ဝါရှင်တန် ဧပြီ ၂၉
ဧပြီ ၃ဝ ရက်သည် သမ္မတရာထူးတာဝန်များ စတင် ထမ်းရွက်သည့် ရက် ၁ဝဝ ပြည့်သည့်နေ့ဖြစ်ကြောင်းနှင့် သုံးလကျော်ကာလအတွင်း လုပ်ဆောင်ခဲ့သည့် လုပ်ဆောင်ချက်များကို အားရဝမ်းသာမှုရှိပါကြောင်း အမေရိကန် သမ္မတ ဒေါ်နယ်လ်ထရန့်က မီဒီယာများကို ယနေ့ပြောကြားခဲ့သည်။
ရက် ၁ဝဝ အတွင်း ၎င်းဦးဆောင်သည့် အစိုးရအဖွဲ့၏ လုပ်နိုင်စွမ်းပကားများကို မည်သည့်အစိုးရလက်ထက်တွင်မျှ လုပ်ဆောင်ခဲ့သည်ကိုမတွေရှိသေးကြောင်း သမ္မတထရန့်က ၎င်း၏ထင်မြင်ချက်ကို မီဒီယာများကို ပြောကြားခဲ့သည်။
သို့သော် သမ္မတထရန့်သည် ¤င်းမဲဆွယ်စည်းရုံးရေး ကာလအတွင်းက ကတိပြုခဲ့သည့် ကိစ္စရပ်များအနက် တစ်ခုကိုသာ အောင်မြင်စွာလုပ်ဆောင်နိုင်သေးသည်။ ပစိဖိတ်ဖြတ်ကျော်မဟာမိတ် လွတ်လပ်စွာကုန်သွယ်မှု သဘောတူစာချုပ်မှ အမေရိကန်နိုင်ငံကို ပြန်လည်ဆွဲထုတ်နိုင်ခဲ့သည်။
သို့သော် အကြမ်းဖက်မှုနှိမ်နင်းရေးအစီအစဉ်တစ်ရပ်အဖြစ် အမေရိကန်နိုင်ငံအတွင်းသို့ အရှေ့အလယ်ပိုင်းနှင့် အခြားသောနိုင်ငံများမှ စစ်ဘေးရှောင်ပြည်သူများဝင်ရောက်လာမှုကို ပိတ်ပင်ရန် သူ၏ကြိုးပမ်းချက်ကို တရားရုံးများက ပိတ်ပင်တားဆီးခဲ့သည်။
မက္ကဆီကိုနိုင်ငံနှင့် နယ်နိမိတ်ချင်းထိစပ်နေသည့် နယ်စပ်ဒေသတစ်လျှောက် အုတ်တံတိုင်းကာရံရေး သမ္မတထရန့်၏အစီအစဉ်သည် ငွေကြေးစိုက်ထုတ်မှုပြသနာများကြောင့် ကြန့်ကြာလျက်ရှိသည်။
ထို့ပြင် အိုဘားမားကျန်းမာရေးစောင့်ရှောက်မှု စင်တာကို ဖျက်သိမ်းရန် သမ္မတထရန့်၏ကြိုးပမ်းမှုသည် အရာမရောက်ခဲ့ပေ။ ယခုအချိန်တွင် ကျန်းမာရေး စောင့်ရှောက်မှုဥပဒေကြမ်းတစ်ရပ်ကိုပြဋ္ဌာန်းရန် ကွန်ဂရက်တွင် ဆွေးနွေးလျက်ရှိသည်။
နိုင်ငံတကာသံတမန်ဆက်ဆံရေးနှင့် ပတ်သက်ပြီး သမ္မတထရန့်၏ အစိုးရအဖွဲ့သည် မြောက်ကိုရီးယား၏ ရန်စမှုများကိုတုံ့ပြန်ရန် မဟာမိတ်နိုင်ငံများနှင့်ပူးပေါင်းကာ ကြိုးပမ်းလျက်ရှိသည်။
မကြာသေးမီက ဆီးရီးယားနိုင်ငံ၏ လေတပ်အခြေစိုက် စခန်းတစ်ခုသည် ဓာတုလက်နက်များ အသုံးပြုသည်ဆိုသည့်သံသယဖြင့် ယင်းအခြေစိုက်စခန်းကို သမ္မတထရန့် ဦးဆောင်အစိုးရအဖွဲ့က လေကြောင်းတိုက်ခိုက်မှုများ ပြုလုပ်ခဲ့သည်။
ရွေးကောက်ပွဲတွင် ရရှိခဲ့သော ဆန္ဒမဲရလဒ်များတွင် သမ္မတထရန့်အား ဆန္ဒမဲပေးသူဦးရေသည် ၄၂ ရာခိုင်နှုန်းသာရှိပြီး ယင်းအရေအတွက်သည် ဒုတိယကမ္ဘာစစ်ပြီးနောက် အမေရိကန်သမ္မတများ၏ ဆန္ဒမဲအရေအတွက် ရရှိမှုများအနက် အရေအတွက်အနည်းဆုံးဖြစ်သည်။
အင်န်အိတ်ခ်ျကေ။
No comments:
Post a Comment