ဆောက်လုပ်ရေးဝန်ကြီးဌာနအနေဖြင့် ရခိုင်ပြည်နယ် မောင်တောဒေသ ဖွံ့ဖြိုးတိုးတက်ရေးအတွက် စစ်တွေမြို့မှ မောင်တောသို့ တိုက်ရိုက်မော်တော်ကားဖြင့် သွားလာနိုင် ရန် ၄၉ မိုင်ရှည်သော မော်တော်ကားလမ်းကွန်ရက်ကို ဖောက်လုပ်နေသကဲ့သို့ တစ်ချိန်တည်းမှာပင် လမ်းကြောင်း ပေါ်ရှိ မြစ်ကူးတံတားကြီး ငါးစင်းကိုလည်း အကောင် အထည်ဖော် တည်ဆောက်လျက်ရှိသည်။
''ကျွန်တော်တို့ တံတားဦးစီးဌာနအနေနဲ့ ပုဏ္ဏားကျွန်း- ရသေ့တောင်-ဘူးသီးတောင်-မောင်တောလမ်းပေါ်မှာ ရှိတဲ့ အဓိကကျန်ရှိနေတဲ့ တံတားကြီးငါးစင်း တည်ဆောက် နေတာဟာ လာမယ့် မတ် ၃၁ ရက်မတိုင်မီ ပြီးစီးအောင် ဆောင်ရွက်နေပါတယ်၊ မတ်လအကုန်မှာ ဒီတံတားတွေ ဖွင့်လှစ်နိုင်အောင် ကြိုးစား ဆောင်ရွက်နေပါတယ်၊ ဒီတံတားကြီးတွေ ဆောက်လုပ်ပေးလိုက်တဲ့အတွက် စစ်တွေကနေ မောင်တောကို ကားနဲ့ သွားလာနိုင်တော့မှာ ဖြစ်ပါတယ်''ဟု တံတားဦးစီးဌာန ညွှန်ကြားရေးမှူးချုပ် ဦးရွှေလေးက ပြောသည်။
အဆိုပါ လမ်းပေါ်တွင် ဆောက်လုပ်ရေးဝန်ကြီးဌာန တံတားဦးစီးဌာနက တံတားကြီးများ တည်ဆောက်လျက် ရှိရာ အဓိကကျန်ရှိနေသော တံတားကြီးနှစ်စင်းမှာပုဏ္ဏားကျွန်း-ရသေ့တောင်လမ်းပေါ်ရှိ ပေ ၈၈ဝ ရှည် ရသေ့တောင်တံတားနှင့် ဘူးသီးတောင်မြို့နယ် ရသေ့တောင်-ဘူးသီးတောင်လမ်းပေါ်ရှိ ပေ ၆ဝဝ ရှည် စိုင်းတင်တံတားတို့ဖြစ်သည်။
အခြားသော တံတားကြီးများမှာ ဘူးသီးတောင်-ရသေ့တောင်လမ်းပေါ်၌ တည်ရှိသည်။ ထင်ရှားသော တံတားများမှာ ပေ ၉၆ဝ ရှည် ပန်ဇင်းချောင်းတံတား၊ ပေ ၁၈ဝ ရှိ အောင်သာချောင်းတံတားနှင့် ပေ ၁၅ဝ ရှည် ရေစိုးချောင်းတံတား တို့ဖြစ်ကြသည်။ အခြားသော တံတားငယ်များလည်း ဘူးသီးတောင်-ရသေ့တောင် လမ်းကြောင်းပေါ်တွင် ရှိသေးသည်။ သို့သော် တံတားငါးစင်းသာ အဓိကဖြစ်ပြီး စိုင်းတင်တံတားနှင့် ဘူးသီးတောင်တံတားတို့ကို အမြန်ပြီးစီးအောင် အကောင် အထည်ဖော်êကြိုးပမ်းလျက်ရှိသည်။ ယင်းတံတားများ ပြီးစီးသွားပါက စစ်တွေမှ မောင်တောသို့ ကားလမ်းပေါက်သွားပြီဖြစ်ကြောင်း သိရသည်။
မြင့်မောင်၊ ဇေယျာ၊ ဓာတ်ပုံ-နေဝင်းထွန်း
No comments:
Post a Comment