ပါ့ခ်ဘိုဂန်းနဲ့ ဆောင်းဟေကိုတို့ရဲ့ ရုပ်ရှင်သစ် လာမည့် နိုဝင်ဘာလအတွင်း ပြသသွားမည်

တောင်ကိုရီးယားရဲ့ ထွက်ပေါ်လာမယ့် ဇာတ်လမ်းတွဲရုပ်ရှင်တွေအနက် ပရိသတ်စိတ်အဝင်စားဆုံးသော ဇာတ်လမ်းတွဲတစ်ခုဖြစ်တဲ့ မင်းသား ပါ့ခ်ဘိုဂန်းနဲ့ မင်းသမီး ဆောင်းဟေကိုတို့ရဲ့ ရုပ်ရှင်သစ် ''Boyfriend''နဲ့ ပတ်သက်ပြီး အကြောင်းအရာတွေကို လတ်တလောမှာတော့ တရားဝင်ထုတ်ဖော် ပြောကြားလာတာကို တွေ့ရပါတယ်။ ယခင်ကလည်း သတင်းတွေပေါ်ထွက် ခဲ့ပေမယ့် ဒီတစ်ကြိမ်မှာတော့ ရုပ်ရှင်ထုတ်လုပ်သူတွေဘက်က တရားဝင် ထုတ်ဖော်ပြောကြားလာခြင်းလည်း ဖြစ်ပါတယ်။ ဒီဇာတ်လမ်းတွဲကိုတော့ လာမယ့် နိုဝင်ဘာလအတွင်း tvNရုပ်သံလိုင်းကနေ ထုတ်လွှင့်ပြသပေးသွား မှာဖြစ်ကြောင်း ကိုရီးယားဘိုးဒေါ့ကွန်းရဲ့ ရေးသားဖော်ပြချက်တွေအရ သိရပါတယ်။

ပြီးခဲ့တဲ့ ဇူလိုင် ၃ဝ ရက်မှာတော့ တောင်ကိုရီးယားရဲ့ ကျော်ကြားတဲ့ သရုပ်ဆောင်တွေဖြစ်ကြတဲ့ ပါ့ခ်ဘိုဂန်းနဲ့ ဆောင်းဟေကိုတို့ ခေါင်းဆောင် ပါဝင်ထားတဲ့ ရုပ်ရှင် ''Boyfriend''ကို လာမယ့် နိုဝင်ဘာလအတွင်း စတင် ထုတ်လွှင့်မှာဖြစ်ကြောင်း ပရိသတ်တွေကို တရားဝင်အသိပေးခဲ့တာဖြစ်ပါတယ်။ ဒီဇာတ်လမ်းတွဲကိုတော့ အပတ်စဉ် ဗုဒ္ဓဟူးနဲ့ ကြာသပတေးနေ့တွေမှာ ထုတ်လွှင့် သွားမှာဖြစ်တယ်လို့လည်း သိရပါတယ်။

''Boyfriend''ဟာ ဘဝမှာ အရာရာပြည့်စုံတဲ့ အမျိုးသမီးတစ်ဦးနဲ့ ပိုင်ဆိုင်မှုမရှိတဲ့ သာမန်အမျိုးသားတစ်ဦးအကြားက ဇာတ်လမ်းကို ပုံဖော် သွားမှာပါ။ အဓိကဇာတ်ကောင်တွေဟာ သူတို့ရဲ့ဘဝတွေကို ဆက်လက် ထိန်းသိမ်းထားရမှာလား၊ သာမန်လူတစ်ဦးကဲ့သို့ နေထိုင်သွားရမှာလားဆိုတာ ဆုံးဖြတ်ရဖို့ရှိနေပြီး သူတို့နှစ်ဦးစလုံးရဲ့ တူညီတဲ့ဆန္ဒကတော့ သူတို့ရဲ့ဘဝ တွေကို တစ်ရက်လေးဖြစ်ဖြစ် ပြောင်းလဲနေထိုင်လိုတာဖြစ်တယ်လို့လည်း သိရပါတယ်။

ဒီဇာတ်လမ်းတွဲမှာ ဆောင်းဟေကို ပါဝင်သွားမယ့် ဇာတ်ကောင်ကတော့ ချာဆိုးဟွန်ဖြစ်ပြီး သူဟာ ခင်ပွန်းနဲ့ကွာရှင်းထားတဲ့ ကလေးတစ်ယောက်မိခင် ဖြစ်ကာ ချမ်းသာတဲ့မိသားစုမှ မွေးဖွားလာသူပါ။ မိခင်ရဲ့ စီစဉ်မှုကြောင့် ချမ်းသာတဲ့သူတစ်ဦးနဲ့ အိမ်ထောင်ကျခဲ့ပြီး ဘဝရဲ့ ပျော်ရွှင်မှုတွေကို ခင်ပွန်းသည်ရဲ့ အလုပ်ကိစ္စတွေကြား မြှုပ်နှံထားခဲ့ရသူလည်း ဖြစ်ပါတယ်။ တစ်နေ့မှာ ခင်ပွန်းသည်က သူနဲ့ ကလေးကို ထားခဲ့တာဖြစ်ပါတယ်။

ပါ့ခ်ဘိုဂန်းရဲ့ ဇာတ်ကောင် ကမ်ဂျီဟွတ်ကတော့ အချိန်ပိုင်းအလုပ်တွေ များစွာလုပ်ကိုင်နေသူတစ်ဦးဖြစ်ပြီး အလုပ်တွေကိုလည်း ရှာဖွေနေသူ သာမန်လူတစ်ဦးဖြစ်ပါတယ်။ သူဟာ အလုပ်လျှောက်ထားခဲ့တဲ့ ကုမ္ပဏီတွေရဲ့ ငြင်းဆိုမှုကို ခံခဲ့ရပြီးနောက် နိုင်ငံခြားခရီးသွားခဲ့စဉ် အမျိုးသမီးတစ်ဦးနဲ့ ဆုံတွေ့ခဲ့တာဖြစ်ပါတယ်။

ဒီဇာတ်လမ်းတွဲဟာ ပရိသတ်တွေရဲ့အာရုံကို အတော်လေးဆွဲဆောင် ထားနိုင်ပါတယ်။ ဒီရုပ်ရှင်ဟာ ဆောင်းဟေကိုနဲ့ ပါ့ခ်ဘိုဂန်းတို့ရဲ့ အလွန်ကို အောင်မြင်ခဲ့တဲ့ ဇာတ်လမ်းတွဲတွေဖြစ်ကြတဲ့ ''Descendants of the Sun (DOTS)''နဲ့ ''Love in the Moonlight'' အပြီး ပြန်လည်ပါဝင်ခဲ့တဲ့ ရုပ်ရှင်ဖြစ်တာကြောင့်ပါ။ ဒါ့အပြင် ပြီးခဲ့တဲ့ အောက်တိုဘာလအတွင်း မင်္ဂလာပွဲ ဆင်နွှဲပြီးနောက် ပထမဆုံးအကြိမ် ပြန်လည်ရိုက်ကူးမယ့် ဆောင်းဟေကိုရဲ့ ဇာတ်လမ်းတွဲလည်းဖြစ်ပြီး ဆောင်းဟေကိုရဲ့ခင်ပွန်း ဆောင်းဂျွန်ကီနဲ့ ဒီဇာတ်လမ်းတွဲရဲ့ အဓိကဇာတ်ဆောင်မင်းသား ပါ့ခ်ဘိုဂန်းတို့ဟာလည်း အလွန်ကို ရင်းနှီးခဲ့ကြသူတွေဖြစ်ပါတယ်။

အေးပြည့်