''Starboy''တေးသံရှင် သယ်ဝိခ်ကန်းဒ်ဟာ ပြီးခဲ့တဲ့နှစ်ကုန်ပိုင်းမှာ ချစ်သူတွေအဖြစ် စတင်လက်တွဲခဲ့တဲ့ တေးသံရှင် ဆယ်လီနာဂိုမက်ဇ် အနေနဲ့ ချစ်သူဟောင်း ဂျက်စတင်ဘီဘာနဲ့ ပြန်လည်လက်တွဲနေပြီ ဖြစ်ကြောင်း သတင်းတွေပေါ်ထွက်လာချိန်မှာ သူကလည်း ချစ်သူ ဟောင်းဖြစ်တဲ့ ဗစ်တိုးရီးယားစီးကရက်ထ်မော်ဒယ်လ် ဘယ်လာဟာဒစ်ဒ် ကို သူ့ကို လက်ခံတွေ့ဆုံကာ စကားပြောခွင့်ပေးဖို့ တောင်းဆိုခဲ့တယ်လို့ အေ့စ်ရှိုးဘစ်ဇ်ဒေါ့ကွန်းရဲ့ ရေးသားဖော်ပြချက်တွေအရ သိရပါတယ်။
လတ်တလောမှာ အသက်(၂၇)နှစ်အရွယ်ရှိပြီဖြစ်တဲ့ ကနေဒါ နိုင်ငံသား အာရန်ဘီတေးသံရှင် သယ်ဝိခ်ကန်းဒ်ဟာ သူနဲ့ ပေါ့ပ်ကြယ်ပွင့် ဆယ်လီနာဂိုမက်ဇ်တို့ရဲ့ဇာတ်လမ်းအဆုံးသတ်ခဲ့ပြီးတဲ့နောက် ယခုလို အသက်(၂၁)နှစ်အရွယ်သာရှိသေးတဲ့ ဗစ်တိုးရီးယားစီးကရက်ထ် မော်ဒယ်လ် ဘယ်လာဟာဒစ်ဒ်ကို ပြန်လည်ဆက်သွယ်နိုင်ဖို့ ကြိုးစား ခဲ့တာလည်း ဖြစ်ပါတယ်။
သယ်ဝိခ်ကန်းဒ်နဲ့ ရင်းနှီးတဲ့သူငယ်ချင်းတွေရဲ့ ထုတ်ဖော်ပြော ကြားချက်အရ ဂီတကြယ်ပွင့်က ဘယ်လာနဲ့ ဦးစွာတွေ့ဆုံကာ စကားပြော ခွင့်ရလိုတာဖြစ်ပြီး အစပိုင်းမှာတော့ သူတို့နှစ်ဦးအကြား သူငယ်ချင်း ဆက်ဆံရေးကို ပြန်လည်ထူထောင်လိုတာဖြစ်တယ်လို့လည်း သိရ ပါတယ်။ ဘယ်လာနဲ့ သယ်ဝိခ်ကန်းဒ်တို့ရဲ့ တစ်နှစ်ခွဲခန့်ကြာမြင့်ခဲ့တဲ့ ချစ်သူသက်တမ်းအတွင်း နှစ်ဦးသား သူငယ်ချင်းတွေလည်း များစွာ ရရှိခဲ့ကာ သူတို့နှစ်ဦးစလုံးနဲ့ ခင်မင်တဲ့သူငယ်ချင်းတွေလည်း များစွာ ရှိတာကြောင့် နှစ်ဦးအကြားကဆက်ဆံရေး ပြန်လည်အဆင်ပြေနိုင် ကြောင်းလည်း ဝေဖန်ဖော်ပြခဲ့တာတွေ့ရပါတယ်။
ဘယ်လာဟာဒစ်ဒ်နဲ့ သယ်ဝိခ်ကန်းဒ်တို့ဟာ ပြီးခဲ့တဲ့ ၂ဝ၁၅ ခုနှစ်အတွင်း ချစ်သူတွေအဖြစ် တရားဝင်လက်တွဲခဲ့ကြတာဖြစ်ပြီး ၂ဝ၁၆ ခုနှစ် ဖေဖော်ဝါရီလအတွင်းကျင်းပခဲ့တဲ့ ဂရမ်မီဆုပေးပွဲကိုတော့ နှစ်ဦးသားတွဲဖက်ကာ ပထမဆုံးအကြိမ်အဖြစ် ကော်ဇောနီပေါ် အတူ လျှောက်လှမ်းခဲ့ကြတာဖြစ်ပါတယ်။ အဲဒီနှစ်ရဲ့ နိုဝင်ဘာလအတွင်း မှာတော့ နှစ်ဦးသားလမ်းခွဲလိုက်ပြီဖြစ်ကြောင်း သတင်းတွေ ပေါ်ထွက် ခဲ့ကာ လမ်းခွဲရတဲ့ အကြောင်းရင်းနဲ့ပတ်သက်ပြီး နှစ်ဦးစလုံးရဲ့ များပြားလွန်းတဲ့ အနုပညာလှုပ်ရှားမှု အစီအစဉ်တွေကြောင့် ဖြစ်ကြောင်း သိရပါတယ်။
အဲဒီနောက် ၂ဝ၁၆ ခုနှစ် နှစ်ကုန်ပိုင်းမှာ သယ်ဝိခ်ကန်းဒ်နဲ့ ဆယ်လီနာဂိုမက်ဇ်တို့ရဲ့ဇာတ်လမ်းပေါ်ပေါက်ခဲ့ပြီး ယခုနှစ် ဇန်နဝါရီလ အတွင်းမှာတော့ နှစ်ဦးသား ပေါ်ပေါ်ထင်ထင်လက်တွဲလာခဲ့တာကို တွေ့ရပါတယ်။ ဒါပေမယ့် အောက်တိုဘာလကုန်ပိုင်းမှာ ဆယ်လီနာ ဂိုမက်ဇ်ဟာ သူ့ရဲ့ချစ်သူဟောင်း ဂျက်စတင်ဘီဘာနဲ့ ပြန်လည်တွေ့ဆုံနေ ကြောင်း သတင်းတွေထွက်လာခဲ့ပြီး နှစ်ဦးသားအတူတွဲကာ တွေ့လာ ရပါတယ်။ အဲဒီနောက်ပိုင်းမှာတော့ သယ်ဝိခ်ကန်းဒ်အနေနဲ့လည်း ဆယ်လီနာကို စွန့်ခွာကာ ချစ်သူဟောင်း ဘယ်လာဘက်ကို ပြန်လည် ချဉ်းကပ်လာကြောင်း သတင်းတွေ ပေါ်ထွက်လာတာပဲ ဖြစ်ပါတယ်။
အေးပြည့်
No comments:
Post a Comment