ကလေးငယ်များ ပညာရေးကြိုတင်ပြင်ဆင်

နိုင်ငံတော်၏အတိုင်ပင်ခံပုဂ္ဂိုလ်သည် ဇူလိုင်လ ၃၁ ရက်နေ့က ပြည်ထောင်စုနယ်မြေ နေပြည်တော် တပ်ကုန်းမြို့နယ် ပေတောကျေးရွာရှိ ခေတ်မီဥစားကြက်ခြံစီမံကိန်းရှင်းလင်းဆောင်၌ ကျေးရွာသူ ကျေးရွာသား များနှင့် ရင်းရင်းနှီးနှီးတွေ့ဆုံ နှုတ်ဆက်စကားပြောကြားပြီး ဒေသခံပြည်သူ များ၏ လိုအပ်ချက်များအား ပေါင်းစပ်ညှိနှိုင်း ဖြည့်ဆည်းဆောင်ရွက်ပေးခဲ့ သည်။

နိုင်ငံတော်၏အတိုင်ပင်ခံပုဂ္ဂိုလ်အနေဖြင့် ယခုမိုးရာသီကာလတွင် နယ်မြေဒေသများသို့ ကွင်းဆင်း မှာကြား ညှိနှိုင်းဖြည့်ဆည်းဆောင်ရွက် ပေးခဲ့ရာ၌ အနာဂတ်၏မျိုးဆက်သစ်များဖြစ်သည့် ကလေးသူငယ်များ၏ ပညာရေး၊ ကျန်းမာရေး ပိုမိုကောင်းမွန်ရေးအတွက် အလေးထားမှာကြား ခဲ့သည်ကို တွေ့ရသည်။ ပေတောကျေးရွာရှိ ပြည်သူများနှင့်တွေ့ဆုံစဉ် နိုင်ငံတော်၏အတိုင်ပင်ခံပုဂ္ဂိုလ်က ကျေးရွာသူ ကျေးရွာသားများအနေဖြင့် အခက်အခဲပြဿနာများ ကြုံတွေ့ရပါက ညှိနှိုင်းတိုင်ပင်ပြီး အားလုံးပူးပေါင်း ဖြေရှင်းဆောင်ရွက်ကြရမည်ဖြစ်ပါကြောင်း၊ ကျေးရွာနှင့်ကျေးရွာပတ်ဝန်းကျင် သန့်ရှင်းသာယာလှပရေးအတွက်လည်း ဝိုင်းဝန်းထိန်းသိမ်းစောင့်ရှောက် ကြရန် လိုအပ်ပါကြောင်း၊ အရေးအကြီးဆုံးမှာ ပညာရေးနှင့် ကျန်းမာရေး ကဏ္ဍသည် အရေးကြီးပါကြောင်း၊ ကလေးငယ်များသည် ကျန်းမာရေး ကောင်းမွန်မှ ပညာကောင်းစွာ သင်ယူနိုင်မည်ဖြစ်ပါကြောင်း၊ တစ်ဘဝလုံး ကောင်းမွန်ရန်အတွက် ပညာတတ်ရန်လိုအပ်ပါကြောင်း ပြောကြားခဲ့သည်။

နိုင်ငံတော်၏အတိုင်ပင်ခံပုဂ္ဂိုလ်က ပေတောကျေးရွာနှင့် ကျေးရွာရှိ ကလေးသူငယ်များ ရှေ့ရေးအတွက် လမ်းညွှန်မှာကြားချက်များသည် တစ်နိုင်ငံလုံးရှိ ကလေးသူငယ်များအတွက်လည်း ရည်ညွှန်းပေသည်။ ကလေးသူငယ်များ ကျန်းမာသန်စွမ်းပါမှ ပညာကိုကောင်းစွာသင်ယူ၍ ပညာတတ်များဖြစ်ကာ မိမိဘဝ၊ မိမိပတ်ဝန်းကျင်၊ မိမိနိုင်ငံကို အကျိုးပြု သော သားကောင်းရတနာများဖြစ်လာပေမည်။ နိုင်ငံတော်၏ ခေါင်းဆောင် က ကလေးသူငယ်များအရေးကို ထိုကဲ့သို့ အလေးထားမှာကြားနေချိန်တွင် သဘာဝဘေးကြောင့် ကလေးသူငယ်များ ကျောင်းတက်ရေးနှင့်
ပညာသင်ကြားရေးအတွက် ခေတ္တနှောင့်နှေးသွားခဲ့ရသည့် အခြေအနေ များမှ ပြန်လည်လွန်မြောက်အောင်လည်း မျက်ခြည်မပြတ်ကြိုးပမ်း အားထုတ်ကြရမည်ဖြစ်သည်။

ပြီးခဲ့သည့်ရက်ပိုင်းအတွင်းက မိုးသည်းထန်ခြင်း၊ ရေကြီးရေလျှံဖြစ် ခြင်းတို့ကြောင့် ကရင်ပြည်နယ်၊ မွန်ပြည်နယ်နှင့် ပဲခူးတိုင်းဒေသကြီး အတွင်းရှိ ရေဘေးသင့်မြို့နယ်များမှ အခြေခံပညာကျောင်းများ ခေတ္တပိတ် ထားခဲ့ရာ ကလေးသူငယ်များ ပညာသင်ကြားရေး၊ ကျန်းမာရေးတို့ ကောင်းမွန်လာရေးကို ကြိုတင်ပြင်ဆင် ဆောင်ရွက်ထားရမည်ဖြစ်သည်။ ကျန်းမာရေးတွင် ရေဝင်ပြောင်းရွှေ့သည့် အိမ်ထောင်စု သုံးသောင်းကျော် အတွက် စိုးရိမ်ပူပန်ဖွယ်မရှိသော်လည်း ရေဝင်မပြောင်းရွှေ့သည့် ကလေး သူငယ်အပါအဝင် သက်ကြီးရွယ်အိုများအတွက် သက်ဆိုင်ရာနှင့်အဖွဲ့ အစည်းများက အစီအမံများပြုလုပ်၍ ကူညီဆောင်ရွက်ပေးကြရမည် ဖြစ်သည်။

ပညာရေးတွင် ပညာသင်ကြားမှုဆိုင်းငံ့သွားသော ကလေးသူငယ်များ ပညာပြန်လည်သင်ကြားနိုင်ရေးကို ကြိုတင်ပြင်ဆင်စီမံဆောင်ရွက်ထားရမည်ဖြစ်သည်။ လက်ရှိတွင် ဒိုက်ဦးမြို့နယ်အတွင်း စာသင်ကျောင်း ၁၂ ကျောင်း၊ ကျောက်ကြီးမြို့နယ်နှင့် ညောင်လေးပင်မြို့နယ်အတွင်း စာသင် ကျောင်း ၄၅ ကျောင်း၊ သနပ်ပင်မြို့နယ်အတွင်း စာသင်ကျောင်း ခြောက် ကျောင်း၊ ဝေါမြို့နယ်အတွင်း စာသင်ကျောင်း ၃၇ ကျောင်းနှင့်
အခြားမြို့နယ်များအတွင်းမှ စာသင်ကျောင်းများ၊ မွန်ပြည်နယ်နှင့် ကရင်ပြည်နယ်အတွင်းမှ စာသင်ကျောင်းများစွာတို့ ပိတ်ထားရဆဲဖြစ်သည်။

သို့ဖြစ်ရာ အနာဂတ်အတွက် သားကောင်းရတနာများဖြစ်သည့် ကလေးသူငယ်အရွယ် ကျောင်းသား ကျောင်းသူများ သဘာဝဘေးကြောင့် ပညာသင်ကြားရေးနှင့် ကျန်းမာရေး လိုအပ်ချက်များအတွက် သက်ဆိုင်ရာ တို့နှင့် မိဘဆရာများ လက်တွဲပူးပေါင်းကာ ဝိုင်းဝန်းကြိုးပမ်းဆောင်ရွက် ပေးကြရမည်ဖြစ်ပါကြောင်း။ ။