ချင်းပြည်နယ်နှင့် 'ဝ'ဥ စီးပွားရေးကဏ္ဍ

မြန်မာ့အလင်းအယ်ဒီတာအာဘော်

ချင်းပြည်နယ်သည် ပြည်ထောင်စုအတွင်း၌ ဖွံ့ဖြိုးမှုနိမ့်ကျနေဆဲပြည်နယ် တစ်ခု ဖြစ်ပါသည်။ ပြည်ထောင်စုတစ်ရပ်လုံး၏ ဖွံ့ဖြိုးတိုးတက်မှုကို ဖော်ဆောင်ရာ၌ ချင်းပြည်နယ်ဖွံ့ဖြိုးတိုးတက်ရေးသည် မလွဲမသွေ ဖော်ဆောင်ရမည့် အမျိုးသားရေးတာဝန်တစ်ရပ် ဖြစ်ပါသည်။ ချင်း ပြည်နယ်၏ ဖွံ့ဖြိုးတိုးတက်မှုကိုဖော်ဆောင်ရာ၌ ချင်းပြည်နယ်၏ ပထဝီ အနေအထားအပါအဝင် ရာသီဥတုတို့နှင့်ကိုက်ညီသော စီးပွားရေးလုပ်ငန်း တို့ကိုဖော်ဆောင်ရေးသည် အရေးကြီးသော အခြေခံလိုအပ်ချက်တစ်ရပ် ဖြစ်ပါသည်။ ချင်းပြည်နယ်၏ ဤအခြေခံလိုအပ်ချက်နှင့် အကျုံးဝင် သော ထွက်ကုန်တစ်ရပ်မှာ 'ဝ' ဥ ခေါ် ဖျံဥ ဖြစ်ပါသည်။

ရှေးယခင်က သစ်တောများအတွင်း သဘာဝအလျောက်ပေါက်သော 'ဝ' ဥ ခေါ် ဖျံဥတို့ကို ရှာဖွေရယူသော်လည်း ယခုအခါ 'ဝ' ဥ ခေါ် ဖျံဥတို့ကို ချင်းပြည်နယ်၌ စီးပွားဖြစ်စိုက်ပျိုးထုတ်လုပ်နေကြပြီ ဖြစ်ပါသည်။ ၂ဝဝဝ ပြည့်နှစ်ဝန်းကျင်မှစ၍ 'ဝ' ဥ ခေါ် ဖျံဥတို့ကို ချင်းပြည်နယ်၌ စီးပွားဖြစ် စိုက်ပျိုးထုတ်လုပ်ပြီး တရုတ်နိုင်ငံနှင့် ဂျပန်နိုင်ငံများသို့ တင်ပို့ရောင်းချ နိုင်ခဲ့ပါသည်။ ၂ဝ၁ဝ ပြည့်နှစ်၌K&Lကုမ္ပဏီသည် ချင်းတောင်သူတို့အား 'ဝ'ဥအပြားလွှာလုပ်နည်းကို သင်ကြားပေး၍ ၄င်းတို့ထံမှ 'ဝ' ဥ ဝယ် ယူမည့်စာချုပ်များကိုပါ ချုပ်ဆိုခဲ့ပါသည်။ သို့ဖြစ်ပါ၍ 'ဝ' ဥ ခေါ် ဖျံဥ သည် ချင်းပြည်သူတို့၏ လူမှု-စီးပွားရေးဘဝကို မြှင့်တင်ပေးမည့် စိုက်ပျိုး ရေးထုတ်ကုန်တစ်ရပ်အဖြစ် ပေါ်ထွက်လာခဲ့ပါသည်။

'ဝ' ဥခေါ် ဖျံဥတို့ကို စိုက်ပျိုးရေးထွက်ကုန်သက်သက် တင်ပို့သည်ထက် တန်ဖိုးမြှင့်ထုတ်ကုန်အဖြစ် တင်ပို့နိုင်မည်ဆိုပါက ချင်းပြည်သူတို့၏ ဝင်ငွေ အဆင့်အတန်းကို ပိုမိုမြင့်မားစေမည် ဖြစ်ပါသည်။ ဤအမျိုးသားရေး လိုအပ်ချက်ကို ဖြည့်ဆည်းနိုင်ရန် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနသည် ချင်းပြည်နယ် ပလက်ဝမြို့နယ်၌ တစ်နေ့လျှင် 'ဝ' ဥ အစို တန် ၂ဝ ကျမည့် အခြောက်ခံစက်ရုံကို တည်ဆောက်ရန် စီစဉ် ဆောင်ရွက်လျက်ရှိပါသည်။ ထို့အပြင် အဆိုပါ ဝန်ကြီးဌာနအောက်ရှိ ပြည်ပကုန်သွယ်မှုမြှင့်တင်ရေးအဖွဲ့ကလည်း 'ဝ'ဥနှင့်ပတ်သက်သည့် အခြေခံအချက်အလက်များပါသော လက်ကမ်းစာစောင်တို့ကို ပုံနှိပ် ဖြန့်ဝေပေးပြီး ဖြစ်ပါသည်။ စက်မှုဝန်ကြီးဌာနနှင့် ပညာရေးဝန်ကြီး ဌာနအပါအဝင် သက်ဆိုင်ရာအဖွဲ့အစည်းများက ပူးပေါင်းလျက် ချင်းပြည်နယ် ဟားခါးမြို့ရှိ လုပ်ငန်းရှင် ၁ဝဝ တို့အား 'ဝ'ဥဆိုင်ရာ နည်းပညာတို့ကို ပံ့ပိုးကူညီပို့ချပေးခဲ့ပါသည်။ ထို့အပြင် 'ဝ'ဥဆေးစက်၊ ဖြတ်စက်၊ အခြောက်ခံစက် စသော 'ဝ'ဥအခြေခံစက်မှုကုန်ထုတ်လုပ်ငန်း များနှင့် သက်ဆိုင်သော ဗဟုသုတအချက်အလက်များအပါအဝင် 'ဝ'ဥ စိုက်ပျိုးထုတ်လုပ်ရေးဆိုင်ရာ နည်းပညာတို့အား ချင်းပြည်နယ်အနှံ့ အပြားတွင် မြန်မာနိုင်ငံ သစ်သီးဝလံပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချသူများအသင်းနှင့် UK Aid တို့က ပူးပေါင်းလျက်ပို့ချပေးခဲ့ပါသည်။ ချင်းပြည်နယ်၏ 'ဝ'ဥစီးပွားရေးကဏ္ဍ ဖွံ့ဖြိုးတိုးတက်ရေးအတွက် နိုင်ငံတော်အစိုးရ၏ ဦးဆောင်မှုအောက်၌ အဖွဲ့အစည်းပေါင်းစုံတို့က ပူးပေါင်းဆောင်ရွက်လျက်ရှိသောကြောင့် အနာဂတ်ကာလ၌ ချင်းပြည်နယ်တွင် 'ဝ'ဥခေါက်ဆွဲထုတ်လုပ်နိုင် သည်အထိ ဖွံ့ဖြိုးတိုးတက်လာမည်ဟု ယုံကြည်ပါကြောင်း လေးစားစွာ တင်ပြအပ်ပါသည်။ ။