အရည်အသွေးရှိသော စာရင်းအင်းအချက်အလက်များနှင့် တိုင်းပြည်၏ဖွံ့ဖြိုးမှု

မြန်မာ့အလင်းအယ်ဒီတာအာဘော်

စာရင်းအင်းအချက်အလက်မှန်ကန်ရေးနှင့် အရည်အသွေးပြည့်ဝရေး ဗဟိုကော်မတီဥက္ကဋ္ဌ ဒုတိယသမ္မတ ဦးဟင်နရီဗန်ထီးယူသည် ၂ဝ၁၈ ခုနှစ် နိုဝင်ဘာလ ၂ ရက်နေ့က နေပြည်တော်တွင် ကျင်းပသော မြန်မာ စာရင်းအင်းဖိုရမ်(၂ဝ၁၈)ကို တက်ရောက်၍ အဖွင့်အမှာစကားပြောကြား ခဲ့ပါသည်။ ဤဖိုရမ်ကို ''Better Data, Better Statistics, Better Lives: Transforming Data Culture in Myanmar'' ဆိုသည့် ဆောင်ပုဒ်ဖြင့် ကျင်းပခဲ့ခြင်းဖြစ်ပါသည်။
မြန်မာစာရင်းအင်းဖိုရမ်(၂ဝ၁၈)ကို တိကျသော ရည်ရွယ်ချက်များ ဖြင့် ကျင်းပခဲ့ခြင်းဖြစ်ပါသည်။ အဆိုပါရည်ရွယ်ချက်များအနက် မြန်မာ နိုင်ငံတွင် စာရင်းအင်းပညာ(Statistics Literacy) တိုးမြှင့်စေရေး ပါဝင်သကဲ့သို့ စာရင်းအင်းအချက်အလက်ယဉ်ကျေးမှု (Data Culture)များ ပြန့်ပွားစေရေးလည်း ပါဝင်ပါသည်။ တိုင်းပြည်၏ လိုအပ်ချက်နှင့် အညီ ဤဖိုရမ်၌ စာရင်းအင်းထုတ်ဝေသူများနှင့် အသုံးပြုသူများအကြား ဆက်ဆံရေးမြှင့်တင်ရေးကို ဦးတည်မည်ဖြစ်သကဲ့သို့ စာရင်းအင်းအသုံးပြု သူများ၏ လိုအပ်ချက်များ သိရှိစေရေးကိုလည်း ဆောင်ရွက်သွားမည် ဖြစ်ပါသည်။ ကျောင်းသားလူငယ်များအကြား စာရင်းအင်းကဏ္ဍမြှင့်တင် ရေးအတွက် Statistics Quiz များ ဆောင်ရွက်ရန် ဦးတည်ခြင်းသည် လည်း အမျိုးသားရေးလိုအပ်ချက်တစ်ရပ်ကို ဖြည့်ဆည်းရန် ကြိုးပမ်း လိုက်ခြင်းဖြစ်ပါသည်။
တိုင်းပြည်၏ စာရင်းအင်းအချက်အလက်များ မမှန်ကန်ပါက ချမှတ် လိုက်သော တိုင်းပြည်ဖွံ့ဖြိုးတိုးတက်ရေးမူဝါဒများသည် အလွဲလွဲ အချော်ချော်ဖြစ်နေမည် ဖြစ်ပါသည်။ ဤအချက်ကို ဖွံ့ဖြိုးပြီးနိုင်ငံများ အပါအဝင် ဖွံ့ဖြိုးဆဲနိုင်ငံများ၌ ထင်ထင်ရှားရှား တွေ့ရပါသည်။ နိုင်ငံ တစ်နိုင်ငံ၏ အမျိုးသားစာရင်းအင်းစနစ် အရည်အသွေးပြည့်ဝမှသာ မူဝါဒချမှတ်သူများ၊ စီမံကိန်းရေးဆွဲသူများ၊ လူမှုစီးပွားသုတေသန ဆောင်ရွက်သူများအနေဖြင့် စီမံကိန်းရေးဆွဲခြင်း၊ ဖွံ့ဖြိုးမှုမူဝါဒများနှင့် စီးပွားရေးဝန်းကျင်ကောင်းများကို ဖန်တီးချမှတ်နိုင်မည် ဖြစ်ပါသည်။ စာရင်းအင်းအချက်အလက်မှန်ကန်ရေးသည် တိုင်းပြည်၏ ဖွံ့ဖြိုးမှု မူဝါဒ များ ချမှတ်ရေးအတွက်သာမက စီးပွားရေးလုပ်ငန်းရှင်များအတွက် လည်း အရေးကြီးပါသည်။ စီးပွားရေးလုပ်ငန်းရှင်များအနေဖြင့်လည်း စာရင်းအင်းအချက်အလက်များအပေါ် အခြေခံပြီး ရင်းနှီးမြှုပ်နှံမှုများကို ဆောင်ရွက်မှသာ အရှုံးဖြစ်ပေါ်နိုင်မှုနှင့် စွန့်စားရမှု (Risk Mana-gement) တို့ကို စီမံခန့်ခွဲနိုင်မည် ဖြစ်ပါသည်။
စိတ်ချယုံကြည်ကိုးစားရသည့် စာရင်းအင်းအချက်အလက်များရှိမှ သာ ရှားပါးသည့် သယံဇာတများခွဲဝေရာ၌ မှန်မှန်ကန်ကန်ခွဲဝေနိုင်မည် ဖြစ်ပါသည်။ တိုင်းပြည်အတွက် ဤမျှအရေးကြီးသော စာရင်းအင်းအချက် အလက်များအား မှန်မှန်ကန်ကန်ရရှိရေးအတွက် လူသားရင်းမြစ် ပြုစု ပျိုးထောင်ခြင်း၊ ကွန်ရက်များ တည်ဆောက်ခြင်း၊ ပူးပေါင်းဆောင်ရွက်ရေး ယန္တရားများအပါအဝင် Statistics Literacyကို မူဝါဒအားဖြင့် အထူးအာရုံစိုက်ခြင်း၊ စာရင်းအင်းဥပဒေ ပြဋ္ဌာန်းသက်ရောက်မှု ရှိစေခြင်း စသည့်အရင်းအနှီးများ စိုက်ထုတ်ဆောင်ရွက်ကြရမည် ဖြစ်ပါသည်။ အဆိုပါ အမျိုးသားရေးလိုအပ်ချက်များနှင့်အညီ စာရင်းအင်းဥပဒေကို ၂ဝ၁၈ ခုနှစ်၊ ဇန်နဝါရီလ ၂၂ ရက်နေ့တွင် ပြည်ထောင်စုလွှတ်တော် ဥပဒေအမှတ် ၁/၂ဝ၁၈ ဖြင့် ပြဋ္ဌာန်းခဲ့ပြီးဖြစ်ပါသည်။ ဗဟိုစာရင်းအင်း အဖွဲ့က မကြာမီ နည်းဥပဒေထွက်ရှိနိုင်ရေးအတွက်လည်း ဆောင်ရွက်နေ ပြီဖြစ်ပါသည်။
စာရင်းအင်းဥပဒေအရ စာရင်းအင်းမူဝါဒ အနှစ်ချုပ်(Statistical Policy Brief) နှင့် စာရင်းအင်းဆိုင်ရာ ဖွံ့ဖြိုးမှု အမျိုးသားအဆင့် မဟာဗျူဟာ (National Strategy for Development of Stati-stics-NSDS) တို့ ရေးဆွဲအကောင်အထည်ဖော်နိုင်ရေးအတွက် အဓိက မဟာဗျူဟာမူဘောင်(NSDS Core Strategies)ကို ၂ဝ၁၆ ခုနှစ်တွင် စီးပွားရေးရာကော်မတီသို့ အတည်ပြုတင်ပြခဲ့ပြီးဖြစ်ပါသည်။ နိဂုံးချုပ် အနေဖြင့် နိုင်ငံတော်အစိုးရသည် တိုင်းပြည်၏ ဖွံ့ဖြိုးမှုအတွက် မရှိမဖြစ် လိုအပ်သည့် အရည်အသွေးရှိသော စာရင်းအင်းများရရှိရေးကို ဦးတည် လျက် ရေတို၊ ရေရှည် မဟာဗျူဟာများ ချမှတ်ဆောင်ရွက်နေပါကြောင်း လေးစားစွာတင်ပြအပ်ပါသည်။ ။