တပ်မတော်ကာကွယ်ရေးဦးစီးချုပ်နှင့်အဖွဲ့ ဂျာမနီနိုင်ငံGROB Aircraft ကုမ္ပဏီကို ကြည့်ရှုလေ့လာ

နေပြည်တော် ဧပြီ ၃ဝ

ဂျာမနီနိုင်ငံ၌ ချစ်ကြည်ရေးခရီး ရောက်ရှိနေသော တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့်အဖွဲ့သည် ဧပြီ ၂၉ ရက် ဒေသစံတော်ချိန် နံနက် ၁ဝ နာရီခွဲတွင် ဂျာမနီနိုင်ငံ နြာာငညါနည မြို့ရှိMemmingen ကုမ္ပဏီသို့ သွားရောက်လေ့လာကြသည်။

ကုမ္ပဏီ၏ CEO, Mr. Andre Hiebeler က တပ်မတော်ကာကွယ်ရေးဦးစီးချုပ်နှင့်အဖွဲ့အား ကုမ္ပဏီမှ ဆောင်ရွက်လျက်ရှိသောလုပ်ငန်းများ၊ အဆင့်မြင့် နည်းပညာသုံး ဝေဟင်၊ မြေပြင်၊ ရေပြင်ထောက်လှမ်းရေး ကွန်ရက်စနစ်များ၊ လက်ရှိလေယာဉ်ထုတ်လုပ်နေမှု အခြေအနေများကို ရှင်းလင်းတင်ပြသည်။

ယင်းနောက် တပ်မတော်ကာကွယ်ရေးဦးစီးချုပ်နှင့် အဖွဲ့သည် လေယာဉ်အင်ဂျင်၊ ကိုယ်ထည်၊ တောင်ပံများ ပုံသွင်းတပ်ဆင် တည်ဆောက်နေမှုများအပါအဝင် လေယာဉ် ထုတ်လုပ်ပုံအဆင့်ဆင့်ကို လှည့်လည်ကြည့်ရှုသည်။

ထို့နောက် GROB Aircraft ကုမ္ပဏီမှ ထုတ်လုပ် သည့်G-120 TP နှင့်G-520 T လေယာဉ်များ၏ သရုပ်ပြပျံသန်းမှုများကို လှည့်လည်ကြည့်ရှုလေ့လာကြပြီးGROB Reconnaissance System နှင့်Flight Simulator Demonstration တို့ကို လှည့်လည်ကြည့်ရှုခဲ့ ကြသည်။

တပ်မတော်ကာကွယ်ရေးဦးစီးချုပ်နှင့်အဖွဲ့သည် ဧပြီ ၂၉ ရက် ညပိုင်းတွင် ဂျာမနီနိုင်ငံ ဖရန့်ဖတ်အပြည်ပြည် ဆိုင်ရာလေဆိပ်မှ ပြန်လည်ထွက်ခွာကြပြီး ယနေ့ ညနေ ၆ နာရီ ၄၅ မိနစ်တွင် ရန်ကုန်အပြည်ပြည်ဆိုင်ရာ လေဆိပ်သို့ ပြန်လည်ရောက်ရှိကြရာ ကာကွယ်ရေးဦးစီးချုပ် (ရေ) ဗိုလ်ချုပ်ကြီးတင်အောင်စန်း၊ ရန်ကုန်တိုင်းစစ်ဌာနချုပ်တိုင်းမှူး ဗိုလ်ချုပ်မျိုးဇော်သိန်းနှင့် တပ်မတော်အရာရှိ ကြီးများ၊ မြန်မာနိုင်ငံဆိုင်ရာ ဂျာမနီနိုင်ငံသံအမတ်ကြီးH.E.Mr. Christian-Ludwig Weber-Lortschနှင့် တာဝန်ရှိသူများက လေဆိပ်၌ ကြိုဆိုနှုတ်ဆက်ကြ သည်။

(သတင်းစဉ်)