ကျိုက်ထိုမြို့နယ်တွင် လွန်ခဲ့သည့်ရက်များက မိုး သည်းထန်စွာ ရွာသွန်းမှုကြောင့် ရပ်ကွက်ကျေးရွာများ၌ ရေမြင့်တက်မှုများဖြစ်ပေါ်ခဲ့၍ မြို့နယ်သဘာဝဘေးစီမံ ခန့်ခွဲမှုကော်မတီက ရေဘေးရှောင်စခန်းများဖွင့်လှစ်ပြီး ရပ်ကွက်၊ ကျေးရွာအုပ်ချုပ်ရေးမှူးများ၊ ဌာနဆိုင်ရာများ၊ လူမှုရေးအသင်းအဖွဲ့များ၊ အလှူရှင်များနှင့်ပူးပေါင်းကာ စားဝတ်နေရေး၊ ကျန်းမာရေးကိစ္စရပ်များကို ရေကျချိန် အထိ ရေဘေးသင့်ပြည်သူများအား ကူညီစောင့်ရှောက် ပေးခဲ့သည်။
ယင်းသို့ကူညီစောင့်ရှောက်ပေးသည့် စခန်းများသို့ မွန်ပြည်နယ်ဝန်ကြီးချုပ် ဒေါက်တာအေးဇံနှင့် အစိုးရ အဖွဲ့ဝင်များ၊ လွှတ်တော်ကိုယ်စားလှယ်များက လာရောက် ၍ ထောက်ပံ့ငွေများပေးအပ်ပြီး အားပေးစကား ပြောကြားသည်။
ယနေ့နံနက်ပိုင်းမှ စတင်၍ ရေပြန်လည်ကျဆင်းခဲ့၍ ရေဘေးသင့်ပြည်သူများအား အိမ်ထောင်စုအလိုက် တစ်ပတ်စာ စားသုံးနိုင်ရန် ဆန်နှင့်ကြက်ဥများ အပါအဝင် ခေါက်ဆွဲခြောက်များ၊ ရေသန့်ဘူးများနှင့် တခြား စားသောက်ကုန်ပစ္စည်းများကို ပေးအပ်ပြီး ယာယီ ဖွင့်လှစ်ခဲ့သည့် ရေဘေးရှောင်စခန်းများကို မွန်းလွဲ ၁ နာရီတွင် ပိတ်သိမ်းခဲ့သည်။
ဝင်းမောင်(ကျိုက်ထို)
No comments:
Post a Comment