မူးယစ်ဆေးဝါးပြဿနာ ပြည်သူအားဖြင့် အဖြေရှာ

မြန်မာ့အလင်းအယ်ဒီတာအာဘော်

၂ဝ၁၈ ခုနှစ် အောက်တိုဘာလ ၁၉ ရက်နေ့တွင် နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်သည် မြစ်ကြီးနားမြို့ လယ်ကုန်းရပ်ကွက်ရှိ မူးယစ်ဆေးဖြတ်သူများ၏ ပြန်လည်ထူထောင်ရေးစခန်းသို့ ဒေါ်ခင်ကြည် ဖောင်ဒေးရှင်းမှ လှူဒါန်းထားသည့် အဆောက်အအုံ လွှဲပြောင်းပေးအပ်ပွဲ အခမ်းအနားသို့ တက်ရောက်၍ နှုတ်ခွန်းဆက်စကား ပြောကြားခဲ့ပါသည်။ ဤနှုတ်ခွန်းဆက်စကား၌ နိုင်ငံတော်၏ အတိုင်ပင်ခံပုဂ္ဂိုလ်က မူးယစ် ဆေးဝါးစွဲသူများနှင့် မူးယစ်ဆေးဝါးပြဿနာတို့အပေါ် နိုင်ငံသူ နိုင်ငံသား တို့ ထားရှိသင့်သော သဘောထားတို့ကို အကျယ်တဝင့် ရှင်းလင်းပြောကြား ခဲ့ပါသည်။
နိုင်ငံတော်၏ အတိုင်ပင်ခံပုဂ္ဂိုလ်က မူးယစ်ဆေးဝါးစွဲသူများထဲမှ လူငယ်ဖြစ်စေ၊ လူလတ်ဖြစ်စေ ပြန်လည်ထူထောင်နိုင်ရေးက ပြည်သူ အားလုံးနှင့် သက်ဆိုင်နေသည်ကို ညွှန်ပြဆွေးနွေးခဲ့ပါသည်။ ပြည်သူ ဆိုရာ၌လည်း ကိုးကွယ်ယုံကြည်ရာဘာသာ၊ လူမျိုး၊ နိုင်ငံရေးအယူအဆ တို့အပေါ် မူတည်ခြင်းမပြု၊ လူတိုင်းလူတိုင်းနှင့် သက်ဆိုင်နေသည်ကို နိုင်ငံတော်၏ အတိုင်ပင်ခံပုဂ္ဂိုလ်က တစ်ပါတည်း ထောက်ပြခဲ့ပါသည်။ မူးယစ်ဆေးဝါးပြဿနာကို ရင်ဆိုင်ရာ၌ ပြည်သူတို့သည် လူသားချင်း စာနာသောစိတ်အပေါ် အခြေခံလျက် မိမိ၏လူမှုဝန်းကျင် တည်ငြိမ်ရေး အတွက် ကြိုးပမ်းဆောင်ရွက်သင့်ကြောင်းကို နိုင်ငံတော်၏ အတိုင်ပင်ခံ ပုဂ္ဂိုလ်က ထပ်ဆင့်ဆွေးနွေးခဲ့ပါသည်။
နိုင်ငံတော်၏ အတိုင်ပင်ခံပုဂ္ဂိုလ်က òန်ပြသကဲ့သို့ မူးယစ်ဆေးဝါး ပြဿနာသည် ကမ္ဘာလုံးဆိုင်ရာ ပြဿနာဖြစ်ပါသည်။ မူးယစ်ဆေးဝါး ပြဿနာကို ကိုင်တွယ်ဖြေရှင်းရာ၌ က္ဘာ့အချမ်းသာဆုံးနိုင်ငံများပင် အပြီးအပြတ် မဖြေရှင်းနိုင်သော အခြေအနေမျိုး၌ ဖွံ့ဖြိုးစနိုင်ငံများအနေ ဖြင့် ပို၍ပို၍ ခက်ခဲစွာ ရင်ဆိုင်ဖြေရှင်းရပါသည်။ ဤအချက်ကို နိုင်ငံတော် ၏ အတိုင်ပင်ခံပုဂ္ဂိုလ်က အသိအမှတ်ပြု ပြောကြားခဲ့သည့်နည်းတူ မြန်မာ နိုင်ငံသူ နိုင်ငံသားတို့၏ ပင်ကိုသဘာဝစိတ်ဓာတ်က မူးယစ်ဆေးဝါး ပြဿနာအား ဖြေရှင်းရာ၌ အထောက်အပံ့ကောင်းတစ်ရပ် ဖြစ်နေသည် ကို လေးလေးနက်နက် ဆွေးနွေးခဲ့ပါသည်။ နိုင်ငံတော်၏ အတိုင်ပင်ခံ ပုဂ္ဂိုလ်က ''တစ်ဖက်က ကျွန်မတို့ ပြည်သူ ပြည်သားတွေရဲ့ မျှဝေချင်တဲ့စိတ် ထက်သန်ခြင်းကြောင့် ဒီကိစ္စတွေကို ကျွန်မတို့ ကိုင်တွယ်တဲ့နေရာမှာ အားသာချက်တွေ ရှိပါတယ်။ အားသာချက်က ပေးချင်ကမ်းချင်တဲ့စိတ်၊ ကုသိုလ်ပြုချင်တဲ့စိတ်ပါ။ ကောင်းတဲ့အမှုတွေကို ပြုချင်တဲ့စိတ်၊ လှူဒါန်း ချင်တဲ့စိတ်ပါ။ လှူဒါန်းချင်တယ်ဆိုတာ ရုပ်ပိုင်းဆိုင်ရာ ငွေရေးကြေးရေး အရ လှူဒါန်းတာတို့၊ ပစ္စည်းလှူတာတို့ အဲဒီဟာတွေထက်ပိုပြီး အရေးကြီး တာက ကိုယ့်ရဲ့စွမ်းအား၊ ကိုယ့်ရဲ့အချိန်၊ ကိုယ့်ရဲ့မေတ္တာ၊ စေတနာတွေကို ရင်းနှီးပြီးတော့ လုပ်ပေးတာဟာ အင်မတန်မှ အရေးကြီးပါတယ်'' ဟု ဆွေးနွေးပြီး မြန်မာနိုင်ငံသူ နိုင်ငံသားတို့၏ ဂုဏ်ယူဖွယ်စိတ်ဓာတ်ကို မီးမောင်းထိုး တင်ပြခဲ့ပါသည်။
နိုင်ငံတော်၏ အတိုင်ပင်ခံပုဂ္ဂိုလ်က မူးယစ်ဆေးဝါးဖြတ်ရာ၌ မိသားစု၊ မိတ်ဆွေတို့၏ နွေးထွေးဖေးမမှုက အရေးပါသည်ကို ထောက်ပြလျက် မူးယစ်ဆေးပြတ်ပြီးသူများ၏ ပြန်လည်ထူထောင်ရေးစခန်း အောင်မြင် ရေးအတွက် ပြည်သူတို့က နည်းမျိုးစုံဖြင့် ဘက်စုံပံ့ပိုးကူညီရန် လှုံ့ဆော် စည်းရုံးတင်ပြဆွေးနွေးခဲ့ပါသည်။ ဤပြန်လည်ထူထောင်ရေးစခန်းနှင့် ဆက်စပ်၍ နိုင်ငံတော်၏ အတိုင်ပင်ခံပုဂ္ဂိုလ်က ''ပြည်သူလူထုက တက်တက်ြ<ွကြ<ွကနဲ့ ပါဝင်ပတ်သက်မှုမရှိရင် ဘယ်လုပ်ငန်းမှ မအောင်မြင် နိုင်ပါဘူး။ ဘယ်အစိုးရကမှ ပြည်သူလူထုရဲ့ ထောက်ပံ့မှုမရှိဘဲနဲ့ အောင်မြင် မှုမရနိုင်ပါဘူး။ ဘယ်လောက်ပဲ အတော်ဆုံးလူတွေနဲ့ ဖွဲ့စည်းထားတဲ့ အစိုးရဖြစ်စေ ပြည်သူလူထုရဲ့ ထောက်ပံ့မှု၊ ကူညီဝိုင်းဝန်းမှုနဲ့သာ အောင်မြင်မှုရနိုင်ပါတယ်''ဟု ပြောကြားခဲ့ခြင်းသည် ဒီမိုကရေစီ အသွင်ကူးပြောင်း ဖော်ဆောင်ရေး၏ နိုင်ငံရေးအနှစ်သာရကို ဖော်ကျူး လိုက်ခြင်းဖြစ်ပါကြောင်း လေးစားစွာ တင်ပြအပ်ပါသည်။ ။