မန္တလေးမြို့ ပြည်ကြီးတံခွန်မြို့နယ် (ဈ) ရပ်ကွက်၊ (၆၉)လမ်း x (၇ဝ)လမ်းကြား ယောမင်းကြီးလမ်းနှင့် ဖိုးရာဇာလမ်းကြား၊ အကွက်အမှတ်(ပပ/၂၅)ရှိ သဇင် ဘီစကွတ်စက်ရုံတွင် ယနေ့မွန်းလွဲ ၁ နာရီ ၁၅ မိနစ်က ဘွိုင်လာ အပူလွန်ကဲ ရာမှ ပေါက်ကွဲမှုဖြစ်ကာ မီးလောင်ကျွမ်းမှုဖြစ်ပွားခဲ့ကြောင်း သိရသည်။
အဆိုပါ မီးလောင်မှုကို Level 3 အဆင့်သတ်မှတ်ပြီး မီးလောင်ရာသို့ မီးငြှိမ်းသတ်ယာဉ်အစီး ၃ဝ၊ အုပ်ချုပ်မှုယာဉ်နှစ်စီး၊ ရေသယ်ယာဉ်နှစ်စီး၊ သန္ဓေမီးသတ်တပ်ဖွဲ့ဝင် ၈၅ ဦး၊ အရန်မီးသတ်တပ်ဖွဲ့ဝင် ၁၂ဝ နှင့် ရပ်ကွက်နေ ပြည်သူများက ဝိုင်းဝန်းငြှိမ်းသတ်ရာ မွန်းလွဲ ၁ နာရီ မိနစ် ၅ဝ တွင် မီးငြှိမ်း သတ်နိုင်ခဲ့သည်။
မီးလောင်မှုနှင့်ပတ်သက်၍ သဇင်ဘီစကွတ်စက်ရုံ မန်နေဂျာ ဦးမောင်လွင် အား ပြည်ကြီးတံခွန်မြို့နယ်ရဲစခန်းက အရေးယူဆောင်ရွက်လျက်ရှိကြောင်း သိရသည်။
သန်းဇော်မင်း(ပြန်/ဆက်)
No comments:
Post a Comment