ငြိမ်းချမ်းရေးကော်မရှင်(PC)နှင့် နိုင်ငံရေးဆိုင်ရာ ညှိနှိုင်း ဆွေးနွေးရေး ကိုယ်စားလှယ်အဖွဲ့ (DPN) တို့၏ သတ္တမ အကြိမ်အစည်းအဝေးကို ယနေ့နံနက် ၉ နာရီက ရန်ကုန် မြို့ ရွှေလီလမ်းရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC)ရန်ကုန်ရုံး၌ ဆက်လက် ကျင်းပသည်။
အဆိုပါ အစည်းအဝေးကို နိုဝင်ဘာ ၈ ရက်မှ ၉ ရက်အထိ ကျင်းပရာတွင် ငြိမ်းချမ်းရေးကော်မရှင် (PC) နှင့် ညီညွတ်သောတိုင်းရင်းသားလူမျိုးစု ဖက်ဒရယ်ကောင်စီ (UNFC) က ဖွဲ့စည်းထားသည့် နိုင်ငံရေးဆိုင်ရာ ညှိနှိုင်း ဆွေးနွေးရေး ကိုယ်စားလှယ်အဖွဲ့ (DPN) တို့သည် တစ် နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA )လက်မှတ်ရေးထိုးနိုင်ရေးအတွက် အစိုးရထံသို့ အဆိုပြုထားသည့် အချက်ကိုးချက်အနက် သဘောတူရန် ကျန်ရှိနေသည့် အချက်များနှင့်ပတ်သက်၍ နှစ်ဖက် ခေါင်းဆောင်များက ရင်းနှီးပွင့်လင်းစွာ အပြန်အလှန် ဆွေးနွေးရာတွင် တပ်ပိုင်းဆိုင်ရာ ကိစ္စများနှင့်ပတ်သက်၍ တပ်နေရာချထားမှုများ၊ ကြားကာလဆောင်ရွက်ချက်ကိစ္စ များ၊ နိုင်ငံခြားသား ပါဝင်မှုအခန်းကဏ္ဍ ကိစ္စများနှင့် ပတ်သက်သည့်JMCလုပ်ငန်း ကိစ္စများ၊ NCA လက်မှတ် ရေးထိုးနိုင်ရေးကိစ္စများနှင့် အထွေထွေကိစ္စရပ်များကို ခေါင်းစဉ်အလိုက် ဆွေးနွေးကြရာ ရလဒ်ကောင်းများ ထွက်ပေါ်ခဲ့ကြောင်း သိရသည်။
ယနေ့ဆွေးနွေးပွဲအပြီး ညနေပိုင်းတွင် သတ္တမအကြိမ် မြောက် အစည်းအဝေးများနှင့်ပတ်သက်၍ နောက်ဆုံး ရလဒ်များအပေါ် ငြိမ်းချမ်းရေးကော်မရှင်(PC)၏ ကိုယ်စား လှယ်ဖြစ်သူ ဦးဇော်ဌေးက ''PC နဲ့DPN တို့ နှစ်ရက်တာ ဆွေးနွေးခဲ့တဲ့ အချိန်မှာ ပွင့်ပွင့်လင်းလင်းနဲ့ အကျေအလည် ဆွေးနွေးနိုင်ခဲ့ပါတယ်၊ မနေ့ကဆိုရင် အထူးသဖြင့် စစ်ဘက် ဆိုင်ရာကိစ္စတွေကို ဆွေးနွေးနိုင်ခဲ့ပါတယ်၊ အခုကျွန်တော် တို့ တော်တော်များများကို ဆွေးနွေးနိုင်ခဲ့တယ်၊ အခြေ အနေပြောရရင်တော့ နှစ်ဖက်စလုံးက မျှော်မှန်းတဲ့အတိုင်း တော်တော်လေးကို နီးစပ်လာတယ်၊ ကျွန်တော်တို့ နောက်ထပ် အပြီးသတ်ဆွေးနွေးရမယ့်အချက် သိပ်မများ တော့ပါဘူး၊ တစ်ချက်လောက်ပဲ ကျန်တော့တယ်၊ ကျန်တဲ့ ဟာကို ကျွန်တော်တို့ ဆက်ပြီး ဆွေးနွေးသွားမှာပါ၊ အပြီး သတ် ဆွေးနွေးမယ်ဆိုတာကတော့ အခုရရှိထားတဲ့ ဆွေးနွေးချက်ရလဒ်တွေကို နှစ်ဖက်ခေါင်းဆောင်တွေထံ ပြန်လည်တင်ပြရဦးမှာဖြစ်တယ်၊ ဘယ်အချက် တစ်ချက် သာကျန်တော့တယ်၊ ဘယ်အကြောင်းအရာ ဆိုတာကိုတော့ အခုအခြေအနေမှာ ပြောလို့မရသေးပါဘူး၊ နှစ်ဖက်ခေါင်း ဆောင်တွေဆီ ပြန်တင်ပြပြီး နောက်တစ်ကြိမ် တွေ့ဆုံပြီး အပြီးသတ် ဆွေးနွေးဖို့ပဲ ကျန်ပါတော့တယ်၊ ဆွေးနွေးမှု တွေဟာ ပန်းဝင်တော့မယ့် အချိန်လို့ပြောရမှာပါ၊ ဒီအပြီး
သတ် ဆွေးနွေးမှုကိုတော့ ယခုနိုဝင်ဘာလရဲ့ ရက်သတ္တ တစ်ပတ်၊ နှစ်ပတ်အတွင်းပဲ ဖြစ်မှာပါ''ဟု မီဒီယာ များကို ပြောကြားသည်။
သတ် ဆွေးနွေးမှုကိုတော့ ယခုနိုဝင်ဘာလရဲ့ ရက်သတ္တ တစ်ပတ်၊ နှစ်ပတ်အတွင်းပဲ ဖြစ်မှာပါ''ဟု မီဒီယာ များကို ပြောကြားသည်။
အလားတူ နိုင်ငံရေးဆိုင်ရာညှိနှိုင်းဆွေးနွေးရေး ကိုယ်စားလှယ်အဖွဲ့ (DPN) အဖွဲ့ခေါင်းဆောင် ခူဦးရယ် က ''ဆွေးနွေးမှုတွေက ပြောရရင် ပွင့်ပွင့်လင်းလင်းရှိပါ တယ်၊ ကျွန်တော်တို့ကတော့ အသုံးအနှုန်းလေးတွေ၊ ဝေါဟာရလေးတွေနဲ့ ပတ်သက်ပြီး ဆွေးနွေးဖို့ရှိပါတယ်၊ သဘောတူဖို့လည်းရှိပါတယ်၊ နောက်ပြီးတော့ ကျွန်တော် တို့ နှစ်ဖက်သက်ဆိုင်ရာ ခေါင်းဆောင်တွေကိုလည်း ပြန်လည်တင်ပြဖို့ရှိပါတယ်၊ အဲဒီအခါကျမှပဲ ကျွန်တော်တို့ အနေနဲ့ နောက်ဆုံး အဆုံးသတ်ဖို့ရှိပါတယ်၊ လောလော ဆယ်မှာတော့ ပြောစရာမရှိပါဘူး၊ ဆွေးနွေးမှုပုံစံ တွေကတော့ အားလုံးကောင်းကောင်းမွန်မွန်ရှိပါတယ်၊ ကျွန်တော်တို့ရဲ့တင်ပြချက် ရှစ်ချက်နဲ့ပတ်သက်လို့ အခုကတော့ နောက်ဆုံးအခြေအနေကို ရောက်ဖို့နီးနေပါပြီ၊ အဆိုပြုချက် အချက်နံပါတ် (၅)နဲ့ ပတ်သက်တဲ့ တပ်ပိုင်း ဆိုင်ရာ၊ စစ်ဘက်ဆိုင်ရာကိစ္စတွေကိုလည်း အသေးစိတ် ဆွေးနွေးပြီးဖြစ်ပါတယ်၊ ရှေ့ဆက်ပြီး ဘယ်လိုသွားမယ် ဆိုတာလည်း ဆွေးနွေးပွဲကနေချမှတ်ပြီး ဖြစ်ပါတယ်၊ ဒီအပိုင်း တွေရဲ့ ဆုံးဖြတ်ချက်တွေကိုတော့ နောက်ဆုံးဆွေးနွေးမှု တွေရဲ့ အဆုံးသတ်မှာ ဘယ်လိုဆိုတာ ပြောပြလို့ရမှာပါ၊ ဆွေးနွေးချက်တွေကို နှစ်ဖက်ခေါင်းဆောင်တွေဆီ ပြန်တင်ပြ ပြီးရင် NCAလက်မှတ်ရေးထိုးနိုင်မယ်လို့
တော့ နားလည် ယုံကြည်ထားပါတယ်''ဟု ပြောကြားသည်။
တော့ နားလည် ယုံကြည်ထားပါတယ်''ဟု ပြောကြားသည်။
ထို့နောက် ငြိမ်းချမ်းရေးကော်မရှင်(PC)၏ ကိုယ်စား လှယ်ဖြစ်သူ ဦးဇော်ဌေးနှင့် နိုင်ငံရေးဆိုင်ရာညှိနှိုင်း ဆွေးနွေးရေးကိုယ်စားလှယ်အဖွဲ့ (DPN) အဖွဲ့ခေါင်းဆောင် ခူဦးရယ်တို့က မီဒီယာများ၏ သိရှိလိုသည့် မေးမြန်းမှုများ ကို ပြန်လည်ဖြေကြားခဲ့သည်။
ယခုအစည်းအဝေးမှ ဆွေးနွေးမှုရလဒ်များကို နှစ်ဖက်ခေါင်းဆောင်များထံ ပြန်လည်တင်ပြပြီး ယခုလ အတွင်း အပြီးသတ် ဆွေးနွေးမှုများ ပြုလုပ်သွားရန် စီစဉ် ထားကြောင်း သိရသည်။ သတ္တမအကြိမ်မြောက် တရားဝင် ဆွေးနွေးပွဲများကို အောက်တိုဘာ ၂၃ ရက်နှင့် ၂၄ ရက်တွင် လည်းကောင်း၊ နိုဝင်ဘာ ၈ ရက်နှင့် ၉ ရက်တွင် လည်းကောင်း စုစုပေါင်း လေးရက်ကြာ ဆွေးနွေး ခဲ့ကြောင်း သိရသည်။
ယခုအခါတွင် ငြိမ်းချမ်ရေးကော်မရှင် (PC) နှင့် UNFC ၏ နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ် စားလှယ်အဖွဲ့(DPN)တို့သည် NCA စာချုပ်လက်မှတ်ရေးထိုးနိုင်ရေးအတွက် UNFC အဆိုပြုထားသော အချက် ကိုးချက်အား နှစ်ဖက်ခေါင်းဆောင်များအကြား(၁၅)လ ကျော်ကြာအတွင်း တွေ့ဆုံညှိနှိုင်းဆွေးနွေးမှု များစွာ ပြုလုပ်ခဲ့ပြီး ယခုနှစ်ဖက်ခေါင်းဆောင်များ၏ သတ္တမအကြိမ် လေးရက်ကြာ တွေ့ဆုံဆွေးနွေးပွဲများ၏ နောက်ဆုံး ရလဒ်များသည် ယခင် တွေ့ဆုံဆွေးနွေးမှုများနှင့် နှိုင်းယှဉ် လျှင် ရလဒ်ကောင်းများရရှိထားပြီဖြစ်ကြောင်း သိရသည်။
ထိုသို့ ရရှိထားသော ရလဒ်ကောင်းများကို သက် ဆိုင်ရာ နှစ်ဖက်ခေါင်းဆောင်များထံ အသိပေးတင်ပြကာ ဆုံးဖြတ်ချက် အသီးသီး ရယူပြီးသည်နှင့် နောက်ဆုံး အပြီး သတ် ဆွေးနွေးမှုကို ယခုလအတွင်း ကျင်းပသွားရန် စီစဉ်ထားကြောင်း သိရသည်။
ထိုမှတစ်ဆင့် အဆိုပြုချက် ရှစ်ချက်အား သဘော တူညီမှုရရှိလျှင် အချက် နံပါတ် (၉)ဖြစ်သော NCAလက်မှတ်ရေးထိုးနိုင်ရေးကို ညီညွတ်သောတိုင်းရင်းသား လူမျိုးများ ဖက်ဒရယ်ကောင်စီ (UNFC)၏ အဖွဲ့ဝင် တိုင်းရင်းသားလက်နက်ကိုင်အစုအဖွဲ့ (EAOs)များက အကောင်အထည်ဖော် ဆောင်ရွက်သွားနိုင်တော့မည် ဖြစ်ကြောင်း သိရသည်။
ယနေ့ ဆွေးနွေးပွဲသို့ ငြိမ်းချမ်းရေးကော်မရှင် ဥက္ကဋ္ဌ ဒေါက်တာတင်မျိုးဝင်း၊ ဒုတိယ ဥက္ကဋ္ဌ ဦးသိန်းဇော်၊ တပ်မ တော်သားကိုယ်စားလှယ်များဖြစ်သော ဒုတိယဗိုလ်ချုပ်ကြီး ရာပြည့်၊ ဒုတိယဗိုလ်ချုပ်ကြီး မင်းနောင် ၊ ဒုတိယဗိုလ်ချုပ် ကြီး တင်မောင်ဝင်း၊ဒုတိယရှေ့နေချုပ်ဦးဝင်းမြင့်၊ ဦးနိုင်ငံလင်း နှင့် ငြိမ်းချမ်းရေးကော်မရှင်အဖွဲ့ဝင်များ၊DPNမှ အဖွဲ့ ခေါင်းဆောင်ခူဦးရယ်၊ဒုတိယအဖွဲ့ခေါင်းဆောင် နိုင်အောင် မငေးနှင့် အဖွဲ့ဝင်များ၊ လေ့လာသူများအဖြစ် NCA လက် မှတ်ရေးထိုးပြီးသော တိုင်းရင်းသားလက်နက်ကိုင် အဖွဲ့ ရှစ်ဖွဲ့မှ ပဒိုစောကွယ်ထူးဝင်း ၊ ရဲဘော်သံခဲတို့ အပါအဝင် တိုင်းရင်းသားခေါင်းဆောင်များ၊ အကျိုးဆောင်အဖွဲ့များ နှင့် နည်းပညာအထောက်အကူပြုအဖွဲ့များ တက်ရောက် ကြသည်။
သတင်းနှင့်ဓာတ်ပုံ-ဇော်ကြီး
No comments:
Post a Comment