ကမ္ဘာ့ဖလားပြိုင်ပွဲ အုပ်စု(C)၏ ပွဲစဉ်တစ်ပွဲဖြစ်သည့် ဒိန်းမတ် အသင်းနှင့် သြစတြေးလျအသင်းတို့၏ ပွဲစဉ်တွင် တစ်ဖက်တစ်ဂိုးစီ သရေရလဒ်ထွက်ပေါ်ခဲ့သည်။
အဆိုပါပွဲစဉ်တွင် ဒိန်းမတ်အသင်းသည် ပထမပိုင်းပွဲကစားချိန် ခုနစ်မိနစ်မှာပင် ကွင်းလယ်ကစားသမားအဲရစ်ဆင်၏ သွင်းဂိုးဖြင့် ဦးဆောင်ဂိုးစတင်ရရှိခဲ့သည်။ သို့ရာတွင် သြစတြေးလျအသင်းက ပွဲ ကစားချိန် ၃၈ မိနစ်တွင် ပင်နယ်တီသွင်းဂိုးရရှိခဲ့ပြီး ယင်းပင်နယ်တီ သွင်းဂိုးကြောင့် သြစတြေးလျအသင်းက ချေပဂိုးပြန်လည်ရရှိခဲ့သည်။
ယင်းပွဲစဉ်တွင် ဒိန်းမတ်အသင်းသည် ၄-၃-၃ ပုံစံဖြင့် ပွဲထွက် လာခဲ့ပြီး သြစတြေးလျအသင်းမှာမူ ၄-၂-၃-၁ ပုံစံဖြင့် ပွဲထွက်လာခဲ့ သည်။ ဒိန်းမတ်အသင်းသည် ယခုပွဲစဉ်တွင် သရေတစ်မှတ်ရရှိခဲ့ခြင်း ကြောင့် နှစ်ပွဲကစားအပြီးတွင် လေးမှတ်စုဆောင်းနိုင်ခဲ့ပြီး သြစတြေးလျ အသင်းမှာမူ နိုင်ပွဲပျောက်ဆုံးခဲ့ကာ တစ်မှတ်သာရယူနိုင်ခဲ့သည်။ ဒိန်းမတ်အသင်းမှာ လေးမှတ်ရရှိထားခဲ့ခြင်းကြောင့် ကမ္ဘာ့ဖလားပြိုင်ပွဲ ၏ နောက်တစ်ဆင့်သို့ တက်လှမ်းနိုင်မည့်အခွင့်အရေးတစ်ရပ်လည်း နီးစပ်သွားခဲ့ပြီဖြစ်သည်။ ဒိန်းမတ်သည် အုပ်စုအဆင့်နောက်ဆုံးပွဲစဉ် အဖြစ် ပြင်သစ်နှင့်လည်းကောင်း၊ သြစတြေးလျသည် ပီရူးနှင့်လည်း ကောင်း ဇွန် ၂၆ ရက်တွင် ယှဉ်ပြိုင်ကစားရမည်ဖြစ်သည်။
ငွေကြယ်
No comments:
Post a Comment