မြန်မာ့အလင်းအယ်ဒီတာအာဘော်
လက်ရှိရခိုင်ပြည်နယ်အရေးသည် အာဆာအကြမ်းဖက်အုပ်စုက ၂ဝ၁၆ ခုနှစ်၊ အောက်တိုဘာလနှင့် ၂ဝ၁၇ ခုနှစ်၊ သြဂုတ်လတွင် ရဲကင်းစခန်း ၃ဝ နှင့် နယ်မြေခံတပ်ရင်းဌာနချုပ်တို့ကို ကြိုတင်အကွက်ချ စီစဉ်တိုက်ခိုက် ရာမှ ဖြစ်ပေါ်ခဲ့ခြင်းသည် ဖုံးကွယ်၍မရသော ပကတိအမှန်တရားဖြစ်ပါ သည်။ နေရပ်စွန့်ခွာသူ ထောင်ပေါင်းများစွာတို့ တစ်ဖက်အိမ်နီးချင်းနိုင်ငံသို့ ထွက်ပြေးခဲ့ရခြင်း၏ အခြေခံအကြောင်းတရားသည်လည်း ဤတိုက်ခိုက်မှု များအပေါ် အခြေခံဖြစ်ပေါ်လာသည့် အာဆာအကြမ်းဖက်အုပ်စု၏ ရက်စက်ကြမ်းကြုတ်သည့် သတ်ဖြတ်မှုများကြောင့် ဖြစ်ပါသည်။
အာဆာအကြမ်းဖက်အဖွဲ့သည် ဟိန္ဒူဘာသာဝင်ရွာသားတစ်ရာခန့် အပါအဝင် ရာပေါင်းများစွာသော အပြစ်မဲ့ပြည်သူတို့ကို သတ်ဖြတ်ခဲ့ပါ သည်။ ဤသို့ သတ်ဖြတ်ခံခဲ့ရသူများတွင် မွတ်စလင်များပင် ပါဝင်ပါသည်။ အာဆာ အကြမ်းဖက်အဖွဲ့က အစိုးရကို ထောက်ခံသည်ဟူသောစွပ်စွဲချက်ဖြင့် ဘာသာတူမွတ်စလင်တို့ကိုပင် သတ်ဖြတ်ခဲ့ပါသည်။ အဖျက်အမှောင့် အင်အားစုတို့က ထောင်ပေါင်းများစွာသော နေရပ်စွန့်ခွာသူတို့ တစ်ဖက် နိုင်ငံသို့ ထွက်ပြေးခဲ့ကြရသည်ကိုသာ တစ်ဖက်သတ်မီးမောင်းထိုးပြောဆိုနေကြ သော်လည်း အမှန်တကယ်မှာမူ အပြစ်မဲ့ပြည်သူပေါင်းများစွာတို့သည်လည်း မိမိတို့နေအိမ်တို့ကိုစွန့်ခွာ၍ ရခိုင်ပြည်နယ်အတွင်း တခြားဒေသများသို့ တိမ်းရှောင်ထွက်ပြေးခဲ့ကြရပါသည်။ လက်ရှိပဋိပက္ခ သည် မွတ်စလင် တို့ကိုသာ ထိခိုက်စေခဲ့သည်မဟုတ်၊ ရခိုင်ပြည်နယ်အတွင်းရှိ လူ့အသိုက်အဝန်းအားလုံးကို ထိခိုက်ခဲ့စေခြင်းဖြစ်ပါသည်။ ဤသဘော သဘာဝနှင့်အညီ လူ့အခွင့်အရေးကိစ္စကိုင်တွယ်ဆောင်ရွက်ရာ၌လည်း လူ့အသိုင်းအဝိုင်း အားလုံး၏ လူ့အခွင့်အရေးကိစ္စကို ကိုင်တွယ်ဆောင်ရွက် ရမည်ဖြစ်ပါသည်။
သို့သော် မြန်မာနိုင်ငံဆိုင်ရာ လွတ်လပ်သောနိုင်ငံတကာအချက် အလက် ရှာဖွေရေးအဖွဲ့ (FFM) သည် အာဆာအကြမ်းဖက်အဖွဲ့က ခမောင်းဆိပ်၌ ဟိန္ဒူဘာသာဝင် ၁ဝဝ ဦးခန့် သတ်ဖြတ်ခဲ့သည်ကို ကျူးလွန်သူ မရေမရာဖြစ်လေဟန် ပုံဖမ်းထားသော်လည်း တစ်ဖက်၌ မြန်မာ့တပ်မတော်နှင့် လုံခြုံရေးတပ်ဖွဲ့တို့က မွတ်စလင်တို့အပေါ် လူ့အခွင့် အရေးချိုးဖောက်မှုများနှင့် ကျူးလွန်မှုများပြုလုပ်ခဲ့သည်ဟု တစ်ဖက်သတ် ဆုံးဖြတ်ချက်ချမှတ်ပြီး ဖြစ်နေပါသည်။ ဤအချက်သည်လည်း အံ့သြ စရာမဟုတ်ပါ။ မြန်မာနိုင်ငံဆိုင်ရာ လွတ်လပ်သောနိုင်ငံတကာအချက် အလက်ရှာဖွေရေးအဖွဲ့(FFM) ဖွဲ့စည်းမှုကို ဖြစ်ပေါ် စေခဲ့သည့် လူ့အခွင့် အရေးကောင်စီ၏ ဆုံးဖြတ်ချက်အမှတ် ၃၄/၂၂ ၌ မြန်မာနိုင်ငံ၊ အထူး သဖြင့် ရခိုင်ပြည်နယ်တွင် တပ်မတော်နှင့် လုံခြုံရေးအဖွဲ့များ၏ မကြာသေး မီက လူ့အခွင့်အရေးချိုးဖောက်မှုနှင့် ကျူးလွန်မှုများစွပ်စွဲချက်များနှင့် ပတ်သက်၍ ကျူးလွန်သူများကို အပြည့်အဝတာဝန်ယူမှုရှိစေရန်နှင့် ကျူးလွန်ခံရသူများအတွက် တရားနည်းလမ်းတကျ ဖြစ်စေရန် အခြေ အနေနှင့်အချက်အလက်များကို စုဆောင်းရေးအတွက် ဖွဲ့စည်းထူထောင်ရန် ဟု လုပ်ပိုင်ခွင့်ပေးထားခြင်းက မြန်မာ့တပ်မတော်နှင့် လုံခြုံရေးတပ်ဖွဲ့များ အပေါ် တစ်ဖက်သတ်အပြစ်ပုံထားခြင်းကို ပေါ်လွင်ထင်ရှားစေပါသည်။ တစ်ဖန် ''လူမျိုးတုံးသတ်ဖြတ်ရန်ရည်ရွယ်သည်'' ဟု ဥပဒေမဲ့၊ သက်သေ အထောက်အထားမရှိ ကောက်ချက်ချခဲ့ခြင်းသည် တစ်ဖက်သတ်ရပ်တည် ချက်ကို ပို၍ပို၍ ပေါ်လွင်ထင်ရှားစေပါသည်။
နိုင်ငံတော်အစိုးရသည် လုံလောက်သော သက်သေအထောက်အထား ရှိပါက မည်သည့်လူ့အခွင့်အရေးချိုးဖောက်ကြောင်း စွပ်စွဲချက်ကိုမဆို တာဝန်ခံမှုရှိစေရန် ကတိကဝတ်ပြုထားသကဲ့သို့ လက်တွေ့၌လည်း လုပ်ထုံး လုပ်နည်းနှင့်စည်းကမ်းများအား ဖောက်ဖျက်ကျူးလွန်ခဲ့သည့် တပ်မတော် နှင့် ရဲဝန်ထမ်းများ၊ အရပ်သားများကို ဥပဒေကြောင်းအရ အရေးယူခဲ့ပြီး ဖြစ်ပါသည်။ ဤမျှပေါ်လွင်ထင်ရှားသော အချက်အလက်များရှိပါလျက် မြန်မာနိုင်ငံအပေါ် တစ်ဖက်သတ်အရေးယူရန် ကြံစည်ကြိုးပမ်းမှုတို့သည် ရခိုင်ပြည်နယ်အပါအဝင် ဒေသတစ်ခုလုံးအတွက် မည်သည့်ကောင်းကျိုး ရလဒ်ကိုမှ ဖန်တီးပေးမည်မဟုတ်ပါကြောင်း တင်ပြအပ်ပါသည်။ ။
No comments:
Post a Comment