစ်ဆေးမယ့်နေရာ မလုံလောက်တာတွေ၊ စစ်ဆေးတဲ့လူအင်အား နည်းပါး နေတာတွေကြောင့် ကြန့်ကြာမှုတွေဖြစ်နေတာကို တွေ့ရ ပါတယ်။

အစီအစဉ်မှူး။ ။ အခုလက်ရှိ ကြုံတွေ့နေရတဲ့ အခက် အခဲတွေ ပြေလည်အောင် UMFCCI အနေနဲ့ အကြံပြုဆွေးနွေးပေးစေလိုပါတယ်။

ဒေါ်ခိုင်ခိုင်နွယ်။ ။ MACCSစနစ်ကို ကျင့်သုံးနေသော် လည်း အချို့အပိုင်းတွေမှာ Online ရော စာရွက်စာတမ်းရော အသုံးပြုနေတဲ့အတွက် မလိုလား အပ်ဘဲ အဆင်မပြေမှုတွေ ရှိနေပါတယ်၊Fully Online (Paperless)အနေနဲ့ ဖြစ်အောင် ဆောင်ရွက်သင့်ပါတယ်။ အထူးသဖြင့် Payment အပိုင်းမှာလည်း Online နဲ့ချိတ်ဆက် ဆောင်ရွက်သင့်ပါတယ်။ ဒါမှသာ Fully Onlineဖြစ်ပြီး ကုန်သွယ်မှုလွယ်ကူစေမှာ ဖြစ်ပါတယ်။

MACCS စနစ် ကျင့်သုံးရာမှာ အသုံးပြုသူတွေရဲ့ ကျွမ်းကျင်မှုအားနည်းတာတွေ၊ ဝန်ထမ်းတွေရဲ့ ကျွမ်းကျင် မှုအားနည်းတာတွေရှိနေတဲ့အတွက် သင်တန်းတွေ၊ ဆွေးနွေးပွဲတွေ စဉ်ဆက်မပြတ် ကျင်းပပေးသင့်ပါတယ်။
မြေပြင်ပစ္စည်းထုတ်ယူတဲ့အခါမှာလည်း Trade Facili-tation Agreement (TFA) ကုန်သွယ်မှုလွယ်ကူချောမွေ့ ရေး သဘောတူစာချုပ်ကို ဦးစားပေးဆောင်ရွက်ရမှာဖြစ်တဲ့ အတွက် Risk Management စနစ်ကို ပြည့်ပြည့်ဝဝ အသုံးပြုသင့်ပါတယ်လို့ ပြောချင်ပါတယ်။

ဥပဒေလုပ်ထုံးလုပ်နည်းတွေမှာလည်း ခေတ်နဲ့အညီ၊ နိုင်ငံတကာစံနှုန်းတွေနဲ့အညီဖြစ်ဖို့အတွက် ပြင်ဆင် ပြောင်းလဲသင့်ပါတယ်။ မဖြစ်မနေပြင်ဆင်ရမယ့် အဓိက အချက်ကတော့ ဝန်ထမ်းအင်အားနည်းပါးမှုပါပဲ။ ကျွန်မ လေ့လာမိသလောက်ဆိုရင် အာဆီယံနိုင်ငံတွေထဲမှာ မြန်မာနိုင်ငံ အကောက်ခွန်ဦးစီးဌာနရဲ့ ဝန်ထမ်းအင်အား ဟာ အလွန်နည်းပါးနေတာကို တွေ့ရတယ်။ အိမ်နီးချင်း ငါးနိုင်ငံနဲ့ ကုန်သွယ်မှုဆက်စပ်နေတယ်။ ပထဝီအနေ အထားအရလည်း ကမ္ဘာ့ကုန်သွယ်မှုလမ်းကြောင်းမှာ အရေးပါတဲ့နေရာမှာ ရှိနေတာတွေ၊ ကုန်သွယ်မှုပမာဏ များပြားလာတာတွေကြောင့် ဝန်ထမ်းအင်အားတိုးချဲ့ဖို့ မဖြစ်မနေဆောင်ရွက်သင့်ပါတယ်။ ဒါ့အပြင် Trade Facilitation Agreement (TFA) ကုန်သွယ်မှုလွယ်ကူ ချောမွေ့စေရေး သဘောတူစာချုပ်လုပ်ငန်းစဉ်မှာလည်း အကောက်ခွန်ဦးစီးဌာနက အဓိကအကောင်အထည်ဖော် တဲ့ဌာနဖြစ်တဲ့အတွက် အခုကျွန်မအကြံပြုချက်တွေကို ပြင်ဆင်ပြောင်းလဲဆောင်ရွက်သင့်တယ်လို့ သုံးသပ်အကြံပြု ချင်ပါတယ်။

အစီအစဉ်မှူး။ ။ ဒေါ်ခိုင်ခိုင်နွယ် အကြံပြုဆွေးနွေးသွား တဲ့အပေါ် ညွှန်ကြားရေးမှူးချုပ်အနေနဲ့ သုံးသပ်ဆွေးနွေးပေးစေလိုပါတယ်။

ညွှန်ကြားရေးမှူးချုပ်။ ။ ဒေါ်ခိုင်ခိုင်နွယ် ဆွေးနွေး သွားတာ မှန်ပါတယ်။ MACCS စနစ်ဟာ လက်ရှိအနေအထားအရFully Onlineမဖြစ်သေးပါဘူး။ ဖြစ်အောင်လည်း ဆောင်ရွက် နေပါတယ်။ အထူးသဖြင့် Paymentပိုင်းမှာ Bank တွေနဲ့ ချိတ်ဆက်ဆောင်ရွက်မှုတွေမှာ အားနည်းချက်တွေ ရှိနေပါ သေးတယ်။ လက်ရှိအချိန်မှာ ကုန်သွယ်မှုတိုးတက်များပြား လာတာတွေ၊ စစ်ဆေးရေးစခန်းတွေ တိုးချဲ့ဖို့နဲ့Dry Port တွေ တိုးချဲ့မှာဖြစ်တဲ့အတွက် ဝန်ထမ်းအင်အား တိုးချဲ့ ဖွဲ့စည်းဖို့ လိုအပ်နေပါတယ်။ လက်ရှိအချိန်မှာလည်း ဝန်ထမ်းအင်အားနည်းပါးတဲ့အတွက် လုပ်ငန်းဆောင်ရွက် ရာမှာ အခက်အခဲတွေနဲ့ရင်ဆိုင်နေရပါတယ်။ ဝန်ထမ်း အင်အား တိုးချဲ့ဖွဲ့စည်းပေးဖို့ တင်ပြထားပါတယ်။

ဒေါ်ခိုင်ခိုင်နွယ်။ ။ ကျွန်မအနေနဲ့ ထပ်မံဆွေးနွေးအကြံပြု ချင်ပါတယ်။ ဆိပ်ကမ်းရှင်းလင်းရေး လုပ်တဲ့အခါ ကုန်သွယ်မှုလွယ်ကူချောမွေ့စေရေးအတွက်Risk Management ကိုလည်း အပြည့်အဝ သုံးစေချင် ပါတယ်။ ဒါထက်ပိုပြီး Apply လုပ်မယ်လို့ ယုံကြည်ပါ တယ်။ ခုနက ညွှန်ကြားရေးမှူးချုပ် ဆွေးနွေးသွားတဲ့ ဥပဒေလုပ်ထုံးလုပ်နည်းတွေမှာ နိုင်ငံတကာစံနှုန်းတွေနဲ့ အညီ ပြင်ဆင်ပြောင်းလဲသင့်တယ်ဆိုတာလည်း ကျွန်မ အနေနဲ့ အမြန်ဆုံးဖြစ်စေချင်ပါတယ်။ မဖြစ်မနေလုပ်ရ မှာက ဝန်ထမ်းအင်အားလိုအပ်နေတာကို ဖြည့်ဆည်းပေး ဖို့ပါပဲ။ တကယ်လို့Dry Port တွေ၊Bonded Warehouseတွေလုပ်တော့မယ်ဆိုရင် ဝန်ထမ်းအင်အား မဖြစ်မနေ လိုအပ်လာမှာဖြစ်ပါတယ်။ နောက်တစ်ခါ ကုန်သွယ်မှု တိုးမြှင့်ဖို့အတွက် နိုင်ငံတော်က ဆောင်ရွက်နေပါတယ်။ အိမ်နီးချင်းနိုင်ငံများ နယ်စပ်ဒေသကုန်သွယ်မှု Border Trade နဲ့ဆက်စပ်ပြီး တိုးမြှင့်ဆောင်ရွက်နေတာတွေ ကြောင့် အကောက်ခွန်ဦးစီးဌာနအနေနဲ့လည်း တိုးမြှင့် ဆောင်ရွက်နေတာနဲ့အမျှ နေရာတိုင်း နေရာတိုင်းမှာ ဝန်ထမ်းတွေကိုပို့ရတော့မယ်။ သင်တန်းတွေလည်း ပေးရ မယ်။ တော်တော်လေး ပြောင်းလဲသင့်တာက ဝန်ထမ်း အင်အားတိုးချဲ့ဖို့ပါပဲ။ ဝန်ထမ်းအင်အားတိုးချဲ့မှသာ ကျွန်မတို့အတွက် ကုန်သွယ်မှုမှာ တော်တော်လေး အဆင်ပြေမယ်လို့ထင်ပါတယ်။

ညွှန်ကြားရေးမှူးချုပ်။ ။ ကျွန်တော်တို့အနေနဲ့လည်းဝန်ထမ်းအင်အား တိုးချဲ့ဖို့ ဆောင်ရွက်နေပါတယ်။

အစီအစဉ်မှူး။ ။ဒေါက်တာအောင်ဇော်ကလည်းဒေါက်တာတို့ အသင်းအနေနဲ့ ဆောင်ရွက်နေတဲ့ လုပ်ငန်းအခြေအနေလေးတွေကို ပြည်သူတွေသိရှိစေဖို့ ဆွေးနွေးပေးစေလိုပါတယ်။

ဒေါက်တာအောင်ဇော်။ ။ ကျွန်တော်တို့ မြန်မာနိုင်ငံဆေးဝါးနှင့် ဆေးပစ္စည်းထုတ် လုပ်သူများအသင်းအနေနဲ့ နိုင်ငံပိုင်ဆေးဝါးစက်ရုံ ငါးရုံ၊ ပုဂ္ဂလိကပိုင်ဆေးဝါးစက်ရုံ ခုနစ်ရုံနဲ့ ဖွဲ့စည်းထားပြီး စုစုပေါင်း ရင်းနှီးမြှုပ်နှံမှု အမေရိကန် ဒေါ်လာ ၂၆ဝ ဒသမ ၉ သန်းရှိပြီး အလုပ်သမား ၆ဝဝဝ ကျော်ကို အလုပ်အကိုင် အခွင့်အလမ်းတွေ ဖန်တီးပေးခဲ့ပြီး ဖြစ်ပါ တယ်။ ဆေးဝါးအမျိုးအစား ၃၆၂ မျိုးခန့် ထုတ်လုပ်လျက် ရှိပါတယ်။ ထုတ်လုပ်မှုတန်ဖိုးအနေနဲ့က ငွေကျပ် ၆ဝ ဘီလီယံခန့် ထုတ်လုပ်ဖြန့်ဖြူးပေးလျက် ရှိပါတယ်။ ကျွန်တော်တို့ ဆေးဝါးစက်ရုံတွေက နိုင်ငံတကာအရည် အသွေးဆိုင်ရာ စီမံခန့်ခွဲမှုလက်မှတ် (ISO certificates) တွေ၊ ပြည်တွင်းFDA ရဲ့ WHO GMP နဲ့ ကိုက်ညီမှု ရှိကြောင်း အသိအမှတ်ပြုလက်မှတ်တွေ ရရှိထားပြီး ဖြစ်ပါတယ်။

(ဆက်လက်ဖော်ပြပါမည်)

ရေး-ဇော်ကြီး
ဓာတ်ပုံ-ဖေဇော်