တိုင်းဒေသကြီးအစိုးရဘတ်ဂျက်ဖြင့် ဆောက်လုပ် ပြီးစီးသွားသည့် အောင်မြေမန္တလာ နိုင်ငံ့ဝန်ထမ်းအိမ်ရာတိုက်ခန်းပေါင်း ၂၆ဝ တွင် မကြာမီ နေရာချထားပေးတော့မည်ဖြစ်ကြောင်း သိရ
သည်။
သည်။
''လက်ရှိမှာ အခန်းတွေအားလုံးပြီးစီးသွားပါပြီ၊ မီတာဘောက်မရသေးလို့ မီးမရသေးတာပါ၊ မကြာမီ ရက်ပိုင်းမှာ မီတာဘောက်တပ်ပြီးရင် နေထိုင်လို့ရ နေပါပြီ၊ ကျွန်တော်တို့ကလည်း နေရေးအခက်အခဲ ရှိတဲ့ ဝန်ထမ်းတွေအတွက် နှစ်စဉ် အိမ်ရာတွေ ဆောက်လုပ်ပေးနေသလို ဆောက်လုပ်ပြီးတဲ့ အိမ်ရာ တွေမှာလည်း အမြန်ဆုံးနေထိုင်ခွင့်ရကြပြီး သူတို့ ပျော်ရွှင်မှုရအောင်ကြိုးစားနေပါတယ်''ဟု တိုင်း ဒေသကြီး မြို့ပြနှင့်အိမ်ရာဖွံ့ဖြိုးရေးဦးစီးဌာနမှ ညွှန်ကြားရေးမှူး ဦးသက်နိုင်က ပြောသည်။
အဆိုပါ နိုင်ငံ့ဝန်ထမ်းအိမ်ရာများတွင် နေထိုင် ခွင့်ရရှိရန် လျှောက်ထားသူဦးရေမှာ တစ်ထောင် ကျော်ရှိသော်လည်း လျှောက်ထားဆဲကာလမှာပင် ပြောင်းရွှေ့သွားသူများ၊ နုတ်ထွက်သွားသူများနှင့် အငြိမ်းစားယူသွားကြသူများ၏ စာရင်းကို ပြန်လည် စိစစ်ပယ်ဖျက်သွားပါက လျှောက်ထားသူဦးရေလျော့ ကျသွားမည်ဖြစ်ကြောင်း သိရသည်။
''ယခင်လက်ကျန်လျှောက်လွှာက ၄၈ဝ ရှိပြီး ၂ဝ၁၇ ခုနှစ် အတွင်းမှာ လာရောက်လျှောက်ထားတဲ့ လျှောက်လွှာပေါင်း ၅၂၉ စောင်ရှိပါတယ်၊ ကျွန်တော်တို့ တိုင်းဒေသကြီးရုံးက လာရောက် လျှောက်ထားတဲ့ လျှောက်လွှာတွေကို ဝန်ကြီးဌာန အလိုက်၊ လျှောက်ထားတဲ့ နေ့စွဲအလိုက်စုစည်း ပြုစုပြီး တိုင်းဒေသကြီးအစိုးရအဖွဲ့ လျှပ်စစ်၊စွမ်းအင် နဲ့ ဆောက်လုပ်ရေး ဝန်ကြီးထံတင်ပြထားပါတယ်၊ ဒီလျှောက်လွှာတွေကို ရုံးအဖွဲ့တွေ၊ လွှတ်တော် ကိုယ်စားလှယ်တွေပါတဲ့ ရွေးချယ်ရေးအဖွဲ့နဲ့ ချမှတ်ထားတဲ့မူဝါဒအတိုင်း စိစစ်ရွေးချယ်နေပါပြီ၊ မကြာမီနေထိုင်ခွင့်ရတဲ့ ဝန်ထမ်းစာရင်းကို ကြေညာ ပေးသွားမှာပါ''ဟု ၎င်းက ပြောသည်။
အဆိုပါ အောင်မြေမန္တလာ နိုင်ငံ့ဝန်ထမ်းအိမ်ရာ များတွင် မန္တလေးခရိုင်အတွင်း တာဝန်ထမ်းဆောင် နေကြသည့် နိုင်ငံ့ဝန်ထမ်းများအနက် ဝင်ငွေနည်း ဝန်ထမ်းများနှင့် ဆရာ ဆရာမများကို ဦးစားပေး ရွေးချယ်၍ နေရာချထားပေးသွားမည်ဖြစ်ကြောင်း သိရသည်။ လက်ရှိတွင် မန္တလေးတိုင်းဒေသကြီး အတွင်း၌ နိုင်ငံ့ဝန်ထမ်း ၅၆၁၆၂ ဦးရှိရာ ¤င်းတို့ အတွက် ဆောက်လုပ်ပြီးစီးသည့် အိမ်ရာတိုက်ခန်း မှာ ၃ဝ၃ဝ သာရှိသည့်အတွက် အကောင်အထည် ဖော်ဆောင်ရွက်ပေးနိုင်သည့် ရာခိုင်နှုန်းမှာ ၅ ဒသမ ၃၉ ရာခိုင်နှုန်းရှိပြီဖြစ်ကြောင်း သိရသည်။
မင်းထက်အောင်(မန်းကိုယ်ပွား)
No comments:
Post a Comment