မြန်မာ့ကျောက်မျက်ရတနာပြပွဲနှင့် လူမှုစီးပွား

(၅၅) ကြိမ်မြောက် မြန်မာ့ကျောက်မျက်ရတနာပြပွဲကို နေပြည်တော်ရှိ မဏိရတနာကျောက်စိမ်းခန်းမ၌ ကျင်းပလျက်ရှိရာ အဆိုပါပြပွဲနှင့် စပ်လျဉ်း သည့် လူမှုစီးပွားအခြေအနေများကို မေးမြန်းရေးသားတင်ပြလိုက်ရပါသည်။

ဦးလဖိုင်ခွန်ဆာ (မြန်မာနိုင်ငံကျောက်မျက်ရတနာလုပ်ငန်းရှင်များအသင်း ဥက္ကဋ္ဌ)

ကျောက်မျက်ရတနာတူးဖော်မှုလုပ်ငန်း ရာသီပိတ်သိမ်းချိန်မှာ ဒီလို ပြသရောင်းချတဲ့ပွဲတွေ ကျင်းပတာဖြစ်ပါတယ်။ တစ်နှစ်ကို နှစ်ကြိမ်၊ သုံးကြိမ် ကျင်းပနိုင်အောင် ကြိုးပမ်းဆောင်ရွက်နေပါတယ်။ မြန်မာ့ကျောက်မျက်ရတနာ လုပ်ငန်းရှင်များအသင်းအနေနဲ့ မြန်မာ့ကျောက်မျက်ရတနာပြပွဲ ဗဟိုကော်မတီနဲ့ ပူးပေါင်းဆောင်ရွက်နေပါတယ်။ မြန်မာငွေနဲ့ ပြသရောင်းချတဲ့ပွဲတွေအပါအဝင် နိုင်ငံခြားငွေနဲ့ ပြသရောင်းချတဲ့ပွဲတွေကိုလည်း ဆက်လက်ကျင်းပသွားမှာ ဖြစ်ပါတယ်။ ဒီလိုပွဲတွေ ကျင်းပခြင်းဖြင့် ဟိုတယ်လုပ်ငန်းတွေ၊ ဝန်ဆောင်မှု လုပ်ငန်းတွေ၊ ကျောက်မျက်လုပ်ငန်းတွေနဲ့ ဆက်စပ်နေတဲ့မိသားစုတွေ အပါအဝင် ဒေသခံပြည်သူတွေအနေနဲ့ အလုပ်အကိုင်အဆင်ပြေကြမှာ ဖြစ်ပါတယ်။ အခု ကျင်းပတဲ့ ပြသရောင်းချပွဲကို တက်ရောက်တဲ့ ပြည်တွင်း၊ ပြည်ပရတနာ ကုန်သည်တွေဟာ အရင်နှစ်တွေကထက် ပိုမိုများပြားလာတာကို တွေ့မြင်ကြရ မှာဖြစ်ပါတယ်။

ပြည်တွင်းက ထွက်တဲ့ရတနာတွေနဲ့ ပြည်တွင်းမှာပဲ အချောထည်တွေ ထုတ်လုပ်နိုင်အောင် ကြိုးပမ်းဆောင်ရွက်နေပါတယ်။ ဒီကြိုးပမ်းမှုဟာ နိုင်ငံသူ နိုင်ငံသားတွေအတွက် အလုပ်အကိုင်အခွင့်အလမ်းတွေနဲ့ စီးပွားရေးအခွင့် အလမ်းတွေ ပိုမိုရရှိစေမှာဖြစ်ပါတယ်။ ဒါကြောင့် ပြည်တွင်းမှာ ကျောက်စိမ်း၊ ကျောက်မျက် အချောထည်ဈေးကွက်ပေါ်ပေါက်လာအောင် အသင်းအနေနဲ့ သက်ဆိုင်ရာဝန်ကြီးဌာနတွေနဲ့ ပူးပေါင်းပြီး အကောင်အထည်ဖော် ဆောင်ရွက် နိုင်ဖို့ စီစဉ်ဆောင်ရွက်နေပါတယ်။ ဒါမှလည်း တရားမဝင် ရောင်းဝယ်မှုတွေ ပပျောက်ပြီး ကောင်းမွန်တဲ့ ကျောက်စိမ်း၊ ကျောက်မျက်ဈေးကွက်တွေ ပေါ်ပေါက်လာမှာ ဖြစ်ပါတယ်။ ပြည်တွင်းအချောထည်ဈေးကွက်တွေ ပေါ်ပေါက်လာဖို့အတွက် အသင်းအနေနဲ့ ကျောက်မျက်ရတနာသင်တန်းကျောင်း ကိုလည်း ဖွင့်လှစ်ထားပါတယ်။ ဒါကလည်း အလုပ်အကိုင်အခွင့်အလမ်းတွေ ပေါများစေဖို့ ရည်ရွယ်ဖွင့်လှစ်ထားတာဖြစ်ပါတယ်။

ဦးကောင်းကျော်စွာ (ကြီးကြပ်ရေးမှူး၊ ကျောက်စိမ်းမြို့တော်ဟိုတယ်)

ကျောက်မျက်ပွဲရှိတဲ့အတွက် ကျွန်တော်တို့ဟိုတယ်မှာ အခန်းငှားတဲ့ ရာခိုင်နှုန်း ၈ဝ ရာခိုင်နှုန်းအထိ မြင့်တက်သွားပါတယ်။ အရင်ကဆို တစ်ရက်ကို လေးခန်း၊ ငါးခန်း လောက်ပဲငှားရပါတယ်။ အခု ၈ဝ ရာခိုင်နှုန်းအထိ မြင့်တက် နေတာတောင်မှ နောက်ထပ်ငှားရမ်းတဲ့သူတွေရှိနေပါသေးတယ်။ ကျောက်မျက် ပြပွဲ ကျင်းပနေတဲ့အချိန်မှာ ဝန်ဆောင်မှုအနေနဲ့ အုပ်စုလိုက်လာရင် ဈေးနှုန်း လျှော့ချပေးပါတယ်။ ကျောက်မျက်ပြပွဲကျင်းပနေတဲ့ အချိန်မှာဆိုရင် ကျွန်တော် တို့ဟိုတယ်မှာ ပြည်ပက ရတနာကုန်သည်တွေ လာရောက်တည်းခိုတာများပြားပါ တယ်။ ကျွန်တော်တို့ဟိုတယ်ကို www.adoga.com/ Jadecityhotel naypyitaw ဆိုတဲ့ Oniline က တစ်ဆင့်လည်း ကြိုတင်ငှားရမ်းလို့ရပါတယ်။

မငယ်ငယ် (ဈေးသည်၊ သဲကြီးကုန်းရွာ)

ကျွန်မက ဒီကျောက်မျက်ရတနာပြပွဲအနီးမှာ ငှက်ပျောသီး၊ မင်းကွတ်သီး၊ ထီးနဲ့ ကွမ်းယာတွေရောင်းပါတယ်။ ဒီလိုဈေးရောင်းရတော့ မိသားစုဝမ်းရေး အဆင်ပြေပါတယ်။ မိုးရာသီဆိုတော့ ထီးရောင်းရတာ ပိုသွက်ပြီး အမြတ်ပိုရပါ တယ်။ ကျွန်မတို့မိသားစုခြောက်ယောက်လုံး ဈေးရောင်းနေကြပါတယ်။

ဦးကျော်သူ (ကြီးကြပ်ရေးမှူး၊ ရွှေတောင်ကြီးစားသောက်ဆိုင်)

ကျောက်မျက်ပွဲရှိတဲ့အတွက် ကျွန်တော်တို့ ရွှေတောင်ကြီးစားသောက်ဆိုင် အနေနဲ့ အရင်ကထက်ရောင်းအားတွေ ပိုတက်လာပါတယ်။ အရင်က ရောင်းအားနဲ့ အခုရောင်းအား တော်တော်လေးကွာခြားမှုရှိပါတယ်။ အခါတိုင်း ဆိုရင် ပုံမှန်ဧည့်သည်လောက်ပဲရှိပါတယ်။ အခုလို ကျောက်မျက်ပွဲရှိတဲ့ကာလ မျိုးမှာ ပုံမှန်ထက် ပိုရောင်းကောင်းပါတယ်။

စောဟီဇာကျော် (အငှားယာဉ်မောင်း)

ကျွန်တော်က ကားကိုတစ်ရက်သုံးသောင်းနဲ့ အငှားလိုက်ပါတယ်။ ဆီကို တော့ ငှားတဲ့သူကထည့်ပေးရပါမယ်။ ခရီးဝေးဆိုရင် တစ်ရက်ငါးသောင်းနဲ့ လိုက်ပါတယ်။ ကျောက်မျက်ပြသရောင်းချတဲ့ကာလမှာ တက္ကစီဆွဲတော့ မိသားစုအတွက် အပိုဝင်ငွေရပါတယ်။

မဂျူလိုင်မိုး (ဧည့်ကြိုဝန်ထမ်း၊ မြတ်မင်္ဂလာဟိုတယ်)

ကျွန်မတို့ဟိုတယ်မှာ အရင်တုန်းကဆိုရင် ပုံမှန်အားဖြင့် ၁ဝ ခန်းလောက် ပဲ ငှားရပါတယ်။ ပုံမှန်အားဖြင့် တစ်ခန်းကို သုံးသောင်းခွဲနဲ့ငှားပါတယ်။ ကျောက်မျက်ပွဲရှိတဲ့အတွက် ပုံမှန်ထက် ဧည့်သည်ပိုဝင်လာပါတယ်။ ကျောက်မျက်ပွဲများများကျင်းပနိုင်ရင် ကျွန်မတို့ ဟ်ိုတယ်တွေပိုပြီးအလုပ်ဖြစ် ပါတယ်။

ဒေါ်သင်းသင်းချစ် (ကျောက်စောင့်)

ကျွန်မကတော့ ဒီကျောက်မျက်ပြပွဲမှာ ကုမ္ပဏီကခင်းကျင်းပြသထားတဲ့ ကျောက်တွေကို စောင့်ရတဲ့သူတစ်ယောက်ဖြစ်ပါတယ်။ ကျောက်စောင့်ခအဖြစ် တစ်နေ့ကို တစ်သောင်းရပါတယ်။ ကျွန်မအမျိုးသားကလည်း ကျောက်စောင့် အဖြစ် လုပ်ကိုင်ပါတယ်။ သူလည်း တစ်ရက်ကို တစ်သောင်းရပါတယ်။ နှစ်ယောက်ပေါင်း တစ်ရက်ကို နှစ်သောင်းဆိုတော့ မိသားစုအတွက် ပိုပြီး အဆင်ပြေပါတယ်။ ဒီလိုပွဲမျိုး မကြာခဏကျင်းပစေချင်ပါတယ်။

အမေးနှင့်အရေး - မွှေးကြူဇင်
ဓာတ်ပုံ - အေးသန်း