မြန်မာ့အလင်းအယ်ဒီတာအာဘော်
တိုင်းပြည်၏ ပြဿနာရပ်တို့ကို ကိုင်တွယ်ဖြေရှင်းရာ၌ ပကတိ အခြေ အနေမှန်ကို သိရှိရေးသည် ကနဦး အခြေခံလိုအပ်ချက်ဖြစ်ပါသည်။ ပကတိ အခြေအနေမှန်ကိုသိရှိမှသာ လက်တွေ့ကိုင်တွယ်ဆောင်ရွက်နိုင်မည့် အဖြေမှန်ကို ရရှိနိုင်မည်ဖြစ်ပါသည်။ မြန်မာ့ဆိုရှယ်လစ်လမ်းစဉ်ပါတီ ခေတ် ကျဆုံးခဲ့ရခြင်းနှင့် စနစ်၏ ဖွဲ့စည်းတည်ဆောက်ပုံအရ ပကတိ အခြေအနေမှန်ကို မသိရှိနိုင်ခြင်းသည် ဤစနစ်ကျဆုံးခဲ့ရခြင်း၏ အခြေခံ အကြောင်းရင်းတစ်ရပ်ဖြစ်ပါသည်။
ဤအတိတ်သမိုင်းသင်ခန်းစာကိုအခြေခံ၍ တိုင်းပြည်ဖွံ့ဖြိုးတိုးတက် ရေးဆောင်ရွက်ရာ၌ ပကတိအခြေအနေမှန်ကို ထင်ဟပ်သည့် ဖြေရှင်း ချက်များ ချမှတ်နိုင်ရန် ကုန်သည်စက်မှုအသင်းချုပ်က နိုင်ငံတော်အစိုးရထံ အကြံပြုချက်များ ထိထိရောက်ရောက်တင်ပြနိုင်ရေးအတွက် အသေးစား၊ အလတ်စား စီးပွားရေးလုပ်ငန်းများ မဟာဗျူဟာဆိုင်ရာ ဆွေးနွေးပွဲ (SME Development Strategy ''Issues & Solutions'' Forum)ကို ကျင်းပလျက်ရှိပါသည်။ ဤဆွေးနွေးပွဲ၌ တင်ပြသည့် တရားမဝင်ကုန်သွယ်မှုဆိုင်ရာ အချက်အလက်တို့သည် အလေးအနက် ထား သုံးသပ်သင့်သည့် အချက်အလက်များဖြစ်သည်ဟု ယူဆပါသည်။
ကုန်သည်စက်မှုအသင်းချုပ်၏ တာဝန်ရှိပုဂ္ဂိုလ်က တရားမဝင် ကုန်သွယ်မှုဆိုင်ရာ အချက်အလက်တို့ကိုတင်ပြရာ၌ နိုင်ငံတော်က ထုတ်ပြန်သော တရားဝင်ကုန်သွယ်မှု အချက်အလက်တို့နှင့် ကုန်သွယ်ဖက် နိုင်ငံတို့မှထုတ်ပြန်သော ကုန်သွယ်မှု အချက်အလက်တို့ကြား ကွာဟမှု တို့အပေါ် အခြေခံ၍ တင်ပြထားခြင်းဖြစ်ပါသည်။ အဆိုပါတရားမဝင် ကုန်သွယ်မှုတို့သည် မြန်မာနိုင်ငံနှင့် ထိုင်းနိုင်ငံကြား ကုန်သွယ်မှု၌ တွေ့ရ သကဲ့သို့ မြန်မာနိုင်ငံနှင့် တရုတ်နိုင်ငံကြား ကုန်သွယ်မှု၌လည်း တွေ့ရပါ သည်။ ဤသည်မှာလည်း မြန်မာနိုင်ငံ၏ နယ်စပ်ဒေသကုန်သွယ်မှုအများစု ကို တရုတ်နိုင်ငံအပါအဝင် ထိုင်းနိုင်ငံနှင့် ပြုလုပ်နေသောကြောင့် ဖြစ်ပါသည်။
ကုန်သည်စက်မှုအသင်းချုပ်၏ တင်ပြချက်အရ နိုင်ငံတော်၏ တရားဝင်ကုန်သွယ်မှု စာရင်းဇယား၌မပါရှိသော မှောင်ခိုသွင်းကုန် ပမာဏသည် အမေရိကန်ဒေါ်လာ ၅၃၃၉ သန်း ရှိပါသည်။ တစ်ဖန် နိုင်ငံတော်၏တရားဝင်ကုန်သွယ်မှု စာရင်းဇယား၌မပါရှိသော မှောင်ခို ပို့ကုန်ပမာဏသည် အမေရိကန်ဒေါ်လာ ၁ဝ၉၇၅ သန်းရှိပါသည်။ ကုန်သွယ်စက်မှုအသင်းချုပ် တာဝန်ရှိပုဂ္ဂိုလ်တို့၏ ခန့်မှန်းတွက်ချက်မှုအရ မှောင်ခိုကုန်သွယ်မှုအပေါ် အခွန်အကောက်ဆုံးရှုံးမှု တစ်ခုတည်းအရပင် နိုင်ငံတော်၏ဆုံးရှုံးမှုသည် အမေရိကန်ဒေါ်လာတစ်ဘီလီယံကျော်ခန့်ရှိ ပါသည်။ ၂ဝ၁၆-၂ဝ၁၇ ဘဏ္ဍာရေးနှစ်၏ တရားဝင်ကုန်သွယ်မှု လိုငွေ ပမာဏ အမေရိကန်ဒေါ်လာ ငါးဘီလီယံကျော်နှင့် နှိုင်းယှဉ်ကြည့်ပါက အမေရိကန်ဒေါ်လာ တစ်ဘီလီယံကျော်ဟူသော ငွေကြေးပမာဏ၏ အတိမ်အနက်ကို မှန်းဆနိုင်မည်ဖြစ်ပါသည်။
အမှန်မှာမူ မှောင်ခိုကုန်သွယ်မှုကြောင့် နိုင်ငံတော်၏ ဆုံးရှုံးမှုသည် အဆိုပါငွေကြေးပမာဏထက် ပိုမိုကျယ်ပြန့် များပြားပါသည်။ မှောင်ခို ကုန်သွယ်မှုကြောင့် တရားဝင် မှန်မှန်ကန်ကန်လုပ်ကိုင်သော လုပ်ငန်းရှင် တုိ့၏ ဆုံးရှုံးနစ်နာမှုနှင့် အကျင့်ပျက်လာဘ်စားမှုကိစ္စတို့ကို ထည့်သွင်း တွက်ချက်ပါက ပိုမိုကျယ်ပြန့်များပြားသော ဆုံးရှုံးမှုတုိ့ရှိနေသည်မှာ ပေါ်လွင် ထင်ရှားလာမည် ဖြစ်ပါသည်။ တိုင်းပြည်၌ အမြစ်တွယ်နေသည်မှာ နှစ်ပေါင်းများစွာ ရှိနေပြီဖြစ်သည့် မှောင်ခိုကုန်သွယ်မှုတို့ကို နှိမ်နင်း ကိုင်တွယ်ဖြေရှင်းရာ၌ တစ်ဆင့်ပြီးတစ်ဆင့် စနစ်တကျ အချိန်ယူကိုင်တွယ် ဖြေရှင်းရမည်ဖြစ်ပါသည်။ ကုန်သွယ်မှုနှင့် ဆက်စပ်လျက်ရှိသည့် နိုင်ငံတော်၏ ယန္တရားအားလုံး ပူးပေါင်းပါဝင်မည့် မဟာဗျူဟာတစ်ရပ်ကို ကုန်သည်စက်မှုအသင်းချုပ်၏ အကြံပြုချက်များအပေါ် အခြေခံ၍ နိုင်ငံတော်ကချမှတ်ပေးပါရန် လေးစားစွာတင်ပြအပ်ပါသည်။ ။
No comments:
Post a Comment