တောင်ကိုရီးယားရဲ့ ကျော်ကြားတဲ့ အမျိုးသမီးတေးဂီတအဖွဲ့တစ်ဖွဲ့ ဖြစ်တဲ့ ''Red Velvet''ဟာ မကြာမီမှာ မီနီတေးအယ်လ်ဘမ်သစ်ကို ထုတ်လွှင့်ပေးသွားမှာဖြစ်ပါတယ်။ ယင်းတေးအယ်လ်ဘမ်ဟာ လာမယ့် နွေရာသီအတွက် ရည်ရွယ်ထုတ်လုပ်ထားတဲ့ တေးအယ်လ်ဘမ်ဖြစ်ပြီး လတ်တလောမှာတော့ ယင်းတေးအယ်လ်ဘမ်သစ်အတွက် ရည်ရွယ်ရိုက်ကူး ထားတဲ့ ဓာတ်ပုံတွေကို ထုတ်ဖော်ပြသခဲ့ကြောင်း အောကေပေါ့ပ်ဒေါ့ကွန်းရဲ့ ရေးသားဖော်ပြချက်တွေအရ သိရပါတယ်။
ပြီးခဲ့တဲ့ ဇူလိုင် ၃ဝ ရက်မှာတော့ မီနီတေးအယ်လ်ဘမ်သစ် ထုတ်လွှင့် သွားမှာဖြစ်ကြောင်း သတင်းနဲ့အတူ ယင်းတေးအယ်လ်ဘမ်အတွက် ဓာတ်ပုံနှစ်ပုံကိုပါ ထုတ်ဖော်ပြသလာတာ တွေ့ရပါတယ်။ တေးအယ်လ်ဘမ်ရဲ့ အမည်ကိုတော့ ''Power Up'' လို့ ပေးထားပြီး လာမယ့် သြဂုတ် ၆ ရက် မှာ စတင်ထုတ်လွှင့်ပေးသွားမှာဖြစ်တယ်လို့လည်း သိရပါတယ်။
ဒါ့အပြင် အဖွဲ့ဝင်တွေဟာ တေးအယ်လ်ဘမ်သစ်နဲ့အတူ ပရိသတ်ရှေ့ ပြန်လည်ပေါ်ထွက်လာခြင်းအမှတ်တရအဖြစ် အထူးအစီအစဉ်တစ်ရပ် ကိုလည်း ပြုလုပ်သွားဖို့ရာ စီစဉ်ထားပါတယ်။ ဒီအစီအစဉ်ကတော့ မိုဘိုင်းဖုန်းကနေတစ်ဆင့် အဖွဲ့ရဲ့ တရားဝင်နွေရာသီဝက်ဘ်ဆိုက် စာမျက်နှာပေါ်ကနေတစ်ဆင့် ဝင်ရောက်ကာ ပါဝင်ဆင်နွှဲနိုင်မှာဖြစ်တယ် လို့လည်း သိရပါတယ်။
အေးပြည့်
No comments:
Post a Comment