မြန်မာနိုင်ငံတွင် စီးပွားရေးအခြေအနေကောင်းခြင်း၊ မကောင်းခြင်းတို့ကို ဆွေးနွေးငြင်းခုံ ပြောဆိုကြသည်။ လတ်တလော ဖြစ်ပေါ်နေသည့် အခြေအနေပေါ်မူတည်၍ စီးပွားရေးကျဆင်းမှုကို အဓိကပြောဆိုကြ သည်။ လက်ရှိအခြေအနေအရ မြန်မာနိုင်ငံရှိ စီးပွားရေးလုပ်ငန်းများ ကျဆင်းမှုရှိသည်မှာ မှန်သော်လည်း သေချာရေရာ တိကျသော အချက် အလက်ဖြင့် ဆွေးနွေးငြင်းခုံအဖြေရှာဖို့ လိုအပ်သည်။
စီးပွားရေးမကောင်းခြင်းပြဿနာကို ကိုင်တွယ်ဖြေရှင်း အဖြေရှာ ဆောင်ရွက်နိုင်ရန်အတွက် တိကျသေချာသော စီးပွားရေးဆိုင်ရာ အချက်အလက်များရှိရန်လိုအပ်ပြီး ထိုအချက်အလက်များဖြင့် အကျိုးပြု စီးပွားရေးစစ်တမ်းများ ထုတ်ဖော်ကြရမည်ဖြစ်သည်။ ယင်းနှင့်ပတ်သက်၍ ''မြန်မာနိုင်ငံ စီးပွားရေးလုပ်ငန်းများအား စောင့်ကြည့်လေ့လာသည့် စနစ်''ကို တည်ထောင်ရန်အတွက် ၂ဝ၁၇-၂ဝ၁၈ ခုနှစ်နှင့် ၂ဝ၁၉-၂ဝ၂ဝ ခုနှစ် အကြားတွင် အသေးစားနှင့် အလတ်စားစီးပွားရေးလုပ်ငန်း များ၏ အရေအတွက်ဆိုင်ရာ စစ်တမ်းနှစ်ခု၊ အရည်အသွေးဆိုင်ရာ စစ်တမ်းနှစ်ခုတို့ကို ကုန်ထုတ်လုပ်မှုကဏ္ဍအတွက် ဒိန်းမတ်-မြန်မာနိုင်ငံ ဆိုင်ရာ အစီအစဉ်တစ်ခုမှ စစ်တမ်းကောက်ယူမည်ဟု သိရသည်။
အဆိုပါအစီအစဉ်သည် မြန်မာနိုင်ငံတွင် အရည်အသွေးရှိပြီး ယုံကြည်ကိုးစားနိုင်သည့် အချက်အလက်များ စုဆောင်းသိုမှီးထားရှိပြီး အသုံးပြုနိုင်သည်။ ယင်းအထောက်အထားများကိုအခြေပြု၍ ကောင်းမွန် သော စီးပွားရေးမူဝါဒများကို ချမှတ်နိုင်မည်၊ ဦးစားပေးကဏ္ဍများ သတ်မှတ်နိုင်မည်၊ စီမံကိန်းရေးဆွဲ အကောင်အထည်ဖော်ခြင်းနှင့် စောင့်ကြပ်ကြည့်ရှုခြင်းများ ဆောင်ရွက်နိုင်မည်ဖြစ်၍ စီးပွားရေးဖွံ့ဖြိုးမှု အတွက် များစွာအကျိုးပြုမည့် ထိုအစီအစဉ်ကို ကြိုဆိုရမည်ဖြစ်သည်။
မြန်မာနိုင်ငံတွင် စီးပွားရေးလုပ်ငန်းများကို လုပ်ကိုင်ဆောင်ရွက် သည်ဖြစ်စေ၊ စီးပွားရေးဆိုင်ရာ အချက်အလက်များကိုရှာဖွေသည်ဖြစ်စေ ငွေရေးကြေးရေးနှင့် နည်းပညာအကူအညီများလိုအပ်သည်။ မြန်မာ နိုင်ငံ၏ လိုအပ်ချက်မှာ ဓနဥစ္စာနှင့် နည်းပညာဖြစ်၍ ထိုအချက်များကို ရှာဖွေရယူရမည်ဖြစ်သည်။ စီးပွားရေးပြန်လည်ဦးမော့လာစေရန် အစပျိုး လုပ်ကိုင်မှုအတွက် အငယ်စား၊ အသေးစားနှင့် အလတ်စားစီးပွားရေးလုပ်ငန်းများမှာ အဓိကကျသည်။ ထိုစီးပွားရေးလုပ်ငန်းများ၏ ကုန်ထုတ်လုပ်မှု စစ်တမ်း(၂ဝ၁၇)အစီရင်ခံစာနှင့်စပ်လျဉ်း၍ ရှင်းလင်း တင်ပြသည့် အခမ်းအနားကို သြဂုတ်လ ၂၇ ရက်နေ့က နေပြည်တော်တွင် ကျင်းပခဲ့ရာ စီးပွားရေးဖွံ့ဖြိုးမှုအတွက် အဓိကလိုအပ်ချက်များကို သိရှိ ရသည်။
အဆိုပါစစ်တမ်းအတွက် မြန်မာနိုင်ငံရှိ ကုန်ထုတ်လုပ်ငန်းပေါင်း ၇၁ဝဝဝ ကျော်ကို ကိုယ်စားပြုပြီး ချဉ်းကပ်ဆောင်ရွက်ထားသည်ကို တွေ့ရသည်။ အသေးစား၊ အလတ်စားစီးပွားရေးလုပ်ငန်းများ ဖွံ့ဖြိုး တိုးတက်ရေးအတွက် အထောက်အကူပြုနိုင်မည့်လိုအပ်ချက်များ၊ ယှဉ်ပြိုင်နိုင်စွမ်း တိုးတက်ရေးအတွက် လိုအပ်ချက်များ၊ စိန်ခေါ်မှုများကို ဖော်ထုတ်ပေးထားသည်။ ထို့အပြင် လုပ်ငန်းလည်ပတ်သူများနှင့် လုပ်ငန်းစတင်လုပ်ဆောင်မည့်သူများ ဘဏ္ဍာငွေရရှိနိုင်မှု အချက်အလက် များ၊ နည်းပညာနှင့် စီမံခန့်ခွဲမှုဆိုင်ရာ ဝိသေသလက္ခဏာများ၊ လုပ်ငန်း စွမ်းဆောင်မှု၊ လုပ်သားအင်အား၊ ထီထွင်ဆန်းသစ်မှု၊ ရင်းနှီးမြှုပ်နှံမှု၊ ရောင်းလိုအား၊ ဘဏ္ဍာရေးလက်လှမ်းမီမှု (ချေးငွေရရှိမှု)၊ လက်ရှိစီးပွားရေး ဝန်းကျင်မှ အကန့်အသတ်များ၊ အလားအလာများ၊ စီးပွားရေးဆိုင်ရာ စည်းမျဉ်းစည်းကမ်းများ စသည့်အချက်အလက်များကို ဖော်ထုတ်ထား သည်။
သို့ဖြစ်ရာ မြန်မာနိုင်ငံရှိ စီးပွားရေးလုပ်ငန်းများ ပြန်လည်ဦးမော့ လာစေရေးအတွက် အခြေခံကျသည့် အငယ်စား၊ အသေးစားနှင့် အလတ်စားစီးပွားရေးလုပ်ငန်းများ၏ ဖွံ့ဖြိုးတိုးတက်ရေးဆိုင်ရာ လိုအပ်မှု အသေးစိတ်အချက် အလက်များသည် အရည်အသွေးရှိပြီး ယုံကြည် ကိုးစားနိုင်သည့် အချက်အလက်များဖြစ်၍ ယင်းတို့ကို အသုံးပြုကာ အရည်အသွေးပြည့်ဝသည့် ထုတ်ကုန်ပစ္စည်းဖြင့် ပြည်တွင်း၊ ပြည်ပ ဈေးကွက်တွင် ယှဉ်ပြိုင်ထိုးဖောက်ရန် အနာဂတ်တွင် ဖော်ဆောင်နိုင်လိ့မ် မည်ဟု ယုံကြည်ပါသည်။ ။
No comments:
Post a Comment