မန္တလေးမြို့တွင် လက်ရာမြောက် ရှေးဟောင်းကြေးမြင်မိဖုရားကျောင်း(ရ န္တပိုရွာစားကျောင်း)ကို လေ့လာနိုင်

မန္တလေး နိုဝင်ဘာ ၂၃

မန္တလေးမြို့သည် မြန်မာဘုရင်မင်း နောက်ဆုံးထီးနန်းစိုးစံခဲ့ရာ ယဉ်ကျေးမှုမြို့တော်ဖြစ်သလိုလေ့လာဖွယ်ရာ ရှေးဟောင်းသမိုင်းဝင်နေရာများစွာရှိသည်။ ရှေးခေတ်မင်းမိဖုရားများမှသည် မှူးကြီး
မတ်ရာများသည် ဘုန်းတော်ကြီးကျောင်းများကိုတစ်မူထူးခြားစွာ ဆောက်လုပ်လှူဒါန်းခဲ့ကြသည်။

အများစုသောဘုန်းတော်ကြီးကျောင်းများကိုကျွန်းသားများဖြင့်ဆောက်လုပ်ကာ ပန်းပုအမွမ်းများဖြင့် တန်ဆာဆင်ထားသည်။ ထိုသို့သော
ကျောင်းများစွာထဲတွင် မင်းတုန်းမင်း၏မိဖုရားသုသီရိပဘာမဟေသီဆောက်လုပ်လှူဒါန်းသည့်ကြေးမြင်မိဖုရားကျောင်း (ရန္တပိုရွာစားကျောင်း) လည်း ပါဝင်သည်။

ကျောင်းကြီးမှာ လက်ရာမြောက် ရတနာပုံခေတ်ငါးထပ်ကျောင်းဆောင်ဖြစ်သည်။ ကျောင်းအပြင်ဘက်ပိုင်းမှစကာ ပန်းပုအမွမ်းများဖြင့် ခြယ်မှုန်းထားသည်။ ထူးခြားသောတည်ဆောက်မှုပုံသဏ္ဌာန်
မှာ နေကျော်လေးဆောင်နှင့် နေလိုက်သုံးဆောင်တွဲကာ တည်ဆောက်ထားခြင်းပင် ဖြစ်သည်။ ရတနာပုံခေတ်မှ ဘုန်းတော်ကြီးကျောင်းများထဲတွင် တစ်မူထူးခြားသော ကျောင်းတစ်ကျောင်းအဖြစ် ထင်ရှားသည်။

စတင်တည်ဆောက်စဉ်က သစ်သားအမိုးများကိုသွပ်အမိုးများ ထပ်မံမိုးထားခြင်းမှအပ အခြားအရာများမှာ ရတနာပုံခေတ်လက်ရာများအတိုင်း တည်ရှိသည်။ လှေကားအတက်တံခါးရွက်များမှာ သစ်လုံး
တစ်ခုတည်းထွင်းထုထားသည့် ပန်းပုရုပ်ကြွများပင်ဖြစ်သည်။

အရှေ့ပိုင်းတွင် သစ်သားပွတ်လုံးတိုင်များဖြင့် တောထွက်ခန်းနှင့် ဇာတ်တော်အချို့ကို ပန်းပုထုထားသည်။ အလယ်ပိုင်းနေရာတွင်လည်း ဇာတ်တော်အချို့ကို ပန်းပုအမွမ်းများဖြင့် ထုဆစ်ပုံဖော်ထားသည်။ ကျောင်းကြီးပေါ်တွင် ထူးခြားစွာမြင်တွေ့ရသည်မှာ ကြေးခုတင်၊ ရှေးမှန်အိမ်၊ မီးအိမ်များ၊စာတိုက်ဗီရိုများ၊ ရှေးဟောင်းမှန်ဗီရိုများကို တွေ့မြင်ရခြင်းပင်ဖြစ်သည်။

ကြေးမြင်ကျောင်းဟု အမည်တွင်ရခြင်းမှာမူလက ရန္တပိုရွာသား (ဆီမီးခုံရွာစား)က ဆောက်လုပ်လှူဒါန်းခဲ့သဖြင့် ရွာစားကျောင်းဟုခေါ်တွင်ခဲ့သည်။ သက္ကရာဇ် ၁၂၃၇ တွင် ဆောက်လုပ်ကာမဟာဝိသုဒ္ဓါရာမတိုက်ရှိ တိုက်အုပ်ဆရာတော်ဦးပညာတိဓဇဓမ္မလင်္ကာရ မဟာဓမ္မရာဇာဓိရာဇဂုရုအား တင်လှူခဲ့သည်။ တိုင်ပေါင်း ၉၉ လုံးနှင့် လှေကား နှစ်စင်းပါ ခြေတံရှည်ကျောင်းပင်ဖြစ်သည်။

၁၂၇၃ ခုနှစ်တွင် သတိုးမင်းကြီး မဟာမင်းလှမင်းခေါင်ကျော်သူဘွဲ့ခံ ရေနံချောင်းမြို့စား ဝန်ရှင်တော်မင်း၏ သမီးတော် မင်းတုန်းမင်း၏မိဖုရားကြေးမြင်တိုက်စား သုသီရိပဘာမဟေသီက အရှေ့
ပိုင်းကျောင်းဆောင်ကို သွပ်အမိုးမိုးကာ ကျောင်းအောက်ပိုင်းဘေးပတ်လည်ကို ရာဇမတ်ကွက်များကာရံခဲ့ခြင်းကြောင့် ကြေးမြင်မိဖုရားကျောင်းဟုခေါ်တွင်ခဲ့ကြောင်း သိရသည်။

ယခုအခါ ရှေးဟောင်းလက်ရာမြောက် ကြေးမြင်မိဖုရားကျောင်း (ရန္တပိုရွာစားကျောင်း) ကို မဟာဇေယျဘုံရပ်ကွက် အောင်မြေသာစံမြို့နယ် ရေစစ်ကန်အနီး ၆၂ လမ်းအရှေ့ဘက်တွင် လေ့လာနိုင်
ကြောင်း သိရသည်။

နွေနဒီ(မြစ်ငယ်)