ပြည်ထောင်စုလွှတ်တော် ဥပဒေရေး ရာနှင့် အထူးကိစ္စရပ်များ လေ့လာ ဆန်းစစ်သုံးသပ်ရေးကော်မရှင်ဥက္ကဋ္ဌ သူရဦးရွှေမန်းသည် ပြည်ထောင်စု သမ္မတမြန်မာနိုင်ငံဆိုင်ရာ တရုတ်သံ အမတ်ကြီးH.E. Mr.Hong Liangအား ယနေ့နံနက် ၉ နာရီတွင် နေပြည်တော်ရှိ လွှတ်တော်ရေးရာ ဆောင်အမှတ် (I-11) ၌ လက်ခံတွေ့ ဆုံသည်။
ထိုသို့တွေ့ဆုံစဉ် တရုတ်သံအမတ် ကြီးက ရခိုင်ပြည်နယ်တည်ငြိမ်အေးချမ်း ရေးနှင့် ဖွံ့ဖြိုးတိုးတက်ရေး၊ မြန်မာနိုင်ငံ ငြိမ်းချမ်းရေးရရှိရေး၊ မြန်မာနိုင်ငံ ဖွံ့ဖြိုးတိုးတက်ရေး၊ တည်ငြိမ်အေးချမ်း ရေးနှင့် လုံခြုံရေးတို့အတွက် တရုတ် နိုင်ငံက အပြုသဘောဖြင့် မှန်ကန်စွာ ပူးပေါင်း ဆောင်ရွက်ပေးလျက်ရှိနေပါ ကြောင်း ဆွေးနွေးခဲ့ပြီး ကော်မရှင် ဥက္ကဋ္ဌက တရုတ်နိုင်ငံအနေဖြင့် မြန်မာနိုင်ငံ၏ အချုပ်အခြာအာဏာ နှင့် နယ်မြေပိုင်ဆိုင်မှုတို့အပေါ် ကောင်းစွာအလေးထားသည်ကို သိရှိ ပါကြောင်း၊ မြန်မာနိုင်ငံအပေါ် မျှတ စွာ ရပ်တည်ဆောင်ရွက်နေမှုကို အသိ အမှတ်ပြုပါကြောင်း၊ ထို့အပြင် တရုတ် နိုင်ငံသည် ကမ္ဘာ့တည်ငြိမ်ရေးနှင့် ငြိမ်းချမ်းရေးအတွက် ပါဝင်ဆောင် ရွက်နေမှုများကိုလည်း တန်ဖိုးထားပါ ကြောင်း ဆွေးနွေးသည်။
အဆိုပါတွေ့ဆုံပွဲသို့ ပြည်ထောင်စု လွှတ်တော် ဥပဒေရေးရာနှင့် အထူး ကိစ္စရပ်များ လေ့လာဆန်းစစ်သုံးသပ် ရေးကော်မရှင်အဖွဲ့ဝင် ဦးကိုကိုနိုင်၊ ဦးစံရွှေအောင်နှင့် ကော်မရှင်ရုံးမှ တာဝန်ရှိသူများ တက်ရောက်ကြ သည်။
သတင်းစဉ်
No comments:
Post a Comment