နိုင်ငံဖွံ့ဖြိုးတိုးတက်ရေး နည်းပညာဖြင့် တွန်းအားပေး

မျက်မှောက်ကာလတွင် ကမ္ဘာ့နိုင်ငံများသည် နည်းပညာဖြင့် တိုင်းပြည် ဖွံ့ဖြိုးတိုးတက်ရေးကို တွန်းအားပေး အကောင်အထည်ဖော်လျက်ရှိသည်။ နိုင်ငံရေး၊ စီးပွားရေး၊ အုပ်ချုပ်ရေး၊ လူမှုရေး စသည့်ကဏ္ဍပေါင်းစုံတွင် နည်းပညာကိုအသုံးချ၍ အပြိုင်အဆိုင် ကြိုးပမ်းဆောင်ရွက်နေကြသည်။ ထိုသို့ကြိုးပမ်းဆောင်ရွက်ရာတွင် e-Government သည် အရေးပါသော လုပ်ငန်းစဉ် ဖြစ်သည်။

e-Government ဆိုသည်မှာ အစိုးရ၏ သတင်းအချက်အလက် များကို နည်းပညာဖြင့် စီမံခန့်ခွဲသည့်စနစ်ကို ခေါ်ဆိုသည်။ အစိုးရ အဖွဲ့အစည်းအချင်းချင်းအကြား၊ အစိုးရနှင့် စီးပွားရေးလုပ်ငန်းရှင်များ အကြား၊ အစိုးရနှင့် ပြည်သူလူထုအကြား အပြန်အလှန်ဆက်သွယ်ခြင်း၊ သတင်းအချက်အလက်များပေးခြင်း၊ ဝန်ဆောင်မှုပေးခြင်း စသည့် လုပ်ငန်းများကို သတင်းအချက်အလက်ဆက်သွယ်ရေးနည်းပညာ(ICT)ကို အသုံးပြုပြီး လုပ်ငန်းများအား လျင်လျင်မြန်မြန်၊ မှန်မှန်ကန်ကန်၊ စရိတ်သက်သက်သာသာနှင့် ပြီးစီးနိုင်အောင် ဆောင်ရွက်သည့် နည်းစနစ်ဖြစ်သည်။

အဆိုပါလုပ်ငန်းစဉ်ကို မြန်မာနိုင်ငံတွင် ဆယ်စုနှစ်တစ်ခုမျှ ကာလ အတွင်း အကောင်အထည်ဖော်လျက်ရှိသော်လည်း ကျယ်ကျယ်ပြန့်ပြန့် ဖြစ်ထွန်းမှုမရှိသေးချေ။e-Government တိုးတက်ရေးနှင့်ပတ်သက်၍ ကျွမ်းကျင်မှု၊ ရင်းနှီးမြှုပ်နှံမှု၊ ပူးပေါင်းဆောင်ရွက်မှု အဓိကလိုအပ်မှု သုံးချက်ကို e-Government ဦးဆောင်ကော်မတီ ပထမအကြိမ်လုပ်ငန်း ညှိနှိုင်းအစည်းအဝေးတွင် ဦးဆောင်ကော်မတီနာယက နိုင်ငံတော်၏အတိုင်ပင်ခံပုဂ္ဂိုလ်က လမ်းညွှန်မှာကြားခဲ့သည်။

e-Government လုပ်ငန်းသည် နိုင်ငံတော်အစိုးရ၏ စီးပွားရေး နှင့်ပတ်သက်သည့် ချမှတ်ထားသော မူဝါဒ ၁၂ ချက်တွင် တစ်ချက် အပါအဝင်ဖြစ်ပြီး ထိုလုပ်ငန်းကို ဖြစ်မြောက်အောင် ဆောင်ရွက်မည်ဟု သန္နိဋ္ဌာန်ချထားရာ ယခုအခါ အရှိန်အဟုန်မြှင့် ဆောင်ရွက်နေသည်ကို တွေ့ရသည်။ e-Government သည် တိုင်းပြည်ဖွံ့ဖြိုးတိုးတက်မှုကို တိုင်းတာသည့် ဖွံ့ဖြိုးမှုအညွှန်းကိန်းဖြစ်၍ e-Government လုပ်ငန်း များတိုးတက်အောင် နိုင်ငံတော်၏အတိုင်ပင်ခံပုဂ္ဂိုလ်၏ လမ်းညွှန်မှာကြား ချက်နှင့်အညီ လက်တွေ့ကျကျ ထိထိရောက်ရောက် အကောင်အထည် ဖော်ကြရမည်ဖြစ်သည်။

မြန်မာနိုင်ငံ၏ e-Government အညွှန်းကိန်းကို ကြည့်မည်ဆိုလျှင် ၂ဝ၁၆ ခုနှစ်က နိုင်ငံပေါင်း ၁၉၃ နိုင်ငံတွင် အဆင့် ၁၆၉ ရှိခဲ့ပြီး ၂ဝ၁၈ ခုနှစ်တွင် အဆင့် ၁၅၇ သို့ တိုးတက်လာသည်ကို တွေ့ရသည်။e-Government လုပ်ငန်းအောင်မြင်အောင် ဆောင်ရွက်နိုင်ရန်အတွက် ပွင့်လင်းသည့် အစိုးရဖြစ်လာစေရန်၊ စွမ်းရည်ပြည့်ဝသည့် အစိုးရဖြစ်ရန်၊ သတင်းအချက်အလက်များကို မျှဝေအသုံးပြုရန်၊ ဝန်ဆောင်မှု ဦးစားပေး သည့် အစိုးရဖြစ်ရန်နှင့် နိုင်ငံ၏ ICT Industry ကဏ္ဍ ဖွံ့ဖြိုးတိုးတက်ရန် ဟူသည့် အချက် ငါးချက်ကို e-Government ဦးဆောင်ကော်မတီဥက္ကဋ္ဌက နိုဝင်ဘာလ ၂၇ ရက်နေ့က ပြောကြားခဲ့သည်။

မြန်မာနိုင်ငံတွင် e-Government လုပ်ငန်းများကို ဆောင်ရွက်ရာ တွင် ညွှန်ပြထားသည့် အချက် သုံးချက်ကို အကောင်အထည်ဖော်ခဲ့ရာ ယခုအခါ နည်းပညာပိုင်းဆိုင်ရာကျွမ်းကျင်မှုမှာ အစိုးရပိုင်းရော ပုဂ္ဂလိက ကဏ္ဍပိုင်းသာမက ပြည်သူလူထုအတွင်း၌လည်း တိုးတက်လာသည်ကို တွေ့ရသည်။ ရင်းနှီးမြှုပ်နှံမှုအပိုင်းတွင် အရေးပါသည့် ဆက်သွယ်ရေး ကွန်ရက်များကို တိုးချဲ့ထူထောင်ထားနိုင်ပြီး သတင်းအချက်အလက်ဗဟို ဌာနတစ်ခုကို ထူထောင်နိုင်ရန် စီစဉ်လျက်ရှိသည်။ ပူးပေါင်းဆောင်ရွက်ရေး အပိုင်း၌ မိမိတို့နိုင်ငံဖွံ့ဖြိုးတိုးတက်ရေး၊ လူမှုဘဝတိုးတက်ရေးကိုရှေးရှု၍ ထိုလုပ်ငန်းကို အားလုံးစိတ်ဝင်စားစွာဖြင့် ဆက်သွယ်ချိတ်ဆက် ဆောင်ရွက်ကြရမည်ဖြစ်သည်။

သို့ဖြစ်ရာ နိုင်ငံဖွံ့ဖြိုးတိုးတက်ရေးတွင် အရေးပါသည့် e-Government လုပ်ငန်းအောင်မြင်ရေးအတွက် အားလုံးတက်ကြွစွာပါဝင်ဆောင်ရွက်ကြပြီး အွန်လိုင်းဝန်ဆောင်မှုအညွှန်းကိန်း၊ တယ်လီ ကွန်မြူနီကေးရှင်းအညွှန်းကိန်းနှင့် လူသားစွမ်းရည်ဖွံ့ဖြိုးတိုးတက်မှု အညွှန်းကိန်းများ တိုးတက်လာအောင် ကြိုးပမ်းဆောင်ရွက်ကြရမည် ဖြစ်ပါကြောင်း။ ။