မြန်မာ့အလင်းအယ်ဒီတာအာဘော်
နိုင်ငံတကာဆက်ဆံရေးဆိုသည်က တစ်နိုင်ငံနှင့် တစ်နိုင်ငံ နှစ်ဦး နှစ်ဖက် အကျိုးရှိအောင် အတူတကွ ပူးပေါင်းလုပ်ဆောင်ကြ၊ ကူညီရိုင်း ပင်းကြ၊ ဆက်ဆံကြရခြင်းဖြစ်သည်ဟု နားလည်ပါသည်။
သည်လို ဆက်ဆံကြရာတွင် တစ်နိုင်ငံနှင့် တစ်နိုင်ငံ ယုံကြည်မှုရှိကြ ရေးကလည်း အရေးကြီးသော လိုအပ်ချက်ဖြစ်ပါသည်။ ဤနေရာတွင် တစ်နိုင်ငံနှင့် တစ်နိုင်ငံဆိုသည်မှာ ပြည်သူလူထု အချင်းချင်းကြားမှာရှိသည့် ယုံကြည်ဆက်ဆံမှုဖြစ်ရပါမည်။
ယုံကြည်မှုဆိုသည်က ယုံယုံကြည်ကြည်ဆက်ဆံပါဟု ပြောနေရုံမျှ ဖြင့် ဖြစ်လာနိုင်သည် မဟုတ်ပါ။ ယုံကြည်မှုတည်ဆောက်သည် ဟူသည့် လက်တွေ့လုပ်ငန်းပြယုဂ်များ ရှိနေမှသာ ယုံကြည်ကြမည်ဆိုသည့် သဘော ရှိပါ၏။
တော်လှန်ရေးကောင်စီ အာဏာသိမ်းပြီးနောက် အလုပ်သမား လယ် သမားတို့၏ အကျိုးစီးပွားကို ဖော်ဆောင်ရမည်ဟူသည့် မူဝါဒများ လုပ်ငန်း စဉ်များချ၍ အလုပ်သမားထု စည်းဝေးပွဲကြီးများ၊ တောင်သူလယ်သမား နှီးနှောဖလှယ်ပွဲကြီးများ ကျင်းပကာ ဆွေးနွေးပြောဆိုကြ၊ ကြွေးကြော်သံ များ ဟစ်ကြ လုပ်ခဲ့ကြဖူးပါသည်။ ဝမ်းသာအားတက်သူများက ဝမ်းသာ အားတက်မှုများ ဖြစ်လာကြသော်လည်း မကြာမီမှာပင် ထိုကြွေးကြော် သံများကို ပြည်သူတို့ မယုံမကြည်ဖြစ်လာခဲ့သော သာဓကများ ရှိခဲ့ပါ သည်။
အလုပ်သမား၊ လယ်သမားထု ကောင်းစားရေးဟူသည့် ဆောင်ပုဒ်များ မှာ အလုပ်သမား လယ်သမားထု၏ အကျိုးစီးပွားအတွက် အမှန်တကယ် ဖော်ဆောင်လိုခြင်းမဟုတ်ဘဲ ခေါင်းဆောင်တို့၏ အကျိုးစီးပွားအတွက် ဝါဒဖြန့်မှုသက်သက်ဟု ယူဆလောက်သည့် လက်တွေ့လုပ်ငန်းများက ယုံကြည်မှုကို လျော့ပါးစေခဲ့သည် မဟုတ်ပါလော။
လက်တွေ့တွင် အလုပ်သမား၊ လယ်သမားလူတန်းစားတို့၏ ဘဝများမှာ ဆင်းရဲမွဲတေမှုနွံထဲသို့ နစ်သွားခဲ့ရပြီး အလုပ်သမား လယ်သမားအကျိုးဟု ကြွေးကြော်သံတိုင်ပေးသူများက ချမ်းသာကြွယ်ဝသွားခဲ့ခြင်းက မယုံကြည် မှုတည်ဆောက်ခဲ့ခြင်း မဟုတ်ပါလော။
ယုံကြည်မှုဆိုသည်မှာ မိမိကိုယ်ကျိုးစီးပွားတစ်ခုတည်းပေါ်မှာ မူတည် ပြီး အားထုတ်ဆောင်ရွက်၍ ရကောင်းသောအရာ မဟုတ်ပါချေ။ မိမိကို ယုံကြည်လော့ဟု မည်မျှပင် ဟစ်ြေ<ွကးနေသော်လည်း ယုံကြည်လောက်စရာ လက်တွေ့မပြနိုင်ပါက ယင်းယုံကြည်မှုကို မည်သို့ရနိုင်ပါအံ့နည်း။
ထို့ကြောင့် နိုင်ငံတကာဆက်ဆံရေးနယ်ပယ်မှာရှိသည့် တစ်နိုင်ငံနှင့် တစ်နိုင်ငံကြား နိုင်ငံရေး၊ စီးပွားရေး၊ လူမှုရေးလုပ်ငန်းများကို အတူတကွ လက်တွဲတည်ဆောက်ကြမည်ဆိုလျှင် နိုင်ငံတွင်းရှိ ပြည်သူတို့အကြားမှာ ရှိသည့် ယုံကြည်မှုကိုမရဘဲ မဖြစ်နိုင်ပါ။
ထို့ပြင် ယုံကြည်မှုတည်ဆောက်ကြသူတို့အကြား ရှိရမည့် နားလည်မှု စာနာမှုတို့ မပါဝင်ဘဲ တစ်ဖက်သတ် တွန်းတိုက်နေခြင်းကလည်း ယုံကြည်မှု ကို ရရှိလိမ့်မည် မဟုတ်ပါ။
ထို့အတူ ပေတံနှစ်ချောင်း စံနှုန်းနှစ်ခုနှင့် ဝေဖန်ပြောဆိုခြင်းအားဖြင့် လည်း ယုံကြည်မှုရလိမ့်မည် မဟုတ်ပါ။ ကိုယ်တိုင်က လက်နက်ရောင်းဝယ် ဖောက်ကားနေသည့် ဈေးကွက်တွင်းမှာ စီးပွားရှာနေပြီး လူမသတ်ရေး တရားဟောနေသည့်နည်းဖြင့် ယုံကြည်မှုတည်ဆောက်၍ ရနိုင်လိမ့်မည် မဟုတ်ပါ။
တစ်ပါးသူ၏ အခက်အခဲပြဿနာ အကျပ်အတည်းတို့ကို စာနာ နားလည်မှုဟူ၍ တစ်ခါမျှ မထားဖူးဘဲ ကိုယ်ကျိုးစီးပွားပေါ် လာကာမှ အတူပူးပေါင်းကြရန် မိမိကို ယုံကြည်ပါမည့်အကြောင်း သကာဖုံးကာ ပြုံးကာမျှနှင့်လည်း ယုံကြည်မှုရလိမ့်မည် မဟုတ်ပါ။
မူမရှိ၊ သီလမရှိ၊ ကျင့်ဝတ်မစောင့်ထိန်းခဲ့ဘဲ မိမိကို ယုံကြည်ကြဖို့ တောင်းဆိုနေခြင်းက ယုံကြည်မှုရရှိလာမည့် နည်းလမ်းမဟုတ်ဟု ယူဆ ပါသည်။
နိုင်ငံရေးဖြစ်စေ၊ စီးပွားရေးဖြစ်စေ၊ လူမှုရေးဖြစ်စေ၊ နိုင်ငံတကာအရေး ဖြစ်စေ အတူတကွ ပူးပေါင်းလုပ်ဆောင်ကြဖို့လိုသည်ဟုဆိုလျှင် အထက် တွင် တင်ပြသကဲ့သို့ ယုံကြည်လောက်သည့် စောင့်ထိန်းမှုများ လက်တွေ့ လုပ်ငန်းများ ဖော်ထုတ်လုပ်ဆောင်ကြရန်လိုပါမည်ဟု တွေးထင်မိသည့် အတိုင်း တင်ပြလိုက်ရပါကြောင်း။ ။
No comments:
Post a Comment