နိုင်ငံတကာလူငယ်များနေ့အထိမ်းအမှတ် လူငယ့်စေတမန်အစီအစဉ် ရန်ကုန်တွင် ကျင်းပမည်

ရန်ကုန် ဇူလိုင် ၃ဝ

နိုင်ငံတိုင်း၏အနာဂတ်သည် ယနေ့လူငယ်များ၏ အလားအလာကောင်းများပေါ်တွင် မူတည်နေခြင်းကြောင့် လူငယ်များ အဘက်ဘက်မှ ဘေးကင်းလုံခြုံမှုရှိရေး ကြိုးပမ်းလုပ်ဆောင်ပေးရန်မှာ လူတိုင်း၏တာဝန်ဖြစ်သည် နှင့်အညီ ထိုလိုအပ်ချက်ကို နိုင်ငံတော် အစိုးရနှင့် အစိုးရ မဟုတ်သော အဖွဲ့အစည်းများ၊ မိဘများ၊ ပြည်သူလူထုနှင့် လူငယ်ထုကိုယ်တိုင် သတိပြုမိပြီး ဘေးကင်းလုံခြုံမှုရှိသည့် ပတ်ဝန်းကျင်ကောင်းတစ်ခု တည်ဆောက်ရာတွင် ဝိုင်းဝန်း ကြိုးပမ်းပါဝင်နိုင်စေရန် ရည်ရွယ်၍ ၂ဝ၁၈ ခုနှစ် နိုင်ငံ တကာ လူငယ်များနေ့ အခမ်းအနားကို သြဂုတ် ၁၂ ရက်တွင် ရန်ကုန်မြို့ မြို့မကျောင်းလမ်း အမျိုးသား ဇာတ်ရုံတွင် ကျင်းပသွားမည်ဖြစ်ကြောင်း သိရသည်။

''ဒီပွဲလုပ်တဲ့အတွက် အကျိုးသက်ရောက်မှုအနေနဲ့ ကတော့ ပွဲကိုရောက်လို့ ကိုယ်တိုင်သိခြင်းက တစ်ပိုင်း၊ ကိုယ်တိုင်မရောက်သော်လည်း ရောက်တဲ့လူတွေကနေ တစ်ဆင့် သိမှာလား။ နောက်တစ်ခုက မီဒီယာကနေ တစ်ဆင့် သိမှာလား။ ဘယ်လိုနည်းနဲ့ပဲသိသိ သိသွားတယ် ဆိုတဲ့ လူတွေအားလုံး လူငယ်တွေလည်းပါမယ်၊ မိဘတွေ လည်းပါမယ်၊ ပြည်သူတွေပါမယ်၊ နိုင်ငံတော်တာဝန်ရှိတဲ့ သူတွေပါမယ်။ သိသွားတယ်ဆိုတာကိုက ပထမဦးဆုံး အကျိုးသက်ရောက်မှု ဖြစ်ပါတယ်။

''သိသွားတဲ့အတွက်ကြောင့် လူငယ်တွေမှာ လိုအပ်ချက် တွေရှိတယ်။ ကိစ္စရပ်တွေ ရင်ဆိုင်နေရတယ်။ သူတို့ရဲ့ အလားအလာ ဖြစ်လာနိုင်တဲ့အခြေအနေပေါ်မူတည်ပြီး စီမံချက်တွေ၊ စီမံကိန်းတွေ၊ ဆောင်ရွက်ရမယ့်ကိစ္စတွေ၊ ဘယ်ဟာတွေက အလေးပေးရမယ်ဆိုတာတွေ သိသွားပြီး ရင်တော့ လူငယ်တွေအတွက် သင့်တင့်လျောက်ပတ်တဲ့ စီမံချက်လုပ်ငန်းတွေမှာ လိုက်လျောညီထွေ ဆောင်ရွက်နိုင် ဖို့ပါ။ ပထမ အကျိုးသက်ရောက်မှုကတော့ သိခြင်း၊ နောက်ဆင့်ပွားအကျိုးသက်ရောက်မှုက သိမှုပေါ်မှာ မူတည်ပြီး လူငယ်ဖွံ့ဖြိုးတိုးတက်အောင် ဘယ်လို လုပ်မလဲ ဆိုတာ သိရှိသွားကြမှာဖြစ်ပါတယ်'' ဟု မြန်မာနိုင်ငံ ဆရာဝန်အသင်းမှ လူငယ်စီမံချက်နည်းပညာအကြံပေး ဒေါက်တာနီဝင်းက ပြောသည်။

အဆိုပါအခမ်းအနားတွင် လူငယ်ဘဝလုံခြုံမှ စိတ်ချ သာယာ အနာဂတ်ကမ္ဘာ(Safe spaces for youth)ဟူသော ၂ဝ၁၈ ခုနှစ် နိုင်ငံတကာလူငယ်များနေ့ဆောင် ပုဒ်နှင့် ပတ်သက်သော အကြောင်းအရာများကို လူငယ် များနှင့်တကွ ပြည်သူလူထုမှ ပိုမိုသိရှိနိုင်စေရန်အတွက် ပြခန်းများ၊ ဥာဏ်အစီအစဉ်နှင့် လက်ဆောင်ဆုရယူခြင်းများ၊ ကစားနည်းများနှင့် ပျော်ရွှင်ဖွယ်အစီအစဉ်များ၊ ဆွေးနွေး ပွဲများ၊ အဖွဲ့အစည်းများ လူငယ်အချင်းချင်းတွေ့ဆုံသည့် အစီအစဉ်များ၊ အသိပညာပေးအစီအစဉ်များ၊ လူငယ့် စေတမန် ဖျော်ဖြေရေးအစီအစဉ်များကို ထည့်သွင်း ပြုလုပ်သွားမည်ဖြစ်ကြောင်း သိရသည်။

''ပွဲသဘောသဘာဝအရ နှစ်ပိုင်းရှိနေပါတယ်။ ညနေ ၃ နာရီနဲ့ ၆ နာရီကြားက ပြခန်းအစီအစဉ်တွေ ဖြစ်တဲ့ အတွက်ကြောင့် လက်မှတ်မလိုပါဘူး။ ဘယ်သူမဆို လာလို့ ရပါတယ်။ ညနေ ၆ နာရီကနေ ည ၉ နာရီကတော့ ဇာတ်ရုံထဲမှာ ထိုင်ခုံနဲ့ဖြစ်တဲ့အတွက်ကြောင့် လူဦးရေ ကန့်သတ်ချက်ရှိနေပါတယ်။ စီမံချက်နဲ့ မိတ်ဖက်အဖွဲ့ အစည်းတွေကနေ ချိတ်ဆက်ထားတဲ့ လူငယ်ကွန်ရက်တွေ ကနေ တက်ရောက်လာမယ့် လူငယ်တွေအတွက် ချန်ပြီးရင် တော့ တက်ရောက်ချင်တဲ့ ပြင်ပလူငယ်တွေအတွက် အခွင့် အလမ်းဖြစ်တဲ့အတွက် ၁ဝဝဝ ပတ်လည်ခုံရှိနေပါ တယ်။

''ဒီလူတွေက စိတ်ဝင်စားတယ်၊ တက်ရောက်ချင်တယ် ဆိုရင် သြဂုတ် ၅ ရက်ကနေ ၈ ရက်အထိ နံနက် ၁ဝ နာရီ ကနေ ညနေ ၄ နာရီကြား မြန်မာနိုင်ငံဆရာဝန်အသင်းရုံး လူငယ်စီမံချက်ရှိရာမှာ လက်မှတ်လာရောက်ထုတ်ယူလို့ ရပါတယ်။ တစ်ခုမေတ္တာရပ်ခံချင်တာကတော့ တကယ် တက်ရောက်မှသာ လက်မှတ်ကို လာရောက်ထုတ်ယူစေ ချင်ပါတယ်။ လက်မှတ်ထုတ်ပြီး မတက်ရောက်ဖြစ်ရင် တကယ်တက်ရောက်ချင်တဲ့သူတွေအတွက် နစ်နာမှုတွေ ရှိနိုင်ပါတယ်။ သေချာမယ်ဆိုရင်တော့ လက်မှတ်ထုတ်ပါ။ တစ်ယောက်ချင်းစီလည်း ထုတ်လို့ရပါတယ်။ ငါးယောက် ကနေ ၁ဝ ယောက် ကိုယ်စားပြုပြီး တစ်ယောက် လာထုတ် လို့လည်း ရပါတယ်။ လာထုတ်မယ့်သူ လိုအပ်တဲ့အချက် အလက်ကတော့ အမည်၊ မြို့နယ်၊ ဆက်သွယ်ရမယ့် ဖုန်းနံပါတ်လိုပါတယ်'' ဟု ဒေါက်တာနီဝင်းက ပြောသည်။

သတင်းနှင့်ဓာတ်ပုံ-ဟိန်းထက်လင်း၊ အေးမင်းသူ