မွန်ပြည်နယ် ရေကြီးရေလျှံမှုကာလအတွင်း ကူညီကယ်ဆယ်ရေးလုပ်ငန်းများ ပူးပေါင်းဆောင်ရွက်ခဲ့သည့် လူမှုအဖွဲ့အစည်းများကို ကျေးဇူးတင်ကြောင်း ပြည်ထောင်စုဝန်ကြီး ဒေါက်တာဝင်းမြတ်အေး ပြောကြား

မွန်ပြည်နယ်အတွင်း မိုးအဆက်မပြတ် ရွာသွန်းမှုကြောင့် ရေကြီးရေလျှံမှုများ၊ မြေပြိုမှုများ ဖြစ်ပေါ်ခဲ့သည့်အတွက် ဘုရားပုထိုးများအပါအဝင် အဆောက်အအုံများ ပျက်စီးမှုဖြစ်ပေါ်ခဲ့သည်။ ထိုသို့ ဖြစ်ပေါ်ခဲ့သည့် အခြေအနေအပေါ် ပြန်လည်ထူထောင်ရေး ဆောင်ရွက်ပေးမှု၊ ကူညီထောက်ပံ့ဆောင်ရွက်ပေးမှုများနှင့်စပ်လျဉ်း၍ သက်ဆိုင်ရာ တာဝန်ရှိသူများကို မေးမြန်းခဲ့သည်များကို ဖော်ပြအပ်ပါသည်။

ပြည်ထောင်စုဝန်ကြီး ဒေါက်တာဝင်းမြတ်အေး

မော်လမြိုင်မြို့မှာ ဇွန် ၁၆ ရက် ညကနေစပြီး ဇွန် ၁၇ ရက် မနက် ၇ နာရီလောက်အထိ မရပ်မနား မိုးသည်းထန်စွာရွာတယ်။ မိုးရေချိန်က ၁၃ လက်မကျော် အထိများတယ်။ အဲဒီလိုနဲ့ ရုတ်တရက် ရေကြီးရေလျှံတယ်။ ရေကြီးရေလျှံဖြစ်တဲ့အခါမှာ ရပ်ကွက်တွေထဲမှာ ရေက ငါးပေခွဲ၊ ခြောက်ပေလောက်အထိ ရုတ်တရက်တက်တယ်။ တက်တဲ့အခါကျတော့ လူတွေရေလွတ်တဲ့နေရာကို ခိုလှုံရ တယ်။

မိုးကြီးတာက မွန်ပြည်နယ်တစ်ခုလုံးဖြစ်တာ၊ မော်လမြိုင်တစ်ခုတည်းမဟုတ်ဘူး။ မော်လမြိုင်၊ မုဒုံ၊ သံဖြူ ဇရပ်၊ ရေးနဲ့ ပေါင် အဲဒီ ငါးမြို့နယ်မှာဖြစ်တယ်။ ရုတ်တရက်ကြီး ရပ်ကွက်တွေထဲမှာ ရေလျှံလာတော့ ရေဘေးကယ်ဆယ်ရေးစခန်းတွေ ၄၂ ခုအထိ ဖွင့်ခဲ့ရ တယ်။ မြို့နယ်ငါးမြို့နယ်က စခန်း စုစုပေါင်း ၄၂ ခုမှာ လူဦးရေက ၈၂၆၃ ဦး ရှိခဲ့တယ်။ ညသန်းခေါင် မိုးရွာ တယ်ဆိုတာကို ကျွန်တော်တို့ မနက်လင်းတာနဲ့ သိပြီး သိသိချင်း ချက်ချင်းသွားတယ်။

မွန်ပြည်နယ်က အမှန်မှာတော့ သဘာဝဘေးဖြစ်ပွားမှု နည်းတဲ့အထဲမှာပါတယ်။ နောက်ပြီး ရေကြီးရေလျှံမှုတွေ ဖြစ်ပွားမှုနည်းတဲ့အထဲမှာလည်း ပါတယ်။ ဖြစ်တော့ ဖြစ် တယ်၊ ဒီလောက်မဖြစ်ဘူး။ နောက်တစ်ခုက ပြန်စဉ်းစား ကြည့်ရင် ကမ္ဘာကြီးက ပြောင်းလဲလာတာကို တွေ့ရတယ်။ မြန်မာပြည်တင်မဟုတ်ဘူး။ အခု ဒီကာလအတွင်းမှာပဲ အခြားဒေသတွေမှာလည်း မိုးတွေများတယ်။ ရုတ်တရက် ရေကြီးတယ်။ လူတွေသေကြတယ် စသည်ဖြင့် ဒီသတင်း တွေကလည်း အများကြီးရှိပါတယ်။ ကမ္ဘာအရပ်ရပ်မှာ ဒါတွေဖြစ်နေတယ်။ အဲဒီမှာ ရာသီဥတုပြောင်းလဲတာနဲ့ အမျှ သဘာဝဘေး မဖြစ်နိုင်ဘူးဆိုတဲ့နေရာ မရှိတော့ဘူး ဖြစ်သွားတယ်။ ဖြစ်ရင်လည်း သဘာဝဘေးမှာ အပြင်း၊ အပျော့ဆိုတာရှိတယ်။ ဖြစ်ရင်လည်း ခပ်ပြင်းပြင်းဖြစ် တယ်။ ဖြစ်လေ့မရှိတဲ့နေရာမှာလည်း ဖြစ်နိုင်တယ်ဆိုတာ သဘာဝတရားကြီးက ဖြစ်လာတာ။ ကမ္ဘာကြီးတစ်ခုလုံးက ပြောင်းလဲလာတာဖြစ်တယ်။ အဲဒီတော့ ကျွန်တော်တို့က စိုးရိမ်တယ်။

ဖြစ်လေ့ဖြစ်ထမရှိဘဲဖြစ်ရင် ကယ်ဆယ်ဖို့အတွက် အဆင်သင့်ဖြစ်ပါ့မလား။ ကျွန်တော်တို့မှာ စိတ်ပူရတယ်။ ဒါကြောင့် မိုးမလင်းသေးဘူး ဆက်သွယ်တယ်။ အဲဒီလိုပဲ သက်ဆိုင်ရာ လွှတ်တော်ကိုယ်စားလှယ်တွေက များသော အားဖြင့် ကျွန်တော်တို့နဲ့ ချက်ချင်းချိတ်ဆက်တာတွေ များတယ်။ လွှတ်တော်ကြီးကလည်း ကျင်းပနေတဲ့အချိန်ဖြစ် တော့ အမျိုးသားလွှတ်တော်ကိုယ်စားလှယ်၊ ပြည်သူ့ လွှတ်တော်ကိုယ်စားလှယ် စသည်ဖြင့် သူတို့တွေက လွှတ်တော်ထဲမှာ ရောက်နေတယ်။ အမျိုးသားလွှတ်တော် ကိုယ်စားလှယ်ကလည်း ဆက်သွယ်တယ်။ ကျွန်တော်က လည်း သူ့ကိုဆက်သွယ်ပြီး သတင်းပေးတယ်။ ဒီတော့ သူသိတဲ့သတင်းပြောတယ်။ ကျွန်တော်သိတဲ့သတင်းပြော တယ်။ ကျွန်တော်တို့ အဲဒီကို အမြန်ဆုံးသွားမယ်ဆိုပြီး ရောက်အောင်သွားတယ်။ မိုးရွာတာတော့ နည်းလာတယ်။ ဒါပေမယ့် ငါးပေ၊ ခြောက်ပေ တက်ထားတဲ့အတွက်ကြောင့် ကယ်ဆယ်ရေးစခန်းတွေမှာ လူတွေက ရောက်နေပြီ။ ရောက်နေပြီဆိုတော့ ရောက်ရောက်ချင်း ကယ်ဆယ်ရေး စခန်းတွေကို သွားတယ်။ မိုးနည်းနည်းစဲလာတာနဲ့အမျှ ရေကလည်း ပြန်ကျသွားတယ်။ ဒီရေတက်တဲ့အချိန်နဲ့သွား တိုးတော့ ရေကထွက်ဖို့အတွက် မြစ်ထဲမှာ ဒီရေတွေက တောင့်ခံထားတာဖြစ်တယ်။ ဒီရေတက်တဲ့အချိန်က မနက် တစ်ခါ၊ ညတစ်ခါ အပြောင်းအလဲရှိတယ်။ မိုးတွေကလည်း ဆက်တိုက်ရွာတယ်။ ရပ်တယ်၊ ရွာတယ်ဆိုရင်တော်သေး တယ်။ ဆက်တိုက်ရွာလိုက်တော့ တောင့်ခံထားတဲ့ရေတွေ ကလည်းရှိတော့ ငါးပေ၊ ခြောက်ပေအထိ တက်သွားတယ်။

ဒါပေမယ့် မိုးနည်းနည်းစဲလာတယ်။ ရေက တဖြည်းဖြည်းပြန်ထွက်နိုင်တယ်။ အဲဒီအချိန်ကျတော့ တဖြည်းဖြည်းနဲ့ ပြန်ကျသွားတယ်။ အဲဒီမှာ ကျွန်တော်တို့က သင်ခန်းစာဘာရလဲဆိုတော့ ဒီလိုရေကြီးတဲ့အချိန်မှာ လူတွေကို အိမ်ကနေပြီးတော့ ခိုလှုံတဲ့နေရာရောက်ဖို့ လှေလို တယ်။ ကျွန်တော်တို့ လှေကိုးစင်း မွန်ပြည်နယ်မှာ ပေးထား တယ်။ မွန်ပြည်နယ်အစိုးရအဖွဲ့ကလည်း သူလုပ်သင့် လုပ်ထိုက်တာလုပ်ထားတယ်။ ဘာလုပ်ထားသလဲဆိုတော့ ရေကြီးရေလျှံမှု အဖြစ်အများဆုံးက ဘီးလင်းနဲ့ ကျိုက်ထို ဒေသတွေဖြစ်တယ်။ အဲဒီကို လှေတွေပို့ထားတယ်။ ပို့လိုက် တော့ မော်လမြိုင်မှာ ရုတ်တရက် ရေကြီးတဲ့အခါမှာ မလုံ လောက်တော့ဘူးဖြစ်နေတယ်။ အဲဒီသတင်းကို ကျွန်တော် ညကတည်းကကြားတဲ့အခါကျတော့ ချက်ချင်းပဲ ကျွန်တော် တို့သွားတာနဲ့ အရေးပေါ်လှေသုံးစင်းကို ရန်ကုန်ကနေ ပို့ခိုင်းလိုက်တယ်။ ကျွန်တော်တို့ရောက်ပြီး မကြာဘူး လှေလည်းရောက်လာတယ်။ ဘာပဲဖြစ်ဖြစ် သတိထားရ မယ်။ သဘာဝဘေးဆိုတာ မဖြစ်နိုင်ဘူးဆိုတာ မရှိဘူး။ အမြဲတမ်း အဆင်သင့်ဖြစ်ဖို့ဆိုတာ ကျွန်တော်တို့အတွက် သင်ခန်းစာရတယ်။ ဒါပေမယ့် ဒါကို အချိန်မီ လုပ်ဆောင် နိုင်ခဲ့တယ်။

နောက်တစ်ချက်က စခန်းမှာ ရေဘေးခိုလှုံဖို့ ရောက်နေ တဲ့လူတွေရှိတယ်။ အဲဒီလူတွေအတွက် ချက်ပြုတ်ကျွေးမွေး ဖို့ လိုတယ်။ အဲဒီအချိန်မှာ ပိုက်ဆံသွားပေးလည်း လုပ်လို့ မရဘူး။ ဆန်သွားပေးလည်း ချက်စားလို့မရဘူး။ ချက်ပြုတ် ကျွေးမွေးဖို့အတွက်ကျတော့ မော်လမြိုင်မှာ လူမှုအဖွဲ့ အစည်းတွေ အားကောင်းတယ်။ ရပ်ကွက်ထဲမှာလည်း စေတနာရှင်တွေရှိတယ်။ လူမှုအဖွဲ့အစည်းတွေနဲ့ ရပ်ကွက် က စေတနာရှင်တွေနဲ့ ပေါင်းပြီးတော့ ချက်ကျွေးတာတွေ လုပ်တယ်။ ကျွန်တော်တို့ သွားတဲ့အခါမှာ တချို့နေရာတွေ က ရေနည်းနည်းကျလို့ ပြန်သွားကြပြီ။ ကျွန်တော်တို့ ဇွန် ၁၇ ရက် ရောက်ပြီး ၁၈ ရက် မနက် ကယ်ဆယ်ရေးစခန်း တွေကို လိုက်ကြည့်တဲ့အခါမှာ တော်တော်များများက အိမ်ပြန်နေကြပြီ။ တချို့ ကြီးကြီးမားမားကျန်ခဲ့တဲ့နေရာ တွေရှိတယ်။ ချက်ပြုတ်ကျွေးမွေးတဲ့ စေတနာရှင် လူမှုအဖွဲ့ အစည်းတွေကို ငွေကြေးထောက်ပံ့ပေးပါတယ်။

အိမ်ပြန်လို့ ရသွားတဲ့နေရာတွေကျတော့ ကျွန်တော် တို့က တစ်ပတ်စာ ဆန်ဖိုးထောက်ပံ့တယ်ဆိုတာ ရှိတယ်။ ဒါက ကျွန်တော်တို့ရဲ့ ကယ်ဆယ်ရေးရဲ့ နှုန်းထားဖြစ်တယ်။ ဝန်ကြီးဌာနက ဆောင်ရွက်ပေးတဲ့နှုန်းထားပါ။ တစ်ယောက် ကို ငွေကျပ် ၂၁ဝဝ ဆို ၂၁ဝဝ ပဲ၊ ကလေးလည်း ၂၁ဝဝ ပဲ၊ လူဦးရေနဲ့ တွက်ပြီးတော့ ပေးပါတယ်။ ပြည်နယ်အစိုးရ ကို လူဦးရေနဲ့ မြှောက်ပြီးတော့ ၁၅၅ သိန်းကျော် တစ်ခါတည်း တစ်ပြိုင်နက်တည်း ထောက်ပံ့ပေးခဲ့ပါတယ်။

အဲဒီငွေတွေကို သက်ဆိုင်ရာကလည်း ပြည်သူ လက်ဝယ်အရောက်ပို့ပေးပါလို့ ကျွန်တော်တို့ ပန်ကြား တယ်။ ပူးပေါင်းဆောင်ရွက်ဖို့လည်း လူ့အဖွဲ့အစည်းတွေနဲ့ ကျွန်တော်တို့ စည်းရုံးဆောင်ရွက်တယ်။ ချက်ချင်းပဲ အဲဒီ နေ့ညနေမှာပဲ လူမှုအဖွဲ့အစည်းတွေနဲ့ အစည်းအဝေး လုပ်တယ်။ အစည်းအဝေးလုပ်ပြီးတော့ ကျေးဇူးတင် ကြောင်း ပြောတယ်။ လူမှုအဖွဲ့အစည်းကို ကျေးဇူးတင် တယ်။ ကျွန်တော်တို့မရောက်ခင် လူမှုအဖွဲ့အစည်းတွေ ရောက်နေပြီ။ ကျွန်တော်တို့ ရောက်သွားလည်း ကျွန်တော် တို့က အင်အားနည်းတယ်။ ကျွန်တော်တို့ ဝန်ကြီးဌာနက တကယ်တမ်းဆို အင်အားနည်းပါတယ်။

ကျွန်တော်တို့ရဲ့လူမှုဝန်ထမ်းတို့၊ ကယ်ဆယ်ရေးတို့ က ဝန်ထမ်းတွေကလည်း ပါဝင်ကူညီနေပါတယ်။ ဒါပေ မယ့် လူဦးရေက နည်းနည်းလေး။ ဆယ်ဂဏန်းပဲရှိတယ်။ တကယ်တမ်းဆိုရင် အများကြီးလိုတယ်။ လူမှုအဖွဲ့အစည်း တွေနဲ့ ပူးပေါင်းပေးတဲ့အတွက်ကြောင့် ကျေးဇူးတင်ပါတယ်။ လူမှုအဖွဲ့အစည်းတွေနဲ့ တွေ့ဆုံပြီးတော့ သူတို့နဲ့ နောက်တစ်ခါကျရင် ဒီထက်ပိုချိတ်ဆက်အားကောင်း အောင် ဆိုလိုတာက သူတို့ကို ချက်ချင်းပံ့ပိုးလိုက်မယ်။ အရင်တုန်းက လူမှုအဖွဲ့အစည်းတွေနဲ့ စည်းရုံးဆောင်ရွက် တယ်ဆိုပေမယ့် ချိတ်ဆက်မှုအားက မကောင်းသေးဘူး။ တကယ်တမ်း လက်တွေ့လုပ်ကြည့်တော့မှ သိတယ်။ ချိတ်ဆက်ဖို့ အားမကောင်းဘူး။ ချိတ်ဆက်အားကောင်း အောင် ကျွန်တော်တို့ ဆောင်ရွက်တယ်။ ပိုပြီးတော့ ချိတ်ဆက် နိုင်အောင် ဆောင်ရွက်ပါတယ်။

ရောက်တဲ့နေ့ ၁၈ ရက် ညနေကျတော့ စခန်းတွေ ပိတ်သိမ်းသွားပြီ။ နှစ်ခုလောက်ပဲ ကျန်တော့တယ်။ ၁၈ ရက်နေ့ ညနေမှာပဲ စခန်းတော်တော်များများ အကုန် လုံးက ပိတ်သိမ်းလိုက်နိုင်တယ်။ ပိတ်သိမ်းလိုက်နိုင်တယ် ဆိုတာ ဒီရေဟာ ရုတ်တရက်ကြီး တက်သွားပြီး နောက်ပြီး တော့ပြန်ကျသွားတယ်။ ဘာကြောင့် ပြန်ကျသွားလဲ။ မိုးဆက် မရွာလို့။ မိုးဆက်ရွာရင် ဆက်တက်ဦးမှာ။ ရေအထွက်ကျ တော့ သိပ်ဒလဟောမဖြစ်ဘူး။ ဘာကြောင့်လဲဆိုတော့ အဲဒီမှာပြဿနာက အရင်တုန်းကလည်း မိုးက ဒီလိုမျိုး ကြီးလေ့မရှိဘူး။ နောက်ပြီးတော့ တစ်နိုင်ငံလုံးမှာပဲ ဖြစ်နေ တဲ့ အဖြစ်အပျက်ပဲ။ မြောင်းတွေရှိတယ်။ အိမ်ဆောက် တဲ့အခါမှာ စနစ်တကျ ရှေ့မှာမြောင်းရှိရမယ်။ ရေစီးရေလာ ကောင်းအောင် ရှိရမယ်။ အခု အဲဒီလိုမဟုတ်ဘူး။ တချို့ အိမ်တွေမှာ ရေမြောင်းလုံးဝမရှိဘူး။ ရှိတဲ့ရေမြောင်းက လည်း အမှိုက်သရိုက်တွေနဲ့ ပိတ်ဆို့နေတယ်။ ရေတွေက ထွက်လို့မရ။ အဲဒီမှာ လျှံတက်လာတယ်။ ဒါမျိုးတွေရှိတယ်။ နောက်တစ်ခုက တချို့က နေရာထိုင်ခင်းခက်ခဲတော့ ဒီလို ပဲ ဟိုဆောက် ဒီဆောက်နဲ့ ပုံစံမကျ ဆောက်နေတာတွေ လည်းရှိတယ်။ ပုံစံမကျဆောက်ထားတဲ့အတွက်ကြောင့် မြောင်းရှိရမယ့်နေရာမှာ မြောင်းမရှိဘူး။ တချို့မြောင်းတွေ လည်း ပိတ်သွားပြီ။ ဒါမျိုးလေးတွေတော့ရှိပါတယ်။

ဝန်ကြီးချုပ်နဲ့ ကျွန်တော်တို့ ပြည်သူတွေနဲ့ ထိတွေ့ တဲ့အခါမှာ ဒါကိုကျွန်တော်တို့ ရှင်းပြတယ်။ စနစ်တကျ နေရာလေးတွေပြန်ချရအောင်၊ ရေမြောင်းဆိုလည်း မြောင်းအတိုင်း ဖြစ်အောင်၊ မြောင်းဆိုလည်း ရေစီးရေလာ ကောင်းအောင် အမှိုက်သရ်ိုက်တွေကိုလည်း ဒီလိုမျိုးမပစ် တော့ဘူး။ အားလုံးဝိုင်းဝန်းဆယ်မယ်။ အိမ်တွေလည်း အတည်တကျဖြစ်အောင် ပုံစံပြန်ပြီးတော့ချမယ်။ ပုံစံချတဲ့ အခါမှ သာသည်နာသည် မတွက်ပါနဲ့။ ဒါပေမယ့် အဆင်ပြေအောင်တော့ ပြည်သူအတွက် အစိုးရက ဆောင် ရွက်ပေးရမှာပဲ။ ဒါကို ပူးပေါင်းပါဝင်ဖို့ လိုပါတယ်လို့ ကျွန်တော်တို့က စည်းရုံးပြီးတော့ ပြောရတာပေါ့။ အဲဒီလိုနဲ့ ကျွန်တော်တို့ ဆောင်ရွက်ခဲ့တယ်။ ဒါက တစ်ပိုင်းပါ။

နောက်တစ်ခုက ဘုရားကိစ္စပါ။ အဓိက အရေးကြီး တာက ကုန်းတော်။ ဒီကုန်းတော်က ၂ဝ၁၃-၂ဝ၁၄ မှာ ချဲ့ထားတာရှိတယ်။ ချဲ့ထားတဲ့မြေအပိုင်းဘက်က ပြိုကျ တယ်။ ပြိုကျတယ်ဆိုတာ အခုနကပြောတဲ့အထဲမှာ ပါပါ တယ်။ ဘာဖြစ်လို့လဲဆိုတော့ ဘုရားရဲ့အောက်ကို လှမ်းကြည့် လိုက်တဲ့အခါမှာ အောက်ခြေမြေမှာ အမှိုက်တွေလည်း များတယ်။ ဒီအမှိုက်တွေ၊ ပလတ်စတစ်တွေ ဒါတွေက ခံနေတော့ မြေကြီးချင်း ချိတ်ဆက်အားမှာ ဆွဲငင်အား မရှိတော့ဘူး။ မြေသားတွေ မခိုင်ခံ့ဘူး။ မိုးကလည်းများတဲ့ အခါကျတော့ ပြိုလွယ်တယ်။ အိကျတယ်။ နောက်တစ်ခု အရေးကြီးတာကဘာလဲဆိုတော့ သာသနိက အဆောက် အအုံ ဘုန်းကြီးကျောင်းတွေဆောက်တယ်။ တစ်ပါးကျောင်း တွေရှိတယ်။ တစ်ပါးကျောင်းတွေကတော့ အကုန်လုံး ပြိုသွားတယ်။ နှစ်ထပ်ကျောင်းဆောင်အသစ်နီးပါး တစ်ခု ရှိတယ်။ သို့သော်လည်း အခုနကမြေတွေ ပြိုကျလာတဲ့အခါ မှာ ကျောင်းကြီးက အက်ကွဲသွားတယ်။ တိုင်တွေပြတ်ထွက် သွားတယ်။ ဆိုလိုတာက ကုန်းရဲ့ဘေးမှာ အဆောက်အအုံ တွေဆောက်တဲ့အခါမှာ မြေတွေကို တူးဖော်ပြီးဆောက်ရ တဲ့အတွက်ကြောင့် ကုန်းရဲ့ အောက်ခြေခိုင်ခံ့မှုက လျော့နည်းသွားတယ်။ ဒါက အင်မတန်အရေးကြီးပါတယ်။ အဆောက်အအုံတွေ ဆောက်တဲ့အခါမှာ သတိထားဖို့က လည်း အရေးကြီးပါတယ်။ နောက်က အမှိုက်တွေပစ်တယ်။ အမှိုက်တွေပစ်တော့ ဒီမြေကြီးထဲမှာ အမှိုက်တွေ၊ ပလတ် စတစ်စတွေကြောင့် မြေကြီးရဲ့သိပ်သည်းမှု မြေကြီးရဲ့ နဂို ရှိရမယ့်ဟာက မရှိတော့ဘူး။ မိုးရေများများကျတဲ့အခါမှာ လည်း မခံနိုင်ဘူး။ ပြိုကျတယ်။ ဒါတွေအတွက်ကိုလည်း ဆက်လက်ဆောင်ရွက်ရမှာရှိပါတယ်။ မော်လမြိုင်မှာ အဓိက ရေကြီးတာနဲ့ပတ်သက်လို့ သင်ခန်းစာတွေ အများ ကြီးရတယ်။ ဆိုလိုတာက အမှိုက်တွေကို စနစ်တကျ စွန့်ပစ်ဖို့လိုတယ်။ နေရာတိုင်းမှာ ရေစီးရေလာကောင်းဖို့ မြောင်းတွေဖော်ထုတ်ဖို့လိုတယ်။ ဒါဟာ ပြည်နယ်တစ်ခု လုံးမှာ ဆောင်ရွက်ရမယ်။ အစိုးရ၊ ပြည်သူနဲ့ လူမှုအဖွဲ့ အစည်းတွေနဲ့ ပူးပေါင်းပြီးဆောင်ရွက်လိုက်ရင် နောက်တစ် ခါ ဒီလိုမျိုး ကြုံမှမဟုတ်တော့ဘူး။ ဘာဖြစ်လို့လဲဆိုတော့ ရေရှိရင်၊ မြောင်းရှိရင် သူ့ဘာသာသူ ဆင်းသွားမှာပဲ။ အဲဒါလေး ကျွန်တော့်အနေနဲ့ ပြောချင်ပါတယ်။

ဦးစိုးအောင်
ဒုတိယဝန်ကြီး
လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန

ပြီးခဲ့တဲ့ ၁၇ ရက်က မိုးအဆက်မပြတ် ရွာသွန်းခဲ့တာ ကြောင့် မော်လမြိုင်၊ ရေး၊ သံဖြူဇရပ် စတဲ့ မြို့တွေနဲ့ ရပ်ရွာတွေမှာ ရေကြီးရေလျှံမှုတွေဖြစ်တယ်။ မော်လမြိုင်မြို့မှာလည်း ၁၇ ရက်က မိုးအဆက်မပြတ် ရွာသွန်းတဲ့အတွက် မြို့ထဲမှာလည်း ရေကြီးရေလျှံမှုတွေ ဖြစ်တယ်။ မော်လမြိုင်မြို့ဆိုတာလည်း အတ္ထရံမြစ်နဲ့ သံလွင်မြစ်ကြားမှာ တည်ရှိပြီး နှစ်ဖက်ကနေ ရေတောင့် တာတွေလည်း ရှိပါတယ်။ အဲဒီလိုရေတောင့်တာတွေရှိပြီး ရေဝင်ရေထွက်မကောင်းတဲ့အခါ မြို့ထဲမှာ ရေကြီးရေလျှံ မှုတွေဖြစ်သလို မော်လမြိုင်မြို့ရဲ့အထင်ကရ တန်ခိုးကြီး ကျိုက်သလ္လံစေတီတော်မြတ်ကုန်းတော်မှာလည်း မြေပြိုမှု တွေ ဖြစ်ခဲ့ပါတယ်။ ဒီမြေပြိုမှုတွေ ဖြစ်ဖြစ်ချင်းအချိန်မှာပဲ ပြည်ထောင်စုဝန်ကြီးက ချက်ချင်းသွားရောက်ခဲ့ပြီး ကူညီ ကယ်ဆယ်ထောက်ပံ့မှုတွေ၊ အရေးပေါ်ဆောင်ရွက်မှုတွေ ကို မွန်ပြည်နယ်အစိုးရအဖွဲ့နဲ့ ပူးပေါင်းဆောင်ရွက်ခဲ့ပါ တယ်။ အဲဒီလိုဆောင်ရွက်ခဲ့တဲ့အခါမှာ လတ်တလော အရေးပေါ်ကယ်ဆယ်ရေးစခန်း ၂၆ ခု ဖွင့်ထားခဲ့တာ ရှိပါတယ်။ ဇွန် ၁၉ ရက် ညနေမှာတော့ စခန်းတွေအားလုံး ပိတ်သိမ်းခဲ့ပြီးဖြစ်ပါတယ်။

ရေကလည်း တစ်ဟုန်ထိုးတက်တယ်။ မိုးစဲသွားတာနဲ့ ဖယ်ရှားမှုတွေ အမြန်ဆုံးလုပ်လိုက်တဲ့အခါမှာတော့ ရေက ချက်ချင်းကျသွားပါတယ်။ ရေကျသွားတာနဲ့ ရပ်ရွာပြည်သူ လူထုအနေနဲ့လည်း မိမိအိမ်ကို ပြန်လည်နေထိုင်ပြီး မူလ အနေအထားဖြစ်အောင် ဆောင်ရွက်ပါတယ်။ အဲဒါတွေကို လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနအနေနဲ့လည်း ပြည်ထောင်စုဝန်ကြီးကိုယ်တိုင် သွားရောက်ပြီးတော့ ထောက်ပံ့မှုတွေ ဆောင်ရွက်ပေးခဲ့ပါ တယ်။ မော်လမြိုင်မြို့ တန်ခိုးကြီးဘုရား ကျိုက်သလ္လံစေတီ တော်ကုန်းမြေ မြေပြိုသွားတာနဲ့ ပတ်သက်ပြီး ဆောက်လုပ် ရေးဝန်ကြီးဌာနက ပညာရှင်အဖွဲ့နဲ့ သွားရောက်ပြီး ဆန်းစစ်မှုတွေ၊ ဆွေးနွေးမှုတွေ၊ ထောက်ပံ့မှုတွေ လုပ်ခဲ့ ပါတယ်။ အမျိုးသားသဘာဝဘေးအန္တရာယ်ဆိုင်ရာ စီမံ ခန့်ခွဲမှုကော်မတီဥက္ကဋ္ဌ ဒုတိယသမ္မတ ဦးဟင်နရီဗန်ထီးယူ ရဲ့ လမ်းညွှန်ချက်အရ ဆောက်လုပ်ရေးဝန်ကြီးဌာနက ပညာရှင်တွေနဲ့ အမြန်ဆုံးသွားရောက်ပြီး မြေပြိုမှုတွေကို ထိန်းသိမ်းနိုင်ဖို့ သွားရောက်ခြင်းဖြစ်ပါတယ်။ ကျွန်တော်တို့ ၁၉ ရက် မွန်းလွဲပိုင်းမှာပဲ ဘုရားကုန်းတော်ပေါ်မှာ ဂေါပကအဖွဲ့ဝင်တွေရယ်၊ ကရင်ပြည်နယ်လူမှုရေး ဝန်ကြီးရယ်၊ အခြားပညာရှင်အဖွဲ့တွေရယ်၊ လွှတ်တော် ကိုယ်စားလှယ်အဖွဲ့တွေရယ်၊ ဒေသခံတွေနဲ့ ဆွေးနွေးပါ တယ်။ ဆွေးနွေးပြီးတဲ့နောက် ပညာရှင်တွေရဲ့ သုံးသပ်ချက် အရ ချက်ချင်းရေပိတ်အောင်သုံးတဲ့ ဘိလပ်မြေတွေနဲ့ ရေမဝင်အောင်ပိတ်ဆို့တာတွေ၊ မသွားရမယ့်နေရာ သတ်မှတ်တာတွေ၊ ဆက်ပြီး မြေပြိုနိုင်တဲ့နေရာတွေမှာ မိုးရွာရင်ရေမစိမ့်အောင် တာပေါ်လင်စတွေနဲ့ ဖုံးအုပ်တာ တွေ လုပ်ဆောင်ခဲ့ပါတယ်။

အဲဒါတွေ လုပ်ဆောင်ပြီးတာနဲ့ မွန်ပြည်နယ်အစိုးရ အဖွဲ့ရုံးကို သွားရောက်ပြီး ပြည်နယ်ဝန်ကြီးချုပ်ထံမှာ ကော်မတီဥက္ကဋ္ဌရဲ့လမ်းညွှန်မှုနဲ့ အမျိုးသားသဘာဝဘေး အန္တရာယ်ဆိုင်ရာ စီမံခန့်ခွဲမှုကော်မတီကနေ ဘုရားကြီး ကုန်းတော် မြေပြိုမှုအတွက် ပြုပြင်မွမ်းမံမှုလုပ်ငန်းများ ဆောင်ရွက်နိုင်ဖို့အတွက် ကနဦးအနေနဲ့ ကျပ်သိန်း တစ်ထောင်ကို သွားရောက်လှူဒါန်း ထောက်ပံ့ပေးခဲ့ ပါတယ်။ မော်လမြိုင်မြို့ရေကြီးရေလျှံမှု ချက်ချင်းဖြစ်တာနဲ့ အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှု ကော်မတီဒုတိယဥက္ကဋ္ဌဖြစ်တဲ့ ပြည်ထောင်စုဝန်ကြီး ကိုယ်တိုင် ချက်ချင်းသွားရောက်ခဲ့သလို ကော်မတီကလည်း ကြီးကြပ်လမ်းညွှန်မှုတွေပေးတဲ့အတွက် အမြန်ဆုံး ထောက်ပံ့မှုတွေ၊ ကုန်းတော်ပြန်လည်မွမ်းမံဖို့အတွက် အဖွဲ့ဖွဲ့ခြင်းတွေ ဆောင်ရွက်ပါတယ်။ ပြည်နယ်ကလည်း သူ့အပိုင်းနဲ့သူ ဘဏ္ဍာငွေရရှိရေးကိစ္စတွေ၊ ပြုပြင်မွမ်းမံဖို့ ကော်မတီဖွဲ့စည်းခြင်းတွေ ဆောင်ရွက်ထားပြီးဖြစ်ပါတယ်။ ပြည်ထောင်စုအနေနဲ့လည်း ဝန်ကြီးဌာနတွေက ပညာရှင် တွေရယ်၊ မြန်မာနိုင်ငံ အင်ဂျင်နီယာအသင်းနဲ့ ဘူမိဗေဒ အဖွဲ့ စတဲ့ပညာရှင်တွေနဲ့အတူ မြေပြိုမှုတွေကို ထိန်းသိမ်း နိုင်ဖို့ ဆောင်ရွက်နေတယ်ဆိုတာကို ပြည်သူများသိအောင် ပြောကြားလိုပါတယ်။

ဦးမြင့်ဇော် (ဒုတိယညွှန်ကြားရေးမှူးချုပ်)

အဆောက်အဦဦးစီးဌာန၊ ဆောက်လုပ်ရေးဝန်ကြီးဌာန

မွန်ပြည်နယ် မော်လမြိုင်မြို့မှာ ဇွန် ၁၆ ရက်ကစပြီး မိုးကြီးတယ်။ ရွာသွန်းတဲ့ မိုးရေချိန်ဟာ ၁၃ ဒသမ ၅ လက်မလောက်အထိ ရွာသွန်းခဲ့ပါတယ်။ ဒီလိုရွာသွန်းတဲ့ မိုးရေချိန်ကြောင့် ကျိုက်သလ္လံဘုရားကြီးရဲ့ အရှေ့မြောက် ထောင့်နဲ့ အနောက်ဘက်မှာ အက်ကွဲတာတွေ၊ မြေပြိုမှုတွေ၊ အနည်းငယ်ပြတ်ကျတာတွေ ဖြစ်ပေါ်ခဲ့ပါတယ်။ အဲဒီလို ဖြစ်ပေါ်တဲ့အတွက် ဆောက်လုပ်ရေးဝန်ကြီးကနေပြီးတော့ ဝန်ကြီးဌာနအနေနဲ့ သွားရောက်စစ်ဆေးဖို့ မှာကြားတဲ့ အတွက် ၁၈ ရက် နေ့လယ်မှာ ကျွန်တော်တို့အဖွဲ့တွေ နေပြည်တော်ကနေ မော်လမြိုင်ကိုသွားပါတယ်။ ၁၉ ရက် မနက် ၈ နာရီမှာတော့ မွန်ပြည်နယ်မှာရှိတဲ့ ဆောက်လုပ်ရေးအဖွဲ့တွေ၊ ဂေါပကအဖွဲ့တွေနဲ့အတူ ကျိုက်သလ္လံစေတီကုန်းတော်ရဲ့ ပျက်စီးမှုအခြေအနေကို ကြည့်ရှုခဲ့ပါတယ်။

အဓိကတွေ့ရှိချက်ကတော့ ကုန်းတော်ပေါ်မှာ မိုး များတဲ့အတွက် မိုးတွေဟာ ကုန်းတော်ပေါ်ကနေ အောက်ထဲကို စိမ့်ဝင်သွားတယ်။ အဲဒီလို စိမ့်ဝင်တဲ့အခါမှာ မူလရှိတဲ့ မြေကြီးရဲ့ဂုဏ်သတ္တိဟာ ရေနဲ့တွေ့တဲ့အခါ ကျဆင်း သွားတယ်။ ကျရောက်တဲ့ မိုးရေတွေဟာ ရေစီးကြောင်း ဖြစ်ပြီး ဘေးကိုတွန်းထုတ်ပြီးတော့ အရှေ့မြောက်ဘက်က ညောင်ပင်ကြီးလဲကျတာကိုလည်း တွေ့ရှိရပါတယ်။ ညောင်ပင်လဲတဲ့အတွက် ညောင်ပင်က တောင့်ခံထားတဲ့ မြေသားတွေက ဆက်ပြီးတော့ တောင့်ခံမထားနိုင်တော့ဘဲ အပေါ်ပိုင်းမှာ အနည်းငယ် နိမ့်ကျတာတွေ၊ အက်ကွဲတာ တွေ၊ မြေသားပြိုတာတွေ တွေ့ရပါတယ်။ အရှေ့မြောက် ထောင့်အောက်မှာရှိတဲ့ ဘုန်းကြီးကျောင်းတစ်ဝက်လောက် အထိ မြေတွေဖုံးပြီးတော့ မြုပ်သွားတာကို တွေ့ရပါတယ်။ စေတီတော်မှာ ဓာတ်လှေကားအနေနဲ့ အရင်က တပ်ထားတဲ့ ဓာတ်လှေကားအဟောင်းရှိပါတယ်။ အရှေ့ဘက်ကတော့ ဓာတ်လှေကားအသစ် တည်ဆောက်ထားတာဖြစ်ပါတယ်။ အရှေ့ဘက်ကပိုမြင့်ပါတယ်။ အရှေ့ဘက်က ပေ ၁၁ဝ လောက်မြင့်ပြီးတော့ အနောက်ဘက်ဓာတ်လှေကားက ၆၅ ပေလောက် ရှိပါတယ်။ ဘုရားရင်ပြင်ပေါ်မှာ အက်ကွဲ ကြောင်းတွေ တွေ့ပါတယ်။

ဂေါပကအဖွဲ့ကလည်း ချက်ချင်းအက်ကွဲကြောင်းတွေ ကို ဘိလပ်မြေ၊ မဆလာတွေနဲ့ လုပ်ထားပြီး မြေကြီးထဲကို ရေထပ်မံဝင်ရောက်ရင် ပိုပြီး မြေပြိုမှာဖြစ်တဲ့အတွက် မိုးကာစတွေကို ဖုံးအုပ်ထားတယ်။ ကျန်တဲ့အပျက်အစီး အပိုင်းအစတွေကို ဖယ်ရှားထားတာတွေ တွေ့ပါတယ်။

မိုးတွင်းကာလမှာ ဒီဘုရားကုန်းတော်ကြီးကို ကောင်းအောင် ပြန်ပြင်ဖို့ဆိုတာ အချိန်ယူရမှာဖြစ်ပါတယ်။ မြေထပ်မံပြိုကျမှုကို တားဆီးဖို့ဆိုတာ ကျောက်စီနံရံလို မျိုးတွေ ဆောင်ရွက်မယ်ဆိုပြီး ဆုံးဖြတ်ပါတယ်။ ပုံမှန် အတိုင်း ရေလမ်းကြောင်းတွေကောင်းအောင်၊ ရေတွေ ဝပ်မနေအောင်၊ ရေဆင်းကောင်းအောင် ဆောင်ရွက်ဖို့ ဂေါပကအဖွဲ့နဲ့လည်း ညှိနှိုင်းမှာကြားထားတယ်။ ရေရှည် လုပ်ဖို့အတွက် ဆောက်လုပ်ရေးဝန်ကြီးဌာနတင်မကဘဲ NGOအဖွဲ့အစည်းဖြစ်တဲ့ မြန်မာနိုင်ငံအင်ဂျင်နီယာ ကောင်စီ၊ မြန်မာနိုင်ငံအင်ဂျင်နီယာအသင်း၊ မြန်မာနိုင်ငံ ငလျင်ကော်မတီ၊ ဘူမိဗေဒပညာရှင်တွေကို ဖိတ်ကြားပြီး အသေးစိတ် ဘုရားကုန်းတော်ရဲ့ မြေအနေအထားကို စစ်ဆေးရမှာဖြစ်ပါတယ်။ စစ်ဆေးပြီးတော့ Soil Test ရဲ့ ရလဒ်အပေါ် မူတည်ပြီးတော့ ရေရှည်ကောင်းမွန်ဖို့ အတွက် မြေကာနံရံတွေကို ဒီဇိုင်းလုပ်မှာ ဖြစ်ပါတယ်။

မြေကာနံရံတွေ တည်ဆောက်ပြီးတဲ့အခါမှာ ကုန်းတော်အတွင်းပိုင်းမှာရှိတဲ့ မြေသားတွေကို ပိုမိုပြီးတော့ အားကောင်းအောင် လိုအပ်တာတွေ ဆောင်ရွက်ပါမယ်။ ရင်ပြင်ပေါ်မှာ တချို့ ပျက်စီးတဲ့ သာသနိကဆောက်အအုံ တွေကို ပြန်လည်ပြင်ဆင်ပါမယ်။

ဒါတွေကို ဆောင်ရွက်ဖို့အတွက် ပြည်နယ်အစိုးရက လည်း ပြည်နယ်အဆင့် ပြန်လည်ပြုပြင်ရေးကော်မတီကို ဖွဲ့စည်းပြီးဖြစ်ပါတယ်။ ပြည်ထောင်စုဝန်ကြီးကလည်း နိုင်ငံတော်သမ္မတရုံးကို ဖွဲ့စည်းတဲ့စာ ပေးပို့ထားတာဖြစ်ပါ တယ်။ ပြည်ထောင်စုအဆင့်မှာတော့ ဆောက်လုပ်ရေး ဝန်ကြီးဌာနရဲ့ ဒုတိယဝန်ကြီး ဦးကျော်လင်းက ဥက္ကဋ္ဌ၊ ကျွန်တော်က အတွင်းရေးမှူး၊ ပြီးတော့ ကျန်တဲ့သက်ဆိုင်ရာ အဖွဲ့တွေလည်း ပါတယ်။ အခု ကျိုက်သလ္လံစေတီတော်မြတ် ကြီးမှာလည်း လုပ်ငန်းတွေ ဆောင်ရွက်ဖို့ ဖွဲ့စည်းဆောင် ရွက်သွားမှာ ဖြစ်ပါတယ်။

အဓိကတွေ့ရှိချက်တွေကို လူမှုဝန်ထမ်း၊ ကယ်ဆယ်ရေး နှင့် ပြန်လည်နေရာချထားရေးဝန်ကြီးဌာနကို အစီရင်ခံစာ ပေးပို့ပြီးဖြစ်ပါတယ်။ အဓိက က ရင်ပြင်မှာ မိုးရေမဝင် အောင်၊ ရေဆင်းကောင်းအောင်၊ အက်ကွဲကြောင်းတွေမရှိ အောင် ဆောင်ရွက်ရမှာ ဖြစ်ပါတယ်။ အမှိုက်တွေကို စနစ်တကျမစွန့်ပစ်တဲ့အတွက် အမှိုက်တွေကြောင့် မြေသား ဟာ ရေစီးကြောင်းဒဏ်ကို မခံနိုင်တော့ဘဲ ပါသွားတာဖြစ်ပါ တယ်။ နောက်တစ်ခုက အမှိုက်တွေ စွန့်ပစ်တဲ့အခါ ကြွက် တွေရောက်လာပြီး အောက်ကမြေကြီးကို ဖောက်တဲ့ အနေ အထားရှိတဲ့အတွက် ဖြစ်ပါတယ်။

လောလောဆယ် မြေပြိုတာအများဆုံးဖြစ်တဲ့ အရှေ့ မြောက်ဘက်ကို အရင်ဆုံး ဆောင်ရွက်မယ်။ အနောက် ဘက် အလယ်မုခ်ဦးကြီးက တိုင်တွေပြတ်ပြီးတော့ နိမ့်ကျ တာကိုလည်း တွေ့ပါတယ်။ လှေကားထစ်တွေ အက်ကွဲ တာတွေ တွေ့တဲ့အတွက် သေချာစစ်ဆေးပြီးတော့မှ ပြုပြင်မှာဖြစ်ပါတယ်။ အခု လက်ရှိအနေအထားမှာ ဓာတ်လှေကားကို မသုံးစွဲသေးပါဘူး။ သက်ဆိုင်ရာ မွန်ပြည်နယ်အစိုးရအဖွဲ့နဲ့ ပူးပေါင်းဆောင်ရွက်မယ်။ ပညာရှင်တွေကို ဖိတ်ခေါ်ပြီး သူတို့လည်း ဆောင်ရွက်နေ ပါတယ်။ ကျွန်တော်တို့ ဦးစီးဌာနကလည်း ပေးအပ်တဲ့ တာဝန်ကို တာဝန်ယူပြီး ဆောင်ရွက်သွားမှာဖြစ်ပါတယ်။

ရှင်မင်း၊ မွှေးကြူဇင်

ဓာတ်ပုံ-ကျော်ရဲဆွေ