ကရင်ပြည်နယ် ဘားအံခရိုင် လိပ်သိုမြို့တွင် ဂေဘားတိုင်းရင်းသားများ အများဆုံးနေထိုင် လျက်ရှိရာ ဂေဘားစာပေနှင့် ယဉ်ကျေးမှု မပျောက်ပျက်အောင်ထိန်းသိမ်းစောင့်ရှောက် ရေးနှင့် ပြန့်ပွားစေရေးအတွက် နွေရာသီ တိုင်းရင်းသား ဂေဘားစာပေမွမ်းမံသင်တန်း နှင့် ဂေဘားစာပေ နှစ်(၁၅ဝ)ဂျူဗလီပွဲကို မတ် ၂၃ ရက် နံနက် ၉ နာရီတွင် လိပ်သိုမြို့ အမှတ် (၃) ရပ်ကွက်ရှိ အခြေခံပညာအထက်တန်း ကျောင်း၌ ကျင်းပသည်။
ရှေးဦးစွာ လိပ်သိုမြို့ ယေဇူးရွှေနှလုံးတော် ဘုရားကျောင်း ဘုန်းတော်ကြီး ဖာသာ ဒါညေး လယ်က အမှာစကားပြောကြားပြီး သံတောင် ကြီးမြို့နယ် ပညာရေးမှူး ဦးဥာဏ်ထွန်းက တိုင်းရင်းသားစာပေနှင့် ယဉ်ကျေးမှုဆိုင်ရာ တို့ကို ရှင်းလင်းပြောကြာသည်။ ထို့နောက် ဂေဘားစာပေသမိုင်းအကျဉ်း၊ ဂေဘားလူမျိုး များ ဆင်းသက်လာပုံနှင့် ယဉ်ကျေးမှု၊ ၂ဝ၁၈ ခုနှစ် မတ် ၂၃ ရက်တွင် ကျရောက်သည့် ဂေဘား အမျိုးသားနေ့အကြောင်း သိကောင်း စရာ စာတမ်းများကို ဂေဘားတိုင်းရင်သား တိုင်းရင်းသူများက အသီးသီးဖတ်ကြားကြ သည်။
ဂေဘားစာပေနှင့် ယဉ်ကျေးမှုအဖွဲ့ ခေါင်းဆောင် ဦးစောဂျော့လှဒင်က ''ဂေဘား စာပေမွမ်းမံသင်တန်းကို ၂ဝ၁၈-၂ဝ၁၉ ပညာသင်နှစ်အတွက် တတိယအကြိမ်မြောက် ဖွင့်လှစ်ပေးခြင်းဖြစ်ပြီး ဂေဘားစာပေ နှစ် (၁၅ဝ) ဂျူဗလီပွဲနဲ့ တစ်ပေါင်းတည်းပြုလုပ် ခြင်း ဖြစ်ပါတယ်၊ စာပေနဲ့ ယဉ်ကျေးမှု မပျောက်ပျက်အောင် ထိန်းသိမ်းစောင့်ရှောက် ခြင်းဟာ ကောင်းမွန်တဲ့စနစ်တစ်ခု ဖြစ်ပါ တယ်၊ ဒေသဖွံဖြိုးတိုးတက်ရေးအတွက် ပညာ ရေးနှင့် တိုင်းရင်းသားလူမျိုးတို့ရဲ့ စာပေ၊ ယဉ်ကျေးမှု၊ ရိုးရာအမွေအနှစ် လက်ဆင့်ကမ်း သင်ကြားပေးရမယ့် ဆရာ ဆရာမတွေသာ ဖြစ်တာမို့ ဆရာဖြစ်မွမ်းမံအနေနဲ့ သင်ကြား ပေးရခြင်း ဖြစ်ပါတယ်၊ သင်ကြားရေးပိုင်းမှာ သူငယ်တန်းမှ စတုတ္ထတန်းအထိ သင်ကြားပေး နိုင်ဖို့ ဘာသာရပ်အနေနဲ့ ဘာသာစကား၊ စာပေအရေးအသားအရည်အသွေး ပိုမို တိုးတက်စေဖို့ ပြုပြင်ပြောင်းလဲနေတဲ့ နိုင်ငံတော်အစိုးရရဲ့ ပညာရေးစနစ်နှင့်အညီ သင်ကြားပေးမှာ ဖြစ်ပါတယ်''ဟု ပြောကြား သည်။
အဆိုပါသင်တန်းကို ဂေဘားစာပေနှင့်ယဉ်ကျေးမှုအဖွဲ့ကကြီးမှူး၍ ဂေဘားစာပေ ကို ပြန်လည်ထပ်ဆင့်သင်ကြားပေးနိုင် မည့် လိပ်သို့မြို့အတွင်းရှိ ရပ်ကွက်၊ ကျေးရွာ များမှ အခြေခံပညာမူလတန်းကျောင်းပေါင်း ၁ဝ၈ ကျောင်းမှ ဆရာ ဆရာမ ၆၇ ဦးတို့အား မတ် ၂၃ ရက်မှ ၂၈ ရက်ထိ ခြောက်ရက်ကြာ ဂေဘားစာပေသင်ကြားမှုအပြင် ဂေဘား ရိုးရာယဉ်ကျေးမှုအမွေအနှစ်ဆိုင်ရာများကိုပါ ထည့်သွင်းသင်ကြားပေးကြောင်း သိရသည်။
မြို့နယ်(ပြန်/ဆက်)
No comments:
Post a Comment