နေပြည်တော် အောက်တိုဘာ ၂၇
မြန်မာနိုင်ငံရဲတပ်ဖွဲ့ရဲချုပ် ဒုတိယရဲဗိုလ် ချုပ်ကြီး အောင်ဝင်းဦးနှင့်အဖွဲ့သည် ထိုင်းနိုင်ငံတော်ဝင်ရဲတပ်ဖွဲ့ ရဲချုပ် ရဲဗိုလ် ချုပ်ကြီး Chakthip Chaijinda ၏ ဖိတ်ကြားချက်အရ အောက်တိုဘာ ၂၃ ရက်မှ ၂၆ ရက်အထိ ထိုင်းနိုင်ငံ ဗန်ကောက်မြို့တွင် ကျင်းပသည့် POLSEC 2018 နိုင်ငံတကာ နည်း ပညာအထောက်အကူပြုပစ္စည်းပြပွဲသို့ တက်ရောက်လေ့လာသည်။
ခရီးစဉ်အတွင်း မြန်မာနိုင်ငံရဲတပ်ဖွဲ့ ရဲချုပ်သည် ထိုင်းတော်ဝင်ရဲတပ်ဖွဲ့ ရဲချုပ် နှင့် သီးခြားတွေ့ဆုံ၍ နှစ်နိုင်ငံရဲတပ်ဖွဲ့ အကြား ပူးပေါင်းဆောင်ရွက်မည့် နယ်ပယ်များ၊ Cyber Crime ၊ DNA နည်းပညာနှင့်ပတ်သက်သည့် လူ့စွမ်းအား အရင်းအမြစ် မြှင့်တင်နိုင်မည့်သင်တန်းဆိုင်ရာကိစ္စရပ်များ၊ မူးယစ်ဆေးဝါးစစ် ဆေးရှာဖွေရေးခွေးများ၊ သင်တန်းလေ့ကျင့်နိုင်မည့်ကိစ္စရပ်များ ဆွေးနွေးခဲ့သည်။
ဆက်လက်၍ ရဲချုပ်နှင့်အဖွဲ့သည် ထိုင်းတော်ဝင်ရဲတပ်ဖွဲ့ကွပ်ကဲမှုအောက်ရှိ ထိုင်းရဲအကယ်ဒမီ၊ အကြမ်းဖက်မှု တန်ပြန်နှိမ်နင်းရေး သင်တန်းကျောင်း၊ Crime Scene Investigation Department တို့၏ လုပ်ငန်းဆောင် ရွက်မှုအခြေအနေများကိုလည်း သွား ရောက်လေ့လာခဲ့ကြောင်း သတင်းရရှိ သည်။
သတင်းစဉ်
No comments:
Post a Comment