နေပြည်တော် တပ်ကုန်းမြို့တွင် ဗုဒ္ဓနွယ်ဝင်အလှူရှင်များသည် မိမိတို့၏ရင်နှစ်သည်းချာ သား သမီးများနှင့် တူသားများ အား မြတ်ဗုဒ္ဓ၏ အဆုံးအမများဖြင့် ဘဝတစ်သက်တာအတွက် အကျိုးရှိစွာ အသုံးပြုနိုင်ရေး ရည်မှန်းလှူဒါန်းသည့် ဓလေ့ရှိသည်နှင့်အညီ ဆရာစံရပ်ကွက်အတွင်းရှိ အလှူတော်မင်္ဂလာပွဲသည် မတ် ၂၇ ရက် ညနေပိုင်းက အလှူတော် မင်္ဂလာမဏ္ဍပ်မှ မဟာဇနက္ကဘုန်းတော်ကြီးကျောင်း မြို့တွင်း ရန်ကုန်-မန္တလေးကားလမ်းတစ်လျှောက်၌ ဝေဿန္တရာဝင်း၊ ပုဂံဝင်း၊ ရာဇာဝင်းခင်းခြင်း၊ ရတနာဆင်တော်နှင့် ရတနာမြင်းများခြံရံကာ ရှင်လောင်း(ခေါ်)သာမဏေလောင်းများ တင်ဆောင်ခြင်းနှင့်အတူ နိုင်ငံကျော် အဆိုတော် မနောအဖွဲ့များဖြင့် အလှူဝတ်ဆံလှည့်လည်၍ ခြိမ့်ခြိမ့်သဲကျင်းပသည်။
အလှူပွဲများတွင် အလှူရှင်များအနေဖြင့် သာသနာ့ဘောင်သို့မဝင်မီ မြို့အနှံ့ရှင်လောင်းလှည့်ကာ နတ်နန်းသို့ ဆက်လက်သွားရောက်၍ အန္တရာယ်ကင်းစေကြောင်း အပ်နှံကြပြီး အလှူပွဲအကြိုရက်များနှင့် အလှူပွဲကြီးရက်အထိ ကျွေးမွေးဧည့်ခံကြသည်။ ထိုသို့ ရှေးမူမပျက် ရှင်လောင်းလှည့်လည်ခြင်း၊ နားသခြင်းသည် ရှေးဟောင်းအမွေအနှစ်တစ်ခုကို ယနေ့လူငယ်လူရွယ်များ ဆက်လက်သယ်ဆောင်သွားရန် ရည်ရွယ်ဆောင်ရွက်ကြောင်း သိရသည်။
တင်စိုးလွင်(ပြန်/ဆက်)
No comments:
Post a Comment