ချင်းပြည်နယ်ဝန်ကြီးချုပ် ဆလိုင်းလျန်လွယ်သည် ပြည်နယ်စည်ပင်သာယာရေး၊ လျှပ်စစ်နှင့် စက်မှုလက်မှု ဝန်ကြီး ဆလိုင်းအိုက်ဇက်ခင်၊ ပြည်သူ့လွှတ်တော် ကိုယ်စားလှယ် ဒေါက်တာဆလိုင်းရီယာန်ဗဲလင်း၊ အမျိုးသားလွှတ်တော်ကိုယ်စားလှယ် ဦးဇုန်လှယ်ထန်း၊ ပြည်နယ်လွှတ်တော်ကိုယ်စားလှယ် ဦးရာလ်နှင်း၊ ပြည်နယ် အဆင့် ဌာနဆိုင်ရာတာဝန်ရှိသူများနှင့်အတူ ဧပြီ ၂၅ ရက် နံနက်ပိုင်းက ဖလမ်းမြို့နယ်အတွင်းရှိ တလပ်လွန်း-ခဲင်ကန်-ခေါရွာ-ကျဲရ်မွန်ရွာချင်းဆက် လမ်းသစ်ဖောက် လုပ်ခြင်းလုပ်ငန်း၊ ပေ ၅ဝ ချောင်းကူးတံတားဆောက်လုပ် မည့်နေရာနှင့် ကျေးရွာရေရရှိရေးလုပ်ငန်းများကို ကြည့်ရှု စစ်ဆေးခဲ့သည်။
ပြည်နယ်ဝန်ကြီးချုပ်နှင့် အဖွဲ့ဝင်များသည် မွန်းလွဲပိုင်း တွင် ဖလမ်းမြို့နယ် သီးကျေရ်ကျေးရွာနှင့် မွန်လွှာကျေးရွာ တို့တွင် ဒေသခံပြည်သူများနှင့်တွေ့ဆုံ၍ ဒေသခံပြည်သူ များက ပညာရေး၊ ကျန်းမာရေး၊ မီးရရှိရေးနှင့် ကျေးရွာ ဖွံ့ဖြိုးရေးလုပ်ငန်းများကို တင်ပြခဲ့ရာ ပြည်နယ်ဝန်ကြီးချုပ် က တင်ပြချက်များအပေါ် ညှိနှိုင်းပေါင်းစပ် ဖြည့်ဆည်း ဆောင်ရွက်ပေးခဲ့ကြောင်း သိရသည်။
ပြည်နယ်(ပြန်/ဆက်)
No comments:
Post a Comment