အခုမူဘောင်အတိုင်း လုပ်မယ်ဆိုရင် ငြိမ်းချမ်းရေးအတွက် အထောက်အကူ အများကြီးပြုနိုင်မယ်လို့ ပြောချင်ပါတယ်

ဒေါက်တာဆလိုင်းလျန်မှုန်းဆာခေါင်း

NCA လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့အစည်းများ၊ နိုင်ငံရေးပါတီများ၏ နိုင်ငံရေးဆွေးနွေးမှု ဆိုင်ရာ မူဘောင်နှင့် လုပ်ငန်းလမ်းညွှန်များ ပြန်လည်သုံးသပ်ခြင်း အစည်းအဝေးကို နိုဝင်ဘာ ၁ ရက်မှ ၃ ရက်အထိ ရန်ကုန်မြို့ ရွှေလီလမ်းရှိ အမျိုးသားပြန်လည်သင့်မြတ် ရေးနှင့် ငြိမ်းချမ်းရေးဗဟိုဌာန၌ ကျင်းပခဲ့ သည်။

သုံးရက်တာကျင်းပခဲ့သည့် ယင်းအစည်း အဝေးနှင့်ပတ်သက်၍ တိုင်းရင်းသား လက်နက်ကိုင်များအစုအဖွဲ့မှ ချင်းအမျိုးသား တပ်ဦး ဒုတိယဥက္ကဋ္ဌ ဒေါက်တာဆလိုင်း လျန်မှုန်းဆာခေါင်းနှင့် အစိုးရအစုအဖွဲ့မှ UPDJC အတွင်းရေးမှူးအဖွဲ့ဝင် ဦးလှမောင်ရွှေ တို့အား တွေ့ဆုံမေးမြန်းခဲ့သည်များကို ထုတ်နုတ်ဖော်ပြအပ်ပါသည်။

ဒေါက်တာဆလိုင်းလျန်မှုန်းဆာခေါင်း (တိုင်းရင်းသားလက်နက်ကိုင်များအစုအဖွဲ့မှ ချင်းအမျိုးသားတပ်ဦး ဒုတိယဥက္ကဋ္ဌ)

''ပြီးခဲ့တဲ့ အောက်တိုဘာ ၁၅ ရက်မှာ ကျွန်တော်တို့ တိုင်းရင်းသားလက်နက်ကိုင် ထိပ်သီးခေါင်းဆောင်တွေနဲ့ အစိုးရဘက်က နိုင်ငံတော်၏အတိုင်ပင်ခံပုဂ္ဂိုလ်နဲ့ တပ်မတော် ကာကွယ်ရေးဦးစီးချုပ် အပါအဝင် ခေါင်းဆောင်ကြီးများ သီးသန့်အစည်းအဝေး လုပ်ပါတယ်။ အဲဒီအစည်းအဝေးမှာ ကျွန်တော် တို့ ငြိမ်းချမ်းရေးဖြစ်စဉ်ကို အဆင်ပြေ ချောမွေ့အောင်ဆောင်ရွက်ပါ၊ ကောင်းအောင် လုပ်ပေးပါဆိုတဲ့ ညွှန်ကြားချက်ရှိတယ်။ ဒါကြောင့် ဒီအတိုင်းကျွန်တော်တို့ ဆောင်ရွက် တာဖြစ်တယ်။

''နောက်အရေးကြီးတဲ့ ကိစ္စတွေမှာလည်း ခေါင်းဆောင်ကြီးများ ကိုယ်တိုင်ပါဝင်ပြီး ဆုံးဖြတ်ချက်တွေ၊ လမ်းညွှန်ချက်တွေ ချပေး နိုင်ဖို့ဆိုတာ ရှိပါတယ်။ အဲဒါကတော့ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် အကောင်အထည်ဖော်မှု ဆိုင်ရာ ညှိနှိုင်းအစည်းအဝေး(JICM ) နဲ့ သက်ဆိုင်တဲ့ ဆုံးဖြတ်ချက်ဖြစ်ပါတယ်။ အဲဒါ ကြောင့် ကျွန်တော်တို့ မူဘောင်ကို စနစ်တကျ ထည့်သွင်းဖို့ လိုအပ်ပါတယ်။ ယခင်က JICM ရဲ့ မူဘောင်မှာJICM ကို ပေးထားတာက တစ်ခုပဲရှိတယ်။ အခက်အခဲရှိရင် ဖြေရှင်းဖို့ ဆိုတဲ့နည်းလမ်းဖြစ်တယ်။ အခုက အခက်အခဲ ရှိရှိ၊ မရှိရှိ UPDJCကို ကြီးကြပ်ပေးဖို့၊ လမ်းကြောင်းချပေးဖို့၊ လမ်းညွှန်ချက်တွေ ပေးဖို့ဆိုတာ တကယ့်ထိပ်သီးခေါင်းဆောင် တွေမှာ အများကြီးပါဝင်ဖို့ လိုအပ်တယ် ဆိုတာ တွေ့ရတယ်။ ဒါကြောင့်JICMကို လုပ်ပိုင်ခွင့်တွေ အများကြီးပိုပေးပြီး မြှင့်တင် ထားတာရှိတယ်။ အဲဒီမြှင့်တင်ထားတဲ့အပိုင်း ကို မူဘောင်မှာ စနစ်တကျ ပြန်ထည့်ထား တယ်။

''အဲဒါအပြင် ထိပ်သီးအစည်းအဝေးမှာ ဆုံးဖြတ်ပေးလိုက်တာက UPDJC ကို အစည်း အဝေးပုံစံမျိုးနဲ့ လုပ်ရုံနဲ့ မလုံလောက်ဘူး။ UPDJC အတွင်းရေးမှူးအဖွဲ့ကိုလည်း သုံးလ တစ်ခါလောက်တွေ့ရုံနဲ့ တိုင်းပြည်အတွက် အရေးကြီးတဲ့ကိစ္စကို အစည်းအဝေးပုံစံ လုပ်လို့ အဆင်မပြေဘူး။ အမြဲတမ်း စဉ်ဆက် မပြတ် ကော်မတီတစ်ခုလို လုပ်ဖို့ဆိုတဲ့ ညွှန်ကြားချက်ရှိပါတယ်။ ဒါကြောင့် UPDJCကို အမြဲတမ်းကော်မတီပုံစံ အစည်းအဝေး ထိုင်နိုင်ဖို့နဲ့ အတွင်းရေးမှူးအဖွဲ့လည်း အလုပ် လုပ်နိုင်ဖို့ ရုံးရှိဖို့ လိုတယ်။ ရုံးတွေ စနစ်တကျ လုပ်ဖို့လိုတယ်။ နည်းပညာအထောက်အကူ ပေးနိုင်တဲ့ ပညာရှင်တွေနဲ့လည်း စဉ်ဆက် မပြတ် တွေ့ဆုံဖို့ကို ဖန်တီးဖို့လိုတယ်။ ဒါကို ဆောင်ရွက်ဖို့ဆိုတာ ပါပါတယ်။

''အခု ဆွေးနွေးပွဲအများစုက လုပ်ငန်း ကော်မတီမှာ လုပ်တာဖြစ်တယ်။ လုပ်ငန်း ကော်မတီမှာ အလုပ်လုပ်နိုင်ဖို့အတွက် အခင်း အကျင်းတစ်ခု ဖန်တီးပေးဖို့လိုတယ်။ ဒါတွေ ကို အခုအစည်းအဝေးမှာ ဆွေးနွေးထားတယ်။ ဒါကို လူကြီးတွေဆီ တင်ပြမယ်။ မကြာခင်မှာUPDJC အစည်းအဝေး ခေါ်ယူပြီး အတည် ပြုမယ်။ အခုရေးဆွဲနေတဲ့ပုံစံအတိုင်း ညီလာခံ ကို ကျင်းပမယ်ဆိုရင် ညီလာခံမှာ ဆုံးဖြတ် အတည်ပြုပေးတဲ့ပုံစံကိုလည်း တတ်နိုင်သရွေ့ ပိုပြီးစနစ်ကျအောင် လုပ်ထားတာရှိတယ်။ အခု မူဘောင်အတိုင်း လုပ်မယ်ဆိုရင် ငြိမ်းချမ်းရေးအတွက် အထောက်အကူ အများကြီး ပြုနိုင်မယ်လို့ ပြောချင်ပါတယ်။

''အခုအစည်းအဝေးက အတွင်းရေးမှူး နဲ့ နည်းပညာအစည်းအဝေးဖြစ်တယ်။ ထို့အတွက်ကြောင့် ဒီနေ့ ဆွေးနွေးတဲ့ ဆွေးနွေးချက်အားလုံးကို အဖွဲ့အစည်းအသီး သီးမှာ တင်ပြမယ်။ အတည်ပြုမယ်။ ကရင် အမျိုးသားအစည်းအရုံး (KNU) အနေနဲ့ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) အစည်းအဝေး မကြာခင် ကျင်းပရင် ပြန်လည်ပါဝင်မယ်။ ကျွန်တော်တို့နဲ့ ပူးပေါင်း ဆောင်ရွက်မယ်လို့ မျှော်လင့်တယ်။ အဲဒီအခါ ကျွန်တော်တို့ တင်ပြတာကို KNU အနေနဲ့ ပြင်ချင်တယ်ဆိုရင် ပြင်လို့ရတယ်။ ဒါကို UPDJC မှာ တင်ပြမယ်။ အဆုံးအဖြတ် ပေးတာကတော့ UPDJC ဖြစ်ပါတယ်။ NCA စာချုပ်အရ ဆောင်ရွက်တာမို့ UPDJCဟာ မူဘောင်ကို ပြုပြင်နိုင်တဲ့ အာဏာရှိပါတယ်။ နိုဝင်ဘာလအတွင်း UPDJCအစည်းအဝေး ခေါ်ဖို့ အစိုးရနဲ့ နိုင်ငံရေးပါတီတွေက တင်ပြ တာရှိပါတယ်။ အဲဒါကိုလည်း ဆွေးနွေးဖို့ ယူသွားပြီး PPST မှာ တိုင်ပင်မှာဖြစ်ပါတယ်။ အခက်အခဲ အများကြီးပါတယ်။ ဘယ်လောက် ပဲရှိရှိ ကျွန်တော်တို့အားလုံး ကျော်ဖြတ်မယ်။ အကောင်းဆုံးဖြစ်အောင် ကြိုးစားပြီး ဆောင်ရွက်ပါမယ်။

ဦးလှမောင်ရွှေ(UPDJCအတွင်းရေးမှူးအဖွဲ့ဝင်)

''အခုအစည်းအဝေးကရတဲ့ ကျွန်တော် တို့ရဲ့ မူဘောင်သဘောထား စုစည်းချက် တွေကို သက်ဆိုင်ရာ အစုအဖွဲ့တွေက သက်ဆိုင်ရာ ခေါင်းဆောင်တွေဆီ ပြန်သယ် သွားမယ်။ UPDJC အတွင်းရေးမှူးတွေရဲ့ အစည်းအဝေးမှာ ဒါကို စုစည်းပြီး ၁၈ ကြိမ် မြောက် UPDJC အစည်းအဝေးမှာ ပြန်လည် တင်သွင်းပြီး ညှိနှိုင်းမယ်။ သဘောတူညီချက် တွေ ယူမယ်။ အဲဒီသဘောတူညီချက်တွေနဲ့ အညီ လာမယ့်ညီလာခံကို ဆက်လက်ကျင်းပ ပါမယ်။ အခု မူဘောင်သုံးသပ်ချက်က ပြီးခဲ့ တဲ့ ညီလာခံရဲ့ အတွေ့အကြုံကိုယူပြီး ခက်ခဲ နေတဲ့ အချို့အပိုင်းတွေကို ရှင်းလင်းလွယ်ကူ အောင် လုပ်ဆောင်ဖို့ဆိုတာရှိတယ်။ ဒါပေမယ့် တိုင်းရင်းသားလက်နက်ကိုင်အဖွဲ့အစည်းတွေ အနေနဲ့ ဒီမှာ သဘောတူလို့မရဘူး။ သူတို့ရဲ့ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ (PPST) ကို ပြန်တင်ပြရမယ်။ အစုအဖွဲ့ သုံးစုလုံးရဲ့အမြင်က ကွဲပြားတာမတွေ့ရဘူး။ ကျွန်တော်တို့ အစိုးရ၊ လွှတ်တော်၊ တပ်မတော် အစုအဖွဲ့ဘက်မှာ အခက်အခဲမရှိဘူး။ နိုင်ငံရေး ပါတီအစုအဖွဲ့လည်း မရှိဘူး။ တိုင်းရင်းသားလက်နက်ကိုင် အဖွဲ့အစည်းတွေ ဘက်မှာတော့ သူတို့ရဲ့ ခေါင်းဆောင်တွေကို ပြန်တင်ပြရမယ်ဆိုတဲ့ ကန့်သတ်ချက်ရှိတာ ကြောင့် သဘောထားစုစည်းချက်လို့ပဲ သုံးပြီး အဆုံးသတ်နိုင်တဲ့ အနေအထားပါ။

''နိုဝင်ဘာလ ၁၂၊ ၁၃ ရက်မှာတော့ နေပြည်တော်မှာ စုစည်းချက်တွေထဲကနေ သီးခြားတာဝန်ပေးတဲ့ အတွင်းရေးမှူးတွေ ကနေ လုပ်ငန်းလမ်းညွှန် (ToR) တွေကို တွေ့ပြီး ညှိဖို့ရှိတယ်။ အတွင်းရေးမှူး အစည်း အဝေးကို အစိုးရ၊ တပ်မတော်ဘက် အဆိုပြု တာရှိတယ်။ အဲဒီရက်တွေမှာ လုပ်နိုင်ဖို့ တိုင်းရင်းသားလက်နက်ကိုင် အဖွဲ့အစည်း တွေကလည်း အကြောင်းပြန်ပါမယ်။ နိုဝင်ဘာလ မကုန်ခင် UPDJC အစည်း အဝေး ခေါ်နိုင်ဖို့ ညှိနှိုင်းချက်တွေမှာ ပါပါ တယ်။ ဒါတွေကို တိုင်းရင်းသားလက်နက်ကိုင် အဖွဲ့အစည်းတွေဘက်က အတည်ပြု အကြောင်းပြန်တာမျိုး လုပ်ပေးရမယ်။

သတင်း-ရဲခေါင်ညွန့်
ဓာတ်ပုံ-ဖိုးထောင်