ရန်ကုန် မတ် ၃ဝ
(၇၂)နှစ်မြောက်တပ်မတော်နေ့ကို ဂုဏ်ပြုသောအားဖြင့် အင်းဝဘဏ်လီမိတက် (၄၄) ခုမြောက်ဘဏ်ခွဲဖြစ်သော အင်းတိုင်(ဇရပ်ကွင်း)ဘဏ်ခွဲဖွင့်ပွဲကို ယမန်နေ့ နံနက် ၉ နာရီက ရန်ကုန်တိုင်းဒေသကြီး လှည်းကူးမြို့နယ် အင်းတိုင်(ဇရပ်ကွင်း)လမ်းဆုံရှိ အဆိုပါဘဏ်ခွဲရှေ့၌ ကျင်းပသည်။
အဆိုပါအခမ်းအနားကို အင်းတိုင်တပ်နယ်မှ တပ်မတော်အရာရှိကြီးများ၊ မြို့နယ်အဆင့်ဌာနဆိုင်ရာ တာဝန်ရှိသူများ၊ တိုင်းရင်းသားပြည်သူများ၊ အင်းဝဘဏ်လီမိတက် အုပ်ချုပ်မှုဒါရိုက်တာနှင့် ဘဏ်ဝန်ထမ်းများ တက်ရောက်ကြသည်။
ရှေးဦးစွာ အင်းဝဘဏ်လီမိတက် အင်းတိုင်(ဇရပ်ကွင်း)ဘဏ်ခွဲကို အင်းတိုင်တပ်နယ်မှ တာဝန်ရှိသူများနှင့်အုပ်ချုပ်မှုဒါရိုက်တာ ဦးအောင်ငွေဦးတို့က ဖဲကြိုးဖြတ်ဖွင့်လှစ်ပေးသည်။ ဆက်လက်၍ အင်းတိုင်တပ်နယ်မှ ဗိုလ်မှူးချုပ်ခင်မောင်ဦးက အင်းဝဘဏ်လီမိတက်ဆိုင်းဘုတ်ကို စက်ခလုတ်နှိပ်၍ ဖွင့်လှစ်ပေးကာ တာဝန်ရှိသူများနှင့်အတူ ဘဏ်ခွဲဆိုင်းဘုတ်နှင့်ကောင်တာတို့ကို အမွှေးနံ့သာရည်များ ပက်ဖျန်းပေးသည်။
ထို့နောက် ဘဏ်ဝန်ထမ်းများအား ရင်းရင်းနှီးနှီးလိုက်လံနှုတ်ဆက်ပြီး ဘဏ်ခွဲအတွင်း လှည့်လည်ကြည့်ရှုသည်။
ထို့အပြင် အင်းဝဘဏ်လီမိတက်နှင့် ချိတ်ဆက်ဆောင်ရွက်လျက်ရှိသော မြန်မာမိုဘိုင်းလ်ငွေကြေးဝန်ဆောင်မှုလုပ်ငန်း (Myanmar Mobile Money Services)ကလည်း မိုဘိုင်းလ်ဖုန်းနှင့်ဆောင်ရွက်နိုင်သော ဝန်ဆောင်မှုများကို ထိရောက်ကောင်းမွန်စွာ ဆောင်ရွက်ပေးမည်ဖြစ်ပြီး အငြိမ်းစားဝန်ထမ်းများအတွက် ပင်စင်လစာများကို မိုဘိုင်းလ်ဖုန်းမှတစ်ဆင့် ထုတ်ယူရရှိနိုင်ရန် ဆောင်ရွက်ပေးသွားမည်ဖြစ်ကြောင်း သိရသည်။
(သတင်းစဉ်)
No comments:
Post a Comment