ဘာသာပြန်စာပေစာတမ်းဖတ်ပွဲမှ စာတမ်းရှင်များ၏ အတွေးအမြင်များ

ဘာသာပြန်စာပေစာတမ်းဖတ်ပွဲနှင့် နွေရာသီစာအုပ်ဈေးရောင်းပွဲတော် ဒုတိယနေ့ကို ယနေ့နံနက် ၁ဝ နာရီတွင် ရန်ကုန်မြို့ သိမ်ဖြူလမ်းရှိ ပုံနှိပ်ရေးနှင့် ထုတ်ဝေရေးဦးစီးဌာန ဗဟိုပုံနှိပ်စက်ရုံ၌ ဆက်လက်ကျင်းပသည်။ အဆိုပါစာတမ်းဖတ်ပွဲတွင် ပါဝင်ဖတ်ကြားသူစာတမ်းရှင်များ၏ ဘာသာပြန်စာပေစာတမ်းဖတ်ပွဲ၊ ဘာသာပြန်စာပေနှင့်စပ်လျဉ်းသည့် အတွေးအမြင်များကို ကောက်နုတ်စုစည်းဖော်ပြအပ်ပါသည်-

ကလေးတွေအတွက် ဗဟုသုတရစေချင်တယ်
ဒေါ်ခင်ဖုဏ်းရည်(နတ်မောက်အနီချို)

''ကလေးစာပေ ဘာသာပြန်အတတ် ပညာ''စာတမ်းဖတ်ပါမယ်။ ကလေးစာပေ ဆိုပြီး ဘာသာပြန်တာတွေက များလာတယ်။ တချို့က စေတနာနဲ့ပြန်တယ်။ ဟိုတုန်းက ပညာရှင်တွေက ဘယ်လိုဘာသာပြန်သွားကြ တယ်ဆိုတာကို တင်ပြတာပါ။ စာတမ်းဖတ်ပွဲ ဆိုတာ ရှိသင့်တယ်။ ငယ်ငယ်တုန်းကဆို စာတမ်းဖတ်ပွဲတွေ အမျိုးမျိုးရှိခဲ့တယ်။ နောက်ပိုင်းမှာ ကန့်သတ်အရေအတွက်နဲ့ လုပ်ဖြစ်သွားတဲ့အတွက် လူထုနဲ့ဝေးနေတာ ကြာပါပြီ။ အခုအကုန်ဖွင့်ပေးလိုက်တော့ အားလုံးအတွက် အကျိုးရှိတဲ့ပွဲလို့ မြင်ပါတယ်။ မြန်မာ့ရိုးရာပုံပြင်တွေ၊ မြန်မာ့ရိုးရာကဗျာတွေ ဘာသာပြန်စာပေအသင်းက ထုတ်နိုင်ရင် ကလေးတွေအတွက်ပျံ့နှံ့မှုရှိပြီး အကောင်းဆုံး ဖြစ်မယ်လို့ထင်ပါတယ်။ ဒီလိုပွဲမျိုးကို မျှော်လင့်နေပါတယ်။ ကလေးတွေအတွက် လည်း အခွင့်အရေးတွေ ဗဟုသုတတွေ အများကြီးရစေချင်ပါတယ်။

စာတမ်းဖတ်ပွဲက အတိုင်းအတာတစ်ခုအထိ အထောက်အကူပြုမယ်
ဦးဝင်းထွန်း(မောင်ဝင့်သူ)

''ဘာသာပြန်မှု ဂရုပြုစရာအဖြာဖြာ''စာတမ်းဖတ်ပါမယ်။ အဲဒီထဲမှာ သတင်း ဘာသာပြန်တာလည်းပါတယ်။ နောက်ဆုံး အဆင့်ပါ။ ပထမအဆင့်ကတော့ ရသတစ်ခု ကို ဘာသာပြန်ခြင်းပေါ့။ တိုင်းပြည်က အခု ချိန်မှာ နိုင်ငံတကာနဲ့ ကူးလူးဆက်ဆံမှု အဘက်ဘက်ကပိုပြီးတော့ များလာတယ်။ နိုင်ငံတကာကလည်း အကူအညီတွေ ဝိုင်းပြီး ပေးကြပြီး လိုအပ်ချက်တွေ လုပ်နိုင်အောင် ရင်းနှီးမတည်ပေးဖို့ ဝိုင်းပြီးလာကြတယ်။ သူတို့နဲ့ကူးလူးဆက်ဆံတဲ့အခါ လုပ်ထုံး လုပ်နည်းတွေ နောက်ဆုံး စာချုပ်စာတမ်း ချုပ်မယ်ဆိုရင်တောင် ဗဟုသုတတွေ ရှိထားဖို့ လိုတယ်။ နိုင်ငံတကာနဲ့ အဆက်မပြတ် ဆက်ဆံလာတဲ့အခါ အင်္ဂလိပ်စာက အရေးကြီး လာတယ်။ ဘာသာပြန်ကဏ္ဍ အရေးပါလာ တယ်။ ဒီပွဲလုပ်ခြင်းအားဖြင့် ဘာသာပြန် လုပ်ငန်း ပိုမိုတိုးတက်လာတယ်။ ဒီနေ့လူငယ် က နောင်လူကြီးဖြစ်မယ်။ အတွေ့အကြုံ ရင့်ကျက်ပြီး အသိဥာဏ်ပြည့်ဝတဲ့ အရည် အချင်းပြည့်ဝတဲ့ လူကြီးတစ်ယောက်ဖြစ် လာအောင်၊ လူငယ်တွေ ကြိုးစားချင်စိတ် ပေါ်လာအောင် ဒီစာတမ်းဖတ်ပွဲက အတိုင်း အတာတစ်ခုထိ အထောက်အကူပြုမယ်လို့ ယူဆပါတယ်။ လူငယ်တွေ စာဖတ်စေချင် တယ်။ စာဖတ်ရင် အသိဥာဏ်လည်း ရင့်ကျက် လာပါတယ်။ စာများများဖတ်ပေး၊ ကိုယ်တိုင်က တွေးပြီး ရေးပေး၊ အင်္ဂလိပ်ကနေ မြန်မာပြန်ရင် အင်္ဂလိပ်စာမတတ်တဲ့ မြန်မ
ာတွေနားလည် တဲ့ မြန်မာစာမျိုးဖြစ်ရမယ်။ မြန်မာကနေ အင်္ဂလိပ်ပြန်ရင် မြန်မာစာမတတ်တဲ့ နိုင်ငံခြား သားတွေ နားလည်တဲ့ အင်္ဂလိပ်စာမျိုး ဖြစ်ရမယ်။ နှစ်ဘာသာလုံး ကျွမ်းကျင်အောင် လေ့လာမှတ်သားဖို့ လိုပါတယ်။

လူငယ်တွေ စာဖတ်စေချင်တယ်--တိုးတက်စေချင်တယ်
ဦးညိုထွန်း(မင်းတင်)

''အကူးအပြောင်းကာလနှင့် နိုင်ငံရေး ဘာသာပြန်စာပေ၏ အခန်းကဏ္ဍ'' စာတမ်း ဖတ်ပါမယ်။ နိုင်ငံရေးဘာသာပြန်စာပေက ခေတ်အဆက်ဆက် အားနည်းခဲ့ပါတယ်။ ၂ဝဝ၆-၂ဝဝ၇ ခုနှစ်လောက်ကစပြီး နိုင်ငံတကာရဲ့ စာပေတွေ မိတ်ဆက်ရေးလာကြ တယ်။ ၂ဝ၁ဝ-၂ဝ၁၂ ကြားကာလ တော်တော် လေးရေးလာနိုင်တယ်။ ဒီမိုကရေစီနိုင်ငံ အကြောင်းတွေ ရေးလာကြတယ်။ ဒီမိုကရေစီ နိုင်ငံတစ်ခု ဘယ်လိုကူးပြောင်းမလဲ အကူး အပြောင်းဘာသာရပ်ကို နိုင်ငံရေးသိပ္ပံနဲ့တွဲပြီး လေ့လာခဲ့တယ်။ စာအုပ်စာတမ်းတွေရှာပြီး ဖတ်ခဲ့ရတယ်။ နိုင်ငံသားတွေလည်း သိသင့် တယ်။ လူငယ်တွေ စာဖတ်စေချင်တယ်။ ကိုယ့်ရည်မှန်းချက် ကိုယ်ဘာဖြစ်ချင်လဲဆိုတာ ဆုံးဖြတ်ပြီး စာဖတ်ရင် ပိုလွယ်ကူတယ်။ စာအုပ်စာတမ်းနဲ့ပတ်သက်ပြီး နီးစပ်ရာစာပေ ပညာရှင်တွေ စာရေးဆရာတွေကို အကြံဥာဏ် တောင်းပါ။ စာတမ်းဖတ်ပွဲတွေလုပ်တာ အကောင်းဆုံးပါ။ ကိုယ့်နိုင်ငံကိုတိုးတက်စေချင်တယ်။ လူမှုစီးပွားကို တိုးတက်စေချင်တယ်။ စာတမ်းဖတ်ပွဲတွေ လုပ်ပေးရတဲ့အတွက် စာအုပ်တွေရောင်းရတယ်။ ဒီတစ်နှစ်အတွင်း စာအုပ်လမ်းလေးဖြစ်လာတယ်။ စာတမ်း ဖတ်ပွဲက တတိယအကြိမ်ဖြစ်လာတယ်။ နိုဘယ်လ်စာပေပွဲတော်ရှိခဲ့တယ်။ ကလေး စာပေတွေ မြို့တွေမှာ လုပ်နိုင်ခဲ့တယ်။ အဲဒီ အတွက် အဘက်ဘက်ကို လူတွေတိမ်းညွှတ် လာတယ်။ အမြင်
ကျယ်တဲ့ လူငယ်တွေက ထပ်ပြီးကူညီကြပါလို့ ပြောချင်ပါတယ်။

ဘာသာပြန်တာဟာ ဝတ်မှုန်ကူးတာပါ
ဦးမောင်မောင်စိန်(ဒီနိုဗို)

''ရသစာပေဘာသာပြန်ခြင်း(သို့မဟုတ်)ယဉ်ကျေးမှု ဝတ်မှုန်ကူးခြင်း''စာတမ်း ဖတ်ပါမယ်။ ဘာသာပြန်စာပေနဲ့ပတ်သက်ပြီး ဆရာကြီးတွေ ဆရာမကြီးတွေ ဆွေးနွေး လမ်းညွှန်ခဲ့ပါပြီ။ များသောအားဖြင့် ဘာသာ ပြန်တဲ့အခါမှာ ဘာသာစကားရှုထောင့်က မူရင်းကို သစ္စာရှိဖို့၊ ရသစာပေဘာသာပြန်ရင် ရသမြောက်ဖို့ စသဖြင့် ပြောဆိုဆွေးနွေး ရေးသားခဲ့ပြီးပါပြီ။ ဘာသာပြန်ဖူးတဲ့ အတွေ့အကြုံ နောက်ထပ်အမြင်တစ်ခုက ဘာသာပြန်တဲ့အခါမှာ ဘာသာစကား တစ်ခုတည်း ဘာသာပြန်တာမဟုတ်ပါဘူး။ မတူညီတဲ့ တခြားစာပေတစ်ခုကနေ ကျွန်တော်တို့စာပေကို ဘာသာပြန်တဲ့အခါမှာ ယဉ်ကျေးမှုတွေမတူဘူး၊ ယဉ်ကျေးမှုဆိုတာကိုးကွယ်ယုံကြည်မှုမတူဘူး၊ အတွေးအခေါ် မတူဘူး၊ သိမ်မွေ့တဲ့ သဘောထားတွေ မတူ ကြဘူး၊ မတူတာတွေကိုလုပ်ရတဲ့ အလုပ်က ဒီဘက်စာဖတ်ပရိသတ် နားလည်အောင် လုပ်ရမယ်။ ဘာသာပြန်စာပေ ထွန်းကားခြင်း အားဖြင့် ကွဲပြားခြားနားနေတဲ့ ကမ္ဘာအရပ်ရပ် က လူမျိုးတွေရယ်၊ ယဉ်ကျေးမှုတွေ၊ တန်ဖိုး ထားမှုတွေ၊ အတွေးအခေါ်တွေစသဖြင့် စုံစုံ လင်လင်သိရတယ်။ အဲဒီအတွက် ဘာသာပြန် တာပါ။ ဘာသာပြန်သူတစ်ယောက်ရဲ့ အလုပ် က ဘာသာစကားကိုပဲ ဘာသာပြန်တာ မဟုတ်ပါဘူး။ ယဉ်ကျေးမှုကိုလည်း ပေါင်းကူး ပေးတာပါ။ ဝတ်မှုန်ကူးပေးတာပါ။ အဲဒီ ရည်ရွယ်ချက်နဲ့ ဘာသာပြန်ရတာပါ။

သဘာဝသယံဇာတကြွယ်ဝမှုကို တန်ဖိုးထားသင့်တယ်
ဦးခင်မောင်မြင့်(ပန်းတနော်ခင်မောင်မြင့်)

''မြန်မာနိုင်ငံ၏ သဘာဝသယံဇာတ တွင်းထွက်ဓာတ်သတ္တုသိုက်များအကြောင်း ဘာသာပြန်ထုတ်ဝေခဲ့သော စာအုပ်စာတမ်း များ လေ့လာသုံးသပ်ခြင်း'' စာတမ်းကို ဖတ်မှာ ပါ။

မြန်မာနိုင်ငံရဲ့ သဘာဝသယံဇာတနဲ့ ပတ်သက်ပြီး ရေးသားထုတ်ဝေခဲ့တဲ့ စာတမ်း တွေက မြန်မာနိုင်ငံမှာအလွန်နည်းပါးခဲ့တယ်။ အဲဒီစာအုပ်စာတမ်းတွေက တိုင်းပြည်အတွက် တကယ်လိုအပ်ပြီး နိုင်ငံမှာရှိတဲ့ ပြည်သူ ပြည်သားတွေ အားလုံးသိရှိဖို့ လိုအပ်ပါတယ်။ မြန်မာနိုင်ငံမှာ သဘာဝသယံဇာတနဲ့ ပတ်သက်လို့ နိုင်ငံသူ နိုင်ငံသားတွေက ဗဟု သုတ အလွန်နည်းပါတယ်။ ဒါကိုရည်ရွယ်ပြီး စာအုပ်ထုတ်ဝေခဲ့ပါတယ်။ စာတမ်းတင်ရတာ ကလည်း ဒီရည်ရွယ်ချက်ကြောင့်ပါ။ ဒီသယံ ဇာတနဲ့ပတ်သက်ပြီး နောင် မြန်မာနိုင်ငံမှာ ဘယ်နေရာတွေမှာ ဘာတွေထွက်ရှိတယ်။ နိုင်ငံအတွက် ဘယ်လိုအကျိုးပြုတယ်။ နိုင်ငံရဲ့ ဝင်ငွေကဘယ်လိုဆောင်ရွက်နေတယ်ဆိုတာ သိရှိဖို့အတွက် ရည်ရွယ်ပြီးတော့ တင်ပြရခြင်းဖြစ်ပါတယ်။

ဒီစာတမ်းဖတ်ရခြင်းက လူငယ်တွေအတွက် ရည်ရွယ်ပြီး ဖတ်ရခြင်း ဖြစ်ပါတယ်။ အခုခေတ် လူငယ်တော်တော် များများက ဗဟုသုတအားနည်းပါတယ်။ အားနည်းချက်ကို ယူပြီး မြန်မာနိုင်ငံမှာ သဘာဝသယံဇာတ ဘယ်လောက် ကြွယ်ဝတယ်။ ဘယ်လောက်တန်ဖိုးထားသင့်တယ်ဆိုတဲ့ နိုင်ငံချစ်စိတ်၊ မျိုးချစ်စိတ်နဲ့ တိုင်းပြည်ချစ်စိတ်များ ပေါ်ပေါက်ပြီးတော့ နိုင်ငံအတွက် အကျိုးရှိမယ်ရည်ရွယ်ပြီး စာတမ်းဖတ်ရခြင်း ဖြစ်ပါတယ်။

စာတမ်းဖတ်ပွဲတွေလုပ်ခြင်းက ကောင်းပါတယ်။ ၁၉၈ဝ ကာလတုန်းက နိုင်ငံတော်မှာ သုတေသနစာတမ်း ဖတ်ပွဲတွေ အများကြီးရှိခဲ့ပါတယ်။ နောက်ပိုင်းမှာ ရပ်ဆိုင်း သွားခဲ့ပါတယ်။ အဲဒီတုန်းက သုတေသနစာတမ်းဖတ်ပွဲတွေ ရှိတယ်။ ထုတ်ဝေတဲ့ စာအုပ်တွေဖတ်ရတဲ့အတွက် များစွာ ဗဟုသုတရခဲ့တယ်။ စာတမ်းဖတ်ပွဲတွေ၊ သုတေသန ဆွေးနွေးပွဲတွေ အခုပြန်လုပ်တဲ့အတွက် တိုင်းပြည် အတွက်ရော၊ လူငယ်တွေအတွက်ပါ များစွာတန်ဖိုးရှိတဲ့ စာတမ်းဖတ်ပွဲဖြစ်ကြောင်းပြောကြားလိုပါတယ်။

တွေ့ဆုံမေးမြန်း - ရီရီမြင့်၊ ဥမ္မာသန့်
ဓာတ်ပုံ - ရဲထွဋ်